Library / Tipiṭaka / ತಿಪಿಟಕ • Tipiṭaka / ಧಮ್ಮಸಙ್ಗಣೀಪಾಳಿ • Dhammasaṅgaṇīpāḷi

ರೂಪವಿಭತ್ತಿ

Rūpavibhatti

ಏಕಕನಿದ್ದೇಸೋ

Ekakaniddeso

೫೯೪. ಸಬ್ಬಂ ರೂಪಂ ನ ಹೇತುಮೇವ, ಅಹೇತುಕಮೇವ, ಹೇತುವಿಪ್ಪಯುತ್ತಮೇವ, ಸಪ್ಪಚ್ಚಯಮೇವ, ಸಙ್ಖತಮೇವ, ರೂಪಮೇವ, ಲೋಕಿಯಮೇವ, ಸಾಸವಮೇವ, ಸಂಯೋಜನಿಯಮೇವ, ಗನ್ಥನಿಯಮೇವ, ಓಘನಿಯಮೇವ, ಯೋಗನಿಯಮೇವ, ನೀವರಣಿಯಮೇವ, ಪರಾಮಟ್ಠಮೇವ, ಉಪಾದಾನಿಯಮೇವ, ಸಂಕಿಲೇಸಿಕಮೇವ, ಅಬ್ಯಾಕತಮೇವ, ಅನಾರಮ್ಮಣಮೇವ, ಅಚೇತಸಿಕಮೇವ, ಚಿತ್ತವಿಪ್ಪಯುತ್ತಮೇವ, ನೇವವಿಪಾಕನವಿಪಾಕಧಮ್ಮಧಮ್ಮಮೇವ, ಅಸಂಕಿಲಿಟ್ಠಸಂಕಿಲೇಸಿಕಮೇವ, ನ ಸವಿತಕ್ಕಸವಿಚಾರಮೇವ, ನ ಅವಿತಕ್ಕವಿಚಾರಮತ್ತಮೇವ, ಅವಿತಕ್ಕಅವಿಚಾರಮೇವ , ನ ಪೀತಿಸಹಗತಮೇವ, ನ ಸುಖಸಹಗತಮೇವ, ನ ಉಪೇಕ್ಖಾಸಹಗತಮೇವ, ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಮೇವ, ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕಮೇವ, ನೇವ ಆಚಯಗಾಮಿ ನ ಅಪಚಯಗಾಮಿಮೇವ, ನೇವಸೇಕ್ಖನಾಸೇಕ್ಖಮೇವ, ಪರಿತ್ತಮೇವ, ಕಾಮಾವಚರಮೇವ, ನ ರೂಪಾವಚರಮೇವ, ನ ಅರೂಪಾವಚರಮೇವ, ಪರಿಯಾಪನ್ನಮೇವ, ನೋ ಅಪರಿಯಾಪನ್ನಮೇವ, ಅನಿಯತಮೇವ, ಅನಿಯ್ಯಾನಿಕಮೇವ, ಉಪ್ಪನ್ನಂ ಛಹಿ ವಿಞ್ಞಾಣೇಹಿ ವಿಞ್ಞೇಯ್ಯಮೇವ, ಅನಿಚ್ಚಮೇವ, ಜರಾಭಿಭೂತಮೇವ।

594. Sabbaṃ rūpaṃ na hetumeva, ahetukameva, hetuvippayuttameva, sappaccayameva, saṅkhatameva, rūpameva, lokiyameva, sāsavameva, saṃyojaniyameva, ganthaniyameva, oghaniyameva, yoganiyameva, nīvaraṇiyameva, parāmaṭṭhameva, upādāniyameva, saṃkilesikameva, abyākatameva, anārammaṇameva, acetasikameva, cittavippayuttameva, nevavipākanavipākadhammadhammameva, asaṃkiliṭṭhasaṃkilesikameva, na savitakkasavicārameva, na avitakkavicāramattameva, avitakkaavicārameva , na pītisahagatameva, na sukhasahagatameva, na upekkhāsahagatameva, neva dassanena na bhāvanāya pahātabbameva, neva dassanena na bhāvanāya pahātabbahetukameva, neva ācayagāmi na apacayagāmimeva, nevasekkhanāsekkhameva, parittameva, kāmāvacarameva, na rūpāvacarameva, na arūpāvacarameva, pariyāpannameva, no apariyāpannameva, aniyatameva, aniyyānikameva, uppannaṃ chahi viññāṇehi viññeyyameva, aniccameva, jarābhibhūtameva.

ಏವಂ ಏಕವಿಧೇನ ರೂಪಸಙ್ಗಹೋ।

Evaṃ ekavidhena rūpasaṅgaho.

ಏಕಕನಿದ್ದೇಸೋ।

Ekakaniddeso.

ದುಕನಿದ್ದೇಸೋ

Dukaniddeso

ಉಪಾದಾಭಾಜನೀಯಂ

Upādābhājanīyaṃ

೫೯೫. ಕತಮಂ ತಂ ರೂಪಂ ಉಪಾದಾ? ಚಕ್ಖಾಯತನಂ, ಸೋತಾಯತನಂ, ಘಾನಾಯತನಂ, ಜಿವ್ಹಾಯತನಂ, ಕಾಯಾಯತನಂ, ರೂಪಾಯತನಂ, ಸದ್ದಾಯತನಂ, ಗನ್ಧಾಯತನಂ, ರಸಾಯತನಂ, ಇತ್ಥಿನ್ದ್ರಿಯಂ, ಪುರಿಸಿನ್ದ್ರಿಯಂ, ಜೀವಿತಿನ್ದ್ರಿಯಂ, ಕಾಯವಿಞ್ಞತ್ತಿ, ವಚೀವಿಞ್ಞತ್ತಿ, ಆಕಾಸಧಾತು, ರೂಪಸ್ಸ ಲಹುತಾ, ರೂಪಸ್ಸ ಮುದುತಾ, ರೂಪಸ್ಸ ಕಮ್ಮಞ್ಞತಾ, ರೂಪಸ್ಸ ಉಪಚಯೋ, ರೂಪಸ್ಸ ಸನ್ತತಿ, ರೂಪಸ್ಸ ಜರತಾ, ರೂಪಸ್ಸ ಅನಿಚ್ಚತಾ, ಕಬಳೀಕಾರೋ ಆಹಾರೋ।

595. Katamaṃ taṃ rūpaṃ upādā? Cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, rūpāyatanaṃ, saddāyatanaṃ, gandhāyatanaṃ, rasāyatanaṃ, itthindriyaṃ, purisindriyaṃ, jīvitindriyaṃ, kāyaviññatti, vacīviññatti, ākāsadhātu, rūpassa lahutā, rūpassa mudutā, rūpassa kammaññatā, rūpassa upacayo, rūpassa santati, rūpassa jaratā, rūpassa aniccatā, kabaḷīkāro āhāro.

೫೯೬. ಕತಮಂ ತಂ ರೂಪಂ ಚಕ್ಖಾಯತನಂ? ಯಂ ಚಕ್ಖು ¹ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯೇನ ಚಕ್ಖುನಾ ಅನಿದಸ್ಸನೇನ ಸಪ್ಪಟಿಘೇನ ರೂಪಂ ಸನಿದಸ್ಸನಂ ಸಪ್ಪಟಿಘಂ ಪಸ್ಸಿ ವಾ ಪಸ್ಸತಿ ವಾ ಪಸ್ಸಿಸ್ಸತಿ ವಾ ಪಸ್ಸೇ ವಾ, ಚಕ್ಖುಂ ಪೇತಂ ಚಕ್ಖಾಯತನಂ ಪೇತಂ ಚಕ್ಖುಧಾತು ಪೇಸಾ ಚಕ್ಖುನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ನೇತ್ತಂ ಪೇತಂ ನಯನಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋಪೇಸೋ – ಇದಂ ತಂ ರೂಪಂ ಚಕ್ಖಾಯತನಂ।

596. Katamaṃ taṃ rūpaṃ cakkhāyatanaṃ? Yaṃ cakkhu ² catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena cakkhunā anidassanena sappaṭighena rūpaṃ sanidassanaṃ sappaṭighaṃ passi vā passati vā passissati vā passe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmopeso – idaṃ taṃ rūpaṃ cakkhāyatanaṃ.

೫೯೭. ಕತಮಂ ತಂ ರೂಪಂ ಚಕ್ಖಾಯತನಂ? ಯಂ ಚಕ್ಖು ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಮ್ಹಿ ಚಕ್ಖುಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ರೂಪಂ ಸನಿದಸ್ಸನಂ ಸಪ್ಪಟಿಘಂ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಚಕ್ಖುಂ ಪೇತಂ ಚಕ್ಖಾಯತನಂ ಪೇತಂ ಚಕ್ಖುಧಾತು ಪೇಸಾ ಚಕ್ಖುನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ನೇತ್ತಂ ಪೇತಂ ನಯನಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಚಕ್ಖಾಯತನಂ।

597. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi cakkhumhi anidassanamhi sappaṭighamhi rūpaṃ sanidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

೫೯೮. ಕತಮಂ ತಂ ರೂಪಂ ಚಕ್ಖಾಯತನಂ? ಯಂ ಚಕ್ಖು ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಂ ಚಕ್ಖು ಅನಿದಸ್ಸನಂ ಸಪ್ಪಟಿಘಂ ರೂಪಮ್ಹಿ ಸನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಚಕ್ಖುಂ ಪೇತಂ ಚಕ್ಖಾಯತನಂ ಪೇತಂ ಚಕ್ಖುಧಾತು ಪೇಸಾ ಚಕ್ಖುನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ನೇತ್ತಂ ಪೇತಂ ನಯನಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಚಕ್ಖಾಯತನಂ।

598. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ cakkhu anidassanaṃ sappaṭighaṃ rūpamhi sanidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

೫೯೯. ಕತಮಂ ತಂ ರೂಪಂ ಚಕ್ಖಾಯತನಂ? ಯಂ ಚಕ್ಖು ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಂ ಚಕ್ಖುಂ ನಿಸ್ಸಾಯ ರೂಪಂ ಆರಬ್ಭ ಚಕ್ಖುಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಚಕ್ಖುಂ ನಿಸ್ಸಾಯ ರೂಪಂ ಆರಬ್ಭ ಚಕ್ಖುಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಚಕ್ಖುವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಚಕ್ಖುಂ ನಿಸ್ಸಾಯ ರೂಪಾರಮ್ಮಣೋ ಚಕ್ಖುಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಚಕ್ಖುಂ ನಿಸ್ಸಾಯ ರೂಪಾರಮ್ಮಣಾ ಚಕ್ಖುಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಚಕ್ಖುವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ, ಚಕ್ಖುಂ ಪೇತಂ ಚಕ್ಖಾಯತನಂ ಪೇತಂ ಚಕ್ಖುಧಾತು ಪೇಸಾ ಚಕ್ಖುನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ನೇತ್ತಂ ಪೇತಂ ನಯನಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಚಕ್ಖಾಯತನಂ।

599. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ cakkhuṃ nissāya rūpaṃ ārabbha cakkhusamphasso uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpaṃ ārabbha cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpārammaṇo cakkhusamphasso uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpārammaṇā cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

೬೦೦. ಕತಮಂ ತಂ ರೂಪಂ ಸೋತಾಯತನಂ? ಯಂ ಸೋತಂ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯೇನ ಸೋತೇನ ಅನಿದಸ್ಸನೇನ ಸಪ್ಪಟಿಘೇನ ಸದ್ದಂ ಅನಿದಸ್ಸನಂ ಸಪ್ಪಟಿಘಂ ಸುಣಿ ವಾ ಸುಣಾತಿ ವಾ ಸುಣಿಸ್ಸತಿ ವಾ ಸುಣೇ ವಾ, ಸೋತಂ ಪೇತಂ ಸೋತಾಯತನಂ ಪೇತಂ ಸೋತಧಾತು ಪೇಸಾ ಸೋತಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಸೋತಾಯತನಂ।

600. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena sotena anidassanena sappaṭighena saddaṃ anidassanaṃ sappaṭighaṃ suṇi vā suṇāti vā suṇissati vā suṇe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

೬೦೧. ಕತಮಂ ತಂ ರೂಪಂ ಸೋತಾಯತನಂ? ಯಂ ಸೋತಂ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಮ್ಹಿ ಸೋತಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಸದ್ದೋ ಅನಿದಸ್ಸನೋ ಸಪ್ಪಟಿಘೋ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಸೋತಂ ಪೇತಂ ಸೋತಾಯತನಂ ಪೇತಂ ಸೋತಧಾತು ಪೇಸಾ ಸೋತಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಸೋತಾಯತನಂ।

601. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi sotamhi anidassanamhi sappaṭighamhi saddo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

೬೦೨. ಕತಮಂ ತಂ ರೂಪಂ ಸೋತಾಯತನಂ? ಯಂ ಸೋತಂ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಂ ಸೋತಂ ಅನಿದಸ್ಸನಂ ಸಪ್ಪಟಿಘಂ ಸದ್ದಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಸೋತಂ ಪೇತಂ ಸೋತಾಯತನಂ ಪೇತಂ ಸೋತಧಾತು ಪೇಸಾ ಸೋತಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಸೋತಾಯತನಂ।

602. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ sotaṃ anidassanaṃ sappaṭighaṃ saddamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

೬೦೩. ಕತಮಂ ತಂ ರೂಪಂ ಸೋತಾಯತನಂ? ಯಂ ಸೋತಂ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಂ ಸೋತಂ ನಿಸ್ಸಾಯ ಸದ್ದಂ ಆರಬ್ಭ ಸೋತಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಸೋತಂ ನಿಸ್ಸಾಯ ಸದ್ದಂ ಆರಬ್ಭ ಸೋತಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಸೋತವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಸೋತಂ ನಿಸ್ಸಾಯ ಸದ್ದಾರಮ್ಮಣೋ ಸೋತಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಸೋತಂ ನಿಸ್ಸಾಯ ಸದ್ದಾರಮ್ಮಣಾ ಸೋತಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಸೋತವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ, ಸೋತಂ ಪೇತಂ ಸೋತಾಯತನಂ ಪೇತಂ ಸೋತಧಾತು ಪೇಸಾ ಸೋತಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಸೋತಾಯತನಂ।

603. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ sotaṃ nissāya saddaṃ ārabbha sotasamphasso uppajji vā uppajjati vā uppajjissati vā uppajje vā…pe… yaṃ sotaṃ nissāya saddaṃ ārabbha sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā…pe… yaṃ sotaṃ nissāya saddārammaṇo sotasamphasso uppajji vā uppajjati vā uppajjissati vā uppajje vā…pe… yaṃ sotaṃ nissāya saddārammaṇā sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

೬೦೪. ಕತಮಂ ತಂ ರೂಪಂ ಘಾನಾಯತನಂ? ಯಂ ಘಾನಂ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯೇನ ಘಾನೇನ ಅನಿದಸ್ಸನೇನ ಸಪ್ಪಟಿಘೇನ ಗನ್ಧಂ ಅನಿದಸ್ಸನಂ ಸಪ್ಪಟಿಘಂ ಘಾಯಿ ವಾ ಘಾಯತಿ ವಾ ಘಾಯಿಸ್ಸತಿ ವಾ ಘಾಯೇ ವಾ, ಘಾನಂ ಪೇತಂ ಘಾನಾಯತನಂ ಪೇತಂ ಘಾನಧಾತು ಪೇಸಾ ಘಾನಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಘಾನಾಯತನಂ।

604. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena ghānena anidassanena sappaṭighena gandhaṃ anidassanaṃ sappaṭighaṃ ghāyi vā ghāyati vā ghāyissati vā ghāye vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

೬೦೫. ಕತಮಂ ತಂ ರೂಪಂ ಘಾನಾಯತನಂ? ಯಂ ಘಾನಂ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಮ್ಹಿ ಘಾನಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಗನ್ಧೋ ಅನಿದಸ್ಸನೋ ಸಪ್ಪಟಿಘೋ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಘಾನಂ ಪೇತಂ ಘಾನಾಯತನಂ ಪೇತಂ ಘಾನಧಾತು ಪೇಸಾ ಘಾನಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಘಾನಾಯತನಂ।

605. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi ghānamhi anidassanamhi sappaṭighamhi gandho anidassano sappaṭigho paṭihaññi vā paṭihaññati vā paṭihaññissati vā paṭihaññe vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

೬೦೬. ಕತಮಂ ತಂ ರೂಪಂ ಘಾನಾಯತನಂ? ಯಂ ಘಾನಂ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಂ ಘಾನಂ ಅನಿದಸ್ಸನಂ ಸಪ್ಪಟಿಘಂ ಗನ್ಧಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಘಾನಂ ಪೇತಂ ಘಾನಾಯತನಂ ಪೇತಂ ಘಾನಧಾತು ಪೇಸಾ ಘಾನಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋಪೇಸೋ – ಇದಂ ತಂ ರೂಪಂ ಘಾನಾಯತನಂ।

606. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ ghānaṃ anidassanaṃ sappaṭighaṃ gandhamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmopeso – idaṃ taṃ rūpaṃ ghānāyatanaṃ.

೬೦೭. ಕತಮಂ ತಂ ರೂಪಂ ಘಾನಾಯತನಂ? ಯಂ ಘಾನಂ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಂ ಘಾನಂ ನಿಸ್ಸಾಯ ಗನ್ಧಂ ಆರಬ್ಭ ಘಾನಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಘಾನಂ ನಿಸ್ಸಾಯ ಗನ್ಧಂ ಆರಬ್ಭ ಘಾನಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಘಾನವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಘಾನಂ ನಿಸ್ಸಾಯ ಗನ್ಧಾರಮ್ಮಣೋ ಘಾನಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಘಾನಂ ನಿಸ್ಸಾಯ ಗನ್ಧಾರಮ್ಮಣಾ ಘಾನಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಘಾನವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ, ಘಾನಂ ಪೇತಂ ಘಾನಾಯತನಂ ಪೇತಂ ಘಾನಧಾತು ಪೇಸಾ ಘಾನಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಘಾನಾಯತನಂ।

607. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ ghānaṃ nissāya gandhaṃ ārabbha ghānasamphasso uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhaṃ ārabbha ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhārammaṇo ghānasamphasso uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhārammaṇā ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

೬೦೮. ಕತಮಂ ತಂ ರೂಪಂ ಜಿವ್ಹಾಯತನಂ? ಯಾ ಜಿವ್ಹಾ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಾಯ ಜಿವ್ಹಾಯ ಅನಿದಸ್ಸನಾಯ ಸಪ್ಪಟಿಘಾಯ ರಸಂ ಅನಿದಸ್ಸನಂ ಸಪ್ಪಟಿಘಂ ಸಾಯಿ ವಾ ಸಾಯತಿ ವಾ ಸಾಯಿಸ್ಸತಿ ವಾ ಸಾಯೇ ವಾ, ಜಿವ್ಹಾ ಪೇಸಾ ಜಿವ್ಹಾಯತನಂ ಪೇತಂ ಜಿವ್ಹಾಧಾತು ಪೇಸಾ ಜಿವ್ಹಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಜಿವ್ಹಾಯತನಂ।

608. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yāya jivhāya anidassanāya sappaṭighāya rasaṃ anidassanaṃ sappaṭighaṃ sāyi vā sāyati vā sāyissati vā sāye vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

೬೦೯. ಕತಮಂ ತಂ ರೂಪಂ ಜಿವ್ಹಾಯತನಂ? ಯಾ ಜಿವ್ಹಾ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಾಯ ಜಿವ್ಹಾಯ ಅನಿದಸ್ಸನಾಯ ಸಪ್ಪಟಿಘಾಯ ರಸೋ ಅನಿದಸ್ಸನೋ ಸಪ್ಪಟಿಘೋ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಜಿವ್ಹಾ ಪೇಸಾ ಜಿವ್ಹಾಯತನಂ ಪೇತಂ ಜಿವ್ಹಾಧಾತು ಪೇಸಾ ಜಿವ್ಹಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಜಿವ್ಹಾಯತನಂ।

609. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yāya jivhāya anidassanāya sappaṭighāya raso anidassano sappaṭigho paṭihaññi vā paṭihaññati vā paṭihaññissati vā paṭihaññe vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

೬೧೦. ಕತಮಂ ತಂ ರೂಪಂ ಜಿವ್ಹಾಯತನಂ? ಯಾ ಜಿವ್ಹಾ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಾ ಜಿವ್ಹಾ ಅನಿದಸ್ಸನಾ ಸಪ್ಪಟಿಘಾ ರಸಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಜಿವ್ಹಾ ಪೇಸಾ ಜಿವ್ಹಾಯತನಂ ಪೇತಂ ಜಿವ್ಹಾಧಾತು ಪೇಸಾ ಜಿವ್ಹಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಜಿವ್ಹಾಯತನಂ।

610. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yā jivhā anidassanā sappaṭighā rasamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

೬೧೧. ಕತಮಂ ತಂ ರೂಪಂ ಜಿವ್ಹಾಯತನಂ? ಯಾ ಜಿವ್ಹಾ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಂ ಜಿವ್ಹಂ ನಿಸ್ಸಾಯ ರಸಂ ಆರಬ್ಭ ಜಿವ್ಹಾಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಜಿವ್ಹಂ ನಿಸ್ಸಾಯ ರಸಂ ಆರಬ್ಭ ಜಿವ್ಹಾಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಜಿವ್ಹಾವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಜಿವ್ಹಂ ನಿಸ್ಸಾಯ ರಸಾರಮ್ಮಣೋ ಜಿವ್ಹಾಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಜಿವ್ಹಂ ನಿಸ್ಸಾಯ ರಸಾರಮ್ಮಣಾ ಜಿವ್ಹಾಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಜಿವ್ಹಾವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ, ಜಿವ್ಹಾ ಪೇಸಾ ಜಿವ್ಹಾಯತನಂ ಪೇತಂ ಜಿವ್ಹಾಧಾತು ಪೇಸಾ ಜಿವ್ಹಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಜಿವ್ಹಾಯತನಂ।

611. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ jivhaṃ nissāya rasaṃ ārabbha jivhāsamphasso uppajji vā uppajjati vā uppajjissati vā uppajje vā…pe… yaṃ jivhaṃ nissāya rasaṃ ārabbha jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā…pe… yaṃ jivhaṃ nissāya rasārammaṇo jivhāsamphasso uppajji vā uppajjati vā uppajjissati vā uppajje vā…pe… yaṃ jivhaṃ nissāya rasārammaṇā jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

೬೧೨. ಕತಮಂ ತಂ ರೂಪಂ ಕಾಯಾಯತನಂ? ಯೋ ಕಾಯೋ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯೇನ ಕಾಯೇನ ಅನಿದಸ್ಸನೇನ ಸಪ್ಪಟಿಘೇನ ಫೋಟ್ಠಬ್ಬಂ ಅನಿದಸ್ಸನಸಪ್ಪಟಿಘಂ ಫುಸಿ ವಾ ಫುಸತಿ ವಾ ಫುಸಿಸ್ಸತಿ ವಾ ಫುಸೇ ವಾ, ಕಾಯೋ ಪೇಸೋ ಕಾಯಾಯತನಂ ಪೇತಂ ಕಾಯಧಾತು ಪೇಸಾ ಕಾಯಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಕಾಯಾಯತನಂ।

612. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena kāyena anidassanena sappaṭighena phoṭṭhabbaṃ anidassanasappaṭighaṃ phusi vā phusati vā phusissati vā phuse vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

೬೧೩. ಕತಮಂ ತಂ ರೂಪಂ ಕಾಯಾಯತನಂ? ಯೋ ಕಾಯೋ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಮ್ಹಿ ಕಾಯಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಫೋಟ್ಠಬ್ಬೋ ಅನಿದಸ್ಸನೋ ಸಪ್ಪಟಿಘೋ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಕಾಯೋ ಪೇಸೋ ಕಾಯಾಯತನಂ ಪೇತಂ ಕಾಯಧಾತು ಪೇಸಾ ಕಾಯಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಕಾಯಾಯತನಂ।

613. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi kāyamhi anidassanamhi sappaṭighamhi phoṭṭhabbo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

೬೧೪. ಕತಮಂ ತಂ ರೂಪಂ ಕಾಯಾಯತನಂ? ಯೋ ಕಾಯೋ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯೋ ಕಾಯೋ ಅನಿದಸ್ಸನೋ ಸಪ್ಪಟಿಘೋ ಫೋಟ್ಠಬ್ಬಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಕಾಯೋ ಪೇಸೋ ಕಾಯಾಯತನಂ ಪೇತಂ ಕಾಯಧಾತು ಪೇಸಾ ಕಾಯಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಕಾಯಾಯತನಂ।

614. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yo kāyo anidassano sappaṭigho phoṭṭhabbamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

೬೧೫. ಕತಮಂ ತಂ ರೂಪಂ ಕಾಯಾಯತನಂ? ಯೋ ಕಾಯೋ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ ಅತ್ತಭಾವಪರಿಯಾಪನ್ನೋ ಅನಿದಸ್ಸನೋ ಸಪ್ಪಟಿಘೋ, ಯಂ ಕಾಯಂ ನಿಸ್ಸಾಯ ಫೋಟ್ಠಬ್ಬಂ ಆರಬ್ಭ ಕಾಯಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಕಾಯಂ ನಿಸ್ಸಾಯ ಫೋಟ್ಠಬ್ಬಂ ಆರಬ್ಭ ಕಾಯಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಕಾಯವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಕಾಯಂ ನಿಸ್ಸಾಯ ಫೋಟ್ಠಬ್ಬಾರಮ್ಮಣೋ ಕಾಯಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಕಾಯಂ ನಿಸ್ಸಾಯ ಫೋಟ್ಠಬ್ಬಾರಮ್ಮಣಾ ಕಾಯಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಕಾಯವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ, ಕಾಯೋ ಪೇಸೋ ಕಾಯಾಯತನಂ ಪೇತಂ ಕಾಯಧಾತು ಪೇಸಾ ಕಾಯಿನ್ದ್ರಿಯಂ ಪೇತಂ ಲೋಕೋ ಪೇಸೋ ದ್ವಾರಾ ಪೇಸಾ ಸಮುದ್ದೋ ಪೇಸೋ ಪಣ್ಡರಂ ಪೇತಂ ಖೇತ್ತಂ ಪೇತಂ ವತ್ಥುಂ ಪೇತಂ ಓರಿಮಂ ತೀರಂ ಪೇತಂ ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಕಾಯಾಯತನಂ।

615. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ kāyaṃ nissāya phoṭṭhabbaṃ ārabbha kāyasamphasso uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbaṃ ārabbha kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbārammaṇo kāyasamphasso uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbārammaṇā kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

೬೧೬. ಕತಮಂ ತಂ ರೂಪಂ ರೂಪಾಯತನಂ? ಯಂ ರೂಪಂ ಚತುನ್ನಂ ಮಹಾಭೂತಾನಂ ಉಪಾದಾಯ ವಣ್ಣನಿಭಾ ಸನಿದಸ್ಸನಂ ಸಪ್ಪಟಿಘಂ ನೀಲಂ ಪೀತಕಂ ಲೋಹಿತಕಂ ಓದಾತಂ ಕಾಳಕಂ ಮಞ್ಜಿಟ್ಠಕಂ ³ ಹರಿ ಹರಿವಣ್ಣಂ ಅಮ್ಬಙ್ಕುರವಣ್ಣಂ ದೀಘಂ ರಸ್ಸಂ ಅಣುಂ ಥೂಲಂ ವಟ್ಟಂ ಪರಿಮಣ್ಡಲಂ ಚತುರಂಸಂ ⁴ ಛಳಂಸಂ ಅಟ್ಠಂಸಂ ಸೋಳಸಂಸಂ ನಿನ್ನಂ ಥಲಂ ಛಾಯಾ ಆತಪೋ ಆಲೋಕೋ ಅನ್ಧಕಾರೋ ಅಬ್ಭಾ ಮಹಿಕಾ ಧೂಮೋ ರಜೋ ಚನ್ದಮಣ್ಡಲಸ್ಸ ವಣ್ಣನಿಭಾ ಸೂರಿಯಮಣ್ಡಲಸ್ಸ ⁵ ವಣ್ಣನಿಭಾ ತಾರಕರೂಪಾನಂ ವಣ್ಣನಿಭಾ ಆದಾಸಮಣ್ಡಲಸ್ಸ ವಣ್ಣನಿಭಾ ಮಣಿಸಙ್ಖಮುತ್ತಾವೇಳುರಿಯಸ್ಸ ವಣ್ಣನಿಭಾ ಜಾತರೂಪರಜತಸ್ಸ ವಣ್ಣನಿಭಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಚತುನ್ನಂ ಮಹಾಭೂತಾನಂ ಉಪಾದಾಯ ವಣ್ಣನಿಭಾ ಸನಿದಸ್ಸನಂ ಸಪ್ಪಟಿಘಂ, ಯಂ ರೂಪಂ ಸನಿದಸ್ಸನಂ ಸಪ್ಪಟಿಘಂ ಚಕ್ಖುನಾ ಅನಿದಸ್ಸನೇನ ಸಪ್ಪಟಿಘೇನ ಪಸ್ಸಿ ವಾ ಪಸ್ಸತಿ ವಾ ಪಸ್ಸಿಸ್ಸತಿ ವಾ ಪಸ್ಸೇ ವಾ, ರೂಪಂ ಪೇತಂ ರೂಪಾಯತನಂ ಪೇತಂ ರೂಪಧಾತು ಪೇಸಾ – ಇದಂ ತಂ ರೂಪಂ ರೂಪಾಯತನಂ।

616. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ ⁶ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ ⁷ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa ⁸ vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ sanidassanaṃ sappaṭighaṃ cakkhunā anidassanena sappaṭighena passi vā passati vā passissati vā passe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

೬೧೭. ಕತಮಂ ತಂ ರೂಪಂ ರೂಪಾಯತನಂ? ಯಂ ರೂಪಂ ಚತುನ್ನಂ ಮಹಾಭೂತಾನಂ ಉಪಾದಾಯ ವಣ್ಣನಿಭಾ ಸನಿದಸ್ಸನಂ ಸಪ್ಪಟಿಘಂ ನೀಲಂ ಪೀತಕಂ ಲೋಹಿತಕಂ ಓದಾತಂ ಕಾಳಕಂ ಮಞ್ಜಿಟ್ಠಕಂ ಹರಿ ಹರಿವಣ್ಣಂ ಅಮ್ಬಙ್ಕುರವಣ್ಣಂ ದೀಘಂ ರಸ್ಸಂ ಅಣುಂ ಥೂಲಂ ವಟ್ಟಂ ಪರಿಮಣ್ಡಲಂ ಚತುರಂಸಂ ಛಳಂಸಂ ಅಟ್ಠಂಸಂ ಸೋಳಸಂಸಂ ನಿನ್ನಂ ಥಲಂ ಛಾಯಾ ಆತಪೋ ಆಲೋಕೋ ಅನ್ಧಕಾರೋ ಅಬ್ಭಾ ಮಹಿಕಾ ಧೂಮೋ ರಜೋ ಚನ್ದಮಣ್ಡಲಸ್ಸ ವಣ್ಣನಿಭಾ ಸೂರಿಯಮಣ್ಡಲಸ್ಸ ವಣ್ಣನಿಭಾ ತಾರಕರೂಪಾನಂ ವಣ್ಣನಿಭಾ ಆದಾಸಮಣ್ಡಲಸ್ಸ ವಣ್ಣನಿಭಾ ಮಣಿಸಙ್ಖಮುತ್ತಾವೇಳುರಿಯಸ್ಸ ವಣ್ಣನಿಭಾ ಜಾತರೂಪರಜತಸ್ಸ ವಣ್ಣನಿಭಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಚತುನ್ನಂ ಮಹಾಭೂತಾನಂ ಉಪಾದಾಯ ವಣ್ಣನಿಭಾ ಸನಿದಸ್ಸನಂ ಸಪ್ಪಟಿಘಂ, ಯಮ್ಹಿ ರೂಪಮ್ಹಿ ಸನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಚಕ್ಖುಂ ಅನಿದಸ್ಸನಂ ಸಪ್ಪಟಿಘಂ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ರೂಪಂ ಪೇತಂ ರೂಪಾಯತನಂ ಪೇತಂ ರೂಪಧಾತು ಪೇಸಾ – ಇದಂ ತಂ ರೂಪಂ ರೂಪಾಯತನಂ।

617. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yamhi rūpamhi sanidassanamhi sappaṭighamhi cakkhuṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

೬೧೮. ಕತಮಂ ತಂ ರೂಪಂ ರೂಪಾಯತನಂ? ಯಂ ರೂಪಂ ಚತುನ್ನಂ ಮಹಾಭೂತಾನಂ ಉಪಾದಾಯ ವಣ್ಣನಿಭಾ ಸನಿದಸ್ಸನಂ ಸಪ್ಪಟಿಘಂ ನೀಲಂ ಪೀತಕಂ ಲೋಹಿತಕಂ ಓದಾತಂ ಕಾಳಕಂ ಮಞ್ಜಿಟ್ಠಕಂ ಹರಿ ಹರಿವಣ್ಣಂ ಅಮ್ಬಙ್ಕುರವಣ್ಣಂ ದೀಘಂ ರಸ್ಸಂ ಅಣುಂ ಥೂಲಂ ವಟ್ಟಂ ಪರಿಮಣ್ಡಲಂ ಚತುರಂಸಂ ಛಳಂಸಂ ಅಟ್ಠಂಸಂ ಸೋಳಸಂಸಂ ನಿನ್ನಂ ಥಲಂ ಛಾಯಾ ಆತಪೋ ಆಲೋಕೋ ಅನ್ಧಕಾರೋ ಅಬ್ಭಾ ಮಹಿಕಾ ಧೂಮೋ ರಜೋ ಚನ್ದಮಣ್ಡಲಸ್ಸ ವಣ್ಣನಿಭಾ ಸೂರಿಯಮಣ್ಡಲಸ್ಸ ವಣ್ಣನಿಭಾ ತಾರಕರೂಪಾನಂ ವಣ್ಣನಿಭಾ ಆದಾಸಮಣ್ಡಲಸ್ಸ ವಣ್ಣನಿಭಾ ಮಣಿಸಙ್ಖಮುತ್ತಾವೇಳುರಿಯಸ್ಸ ವಣ್ಣನಿಭಾ ಜಾತರೂಪರಜತಸ್ಸ ವಣ್ಣನಿಭಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಚತುನ್ನಂ ಮಹಾಭೂತಾನಂ ಉಪಾದಾಯ ವಣ್ಣನಿಭಾ ಸನಿದಸ್ಸನಂ ಸಪ್ಪಟಿಘಂ, ಯಂ ರೂಪಂ ಸನಿದಸ್ಸನಂ ಸಪ್ಪಟಿಘಂ ಚಕ್ಖುಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ರೂಪಂ ಪೇತಂ ರೂಪಾಯತನಂ ಪೇತಂ ರೂಪಧಾತು ಪೇಸಾ – ಇದಂ ತಂ ರೂಪಂ ರೂಪಾಯತನಂ।

618. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ sanidassanaṃ sappaṭighaṃ cakkhumhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

೬೧೯. ಕತಮಂ ತಂ ರೂಪಂ ರೂಪಾಯತನಂ? ಯಂ ರೂಪಂ ಚತುನ್ನಂ ಮಹಾಭೂತಾನಂ ಉಪಾದಾಯ ವಣ್ಣನಿಭಾ ಸನಿದಸ್ಸನಂ ಸಪ್ಪಟಿಘಂ ನೀಲಂ ಪೀತಕಂ ಲೋಹಿತಕಂ ಓದಾತಂ ಕಾಳಕಂ ಮಞ್ಜಿಟ್ಠಕಂ ಹರಿ ಹರಿವಣ್ಣಂ ಅಮ್ಬಙ್ಕುರವಣ್ಣಂ ದೀಘಂ ರಸ್ಸಂ ಅಣುಂ ಥೂಲಂ ವಟ್ಟಂ ಪರಿಮಣ್ಡಲಂ ಚತುರಂಸಂ ಛಳಂಸಂ ಅಟ್ಠಂಸಂ ಸೋಳಸಂಸಂ ನಿನ್ನಂ ಥಲಂ ಛಾಯಾ ಆತಪೋ ಆಲೋಕೋ ಅನ್ಧಕಾರೋ ಅಬ್ಭಾ ಮಹಿಕಾ ಧೂಮೋ ರಜೋ ಚನ್ದಮಣ್ಡಲಸ್ಸ ವಣ್ಣನಿಭಾ ಸೂರಿಯಮಣ್ಡಲಸ್ಸ ವಣ್ಣನಿಭಾ ತಾರಕರೂಪಾನಂ ವಣ್ಣನಿಭಾ ಆದಾಸಮಣ್ಡಲಸ್ಸ ವಣ್ಣನಿಭಾ ಮಣಿಸಙ್ಖಮುತ್ತಾವೇಳುರಿಯಸ್ಸ ವಣ್ಣನಿಭಾ ಜಾತರೂಪರಜತಸ್ಸ ವಣ್ಣನಿಭಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಚತುನ್ನಂ ಮಹಾಭೂತಾನಂ ಉಪಾದಾಯ ವಣ್ಣನಿಭಾ ಸನಿದಸ್ಸನಂ ಸಪ್ಪಟಿಘಂ, ಯಂ ರೂಪಂ ಆರಬ್ಭ ಚಕ್ಖುಂ ನಿಸ್ಸಾಯ ಚಕ್ಖುಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ರೂಪಂ ಆರಬ್ಭ ಚಕ್ಖುಂ ನಿಸ್ಸಾಯ ಚಕ್ಖುಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಚಕ್ಖುವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ರೂಪಾರಮ್ಮಣೋ ಚಕ್ಖುಂ ನಿಸ್ಸಾಯ ಚಕ್ಖುಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ರೂಪಾರಮ್ಮಣಾ ಚಕ್ಖುಂ ನಿಸ್ಸಾಯ ಚಕ್ಖುಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಚಕ್ಖುವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ, ರೂಪಂ ಪೇತಂ ರೂಪಾಯತನಂ ಪೇತಂ ರೂಪಧಾತು ಪೇಸಾ – ಇದಂ ತಂ ರೂಪಂ ರೂಪಾಯತನಂ।

619. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ ārabbha cakkhuṃ nissāya cakkhusamphasso uppajji vā uppajjati vā uppajjissati vā uppajje vā…pe… yaṃ rūpaṃ ārabbha cakkhuṃ nissāya cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā…pe… yaṃ rūpārammaṇo cakkhuṃ nissāya cakkhusamphasso uppajji vā uppajjati vā uppajjissati vā uppajje vā…pe… yaṃ rūpārammaṇā cakkhuṃ nissāya cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

೬೨೦. ಕತಮಂ ತಂ ರೂಪಂ ಸದ್ದಾಯತನಂ? ಯೋ ಸದ್ದೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಭೇರಿಸದ್ದೋ ಮುದಿಙ್ಗಸದ್ದೋ ಸಙ್ಖಸದ್ದೋ ಪಣವಸದ್ದೋ ಗೀತಸದ್ದೋ ವಾದಿತಸದ್ದೋ ಸಮ್ಮಸದ್ದೋ ಪಾಣಿಸದ್ದೋ ಸತ್ತಾನಂ ನಿಗ್ಘೋಸಸದ್ದೋ ಧಾತೂನಂ ಸನ್ನಿಘಾತಸದ್ದೋ ವಾತಸದ್ದೋ ಉದಕಸದ್ದೋ ಮನುಸ್ಸಸದ್ದೋ ಅಮನುಸ್ಸಸದ್ದೋ, ಯೋ ವಾ ಪನಞ್ಞೋಪಿ ಅತ್ಥಿ ಸದ್ದೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯಂ ಸದ್ದಂ ಅನಿದಸ್ಸನಂ ಸಪ್ಪಟಿಘಂ ಸೋತೇನ ಅನಿದಸ್ಸನೇನ ಸಪ್ಪಟಿಘೇನ ಸುಣಿ ವಾ ಸುಣಾತಿ ವಾ ಸುಣಿಸ್ಸತಿ ವಾ ಸುಣೇ ವಾ, ಸದ್ದೋ ಪೇಸೋ ಸದ್ದಾಯತನಂ ಪೇತಂ ಸದ್ದಧಾತು ಪೇಸಾ – ಇದಂ ತಂ ರೂಪಂ ಸದ್ದಾಯತನಂ।

620. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yaṃ saddaṃ anidassanaṃ sappaṭighaṃ sotena anidassanena sappaṭighena suṇi vā suṇāti vā suṇissati vā suṇe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

೬೨೧. ಕತಮಂ ತಂ ರೂಪಂ ಸದ್ದಾಯತನಂ? ಯೋ ಸದ್ದೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಭೇರಿಸದ್ದೋ ಮುದಿಙ್ಗಸದ್ದೋ ಸಙ್ಖಸದ್ದೋ ಪಣವಸದ್ದೋ ಗೀತಸದ್ದೋ ವಾದಿತಸದ್ದೋ ಸಮ್ಮಸದ್ದೋ ಪಾಣಿಸದ್ದೋ ಸತ್ತಾನಂ ನಿಗ್ಘೋಸಸದ್ದೋ ಧಾತೂನಂ ಸನ್ನಿಘಾತಸದ್ದೋ ವಾತಸದ್ದೋ ಉದಕಸದ್ದೋ ಮನುಸ್ಸಸದ್ದೋ ಅಮನುಸ್ಸಸದ್ದೋ, ಯೋ ವಾ ಪನಞ್ಞೋಪಿ ಅತ್ಥಿ ಸದ್ದೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯಮ್ಹಿ ಸದ್ದಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಸೋತಂ ಅನಿದಸ್ಸನಂ ಸಪ್ಪಟಿಘಂ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಸದ್ದೋ ಪೇಸೋ ಸದ್ದಾಯತನಂ ಪೇತಂ ಸದ್ದಧಾತು ಪೇಸಾ – ಇದಂ ತಂ ರೂಪಂ ಸದ್ದಾಯತನಂ।

621. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yamhi saddamhi anidassanamhi sappaṭighamhi sotaṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

೬೨೨. ಕತಮಂ ತಂ ರೂಪಂ ಸದ್ದಾಯತನಂ? ಯೋ ಸದ್ದೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಭೇರಿಸದ್ದೋ ಮುದಿಙ್ಗಸದ್ದೋ ಸಙ್ಖಸದ್ದೋ ಪಣವಸದ್ದೋ ಗೀತಸದ್ದೋ ವಾದಿತಸದ್ದೋ ಸಮ್ಮಸದ್ದೋ ಪಾಣಿಸದ್ದೋ ಸತ್ತಾನಂ ನಿಗ್ಘೋಸಸದ್ದೋ ಧಾತೂನಂ ಸನ್ನಿಘಾತಸದ್ದೋ ವಾತಸದ್ದೋ ಉದಕಸದ್ದೋ ಮನುಸ್ಸಸದ್ದೋ ಅಮನುಸ್ಸಸದ್ದೋ, ಯೋ ವಾ ಪನಞ್ಞೋಪಿ ಅತ್ಥಿ ಸದ್ದೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯೋ ಸದ್ದೋ ಅನಿದಸ್ಸನೋ ಸಪ್ಪಟಿಘೋ ಸೋತಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಸದ್ದೋ ಪೇಸೋ ಸದ್ದಾಯತನಂ ಪೇತಂ ಸದ್ದಧಾತು ಪೇಸಾ – ಇದಂ ತಂ ರೂಪಂ ಸದ್ದಾಯತನಂ।

622. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yo saddo anidassano sappaṭigho sotamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

೬೨೩. ಕತಮಂ ತಂ ರೂಪಂ ಸದ್ದಾಯತನಂ? ಯೋ ಸದ್ದೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಭೇರಿಸದ್ದೋ ಮುದಿಙ್ಗಸದ್ದೋ ಸಙ್ಖಸದ್ದೋ ಪಣವಸದ್ದೋ ಗೀತಸದ್ದೋ ವಾದಿತಸದ್ದೋ ಸಮ್ಮಸದ್ದೋ ಪಾಣಿಸದ್ದೋ ಸತ್ತಾನಂ ನಿಗ್ಘೋಸಸದ್ದೋ ಧಾತೂನಂ ಸನ್ನಿಘಾತಸದ್ದೋ ವಾತಸದ್ದೋ ಉದಕಸದ್ದೋ ಮನುಸ್ಸಸದ್ದೋ ಅಮನುಸ್ಸಸದ್ದೋ, ಯೋ ವಾ ಪನಞ್ಞೋಪಿ ಅತ್ಥಿ ಸದ್ದೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯಂ ಸದ್ದಂ ಆರಬ್ಭ ಸೋತಂ ನಿಸ್ಸಾಯ ಸೋತಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಸದ್ದಂ ಆರಬ್ಭ ಸೋತಂ ನಿಸ್ಸಾಯ ಸೋತಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಸೋತವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಸದ್ದಾರಮ್ಮಣೋ ಸೋತಂ ನಿಸ್ಸಾಯ ಸೋತಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಸದ್ದಾರಮ್ಮಣಾ ಸೋತಂ ನಿಸ್ಸಾಯ ಸೋತಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಸೋತವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ, ಸದ್ದೋ ಪೇಸೋ ಸದ್ದಾಯತನಂ ಪೇತಂ ಸದ್ದಧಾತು ಪೇಸಾ – ಇದಂ ತಂ ರೂಪಂ ಸದ್ದಾಯತನಂ।

623. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yaṃ saddaṃ ārabbha sotaṃ nissāya sotasamphasso uppajji vā uppajjati vā uppajjissati vā uppajje vā…pe… yaṃ saddaṃ ārabbha sotaṃ nissāya sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā…pe… yaṃ saddārammaṇo sotaṃ nissāya sotasamphasso uppajji vā uppajjati vā uppajjissati vā uppajje vā…pe… yaṃ saddārammaṇā sotaṃ nissāya sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

೬೨೪. ಕತಮಂ ತಂ ರೂಪಂ ಗನ್ಧಾಯತನಂ? ಯೋ ಗನ್ಧೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಮೂಲಗನ್ಧೋ ಸಾರಗನ್ಧೋ ತಚಗನ್ಧೋ ಪತ್ತಗನ್ಧೋ ಪುಪ್ಫಗನ್ಧೋ ಫಲಗನ್ಧೋ ಆಮಕಗನ್ಧೋ ವಿಸ್ಸಗನ್ಧೋ ಸುಗನ್ಧೋ ದುಗ್ಗನ್ಧೋ , ಯೋ ವಾ ಪನಞ್ಞೋಪಿ ಅತ್ಥಿ ಗನ್ಧೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯಂ ಗನ್ಧಂ ಅನಿದಸ್ಸನಂ ಸಪ್ಪಟಿಘಂ ಘಾನೇನ ಅನಿದಸ್ಸನೇನ ಸಪ್ಪಟಿಘೇನ ಘಾಯಿ ವಾ ಘಾಯತಿ ವಾ ಘಾಯಿಸ್ಸತಿ ವಾ ಘಾಯೇ ವಾ, ಗನ್ಧೋ ಪೇಸೋ ಗನ್ಧಾಯತನಂ ಪೇತಂ ಗನ್ಧಧಾತು ಪೇಸಾ – ಇದಂ ತಂ ರೂಪಂ ಗನ್ಧಾಯತನಂ।

624. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho , yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yaṃ gandhaṃ anidassanaṃ sappaṭighaṃ ghānena anidassanena sappaṭighena ghāyi vā ghāyati vā ghāyissati vā ghāye vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

೬೨೫. ಕತಮಂ ತಂ ರೂಪಂ ಗನ್ಧಾಯತನಂ? ಯೋ ಗನ್ಧೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಮೂಲಗನ್ಧೋ ಸಾರಗನ್ಧೋ ತಚಗನ್ಧೋ ಪತ್ತಗನ್ಧೋ ಪುಪ್ಫಗನ್ಧೋ ಫಲಗನ್ಧೋ ಆಮಕಗನ್ಧೋ ವಿಸ್ಸಗನ್ಧೋ ಸುಗನ್ಧೋ ದುಗ್ಗನ್ಧೋ, ಯೋ ವಾ ಪನಞ್ಞೋಪಿ ಅತ್ಥಿ ಗನ್ಧೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯಮ್ಹಿ ಗನ್ಧಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಘಾನಂ ಅನಿದಸ್ಸನಂ ಸಪ್ಪಟಿಘಂ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಗನ್ಧೋ ಪೇಸೋ ಗನ್ಧಾಯತನಂ ಪೇತಂ ಗನ್ಧಧಾತು ಪೇಸಾ – ಇದಂ ತಂ ರೂಪಂ ಗನ್ಧಾಯತನಂ।

625. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yamhi gandhamhi anidassanamhi sappaṭighamhi ghānaṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

೬೨೬. ಕತಮಂ ತಂ ರೂಪಂ ಗನ್ಧಾಯತನಂ? ಯೋ ಗನ್ಧೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಮೂಲಗನ್ಧೋ ಸಾರಗನ್ಧೋ ತಚಗನ್ಧೋ ಪತ್ತಗನ್ಧೋ ಪುಪ್ಫಗನ್ಧೋ ಫಲಗನ್ಧೋ ಆಮಕಗನ್ಧೋ ವಿಸ್ಸಗನ್ಧೋ ಸುಗನ್ಧೋ ದುಗ್ಗನ್ಧೋ, ಯೋ ವಾ ಪನಞ್ಞೋಪಿ ಅತ್ಥಿ ಗನ್ಧೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯೋ ಗನ್ಧೋ ಅನಿದಸ್ಸನೋ ಸಪ್ಪಟಿಘೋ ಘಾನಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಗನ್ಧೋ ಪೇಸೋ ಗನ್ಧಾಯತನಂ ಪೇತಂ ಗನ್ಧಧಾತು ಪೇಸಾ – ಇದಂ ತಂ ರೂಪಂ ಗನ್ಧಾಯತನಂ।

626. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yo gandho anidassano sappaṭigho ghānamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

೬೨೭. ಕತಮಂ ತಂ ರೂಪಂ ಗನ್ಧಾಯತನಂ? ಯೋ ಗನ್ಧೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಮೂಲಗನ್ಧೋ ಸಾರಗನ್ಧೋ ತಚಗನ್ಧೋ ಪತ್ತಗನ್ಧೋ ಪುಪ್ಫಗನ್ಧೋ ಫಲಗನ್ಧೋ ಆಮಕಗನ್ಧೋ ವಿಸ್ಸಗನ್ಧೋ ಸುಗನ್ಧೋ ದುಗ್ಗನ್ಧೋ, ಯೋ ವಾ ಪನಞ್ಞೋಪಿ ಅತ್ಥಿ ಗನ್ಧೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯಂ ಗನ್ಧಂ ಆರಬ್ಭ ಘಾನಂ ನಿಸ್ಸಾಯ ಘಾನಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಗನ್ಧಂ ಆರಬ್ಭ ಘಾನಂ ನಿಸ್ಸಾಯ ಘಾನಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಘಾನವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಗನ್ಧಾರಮ್ಮಣೋ ಘಾನಂ ನಿಸ್ಸಾಯ ಘಾನಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಗನ್ಧಾರಮ್ಮಣಾ ಘಾನಂ ನಿಸ್ಸಾಯ ಘಾನಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಘಾನವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ, ಗನ್ಧೋ ಪೇಸೋ ಗನ್ಧಾಯತನಂ ಪೇತಂ ಗನ್ಧಧಾತು ಪೇಸಾ – ಇದಂ ತಂ ರೂಪಂ ಗನ್ಧಾಯತನಂ।

627. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yaṃ gandhaṃ ārabbha ghānaṃ nissāya ghānasamphasso uppajji vā uppajjati vā uppajjissati vā uppajje vā…pe… yaṃ gandhaṃ ārabbha ghānaṃ nissāya ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā…pe… yaṃ gandhārammaṇo ghānaṃ nissāya ghānasamphasso uppajji vā uppajjati vā uppajjissati vā uppajje vā…pe… yaṃ gandhārammaṇā ghānaṃ nissāya ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

೬೨೮. ಕತಮಂ ತಂ ರೂಪಂ ರಸಾಯತನಂ? ಯೋ ರಸೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಮೂಲರಸೋ ಖನ್ಧರಸೋ ತಚರಸೋ ಪತ್ತರಸೋ ಪುಪ್ಫರಸೋ ಫಲರಸೋ ಅಮ್ಬಿಲಂ ಮಧುರಂ ತಿತ್ತಕಂ ಕಟುಕಂ ಲೋಣಿಕಂ ಖಾರಿಕಂ ಲಮ್ಬಿಲಂ ⁹ ಕಸಾವೋ ಸಾದು ಅಸಾದು, ಯೋ ವಾ ಪನಞ್ಞೋಪಿ ಅತ್ಥಿ ರಸೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯಂ ರಸಂ ಅನಿದಸ್ಸನಂ ಸಪ್ಪಟಿಘಂ ಜಿವ್ಹಾಯ ಅನಿದಸ್ಸನಾಯ ಸಪ್ಪಟಿಘಾಯ ಸಾಯಿ ವಾ ಸಾಯತಿ ವಾ ಸಾಯಿಸ್ಸತಿ ವಾ ಸಾಯೇ ವಾ, ರಸೋ ಪೇಸೋ ರಸಾಯತನಂ ಪೇತಂ ರಸಧಾತು ಪೇಸಾ – ಇದಂ ತಂ ರೂಪಂ ರಸಾಯತನಂ।

628. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ ¹⁰ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yaṃ rasaṃ anidassanaṃ sappaṭighaṃ jivhāya anidassanāya sappaṭighāya sāyi vā sāyati vā sāyissati vā sāye vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

೬೨೯. ಕತಮಂ ತಂ ರೂಪಂ ರಸಾಯತನಂ? ಯೋ ರಸೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಮೂಲರಸೋ ಖನ್ಧರಸೋ ತಚರಸೋ ಪತ್ತರಸೋ ಪುಪ್ಫರಸೋ ಫಲರಸೋ ಅಮ್ಬಿಲಂ ಮಧುರಂ ತಿತ್ತಕಂ ಕಟುಕಂ ಲೋಣಿಕಂ ಖಾರಿಕಂ ಲಮ್ಬಿಲಂ ಕಸಾವೋ ಸಾದು ಅಸಾದು, ಯೋ ವಾ ಪನಞ್ಞೋಪಿ ಅತ್ಥಿ ರಸೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯಮ್ಹಿ ರಸಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಜಿವ್ಹಾ ಅನಿದಸ್ಸನಾ ಸಪ್ಪಟಿಘಾ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ರಸೋ ಪೇಸೋ ರಸಾಯತನಂ ಪೇತಂ ರಸಧಾತು ಪೇಸಾ – ಇದಂ ತಂ ರೂಪಂ ರಸಾಯತನಂ।

629. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yamhi rasamhi anidassanamhi sappaṭighamhi jivhā anidassanā sappaṭighā paṭihaññi vā paṭihaññati vā paṭihaññissati vā paṭihaññe vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

೬೩೦. ಕತಮಂ ತಂ ರೂಪಂ ರಸಾಯತನಂ? ಯೋ ರಸೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಮೂಲರಸೋ ಖನ್ಧರಸೋ ತಚರಸೋ ಪತ್ತರಸೋ ಪುಪ್ಫರಸೋ ಫಲರಸೋ ಅಮ್ಬಿಲಂ ಮಧುರಂ ತಿತ್ತಕಂ ಕಟುಕಂ ಲೋಣಿಕಂ ಖಾರಿಕಂ ಲಮ್ಬಿಲಂ ಕಸಾವೋ ಸಾದು ಅಸಾದು, ಯೋ ವಾ ಪನಞ್ಞೋಪಿ ಅತ್ಥಿ ರಸೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯೋ ರಸೋ ಅನಿದಸ್ಸನೋ ಸಪ್ಪಟಿಘೋ ಜಿವ್ಹಾಯ ಅನಿದಸ್ಸನಾಯ ಸಪ್ಪಟಿಘಾಯ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ರಸೋ ಪೇಸೋ ರಸಾಯತನಂ ಪೇತಂ ರಸಧಾತು ಪೇಸಾ – ಇದಂ ತಂ ರೂಪಂ ರಸಾಯತನಂ।

630. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yo raso anidassano sappaṭigho jivhāya anidassanāya sappaṭighāya paṭihaññi vā paṭihaññati vā paṭihaññissati vā paṭihaññe vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

೬೩೧. ಕತಮಂ ತಂ ರೂಪಂ ರಸಾಯತನಂ? ಯೋ ರಸೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ ಮೂಲರಸೋ ಖನ್ಧರಸೋ ತಚರಸೋ ಪತ್ತರಸೋ ಪುಪ್ಫರಸೋ ಫಲರಸೋ ಅಮ್ಬಿಲಂ ಮಧುರಂ ತಿತ್ತಕಂ ಕಟುಕಂ ಲೋಣಿಕಂ ಖಾರಿಕಂ ಲಮ್ಬಿಲಂ ಕಸಾವೋ ಸಾದು ಅಸಾದು, ಯೋ ವಾ ಪನಞ್ಞೋಪಿ ಅತ್ಥಿ ರಸೋ ಚತುನ್ನಂ ಮಹಾಭೂತಾನಂ ಉಪಾದಾಯ ಅನಿದಸ್ಸನೋ ಸಪ್ಪಟಿಘೋ, ಯಂ ರಸಂ ಆರಬ್ಭ ಜಿವ್ಹಂ ನಿಸ್ಸಾಯ ಜಿವ್ಹಾಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ರಸಂ ಆರಬ್ಭ ಜಿವ್ಹಂ ನಿಸ್ಸಾಯ ಜಿವ್ಹಾಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಜಿವ್ಹಾವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ರಸಾರಮ್ಮಣೋ ಜಿವ್ಹಂ ನಿಸ್ಸಾಯ ಜಿವ್ಹಾಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ರಸಾರಮ್ಮಣಾ ಜಿವ್ಹಂ ನಿಸ್ಸಾಯ ಜಿವ್ಹಾಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಜಿವ್ಹಾವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ, ರಸೋ ಪೇಸೋ ರಸಾಯತನಂ ಪೇತಂ ರಸಧಾತು ಪೇಸಾ – ಇದಂ ತಂ ರೂಪಂ ರಸಾಯತನಂ।

631. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yaṃ rasaṃ ārabbha jivhaṃ nissāya jivhāsamphasso uppajji vā uppajjati vā uppajjissati vā uppajje vā…pe… yaṃ rasaṃ ārabbha jivhaṃ nissāya jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā…pe… yaṃ rasārammaṇo jivhaṃ nissāya jivhāsamphasso uppajji vā uppajjati vā uppajjissati vā uppajje vā…pe… yaṃ rasārammaṇā jivhaṃ nissāya jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

೬೩೨. ಕತಮಂ ತಂ ರೂಪಂ ಇತ್ಥಿನ್ದ್ರಿಯಂ? ಯಂ ಇತ್ಥಿಯಾ ಇತ್ಥಿಲಿಙ್ಗಂ ಇತ್ಥಿನಿಮಿತ್ತಂ ಇತ್ಥಿಕುತ್ತಂ ಇತ್ಥಾಕಪ್ಪೋ ಇತ್ಥತ್ತಂ ಇತ್ಥಿಭಾವೋ ¹¹ – ಇದಂ ತಂ ರೂಪಂ ಇತ್ಥಿನ್ದ್ರಿಯಂ।

632. Katamaṃ taṃ rūpaṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo ¹² – idaṃ taṃ rūpaṃ itthindriyaṃ.

೬೩೩. ಕತಮಂ ತಂ ರೂಪಂ ಪುರಿಸಿನ್ದ್ರಿಯಂ? ಯಂ ಪುರಿಸಸ್ಸ ಪುರಿಸಲಿಙ್ಗಂ ಪುರಿಸನಿಮಿತ್ತಂ ಪುರಿಸಕುತ್ತಂ ಪುರಿಸಾಕಪ್ಪೋ ಪುರಿಸತ್ತಂ ಪುರಿಸಭಾವೋ – ಇದಂ ತಂ ರೂಪಂ ಪುರಿಸಿನ್ದ್ರಿಯಂ।

633. Katamaṃ taṃ rūpaṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ purisindriyaṃ.

೬೩೪. ಕತಮಂ ತಂ ರೂಪಂ ಜೀವಿತಿನ್ದ್ರಿಯಂ? ಯೋ ತೇಸಂ ರೂಪೀನಂ ಧಮ್ಮಾನಂ ಆಯು ಠಿತಿ ಯಪನಾ ಯಾಪನಾ ಇರಿಯನಾ ವತ್ತನಾ ಪಾಲನಾ ಜೀವಿತಂ ಜೀವಿತಿನ್ದ್ರಿಯಂ – ಇದಂ ತಂ ರೂಪಂ ಜೀವಿತಿನ್ದ್ರಿಯಂ।

634. Katamaṃ taṃ rūpaṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

೬೩೫. ಕತಮಂ ತಂ ರೂಪಂ ಕಾಯವಿಞ್ಞತ್ತಿ? ಯಾ ಕುಸಲಚಿತ್ತಸ್ಸ ವಾ ಅಕುಸಲಚಿತ್ತಸ್ಸ ವಾ ಅಬ್ಯಾಕತಚಿತ್ತಸ್ಸ ವಾ ಅಭಿಕ್ಕಮನ್ತಸ್ಸ ವಾ ಪಟಿಕ್ಕಮನ್ತಸ್ಸ ವಾ ಆಲೋಕೇನ್ತಸ್ಸ ವಾ ವಿಲೋಕೇನ್ತಸ್ಸ ವಾ ಸಮಿಞ್ಜೇನ್ತಸ್ಸ ವಾ ಪಸಾರೇನ್ತಸ್ಸ ವಾ ಕಾಯಸ್ಸ ಥಮ್ಭನಾ ಸನ್ಥಮ್ಭನಾ ಸನ್ಥಮ್ಭಿತತ್ತಂ ವಿಞ್ಞತ್ತಿ ವಿಞ್ಞಾಪನಾ ವಿಞ್ಞಾಪಿತತ್ತಂ – ಇದಂ ತಂ ರೂಪಂ ಕಾಯವಿಞ್ಞತ್ತಿ।

635. Katamaṃ taṃ rūpaṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ kāyaviññatti.

೬೩೬. ಕತಮಂ ತಂ ರೂಪಂ ವಚೀವಿಞ್ಞತ್ತಿ? ಯಾ ಕುಸಲಚಿತ್ತಸ್ಸ ವಾ ಅಕುಸಲಚಿತ್ತಸ್ಸ ವಾ ಅಬ್ಯಾಕತಚಿತ್ತಸ್ಸ ವಾ ವಾಚಾ ಗಿರಾ ಬ್ಯಪ್ಪಥೋ ಉದೀರಣಂ ಘೋಸೋ ಘೋಸಕಮ್ಮಂ ವಾಚಾ ವಚೀಭೇದೋ – ಅಯಂ ವುಚ್ಚತಿ ವಾಚಾ। ಯಾ ತಾಯ ವಾಚಾಯ ವಿಞ್ಞತ್ತಿ ವಿಞ್ಞಾಪನಾ ವಿಞ್ಞಾಪಿತತ್ತಂ – ಇದಂ ತಂ ರೂಪಂ ವಚೀವಿಞ್ಞತ್ತಿ।

636. Katamaṃ taṃ rūpaṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedo – ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ vacīviññatti.

೬೩೭. ಕತಮಂ ತಂ ರೂಪಂ ಆಕಾಸಧಾತು? ಯೋ ಆಕಾಸೋ ಆಕಾಸಗತಂ ಅಘಂ ಅಘಗತಂ ವಿವರೋ ವಿವರಗತಂ ಅಸಮ್ಫುಟ್ಠಂ ಚತೂಹಿ ಮಹಾಭೂತೇಹಿ – ಇದಂ ತಂ ರೂಪಂ ಆಕಾಸಧಾತು।

637. Katamaṃ taṃ rūpaṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ ākāsadhātu.

೬೩೮. ಕತಮಂ ತಂ ರೂಪಂ ರೂಪಸ್ಸ ಲಹುತಾ? ಯಾ ರೂಪಸ್ಸ ಲಹುತಾ ಲಹುಪರಿಣಾಮತಾ ಅದನ್ಧನತಾ ಅವಿತ್ಥನತಾ – ಇದಂ ತಂ ರೂಪಂ ರೂಪಸ್ಸ ಲಹುತಾ।

638. Katamaṃ taṃ rūpaṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ rūpassa lahutā.

೬೩೯. ಕತಮಂ ತಂ ರೂಪಂ ರೂಪಸ್ಸ ಮುದುತಾ? ಯಾ ರೂಪಸ್ಸ ಮುದುತಾ ಮದ್ದವತಾ ಅಕಕ್ಖಳತಾ ಅಕಥಿನತಾ – ಇದಂ ತಂ ರೂಪಂ ರೂಪಸ್ಸ ಮುದುತಾ।

639. Katamaṃ taṃ rūpaṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ rūpassa mudutā.

೬೪೦. ಕತಮಂ ತಂ ರೂಪಂ ರೂಪಸ್ಸ ಕಮ್ಮಞ್ಞತಾ? ಯಾ ರೂಪಸ್ಸ ಕಮ್ಮಞ್ಞತಾ ಕಮ್ಮಞ್ಞತ್ತಂ ಕಮ್ಮಞ್ಞಭಾವೋ – ಇದಂ ತಂ ರೂಪಂ ರೂಪಸ್ಸ ಕಮ್ಮಞ್ಞತಾ।

640. Katamaṃ taṃ rūpaṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ rūpassa kammaññatā.

೬೪೧. ಕತಮಂ ತಂ ರೂಪಂ ರೂಪಸ್ಸ ಉಪಚಯೋ? ಯೋ ಆಯತನಾನಂ ಆಚಯೋ, ಸೋ ರೂಪಸ್ಸ ಉಪಚಯೋ – ಇದಂ ತಂ ರೂಪಂ ರೂಪಸ್ಸ ಉಪಚಯೋ।

641. Katamaṃ taṃ rūpaṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ rūpassa upacayo.

೬೪೨. ಕತಮಂ ತಂ ರೂಪಂ ರೂಪಸ್ಸ ಸನ್ತತಿ? ಯೋ ರೂಪಸ್ಸ ಉಪಚಯೋ, ಸಾ ರೂಪಸ್ಸ ಸನ್ತತಿ – ಇದಂ ತಂ ರೂಪಂ ರೂಪಸ್ಸ ಸನ್ತತಿ।

642. Katamaṃ taṃ rūpaṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ rūpassa santati.

೬೪೩. ಕತಮಂ ತಂ ರೂಪಂ ರೂಪಸ್ಸ ಜರತಾ? ಯಾ ರೂಪಸ್ಸ ಜರಾ ಜೀರಣತಾ ಖಣ್ಡಿಚ್ಚಂ ಪಾಲಿಚ್ಚಂ ವಲಿತ್ತಚತಾ ಆಯುನೋ ಸಂಹಾನಿ ಇನ್ದ್ರಿಯಾನಂ ಪರಿಪಾಕೋ – ಇದಂ ತಂ ರೂಪಂ ರೂಪಸ್ಸ ಜರತಾ।

643. Katamaṃ taṃ rūpaṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ rūpassa jaratā.

೬೪೪. ಕತಮಂ ತಂ ರೂಪಂ ರೂಪಸ್ಸ ಅನಿಚ್ಚತಾ? ಯೋ ರೂಪಸ್ಸ ಖಯೋ ವಯೋ ಭೇದೋ ಪರಿಭೇದೋ ಅನಿಚ್ಚತಾ ಅನ್ತರಧಾನಂ – ಇದಂ ತಂ ರೂಪಂ ರೂಪಸ್ಸ ಅನಿಚ್ಚತಾ।

644. Katamaṃ taṃ rūpaṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ rūpassa aniccatā.

೬೪೫. ಕತಮಂ ತಂ ರೂಪಂ ಕಬಳೀಕಾರೋ ಆಹಾರೋ? ಓದನೋ ಕುಮ್ಮಾಸೋ ಸತ್ತು ಮಚ್ಛೋ ಮಂಸಂ ಖೀರಂ ದಧಿ ಸಪ್ಪಿ ನವನೀತಂ ತೇಲಂ ಮಧು ಫಾಣಿತಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಯಮ್ಹಿ ಯಮ್ಹಿ ಜನಪದೇ ತೇಸಂ ತೇಸಂ ಸತ್ತಾನಂ ಮುಖಾಸಿಯಂ ದನ್ತವಿಖಾದನಂ ಗಲಜ್ಝೋಹರಣೀಯಂ ಕುಚ್ಛಿವಿತ್ಥಮ್ಭನಂ, ಯಾಯ ಓಜಾಯ ಸತ್ತಾ ಯಾಪೇನ್ತಿ – ಇದಂ ತಂ ರೂಪಂ ಕಬಳೀಕಾರೋ ಆಹಾರೋ।

645. Katamaṃ taṃ rūpaṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ, yāya ojāya sattā yāpenti – idaṃ taṃ rūpaṃ kabaḷīkāro āhāro.

ಇದಂ ತಂ ರೂಪಂ ಉಪಾದಾ।

Idaṃ taṃ rūpaṃ upādā.

ಉಪಾದಾಭಾಜನೀಯಂ।

Upādābhājanīyaṃ.

ರೂಪಕಣ್ಡೇ ಪಠಮಭಾಣವಾರೋ।

Rūpakaṇḍe paṭhamabhāṇavāro.

೬೪೬. ಕತಮಂ ತಂ ರೂಪಂ ನೋ ಉಪಾದಾ? ಫೋಟ್ಠಬ್ಬಾಯತನಂ, ಆಪೋಧಾತು।

646. Katamaṃ taṃ rūpaṃ no upādā? Phoṭṭhabbāyatanaṃ, āpodhātu.

೬೪೭. ಕತಮಂ ತಂ ರೂಪಂ ಫೋಟ್ಠಬ್ಬಾಯತನಂ? ಪಥವೀಧಾತು ತೇಜೋಧಾತು ವಾಯೋಧಾತು ಕಕ್ಖಳಂ ಮುದುಕಂ ಸಣ್ಹಂ ಫರುಸಂ ಸುಖಸಮ್ಫಸ್ಸಂ ದುಕ್ಖಸಮ್ಫಸ್ಸಂ ಗರುಕಂ ಲಹುಕಂ, ಯಂ ಫೋಟ್ಠಬ್ಬಂ ಅನಿದಸ್ಸನಂ ಸಪ್ಪಟಿಘಂ ಕಾಯೇನ ಅನಿದಸ್ಸನೇನ ಸಪ್ಪಟಿಘೇನ ಫುಸಿ ವಾ ಫುಸತಿ ವಾ ಫುಸಿಸ್ಸತಿ ವಾ ಫುಸೇ ವಾ ಫೋಟ್ಠಬ್ಬೋ ಪೇಸೋ ಫೋಟ್ಠಬ್ಬಾಯತನಂ ಪೇತಂ ಫೋಟ್ಠಬ್ಬಧಾತು ಪೇಸಾ – ಇದಂ ತಂ ರೂಪಂ ಫೋಟ್ಠಬ್ಬಾಯತನಂ।

647. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yaṃ phoṭṭhabbaṃ anidassanaṃ sappaṭighaṃ kāyena anidassanena sappaṭighena phusi vā phusati vā phusissati vā phuse vā phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

೬೪೮. ಕತಮಂ ತಂ ರೂಪಂ ಫೋಟ್ಠಬ್ಬಾಯತನಂ? ಪಥವೀಧಾತು ತೇಜೋಧಾತು ವಾಯೋಧಾತು ಕಕ್ಖಳಂ ಮುದುಕಂ ಸಣ್ಹಂ ಫರುಸಂ ಸುಖಸಮ್ಫಸ್ಸಂ ದುಕ್ಖಸಮ್ಫಸ್ಸಂ ಗರುಕಂ ಲಹುಕಂ, ಯಮ್ಹಿ ಫೋಟ್ಠಬ್ಬಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಕಾಯೋ ಅನಿದಸ್ಸನೋ ಸಪ್ಪಟಿಘೋ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಫೋಟ್ಠಬ್ಬೋ ಪೇಸೋ ಫೋಟ್ಠಬ್ಬಾಯತನಂ ಪೇತಂ ಫೋಟ್ಠಬ್ಬಧಾತು ಪೇಸಾ – ಇದಂ ತಂ ರೂಪಂ ಫೋಟ್ಠಬ್ಬಾಯತನಂ।

648. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yamhi phoṭṭhabbamhi anidassanamhi sappaṭighamhi kāyo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

೬೪೯. ಕತಮಂ ತಂ ರೂಪಂ ಫೋಟ್ಠಬ್ಬಾಯತನಂ? ಪಥವೀಧಾತು ತೇಜೋಧಾತು ವಾಯೋಧಾತು ಕಕ್ಖಳಂ ಮುದುಕಂ ಸಣ್ಹಂ ಫರುಸಂ ಸುಖಸಮ್ಫಸ್ಸಂ ದುಕ್ಖಸಮ್ಫಸ್ಸಂ ಗರುಕಂ ಲಹುಕಂ, ಯೋ ಫೋಟ್ಠಬ್ಬೋ ಅನಿದಸ್ಸನೋ ಸಪ್ಪಟಿಘೋ ಕಾಯಮ್ಹಿ ಅನಿದಸ್ಸನಮ್ಹಿ ಸಪ್ಪಟಿಘಮ್ಹಿ ಪಟಿಹಞ್ಞಿ ವಾ ಪಟಿಹಞ್ಞತಿ ವಾ ಪಟಿಹಞ್ಞಿಸ್ಸತಿ ವಾ ಪಟಿಹಞ್ಞೇ ವಾ, ಫೋಟ್ಠಬ್ಬೋ ಪೇಸೋ ಫೋಟ್ಠಬ್ಬಾಯತನಂ ಪೇತಂ ಫೋಟ್ಠಬ್ಬಧಾತು ಪೇಸಾ – ಇದಂ ತಂ ರೂಪಂ ಫೋಟ್ಠಬ್ಬಾಯತನಂ।

649. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yo phoṭṭhabbo anidassano sappaṭigho kāyamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

೬೫೦. ಕತಮಂ ತಂ ರೂಪಂ ಫೋಟ್ಠಬ್ಬಾಯತನಂ? ಪಥವೀಧಾತು ತೇಜೋಧಾತು ವಾಯೋಧಾತು ಕಕ್ಖಳಂ ಮುದುಕಂ ಸಣ್ಹಂ ಫರುಸಂ ಸುಖಸಮ್ಫಸ್ಸಂ ದುಕ್ಖಸಮ್ಫಸ್ಸಂ ಗರುಕಂ ಲಹುಕಂ, ಯಂ ಫೋಟ್ಠಬ್ಬಂ ಆರಬ್ಭ ಕಾಯಂ ನಿಸ್ಸಾಯ ಕಾಯಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಫೋಟ್ಠಬ್ಬಂ ಆರಬ್ಭ ಕಾಯಂ ನಿಸ್ಸಾಯ ಕಾಯಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಕಾಯವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಫೋಟ್ಠಬ್ಬಾರಮ್ಮಣೋ ಕಾಯಂ ನಿಸ್ಸಾಯ ಕಾಯಸಮ್ಫಸ್ಸೋ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ…ಪೇ॰… ಯಂ ಫೋಟ್ಠಬ್ಬಾರಮ್ಮಣಾ ಕಾಯಂ ನಿಸ್ಸಾಯ ಕಾಯಸಮ್ಫಸ್ಸಜಾ ವೇದನಾ…ಪೇ॰… ಸಞ್ಞಾ…ಪೇ॰… ಚೇತನಾ…ಪೇ॰… ಕಾಯವಿಞ್ಞಾಣಂ ಉಪ್ಪಜ್ಜಿ ವಾ ಉಪ್ಪಜ್ಜತಿ ವಾ ಉಪ್ಪಜ್ಜಿಸ್ಸತಿ ವಾ ಉಪ್ಪಜ್ಜೇ ವಾ, ಫೋಟ್ಠಬ್ಬೋ ಪೇಸೋ ಫೋಟ್ಠಬ್ಬಾಯತನಂ ಪೇತಂ ಫೋಟ್ಠಬ್ಬಧಾತು ಪೇಸಾ – ಇದಂ ತಂ ರೂಪಂ ಫೋಟ್ಠಬ್ಬಾಯತನಂ।

650. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yaṃ phoṭṭhabbaṃ ārabbha kāyaṃ nissāya kāyasamphasso uppajji vā uppajjati vā uppajjissati vā uppajje vā…pe… yaṃ phoṭṭhabbaṃ ārabbha kāyaṃ nissāya kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā…pe… yaṃ phoṭṭhabbārammaṇo kāyaṃ nissāya kāyasamphasso uppajji vā uppajjati vā uppajjissati vā uppajje vā…pe… yaṃ phoṭṭhabbārammaṇā kāyaṃ nissāya kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

೬೫೧. ಕತಮಂ ತಂ ರೂಪಂ ಆಪೋಧಾತು? ಯಂ ಆಪೋ ಆಪೋಗತಂ ಸಿನೇಹೋ ಸಿನೇಹಗತಂ ಬನ್ಧನತ್ತಂ ರೂಪಸ್ಸ – ಇದಂ ತಂ ರೂಪಂ ಆಪೋಧಾತು।

651. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ āpodhātu.

ಇದಂ ತಂ ರೂಪಂ ನೋ ಉಪಾದಾ।

Idaṃ taṃ rūpaṃ no upādā.

೬೫೨. ಕತಮಂ ತಂ ರೂಪಂ ಉಪಾದಿಣ್ಣಂ? ಚಕ್ಖಾಯತನಂ ಸೋತಾಯತನಂ ಘಾನಾಯತನಂ ಜಿವ್ಹಾಯತನಂ ಕಾಯಾಯತನಂ ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣಂ।

652. Katamaṃ taṃ rūpaṃ upādiṇṇaṃ? Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ.

೬೫೩. ಕತಮಂ ತಂ ರೂಪಂ ಅನುಪಾದಿಣ್ಣಂ? ಸದ್ದಾಯತನಂ ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣಂ।

653. Katamaṃ taṃ rūpaṃ anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ.

೬೫೪. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ? ಚಕ್ಖಾಯತನಂ…ಪೇ॰… ಕಾಯಾಯತನಂ ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ।

654. Katamaṃ taṃ rūpaṃ upādiṇṇupādāniyaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ.

೬೫೫. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ? ಸದ್ದಾಯತನಂ ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ, ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ।

655. Katamaṃ taṃ rūpaṃ anupādiṇṇupādāniyaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā, rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ.

೬೫೬. ಕತಮಂ ತಂ ರೂಪಂ ಸನಿದಸ್ಸನಂ? ರೂಪಾಯತನಂ – ಇದಂ ತಂ ರೂಪಂ ಸನಿದಸ್ಸನಂ।

656. Katamaṃ taṃ rūpaṃ sanidassanaṃ? Rūpāyatanaṃ – idaṃ taṃ rūpaṃ sanidassanaṃ.

೬೫೭. ಕತಮಂ ತಂ ರೂಪಂ ಅನಿದಸ್ಸನಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನಿದಸ್ಸನಂ।

657. Katamaṃ taṃ rūpaṃ anidassanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ anidassanaṃ.

೬೫೮. ಕತಮಂ ತಂ ರೂಪಂ ಸಪ್ಪಟಿಘಂ? ಚಕ್ಖಾಯತನಂ ಸೋತಾಯತನಂ ಘಾನಾಯತನಂ ಜಿವ್ಹಾಯತನಂ ಕಾಯಾಯತನಂ ರೂಪಾಯತನಂ ಸದ್ದಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಸಪ್ಪಟಿಘಂ।

658. Katamaṃ taṃ rūpaṃ sappaṭighaṃ? Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ sappaṭighaṃ.

೬೫೯. ಕತಮಂ ತಂ ರೂಪಂ ಅಪ್ಪಟಿಘಂ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅಪ್ಪಟಿಘಂ।

659. Katamaṃ taṃ rūpaṃ appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ appaṭighaṃ.

೬೬೦. ಕತಮಂ ತಂ ರೂಪಂ ಇನ್ದ್ರಿಯಂ? ಚಕ್ಖುನ್ದ್ರಿಯಂ ಸೋತಿನ್ದ್ರಿಯಂ ಘಾನಿನ್ದ್ರಿಯಂ ಜಿವ್ಹಿನ್ದ್ರಿಯಂ ಕಾಯಿನ್ದ್ರಿಯಂ ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ – ಇದಂ ತಂ ರೂಪಂ ಇನ್ದ್ರಿಯಂ।

660. Katamaṃ taṃ rūpaṃ indriyaṃ? Cakkhundriyaṃ sotindriyaṃ ghānindriyaṃ jivhindriyaṃ kāyindriyaṃ itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ.

೬೬೧. ಕತಮಂ ತಂ ರೂಪಂ ನ ಇನ್ದ್ರಿಯಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಇನ್ದ್ರಿಯಂ।

661. Katamaṃ taṃ rūpaṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ na indriyaṃ.

೬೬೨. ಕತಮಂ ತಂ ರೂಪಂ ಮಹಾಭೂತಂ? ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ಮಹಾಭೂತಂ।

662. Katamaṃ taṃ rūpaṃ mahābhūtaṃ? Phoṭṭhabbāyatanaṃ āpodhātu – idaṃ taṃ rūpaṃ mahābhūtaṃ.

೬೬೩. ಕತಮಂ ತಂ ರೂಪಂ ನ ಮಹಾಭೂತಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಮಹಾಭೂತಂ।

663. Katamaṃ taṃ rūpaṃ na mahābhūtaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na mahābhūtaṃ.

೬೬೪. ಕತಮಂ ತಂ ರೂಪಂ ವಿಞ್ಞತ್ತಿ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ – ಇದಂ ತಂ ರೂಪಂ ವಿಞ್ಞತ್ತಿ।

664. Katamaṃ taṃ rūpaṃ viññatti? Kāyaviññatti vacīviññatti – idaṃ taṃ rūpaṃ viññatti.

೬೬೫. ಕತಮಂ ತಂ ರೂಪಂ ನ ವಿಞ್ಞತ್ತಿ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ವಿಞ್ಞತ್ತಿ।

665. Katamaṃ taṃ rūpaṃ na viññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na viññatti.

೬೬೬. ಕತಮಂ ತಂ ರೂಪಂ ಚಿತ್ತಸಮುಟ್ಠಾನಂ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಚಿತ್ತಜಂ ಚಿತ್ತಹೇತುಕಂ ಚಿತ್ತಸಮುಟ್ಠಾನಂ ರೂಪಾಯತನಂ ಸದ್ದಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಚಿತ್ತಸಮುಟ್ಠಾನಂ।

666. Katamaṃ taṃ rūpaṃ cittasamuṭṭhānaṃ? Kāyaviññatti vacīviññatti yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ cittasamuṭṭhānaṃ.

೬೬೭. ಕತಮಂ ತಂ ರೂಪಂ ನ ಚಿತ್ತಸಮುಟ್ಠಾನಂ? ಚಕ್ಖಾಯತನಂ…ಪೇ॰… ಕಾಯಾಯತನಂ ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಚಿತ್ತಜಂ ನ ಚಿತ್ತಹೇತುಕಂ ನ ಚಿತ್ತಸಮುಟ್ಠಾನಂ ರೂಪಾಯತನಂ ಸದ್ದಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಚಿತ್ತಸಮುಟ್ಠಾನಂ।

667. Katamaṃ taṃ rūpaṃ na cittasamuṭṭhānaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ rūpassa jaratā rūpassa aniccatā, yaṃ vā panaññampi atthi rūpaṃ na cittajaṃ na cittahetukaṃ na cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ na cittasamuṭṭhānaṃ.

೬೬೮. ಕತಮಂ ತಂ ರೂಪಂ ಚಿತ್ತಸಹಭು? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ – ಇದಂ ತಂ ರೂಪಂ ಚಿತ್ತಸಹಭು।

668. Katamaṃ taṃ rūpaṃ cittasahabhu? Kāyaviññatti vacīviññatti – idaṃ taṃ rūpaṃ cittasahabhu.

೬೬೯. ಕತಮಂ ತಂ ರೂಪಂ ನ ಚಿತ್ತಸಹಭು? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಚಿತ್ತಸಹಭು।

669. Katamaṃ taṃ rūpaṃ na cittasahabhu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na cittasahabhu.

೬೭೦. ಕತಮಂ ತಂ ರೂಪಂ ಚಿತ್ತಾನುಪರಿವತ್ತಿ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ – ಇದಂ ತಂ ರೂಪಂ ಚಿತ್ತಾನುಪರಿವತ್ತಿ।

670. Katamaṃ taṃ rūpaṃ cittānuparivatti? Kāyaviññatti vacīviññatti – idaṃ taṃ rūpaṃ cittānuparivatti.

೬೭೧. ಕತಮಂ ತಂ ರೂಪಂ ನ ಚಿತ್ತಾನುಪರಿವತ್ತಿ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಚಿತ್ತಾನುಪರಿವತ್ತಿ।

671. Katamaṃ taṃ rūpaṃ na cittānuparivatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na cittānuparivatti.

೬೭೨. ಕತಮಂ ತಂ ರೂಪಂ ಅಜ್ಝತ್ತಿಕಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ।

672. Katamaṃ taṃ rūpaṃ ajjhattikaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ.

೬೭೩. ಕತಮಂ ತಂ ರೂಪಂ ಬಾಹಿರಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ।

673. Katamaṃ taṃ rūpaṃ bāhiraṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ.

೬೭೪. ಕತಮಂ ತಂ ರೂಪಂ ಓಳಾರಿಕಂ? ಚಕ್ಖಾಯತನಂ…ಪೇ॰… ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಓಳಾರಿಕಂ।

674. Katamaṃ taṃ rūpaṃ oḷārikaṃ? Cakkhāyatanaṃ…pe… phoṭṭhabbāyatanaṃ – idaṃ taṃ rūpaṃ oḷārikaṃ.

೬೭೫. ಕತಮಂ ತಂ ರೂಪಂ ಸುಖುಮಂ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಸುಖುಮಂ।

675. Katamaṃ taṃ rūpaṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ sukhumaṃ.

೬೭೬. ಕತಮಂ ತಂ ರೂಪಂ ದೂರೇ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ದೂರೇ।

676. Katamaṃ taṃ rūpaṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ dūre.

೬೭೭. ಕತಮಂ ತಂ ರೂಪಂ ಸನ್ತಿಕೇ? ಚಕ್ಖಾಯತನಂ…ಪೇ॰… ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಸನ್ತಿಕೇ।

677. Katamaṃ taṃ rūpaṃ santike? Cakkhāyatanaṃ…pe… phoṭṭhabbāyatanaṃ – idaṃ taṃ rūpaṃ santike.

೬೭೮. ಕತಮಂ ತಂ ರೂಪಂ ಚಕ್ಖುಸಮ್ಫಸ್ಸಸ್ಸ ವತ್ಥು? ಚಕ್ಖಾಯತನಂ – ಇದಂ ತಂ ರೂಪಂ ಚಕ್ಖುಸಮ್ಫಸ್ಸಸ್ಸ ವತ್ಥು।

678. Katamaṃ taṃ rūpaṃ cakkhusamphassassa vatthu? Cakkhāyatanaṃ – idaṃ taṃ rūpaṃ cakkhusamphassassa vatthu.

೬೭೯. ಕತಮಂ ತಂ ರೂಪಂ ಚಕ್ಖುಸಮ್ಫಸ್ಸಸ್ಸ ನ ವತ್ಥು? ಸೋತಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಚಕ್ಖುಸಮ್ಫಸ್ಸಸ್ಸ ನ ವತ್ಥು।

679. Katamaṃ taṃ rūpaṃ cakkhusamphassassa na vatthu? Sotāyatanaṃ…pe… kabaḷīkāro āhāro – idaṃ taṃ rūpaṃ cakkhusamphassassa na vatthu.

೬೮೦. ಕತಮಂ ತಂ ರೂಪಂ ಚಕ್ಖುಸಮ್ಫಸ್ಸಜಾಯ ವೇದನಾಯ…ಪೇ॰… ಸಞ್ಞಾಯ…ಪೇ॰… ಚೇತನಾಯ …ಪೇ॰… ಚಕ್ಖುವಿಞ್ಞಾಣಸ್ಸ ವತ್ಥು? ಚಕ್ಖಾಯತನಂ – ಇದಂ ತಂ ರೂಪಂ ಚಕ್ಖುವಿಞ್ಞಾಣಸ್ಸ ವತ್ಥು।

680. Katamaṃ taṃ rūpaṃ cakkhusamphassajāya vedanāya…pe… saññāya…pe… cetanāya …pe… cakkhuviññāṇassa vatthu? Cakkhāyatanaṃ – idaṃ taṃ rūpaṃ cakkhuviññāṇassa vatthu.

೬೮೧. ಕತಮಂ ತಂ ರೂಪಂ ಚಕ್ಖುವಿಞ್ಞಾಣಸ್ಸ ನ ವತ್ಥು? ಸೋತಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಚಕ್ಖುವಿಞ್ಞಾಣಸ್ಸ ನ ವತ್ಥು।

681. Katamaṃ taṃ rūpaṃ cakkhuviññāṇassa na vatthu? Sotāyatanaṃ…pe… kabaḷīkāro āhāro – idaṃ taṃ rūpaṃ cakkhuviññāṇassa na vatthu.

೬೮೨. ಕತಮಂ ತಂ ರೂಪಂ ಸೋತಸಮ್ಫಸ್ಸಸ್ಸ…ಪೇ॰… ಘಾನಸಮ್ಫಸ್ಸಸ್ಸ…ಪೇ॰… ಜಿವ್ಹಾಸಮ್ಫಸ್ಸಸ್ಸ…ಪೇ॰… ಕಾಯಸಮ್ಫಸ್ಸಸ್ಸ ವತ್ಥು? ಕಾಯಾಯತನಂ – ಇದಂ ತಂ ರೂಪಂ ಕಾಯಸಮ್ಫಸ್ಸಸ್ಸ ವತ್ಥು।

682. Katamaṃ taṃ rūpaṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa vatthu? Kāyāyatanaṃ – idaṃ taṃ rūpaṃ kāyasamphassassa vatthu.

೬೮೩. ಕತಮಂ ತಂ ರೂಪಂ ಕಾಯಸಮ್ಫಸ್ಸಸ್ಸ ನ ವತ್ಥು? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಕಾಯಸಮ್ಫಸ್ಸಸ್ಸ ನ ವತ್ಥು।

683. Katamaṃ taṃ rūpaṃ kāyasamphassassa na vatthu? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyasamphassassa na vatthu.

೬೮೪. ಕತಮಂ ತಂ ರೂಪಂ ಕಾಯಸಮ್ಫಸ್ಸಜಾಯ ವೇದನಾಯ…ಪೇ॰… ಸಞ್ಞಾಯ…ಪೇ॰… ಚೇತನಾಯ…ಪೇ॰… ಕಾಯವಿಞ್ಞಾಣಸ್ಸ ವತ್ಥು? ಕಾಯಾಯತನಂ – ಇದಂ ತಂ ರೂಪಂ ಕಾಯವಿಞ್ಞಾಣಸ್ಸ ವತ್ಥು।

684. Katamaṃ taṃ rūpaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa vatthu? Kāyāyatanaṃ – idaṃ taṃ rūpaṃ kāyaviññāṇassa vatthu.

೬೮೫. ಕತಮಂ ತಂ ರೂಪಂ ಕಾಯವಿಞ್ಞಾಣಸ್ಸ ನ ವತ್ಥು? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಕಾಯವಿಞ್ಞಾಣಸ್ಸ ನ ವತ್ಥು।

685. Katamaṃ taṃ rūpaṃ kāyaviññāṇassa na vatthu? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyaviññāṇassa na vatthu.

೬೮೬. ಕತಮಂ ತಂ ರೂಪಂ ಚಕ್ಖುಸಮ್ಫಸ್ಸಸ್ಸ ಆರಮ್ಮಣಂ? ರೂಪಾಯತನಂ – ಇದಂ ತಂ ರೂಪಂ ಚಕ್ಖುಸಮ್ಫಸ್ಸಸ್ಸ ಆರಮ್ಮಣಂ।

686. Katamaṃ taṃ rūpaṃ cakkhusamphassassa ārammaṇaṃ? Rūpāyatanaṃ – idaṃ taṃ rūpaṃ cakkhusamphassassa ārammaṇaṃ.

೬೮೭. ಕತಮಂ ತಂ ರೂಪಂ ಚಕ್ಖುಸಮ್ಫಸ್ಸಸ್ಸ ನ ಆರಮ್ಮಣಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಚಕ್ಖುಸಮ್ಫಸ್ಸಸ್ಸ ನ ಆರಮ್ಮಣಂ।

687. Katamaṃ taṃ rūpaṃ cakkhusamphassassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ cakkhusamphassassa na ārammaṇaṃ.

೬೮೮. ಕತಮಂ ತಂ ರೂಪಂ ಚಕ್ಖುಸಮ್ಫಸ್ಸಜಾಯ ವೇದನಾಯ…ಪೇ॰… ಸಞ್ಞಾಯ…ಪೇ॰… ಚೇತನಾಯ…ಪೇ॰… ಚಕ್ಖುವಿಞ್ಞಾಣಸ್ಸ ಆರಮ್ಮಣಂ? ರೂಪಾಯತನಂ – ಇದಂ ತಂ ರೂಪಂ ಚಕ್ಖುವಿಞ್ಞಾಣಸ್ಸ ಆರಮ್ಮಣಂ।

688. Katamaṃ taṃ rūpaṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa ārammaṇaṃ? Rūpāyatanaṃ – idaṃ taṃ rūpaṃ cakkhuviññāṇassa ārammaṇaṃ.

೬೮೯. ಕತಮಂ ತಂ ರೂಪಂ ಚಕ್ಖುವಿಞ್ಞಾಣಸ್ಸ ನ ಆರಮ್ಮಣಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಚಕ್ಖುವಿಞ್ಞಾಣಸ್ಸ ನ ಆರಮ್ಮಣಂ।

689. Katamaṃ taṃ rūpaṃ cakkhuviññāṇassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ cakkhuviññāṇassa na ārammaṇaṃ.

೬೯೦. ಕತಮಂ ತಂ ರೂಪಂ ಸೋತಸಮ್ಫಸ್ಸಸ್ಸ…ಪೇ॰… ಘಾನಸಮ್ಫಸ್ಸಸ್ಸ …ಪೇ॰… ಜಿವ್ಹಾಸಮ್ಫಸ್ಸಸ್ಸ…ಪೇ॰… ಕಾಯಸಮ್ಫಸ್ಸಸ್ಸ ಆರಮ್ಮಣಂ? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಕಾಯಸಮ್ಫಸ್ಸಸ್ಸ ಆರಮ್ಮಣಂ।

690. Katamaṃ taṃ rūpaṃ sotasamphassassa…pe… ghānasamphassassa …pe… jivhāsamphassassa…pe… kāyasamphassassa ārammaṇaṃ? Phoṭṭhabbāyatanaṃ – idaṃ taṃ rūpaṃ kāyasamphassassa ārammaṇaṃ.

೬೯೧. ಕತಮಂ ತಂ ರೂಪಂ ಕಾಯಸಮ್ಫಸ್ಸಸ್ಸ ನ ಆರಮ್ಮಣಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಕಾಯಸಮ್ಫಸ್ಸಸ್ಸ ನ ಆರಮ್ಮಣಂ।

691. Katamaṃ taṃ rūpaṃ kāyasamphassassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyasamphassassa na ārammaṇaṃ.

೬೯೨. ಕತಮಂ ತಂ ರೂಪಂ ಕಾಯಸಮ್ಫಸ್ಸಜಾಯ ವೇದನಾಯ…ಪೇ॰… ಸಞ್ಞಾಯ…ಪೇ॰… ಚೇತನಾಯ…ಪೇ॰… ಕಾಯವಿಞ್ಞಾಣಸ್ಸ ಆರಮ್ಮಣಂ? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಕಾಯವಿಞ್ಞಾಣಸ್ಸ ಆರಮ್ಮಣಂ।

692. Katamaṃ taṃ rūpaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa ārammaṇaṃ? Phoṭṭhabbāyatanaṃ – idaṃ taṃ rūpaṃ kāyaviññāṇassa ārammaṇaṃ.

೬೯೩. ಕತಮಂ ತಂ ರೂಪಂ ಕಾಯವಿಞ್ಞಾಣಸ್ಸ ನ ಆರಮ್ಮಣಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಕಾಯವಿಞ್ಞಾಣಸ್ಸ ನ ಆರಮ್ಮಣಂ।

693. Katamaṃ taṃ rūpaṃ kāyaviññāṇassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyaviññāṇassa na ārammaṇaṃ.

೬೯೪. ಕತಮಂ ತಂ ರೂಪಂ ಚಕ್ಖಾಯತನಂ? ಯಂ ಚಕ್ಖು ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಚಕ್ಖಾಯತನಂ।

694. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhāyatanaṃ.

೬೯೫. ಕತಮಂ ತಂ ರೂಪಂ ನ ಚಕ್ಖಾಯತನಂ? ಸೋತಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಚಕ್ಖಾಯತನಂ।

695. Katamaṃ taṃ rūpaṃ na cakkhāyatanaṃ? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhāyatanaṃ.

೬೯೬. ಕತಮಂ ತಂ ರೂಪಂ ಸೋತಾಯತನಂ…ಪೇ॰… ಘಾನಾಯತನಂ…ಪೇ॰… ಜಿವ್ಹಾಯತನಂ…ಪೇ॰… ಕಾಯಾಯತನಂ? ಯೋ ಕಾಯೋ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಕಾಯಾಯತನಂ।

696. Katamaṃ taṃ rūpaṃ sotāyatanaṃ…pe… ghānāyatanaṃ…pe… jivhāyatanaṃ…pe… kāyāyatanaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ kāyāyatanaṃ.

೬೯೭. ಕತಮಂ ತಂ ರೂಪಂ ನ ಕಾಯಾಯತನಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಕಾಯಾಯತನಂ।

697. Katamaṃ taṃ rūpaṃ na kāyāyatanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyāyatanaṃ.

೬೯೮. ಕತಮಂ ತಂ ರೂಪಂ ರೂಪಾಯತನಂ? ಯಂ ರೂಪಂ ಚತುನ್ನಂ ಮಹಾಭೂತಾನಂ ಉಪಾದಾಯ ವಣ್ಣನಿಭಾ…ಪೇ॰… ರೂಪಧಾತು ಪೇಸಾ – ಇದಂ ತಂ ರೂಪಂ ರೂಪಾಯತನಂ।

698. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā…pe… rūpadhātu pesā – idaṃ taṃ rūpaṃ rūpāyatanaṃ.

೬೯೯. ಕತಮಂ ತಂ ರೂಪಂ ನ ರೂಪಾಯತನಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ರೂಪಾಯತನಂ।

699. Katamaṃ taṃ rūpaṃ na rūpāyatanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na rūpāyatanaṃ.

೭೦೦. ಕತಮಂ ತಂ ರೂಪಂ ಸದ್ದಾಯತನಂ…ಪೇ॰… ಗನ್ಧಾಯತನಂ …ಪೇ॰… ರಸಾಯತನಂ…ಪೇ॰… ಫೋಟ್ಠಬ್ಬಾಯತನಂ? ಪಥವೀಧಾತು…ಪೇ॰… ಫೋಟ್ಠಬ್ಬಧಾತು ಪೇಸಾ – ಇದಂ ತಂ ರೂಪಂ ಫೋಟ್ಠಬ್ಬಾಯತನಂ।

700. Katamaṃ taṃ rūpaṃ saddāyatanaṃ…pe… gandhāyatanaṃ …pe… rasāyatanaṃ…pe… phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

೭೦೧. ಕತಮಂ ತಂ ರೂಪಂ ನ ಫೋಟ್ಠಬ್ಬಾಯತನಂ ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಫೋಟ್ಠಬ್ಬಾಯತನಂ।

701. Katamaṃ taṃ rūpaṃ na phoṭṭhabbāyatanaṃ ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na phoṭṭhabbāyatanaṃ.

೭೦೨. ಕತಮಂ ತಂ ರೂಪಂ ಚಕ್ಖುಧಾತು? ಚಕ್ಖಾಯತನಂ – ಇದಂ ತಂ ರೂಪಂ ಚಕ್ಖುಧಾತು।

702. Katamaṃ taṃ rūpaṃ cakkhudhātu? Cakkhāyatanaṃ – idaṃ taṃ rūpaṃ cakkhudhātu.

೭೦೩. ಕತಮಂ ತಂ ರೂಪಂ ನ ಚಕ್ಖುಧಾತು? ಸೋತಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಚಕ್ಖುಧಾತು।

703. Katamaṃ taṃ rūpaṃ na cakkhudhātu? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhudhātu.

೭೦೪. ಕತಮಂ ತಂ ರೂಪಂ ಸೋತಧಾತು…ಪೇ॰… ಘಾನಧಾತು…ಪೇ॰… ಜಿವ್ಹಾಧಾತು…ಪೇ॰… ಕಾಯಧಾತು? ಕಾಯಾಯತನಂ – ಇದಂ ತಂ ರೂಪಂ ಕಾಯಧಾತು।

704. Katamaṃ taṃ rūpaṃ sotadhātu…pe… ghānadhātu…pe… jivhādhātu…pe… kāyadhātu? Kāyāyatanaṃ – idaṃ taṃ rūpaṃ kāyadhātu.

೭೦೫. ಕತಮಂ ತಂ ರೂಪಂ ನ ಕಾಯಧಾತು? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಕಾಯಧಾತು।

705. Katamaṃ taṃ rūpaṃ na kāyadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyadhātu.

೭೦೬. ಕತಮಂ ತಂ ರೂಪಂ ರೂಪಧಾತು? ರೂಪಾಯತನಂ – ಇದಂ ತಂ ರೂಪಂ ರೂಪಧಾತು।

706. Katamaṃ taṃ rūpaṃ rūpadhātu? Rūpāyatanaṃ – idaṃ taṃ rūpaṃ rūpadhātu.

೭೦೭. ಕತಮಂ ತಂ ರೂಪಂ ನ ರೂಪಧಾತು? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ರೂಪಧಾತು।

707. Katamaṃ taṃ rūpaṃ na rūpadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na rūpadhātu.

೭೦೮. ಕತಮಂ ತಂ ರೂಪಂ ಸದ್ದಧಾತು…ಪೇ॰… ಗನ್ಧಧಾತು…ಪೇ॰… ರಸಧಾತು…ಪೇ॰… ಫೋಟ್ಠಬ್ಬಧಾತು? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಫೋಟ್ಠಬ್ಬಧಾತು।

708. Katamaṃ taṃ rūpaṃ saddadhātu…pe… gandhadhātu…pe… rasadhātu…pe… phoṭṭhabbadhātu? Phoṭṭhabbāyatanaṃ – idaṃ taṃ rūpaṃ phoṭṭhabbadhātu.

೭೦೯. ಕತಮಂ ತಂ ರೂಪಂ ನ ಫೋಟ್ಠಬ್ಬಧಾತು? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಫೋಟ್ಠಬ್ಬಧಾತು।

709. Katamaṃ taṃ rūpaṃ na phoṭṭhabbadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na phoṭṭhabbadhātu.

೭೧೦. ಕತಮಂ ತಂ ರೂಪಂ ಚಕ್ಖುನ್ದ್ರಿಯಂ? ಯಂ ಚಕ್ಖು ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಚಕ್ಖುನ್ದ್ರಿಯಂ।

710. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ.

೭೧೧. ಕತಮಂ ತಂ ರೂಪಂ ನ ಚಕ್ಖುನ್ದ್ರಿಯಂ? ಸೋತಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಚಕ್ಖುನ್ದ್ರಿಯಂ।

711. Katamaṃ taṃ rūpaṃ na cakkhundriyaṃ? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhundriyaṃ.

೭೧೨. ಕತಮಂ ತಂ ರೂಪಂ ಸೋತಿನ್ದ್ರಿಯಂ…ಪೇ॰… ಘಾನಿನ್ದ್ರಿಯಂ…ಪೇ॰… ಜಿವ್ಹಿನ್ದ್ರಿಯಂ…ಪೇ॰… ಕಾಯಿನ್ದ್ರಿಯಂ? ಯೋ ಕಾಯೋ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಕಾಯಿನ್ದ್ರಿಯಂ।

712. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ kāyindriyaṃ.

೭೧೩. ಕತಮಂ ತಂ ರೂಪಂ ನ ಕಾಯಿನ್ದ್ರಿಯಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಕಾಯಿನ್ದ್ರಿಯಂ।

713. Katamaṃ taṃ rūpaṃ na kāyindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyindriyaṃ.

೭೧೪. ಕತಮಂ ತಂ ರೂಪಂ ಇತ್ಥಿನ್ದ್ರಿಯಂ? ಯಂ ಇತ್ಥಿಯಾ ಇತ್ಥಿಲಿಙ್ಗಂ ಇತ್ಥಿನಿಮಿತ್ತಂ ಇತ್ಥಿಕುತ್ತಂ ಇತ್ಥಾಕಪ್ಪೋ ಇತ್ಥತ್ತಂ ಇತ್ಥಿಭಾವೋ – ಇದಂ ತಂ ರೂಪಂ ಇತ್ಥಿನ್ದ್ರಿಯಂ।

714. Katamaṃ taṃ rūpaṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ taṃ rūpaṃ itthindriyaṃ.

೭೧೫. ಕತಮಂ ತಂ ರೂಪಂ ನ ಇತ್ಥಿನ್ದ್ರಿಯಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಇತ್ಥಿನ್ದ್ರಿಯಂ।

715. Katamaṃ taṃ rūpaṃ na itthindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na itthindriyaṃ.

೭೧೬. ಕತಮಂ ತಂ ರೂಪಂ ಪುರಿಸಿನ್ದ್ರಿಯಂ? ಯಂ ಪುರಿಸಸ್ಸ ಪುರಿಸಲಿಙ್ಗಂ ಪುರಿಸನಿಮಿತ್ತಂ ಪುರಿಸಕುತ್ತಂ ಪುರಿಸಾಕಪ್ಪೋ ಪುರಿಸತ್ತಂ ಪುರಿಸಭಾವೋ – ಇದಂ ತಂ ರೂಪಂ ಪುರಿಸಿನ್ದ್ರಿಯಂ।

716. Katamaṃ taṃ rūpaṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ purisindriyaṃ.

೭೧೭. ಕತಮಂ ತಂ ರೂಪಂ ನ ಪುರಿಸಿನ್ದ್ರಿಯಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಪುರಿಸಿನ್ದ್ರಿಯಂ।

717. Katamaṃ taṃ rūpaṃ na purisindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na purisindriyaṃ.

೭೧೮. ಕತಮಂ ತಂ ರೂಪಂ ಜೀವಿತಿನ್ದ್ರಿಯಂ? ಯೋ ತೇಸಂ ರೂಪೀನಂ ಧಮ್ಮಾನಂ ಆಯು ಠಿತಿ ಯಪನಾ ಯಾಪನಾ ಇರಿಯನಾ ವತ್ತನಾ ಪಾಲನಾ ಜೀವಿತಂ ಜೀವಿತಿನ್ದ್ರಿಯಂ – ಇದಂ ತಂ ರೂಪಂ ಜೀವಿತಿನ್ದ್ರಿಯಂ।

718. Katamaṃ taṃ rūpaṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

೭೧೯. ಕತಮಂ ತಂ ರೂಪಂ ನ ಜೀವಿತಿನ್ದ್ರಿಯಂ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಜೀವಿತಿನ್ದ್ರಿಯಂ।

719. Katamaṃ taṃ rūpaṃ na jīvitindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na jīvitindriyaṃ.

೭೨೦. ಕತಮಂ ತಂ ರೂಪಂ ಕಾಯವಿಞ್ಞತ್ತಿ? ಯಾ ಕುಸಲಚಿತ್ತಸ್ಸ ವಾ ಅಕುಸಲಚಿತ್ತಸ್ಸ ವಾ ಅಬ್ಯಾಕತಚಿತ್ತಸ್ಸ ವಾ ಅಭಿಕ್ಕಮನ್ತಸ್ಸ ವಾ ಪಟಿಕ್ಕಮನ್ತಸ್ಸ ವಾ ಆಲೋಕೇನ್ತಸ್ಸ ವಾ ವಿಲೋಕೇನ್ತಸ್ಸ ವಾ ಸಮಿಞ್ಜೇನ್ತಸ್ಸ ವಾ ಪಸಾರೇನ್ತಸ್ಸ ವಾ ಕಾಯಸ್ಸ ಥಮ್ಭನಾ ಸನ್ಥಮ್ಭನಾ ಸನ್ಥಮ್ಭಿತತ್ತಂ ವಿಞ್ಞತ್ತಿ ವಿಞ್ಞಾಪನಾ ವಿಞ್ಞಾಪಿತತ್ತಂ – ಇದಂ ತಂ ರೂಪಂ ಕಾಯವಿಞ್ಞತ್ತಿ।

720. Katamaṃ taṃ rūpaṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ kāyaviññatti.

೭೨೧. ಕತಮಂ ತಂ ರೂಪಂ ನ ಕಾಯವಿಞ್ಞತ್ತಿ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಕಾಯವಿಞ್ಞತ್ತಿ।

721. Katamaṃ taṃ rūpaṃ na kāyaviññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyaviññatti.

೭೨೨. ಕತಮಂ ತಂ ರೂಪಂ ವಚೀವಿಞ್ಞತ್ತಿ? ಯಾ ಕುಸಲಚಿತ್ತಸ್ಸ ವಾ ಅಕುಸಲಚಿತ್ತಸ್ಸ ವಾ ಅಬ್ಯಾಕತಚಿತ್ತಸ್ಸ ವಾ ವಾಚಾ ಗಿರಾ ಬ್ಯಪ್ಪಥೋ ಉದೀರಣಂ ಘೋಸೋ ಘೋಸಕಮ್ಮಂ ವಾಚಾ ವಚೀಭೇದೋ, ಅಯಂ ವುಚ್ಚತಿ ವಾಚಾ। ಯಾ ತಾಯ ವಾಚಾಯ ವಿಞ್ಞತ್ತಿ ವಿಞ್ಞಾಪನಾ ವಿಞ್ಞಾಪಿತತ್ತಂ – ಇದಂ ತಂ ರೂಪಂ ವಚೀವಿಞ್ಞತ್ತಿ।

722. Katamaṃ taṃ rūpaṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedo, ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ vacīviññatti.

೭೨೩. ಕತಮಂ ತಂ ರೂಪಂ ನ ವಚೀವಿಞ್ಞತ್ತಿ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ವಚೀವಿಞ್ಞತ್ತಿ।

723. Katamaṃ taṃ rūpaṃ na vacīviññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na vacīviññatti.

೭೨೪. ಕತಮಂ ತಂ ರೂಪಂ ಆಕಾಸಧಾತು? ಯೋ ಆಕಾಸೋ ಆಕಾಸಗತಂ ಅಘಂ ಅಘಗತಂ ವಿವರೋ ವಿವರಗತಂ ಅಸಮ್ಫುಟ್ಠಂ ಚತೂಹಿ ಮಹಾಭೂತೇಹಿ – ಇದಂ ತಂ ರೂಪಂ ಆಕಾಸಧಾತು।

724. Katamaṃ taṃ rūpaṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ ākāsadhātu.

೭೨೫. ಕತಮಂ ತಂ ರೂಪಂ ನ ಆಕಾಸಧಾತು? ಚಕ್ಖಾಯತನಂ …ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಆಕಾಸಧಾತು।

725. Katamaṃ taṃ rūpaṃ na ākāsadhātu? Cakkhāyatanaṃ …pe… kabaḷīkāro āhāro – idaṃ taṃ rūpaṃ na ākāsadhātu.

೭೨೬. ಕತಮಂ ತಂ ರೂಪಂ ಆಪೋಧಾತು? ಯಂ ಆಪೋ ಆಪೋಗತಂ ಸಿನೇಹೋ ಸಿನೇಹಗತಂ ಬನ್ಧನತ್ತಂ ರೂಪಸ್ಸ – ಇದಂ ತಂ ರೂಪಂ ಆಪೋಧಾತು।

726. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ āpodhātu.

೭೨೭. ಕತಮಂ ತಂ ರೂಪಂ ನ ಆಪೋಧಾತು? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಆಪೋಧಾತು।

727. Katamaṃ taṃ rūpaṃ na āpodhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na āpodhātu.

೭೨೮. ಕತಮಂ ತಂ ರೂಪಂ ರೂಪಸ್ಸ ಲಹುತಾ? ಯಾ ರೂಪಸ್ಸ ಲಹುತಾ ಲಹುಪರಿಣಾಮತಾ ಅದನ್ಧನತಾ ಅವಿತ್ಥನತಾ – ಇದಂ ತಂ ರೂಪಂ ರೂಪಸ್ಸ ಲಹುತಾ ।

728. Katamaṃ taṃ rūpaṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ rūpassa lahutā .

೭೨೯. ಕತಮಂ ತಂ ರೂಪಂ ರೂಪಸ್ಸ ನ ಲಹುತಾ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ರೂಪಸ್ಸ ನ ಲಹುತಾ।

729. Katamaṃ taṃ rūpaṃ rūpassa na lahutā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na lahutā.

೭೩೦. ಕತಮಂ ತಂ ರೂಪಂ ರೂಪಸ್ಸ ಮುದುತಾ? ಯಾ ರೂಪಸ್ಸ ಮುದುತಾ ಮದ್ದವತಾ ಅಕಕ್ಖಳತಾ ಅಕಥಿನತಾ – ಇದಂ ತಂ ರೂಪಂ ರೂಪಸ್ಸ ಮುದುತಾ।

730. Katamaṃ taṃ rūpaṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ rūpassa mudutā.

೭೩೧. ಕತಮಂ ತಂ ರೂಪಂ ರೂಪಸ್ಸ ನ ಮುದುತಾ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ರೂಪಸ್ಸ ನ ಮುದುತಾ।

731. Katamaṃ taṃ rūpaṃ rūpassa na mudutā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na mudutā.

೭೩೨. ಕತಮಂ ತಂ ರೂಪಂ ರೂಪಸ್ಸ ಕಮ್ಮಞ್ಞತಾ? ಯಾ ರೂಪಸ್ಸ ಕಮ್ಮಞ್ಞತಾ ಕಮ್ಮಞ್ಞತ್ತಂ ಕಮ್ಮಞ್ಞಭಾವೋ – ಇದಂ ತಂ ರೂಪಂ ರೂಪಸ್ಸ ಕಮ್ಮಞ್ಞತಾ।

732. Katamaṃ taṃ rūpaṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ rūpassa kammaññatā.

೭೩೩. ಕತಮಂ ತಂ ರೂಪಂ ರೂಪಸ್ಸ ನ ಕಮ್ಮಞ್ಞತಾ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ರೂಪಸ್ಸ ನ ಕಮ್ಮಞ್ಞತಾ।

733. Katamaṃ taṃ rūpaṃ rūpassa na kammaññatā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na kammaññatā.

೭೩೪. ಕತಮಂ ತಂ ರೂಪಂ ರೂಪಸ್ಸ ಉಪಚಯೋ? ಯೋ ಆಯತನಾನಂ ಆಚಯೋ, ಸೋ ರೂಪಸ್ಸ ಉಪಚಯೋ – ಇದಂ ತಂ ರೂಪಂ ರೂಪಸ್ಸ ಉಪಚಯೋ।

734. Katamaṃ taṃ rūpaṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ rūpassa upacayo.

೭೩೫. ಕತಮಂ ತಂ ರೂಪಂ ರೂಪಸ್ಸ ನ ಉಪಚಯೋ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ರೂಪಸ್ಸ ನ ಉಪಚಯೋ।

735. Katamaṃ taṃ rūpaṃ rūpassa na upacayo? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na upacayo.

೭೩೬. ಕತಮಂ ತಂ ರೂಪಂ ರೂಪಸ್ಸ ಸನ್ತತಿ? ಯೋ ರೂಪಸ್ಸ ಉಪಚಯೋ, ಸಾ ರೂಪಸ್ಸ ಸನ್ತತಿ – ಇದಂ ತಂ ರೂಪಂ ರೂಪಸ್ಸ ಸನ್ತತಿ।

736. Katamaṃ taṃ rūpaṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ rūpassa santati.

೭೩೭. ಕತಮಂ ತಂ ರೂಪಂ ರೂಪಸ್ಸ ನ ಸನ್ತತಿ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ರೂಪಸ್ಸ ನ ಸನ್ತತಿ।

737. Katamaṃ taṃ rūpaṃ rūpassa na santati? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na santati.

೭೩೮. ಕತಮಂ ತಂ ರೂಪಂ ರೂಪಸ್ಸ ಜರತಾ? ಯಾ ರೂಪಸ್ಸ ಜರಾ ಜೀರಣತಾ ಖಣ್ಡಿಚ್ಚಂ ಪಾಲಿಚ್ಚಂ ವಲಿತ್ತಚತಾ ಆಯುನೋ ಸಂಹಾನಿ ಇನ್ದ್ರಿಯಾನಂ ಪರಿಪಾಕೋ – ಇದಂ ತಂ ರೂಪಂ ರೂಪಸ್ಸ ಜರತಾ।

738. Katamaṃ taṃ rūpaṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ rūpassa jaratā.

೭೩೯. ಕತಮಂ ತಂ ರೂಪಂ ರೂಪಸ್ಸ ನ ಜರತಾ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ರೂಪಸ್ಸ ನ ಜರತಾ।

739. Katamaṃ taṃ rūpaṃ rūpassa na jaratā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na jaratā.

೭೪೦. ಕತಮಂ ತಂ ರೂಪಂ ರೂಪಸ್ಸ ಅನಿಚ್ಚತಾ? ಯೋ ರೂಪಸ್ಸ ಖಯೋ ವಯೋ ಭೇದೋ ಪರಿಭೇದೋ ಅನಿಚ್ಚತಾ ಅನ್ತರಧಾನಂ – ಇದಂ ತಂ ರೂಪಂ ರೂಪಸ್ಸ ಅನಿಚ್ಚತಾ।

740. Katamaṃ taṃ rūpaṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ rūpassa aniccatā.

೭೪೧. ಕತಮಂ ತಂ ರೂಪಂ ರೂಪಸ್ಸ ನ ಅನಿಚ್ಚತಾ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ರೂಪಸ್ಸ ನ ಅನಿಚ್ಚತಾ।

741. Katamaṃ taṃ rūpaṃ rūpassa na aniccatā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na aniccatā.

೭೪೨. ಕತಮಂ ತಂ ರೂಪಂ ಕಬಳೀಕಾರೋ ಆಹಾರೋ? ಓದನೋ ಕುಮ್ಮಾಸೋ ಸತ್ತು ಮಚ್ಛೋ ಮಂಸಂ ಖೀರಂ ದಧಿ ಸಪ್ಪಿ ನವನೀತಂ ತೇಲಂ ಮಧು ಫಾಣಿತಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಯಮ್ಹಿ ಯಮ್ಹಿ ಜನಪದೇ ತೇಸಂ ತೇಸಂ ಸತ್ತಾನಂ ಮುಖಾಸಿಯಂ ದನ್ತವಿಖಾದನಂ ಗಲಜ್ಝೋಹರಣೀಯಂ ಕುಚ್ಛಿವಿತ್ಥಮ್ಭನಂ, ಯಾಯ ಓಜಾಯ ಸತ್ತಾ ಯಾಪೇನ್ತಿ – ಇದಂ ತಂ ರೂಪಂ ಕಬಳೀಕಾರೋ ಆಹಾರೋ।

742. Katamaṃ taṃ rūpaṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ, yāya ojāya sattā yāpenti – idaṃ taṃ rūpaṃ kabaḷīkāro āhāro.

೭೪೩. ಕತಮಂ ತಂ ರೂಪಂ ನ ಕಬಳೀಕಾರೋ ಆಹಾರೋ? ಚಕ್ಖಾಯತನಂ…ಪೇ॰… ರೂಪಸ್ಸ ಅನಿಚ್ಚತಾ – ಇದಂ ತಂ ರೂಪಂ ನ ಕಬಳೀಕಾರೋ ಆಹಾರೋ।

743. Katamaṃ taṃ rūpaṃ na kabaḷīkāro āhāro? Cakkhāyatanaṃ…pe… rūpassa aniccatā – idaṃ taṃ rūpaṃ na kabaḷīkāro āhāro.

ಏವಂ ದುವಿಧೇನ ರೂಪಸಙ್ಗಹೋ।

Evaṃ duvidhena rūpasaṅgaho.

ದುಕನಿದ್ದೇಸೋ।

Dukaniddeso.

ತಿಕನಿದ್ದೇಸೋ

Tikaniddeso

೭೪೪. ಕತಮಂ ತಂ ರೂಪಂ ಅಜ್ಝತ್ತಿಕಂ ಉಪಾದಾ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಉಪಾದಾ।

744. Katamaṃ taṃ rūpaṃ ajjhattikaṃ upādā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādā.

೭೪೫. ಕತಮಂ ತಂ ರೂಪಂ ಬಾಹಿರಂ ಉಪಾದಾ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಉಪಾದಾ।

745. Katamaṃ taṃ rūpaṃ bāhiraṃ upādā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ upādā.

೭೪೬. ಕತಮಂ ತಂ ರೂಪಂ ಬಾಹಿರಂ ನೋ ಉಪಾದಾ? ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ಬಾಹಿರಂ ನೋ ಉಪಾದಾ।

746. Katamaṃ taṃ rūpaṃ bāhiraṃ no upādā? Phoṭṭhabbāyatanaṃ āpodhātu – idaṃ taṃ rūpaṃ bāhiraṃ no upādā.

೭೪೭. ಕತಮಂ ತಂ ರೂಪಂ ಅಜ್ಝತ್ತಿಕಂ ಉಪಾದಿಣ್ಣಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಉಪಾದಿಣ್ಣಂ।

747. Katamaṃ taṃ rūpaṃ ajjhattikaṃ upādiṇṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādiṇṇaṃ.

೭೪೮. ಕತಮಂ ತಂ ರೂಪಂ ಬಾಹಿರಂ ಉಪಾದಿಣ್ಣಂ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಉಪಾದಿಣ್ಣಂ।

748. Katamaṃ taṃ rūpaṃ bāhiraṃ upādiṇṇaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ upādiṇṇaṃ.

೭೪೯. ಕತಮಂ ತಂ ರೂಪಂ ಬಾಹಿರಂ ಅನುಪಾದಿಣ್ಣಂ? ಸದ್ದಾಯತನಂ ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಅನುಪಾದಿಣ್ಣಂ।

749. Katamaṃ taṃ rūpaṃ bāhiraṃ anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ anupādiṇṇaṃ.

೭೫೦. ಕತಮಂ ತಂ ರೂಪಂ ಅಜ್ಝತ್ತಿಕಂ ಉಪಾದಿಣ್ಣುಪಾದಾನಿಯಂ। ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಉಪಾದಿಣ್ಣುಪಾದಾನಿಯಂ।

750. Katamaṃ taṃ rūpaṃ ajjhattikaṃ upādiṇṇupādāniyaṃ. Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādiṇṇupādāniyaṃ.

೭೫೧. ಕತಮಂ ತಂ ರೂಪಂ ಬಾಹಿರಂ ಉಪಾದಿಣ್ಣುಪಾದಾನಿಯಂ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಉಪಾದಿಣ್ಣುಪಾದಾನಿಯಂ।

751. Katamaṃ taṃ rūpaṃ bāhiraṃ upādiṇṇupādāniyaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ upādiṇṇupādāniyaṃ.

೭೫೨. ಕತಮಂ ತಂ ರೂಪಂ ಬಾಹಿರಂ ಅನುಪಾದಿಣ್ಣುಪಾದಾನಿಯಂ ? ಸದ್ದಾಯತನಂ ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಅನುಪಾದಿಣ್ಣುಪಾದಾನಿಯಂ।

752. Katamaṃ taṃ rūpaṃ bāhiraṃ anupādiṇṇupādāniyaṃ ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ anupādiṇṇupādāniyaṃ.

೭೫೩. ಕತಮಂ ತಂ ರೂಪಂ ಅಜ್ಝತ್ತಿಕಂ ಅನಿದಸ್ಸನಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಅನಿದಸ್ಸನಂ।

753. Katamaṃ taṃ rūpaṃ ajjhattikaṃ anidassanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ anidassanaṃ.

೭೫೪. ಕತಮಂ ತಂ ರೂಪಂ ಬಾಹಿರಂ ಸನಿದಸ್ಸನಂ? ರೂಪಾಯತನಂ – ಇದಂ ತಂ ರೂಪಂ ಬಾಹಿರಂ ಸನಿದಸ್ಸನಂ।

754. Katamaṃ taṃ rūpaṃ bāhiraṃ sanidassanaṃ? Rūpāyatanaṃ – idaṃ taṃ rūpaṃ bāhiraṃ sanidassanaṃ.

೭೫೫. ಕತಮಂ ತಂ ರೂಪಂ ಬಾಹಿರಂ ಅನಿದಸ್ಸನಂ? ಸದ್ದಾಯತನಂ …ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಅನಿದಸ್ಸನಂ।

755. Katamaṃ taṃ rūpaṃ bāhiraṃ anidassanaṃ? Saddāyatanaṃ …pe… kabaḷīkāro āhāro – idaṃ taṃ rūpaṃ bāhiraṃ anidassanaṃ.

೭೫೬. ಕತಮಂ ತಂ ರೂಪಂ ಅಜ್ಝತ್ತಿಕಂ ಸಪ್ಪಟಿಘಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಸಪ್ಪಟಿಘಂ।

756. Katamaṃ taṃ rūpaṃ ajjhattikaṃ sappaṭighaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ sappaṭighaṃ.

೭೫೭. ಕತಮಂ ತಂ ರೂಪಂ ಬಾಹಿರಂ ಸಪ್ಪಟಿಘಂ? ರೂಪಾಯತನಂ…ಪೇ॰… ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಬಾಹಿರಂ ಸಪ್ಪಟಿಘಂ।

757. Katamaṃ taṃ rūpaṃ bāhiraṃ sappaṭighaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ sappaṭighaṃ.

೭೫೮. ಕತಮಂ ತಂ ರೂಪಂ ಬಾಹಿರಂ ಅಪ್ಪಟಿಘಂ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಅಪ್ಪಟಿಘಂ।

758. Katamaṃ taṃ rūpaṃ bāhiraṃ appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ appaṭighaṃ.

೭೫೯. ಕತಮಂ ತಂ ರೂಪಂ ಅಜ್ಝತ್ತಿಕಂ ಇನ್ದ್ರಿಯಂ? ಚಕ್ಖುನ್ದ್ರಿಯಂ…ಪೇ॰… ಕಾಯಿನ್ದ್ರಿಯಂ – ಇದಂ ತಂ ರೂಪಂ ಅಜ್ಝತ್ತಿಕಂ ಇನ್ದ್ರಿಯಂ।

759. Katamaṃ taṃ rūpaṃ ajjhattikaṃ indriyaṃ? Cakkhundriyaṃ…pe… kāyindriyaṃ – idaṃ taṃ rūpaṃ ajjhattikaṃ indriyaṃ.

೭೬೦. ಕತಮಂ ತಂ ರೂಪಂ ಬಾಹಿರಂ ಇನ್ದ್ರಿಯಂ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ – ಇದಂ ತಂ ರೂಪಂ ಬಾಹಿರಂ ಇನ್ದ್ರಿಯಂ।

760. Katamaṃ taṃ rūpaṃ bāhiraṃ indriyaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ bāhiraṃ indriyaṃ.

೭೬೧. ಕತಮಂ ತಂ ರೂಪಂ ಬಾಹಿರಂ ನ ಇನ್ದ್ರಿಯಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಇನ್ದ್ರಿಯಂ।

761. Katamaṃ taṃ rūpaṃ bāhiraṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na indriyaṃ.

೭೬೨. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಮಹಾಭೂತಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಮಹಾಭೂತಂ।

762. Katamaṃ taṃ rūpaṃ ajjhattikaṃ na mahābhūtaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na mahābhūtaṃ.

೭೬೩. ಕತಮಂ ತಂ ರೂಪಂ ಬಾಹಿರಂ ಮಹಾಭೂತಂ? ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ಬಾಹಿರಂ ಮಹಾಭೂತಂ।

763. Katamaṃ taṃ rūpaṃ bāhiraṃ mahābhūtaṃ? Phoṭṭhabbāyatanaṃ āpodhātu – idaṃ taṃ rūpaṃ bāhiraṃ mahābhūtaṃ.

೭೬೪. ಕತಮಂ ತಂ ರೂಪಂ ಬಾಹಿರಂ ನ ಮಹಾಭೂತಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಮಹಾಭೂತಂ।

764. Katamaṃ taṃ rūpaṃ bāhiraṃ na mahābhūtaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na mahābhūtaṃ.

೭೬೫. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ವಿಞ್ಞತ್ತಿ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ವಿಞ್ಞತ್ತಿ?

765. Katamaṃ taṃ rūpaṃ ajjhattikaṃ na viññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na viññatti?

೭೬೬. ಕತಮಂ ತಂ ರೂಪಂ ಬಾಹಿರಂ ವಿಞ್ಞತ್ತಿ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ – ಇದಂ ತಂ ರೂಪಂ ಬಾಹಿರಂ ವಿಞ್ಞತ್ತಿ।

766. Katamaṃ taṃ rūpaṃ bāhiraṃ viññatti? Kāyaviññatti vacīviññatti – idaṃ taṃ rūpaṃ bāhiraṃ viññatti.

೭೬೭. ಕತಮಂ ತಂ ರೂಪಂ ಬಾಹಿರಂ ನ ವಿಞ್ಞತ್ತಿ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ವಿಞ್ಞತ್ತಿ।

767. Katamaṃ taṃ rūpaṃ bāhiraṃ na viññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na viññatti.

೭೬೮. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಚಿತ್ತಸಮುಟ್ಠಾನಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಚಿತ್ತಸಮುಟ್ಠಾನಂ।

768. Katamaṃ taṃ rūpaṃ ajjhattikaṃ na cittasamuṭṭhānaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittasamuṭṭhānaṃ.

೭೬೯. ಕತಮಂ ತಂ ರೂಪಂ ಬಾಹಿರಂ ಚಿತ್ತಸಮುಟ್ಠಾನಂ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಚಿತ್ತಜಂ ಚಿತ್ತಹೇತುಕಂ ಚಿತ್ತಸಮುಟ್ಠಾನಂ ರೂಪಾಯತನಂ ಸದ್ದಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಚಿತ್ತಸಮುಟ್ಠಾನಂ।

769. Katamaṃ taṃ rūpaṃ bāhiraṃ cittasamuṭṭhānaṃ? Kāyaviññatti vacīviññatti, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ cittasamuṭṭhānaṃ.

೭೭೦. ಕತಮಂ ತಂ ರೂಪಂ ಬಾಹಿರಂ ನ ಚಿತ್ತಸಮುಟ್ಠಾನಂ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಚಿತ್ತಜಂ ನ ಚಿತ್ತಹೇತುಕಂ ನ ಚಿತ್ತಸಮುಟ್ಠಾನಂ ರೂಪಾಯತನಂ ಸದ್ದಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಚಿತ್ತಸಮುಟ್ಠಾನಂ।

770. Katamaṃ taṃ rūpaṃ bāhiraṃ na cittasamuṭṭhānaṃ? Itthindriyaṃ purisindriyaṃ jīvitindriyaṃ rūpassa jaratā rūpassa aniccatā, yaṃ vā panaññampi atthi rūpaṃ na cittajaṃ na cittahetukaṃ na cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ na cittasamuṭṭhānaṃ.

೭೭೧. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಚಿತ್ತಸಹಭು? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಚಿತ್ತಸಹಭು।

771. Katamaṃ taṃ rūpaṃ ajjhattikaṃ na cittasahabhu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittasahabhu.

೭೭೨. ಕತಮಂ ತಂ ರೂಪಂ ಬಾಹಿರಂ ಚಿತ್ತಸಹಭು? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ – ಇದಂ ತಂ ರೂಪಂ ಬಾಹಿರಂ ಚಿತ್ತಸಹಭು।

772. Katamaṃ taṃ rūpaṃ bāhiraṃ cittasahabhu? Kāyaviññatti vacīviññatti – idaṃ taṃ rūpaṃ bāhiraṃ cittasahabhu.

೭೭೩. ಕತಮಂ ತಂ ರೂಪಂ ಬಾಹಿರಂ ನ ಚಿತ್ತಸಹಭು? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಚಿತ್ತಸಹಭು?

773. Katamaṃ taṃ rūpaṃ bāhiraṃ na cittasahabhu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cittasahabhu?

೭೭೪. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಚಿತ್ತಾನುಪರಿವತ್ತಿ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಚಿತ್ತಾನುಪರಿವತ್ತಿ।

774. Katamaṃ taṃ rūpaṃ ajjhattikaṃ na cittānuparivatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittānuparivatti.

೭೭೫. ಕತಮಂ ತಂ ರೂಪಂ ಬಾಹಿರಂ ಚಿತ್ತಾನುಪರಿವತ್ತಿ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ – ಇದಂ ತಂ ರೂಪಂ ಬಾಹಿರಂ ಚಿತ್ತಾನುಪರಿವತ್ತಿ।

775. Katamaṃ taṃ rūpaṃ bāhiraṃ cittānuparivatti? Kāyaviññatti vacīviññatti – idaṃ taṃ rūpaṃ bāhiraṃ cittānuparivatti.

೭೭೬. ಕತಮಂ ತಂ ರೂಪಂ ಬಾಹಿರಂ ನ ಚಿತ್ತಾನುಪರಿವತ್ತಿ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಚಿತ್ತಾನುಪರಿವತ್ತಿ।

776. Katamaṃ taṃ rūpaṃ bāhiraṃ na cittānuparivatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cittānuparivatti.

೭೭೭. ಕತಮಂ ತಂ ರೂಪಂ ಅಜ್ಝತ್ತಿಕಂ ಓಳಾರಿಕಂ? ಚಕ್ಖಾಯತನಂ …ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಓಳಾರಿಕಂ।

777. Katamaṃ taṃ rūpaṃ ajjhattikaṃ oḷārikaṃ? Cakkhāyatanaṃ …pe… kāyāyatanaṃ – idaṃ taṃ rūpaṃ ajjhattikaṃ oḷārikaṃ.

೭೭೮. ಕತಮಂ ತಂ ರೂಪಂ ಬಾಹಿರಂ ಓಳಾರಿಕಂ? ರೂಪಾಯತನಂ…ಪೇ॰… ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಬಾಹಿರಂ ಓಳಾರಿಕಂ।

778. Katamaṃ taṃ rūpaṃ bāhiraṃ oḷārikaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ oḷārikaṃ.

೭೭೯. ಕತಮಂ ತಂ ರೂಪಂ ಬಾಹಿರಂ ಸುಖುಮಂ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಸುಖುಮಂ।

779. Katamaṃ taṃ rūpaṃ bāhiraṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ sukhumaṃ.

೭೮೦. ಕತಮಂ ತಂ ರೂಪಂ ಅಜ್ಝತ್ತಿಕಂ ಸನ್ತಿಕೇ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಸನ್ತಿಕೇ।

780. Katamaṃ taṃ rūpaṃ ajjhattikaṃ santike? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ santike.

೭೮೧. ಕತಮಂ ತಂ ರೂಪಂ ಬಾಹಿರಂ ದೂರೇ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ದೂರೇ।

781. Katamaṃ taṃ rūpaṃ bāhiraṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ dūre.

೭೮೨. ಕತಮಂ ತಂ ರೂಪಂ ಬಾಹಿರಂ ಸನ್ತಿಕೇ? ರೂಪಾಯತನಂ…ಪೇ॰… ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಬಾಹಿರಂ ಸನ್ತಿಕೇ।

782. Katamaṃ taṃ rūpaṃ bāhiraṃ santike? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ santike.

೭೮೩. ಕತಮಂ ತಂ ರೂಪಂ ಬಾಹಿರಂ ಚಕ್ಖುಸಮ್ಫಸ್ಸಸ್ಸ ನ ವತ್ಥು? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಚಕ್ಖುಸಮ್ಫಸ್ಸಸ್ಸ ನ ವತ್ಥು।

783. Katamaṃ taṃ rūpaṃ bāhiraṃ cakkhusamphassassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhusamphassassa na vatthu.

೭೮೪. ಕತಮಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುಸಮ್ಫಸ್ಸಸ್ಸ ವತ್ಥು? ಚಕ್ಖಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುಸಮ್ಫಸ್ಸಸ್ಸ ವತ್ಥು।

784. Katamaṃ taṃ rūpaṃ ajjhattikaṃ cakkhusamphassassa vatthu? Cakkhāyatanaṃ – idaṃ taṃ rūpaṃ ajjhattikaṃ cakkhusamphassassa vatthu.

೭೮೫. ಕತಮಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುಸಮ್ಫಸ್ಸಸ್ಸ ನ ವತ್ಥು? ಸೋತಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುಸಮ್ಫಸ್ಸಸ್ಸ ನ ವತ್ಥು।

785. Katamaṃ taṃ rūpaṃ ajjhattikaṃ cakkhusamphassassa na vatthu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhusamphassassa na vatthu.

೭೮೬. ಕತಮಂ ತಂ ರೂಪಂ ಬಾಹಿರಂ ಚಕ್ಖುಸಮ್ಫಸ್ಸಜಾಯ ವೇದನಾಯ…ಪೇ॰… ಸಞ್ಞಾಯ…ಪೇ॰… ಚೇತನಾಯ…ಪೇ॰… ಚಕ್ಖುವಿಞ್ಞಾಣಸ್ಸ ನ ವತ್ಥು? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಚಕ್ಖುವಿಞ್ಞಾಣಸ್ಸ ನ ವತ್ಥು।

786. Katamaṃ taṃ rūpaṃ bāhiraṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhuviññāṇassa na vatthu.

೭೮೭. ಕತಮಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುವಿಞ್ಞಾಣಸ್ಸ ವತ್ಥು? ಚಕ್ಖಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುವಿಞ್ಞಾಣಸ್ಸ ವತ್ಥು।

787. Katamaṃ taṃ rūpaṃ ajjhattikaṃ cakkhuviññāṇassa vatthu? Cakkhāyatanaṃ – idaṃ taṃ rūpaṃ ajjhattikaṃ cakkhuviññāṇassa vatthu.

೭೮೮. ಕತಮಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುವಿಞ್ಞಾಣಸ್ಸ ನ ವತ್ಥು? ಸೋತಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುವಿಞ್ಞಾಣಸ್ಸ ನ ವತ್ಥು?

788. Katamaṃ taṃ rūpaṃ ajjhattikaṃ cakkhuviññāṇassa na vatthu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhuviññāṇassa na vatthu?

೭೮೯. ಕತಮಂ ತಂ ರೂಪಂ ಬಾಹಿರಂ ಸೋತಸಮ್ಫಸ್ಸಸ್ಸ…ಪೇ॰… ಘಾನಸಮ್ಫಸ್ಸಸ್ಸ…ಪೇ॰… ಜಿವ್ಹಾಸಮ್ಫಸ್ಸಸ್ಸ…ಪೇ॰… ಕಾಯಸಮ್ಫಸ್ಸಸ್ಸ ನ ವತ್ಥು? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಕಾಯಸಮ್ಫಸ್ಸಸ್ಸ ನ ವತ್ಥು।

789. Katamaṃ taṃ rūpaṃ bāhiraṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyasamphassassa na vatthu.

೭೯೦. ಕತಮಂ ತಂ ರೂಪಂ ಅಜ್ಝತ್ತಿಕಂ ಕಾಯಸಮ್ಫಸ್ಸಸ್ಸ ವತ್ಥು? ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಕಾಯಸಮ್ಫಸ್ಸಸ್ಸ ವತ್ಥು।

790. Katamaṃ taṃ rūpaṃ ajjhattikaṃ kāyasamphassassa vatthu? Kāyāyatanaṃ – idaṃ taṃ rūpaṃ ajjhattikaṃ kāyasamphassassa vatthu.

೭೯೧. ಕತಮಂ ತಂ ರೂಪಂ ಅಜ್ಝತ್ತಿಕಂ ಕಾಯಸಮ್ಫಸ್ಸಸ್ಸ ನ ವತ್ಥು? ಚಕ್ಖಾಯತನಂ…ಪೇ॰… ಜಿವ್ಹಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಕಾಯಸಮ್ಫಸ್ಸಸ್ಸ ನ ವತ್ಥು।

791. Katamaṃ taṃ rūpaṃ ajjhattikaṃ kāyasamphassassa na vatthu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ kāyasamphassassa na vatthu.

೭೯೨. ಕತಮಂ ತಂ ರೂಪಂ ಬಾಹಿರಂ ಕಾಯಸಮ್ಫಸ್ಸಜಾಯ ವೇದನಾಯ…ಪೇ॰… ಸಞ್ಞಾಯ…ಪೇ॰… ಚೇತನಾಯ…ಪೇ॰… ಕಾಯವಿಞ್ಞಾಣಸ್ಸ ನ ವತ್ಥು? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಕಾಯವಿಞ್ಞಾಣಸ್ಸ ನ ವತ್ಥು।

792. Katamaṃ taṃ rūpaṃ bāhiraṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyaviññāṇassa na vatthu.

೭೯೩. ಕತಮಂ ತಂ ರೂಪಂ ಅಜ್ಝತ್ತಿಕಂ ಕಾಯವಿಞ್ಞಾಣಸ್ಸ ವತ್ಥು? ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಕಾಯವಿಞ್ಞಾಣಸ್ಸ ವತ್ಥು।

793. Katamaṃ taṃ rūpaṃ ajjhattikaṃ kāyaviññāṇassa vatthu? Kāyāyatanaṃ – idaṃ taṃ rūpaṃ ajjhattikaṃ kāyaviññāṇassa vatthu.

೭೯೪. ಕತಮಂ ತಂ ರೂಪಂ ಅಜ್ಝತ್ತಿಕಂ ಕಾಯವಿಞ್ಞಾಣಸ್ಸ ನ ವತ್ಥು? ಚಕ್ಖಾಯತನಂ…ಪೇ॰… ಜಿವ್ಹಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಕಾಯವಿಞ್ಞಾಣಸ್ಸ ನ ವತ್ಥು।

794. Katamaṃ taṃ rūpaṃ ajjhattikaṃ kāyaviññāṇassa na vatthu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ kāyaviññāṇassa na vatthu.

೭೯೫. ಕತಮಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುಸಮ್ಫಸ್ಸಸ್ಸ ನ ಆರಮ್ಮಣಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುಸಮ್ಫಸ್ಸಸ್ಸ ನ ಆರಮ್ಮಣಂ।

795. Katamaṃ taṃ rūpaṃ ajjhattikaṃ cakkhusamphassassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhusamphassassa na ārammaṇaṃ.

೭೯೬. ಕತಮಂ ತಂ ರೂಪಂ ಬಾಹಿರಂ ಚಕ್ಖುಸಮ್ಫಸ್ಸಸ್ಸ ಆರಮ್ಮಣಂ? ರೂಪಾಯತನಂ – ಇದಂ ತಂ ರೂಪಂ ಬಾಹಿರಂ ಚಕ್ಖುಸಮ್ಫಸ್ಸಸ್ಸ ಆರಮ್ಮಣಂ।

796. Katamaṃ taṃ rūpaṃ bāhiraṃ cakkhusamphassassa ārammaṇaṃ? Rūpāyatanaṃ – idaṃ taṃ rūpaṃ bāhiraṃ cakkhusamphassassa ārammaṇaṃ.

೭೯೭. ಕತಮಂ ತಂ ರೂಪಂ ಬಾಹಿರಂ ಚಕ್ಖುಸಮ್ಫಸ್ಸಸ್ಸ ನ ಆರಮ್ಮಣಂ? ಸದ್ದಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಚಕ್ಖುಸಮ್ಫಸ್ಸಸ್ಸ ನ ಆರಮ್ಮಣಂ।

797. Katamaṃ taṃ rūpaṃ bāhiraṃ cakkhusamphassassa na ārammaṇaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhusamphassassa na ārammaṇaṃ.

೭೯೮. ಕತಮಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುಸಮ್ಫಸ್ಸಜಾಯ ವೇದನಾಯ…ಪೇ॰… ಸಞ್ಞಾಯ…ಪೇ॰… ಚೇತನಾಯ…ಪೇ॰… ಚಕ್ಖುವಿಞ್ಞಾಣಸ್ಸ ನ ಆರಮ್ಮಣಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುವಿಞ್ಞಾಣಸ್ಸ ನ ಆರಮ್ಮಣಂ।

798. Katamaṃ taṃ rūpaṃ ajjhattikaṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhuviññāṇassa na ārammaṇaṃ.

೭೯೯. ಕತಮಂ ತಂ ರೂಪಂ ಬಾಹಿರಂ ಚಕ್ಖುವಿಞ್ಞಾಣಸ್ಸ ಆರಮ್ಮಣಂ? ರೂಪಾಯತನಂ – ಇದಂ ತಂ ರೂಪಂ ಬಾಹಿರಂ ಚಕ್ಖುವಿಞ್ಞಾಣಸ್ಸ ಆರಮ್ಮಣಂ।

799. Katamaṃ taṃ rūpaṃ bāhiraṃ cakkhuviññāṇassa ārammaṇaṃ? Rūpāyatanaṃ – idaṃ taṃ rūpaṃ bāhiraṃ cakkhuviññāṇassa ārammaṇaṃ.

೮೦೦. ಕತಮಂ ತಂ ರೂಪಂ ಬಾಹಿರಂ ಚಕ್ಖುವಿಞ್ಞಾಣಸ್ಸ ನ ಆರಮ್ಮಣಂ? ಸದ್ದಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಚಕ್ಖುವಿಞ್ಞಾಣಸ್ಸ ನ ಆರಮ್ಮಣಂ।

800. Katamaṃ taṃ rūpaṃ bāhiraṃ cakkhuviññāṇassa na ārammaṇaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhuviññāṇassa na ārammaṇaṃ.

೮೦೧. ಕತಮಂ ತಂ ರೂಪಂ ಅಜ್ಝತ್ತಿಕಂ ಸೋತಸಮ್ಫಸ್ಸಸ್ಸ…ಪೇ॰… ಘಾನಸಮ್ಫಸ್ಸಸ್ಸ…ಪೇ॰… ಜಿವ್ಹಾಸಮ್ಫಸ್ಸಸ್ಸ…ಪೇ॰… ಕಾಯಸಮ್ಫಸ್ಸಸ್ಸ ನ ಆರಮ್ಮಣಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಕಾಯಸಮ್ಫಸ್ಸಸ್ಸ ನ ಆರಮ್ಮಣಂ।

801. Katamaṃ taṃ rūpaṃ ajjhattikaṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ kāyasamphassassa na ārammaṇaṃ.

೮೦೨. ಕತಮಂ ತಂ ರೂಪಂ ಬಾಹಿರಂ ಕಾಯಸಮ್ಫಸ್ಸಸ್ಸ ಆರಮ್ಮಣಂ? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಬಾಹಿರಂ ಕಾಯಸಮ್ಫಸ್ಸಸ್ಸ ಆರಮ್ಮಣಂ।

802. Katamaṃ taṃ rūpaṃ bāhiraṃ kāyasamphassassa ārammaṇaṃ? Phoṭṭhabbāyatanaṃ – idaṃ taṃ rūpaṃ bāhiraṃ kāyasamphassassa ārammaṇaṃ.

೮೦೩. ಕತಮಂ ತಂ ರೂಪಂ ಬಾಹಿರಂ ಕಾಯಸಮ್ಫಸ್ಸಸ್ಸ ನ ಆರಮ್ಮಣಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಕಾಯಸಮ್ಫಸ್ಸಸ್ಸ ನ ಆರಮ್ಮಣಂ।

803. Katamaṃ taṃ rūpaṃ bāhiraṃ kāyasamphassassa na ārammaṇaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyasamphassassa na ārammaṇaṃ.

೮೦೪. ಕತಮಂ ತಂ ರೂಪಂ ಅಜ್ಝತ್ತಿಕಂ ಕಾಯಸಮ್ಫಸ್ಸಜಾಯ ವೇದನಾಯ…ಪೇ॰… ಸಞ್ಞಾಯ…ಪೇ॰… ಚೇತನಾಯ…ಪೇ॰… ಕಾಯವಿಞ್ಞಾಣಸ್ಸ ನ ಆರಮ್ಮಣಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಕಾಯವಿಞ್ಞಾಣಸ್ಸ ನ ಆರಮ್ಮಣಂ।

804. Katamaṃ taṃ rūpaṃ ajjhattikaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ kāyaviññāṇassa na ārammaṇaṃ.

೮೦೫. ಕತಮಂ ತಂ ರೂಪಂ ಬಾಹಿರಂ ಕಾಯವಿಞ್ಞಾಣಸ್ಸ ಆರಮ್ಮಣಂ? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಬಾಹಿರಂ ಕಾಯವಿಞ್ಞಾಣಸ್ಸ ಆರಮ್ಮಣಂ।

805. Katamaṃ taṃ rūpaṃ bāhiraṃ kāyaviññāṇassa ārammaṇaṃ? Phoṭṭhabbāyatanaṃ – idaṃ taṃ rūpaṃ bāhiraṃ kāyaviññāṇassa ārammaṇaṃ.

೮೦೬. ಕತಮಂ ತಂ ರೂಪಂ ಬಾಹಿರಂ ಕಾಯವಿಞ್ಞಾಣಸ್ಸ ನ ಆರಮ್ಮಣಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ಕಾಯವಿಞ್ಞಾಣಸ್ಸ ನ ಆರಮ್ಮಣಂ।

806. Katamaṃ taṃ rūpaṃ bāhiraṃ kāyaviññāṇassa na ārammaṇaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyaviññāṇassa na ārammaṇaṃ.

೮೦೭. ಕತಮಂ ತಂ ರೂಪಂ ಬಾಹಿರಂ ನ ಚಕ್ಖಾಯತನಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಚಕ್ಖಾಯತನಂ।

807. Katamaṃ taṃ rūpaṃ bāhiraṃ na cakkhāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhāyatanaṃ.

೮೦೮. ಕತಮಂ ತಂ ರೂಪಂ ಅಜ್ಝತ್ತಿಕಂ ಚಕ್ಖಾಯತನಂ? ಯಂ ಚಕ್ಖು ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಅಜ್ಝತ್ತಿಕಂ ಚಕ್ಖಾಯತನಂ।

808. Katamaṃ taṃ rūpaṃ ajjhattikaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ cakkhāyatanaṃ.

೮೦೯. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಚಕ್ಖಾಯತನಂ? ಸೋತಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಚಕ್ಖಾಯತನಂ।

809. Katamaṃ taṃ rūpaṃ ajjhattikaṃ na cakkhāyatanaṃ? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhāyatanaṃ.

೮೧೦. ಕತಮಂ ತಂ ರೂಪಂ ಬಾಹಿರಂ ನ ಸೋತಾಯತನಂ…ಪೇ॰… ನ ಘಾನಾಯತನಂ…ಪೇ॰… ನ ಜಿವ್ಹಾಯತನಂ…ಪೇ॰… ನ ಕಾಯಾಯತನಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಕಾಯಾಯತನಂ।

810. Katamaṃ taṃ rūpaṃ bāhiraṃ na sotāyatanaṃ…pe… na ghānāyatanaṃ…pe… na jivhāyatanaṃ…pe… na kāyāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyāyatanaṃ.

೮೧೧. ಕತಮಂ ತಂ ರೂಪಂ ಅಜ್ಝತ್ತಿಕಂ ಕಾಯಾಯತನಂ? ಯೋ ಕಾಯೋ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಅಜ್ಝತ್ತಿಕಂ ಕಾಯಾಯತನಂ।

811. Katamaṃ taṃ rūpaṃ ajjhattikaṃ kāyāyatanaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ kāyāyatanaṃ.

೮೧೨. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಕಾಯಾಯತನಂ? ಚಕ್ಖಾಯತನಂ…ಪೇ॰… ಜಿವ್ಹಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಕಾಯಾಯತನಂ।

812. Katamaṃ taṃ rūpaṃ ajjhattikaṃ na kāyāyatanaṃ? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyāyatanaṃ.

೮೧೩. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ರೂಪಾಯತನಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ರೂಪಾಯತನಂ।

813. Katamaṃ taṃ rūpaṃ ajjhattikaṃ na rūpāyatanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na rūpāyatanaṃ.

೮೧೪. ಕತಮಂ ತಂ ರೂಪಂ ಬಾಹಿರಂ ರೂಪಾಯತನಂ? ಯಂ ರೂಪಂ ಚತುನ್ನಂ ಮಹಾಭೂತಾನಂ ಉಪಾದಾಯ ವಣ್ಣನಿಭಾ…ಪೇ॰… ರೂಪಧಾತು ಪೇಸಾ – ಇದಂ ತಂ ರೂಪಂ ಬಾಹಿರಂ ರೂಪಾಯತನಂ।

814. Katamaṃ taṃ rūpaṃ bāhiraṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā…pe… rūpadhātu pesā – idaṃ taṃ rūpaṃ bāhiraṃ rūpāyatanaṃ.

೮೧೫. ಕತಮಂ ತಂ ರೂಪಂ ಬಾಹಿರಂ ನ ರೂಪಾಯತನಂ? ಸದ್ದಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ರೂಪಾಯತನಂ।

815. Katamaṃ taṃ rūpaṃ bāhiraṃ na rūpāyatanaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na rūpāyatanaṃ.

೮೧೬. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಸದ್ದಾಯತನಂ…ಪೇ॰… ನ ಗನ್ಧಾಯತನಂ…ಪೇ॰… ನ ರಸಾಯತನಂ…ಪೇ॰… ನ ಫೋಟ್ಠಬ್ಬಾಯತನಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಫೋಟ್ಠಬ್ಬಾಯತನಂ।

816. Katamaṃ taṃ rūpaṃ ajjhattikaṃ na saddāyatanaṃ…pe… na gandhāyatanaṃ…pe… na rasāyatanaṃ…pe… na phoṭṭhabbāyatanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na phoṭṭhabbāyatanaṃ.

೮೧೭. ಕತಮಂ ತಂ ರೂಪಂ ಬಾಹಿರಂ ಫೋಟ್ಠಬ್ಬಾಯತನಂ? ಪಥವೀಧಾತು…ಪೇ॰… ಫೋಟ್ಠಬ್ಬಧಾತು ಪೇಸಾ – ಇದಂ ತಂ ರೂಪಂ ಬಾಹಿರಂ ಫೋಟ್ಠಬ್ಬಾಯತನಂ।

817. Katamaṃ taṃ rūpaṃ bāhiraṃ phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ bāhiraṃ phoṭṭhabbāyatanaṃ.

೮೧೮. ಕತಮಂ ತಂ ರೂಪಂ ಬಾಹಿರಂ ನ ಫೋಟ್ಠಬ್ಬಾಯತನಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಫೋಟ್ಠಬ್ಬಾಯತನಂ।

818. Katamaṃ taṃ rūpaṃ bāhiraṃ na phoṭṭhabbāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na phoṭṭhabbāyatanaṃ.

೮೧೯. ಕತಮಂ ತಂ ರೂಪಂ ಬಾಹಿರಂ ನ ಚಕ್ಖುಧಾತು? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಚಕ್ಖುಧಾತು।

819. Katamaṃ taṃ rūpaṃ bāhiraṃ na cakkhudhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhudhātu.

೮೨೦. ಕತಮಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುಧಾತು? ಚಕ್ಖಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುಧಾತು।

820. Katamaṃ taṃ rūpaṃ ajjhattikaṃ cakkhudhātu? Cakkhāyatanaṃ – idaṃ taṃ rūpaṃ ajjhattikaṃ cakkhudhātu.

೮೨೧. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಚಕ್ಖುಧಾತು? ಸೋತಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಚಕ್ಖುಧಾತು।

821. Katamaṃ taṃ rūpaṃ ajjhattikaṃ na cakkhudhātu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhudhātu.

೮೨೨. ಕತಮಂ ತಂ ರೂಪಂ ಬಾಹಿರಂ ನ ಸೋತಧಾತು…ಪೇ॰… ನ ಘಾನಧಾತು…ಪೇ॰… ನ ಜಿವ್ಹಾಧಾತು…ಪೇ॰… ನ ಕಾಯಧಾತು? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಕಾಯಧಾತು।

822. Katamaṃ taṃ rūpaṃ bāhiraṃ na sotadhātu…pe… na ghānadhātu…pe… na jivhādhātu…pe… na kāyadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyadhātu.

೮೨೩. ಕತಮಂ ತಂ ರೂಪಂ ಅಜ್ಝತ್ತಿಕಂ ಕಾಯಧಾತು? ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ಕಾಯಧಾತು।

823. Katamaṃ taṃ rūpaṃ ajjhattikaṃ kāyadhātu? Kāyāyatanaṃ – idaṃ taṃ rūpaṃ ajjhattikaṃ kāyadhātu.

೮೨೪. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಕಾಯಧಾತು? ಚಕ್ಖಾಯತನಂ…ಪೇ॰… ಜಿವ್ಹಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಕಾಯಧಾತು।

824. Katamaṃ taṃ rūpaṃ ajjhattikaṃ na kāyadhātu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyadhātu.

೮೨೫. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ರೂಪಧಾತು? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ರೂಪಧಾತು।

825. Katamaṃ taṃ rūpaṃ ajjhattikaṃ na rūpadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na rūpadhātu.

೮೨೬. ಕತಮಂ ತಂ ರೂಪಂ ಬಾಹಿರಂ ರೂಪಧಾತು? ರೂಪಾಯತನಂ – ಇದಂ ತಂ ರೂಪಂ ಬಾಹಿರಂ ರೂಪಧಾತು।

826. Katamaṃ taṃ rūpaṃ bāhiraṃ rūpadhātu? Rūpāyatanaṃ – idaṃ taṃ rūpaṃ bāhiraṃ rūpadhātu.

೮೨೭. ಕತಮಂ ತಂ ರೂಪಂ ಬಾಹಿರಂ ನ ರೂಪಧಾತು? ಸದ್ದಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ರೂಪಧಾತು।

827. Katamaṃ taṃ rūpaṃ bāhiraṃ na rūpadhātu? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na rūpadhātu.

೮೨೮. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಸದ್ದಧಾತು…ಪೇ॰… ನ ಗನ್ಧಧಾತು…ಪೇ॰… ನ ರಸಧಾತು …ಪೇ॰… ನ ಫೋಟ್ಠಬ್ಬಧಾತು? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಫೋಟ್ಠಬ್ಬಧಾತು।

828. Katamaṃ taṃ rūpaṃ ajjhattikaṃ na saddadhātu…pe… na gandhadhātu…pe… na rasadhātu …pe… na phoṭṭhabbadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na phoṭṭhabbadhātu.

೮೨೯. ಕತಮಂ ತಂ ರೂಪಂ ಬಾಹಿರಂ ಫೋಟ್ಠಬ್ಬಧಾತು? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಬಾಹಿರಂ ಫೋಟ್ಠಬ್ಬಧಾತು।

829. Katamaṃ taṃ rūpaṃ bāhiraṃ phoṭṭhabbadhātu? Phoṭṭhabbāyatanaṃ – idaṃ taṃ rūpaṃ bāhiraṃ phoṭṭhabbadhātu.

೮೩೦. ಕತಮಂ ತಂ ರೂಪಂ ಬಾಹಿರಂ ನ ಫೋಟ್ಠಬ್ಬಧಾತು? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಫೋಟ್ಠಬ್ಬಧಾತು।

830. Katamaṃ taṃ rūpaṃ bāhiraṃ na phoṭṭhabbadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na phoṭṭhabbadhātu.

೮೩೧. ಕತಮಂ ತಂ ರೂಪಂ ಬಾಹಿರಂ ನ ಚಕ್ಖುನ್ದ್ರಿಯಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಚಕ್ಖುನ್ದ್ರಿಯಂ।

831. Katamaṃ taṃ rūpaṃ bāhiraṃ na cakkhundriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhundriyaṃ.

೮೩೨. ಕತಮಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುನ್ದ್ರಿಯಂ? ಯಂ ಚಕ್ಖು ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಅಜ್ಝತ್ತಿಕಂ ಚಕ್ಖುನ್ದ್ರಿಯಂ।

832. Katamaṃ taṃ rūpaṃ ajjhattikaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ cakkhundriyaṃ.

೮೩೩. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಚಕ್ಖುನ್ದ್ರಿಯಂ? ಸೋತಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಚಕ್ಖುನ್ದ್ರಿಯಂ।

833. Katamaṃ taṃ rūpaṃ ajjhattikaṃ na cakkhundriyaṃ? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhundriyaṃ.

೮೩೪. ಕತಮಂ ತಂ ರೂಪಂ ಬಾಹಿರಂ ನ ಸೋತಿನ್ದ್ರಿಯಂ…ಪೇ॰… ನ ಘಾನಿನ್ದ್ರಿಯಂ…ಪೇ॰… ನ ಜಿವ್ಹಿನ್ದ್ರಿಯಂ…ಪೇ॰… ನ ಕಾಯಿನ್ದ್ರಿಯಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಕಾಯಿನ್ದ್ರಿಯಂ।

834. Katamaṃ taṃ rūpaṃ bāhiraṃ na sotindriyaṃ…pe… na ghānindriyaṃ…pe… na jivhindriyaṃ…pe… na kāyindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyindriyaṃ.

೮೩೫. ಕತಮಂ ತಂ ರೂಪಂ ಅಜ್ಝತ್ತಿಕಂ ಕಾಯಿನ್ದ್ರಿಯಂ? ಯೋ ಕಾಯೋ ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಅಜ್ಝತ್ತಿಕಂ ಕಾಯಿನ್ದ್ರಿಯಂ।

835. Katamaṃ taṃ rūpaṃ ajjhattikaṃ kāyindriyaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ kāyindriyaṃ.

೮೩೬. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಕಾಯಿನ್ದ್ರಿಯಂ? ಚಕ್ಖಾಯತನಂ…ಪೇ॰… ಜಿವ್ಹಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಕಾಯಿನ್ದ್ರಿಯಂ।

836. Katamaṃ taṃ rūpaṃ ajjhattikaṃ na kāyindriyaṃ? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyindriyaṃ.

೮೩೭. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಇತ್ಥಿನ್ದ್ರಿಯಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಇತ್ಥಿನ್ದ್ರಿಯಂ।

837. Katamaṃ taṃ rūpaṃ ajjhattikaṃ na itthindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na itthindriyaṃ.

೮೩೮. ಕತಮಂ ತಂ ರೂಪಂ ಬಾಹಿರಂ ಇತ್ಥಿನ್ದ್ರಿಯಂ? ಯಂ ಇತ್ಥಿಯಾ ಇತ್ಥಿಲಿಙ್ಗಂ ಇತ್ಥಿನಿಮಿತ್ತಂ ಇತ್ಥಿಕುತ್ತಂ ಇತ್ಥಾಕಪ್ಪೋ ಇತ್ಥತ್ತಂ ಇತ್ಥಿಭಾವೋ – ಇದಂ ತಂ ರೂಪಂ ಬಾಹಿರಂ ಇತ್ಥಿನ್ದ್ರಿಯಂ।

838. Katamaṃ taṃ rūpaṃ bāhiraṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ taṃ rūpaṃ bāhiraṃ itthindriyaṃ.

೮೩೯. ಕತಮಂ ತಂ ರೂಪಂ ಬಾಹಿರಂ ನ ಇತ್ಥಿನ್ದ್ರಿಯಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಇತ್ಥಿನ್ದ್ರಿಯಂ।

839. Katamaṃ taṃ rūpaṃ bāhiraṃ na itthindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na itthindriyaṃ.

೮೪೦. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಪುರಿಸಿನ್ದ್ರಿಯಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಪುರಿಸಿನ್ದ್ರಿಯಂ।

840. Katamaṃ taṃ rūpaṃ ajjhattikaṃ na purisindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na purisindriyaṃ.

೮೪೧. ಕತಮಂ ತಂ ರೂಪಂ ಬಾಹಿರಂ ಪುರಿಸಿನ್ದ್ರಿಯಂ? ಯಂ ಪುರಿಸಸ್ಸ ಪುರಿಸಲಿಙ್ಗಂ ಪುರಿಸನಿಮಿತ್ತಂ ಪುರಿಸಕುತ್ತಂ ಪುರಿಸಾಕಪ್ಪೋ ಪುರಿಸತ್ತಂ ಪುರಿಸಭಾವೋ – ಇದಂ ತಂ ರೂಪಂ ಬಾಹಿರಂ ಪುರಿಸಿನ್ದ್ರಿಯಂ।

841. Katamaṃ taṃ rūpaṃ bāhiraṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ bāhiraṃ purisindriyaṃ.

೮೪೨. ಕತಮಂ ತಂ ರೂಪಂ ಬಾಹಿರಂ ನ ಪುರಿಸಿನ್ದ್ರಿಯಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಪುರಿಸಿನ್ದ್ರಿಯಂ।

842. Katamaṃ taṃ rūpaṃ bāhiraṃ na purisindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na purisindriyaṃ.

೮೪೩. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಜೀವಿತಿನ್ದ್ರಿಯಂ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಜೀವಿತಿನ್ದ್ರಿಯಂ।

843. Katamaṃ taṃ rūpaṃ ajjhattikaṃ na jīvitindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na jīvitindriyaṃ.

೮೪೪. ಕತಮಂ ತಂ ರೂಪಂ ಬಾಹಿರಂ ಜೀವಿತಿನ್ದ್ರಿಯಂ? ಯೋ ತೇಸಂ ರೂಪೀನಂ ಧಮ್ಮಾನಂ ಆಯು ಠಿತಿ ಯಪನಾ ಯಾಪನಾ ಇರಿಯನಾ ವತ್ತನಾ ಪಾಲನಾ ಜೀವಿತಂ ಜೀವಿತಿನ್ದ್ರಿಯಂ – ಇದಂ ತಂ ರೂಪಂ ಬಾಹಿರಂ ಜೀವಿತಿನ್ದ್ರಿಯಂ।

844. Katamaṃ taṃ rūpaṃ bāhiraṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ bāhiraṃ jīvitindriyaṃ.

೮೪೫. ಕತಮಂ ತಂ ರೂಪಂ ಬಾಹಿರಂ ನ ಜೀವಿತಿನ್ದ್ರಿಯಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಜೀವಿತಿನ್ದ್ರಿಯಂ।

845. Katamaṃ taṃ rūpaṃ bāhiraṃ na jīvitindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na jīvitindriyaṃ.

೮೪೬. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಕಾಯವಿಞ್ಞತ್ತಿ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಕಾಯವಿಞ್ಞತ್ತಿ।

846. Katamaṃ taṃ rūpaṃ ajjhattikaṃ na kāyaviññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na kāyaviññatti.

೮೪೭. ಕತಮಂ ತಂ ರೂಪಂ ಬಾಹಿರಂ ಕಾಯವಿಞ್ಞತ್ತಿ? ಯಾ ಕುಸಲಚಿತ್ತಸ್ಸ ವಾ ಅಕುಸಲಚಿತ್ತಸ್ಸ ವಾ ಅಬ್ಯಾಕತಚಿತ್ತಸ್ಸ ವಾ ಅಭಿಕ್ಕಮನ್ತಸ್ಸ ವಾ ಪಟಿಕ್ಕಮನ್ತಸ್ಸ ವಾ ಆಲೋಕೇನ್ತಸ್ಸ ವಾ ವಿಲೋಕೇನ್ತಸ್ಸ ವಾ ಸಮಿಞ್ಜೇನ್ತಸ್ಸ ವಾ ಪಸಾರೇನ್ತಸ್ಸ ವಾ ಕಾಯಸ್ಸ ಥಮ್ಭನಾ ಸನ್ಥಮ್ಭನಾ ಸನ್ಥಮ್ಭಿತತ್ತಂ ವಿಞ್ಞತ್ತಿ ವಿಞ್ಞಾಪನಾ ವಿಞ್ಞಾಪಿತತ್ತಂ – ಇದಂ ತಂ ರೂಪಂ ಬಾಹಿರಂ ಕಾಯವಿಞ್ಞತ್ತಿ।

847. Katamaṃ taṃ rūpaṃ bāhiraṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ bāhiraṃ kāyaviññatti.

೮೪೮. ಕತಮಂ ತಂ ರೂಪಂ ಬಾಹಿರಂ ನ ಕಾಯವಿಞ್ಞತ್ತಿ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಕಾಯವಿಞ್ಞತ್ತಿ।

848. Katamaṃ taṃ rūpaṃ bāhiraṃ na kāyaviññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyaviññatti.

೮೪೯. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ವಚೀವಿಞ್ಞತ್ತಿ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ವಚೀವಿಞ್ಞತ್ತಿ।

849. Katamaṃ taṃ rūpaṃ ajjhattikaṃ na vacīviññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na vacīviññatti.

೮೫೦. ಕತಮಂ ತಂ ರೂಪಂ ಬಾಹಿರಂ ವಚೀವಿಞ್ಞತ್ತಿ? ಯಾ ಕುಸಲಚಿತ್ತಸ್ಸ ವಾ ಅಕುಸಲಚಿತ್ತಸ್ಸ ವಾ ಅಬ್ಯಾಕತಚಿತ್ತಸ್ಸ ವಾ ವಾಚಾ ಗಿರಾ ಬ್ಯಪ್ಪಥೋ ಉದೀರಣಂ ಧೋಸೋ ಘೋಸಕಮ್ಮಂ ವಾಚಾ ವಚೀಭೇದೋ, ಅಯಂ ವುಚ್ಚತಿ ವಾಚಾ। ಯಾ ತಾಯ ವಾಚಾಯ ವಿಞ್ಞತ್ತಿ ವಿಞ್ಞಾಪನಾ ವಿಞ್ಞಾಪಿತತ್ತಂ – ಇದಂ ತಂ ರೂಪಂ ಬಾಹಿರಂ ವಚೀವಿಞ್ಞತ್ತಿ ।

850. Katamaṃ taṃ rūpaṃ bāhiraṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ dhoso ghosakammaṃ vācā vacībhedo, ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ bāhiraṃ vacīviññatti .

೮೫೧. ಕತಮಂ ತಂ ರೂಪಂ ಬಾಹಿರಂ ನ ವಚೀವಿಞ್ಞತ್ತಿ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ವಚೀವಿಞ್ಞತ್ತಿ।

851. Katamaṃ taṃ rūpaṃ bāhiraṃ na vacīviññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na vacīviññatti.

೮೫೨. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಆಕಾಸಧಾತು? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಆಕಾಸಧಾತು।

852. Katamaṃ taṃ rūpaṃ ajjhattikaṃ na ākāsadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na ākāsadhātu.

೮೫೩. ಕತಮಂ ತಂ ರೂಪಂ ಬಾಹಿರಂ ಆಕಾಸಧಾತು? ಯೋ ಆಕಾಸೋ ಆಕಾಸಗತಂ ಅಘಂ ಅಘಗತಂ ವಿವರೋ ವಿವರಗತಂ ಅಸಮ್ಫುಟ್ಠಂ ಚತೂಹಿ ಮಹಾಭೂತೇಹಿ – ಇದಂ ತಂ ರೂಪಂ ಬಾಹಿರಂ ಆಕಾಸಧಾತು।

853. Katamaṃ taṃ rūpaṃ bāhiraṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ bāhiraṃ ākāsadhātu.

೮೫೪. ಕತಮಂ ತಂ ರೂಪಂ ಬಾಹಿರಂ ನ ಆಕಾಸಧಾತು? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಆಕಾಸಧಾತು।

854. Katamaṃ taṃ rūpaṃ bāhiraṃ na ākāsadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na ākāsadhātu.

೮೫೫. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಆಪೋಧಾತು? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಆಪೋಧಾತು।

855. Katamaṃ taṃ rūpaṃ ajjhattikaṃ na āpodhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na āpodhātu.

೮೫೬. ಕತಮಂ ತಂ ರೂಪಂ ಬಾಹಿರಂ ಆಪೋಧಾತು? ಯಂ ಆಪೋ ಆಪೋಗತಂ ಸಿನೇಹೋ ಸಿನೇಹಗತಂ ಬನ್ಧನತ್ತಂ ರೂಪಸ್ಸ – ಇದಂ ತಂ ರೂಪಂ ಬಾಹಿರಂ ಆಪೋಧಾತು।

856. Katamaṃ taṃ rūpaṃ bāhiraṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ bāhiraṃ āpodhātu.

೮೫೭. ಕತಮಂ ತಂ ರೂಪಂ ಬಾಹಿರಂ ನ ಆಪೋಧಾತು? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ನ ಆಪೋಧಾತು।

857. Katamaṃ taṃ rūpaṃ bāhiraṃ na āpodhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na āpodhātu.

೮೫೮. ಕತಮಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಲಹುತಾ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಲಹುತಾ।

858. Katamaṃ taṃ rūpaṃ ajjhattikaṃ rūpassa na lahutā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na lahutā.

೮೫೯. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ಲಹುತಾ? ಯಾ ರೂಪಸ್ಸ ಲಹುತಾ ಲಹುಪರಿಣಾಮತಾ ಅದನ್ಧನತಾ ಅವಿತ್ಥನತಾ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ಲಹುತಾ।

859. Katamaṃ taṃ rūpaṃ bāhiraṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ bāhiraṃ rūpassa lahutā.

೮೬೦. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ನ ಲಹುತಾ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ನ ಲಹುತಾ।

860. Katamaṃ taṃ rūpaṃ bāhiraṃ rūpassa na lahutā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na lahutā.

೮೬೧. ಕತಮಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಮುದುತಾ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಮುದುತಾ।

861. Katamaṃ taṃ rūpaṃ ajjhattikaṃ rūpassa na mudutā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na mudutā.

೮೬೨. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ಮುದುತಾ? ಯಾ ರೂಪಸ್ಸ ಮುದುತಾ ಮದ್ದವತಾ ಅಕಕ್ಖಳತಾ ಅಕಥಿನತಾ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ಮುದುತಾ।

862. Katamaṃ taṃ rūpaṃ bāhiraṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ bāhiraṃ rūpassa mudutā.

೮೬೩. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ನ ಮುದುತಾ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ನ ಮುದುತಾ।

863. Katamaṃ taṃ rūpaṃ bāhiraṃ rūpassa na mudutā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na mudutā.

೮೬೪. ಕತಮಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಕಮ್ಮಞ್ಞತಾ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಕಮ್ಮಞ್ಞತಾ।

864. Katamaṃ taṃ rūpaṃ ajjhattikaṃ rūpassa na kammaññatā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na kammaññatā.

೮೬೫. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ಕಮ್ಮಞ್ಞತಾ? ಯಾ ರೂಪಸ್ಸ ಕಮ್ಮಞ್ಞತಾ ಕಮ್ಮಞ್ಞತ್ತಂ ಕಮ್ಮಞ್ಞಭಾವೋ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ಕಮ್ಮಞ್ಞತಾ।

865. Katamaṃ taṃ rūpaṃ bāhiraṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ bāhiraṃ rūpassa kammaññatā.

೮೬೬. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ನ ಕಮ್ಮಞ್ಞತಾ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ನ ಕಮ್ಮಞ್ಞತಾ।

866. Katamaṃ taṃ rūpaṃ bāhiraṃ rūpassa na kammaññatā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na kammaññatā.

೮೬೭. ಕತಮಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಉಪಚಯೋ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಉಪಚಯೋ।

867. Katamaṃ taṃ rūpaṃ ajjhattikaṃ rūpassa na upacayo? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na upacayo.

೮೬೮. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ಉಪಚಯೋ? ಯೋ ಆಯತನಾನಂ ಆಚಯೋ, ಸೋ ರೂಪಸ್ಸ ಉಪಚಯೋ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ಉಪಚಯೋ।

868. Katamaṃ taṃ rūpaṃ bāhiraṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ bāhiraṃ rūpassa upacayo.

೮೬೯. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ನ ಉಪಚಯೋ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ನ ಉಪಚಯೋ।

869. Katamaṃ taṃ rūpaṃ bāhiraṃ rūpassa na upacayo? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na upacayo.

೮೭೦. ಕತಮಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಸನ್ತತಿ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಸನ್ತತಿ।

870. Katamaṃ taṃ rūpaṃ ajjhattikaṃ rūpassa na santati? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na santati.

೮೭೧. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ಸನ್ತತಿ? ಯೋ ರೂಪಸ್ಸ ಉಪಚಯೋ, ಸಾ ರೂಪಸ್ಸ ಸನ್ತತಿ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ಸನ್ತತಿ।

871. Katamaṃ taṃ rūpaṃ bāhiraṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ bāhiraṃ rūpassa santati.

೮೭೨. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ನ ಸನ್ತತಿ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ನ ಸನ್ತತಿ।

872. Katamaṃ taṃ rūpaṃ bāhiraṃ rūpassa na santati? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na santati.

೮೭೩. ಕತಮಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಜರತಾ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಜರತಾ।

873. Katamaṃ taṃ rūpaṃ ajjhattikaṃ rūpassa na jaratā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na jaratā.

೮೭೪. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ಜರತಾ? ಯಾ ರೂಪಸ್ಸ ಜರಾ ಜೀರಣತಾ ಖಣ್ಡಿಚ್ಚಂ ಪಾಲಿಚ್ಚಂ ವಲಿತ್ತಚತಾ ಆಯುನೋ ಸಂಹಾನಿ ಇನ್ದ್ರಿಯಾನಂ ಪರಿಪಾಕೋ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ಜರತಾ।

874. Katamaṃ taṃ rūpaṃ bāhiraṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ bāhiraṃ rūpassa jaratā.

೮೭೫. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ನ ಜರತಾ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ನ ಜರತಾ।

875. Katamaṃ taṃ rūpaṃ bāhiraṃ rūpassa na jaratā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na jaratā.

೮೭೬. ಕತಮಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಅನಿಚ್ಚತಾ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ರೂಪಸ್ಸ ನ ಅನಿಚ್ಚತಾ।

876. Katamaṃ taṃ rūpaṃ ajjhattikaṃ rūpassa na aniccatā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na aniccatā.

೮೭೭. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ಅನಿಚ್ಚತಾ? ಯೋ ರೂಪಸ್ಸ ಖಯೋ ವಯೋ ಭೇದೋ ಪರಿಭೇದೋ ಅನಿಚ್ಚತಾ ಅನ್ತರಧಾನಂ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ಅನಿಚ್ಚತಾ।

877. Katamaṃ taṃ rūpaṃ bāhiraṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ bāhiraṃ rūpassa aniccatā.

೮೭೮. ಕತಮಂ ತಂ ರೂಪಂ ಬಾಹಿರಂ ರೂಪಸ್ಸ ನ ಅನಿಚ್ಚತಾ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಬಾಹಿರಂ ರೂಪಸ್ಸ ನ ಅನಿಚ್ಚತಾ।

878. Katamaṃ taṃ rūpaṃ bāhiraṃ rūpassa na aniccatā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na aniccatā.

೮೭೯. ಕತಮಂ ತಂ ರೂಪಂ ಅಜ್ಝತ್ತಿಕಂ ನ ಕಬಳೀಕಾರೋ ಆಹಾರೋ? ಚಕ್ಖಾಯತನಂ…ಪೇ॰… ಕಾಯಾಯತನಂ – ಇದಂ ತಂ ರೂಪಂ ಅಜ್ಝತ್ತಿಕಂ ನ ಕಬಳೀಕಾರೋ ಆಹಾರೋ ।

879. Katamaṃ taṃ rūpaṃ ajjhattikaṃ na kabaḷīkāro āhāro? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na kabaḷīkāro āhāro .

೮೮೦. ಕತಮಂ ತಂ ರೂಪಂ ಬಾಹಿರಂ ಕಬಳೀಕಾರೋ ಆಹಾರೋ? ಓದನೋ ಕುಮ್ಮಾಸೋ ಸತ್ತು ಮಚ್ಛೋ ಮಂಸಂ ಖೀರಂ ದಧಿ ಸಪ್ಪಿ ನವನೀತಂ ತೇಲಂ ಮಧು ಫಾಣಿತಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಯಮ್ಹಿ ಯಮ್ಹಿ ಜನಪದೇ ತೇಸಂ ತೇಸಂ ಸತ್ತಾನಂ ಮುಖಾಸಿಯಂ ದನ್ತವಿಖಾದನಂ ಗಲಜ್ಝೋಹರಣೀಯಂ ಕುಚ್ಛಿವಿತ್ಥಮ್ಭನಂ ಯಾಯ ಓಜಾಯ ಸತ್ತಾ ಯಾಪೇನ್ತಿ – ಇದಂ ತಂ ರೂಪಂ ಬಾಹಿರಂ ಕಬಳೀಕಾರೋ ಆಹಾರೋ।

880. Katamaṃ taṃ rūpaṃ bāhiraṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ yāya ojāya sattā yāpenti – idaṃ taṃ rūpaṃ bāhiraṃ kabaḷīkāro āhāro.

೮೮೧. ಕತಮಂ ತಂ ರೂಪಂ ಬಾಹಿರಂ ನ ಕಬಳೀಕಾರೋ ಆಹಾರೋ? ರೂಪಾಯತನಂ…ಪೇ॰… ರೂಪಸ್ಸ ಅನಿಚ್ಚತಾ – ಇದಂ ತಂ ರೂಪಂ ಬಾಹಿರಂ ನ ಕಬಳೀಕಾರೋ ಆಹಾರೋ।

881. Katamaṃ taṃ rūpaṃ bāhiraṃ na kabaḷīkāro āhāro? Rūpāyatanaṃ…pe… rūpassa aniccatā – idaṃ taṃ rūpaṃ bāhiraṃ na kabaḷīkāro āhāro.

ಏವಂ ತಿವಿಧೇನ ರೂಪಸಙ್ಗಹೋ।

Evaṃ tividhena rūpasaṅgaho.

ತಿಕನಿದ್ದೇಸೋ।

Tikaniddeso.

ಚತುಕ್ಕಂ

Catukkaṃ

೮೮೨. ಕತಮಂ ತಂ ರೂಪಂ ಉಪಾದಾ ಉಪಾದಿಣ್ಣಂ? ಚಕ್ಖಾಯತನಂ…ಪೇ॰… ಕಾಯಾಯತನಂ, ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಆಕಾಸಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಾ ಉಪಾದಿಣ್ಣಂ।

882. Katamaṃ taṃ rūpaṃ upādā upādiṇṇaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā upādiṇṇaṃ.

೮೮೩. ಕತಮಂ ತಂ ರೂಪಂ ಉಪಾದಾ ಅನುಪಾದಿಣ್ಣಂ? ಸದ್ದಾಯತನಂ ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಆಕಾಸಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಾ ಅನುಪಾದಿಣ್ಣಂ।

883. Katamaṃ taṃ rūpaṃ upādā anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā anupādiṇṇaṃ.

೮೮೪. ಕತಮಂ ತಂ ರೂಪಂ ನೋ ಉಪಾದಾ ಉಪಾದಿಣ್ಣಂ? ಕಮ್ಮಸ್ಸ ಕತತ್ತಾ ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ನೋ ಉಪಾದಾ ಉಪಾದಿಣ್ಣಂ।

884. Katamaṃ taṃ rūpaṃ no upādā upādiṇṇaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā upādiṇṇaṃ.

೮೮೫. ಕತಮಂ ತಂ ರೂಪಂ ನೋ ಉಪಾದಾ ಅನುಪಾದಿಣ್ಣಂ? ನ ಕಮ್ಮಸ್ಸ ಕತತ್ತಾ ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ನೋ ಉಪಾದಾ ಅನುಪಾದಿಣ್ಣಂ।

885. Katamaṃ taṃ rūpaṃ no upādā anupādiṇṇaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā anupādiṇṇaṃ.

೮೮೬. ಕತಮಂ ತಂ ರೂಪಂ ಉಪಾದಾ ಉಪಾದಿಣ್ಣುಪಾದಾನಿಯಂ? ಚಕ್ಖಾಯತನಂ…ಪೇ॰… ಕಾಯಾಯತನಂ, ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಆಕಾಸಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಾ ಉಪಾದಿಣ್ಣುಪಾದಾನಿಯಂ।

886. Katamaṃ taṃ rūpaṃ upādā upādiṇṇupādāniyaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā upādiṇṇupādāniyaṃ.

೮೮೭. ಕತಮಂ ತಂ ರೂಪಂ ಉಪಾದಾ ಅನುಪಾದಿಣ್ಣುಪಾದಾನಿಯಂ? ಸದ್ದಾಯತನಂ ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಆಕಾಸಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಾ ಅನುಪಾದಿಣ್ಣುಪಾದಾನಿಯಂ।

887. Katamaṃ taṃ rūpaṃ upādā anupādiṇṇupādāniyaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā anupādiṇṇupādāniyaṃ.

೮೮೮. ಕತಮಂ ತಂ ರೂಪಂ ನೋ ಉಪಾದಾ ಉಪಾದಿಣ್ಣುಪಾದಾನಿಯಂ? ಕಮ್ಮಸ್ಸ ಕತತ್ತಾ ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ನೋ ಉಪಾದಾ ಉಪಾದಿಣ್ಣುಪಾದಾನಿಯಂ।

888. Katamaṃ taṃ rūpaṃ no upādā upādiṇṇupādāniyaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā upādiṇṇupādāniyaṃ.

೮೮೯. ಕತಮಂ ತಂ ರೂಪಂ ನೋ ಉಪಾದಾ ಅನುಪಾದಿಣ್ಣುಪಾದಾನಿಯಂ? ನ ಕಮ್ಮಸ್ಸ ಕತತ್ತಾ ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ನೋ ಉಪಾದಾ ಅನುಪಾದಿಣ್ಣುಪಾದಾನಿಯಂ।

889. Katamaṃ taṃ rūpaṃ no upādā anupādiṇṇupādāniyaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā anupādiṇṇupādāniyaṃ.

೮೯೦. ಕತಮಂ ತಂ ರೂಪಂ ಉಪಾದಾ ಸಪ್ಪಟಿಘಂ? ಚಕ್ಖಾಯತನಂ…ಪೇ॰… ರಸಾಯತನಂ – ಇದಂ ತಂ ರೂಪಂ ಉಪಾದಾ ಸಪ್ಪಟಿಘಂ।

890. Katamaṃ taṃ rūpaṃ upādā sappaṭighaṃ? Cakkhāyatanaṃ…pe… rasāyatanaṃ – idaṃ taṃ rūpaṃ upādā sappaṭighaṃ.

೮೯೧. ಕತಮಂ ತಂ ರೂಪಂ ಉಪಾದಾ ಅಪ್ಪಟಿಘಂ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಾ ಅಪ್ಪಟಿಘಂ।

891. Katamaṃ taṃ rūpaṃ upādā appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ upādā appaṭighaṃ.

೮೯೨. ಕತಮಂ ತಂ ರೂಪಂ ನೋ ಉಪಾದಾ ಸಪ್ಪಟಿಘಂ? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ನೋ ಉಪಾದಾ ಸಪ್ಪಟಿಘಂ।

892. Katamaṃ taṃ rūpaṃ no upādā sappaṭighaṃ? Phoṭṭhabbāyatanaṃ – idaṃ taṃ rūpaṃ no upādā sappaṭighaṃ.

೮೯೩. ಕತಮಂ ತಂ ರೂಪಂ ನೋ ಉಪಾದಾ ಅಪ್ಪಟಿಘಂ? ಆಪೋಧಾತು – ಇದಂ ತಂ ರೂಪಂ ನೋ ಉಪಾದಾ ಅಪ್ಪಟಿಘಂ।

893. Katamaṃ taṃ rūpaṃ no upādā appaṭighaṃ? Āpodhātu – idaṃ taṃ rūpaṃ no upādā appaṭighaṃ.

೮೯೪. ಕತಮಂ ತಂ ರೂಪಂ ಉಪಾದಾ ಓಳಾರಿಕಂ? ಚಕ್ಖಾಯತನಂ…ಪೇ॰… ರಸಾಯತನಂ – ಇದಂ ತಂ ರೂಪಂ ಉಪಾದಾ ಓಳಾರಿಕಂ।

894. Katamaṃ taṃ rūpaṃ upādā oḷārikaṃ? Cakkhāyatanaṃ…pe… rasāyatanaṃ – idaṃ taṃ rūpaṃ upādā oḷārikaṃ.

೮೯೫. ಕತಮಂ ತಂ ರೂಪಂ ಉಪಾದಾ ಸುಖುಮಂ ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಾ ಸುಖುಮಂ।

895. Katamaṃ taṃ rūpaṃ upādā sukhumaṃ itthindriyaṃ…pe… kabaḷīkāro āhāro – idaṃ taṃ rūpaṃ upādā sukhumaṃ.

೮೯೬. ಕತಮಂ ತಂ ರೂಪಂ ನೋ ಉಪಾದಾ ಓಳಾರಿಕಂ? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ನೋ ಉಪಾದಾ ಓಳಾರಿಕಂ।

896. Katamaṃ taṃ rūpaṃ no upādā oḷārikaṃ? Phoṭṭhabbāyatanaṃ – idaṃ taṃ rūpaṃ no upādā oḷārikaṃ.

೮೯೭. ಕತಮಂ ತಂ ರೂಪಂ ನೋ ಉಪಾದಾ ಸುಖುಮಂ? ಆಪೋಧಾತು – ಇದಂ ತಂ ರೂಪಂ ನೋ ಉಪಾದಾ ಸುಖುಮಂ।

897. Katamaṃ taṃ rūpaṃ no upādā sukhumaṃ? Āpodhātu – idaṃ taṃ rūpaṃ no upādā sukhumaṃ.

೮೯೮. ಕತಮಂ ತಂ ರೂಪಂ ಉಪಾದಾ ದೂರೇ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಾ ದೂರೇ।

898. Katamaṃ taṃ rūpaṃ upādā dūre? Itthindriyaṃ…pe… kabaḷīkāro āhāro – idaṃ taṃ rūpaṃ upādā dūre.

೮೯೯. ಕತಮಂ ತಂ ರೂಪಂ ಉಪಾದಾ ಸನ್ತಿಕೇ? ಚಕ್ಖಾಯತನಂ…ಪೇ॰… ರಸಾಯತನಂ – ಇದಂ ತಂ ರೂಪಂ ಉಪಾದಾ ಸನ್ತಿಕೇ।

899. Katamaṃ taṃ rūpaṃ upādā santike? Cakkhāyatanaṃ…pe… rasāyatanaṃ – idaṃ taṃ rūpaṃ upādā santike.

೯೦೦. ಕತಮಂ ತಂ ರೂಪಂ ನೋ ಉಪಾದಾ ದೂರೇ? ಆಪೋಧಾತು – ಇದಂ ತಂ ರೂಪಂ ನೋ ಉಪಾದಾ ದೂರೇ।

900. Katamaṃ taṃ rūpaṃ no upādā dūre? Āpodhātu – idaṃ taṃ rūpaṃ no upādā dūre.

೯೦೧. ಕತಮಂ ತಂ ರೂಪಂ ನೋ ಉಪಾದಾ ಸನ್ತಿಕೇ? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ನೋ ಉಪಾದಾ ಸನ್ತಿಕೇ।

901. Katamaṃ taṃ rūpaṃ no upādā santike? Phoṭṭhabbāyatanaṃ – idaṃ taṃ rūpaṃ no upādā santike.

೯೦೨. ಕತಮಂ ತಂ ರೂಪಂ ಉಪಾದಿಣ್ಣಂ ಸನಿದಸ್ಸನಂ? ಕಮ್ಮಸ್ಸ ಕತತ್ತಾ ರೂಪಾಯತನಂ – ಇದಂ ತಂ ರೂಪಂ ಉಪಾದಿಣ್ಣಂ ಸನಿದಸ್ಸನಂ।

902. Katamaṃ taṃ rūpaṃ upādiṇṇaṃ sanidassanaṃ? Kammassa katattā rūpāyatanaṃ – idaṃ taṃ rūpaṃ upādiṇṇaṃ sanidassanaṃ.

೯೦೩. ಕತಮಂ ತಂ ರೂಪಂ ಉಪಾದಿಣ್ಣಂ ಅನಿದಸ್ಸನಂ? ಚಕ್ಖಾಯತನಂ…ಪೇ॰… ಕಾಯಾಯತನಂ, ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣಂ ಅನಿದಸ್ಸನಂ।

903. Katamaṃ taṃ rūpaṃ upādiṇṇaṃ anidassanaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ anidassanaṃ.

೯೦೪. ಕತಮಂ ತಂ ರೂಪಂ ಅನುಪಾದಿಣ್ಣಂ ಸನಿದಸ್ಸನಂ? ನ ಕಮ್ಮಸ್ಸ ಕತತ್ತಾ ರೂಪಾಯತನಂ – ಇದಂ ತಂ ರೂಪಂ ಅನುಪಾದಿಣ್ಣಂ ಸನಿದಸ್ಸನಂ।

904. Katamaṃ taṃ rūpaṃ anupādiṇṇaṃ sanidassanaṃ? Na kammassa katattā rūpāyatanaṃ – idaṃ taṃ rūpaṃ anupādiṇṇaṃ sanidassanaṃ.

೯೦೫. ಕತಮಂ ತಂ ರೂಪಂ ಅನುಪಾದಿಣ್ಣಂ ಅನಿದಸ್ಸನಂ? ಸದ್ದಾಯತನಂ ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ , ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣಂ ಅನಿದಸ್ಸನಂ।

905. Katamaṃ taṃ rūpaṃ anupādiṇṇaṃ anidassanaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ anidassanaṃ.

೯೦೬. ಕತಮಂ ತಂ ರೂಪಂ ಉಪಾದಿಣ್ಣಂ ಸಪ್ಪಟಿಘಂ? ಚಕ್ಖಾಯತನಂ…ಪೇ॰… ಕಾಯಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಉಪಾದಿಣ್ಣಂ ಸಪ್ಪಟಿಘಂ।

906. Katamaṃ taṃ rūpaṃ upādiṇṇaṃ sappaṭighaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ sappaṭighaṃ.

೯೦೭. ಕತಮಂ ತಂ ರೂಪಂ ಉಪಾದಿಣ್ಣಂ ಅಪ್ಪಟಿಘಂ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣಂ ಅಪ್ಪಟಿಘಂ।

907. Katamaṃ taṃ rūpaṃ upādiṇṇaṃ appaṭighaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ appaṭighaṃ.

೯೦೮. ಕತಮಂ ತಂ ರೂಪಂ ಅನುಪಾದಿಣ್ಣಂ ಸಪ್ಪಟಿಘಂ? ಸದ್ದಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಅನುಪಾದಿಣ್ಣಂ ಸಪ್ಪಟಿಘಂ।

908. Katamaṃ taṃ rūpaṃ anupādiṇṇaṃ sappaṭighaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ sappaṭighaṃ.

೯೦೯. ಕತಮಂ ತಂ ರೂಪಂ ಅನುಪಾದಿಣ್ಣಂ ಅಪ್ಪಟಿಘಂ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣಂ ಅಪ್ಪಟಿಘಂ।

909. Katamaṃ taṃ rūpaṃ anupādiṇṇaṃ appaṭighaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ appaṭighaṃ.

೯೧೦. ಕತಮಂ ತಂ ರೂಪಂ ಉಪಾದಿಣ್ಣಂ ಮಹಾಭೂತಂ? ಕಮ್ಮಸ್ಸ ಕತತ್ತಾ ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ಉಪಾದಿಣ್ಣಂ ಮಹಾಭೂತಂ।

910. Katamaṃ taṃ rūpaṃ upādiṇṇaṃ mahābhūtaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ upādiṇṇaṃ mahābhūtaṃ.

೯೧೧. ಕತಮಂ ತಂ ರೂಪಂ ಉಪಾದಿಣ್ಣಂ ನ ಮಹಾಭೂತಂ? ಚಕ್ಖಾಯತನಂ…ಪೇ॰… ಕಾಯಾಯತನಂ ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಆಕಾಸಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣಂ ನ ಮಹಾಭೂತಂ।

911. Katamaṃ taṃ rūpaṃ upādiṇṇaṃ na mahābhūtaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ na mahābhūtaṃ.

೯೧೨. ಕತಮಂ ತಂ ರೂಪಂ ಅನುಪಾದಿಣ್ಣಂ ಮಹಾಭೂತಂ? ನ ಕಮ್ಮಸ್ಸ ಕತತ್ತಾ ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ಅನುಪಾದಿಣ್ಣಂ ಮಹಾಭೂತಂ।

912. Katamaṃ taṃ rūpaṃ anupādiṇṇaṃ mahābhūtaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ anupādiṇṇaṃ mahābhūtaṃ.

೯೧೩. ಕತಮಂ ತಂ ರೂಪಂ ಅನುಪಾದಿಣ್ಣಂ ನ ಮಹಾಭೂತಂ? ಸದ್ದಾಯತನಂ ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಆಕಾಸಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣಂ ನ ಮಹಾಭೂತಂ।

913. Katamaṃ taṃ rūpaṃ anupādiṇṇaṃ na mahābhūtaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ na mahābhūtaṃ.

೯೧೪. ಕತಮಂ ತಂ ರೂಪಂ ಉಪಾದಿಣ್ಣಂ ಓಳಾರಿಕಂ? ಚಕ್ಖಾಯತನಂ…ಪೇ॰… ಕಾಯಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಉಪಾದಿಣ್ಣಂ ಓಳಾರಿಕಂ।

914. Katamaṃ taṃ rūpaṃ upādiṇṇaṃ oḷārikaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ oḷārikaṃ.

೯೧೫. ಕತಮಂ ತಂ ರೂಪಂ ಉಪಾದಿಣ್ಣಂ ಸುಖುಮಂ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣಂ ಸುಖುಮಂ।

915. Katamaṃ taṃ rūpaṃ upādiṇṇaṃ sukhumaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ sukhumaṃ.

೯೧೬. ಕತಮಂ ತಂ ರೂಪಂ ಅನುಪಾದಿಣ್ಣಂ ಓಳಾರಿಕಂ? ಸದ್ದಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಅನುಪಾದಿಣ್ಣಂ ಓಳಾರಿಕಂ।

916. Katamaṃ taṃ rūpaṃ anupādiṇṇaṃ oḷārikaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ oḷārikaṃ.

೯೧೭. ಕತಮಂ ತಂ ರೂಪಂ ಅನುಪಾದಿಣ್ಣಂ ಸುಖುಮಂ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣಂ ಸುಖುಮಂ।

917. Katamaṃ taṃ rūpaṃ anupādiṇṇaṃ sukhumaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ sukhumaṃ.

೯೧೮. ಕತಮಂ ತಂ ರೂಪಂ ಉಪಾದಿಣ್ಣಂ ದೂರೇ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣಂ ದೂರೇ।

918. Katamaṃ taṃ rūpaṃ upādiṇṇaṃ dūre? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ dūre.

೯೧೯. ಕತಮಂ ತಂ ರೂಪಂ ಉಪಾದಿಣ್ಣಂ ಸನ್ತಿಕೇ? ಚಕ್ಖಾಯತನಂ…ಪೇ॰… ಕಾಯಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಉಪಾದಿಣ್ಣಂ ಸನ್ತಿಕೇ।

919. Katamaṃ taṃ rūpaṃ upādiṇṇaṃ santike? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ santike.

೯೨೦. ಕತಮಂ ತಂ ರೂಪಂ ಅನುಪಾದಿಣ್ಣಂ ದೂರೇ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣಂ ದೂರೇ।

920. Katamaṃ taṃ rūpaṃ anupādiṇṇaṃ dūre? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ dūre.

೯೨೧. ಕತಮಂ ತಂ ರೂಪಂ ಅನುಪಾದಿಣ್ಣಂ ಸನ್ತಿಕೇ? ಸದ್ದಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಅನುಪಾದಿಣ್ಣಂ ಸನ್ತಿಕೇ।

921. Katamaṃ taṃ rūpaṃ anupādiṇṇaṃ santike? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ santike.

೯೨೨. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಸನಿದಸ್ಸನಂ? ಕಮ್ಮಸ್ಸ ಕತತ್ತಾ ರೂಪಾಯತನಂ – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಸನಿದಸ್ಸನಂ।

922. Katamaṃ taṃ rūpaṃ upādiṇṇupādāniyaṃ sanidassanaṃ? Kammassa katattā rūpāyatanaṃ – idaṃ taṃ rūpaṃ upādiṇṇupādāniyaṃ sanidassanaṃ.

೯೨೩. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಅನಿದಸ್ಸನಂ? ಚಕ್ಖಾಯತನಂ…ಪೇ॰… ಕಾಯಾಯತನಂ, ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಅನಿದಸ್ಸನಂ।

923. Katamaṃ taṃ rūpaṃ upādiṇṇupādāniyaṃ anidassanaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ anidassanaṃ.

೯೨೪. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಸನಿದಸ್ಸನಂ? ನ ಕಮ್ಮಸ್ಸ ಕತತ್ತಾ ರೂಪಾಯತನಂ – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಸನಿದಸ್ಸನಂ।

924. Katamaṃ taṃ rūpaṃ anupādiṇṇupādāniyaṃ sanidassanaṃ? Na kammassa katattā rūpāyatanaṃ – idaṃ taṃ rūpaṃ anupādiṇṇupādāniyaṃ sanidassanaṃ.

೯೨೫. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಅನಿದಸ್ಸನಂ? ಸದ್ದಾಯತನಂ ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಅನಿದಸ್ಸನಂ।

925. Katamaṃ taṃ rūpaṃ anupādiṇṇupādāniyaṃ anidassanaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ anidassanaṃ.

೯೨೬. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಸಪ್ಪಟಿಘಂ? ಚಕ್ಖಾಯತನಂ…ಪೇ॰… ಕಾಯಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಸಪ್ಪಟಿಘಂ।

926. Katamaṃ taṃ rūpaṃ upādiṇṇupādāniyaṃ sappaṭighaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ sappaṭighaṃ.

೯೨೭. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಅಪ್ಪಟಿಘಂ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಅಪ್ಪಟಿಘಂ।

927. Katamaṃ taṃ rūpaṃ upādiṇṇupādāniyaṃ appaṭighaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ appaṭighaṃ.

೯೨೮. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಸಪ್ಪಟಿಘಂ? ಸದ್ದಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಸಪ್ಪಟಿಘಂ।

928. Katamaṃ taṃ rūpaṃ anupādiṇṇupādāniyaṃ sappaṭighaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ sappaṭighaṃ.

೯೨೯. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಅಪ್ಪಟಿಘಂ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಅಪ್ಪಟಿಘಂ।

929. Katamaṃ taṃ rūpaṃ anupādiṇṇupādāniyaṃ appaṭighaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ appaṭighaṃ.

೯೩೦. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಮಹಾಭೂತಂ? ಕಮ್ಮಸ್ಸ ಕತತ್ತಾ ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಮಹಾಭೂತಂ ।

930. Katamaṃ taṃ rūpaṃ upādiṇṇupādāniyaṃ mahābhūtaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ upādiṇṇupādāniyaṃ mahābhūtaṃ .

೯೩೧. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ನ ಮಹಾಭೂತಂ? ಚಕ್ಖಾಯತನಂ…ಪೇ॰… ಕಾಯಾಯತನಂ ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಆಕಾಸಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ನ ಮಹಾಭೂತಂ।

931. Katamaṃ taṃ rūpaṃ upādiṇṇupādāniyaṃ na mahābhūtaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ na mahābhūtaṃ.

೯೩೨. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಮಹಾಭೂತಂ? ನ ಕಮ್ಮಸ್ಸ ಕತತ್ತಾ ಫೋಟ್ಠಬ್ಬಾಯತನಂ ಆಪೋಧಾತು – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಮಹಾಭೂತಂ।

932. Katamaṃ taṃ rūpaṃ anupādiṇṇupādāniyaṃ mahābhūtaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ anupādiṇṇupādāniyaṃ mahābhūtaṃ.

೯೩೩. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ನ ಮಹಾಭೂತಂ? ಸದ್ದಾಯತನಂ ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಆಕಾಸಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ನ ಮಹಾಭೂತಂ।

933. Katamaṃ taṃ rūpaṃ anupādiṇṇupādāniyaṃ na mahābhūtaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ na mahābhūtaṃ.

೯೩೪. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಓಳಾರಿಕಂ? ಚಕ್ಖಾಯತನಂ…ಪೇ॰… ಕಾಯಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಓಳಾರಿಕಂ।

934. Katamaṃ taṃ rūpaṃ upādiṇṇupādāniyaṃ oḷārikaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ oḷārikaṃ.

೯೩೫. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಸುಖುಮಂ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಸುಖುಮಂ।

935. Katamaṃ taṃ rūpaṃ upādiṇṇupādāniyaṃ sukhumaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ sukhumaṃ.

೯೩೬. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಓಳಾರಿಕಂ? ಸದ್ದಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಓಳಾರಿಕಂ।

936. Katamaṃ taṃ rūpaṃ anupādiṇṇupādāniyaṃ oḷārikaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ oḷārikaṃ.

೯೩೭. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಸುಖುಮಂ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಸುಖುಮಂ।

937. Katamaṃ taṃ rūpaṃ anupādiṇṇupādāniyaṃ sukhumaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ sukhumaṃ.

೯೩೮. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ದೂರೇ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ದೂರೇ।

938. Katamaṃ taṃ rūpaṃ upādiṇṇupādāniyaṃ dūre? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ dūre.

೯೩೯. ಕತಮಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಸನ್ತಿಕೇ ಚಕ್ಖಾಯತನಂ…ಪೇ॰… ಕಾಯಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಉಪಾದಿಣ್ಣುಪಾದಾನಿಯಂ ಸನ್ತಿಕೇ।

939. Katamaṃ taṃ rūpaṃ upādiṇṇupādāniyaṃ santike cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ santike.

೯೪೦. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ದೂರೇ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ ರೂಪಸ್ಸ ಲಹುತಾ ರೂಪಸ್ಸ ಮುದುತಾ ರೂಪಸ್ಸ ಕಮ್ಮಞ್ಞತಾ ರೂಪಸ್ಸ ಜರತಾ ರೂಪಸ್ಸ ಅನಿಚ್ಚತಾ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ಆಕಾಸಧಾತು ಆಪೋಧಾತು ರೂಪಸ್ಸ ಉಪಚಯೋ ರೂಪಸ್ಸ ಸನ್ತತಿ ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ದೂರೇ।

940. Katamaṃ taṃ rūpaṃ anupādiṇṇupādāniyaṃ dūre? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ dūre.

೯೪೧. ಕತಮಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಸನ್ತಿಕೇ? ಸದ್ದಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ನ ಕಮ್ಮಸ್ಸ ಕತತ್ತಾ ರೂಪಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಅನುಪಾದಿಣ್ಣುಪಾದಾನಿಯಂ ಸನ್ತಿಕೇ।

941. Katamaṃ taṃ rūpaṃ anupādiṇṇupādāniyaṃ santike? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ santike.

೯೪೨. ಕತಮಂ ತಂ ರೂಪಂ ಸಪ್ಪಟಿಘಂ ಇನ್ದ್ರಿಯಂ? ಚಕ್ಖುನ್ದ್ರಿಯಂ…ಪೇ॰… ಕಾಯಿನ್ದ್ರಿಯಂ – ಇದಂ ತಂ ರೂಪಂ ಸಪ್ಪಟಿಘಂ ಇನ್ದ್ರಿಯಂ।

942. Katamaṃ taṃ rūpaṃ sappaṭighaṃ indriyaṃ? Cakkhundriyaṃ…pe… kāyindriyaṃ – idaṃ taṃ rūpaṃ sappaṭighaṃ indriyaṃ.

೯೪೩. ಕತಮಂ ತಂ ರೂಪಂ ಸಪ್ಪಟಿಘಂ ನ ಇನ್ದ್ರಿಯಂ? ರೂಪಾಯತನಂ…ಪೇ॰… ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಸಪ್ಪಟಿಘಂ ನ ಇನ್ದ್ರಿಯಂ।

943. Katamaṃ taṃ rūpaṃ sappaṭighaṃ na indriyaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ sappaṭighaṃ na indriyaṃ.

೯೪೪. ಕತಮಂ ತಂ ರೂಪಂ ಅಪ್ಪಟಿಘಂ ಇನ್ದ್ರಿಯಂ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ – ಇದಂ ತಂ ರೂಪಂ ಅಪ್ಪಟಿಘಂ ಇನ್ದ್ರಿಯಂ।

944. Katamaṃ taṃ rūpaṃ appaṭighaṃ indriyaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ appaṭighaṃ indriyaṃ.

೯೪೫. ಕತಮಂ ತಂ ರೂಪಂ ಅಪ್ಪಟಿಘಂ ನ ಇನ್ದ್ರಿಯಂ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅಪ್ಪಟಿಘಂ ನ ಇನ್ದ್ರಿಯಂ।

945. Katamaṃ taṃ rūpaṃ appaṭighaṃ na indriyaṃ? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ appaṭighaṃ na indriyaṃ.

೯೪೬. ಕತಮಂ ತಂ ರೂಪಂ ಸಪ್ಪಟಿಘಂ ಮಹಾಭೂತಂ? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಸಪ್ಪಟಿಘಂ ಮಹಾಭೂತಂ।

946. Katamaṃ taṃ rūpaṃ sappaṭighaṃ mahābhūtaṃ? Phoṭṭhabbāyatanaṃ – idaṃ taṃ rūpaṃ sappaṭighaṃ mahābhūtaṃ.

೯೪೭. ಕತಮಂ ತಂ ರೂಪಂ ಸಪ್ಪಟಿಘಂ ನ ಮಹಾಭೂತಂ? ಚಕ್ಖಾಯತನಂ…ಪೇ॰… ರಸಾಯತನಂ – ಇದಂ ತಂ ರೂಪಂ ಸಪ್ಪಟಿಘಂ ನ ಮಹಾಭೂತಂ।

947. Katamaṃ taṃ rūpaṃ sappaṭighaṃ na mahābhūtaṃ? Cakkhāyatanaṃ…pe… rasāyatanaṃ – idaṃ taṃ rūpaṃ sappaṭighaṃ na mahābhūtaṃ.

೯೪೮. ಕತಮಂ ತಂ ರೂಪಂ ಅಪ್ಪಟಿಘಂ ಮಹಾಭೂತಂ? ಆಪೋಧಾತು – ಇದಂ ತಂ ರೂಪಂ ಅಪ್ಪಟಿಘಂ ಮಹಾಭೂತಂ।

948. Katamaṃ taṃ rūpaṃ appaṭighaṃ mahābhūtaṃ? Āpodhātu – idaṃ taṃ rūpaṃ appaṭighaṃ mahābhūtaṃ.

೯೪೯. ಕತಮಂ ತಂ ರೂಪಂ ಅಪ್ಪಟಿಘಂ ನ ಮಹಾಭೂತಂ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅಪ್ಪಟಿಘಂ ನ ಮಹಾಭೂತಂ।

949. Katamaṃ taṃ rūpaṃ appaṭighaṃ na mahābhūtaṃ? Itthindriyaṃ…pe… kabaḷīkāro āhāro – idaṃ taṃ rūpaṃ appaṭighaṃ na mahābhūtaṃ.

೯೫೦. ಕತಮಂ ತಂ ರೂಪಂ ಇನ್ದ್ರಿಯಂ ಓಳಾರಿಕಂ? ಚಕ್ಖುನ್ದ್ರಿಯಂ…ಪೇ॰… ಕಾಯಿನ್ದ್ರಿಯಂ – ಇದಂ ತಂ ರೂಪಂ ಇನ್ದ್ರಿಯಂ ಓಳಾರಿಕಂ।

950. Katamaṃ taṃ rūpaṃ indriyaṃ oḷārikaṃ? Cakkhundriyaṃ…pe… kāyindriyaṃ – idaṃ taṃ rūpaṃ indriyaṃ oḷārikaṃ.

೯೫೧. ಕತಮಂ ತಂ ರೂಪಂ ಇನ್ದ್ರಿಯಂ ಸುಖುಮಂ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ – ಇದಂ ತಂ ರೂಪಂ ಇನ್ದ್ರಿಯಂ ಸುಖುಮಂ।

951. Katamaṃ taṃ rūpaṃ indriyaṃ sukhumaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ sukhumaṃ.

೯೫೨. ಕತಮಂ ತಂ ರೂಪಂ ನ ಇನ್ದ್ರಿಯಂ ಓಳಾರಿಕಂ? ರೂಪಾಯತನಂ…ಪೇ॰… ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ನ ಇನ್ದ್ರಿಯಂ ಓಳಾರಿಕಂ।

952. Katamaṃ taṃ rūpaṃ na indriyaṃ oḷārikaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ oḷārikaṃ.

೯೫೩. ಕತಮಂ ತಂ ರೂಪಂ ನ ಇನ್ದ್ರಿಯಂ ಸುಖುಮಂ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಇನ್ದ್ರಿಯಂ ಸುಖುಮಂ।

953. Katamaṃ taṃ rūpaṃ na indriyaṃ sukhumaṃ? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ na indriyaṃ sukhumaṃ.

೯೫೪. ಕತಮಂ ತಂ ರೂಪಂ ಇನ್ದ್ರಿಯಂ ದೂರೇ? ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ – ಇದಂ ತಂ ರೂಪಂ ಇನ್ದ್ರಿಯಂ ದೂರೇ।

954. Katamaṃ taṃ rūpaṃ indriyaṃ dūre? Itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ dūre.

೯೫೫. ಕತಮಂ ತಂ ರೂಪಂ ಇನ್ದ್ರಿಯಂ ಸನ್ತಿಕೇ? ಚಕ್ಖುನ್ದ್ರಿಯಂ…ಪೇ॰… ಕಾಯಿನ್ದ್ರಿಯಂ – ಇದಂ ತಂ ರೂಪಂ ಇನ್ದ್ರಿಯಂ ಸನ್ತಿಕೇ।

955. Katamaṃ taṃ rūpaṃ indriyaṃ santike? Cakkhundriyaṃ…pe… kāyindriyaṃ – idaṃ taṃ rūpaṃ indriyaṃ santike.

೯೫೬. ಕತಮಂ ತಂ ರೂಪಂ ನ ಇನ್ದ್ರಿಯಂ ದೂರೇ? ಕಾಯವಿಞ್ಞತ್ತಿ ವಚೀವಿಞ್ಞತ್ತಿ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಇನ್ದ್ರಿಯಂ ದೂರೇ।

956. Katamaṃ taṃ rūpaṃ na indriyaṃ dūre? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ na indriyaṃ dūre.

೯೫೭. ಕತಮಂ ತಂ ರೂಪಂ ನ ಇನ್ದ್ರಿಯಂ ಸನ್ತಿಕೇ? ರೂಪಾಯತನಂ…ಪೇ॰… ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ನ ಇನ್ದ್ರಿಯಂ ಸನ್ತಿಕೇ।

957. Katamaṃ taṃ rūpaṃ na indriyaṃ santike? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ santike.

೯೫೮. ಕತಮಂ ತಂ ರೂಪಂ ಮಹಾಭೂತಂ ಓಳಾರಿಕಂ? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಮಹಾಭೂತಂ ಓಳಾರಿಕಂ।

958. Katamaṃ taṃ rūpaṃ mahābhūtaṃ oḷārikaṃ? Phoṭṭhabbāyatanaṃ – idaṃ taṃ rūpaṃ mahābhūtaṃ oḷārikaṃ.

೯೫೯. ಕತಮಂ ತಂ ರೂಪಂ ಮಹಾಭೂತಂ ಸುಖುಮಂ? ಆಪೋಧಾತು – ಇದಂ ತಂ ರೂಪಂ ಮಹಾಭೂತಂ ಸುಖುಮಂ।

959. Katamaṃ taṃ rūpaṃ mahābhūtaṃ sukhumaṃ? Āpodhātu – idaṃ taṃ rūpaṃ mahābhūtaṃ sukhumaṃ.

೯೬೦. ಕತಮಂ ತಂ ರೂಪಂ ನ ಮಹಾಭೂತಂ ಓಳಾರಿಕಂ? ಚಕ್ಖಾಯತನಂ…ಪೇ॰… ರಸಾಯತನಂ – ಇದಂ ತಂ ರೂಪಂ ನ ಮಹಾಭೂತಂ ಓಳಾರಿಕಂ।

960. Katamaṃ taṃ rūpaṃ na mahābhūtaṃ oḷārikaṃ? Cakkhāyatanaṃ…pe… rasāyatanaṃ – idaṃ taṃ rūpaṃ na mahābhūtaṃ oḷārikaṃ.

೯೬೧. ಕತಮಂ ತಂ ರೂಪಂ ನ ಮಹಾಭೂತಂ ಸುಖುಮಂ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಮಹಾಭೂತಂ ಸುಖುಮಂ।

961. Katamaṃ taṃ rūpaṃ na mahābhūtaṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ na mahābhūtaṃ sukhumaṃ.

೯೬೨. ಕತಮಂ ತಂ ರೂಪಂ ಮಹಾಭೂತಂ ದೂರೇ? ಆಪೋಧಾತು – ಇದಂ ತಂ ರೂಪಂ ಮಹಾಭೂತಂ ದೂರೇ।

962. Katamaṃ taṃ rūpaṃ mahābhūtaṃ dūre? Āpodhātu – idaṃ taṃ rūpaṃ mahābhūtaṃ dūre.

೯೬೩. ಕತಮಂ ತಂ ರೂಪಂ ಮಹಾಭೂತಂ ಸನ್ತಿಕೇ? ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ಮಹಾಭೂತಂ ಸನ್ತಿಕೇ।

963. Katamaṃ taṃ rūpaṃ mahābhūtaṃ santike? Phoṭṭhabbāyatanaṃ – idaṃ taṃ rūpaṃ mahābhūtaṃ santike.

೯೬೪. ಕತಮಂ ತಂ ರೂಪಂ ನ ಮಹಾಭೂತಂ ದೂರೇ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಮಹಾಭೂತಂ ದೂರೇ।

964. Katamaṃ taṃ rūpaṃ na mahābhūtaṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ na mahābhūtaṃ dūre.

೯೬೫. ಕತಮಂ ತಂ ರೂಪಂ ನ ಮಹಾಭೂತಂ ಸನ್ತಿಕೇ? ಚಕ್ಖಾಯತನಂ…ಪೇ॰… ರಸಾಯತನಂ – ಇದಂ ತಂ ರೂಪಂ ನ ಮಹಾಭೂತಂ ಸನ್ತಿಕೇ।

965. Katamaṃ taṃ rūpaṃ na mahābhūtaṃ santike? Cakkhāyatanaṃ…pe… rasāyatanaṃ – idaṃ taṃ rūpaṃ na mahābhūtaṃ santike.

೯೬೬. ರೂಪಾಯತನಂ ದಿಟ್ಠಂ, ಸದ್ದಾಯತನಂ ಸುತಂ, ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಮುತಂ, ಸಬ್ಬಂ ರೂಪಂ ಮನಸಾ ವಿಞ್ಞಾತಂ ರೂಪಂ।

966. Rūpāyatanaṃ diṭṭhaṃ, saddāyatanaṃ sutaṃ, gandhāyatanaṃ rasāyatanaṃ phoṭṭhabbāyatanaṃ mutaṃ, sabbaṃ rūpaṃ manasā viññātaṃ rūpaṃ.

ಏವಂ ಚತುಬ್ಬಿಧೇನ ರೂಪಸಙ್ಗಹೋ।

Evaṃ catubbidhena rūpasaṅgaho.

ಚತುಕ್ಕಂ।

Catukkaṃ.

ಪಞ್ಚಕಂ

Pañcakaṃ

೯೬೭. ಕತಮಂ ತಂ ರೂಪಂ ಪಥವೀಧಾತು? ಯಂ ಕಕ್ಖಳಂ ಖರಗತಂ ¹³ ಕಕ್ಖಳತ್ತಂ ಕಕ್ಖಳಭಾವೋ ಅಜ್ಝತ್ತಂ ವಾ ಬಹಿದ್ಧಾ ವಾ ಉಪಾದಿಣ್ಣಂ ವಾ ಅನುಪಾದಿಣ್ಣಂ ವಾ – ಇದಂ ತಂ ರೂಪಂ ಪಥವೀಧಾತು।

967. Katamaṃ taṃ rūpaṃ pathavīdhātu? Yaṃ kakkhaḷaṃ kharagataṃ ¹⁴ kakkhaḷattaṃ kakkhaḷabhāvo ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ pathavīdhātu.

೯೬೮. ಕತಮಂ ತಂ ರೂಪಂ ಆಪೋಧಾತು? ಯಂ ಆಪೋ ಆಪೋಗತಂ ಸಿನೇಹೋ ಸಿನೇಹಗತಂ ಬನ್ಧನತ್ತಂ ರೂಪಸ್ಸ ಅಜ್ಝತ್ತಂ ವಾ ಬಹಿದ್ಧಾ ವಾ ಉಪಾದಿಣ್ಣಂ ವಾ ಅನುಪಾದಿಣ್ಣಂ ವಾ – ಇದಂ ತಂ ರೂಪಂ ಆಪೋಧಾತು।

968. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ āpodhātu.

೯೬೯. ಕತಮಂ ತಂ ರೂಪಂ ತೇಜೋಧಾತು? ಯಂ ತೇಜೋ ತೇಜೋಗತಂ ಉಸ್ಮಾ ಉಸ್ಮಾಗತಂ ಉಸುಮಂ ಉಸುಮಗತಂ ಅಜ್ಝತ್ತಂ ವಾ ಬಹಿದ್ಧಾ ವಾ ಉಪಾದಿಣ್ಣಂ ವಾ ಅನುಪಾದಿಣ್ಣಂ ವಾ – ಇದಂ ತಂ ರೂಪಂ ತೇಜೋಧಾತು।

969. Katamaṃ taṃ rūpaṃ tejodhātu? Yaṃ tejo tejogataṃ usmā usmāgataṃ usumaṃ usumagataṃ ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ tejodhātu.

೯೭೦. ಕತಮಂ ತಂ ರೂಪಂ ವಾಯೋಧಾತು? ಯಂ ವಾಯೋ ವಾಯೋಗತಂ ಥಮ್ಭಿತತ್ತಂ ರೂಪಸ್ಸ ಅಜ್ಝತ್ತಂ ವಾ ಬಹಿದ್ಧಾ ವಾ ಉಪಾದಿಣ್ಣಂ ವಾ ಅನುಪಾದಿಣ್ಣಂ ವಾ – ಇದಂ ತಂ ರೂಪಂ ವಾಯೋಧಾತು।

970. Katamaṃ taṃ rūpaṃ vāyodhātu? Yaṃ vāyo vāyogataṃ thambhitattaṃ rūpassa ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ vāyodhātu.

೯೭೧. ಕತಮಂ ತಂ ರೂಪಂ ಉಪಾದಾ? ಚಕ್ಖಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಉಪಾದಾ।

971. Katamaṃ taṃ rūpaṃ upādā? Cakkhāyatanaṃ…pe… kabaḷīkāro āhāro – idaṃ taṃ rūpaṃ upādā.

ಏವಂ ಪಞ್ಚವಿಧೇನ ರೂಪಸಙ್ಗಹೋ।

Evaṃ pañcavidhena rūpasaṅgaho.

ಪಞ್ಚಕಂ।

Pañcakaṃ.

ಛಕ್ಕಂ

Chakkaṃ

೯೭೨. ರೂಪಾಯತನಂ ಚಕ್ಖುವಿಞ್ಞೇಯ್ಯಂ ರೂಪಂ, ಸದ್ದಾಯತನಂ ಸೋತವಿಞ್ಞೇಯ್ಯಂ ರೂಪಂ, ಗನ್ಧಾಯತನಂ ಘಾನವಿಞ್ಞೇಯ್ಯಂ ರೂಪಂ, ರಸಾಯತನಂ ಜಿವ್ಹಾವಿಞ್ಞೇಯ್ಯಂ ರೂಪಂ, ಫೋಟ್ಠಬ್ಬಾಯತನಂ ಕಾಯವಿಞ್ಞೇಯ್ಯಂ ರೂಪಂ, ಸಬ್ಬಂ ರೂಪಂ ಮನೋವಿಞ್ಞೇಯ್ಯಂ ರೂಪಂ।

972. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, phoṭṭhabbāyatanaṃ kāyaviññeyyaṃ rūpaṃ, sabbaṃ rūpaṃ manoviññeyyaṃ rūpaṃ.

ಏವಂ ಛಬ್ಬಿಧೇನ ರೂಪಸಙ್ಗಹೋ।

Evaṃ chabbidhena rūpasaṅgaho.

ಛಕ್ಕಂ।

Chakkaṃ.

ಸತ್ತಕಂ

Sattakaṃ

೯೭೩. ರೂಪಾಯತನಂ ಚಕ್ಖುವಿಞ್ಞೇಯ್ಯಂ ರೂಪಂ, ಸದ್ದಾಯತನಂ ಸೋತವಿಞ್ಞೇಯ್ಯಂ ರೂಪಂ, ಗನ್ಧಾಯತನಂ ಘಾನವಿಞ್ಞೇಯ್ಯಂ ರೂಪಂ, ರಸಾಯತನಂ ಜಿವ್ಹಾವಿಞ್ಞೇಯ್ಯಂ ರೂಪಂ, ಫೋಟ್ಠಬ್ಬಾಯತನಂ ಕಾಯವಿಞ್ಞೇಯ್ಯಂ ರೂಪಂ, ರೂಪಾಯತನಂ ಸದ್ದಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಮನೋಧಾತುವಿಞ್ಞೇಯ್ಯಂ ರೂಪಂ, ಸಬ್ಬಂ ರೂಪಂ ಮನೋವಿಞ್ಞಾಣಧಾತುವಿಞ್ಞೇಯ್ಯಂ ರೂಪಂ।

973. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, phoṭṭhabbāyatanaṃ kāyaviññeyyaṃ rūpaṃ, rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuviññeyyaṃ rūpaṃ, sabbaṃ rūpaṃ manoviññāṇadhātuviññeyyaṃ rūpaṃ.

ಏವಂ ಸತ್ತವಿಧೇನ ರೂಪಸಙ್ಗಹೋ।

Evaṃ sattavidhena rūpasaṅgaho.

ಸತ್ತಕಂ।

Sattakaṃ.

ಅಟ್ಠಕಂ

Aṭṭhakaṃ

೯೭೪. ರೂಪಾಯತನಂ ಚಕ್ಖುವಿಞ್ಞೇಯ್ಯಂ ರೂಪಂ, ಸದ್ದಾಯತನಂ ಸೋತವಿಞ್ಞೇಯ್ಯಂ ರೂಪಂ, ಗನ್ಧಾಯತನಂ ಘಾನವಿಞ್ಞೇಯ್ಯಂ ರೂಪಂ, ರಸಾಯತನಂ ಜಿವ್ಹಾವಿಞ್ಞೇಯ್ಯಂ ರೂಪಂ, ಮನಾಪಿಯೋ ಫೋಟ್ಠಬ್ಬೋ ಸುಖಸಮ್ಫಸ್ಸೋ ಕಾಯವಿಞ್ಞೇಯ್ಯಂ ರೂಪಂ, ಅಮನಾಪಿಯೋ ಫೋಟ್ಠಬ್ಬೋ ದುಕ್ಖಸಮ್ಫಸ್ಸೋ ಕಾಯವಿಞ್ಞೇಯ್ಯಂ ರೂಪಂ, ರೂಪಾಯತನಂ ಸದ್ದಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಮನೋಧಾತುವಿಞ್ಞೇಯ್ಯಂ ರೂಪಂ, ಸಬ್ಬಂ ರೂಪಂ ಮನೋವಿಞ್ಞಾಣಧಾತುವಿಞ್ಞೇಯ್ಯಂ ರೂಪಂ।

974. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, manāpiyo phoṭṭhabbo sukhasamphasso kāyaviññeyyaṃ rūpaṃ, amanāpiyo phoṭṭhabbo dukkhasamphasso kāyaviññeyyaṃ rūpaṃ, rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuviññeyyaṃ rūpaṃ, sabbaṃ rūpaṃ manoviññāṇadhātuviññeyyaṃ rūpaṃ.

ಏವಂ ಅಟ್ಠವಿಧೇನ ರೂಪಸಙ್ಗಹೋ।

Evaṃ aṭṭhavidhena rūpasaṅgaho.

ಅಟ್ಠಕಂ।

Aṭṭhakaṃ.

ನವಕಂ

Navakaṃ

೯೭೫. ಕತಮಂ ತಂ ರೂಪಂ ಚಕ್ಖುನ್ದ್ರಿಯಂ? ಯಂ ಚಕ್ಖು ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಚಕ್ಖುನ್ದ್ರಿಯಂ ।

975. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ .

೯೭೬. ಕತಮಂ ತಂ ರೂಪಂ ಸೋತಿನ್ದ್ರಿಯಂ…ಪೇ॰… ಘಾನಿನ್ದ್ರಿಯಂ…ಪೇ॰… ಜಿವ್ಹಿನ್ದ್ರಿಯಂ…ಪೇ॰… ಕಾಯಿನ್ದ್ರಿಯಂ …ಪೇ॰… ಇತ್ಥಿನ್ದ್ರಿಯಂ…ಪೇ॰… ಪುರಿಸಿನ್ದ್ರಿಯಂ…ಪೇ॰… ಜೀವಿತಿನ್ದ್ರಿಯಂ? ಯೋ ತೇಸಂ ರೂಪೀನಂ ಧಮ್ಮಾನಂ ಆಯು ಠಿತಿ ಯಪನಾ ಯಾಪನಾ ಇರಿಯನಾ ವತ್ತನಾ ಪಾಲನಾ ಜೀವಿತಂ ಜೀವಿತಿನ್ದ್ರಿಯಂ – ಇದಂ ತಂ ರೂಪಂ ಜೀವಿತಿನ್ದ್ರಿಯಂ।

976. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ …pe… itthindriyaṃ…pe… purisindriyaṃ…pe… jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

೯೭೭. ಕತಮಂ ತಂ ರೂಪಂ ನ ಇನ್ದ್ರಿಯಂ? ರೂಪಾಯತನಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಇನ್ದ್ರಿಯಂ।

977. Katamaṃ taṃ rūpaṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ na indriyaṃ.

ಏವಂ ನವವಿಧೇನ ರೂಪಸಙ್ಗಹೋ।

Evaṃ navavidhena rūpasaṅgaho.

ನವಕಂ।

Navakaṃ.

ದಸಕಂ

Dasakaṃ

೯೭೮. ಕತಮಂ ತಂ ರೂಪಂ ಚಕ್ಖುನ್ದ್ರಿಯಂ? ಯಂ ಚಕ್ಖು ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಚಕ್ಖುನ್ದ್ರಿಯಂ।

978. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ.

೯೭೯. ಕತಮಂ ತಂ ರೂಪಂ ಸೋತಿನ್ದ್ರಿಯಂ…ಪೇ॰… ಘಾನಿನ್ದ್ರಿಯಂ…ಪೇ॰… ಜಿವ್ಹಿನ್ದ್ರಿಯಂ…ಪೇ॰… ಕಾಯಿನ್ದ್ರಿಯಂ…ಪೇ॰… ಇತ್ಥಿನ್ದ್ರಿಯಂ…ಪೇ॰… ಪುರಿಸಿನ್ದ್ರಿಯಂ…ಪೇ॰… ಜೀವಿತಿನ್ದ್ರಿಯಂ? ಯೋ ತೇಸಂ ರೂಪೀನಂ ಧಮ್ಮಾನಂ ಆಯು ಠಿತಿ ಯಪನಾ ಯಾಪನಾ ಇರಿಯನಾ ವತ್ತನಾ ಪಾಲನಾ ಜೀವಿತಂ ಜೀವಿತಿನ್ದ್ರಿಯಂ – ಇದಂ ತಂ ರೂಪಂ ಜೀವಿತಿನ್ದ್ರಿಯಂ।

979. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ…pe… itthindriyaṃ…pe… purisindriyaṃ…pe… jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

೯೮೦. ಕತಮಂ ತಂ ರೂಪಂ ನ ಇನ್ದ್ರಿಯಂ ಸಪ್ಪಟಿಘಂ? ರೂಪಾಯತನಂ…ಪೇ॰… ಫೋಟ್ಠಬ್ಬಾಯತನಂ – ಇದಂ ತಂ ರೂಪಂ ನ ಇನ್ದ್ರಿಯಂ ಸಪ್ಪಟಿಘಂ।

980. Katamaṃ taṃ rūpaṃ na indriyaṃ sappaṭighaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ sappaṭighaṃ.

೯೮೧. ಕತಮಂ ತಂ ರೂಪಂ ನ ಇನ್ದ್ರಿಯಂ ಅಪ್ಪಟಿಘಂ? ಕಾಯವಿಞ್ಞತ್ತಿ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ನ ಇನ್ದ್ರಿಯಂ ಅಪ್ಪಟಿಘಂ।

981. Katamaṃ taṃ rūpaṃ na indriyaṃ appaṭighaṃ? Kāyaviññatti…pe… kabaḷīkāro āhāro – idaṃ taṃ rūpaṃ na indriyaṃ appaṭighaṃ.

ಏವಂ ದಸವಿಧೇನ ರೂಪಸಙ್ಗಹೋ।

Evaṃ dasavidhena rūpasaṅgaho.

ದಸಕಂ।

Dasakaṃ.

ಏಕಾದಸಕಂ

Ekādasakaṃ

೯೮೨. ಕತಮಂ ತಂ ರೂಪಂ ಚಕ್ಖಾಯತನಂ? ಯಂ ಚಕ್ಖು ಚತುನ್ನಂ ಮಹಾಭೂತಾನಂ ಉಪಾದಾಯ ಪಸಾದೋ…ಪೇ॰… ಸುಞ್ಞೋ ಗಾಮೋ ಪೇಸೋ – ಇದಂ ತಂ ರೂಪಂ ಚಕ್ಖಾಯತನಂ ।

982. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhāyatanaṃ .

೯೮೩. ಕತಮಂ ತಂ ರೂಪಂ ಸೋತಾಯತನಂ…ಪೇ॰… ಘಾನಾಯತನಂ…ಪೇ॰… ಜಿವ್ಹಾಯತನಂ…ಪೇ॰… ಕಾಯಾಯತನಂ…ಪೇ॰… ರೂಪಾಯತನಂ…ಪೇ॰… ಸದ್ದಾಯತನಂ…ಪೇ॰… ಗನ್ಧಾಯತನಂ…ಪೇ॰… ರಸಾಯತನಂ…ಪೇ॰… ಫೋಟ್ಠಬ್ಬಾಯತನಂ? ಪಥವೀಧಾತು…ಪೇ॰… ಫೋಟ್ಠಬ್ಬಧಾತು ಪೇಸಾ – ಇದಂ ತಂ ರೂಪಂ ಫೋಟ್ಠಬ್ಬಾಯತನಂ।

983. Katamaṃ taṃ rūpaṃ sotāyatanaṃ…pe… ghānāyatanaṃ…pe… jivhāyatanaṃ…pe… kāyāyatanaṃ…pe… rūpāyatanaṃ…pe… saddāyatanaṃ…pe… gandhāyatanaṃ…pe… rasāyatanaṃ…pe… phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

೯೮೪. ಕತಮಂ ತಂ ರೂಪಂ ಅನಿದಸ್ಸನಂ ಅಪ್ಪಟಿಘಂ ಧಮ್ಮಾಯತನಪರಿಯಾಪನ್ನಂ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ – ಇದಂ ತಂ ರೂಪಂ ಅನಿದಸ್ಸನಂ ಅಪ್ಪಟಿಘಂ ಧಮ್ಮಾಯತನಪರಿಯಾಪನ್ನಂ।

984. Katamaṃ taṃ rūpaṃ anidassanaṃ appaṭighaṃ dhammāyatanapariyāpannaṃ? Itthindriyaṃ…pe… kabaḷīkāro āhāro – idaṃ taṃ rūpaṃ anidassanaṃ appaṭighaṃ dhammāyatanapariyāpannaṃ.

ಏವಂ ಏಕಾದಸವಿಧೇನ ರೂಪಸಙ್ಗಹೋ।

Evaṃ ekādasavidhena rūpasaṅgaho.

ಏಕಾದಸಕಂ।

Ekādasakaṃ.

ಅಟ್ಠಮಭಾಣವಾರೋ।

Aṭṭhamabhāṇavāro.

ರೂಪವಿಭತ್ತಿ।

Rūpavibhatti.

ರೂಪಕಣ್ಡಂ ನಿಟ್ಠಿತಂ।

Rūpakaṇḍaṃ niṭṭhitaṃ.

Next: ೩. ನಿಕ್ಖೇಪಕಣ್ಡಂ • 3. Nikkhepakaṇḍaṃ

Footnotes: