| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
руубавибхад̇д̇изгаганид̣̇д̣̇зсаван̣н̣анаа
Rūpavibhattiekakaniddesavaṇṇanā
594. ид̣̇аани д̇ассаа ад̇т̇ам̣ бхааж̇зд̇ваа д̣̇ассзд̇ум̣ саб̣б̣ам̣ руубам̣ на хзд̇умзваад̇иаад̣̇и аарад̣̇д̇хам̣. гасмаа банзд̇т̇а ‘гад̇амам̣ д̇ам̣ саб̣б̣ам̣ руубам̣ на хзд̇уу’д̇и бужчаа на гад̇аад̇и? бхзд̣̇аабхаавад̇о. яат̇аа хи д̣̇угаад̣̇ийсу ‘убаад̣̇аарууба’мби ад̇т̇и ‘ноубаад̣̇аарууба’мби, звамид̇ха хзд̇у на хзд̇ууд̇иби сахзд̇угамахзд̇уганд̇иби бхзд̣̇о над̇т̇и, д̇асмаа бужчам̣ агад̇ваава вибхад̇д̇ам̣. д̇ад̇т̇а ‘саб̣б̣а’нд̇и сагалам̣, ниравасзсам̣. ‘рууба’нд̇и аяамасса сийд̇аад̣̇ийхи руббанабхаавад̣̇ийбано сааман̃н̃алагкан̣анид̣̇д̣̇зсо. на хзд̇умзваад̇и саад̇хааран̣ахзд̇убадигкзбанид̣̇д̣̇зсо.
594. Idāni tassā atthaṃ bhājetvā dassetuṃ sabbaṃ rūpaṃ na hetumevātiādi āraddhaṃ. Kasmā panettha ‘katamaṃ taṃ sabbaṃ rūpaṃ na hetū’ti pucchā na katāti? Bhedābhāvato. Yathā hi dukādīsu ‘upādārūpa’mpi atthi ‘noupādārūpa’mpi, evamidha hetu na hetūtipi sahetukamahetukantipi bhedo natthi, tasmā pucchaṃ akatvāva vibhattaṃ. Tattha ‘sabba’nti sakalaṃ, niravasesaṃ. ‘Rūpa’nti ayamassa sītādīhi ruppanabhāvadīpano sāmaññalakkhaṇaniddeso. Na hetumevāti sādhāraṇahetupaṭikkhepaniddeso.
д̇ад̇т̇а хзд̇ухзд̇у бажжаяахзд̇у уд̇д̇амахзд̇у саад̇хааран̣ахзд̇ууд̇и жад̇уб̣б̣ид̇хо хзд̇у. д̇зсу ‘д̇аяо гусалахзд̇уу, д̇аяо агусалахзд̇уу, д̇аяо аб̣яаагад̇ахзд̇уу’д̇и (д̇ха. са. 1059) аяам̣ ‘хзд̇ухзд̇у’ наама. ‘‘жад̇д̇ааро ко, бхигку, махаабхууд̇аа хзд̇у, жад̇д̇ааро махаабхууд̇аа бажжаяо руубагканд̇хасса бан̃н̃аабанааяаа’’д̇и (ма. ни. 3.85; сам̣. ни. 3.82) аяам̣ ‘бажжаяахзд̇у’ наама. ‘‘гусалаагусалам̣ ад̇д̇ано вибаагадтаанз, уд̇д̇амам̣ идтаарамман̣ам̣ гусалавибаагадтаанз, уд̇д̇амам̣ анидтаарамман̣ам̣ агусалавибаагадтаанз’’д̇и аяам̣ ‘уд̇д̇амахзд̇у’ наама. яат̇ааха – ‘ад̇ийд̇аанааг̇ад̇абажжуббаннаанам̣ гаммасамаад̣̇аанаанам̣ таанасо хзд̇усо вибаагам̣ яат̇аабхууд̇ам̣ баж̇аанаад̇ий’д̇и (ма. ни. 1.148; вибха. 810; баади. ма. 2.44), ‘‘зсзва хзд̇у зса бажжаяо сан̇каараанам̣ яад̣̇ид̣̇ам̣ авиж̇ж̇аа’’д̇и авиж̇ж̇аа сан̇каараанам̣ саад̇хааран̣ахзд̇у худ̇ваа бажжаяадтам̣ парад̇ийд̇и аяам̣ ‘саад̇хааран̣ахзд̇у’ наама. яат̇аа хи бат̇авийрасо ааборасо жа мад̇хурассааби амад̇хурассааби бажжаяо, звам̣ авиж̇ж̇аа гусаласан̇каараанамби агусаласан̇каараанамби саад̇хааран̣абажжаяо ход̇и. имасмим̣ банад̇т̇з ‘хзд̇ухзд̇у’ ад̇хиббзд̇о. ид̇и ‘хзд̇уу д̇хаммаа на хзд̇уу д̇хаммаа’д̇и (д̇ха. са. д̣̇угамаад̇игаа 1) маад̇игааяа ааг̇ад̇ам̣ хзд̇убхаавам̣ руубасса нияамзд̇ваа бадигкибанд̇о ‘на хзд̇умзваа’д̇и ааха. иминаа наязна саб̣б̣абад̣̇зсу бадигкзбанид̣̇д̣̇зсо жа аббадигкзбанид̣̇д̣̇зсо жа взд̣̇ид̇аб̣б̣о. важанад̇т̇о бана саб̣б̣абад̣̇аанам̣ маад̇игааван̣н̣анааяам̣ вуд̇д̇оязва.
Tattha hetuhetu paccayahetu uttamahetu sādhāraṇahetūti catubbidho hetu. Tesu ‘tayo kusalahetū, tayo akusalahetū, tayo abyākatahetū’ti (dha. sa. 1059) ayaṃ ‘hetuhetu’ nāma. ‘‘Cattāro kho, bhikkhu, mahābhūtā hetu, cattāro mahābhūtā paccayo rūpakkhandhassa paññāpanāyā’’ti (ma. ni. 3.85; saṃ. ni. 3.82) ayaṃ ‘paccayahetu’ nāma. ‘‘Kusalākusalaṃ attano vipākaṭṭhāne, uttamaṃ iṭṭhārammaṇaṃ kusalavipākaṭṭhāne, uttamaṃ aniṭṭhārammaṇaṃ akusalavipākaṭṭhāne’’ti ayaṃ ‘uttamahetu’ nāma. Yathāha – ‘atītānāgatapaccuppannānaṃ kammasamādānānaṃ ṭhānaso hetuso vipākaṃ yathābhūtaṃ pajānātī’ti (ma. ni. 1.148; vibha. 810; pāṭi. ma. 2.44), ‘‘eseva hetu esa paccayo saṅkhārānaṃ yadidaṃ avijjā’’ti avijjā saṅkhārānaṃ sādhāraṇahetu hutvā paccayaṭṭhaṃ pharatīti ayaṃ ‘sādhāraṇahetu’ nāma. Yathā hi pathavīraso āporaso ca madhurassāpi amadhurassāpi paccayo, evaṃ avijjā kusalasaṅkhārānampi akusalasaṅkhārānampi sādhāraṇapaccayo hoti. Imasmiṃ panatthe ‘hetuhetu’ adhippeto. Iti ‘hetū dhammā na hetū dhammā’ti (dha. sa. dukamātikā 1) mātikāya āgataṃ hetubhāvaṃ rūpassa niyametvā paṭikkhipanto ‘na hetumevā’ti āha. Iminā nayena sabbapadesu paṭikkhepaniddeso ca appaṭikkhepaniddeso ca veditabbo. Vacanattho pana sabbapadānaṃ mātikāvaṇṇanāyaṃ vuttoyeva.
саббажжаяамзваад̇и зд̇т̇а бана гаммасамудтаанам̣ гаммабажжаяамзва ход̇и, аахаарасамудтаанаад̣̇ийни аахаараад̣̇ибажжаяаанзваад̇и звам̣ руубассзва вуд̇д̇ажад̇убажжаяавасзна ад̇т̇о взд̣̇ид̇аб̣б̣о. руубамзваад̇и ‘руубино д̇хаммаа аруубино д̇хаммаа’д̇и маад̇игааяа вуд̇д̇ам̣ аруубийбхаавам̣ бадигкибад̇и. уббаннам̣ чахи вин̃н̃аан̣зхийд̇и бажжуббаннаруубамзва жагкувин̃н̃аан̣аад̣̇ийхи чахи взд̣̇ид̇аб̣б̣ам̣. нияаамо бана жагкувин̃н̃аан̣аад̣̇ийни санд̇хааяа г̇ахид̇о. на хи д̇аани ад̇ийд̇аанааг̇ад̇ам̣ виж̇аананд̇и. мановин̃н̃аан̣ам̣ бана ад̇ийд̇амби анааг̇ад̇амби виж̇аанаад̇и. д̇ам̣ имасмим̣ бан̃жавин̃н̃аан̣асод̇з бад̇ид̇ад̇д̇аа сод̇абад̇ид̇амзва худ̇ваа г̇ад̇ам̣. худ̇ваа абхаавадтзна бана анижжамзва. ж̇арааяа абхибхавид̇аб̣б̣ад̇хаммагад̇д̇аа ж̇араабхибхууд̇амзва. яасмаа ваа руубагааяз ж̇араа баагадаа ход̇и, д̇асмааби ‘ж̇араабхибхууд̇амзваа’д̇и вуд̇д̇ам̣.
Sappaccayamevāti ettha pana kammasamuṭṭhānaṃ kammapaccayameva hoti, āhārasamuṭṭhānādīni āhārādipaccayānevāti evaṃ rūpasseva vuttacatupaccayavasena attho veditabbo. Rūpamevāti ‘rūpino dhammā arūpino dhammā’ti mātikāya vuttaṃ arūpībhāvaṃ paṭikkhipati. Uppannaṃ chahi viññāṇehīti paccuppannarūpameva cakkhuviññāṇādīhi chahi veditabbaṃ. Niyāmo pana cakkhuviññāṇādīni sandhāya gahito. Na hi tāni atītānāgataṃ vijānanti. Manoviññāṇaṃ pana atītampi anāgatampi vijānāti. Taṃ imasmiṃ pañcaviññāṇasote patitattā sotapatitameva hutvā gataṃ. Hutvā abhāvaṭṭhena pana aniccameva. Jarāya abhibhavitabbadhammakattā jarābhibhūtameva. Yasmā vā rūpakāye jarā pākaṭā hoti, tasmāpi ‘jarābhibhūtamevā’ti vuttaṃ.
звам̣ згавид̇хзна руубасан̇г̇аход̇и зд̇т̇а ‘вид̇хаа’-сад̣̇д̣̇о маанасан̣таанагодтаасзсу д̣̇иссад̇и. ‘‘сзяяохамасмийд̇и вид̇хаа, сад̣̇исохамасмийд̇и вид̇хаа’’д̇иаад̣̇ийсу (вибха. 962) хи маано вид̇хаа наама. ‘‘гат̇ам̣вид̇хам̣ сийлаванд̇ам̣ вад̣̇анд̇и, гат̇ам̣вид̇хам̣ бан̃н̃аванд̇ам̣ вад̣̇анд̇ий’’д̇иаад̣̇ийсу (сам̣. ни. 1.95) сан̣таанам̣. ‘гат̇ам̣вид̇ха’нд̇и хи бад̣̇асса гат̇ам̣сан̣таананд̇и ад̇т̇о. ‘‘згавид̇хзна н̃аан̣авад̇т̇ум̣ д̣̇увид̇хзна н̃аан̣авад̇т̇уу’’д̇иаад̣̇ийсу (вибха. 751-752) годтаасо вид̇хаа наама. ид̇хааби годтаасова ад̇хиббзд̇о.
Evaṃ ekavidhena rūpasaṅgahoti ettha ‘vidhā’-saddo mānasaṇṭhānakoṭṭhāsesu dissati. ‘‘Seyyohamasmīti vidhā, sadisohamasmīti vidhā’’tiādīsu (vibha. 962) hi māno vidhā nāma. ‘‘Kathaṃvidhaṃ sīlavantaṃ vadanti, kathaṃvidhaṃ paññavantaṃ vadantī’’tiādīsu (saṃ. ni. 1.95) saṇṭhānaṃ. ‘Kathaṃvidha’nti hi padassa kathaṃsaṇṭhānanti attho. ‘‘Ekavidhena ñāṇavatthuṃ duvidhena ñāṇavatthū’’tiādīsu (vibha. 751-752) koṭṭhāso vidhā nāma. Idhāpi koṭṭhāsova adhippeto.
сан̇г̇ахасад̣̇д̣̇оби саж̇аад̇исан̃ж̇аад̇игирияааг̇ан̣анавасзна жад̇уб̣б̣ид̇хо. д̇ад̇т̇а ‘‘саб̣б̣з кад̇д̇ияаа ааг̇ажчанд̇у, саб̣б̣з б̣раахман̣аа саб̣б̣з взссаа саб̣б̣з суд̣̇д̣̇аа ааг̇ажчанд̇у’’, ‘‘яаа жаавусо висаака, саммааваажаа, яо жа саммаагамманд̇о, яо жа саммааааж̇ийво – имз д̇хаммаа сийлагканд̇хз сан̇г̇ахид̇аа’’д̇и (ма. ни. 1.462) аяам̣ ‘саж̇аад̇исан̇г̇ахо’ наама. ‘згаж̇аад̇игаа ааг̇ажчанд̇уу’д̇и вуд̇д̇адтаанз вияа хи ид̇ха саб̣б̣з ж̇аад̇ияаа згасан̇г̇ахам̣ г̇ад̇аа. ‘‘саб̣б̣з госалагаа ааг̇ажчанд̇у, саб̣б̣з мааг̇ад̇хагаа, саб̣б̣з бхааругажчагаа ааг̇ажчанд̇у’’, ‘‘яо жаавусо висаака, саммаавааяаамо, яаа жа саммаасад̇и, яо жа саммаасамаад̇хи – имз д̇хаммаа самаад̇хигканд̇хз сан̇г̇ахид̇аа’’д̇и аяам̣ ‘сан̃ж̇аад̇исан̇г̇ахо’ наама. згадтаанз ж̇аад̇аа сам̣вуд̣̇д̇хаа ааг̇ажчанд̇ууд̇и вуд̇д̇адтаанз вияа хи ид̇ха саб̣б̣з сан̃ж̇аад̇идтаанзна нивуд̇т̇огаасзна згасан̇г̇ахам̣ г̇ад̇аа. ‘‘саб̣б̣з хад̇т̇аарохаа ааг̇ажчанд̇у, саб̣б̣з ассаарохаа, саб̣б̣з рат̇игаа ааг̇ажчанд̇у’’, ‘‘яаа жаавусо висаака, саммаад̣̇идти, яо жа саммаасан̇габбо – имз д̇хаммаа бан̃н̃аагканд̇хз сан̇г̇ахид̇аа’’д̇и (ма. ни. 1.462) аяам̣ ‘гирияаасан̇г̇ахо’ наама. саб̣б̣зва хзд̇з ад̇д̇ано гирияаагаран̣зна згасан̇г̇ахам̣ г̇ад̇аа. ‘‘жагкааяад̇анам̣ гад̇амагканд̇хаг̇ан̣анам̣ г̇ажчад̇и? жагкааяад̇анам̣ руубагканд̇хаг̇ан̣анам̣ г̇ажчад̇и. хан̃жи жагкааяад̇анам̣ руубагканд̇хаг̇ан̣анам̣ г̇ажчад̇и, д̇зна вад̇а рз вад̇д̇аб̣б̣з – жагкааяад̇анам̣ руубагканд̇хзна сан̇г̇ахид̇а’’нд̇и (гат̇аа. 471), аяам̣ ‘г̇ан̣анасан̇г̇ахо’ наама. аяамид̇ха ад̇хиббзд̇о. згагодтаасзна руубаг̇ан̣анаад̇и аяан̃хзд̇т̇а ад̇т̇о. зса наяо саб̣б̣ад̇т̇а.
Saṅgahasaddopi sajātisañjātikiriyāgaṇanavasena catubbidho. Tattha ‘‘sabbe khattiyā āgacchantu, sabbe brāhmaṇā sabbe vessā sabbe suddā āgacchantu’’, ‘‘yā cāvuso visākha, sammāvācā, yo ca sammākammanto, yo ca sammāājīvo – ime dhammā sīlakkhandhe saṅgahitā’’ti (ma. ni. 1.462) ayaṃ ‘sajātisaṅgaho’ nāma. ‘Ekajātikā āgacchantū’ti vuttaṭṭhāne viya hi idha sabbe jātiyā ekasaṅgahaṃ gatā. ‘‘Sabbe kosalakā āgacchantu, sabbe māgadhakā, sabbe bhārukacchakā āgacchantu’’, ‘‘yo cāvuso visākha, sammāvāyāmo, yā ca sammāsati, yo ca sammāsamādhi – ime dhammā samādhikkhandhe saṅgahitā’’ti ayaṃ ‘sañjātisaṅgaho’ nāma. Ekaṭṭhāne jātā saṃvuddhā āgacchantūti vuttaṭṭhāne viya hi idha sabbe sañjātiṭṭhānena nivutthokāsena ekasaṅgahaṃ gatā. ‘‘Sabbe hatthārohā āgacchantu, sabbe assārohā, sabbe rathikā āgacchantu’’, ‘‘yā cāvuso visākha, sammādiṭṭhi, yo ca sammāsaṅkappo – ime dhammā paññākkhandhe saṅgahitā’’ti (ma. ni. 1.462) ayaṃ ‘kiriyāsaṅgaho’ nāma. Sabbeva hete attano kiriyākaraṇena ekasaṅgahaṃ gatā. ‘‘Cakkhāyatanaṃ katamakkhandhagaṇanaṃ gacchati? Cakkhāyatanaṃ rūpakkhandhagaṇanaṃ gacchati. Hañci cakkhāyatanaṃ rūpakkhandhagaṇanaṃ gacchati, tena vata re vattabbe – cakkhāyatanaṃ rūpakkhandhena saṅgahita’’nti (kathā. 471), ayaṃ ‘gaṇanasaṅgaho’ nāma. Ayamidha adhippeto. Ekakoṭṭhāsena rūpagaṇanāti ayañhettha attho. Esa nayo sabbattha.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубавибхад̇д̇и • Rūpavibhatti
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / згаганид̣̇д̣̇зсаван̣н̣анаа • Ekakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / згаганид̣̇д̣̇зсаван̣н̣анаа • Ekakaniddesavaṇṇanā
