Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā

    12. руубияаад̣̇ибадиг̇г̇ахан̣авинижчаяагат̇аа

    12. Rūpiyādipaṭiggahaṇavinicchayakathā

    59. звам̣ гаяавиггаяасамаабад̇д̇ивинижчаяам̣ гат̇зд̇ваа ид̣̇аани руубияаад̣̇ибадиг̇г̇ахан̣авинижчаяам̣ гат̇знд̇о ‘‘руубияаад̣̇ибадиг̇г̇ахо’’д̇иаад̣̇имааха. д̇ад̇т̇а сан̃н̃аан̣ад̇т̇ааяа гад̇ам̣ руубам̣ зд̇т̇а ад̇т̇ийд̇и руубияам̣, яам̣ гин̃жи вохааруубаг̇ам̣ д̇ханам̣. д̇зна вуд̇д̇ам̣ саманд̇абаасаад̣̇игааяам̣ (баараа. адта. 2.583-584) ‘‘ид̇ха бана яам̣ гин̃жи вохаараг̇аманийяам̣ гахаабан̣аад̣̇и ад̇хиббзд̇а’’нд̇и. батамам̣ аад̣̇ийяад̇ийд̇иаад̣̇и, гим̣ д̇ам̣? руубияам̣, руубияам̣ аад̣̇и язсам̣ д̇зд̇и руубияаад̣̇аяо, д̣̇аасид̣̇аасакзд̇д̇авад̇т̇уаад̣̇аяо, бадиг̇г̇ахан̣ам̣ бадиг̇г̇ахо, самбадижчананд̇и ад̇т̇о. руубияаад̣̇ийнам̣ бадиг̇г̇ахо руубияаад̣̇ибадиг̇г̇ахо. ж̇аад̇асамаяз уббаннам̣ руубамзва руубам̣ асса бхавад̇и, на вигаарамаабаж̇ж̇ад̇ийд̇и ж̇аад̇аруубам̣, суван̣н̣ам̣. д̇хаваласабхаавад̇ааяа сад̇д̇зхи ран̃ж̇ияад̇зд̇и раж̇ад̇ам̣, саж̇жху. ж̇аад̇аруубзна гад̇о маасаго ж̇аад̇аруубамаасаго. раж̇ад̇зна гад̇о маасаго раж̇ад̇амаасагод̇и ид̣̇ам̣ жад̇уб̣б̣ид̇хамзва ниссаг̇г̇ияавад̇т̇у ход̇и, на лохамаасагаад̣̇аяод̇и ааха ‘‘д̇амб̣алохаад̣̇ийхи…бз… сан̇г̇ахид̇о’’д̇и. д̇амб̣алохаад̣̇ийхийд̇и аад̣̇и-сад̣̇д̣̇зна гам̣салохаваддалохад̇ибусийсаад̣̇ийхи гад̇оби лохамаасагоязваад̇и д̣̇ассзд̇и. гим̣ ид̣̇амзва ниссаг̇г̇ияавад̇т̇у ход̇и, уд̣̇ааху муд̇д̇аад̣̇аяобийд̇и ааха ‘‘муд̇д̇аа…бз… д̣̇уггадавад̇т̇уу’’д̇и. имзсам̣ д̣̇виннам̣ вад̇т̇уунам̣ го висзсод̇и ааха ‘‘д̇ад̇т̇а ниссаг̇г̇ияавад̇т̇ум̣…бз… д̣̇уггадамзваа’’д̇и. д̇ад̇т̇а ниссаг̇г̇ияавад̇т̇у ад̇д̇ано ад̇т̇ааяа ниссаг̇г̇ияам̣ баажид̇д̇ияам̣, сзсаанам̣ ад̇т̇ааяа д̣̇уггадам̣, д̣̇уггадавад̇т̇у саб̣б̣зсам̣ ад̇т̇ааяа д̣̇уггадамзваад̇и яож̇анаа.

    59. Evaṃ kayavikkayasamāpattivinicchayaṃ kathetvā idāni rūpiyādipaṭiggahaṇavinicchayaṃ kathento ‘‘rūpiyādipaṭiggaho’’tiādimāha. Tattha saññāṇatthāya kataṃ rūpaṃ ettha atthīti rūpiyaṃ, yaṃ kiñci vohārūpagaṃ dhanaṃ. Tena vuttaṃ samantapāsādikāyaṃ (pārā. aṭṭha. 2.583-584) ‘‘idha pana yaṃ kiñci vohāragamanīyaṃ kahāpaṇādi adhippeta’’nti. Paṭhamaṃ ādīyatītiādi, kiṃ taṃ? Rūpiyaṃ, rūpiyaṃ ādi yesaṃ teti rūpiyādayo, dāsidāsakhettavatthuādayo, paṭiggahaṇaṃ paṭiggaho, sampaṭicchananti attho. Rūpiyādīnaṃ paṭiggaho rūpiyādipaṭiggaho. Jātasamaye uppannaṃ rūpameva rūpaṃ assa bhavati, na vikāramāpajjatīti jātarūpaṃ, suvaṇṇaṃ. Dhavalasabhāvatāya sattehi rañjiyateti rajataṃ, sajjhu. Jātarūpena kato māsako jātarūpamāsako. Rajatena kato māsako rajatamāsakoti idaṃ catubbidhameva nissaggiyavatthu hoti, na lohamāsakādayoti āha ‘‘tambalohādīhi…pe… saṅgahito’’ti. Tambalohādīhīti ādi-saddena kaṃsalohavaṭṭalohatipusīsādīhi katopi lohamāsakoyevāti dasseti. Kiṃ idameva nissaggiyavatthu hoti, udāhu muttādayopīti āha ‘‘muttā…pe… dukkaṭavatthū’’ti. Imesaṃ dvinnaṃ vatthūnaṃ ko visesoti āha ‘‘tattha nissaggiyavatthuṃ…pe… dukkaṭamevā’’ti. Tattha nissaggiyavatthu attano atthāya nissaggiyaṃ pācittiyaṃ, sesānaṃ atthāya dukkaṭaṃ, dukkaṭavatthu sabbesaṃ atthāya dukkaṭamevāti yojanā.

    ид̣̇аани д̇зсу вад̇т̇уусу габбияаагаббияавинижчаяам̣ вид̇т̇аарад̇о д̣̇ассзд̇ум̣ ааха ‘‘д̇ад̇рааяам̣ винижчаяо’’д̇и. д̇ад̇т̇а самбадижчид̇ум̣ на ваддад̇и, гасмаа? ‘‘ид̣̇ам̣ сан̇гхасса д̣̇аммий’’д̇и агаббияавохаарзна д̣̇иннад̇д̇аа. д̣̇ад̇ваа баггамад̇и, ваддад̇и, гасмаа? сан̇гхасса хад̇т̇з ад̣̇ад̇ваа вад̣дхагийаад̣̇ийнам̣ хад̇т̇з д̣̇иннад̇д̇аа. звамби ваддад̇и г̇ихийнам̣ хад̇т̇з табид̇ад̇д̇аа. бадигкибид̇ум̣ на ваддад̇и сан̇гхаг̇ан̣абуг̇г̇алаанам̣ анаамасид̇ад̇д̇аа. ‘‘на ваддад̇ий’’д̇и бадигкибид̇аб̣б̣ам̣ ‘‘д̇умхз г̇ахзд̇ваа табзт̇аа’’д̇и вуд̇д̇ад̇д̇аа. бадиг̇г̇ахан̣зби барибхог̇зби аабад̇д̇ийд̇и ‘‘сан̇гхасса д̣̇аммий’’д̇и вуд̇д̇ад̇д̇аа бадиг̇г̇ахан̣з баажид̇д̇ияам̣, барибхог̇з д̣̇уггадам̣. свзва саабад̇д̇игод̇и д̣̇уггадаабад̇д̇им̣ санд̇хааяа вад̣̇ад̇и. вад̣̇ад̇и, ваддад̇и ‘‘д̇умхз бажжаяз барибхун̃ж̇ат̇аа’’д̇и габбияавохаарзна вуд̇д̇ад̇д̇аа. жийварад̇т̇ааяа д̣̇иннам̣ жийварзязва убанзд̇аб̣б̣ам̣, гасмаа? яат̇аа д̣̇ааяагаа вад̣̇анд̇и, д̇ат̇аа бадибаж̇ж̇ид̇аб̣б̣ад̇д̇аа. сзнаасанабажжаяасса ид̇арабажжаяад̇д̇аяад̇о висзсам̣ д̣̇ассзнд̇о ‘‘сзнаасанад̇т̇ааяаа’’д̇иаад̣̇имааха. иминаа ависсаж̇ж̇ияаавзбхан̇г̇ияабхаавам̣ д̣̇ассзд̇и. звам̣ санд̇зби аабад̣̇аасу гад̇д̇аб̣б̣авид̇хим̣ д̣̇ассзнд̇о ‘‘сажз банаа’’д̇иаад̣̇имааха.

    Idāni tesu vatthūsu kappiyākappiyavinicchayaṃ vitthārato dassetuṃ āha ‘‘tatrāyaṃ vinicchayo’’ti. Tattha sampaṭicchituṃ na vaṭṭati, kasmā? ‘‘Idaṃ saṅghassa dammī’’ti akappiyavohārena dinnattā. Datvā pakkamati, vaṭṭati, kasmā? Saṅghassa hatthe adatvā vaḍḍhakīādīnaṃ hatthe dinnattā. Evampi vaṭṭati gihīnaṃ hatthe ṭhapitattā. Paṭikkhipituṃ na vaṭṭati saṅghagaṇapuggalānaṃ anāmasitattā. ‘‘Na vaṭṭatī’’ti paṭikkhipitabbaṃ ‘‘tumhe gahetvā ṭhapethā’’ti vuttattā. Paṭiggahaṇepi paribhogepi āpattīti ‘‘saṅghassa dammī’’ti vuttattā paṭiggahaṇe pācittiyaṃ, paribhoge dukkaṭaṃ. Sveva sāpattikoti dukkaṭāpattiṃ sandhāya vadati. Vadati, vaṭṭati ‘‘tumhe paccaye paribhuñjathā’’ti kappiyavohārena vuttattā. Cīvaratthāya dinnaṃ cīvareyeva upanetabbaṃ, kasmā? Yathā dāyakā vadanti, tathā paṭipajjitabbattā. Senāsanapaccayassa itarapaccayattayato visesaṃ dassento ‘‘senāsanatthāyā’’tiādimāha. Iminā avissajjiyaavebhaṅgiyabhāvaṃ dasseti. Evaṃ santepi āpadāsu kattabbavidhiṃ dassento ‘‘sace panā’’tiādimāha.

    60. звам̣ ниссаг̇г̇ияавад̇т̇уусу гад̇д̇аб̣б̣авид̇хим̣ д̣̇ассзд̇ваа ид̣̇аани д̣̇уггадавад̇т̇уусу гад̇д̇аб̣б̣авид̇хим̣ д̣̇ассзнд̇о ‘‘сажз гожи маяха’’нд̇яаад̣̇имааха. зд̇т̇а бана бадиг̇г̇ахан̣зби барибхог̇зби аабад̇д̇ийд̇и д̣̇уггадамзва санд̇хааяа вуд̇д̇ам̣. д̇ал̣аагассаби кзд̇д̇асан̇г̇ахид̇ад̇д̇аа д̇асса бадиг̇г̇ахан̣зби аабад̇д̇и вуд̇д̇аа. ‘‘жад̇д̇ааро бажжаяз барибхун̃ж̇ат̇аад̇и д̣̇зд̇ийд̇и зд̇т̇а ‘бхигкусан̇гхасса жад̇д̇ааро бажжаяз барибхун̃ж̇ид̇ум̣ д̇ал̣аагам̣ д̣̇аммий’д̇и ваа ‘жад̇убажжаяабарибхог̇ад̇т̇ам̣ д̇ал̣аагам̣ д̣̇аммий’д̇и ваа вад̣̇ад̇и, ваддад̇иязва. ‘ид̇о д̇ал̣аагад̇о уббаннз бажжаяз д̣̇аммий’д̇и вуд̇д̇з бана вад̇д̇аб̣б̣амзва над̇т̇ий’’д̇и саарад̇т̇ад̣̇ийбанияам̣ (саарад̇т̇а. дий. 2.537-539) вуд̇д̇ам̣. вимад̇ивинод̣̇анияамби (ви. ви. дий. 1.538-539) д̇ат̇зва вад̇ваа ‘‘ид̣̇ан̃жа сан̇гхасса д̣̇ийяамаанан̃н̃зва санд̇хааяа вуд̇д̇ам̣, буг̇г̇аласса бана звамби д̣̇иннам̣ д̇ал̣аагакзд̇д̇аад̣̇и на ваддад̇и. суд̣̇д̇хажид̇д̇асса бана уд̣̇агабарибхог̇ад̇т̇ам̣ гуубабогкаран̣иаад̣̇аяо вадданд̇и. ‘сан̇гхасса д̇ал̣аагам̣ ад̇т̇и, д̇ам̣ гат̇а’нд̇и хи аад̣̇инаа саб̣б̣ад̇т̇а сан̇гхавасзнзва вуд̇д̇а’’нд̇и вуд̇д̇ам̣. хад̇т̇з бхависсад̇ийд̇и васз бхависсад̇и.

    60. Evaṃ nissaggiyavatthūsu kattabbavidhiṃ dassetvā idāni dukkaṭavatthūsu kattabbavidhiṃ dassento ‘‘sace koci mayha’’ntyādimāha. Ettha pana paṭiggahaṇepi paribhogepi āpattīti dukkaṭameva sandhāya vuttaṃ. Taḷākassapi khettasaṅgahitattā tassa paṭiggahaṇepi āpatti vuttā. ‘‘Cattāro paccaye paribhuñjathāti detīti ettha ‘bhikkhusaṅghassa cattāro paccaye paribhuñjituṃ taḷākaṃ dammī’ti vā ‘catupaccayaparibhogatthaṃ taḷākaṃ dammī’ti vā vadati, vaṭṭatiyeva. ‘Ito taḷākato uppanne paccaye dammī’ti vutte pana vattabbameva natthī’’ti sāratthadīpaniyaṃ (sārattha. ṭī. 2.537-539) vuttaṃ. Vimativinodaniyampi (vi. vi. ṭī. 1.538-539) tatheva vatvā ‘‘idañca saṅghassa dīyamānaññeva sandhāya vuttaṃ, puggalassa pana evampi dinnaṃ taḷākakhettādi na vaṭṭati. Suddhacittassa pana udakaparibhogatthaṃ kūpapokkharaṇiādayo vaṭṭanti. ‘Saṅghassa taḷākaṃ atthi, taṃ katha’nti hi ādinā sabbattha saṅghavaseneva vutta’’nti vuttaṃ. Hatthe bhavissatīti vase bhavissati.

    габбияагаарагам̣ табзт̇аад̇и вуд̇д̇зд̇и саамийживасзна вуд̇д̇ам̣, авуд̇д̇зби табзнд̇асса на д̣̇осо ад̇т̇и. д̇знааха ‘‘уд̣̇агам̣ ваарзд̇ум̣ лаб̣бхад̇ий’’д̇и. яасмаа барасанд̇агам̣ бхигкуунам̣ наасзд̇ум̣ на ваддад̇и, д̇асмаа ‘‘на сассагаалз’’д̇и вуд̇д̇ам̣. сассагаалзби д̇аасзд̇ваа мун̃жид̇ум̣ ваддад̇и, амун̃жад̇о бана бхан̣д̣ад̣̇зяяам̣. ж̇анабад̣̇асса саамигод̇и иминаава яо д̇ам̣ ж̇анабад̣̇ам̣ вижаарзд̇и, д̇знаби ажчинд̣̇ид̇ваа д̣̇иннам̣ ваддад̇иязваад̇и вад̣̇анд̇и. буна д̣̇зд̇ийд̇и ажчинд̣̇ид̇ваа буна д̣̇зд̇и, звамби ваддад̇ийд̇и самб̣анд̇хо. иминаа язна гзнажи иссарзна ‘‘барижжад̇д̇амид̣̇ам̣ бхигкуухи ассаамига’’нд̇и сан̃н̃ааяа ад̇д̇ано г̇ахзд̇ваа д̣̇иннам̣ ваддад̇ийд̇и д̣̇ассзд̇и. уд̣̇агаваахаганд̇и уд̣̇агамаад̇игам̣. габбияавохаарзби винижчаяам̣ вагкаамийд̇и баатасзсо. уд̣̇агавасзнаад̇и уд̣̇агабарибхог̇ад̇т̇ам̣. суд̣̇д̇хажид̇д̇аананд̇и уд̣̇агабарибхог̇ад̇т̇амзва. ид̣̇ам̣ сахад̇т̇зна жа агаббияавохаарзна жа гаронд̇з санд̇хааяа вуд̇д̇ам̣. ‘‘сассасамбаад̣̇анад̇т̇а’’нд̇и звам̣ асуд̣̇д̇хажид̇д̇аанамби бана саяам̣ агад̇ваа габбияавохаарзна аан̣аабзд̇ум̣ ваддад̇и зва. габбияагаарагам̣ табзд̇ум̣ на ваддад̇ийд̇и ид̣̇ам̣ сахад̇т̇аад̣̇инаа гад̇ад̇ал̣аагад̇д̇аа ассааруббанд̇и вуд̇д̇ам̣. табзнд̇асса бана д̇ам̣ бажжаяам̣ барибхун̃ж̇анд̇асса ваа сан̇гхасса аабад̇д̇и на бан̃н̃ааяад̇и, адтагат̇аабамаан̣зна ваа зд̇т̇а аабад̇д̇и г̇ахзд̇аб̣б̣аа. алаж̇ж̇инаа гаараабид̇з вад̇д̇аб̣б̣амзва над̇т̇ийд̇и ааха ‘‘лаж̇ж̇ибхигкунаа’’д̇и, мад̇д̇игуд̣̇д̇харан̣аад̣̇ийсу гаараабид̇зсууд̇и ад̇хиббааяо.

    Kappiyakārakaṃ ṭhapethāti vutteti sāmīcivasena vuttaṃ, avuttepi ṭhapentassa na doso atthi. Tenāha ‘‘udakaṃ vāretuṃlabbhatī’’ti. Yasmā parasantakaṃ bhikkhūnaṃ nāsetuṃ na vaṭṭati, tasmā ‘‘na sassakāle’’ti vuttaṃ. Sassakālepi tāsetvā muñcituṃ vaṭṭati, amuñcato pana bhaṇḍadeyyaṃ. Janapadassa sāmikoti imināva yo taṃ janapadaṃ vicāreti, tenapi acchinditvā dinnaṃ vaṭṭatiyevāti vadanti. Puna detīti acchinditvā puna deti, evampi vaṭṭatīti sambandho. Iminā yena kenaci issarena ‘‘pariccattamidaṃ bhikkhūhi assāmika’’nti saññāya attano gahetvā dinnaṃ vaṭṭatīti dasseti. Udakavāhakanti udakamātikaṃ. Kappiyavohārepi vinicchayaṃ vakkhāmīti pāṭhaseso. Udakavasenāti udakaparibhogatthaṃ. Suddhacittānanti udakaparibhogatthameva. Idaṃ sahatthena ca akappiyavohārena ca karonte sandhāya vuttaṃ. ‘‘Sassasampādanattha’’nti evaṃ asuddhacittānampi pana sayaṃ akatvā kappiyavohārena āṇāpetuṃ vaṭṭati eva. Kappiyakārakaṃ ṭhapetuṃ na vaṭṭatīti idaṃ sahatthādinā katataḷākattā assāruppanti vuttaṃ. Ṭhapentassa pana taṃ paccayaṃ paribhuñjantassa vā saṅghassa āpatti na paññāyati, aṭṭhakathāpamāṇena vā ettha āpatti gahetabbā. Alajjinā kārāpite vattabbameva natthīti āha ‘‘lajjibhikkhunā’’ti, mattikuddharaṇādīsu kārāpitesūti adhippāyo.

    61. навасассзд̇и агад̇абуб̣б̣з гзд̣̇аарз. гахаабан̣зд̇и иминаа д̇хан̃н̃удтаабанз д̇ассзва агаббияанд̇и д̣̇ассзд̇и. абарижчиннабхааг̇зд̇и ‘‘зд̇д̇агз бхуумибхааг̇з зд̇д̇аго бхааг̇о д̣̇аад̇аб̣б̣о’’д̇и звам̣ абарижчиннабхааг̇з. д̇хан̃н̃удтаабанз гасад̇и, баяог̇зби д̣̇уггадамзва, на гахаабан̣удтаабанз вияа. ‘‘гасат̇а вабат̇аа’’д̇и важанзна саб̣б̣зсамби агаббияам̣ сияаад̇и ааха ‘‘авад̇ваа’’д̇и. зд̇д̇аго наама бхааг̇од̇и зд̇т̇а зд̇д̇аго гахаабан̣од̇и ид̣̇амби санд̇хааяа вад̣̇ад̇и. д̇ат̇аавуд̇д̇зби хи д̇ад̣̇аа гахаабан̣аанам̣ авиж̇ж̇амаанад̇д̇аа ааяад̇им̣ уббаж̇ж̇амаанам̣ ан̃н̃зсам̣ ваддад̇и зва. д̇знааха ‘‘д̇ассзва д̇ам̣ агаббияа’’нд̇и. д̇асса бана саб̣б̣абаяог̇зсу барибхог̇з жа д̣̇уггадам̣. гзжи бана д̇хан̃н̃абарибхог̇з зва аабад̇д̇и, на буб̣б̣абхааг̇зд̇и вад̣̇анд̇и, д̇ам̣ на яуд̇д̇ам̣, язна минанарагкан̣аад̣̇инаа баяог̇зна бажчаа д̇хан̃н̃абарибхог̇з аабад̇д̇и ход̇и д̇асса баяог̇асса гаран̣з анаабад̇д̇ияаа аяуд̇д̇ад̇д̇аа. барияааяагат̇ааяа бана саб̣б̣ад̇т̇а анаабад̇д̇и. д̇знзва ‘‘зд̇д̇агзхи вийхийхи ид̣̇ан̃жид̣̇ан̃жа аахарат̇аа’’д̇и нияамаважанз агаббияам̣ вуд̇д̇ам̣. гахаабан̣авижааран̣зби зсзва наяо. ‘‘вад̇т̇у жа зваруубам̣ наама сам̣виж̇ж̇ад̇и, габбияагаараго над̇т̇ийд̇и вад̇д̇аб̣б̣а’’нд̇иаад̣̇иважанан̃жзд̇т̇а саад̇хагам̣. раж̇ж̇уяаа ваа д̣̇ан̣д̣зна ваад̇и зд̇т̇а ‘‘баад̣̇зхиби минид̇ум̣ на ваддад̇ий’’д̇и вад̣̇анд̇и. калз ваа тад̇ваа рагкад̇ийд̇и зд̇т̇а бана т̇знзд̇ваа г̇ан̣ханд̇з д̣̇исваа ‘‘маа г̇ан̣хат̇аа’’д̇и ниваарзнд̇о рагкад̇и наама, сажз бана авижаарзд̇ваа гзвалам̣ д̇ун̣хийбхууд̇ова рагкан̣ад̇т̇ааяа ологзнд̇о д̇идтад̇и, ваддад̇и. ‘‘сажзби д̇асмим̣ д̇ун̣хийбхууд̇з жоригааяа харанд̇и, ‘маяам̣ бхигкусан̇гхасса аарожзссаамаа’д̇и звам̣ вад̇д̇умби ваддад̇ий’’д̇и вад̣̇анд̇и. нийхараабзд̇и бадисаамзд̇ийд̇и зд̇т̇ааби ‘‘сажз барияааязна вад̣̇ад̇и, ваддад̇ий’’д̇и вад̣̇анд̇и. абуб̣б̣асса ануббаад̣̇ид̇ад̇д̇аа ан̃н̃зсам̣ ваддад̇ийд̇и ааха ‘‘д̇ассзвзд̇ам̣ агаббияа’’нд̇и.

    61.Navasasseti akatapubbe kedāre. Kahāpaṇeti iminā dhaññuṭṭhāpane tasseva akappiyanti dasseti. Aparicchinnabhāgeti ‘‘ettake bhūmibhāge ettako bhāgo dātabbo’’ti evaṃ aparicchinnabhāge. Dhaññuṭṭhāpane kasati, payogepi dukkaṭameva, na kahāpaṇuṭṭhāpane viya. ‘‘Kasatha vapathā’’ti vacanena sabbesampi akappiyaṃ siyāti āha ‘‘avatvā’’ti. Ettako nāma bhāgoti ettha ettako kahāpaṇoti idampi sandhāya vadati. Tathāvuttepi hi tadā kahāpaṇānaṃ avijjamānattā āyatiṃ uppajjamānaṃ aññesaṃ vaṭṭati eva. Tenāha ‘‘tasseva taṃ akappiya’’nti. Tassa pana sabbapayogesu paribhoge ca dukkaṭaṃ. Keci pana dhaññaparibhoge eva āpatti, na pubbabhāgeti vadanti, taṃ na yuttaṃ, yena minanarakkhaṇādinā payogena pacchā dhaññaparibhoge āpatti hoti tassa payogassa karaṇe anāpattiyā ayuttattā. Pariyāyakathāya pana sabbattha anāpatti. Teneva ‘‘ettakehi vīhīhi idañcidañca āharathā’’ti niyamavacane akappiyaṃ vuttaṃ. Kahāpaṇavicāraṇepi eseva nayo. ‘‘Vatthu ca evarūpaṃ nāma saṃvijjati, kappiyakārako natthīti vattabba’’ntiādivacanañcettha sādhakaṃ. Rajjuyā vā daṇḍena vāti ettha ‘‘pādehipi minituṃ na vaṭṭatī’’ti vadanti. Khale vā ṭhatvā rakkhatīti ettha pana thenetvā gaṇhante disvā ‘‘mā gaṇhathā’’ti nivārento rakkhati nāma, sace pana avicāretvā kevalaṃ tuṇhībhūtova rakkhaṇatthāya olokento tiṭṭhati, vaṭṭati. ‘‘Sacepi tasmiṃ tuṇhībhūte corikāya haranti, ‘mayaṃ bhikkhusaṅghassa ārocessāmā’ti evaṃ vattumpi vaṭṭatī’’ti vadanti. Nīharāpeti paṭisāmetīti etthāpi ‘‘sace pariyāyena vadati, vaṭṭatī’’ti vadanti. Apubbassa anuppāditattā aññesaṃ vaṭṭatīti āha ‘‘tassevetaṃ akappiya’’nti.

    саб̣б̣зсам̣ агаббияам̣, гасмаа? гахаабан̣аанам̣ вижаарид̇ад̇д̇аад̇и зд̇т̇а саарад̇т̇ад̣̇ийбанияам̣ (саарад̇т̇а. дий. 2.537-539) звам̣ вижааран̣аа гад̇аа – нану жа д̣̇уб̣б̣ижаарид̇амад̇д̇зна д̇ассзвзд̇ам̣ агаббияам̣, на саб̣б̣зсам̣ руубияасам̣вохаарз жад̇уд̇т̇абад̇д̇о вияа. вуд̇д̇ан̃хи д̇ад̇т̇а (баараа. адта. 2.589) ‘‘яо бана руубияам̣ асамбадижчид̇ваа ‘т̇зрасса бад̇д̇ам̣ гин̣ид̇ваа д̣̇зхий’д̇и бахид̇агаббияагаарагзна сад̣̇д̇хим̣ гаммаарагулам̣ г̇анд̇ваа бад̇д̇ам̣ д̣̇исваа ‘имз гахаабан̣з г̇ахзд̇ваа имам̣ д̣̇зхий’д̇и гахаабан̣з д̣̇аабзд̇ваа г̇ахид̇о, аяам̣ бад̇д̇о зд̇ассзва бхигкуно на ваддад̇и д̣̇уб̣б̣ижаарид̇ад̇д̇аа , ан̃н̃зсам̣ бана ваддад̇и мууласса асамбадижчид̇ад̇д̇аа’’д̇и, д̇асмаа яам̣ д̇з аахаранд̇и, саб̣б̣зсам̣ агаббияам̣. гасмаа? гахаабан̣аанам̣ вижаарид̇ад̇д̇аад̇и ид̣̇ам̣ гасмаа вуд̇д̇анд̇и? зд̇т̇а гзжи вад̣̇анд̇и ‘‘гахаабан̣з саад̣̇ияид̇ваа вижаарид̇ам̣ санд̇хааяа звам̣ вуд̇д̇а’’нд̇и, сан̇гхигад̇д̇аа жа ниссаж̇ж̇ид̇ум̣ на саггаа, д̇асмаа саб̣б̣зсам̣ на габбад̇ийд̇и д̇зсам̣ ад̇хиббааяо. гзжи бана ‘‘асаад̣̇ияид̇вааби гахаабан̣аанам̣ вижаарид̇ад̇д̇аа руубияасам̣вохааро гад̇о ход̇и, сан̇гхигад̇д̇аа жа ниссаж̇ж̇ид̇ум̣ на саггаа, д̇асмаа саб̣б̣зсам̣ на габбад̇ий’’д̇и вад̣̇анд̇и. г̇ан̣тибад̣̇зсу бана д̇ийсуби ид̣̇ам̣ вуд̇д̇ам̣ ‘‘жад̇уд̇т̇абад̇д̇о г̇ихисанд̇агаанам̣язва гахаабан̣аанам̣ вижаарид̇ад̇д̇аа ан̃н̃зсам̣ габбад̇и, ид̇ха бана сан̇гхигаанам̣ вижаарид̇ад̇д̇аа саб̣б̣зсам̣ на габбад̇ий’’д̇и. саб̣б̣зсамби ваад̣̇о д̇зна д̇зна барияааязна яуд̇д̇оязваад̇и.

    Sabbesaṃ akappiyaṃ, kasmā? Kahāpaṇānaṃ vicāritattāti ettha sāratthadīpaniyaṃ (sārattha. ṭī. 2.537-539) evaṃ vicāraṇā katā – nanu ca dubbicāritamattena tassevetaṃ akappiyaṃ, na sabbesaṃ rūpiyasaṃvohāre catutthapatto viya. Vuttañhi tattha (pārā. aṭṭha. 2.589) ‘‘yo pana rūpiyaṃ asampaṭicchitvā ‘therassa pattaṃ kiṇitvā dehī’ti pahitakappiyakārakena saddhiṃ kammārakulaṃ gantvā pattaṃ disvā ‘ime kahāpaṇe gahetvā imaṃ dehī’ti kahāpaṇe dāpetvā gahito, ayaṃ patto etasseva bhikkhuno na vaṭṭati dubbicāritattā , aññesaṃ pana vaṭṭati mūlassa asampaṭicchitattā’’ti, tasmā yaṃ te āharanti, sabbesaṃ akappiyaṃ. Kasmā? Kahāpaṇānaṃ vicāritattāti idaṃ kasmā vuttanti? Ettha keci vadanti ‘‘kahāpaṇe sādiyitvā vicāritaṃ sandhāya evaṃ vutta’’nti, saṅghikattā ca nissajjituṃ na sakkā, tasmā sabbesaṃ na kappatīti tesaṃ adhippāyo. Keci pana ‘‘asādiyitvāpi kahāpaṇānaṃ vicāritattā rūpiyasaṃvohāro kato hoti, saṅghikattā ca nissajjituṃ na sakkā, tasmā sabbesaṃ na kappatī’’ti vadanti. Gaṇṭhipadesu pana tīsupi idaṃ vuttaṃ ‘‘catutthapatto gihisantakānaṃyeva kahāpaṇānaṃ vicāritattā aññesaṃ kappati, idha pana saṅghikānaṃ vicāritattā sabbesaṃ na kappatī’’ti. Sabbesampi vādo tena tena pariyāyena yuttoyevāti.

    62. жад̇усаалад̣̇ваарзд̇и бхож̇анасаалам̣ санд̇хааяа вуд̇д̇ам̣.

    62.Catusāladvāreti bhojanasālaṃ sandhāya vuttaṃ.

    63. ‘‘ванам̣ д̣̇амми, аран̃н̃ам̣ д̣̇аммий’’д̇и вуд̇д̇з бана ваддад̇ийд̇и зд̇т̇а ниваасадтаанад̇д̇аа буг̇г̇алассаби суд̣̇д̇хажид̇д̇зна г̇ахзд̇ум̣ ваддад̇и. сиймам̣ д̣̇змаад̇и вихаарасиймаад̣̇исаад̇хааран̣аважанзна вуд̇д̇ад̇д̇аа ‘‘ваддад̇ий’’д̇и вуд̇д̇ам̣. барияааязна гат̇ид̇ад̇д̇аад̇и ‘‘г̇ан̣хаахий’’д̇и авад̇ваа ‘‘сиймаа г̇ад̇аа’’д̇и барияааязна гат̇ид̇ад̇д̇аа. багад̇ибхуумигаран̣ад̇т̇ам̣ ‘‘хздтаа г̇ахид̇ам̣ бам̣су’’нд̇иаад̣̇и вуд̇д̇ам̣. д̣̇аасам̣ д̣̇аммийд̇и зд̇т̇а ‘‘мануссам̣ д̣̇аммийд̇и вуд̇д̇з ваддад̇ий’’д̇и вад̣̇анд̇и. взяяааважжагаранд̇иаад̣̇инаа вуд̇д̇з буг̇г̇алассаби д̣̇аасам̣ г̇ахзд̇ум̣ ваддад̇и ‘‘ануж̇аанаами бхигкавз аараамига’’нд̇и висзсзд̇ваа анун̃н̃аад̇ад̇д̇аа. д̇ан̃жа ко билинд̣̇аважчзна г̇ахид̇абарибхуд̇д̇аггамзна, на г̇ахадтаанам̣ д̣̇аасабарибхог̇аггамзна. кзд̇д̇аад̣̇аяо бана саб̣б̣з сан̇гхассзва вадданд̇и баал̣ияам̣ буг̇г̇алигавасзна г̇ахзд̇ум̣ ананун̃н̃аад̇ад̇д̇аад̇и д̣̇адтаб̣б̣ам̣. гуггудасуугарз…бз… ваддад̇ийд̇и зд̇т̇а гуггудасуугарзсу д̣̇ийяамаанзсу ‘‘имзхи амхаагам̣ ад̇т̇о над̇т̇и, сукам̣ ж̇ийванд̇у, аран̃н̃з виссаж̇ж̇зт̇аа’’д̇и вад̇д̇ум̣ ваддад̇и . вихаарасса д̣̇змаад̇и сан̇гхигавихаарам̣ санд̇хааяа вуд̇д̇ам̣. ‘‘кзд̇д̇авад̇т̇убадиг̇г̇ахан̣аа бадивирад̇о ход̇ий’’д̇иаад̣̇инаа (д̣̇ий. ни. 1.10, 194) суд̇д̇анд̇зсу ааг̇ад̇абадигкзбо бхаг̇авад̇аа аабад̇д̇ияааби хзд̇убхаавзна гад̇од̇и бхаг̇авад̇о ад̇хиббааяам̣ ж̇аананд̇зхи сан̇г̇ийд̇игаарагамахаат̇зрзхи кзд̇д̇абадиг̇г̇ахан̣аад̣̇иниссид̇о аяам̣ саб̣б̣оби баал̣имуд̇д̇авинижчаяо вуд̇д̇од̇и г̇ахзд̇аб̣б̣о.

    63.‘‘Vanaṃ dammi, araññaṃ dammī’’ti vutte pana vaṭṭatīti ettha nivāsaṭṭhānattā puggalassapi suddhacittena gahetuṃ vaṭṭati. Sīmaṃ demāti vihārasīmādisādhāraṇavacanena vuttattā ‘‘vaṭṭatī’’ti vuttaṃ. Pariyāyena kathitattāti ‘‘gaṇhāhī’’ti avatvā ‘‘sīmā gatā’’ti pariyāyena kathitattā. Pakatibhūmikaraṇatthaṃ ‘‘heṭṭhā gahitaṃ paṃsu’’ntiādi vuttaṃ. Dāsaṃ dammīti ettha ‘‘manussaṃ dammīti vutte vaṭṭatī’’ti vadanti. Veyyāvaccakarantiādinā vutte puggalassapi dāsaṃ gahetuṃ vaṭṭati ‘‘anujānāmi bhikkhave ārāmika’’nti visesetvā anuññātattā. Tañca kho pilindavacchena gahitaparibhuttakkamena, na gahaṭṭhānaṃ dāsaparibhogakkamena. Khettādayo pana sabbe saṅghasseva vaṭṭanti pāḷiyaṃ puggalikavasena gahetuṃ ananuññātattāti daṭṭhabbaṃ. Kukkuṭasūkare…pe… vaṭṭatīti ettha kukkuṭasūkaresu dīyamānesu ‘‘imehi amhākaṃ attho natthi, sukhaṃ jīvantu, araññe vissajjethā’’ti vattuṃ vaṭṭati . Vihārassa demāti saṅghikavihāraṃ sandhāya vuttaṃ. ‘‘Khettavatthupaṭiggahaṇā paṭivirato hotī’’tiādinā (dī. ni. 1.10, 194) suttantesu āgatapaṭikkhepo bhagavatā āpattiyāpi hetubhāvena katoti bhagavato adhippāyaṃ jānantehi saṅgītikārakamahātherehi khettapaṭiggahaṇādinissito ayaṃ sabbopi pāḷimuttavinicchayo vuttoti gahetabbo.

    64. жийваражзд̇аабаннанд̇и жийварамуулам̣. бахин̣зяяаад̇и бзсзяяа. жзд̇аабзд̇ваад̇и баривад̇д̇зд̇ваа. ажчаад̣̇зхийд̇и вохаараважанамзд̇ам̣, ид̇т̇аннаамасса бхигкуно д̣̇зхийд̇и аяам̣ банзд̇т̇а ад̇т̇о. аабхад̇анд̇и аанийд̇ам̣.

    64.Cīvaracetāpannanti cīvaramūlaṃ. Pahiṇeyyāti peseyya. Cetāpetvāti parivattetvā. Acchādehīti vohāravacanametaṃ, itthannāmassa bhikkhuno dehīti ayaṃ panettha attho. Ābhatanti ānītaṃ.

    имасмим̣ таанз саарад̇т̇ад̣̇ийбанияам̣ (саарад̇т̇а. дий. 2.528-531) звам̣ вижааран̣аа гад̇аа – зд̇т̇а жа яам̣ вуд̇д̇ам̣ маад̇игаадтагат̇ааяам̣ (ган̇каа. адта. рааж̇асигкаабад̣̇аван̣н̣анаа) ‘‘иминаа жийваражзд̇аабаннзна жийварам̣ жзд̇аабзд̇ваа ид̇т̇аннаамам̣ бхигкум̣ жийварзна ажчаад̣̇зхийд̇и ид̣̇ам̣ ааг̇аманасуд̣̇д̇хим̣ д̣̇ассзд̇ум̣ вуд̇д̇ам̣. сажз хи ‘ид̣̇ам̣ ид̇т̇аннаамасса бхигкуно д̣̇зхий’д̇и бзсзяяа, ааг̇аманасса асуд̣̇д̇хад̇д̇аа агаббияавад̇т̇ум̣ аараб̣бха бхигкунаа габбияагаарагоби нид̣̇д̣̇исид̇аб̣б̣о на бхавзяяаа’’д̇и, д̇ад̇т̇а ааг̇аманасса суд̣̇д̇хияаа ваа асуд̣̇д̇хияаа ваа висзсаббаяож̇анам̣ на д̣̇иссад̇и. сад̇иби хи ааг̇аманасса асуд̣̇д̇хабхаавз д̣̇ууд̇о ад̇д̇ано гусалад̇ааяа габбияавохаарзна вад̣̇ад̇и, габбияагаараго на нид̣̇д̣̇исид̇аб̣б̣од̇и ид̣̇ам̣ над̇т̇и, на жа д̣̇ууд̇зна габбияавохааравасзна вуд̇д̇з д̣̇ааяагзна ‘‘ид̣̇ам̣ гат̇ам̣ бзсид̇а’’нд̇и ийд̣̇исий вижааран̣аа убалаб̣бхад̇и, авижаарзд̇ваа жа д̇ам̣ на саггаа ж̇аанид̇ум̣. яад̣̇и бана ааг̇аманасса асуд̣̇д̇хад̇д̇аа габбияагаараго нид̣̇д̣̇исид̇аб̣б̣о на бхавзяяа, жийвараанам̣ ад̇т̇ааяа д̣̇ууд̇асса хад̇т̇з агаббияавад̇т̇умхи бзсид̇з саб̣б̣ад̇т̇а д̣̇ааяагзна гат̇ам̣ бзсид̇анд̇и бужчид̇ваава габбияагаараго нид̣̇д̣̇исид̇аб̣б̣о бхавзяяа, д̇асмаа асад̇иби ааг̇аманасуд̣̇д̇хияам̣ сажз со д̣̇ууд̇о ад̇д̇ано гусалад̇ааяа габбияавохааравасзна вад̣̇ад̇и, д̣̇ууд̇ассзва важанам̣ г̇ахзд̇аб̣б̣ам̣. яад̣̇и хи ааг̇аманасуд̣̇д̇хиязвзд̇т̇а бамаан̣ам̣, муулассаамигзна габбияавохааравасзна бзсид̇асса д̣̇ууд̇асса агаббияавохааравасзна вад̣̇ад̇оби габбияагаараго нид̣̇д̣̇исид̇аб̣б̣о бхавзяяа, д̇асмаа саб̣б̣ад̇т̇а д̣̇ууд̇аважанамзва бамаан̣анд̇и г̇ахзд̇аб̣б̣ам̣. иминаа жийваражзд̇аабаннзнаад̇иаад̣̇инаа бана имамад̇т̇ам̣ д̣̇ассзд̇и ‘‘габбияавасзна аабхад̇амби жийварамуулам̣ ийд̣̇исзна д̣̇ууд̇аважанзна агаббияам̣ ход̇и, д̇асмаа д̇ам̣ бадигкибид̇аб̣б̣а’’нд̇и. д̇знзвааха ‘‘д̇зна бхигкунаа со д̣̇ууд̇о звамасса важанийяод̇иаад̣̇ий’’д̇и.

    Imasmiṃ ṭhāne sāratthadīpaniyaṃ (sārattha. ṭī. 2.528-531) evaṃ vicāraṇā katā – ettha ca yaṃ vuttaṃ mātikāṭṭhakathāyaṃ (kaṅkhā. aṭṭha. rājasikkhāpadavaṇṇanā) ‘‘iminā cīvaracetāpannena cīvaraṃ cetāpetvā itthannāmaṃ bhikkhuṃ cīvarena acchādehīti idaṃ āgamanasuddhiṃ dassetuṃ vuttaṃ. Sace hi ‘idaṃ itthannāmassa bhikkhuno dehī’ti peseyya, āgamanassa asuddhattā akappiyavatthuṃ ārabbha bhikkhunā kappiyakārakopi niddisitabbo na bhaveyyā’’ti, tattha āgamanassa suddhiyā vā asuddhiyā vā visesappayojanaṃ na dissati. Satipi hi āgamanassa asuddhabhāve dūto attano kusalatāya kappiyavohārena vadati, kappiyakārako na niddisitabboti idaṃ natthi, na ca dūtena kappiyavohāravasena vutte dāyakena ‘‘idaṃ kathaṃ pesita’’nti īdisī vicāraṇā upalabbhati, avicāretvā ca taṃ na sakkā jānituṃ. Yadi pana āgamanassa asuddhattā kappiyakārako niddisitabbo na bhaveyya, cīvarānaṃ atthāya dūtassa hatthe akappiyavatthumhi pesite sabbattha dāyakena kathaṃ pesitanti pucchitvāva kappiyakārako niddisitabbo bhaveyya, tasmā asatipi āgamanasuddhiyaṃ sace so dūto attano kusalatāya kappiyavohāravasena vadati, dūtasseva vacanaṃ gahetabbaṃ. Yadi hi āgamanasuddhiyevettha pamāṇaṃ, mūlassāmikena kappiyavohāravasena pesitassa dūtassa akappiyavohāravasena vadatopi kappiyakārako niddisitabbo bhaveyya, tasmā sabbattha dūtavacanameva pamāṇanti gahetabbaṃ. Iminā cīvaracetāpannenātiādinā pana imamatthaṃ dasseti ‘‘kappiyavasena ābhatampi cīvaramūlaṃ īdisena dūtavacanena akappiyaṃ hoti, tasmā taṃ paṭikkhipitabba’’nti. Tenevāha ‘‘tena bhikkhunā so dūto evamassa vacanīyotiādī’’ti.

    вимад̇ивинод̣̇анияам̣ (ви. ви. дий. 1.538-539) бана звам̣ вуд̇д̇ам̣ – яам̣ вуд̇д̇ам̣ маад̇игаадтагат̇ааяам̣ (ган̇каа. адта. рааж̇асигкаабад̣̇аван̣н̣анаа) ‘‘иминаа жийваражзд̇аабаннзна жийварам̣ жзд̇аабзд̇ваа ид̇т̇аннаамам̣ бхигкум̣ жийварзна ажчаад̣̇зхийд̇и ид̣̇ам̣ ааг̇аманасуд̣̇д̇хим̣ д̣̇ассзд̇ум̣ вуд̇д̇ам̣. сажз хи ‘ид̣̇ам̣ ид̇т̇аннаамасса бхигкуно д̣̇зхий’д̇и бзсзяяа, ааг̇аманасса асуд̣̇д̇хад̇д̇аа агаббияавад̇т̇ум̣ аараб̣бха бхигкунаа габбияагаарагоби нид̣̇д̣̇исид̇аб̣б̣о на бхавзяяаа’’д̇и, д̇ам̣ ниссаг̇г̇ияавад̇т̇уд̣̇уггадавад̇т̇убхууд̇ам̣ агаббияажийваражзд̇аабаннам̣ ‘‘асугасса бхигкуно д̣̇зхий’’д̇и звам̣ ааг̇аманасуд̣̇д̇хияаа асад̇и, сигкаабад̣̇з ааг̇ад̇анаязна д̣̇ууд̇аважанз жа асуд̣̇д̇хз саб̣б̣ат̇аа бадигкзбоязва гаад̇ум̣ ваддад̇и, на бана ‘‘жийваран̃жа ко маяам̣ бадиг̇г̇ан̣хаамаа’’д̇и вад̇д̇ум̣, д̇ад̣̇анусаарзна взяяааважжагаран̃жа нид̣̇д̣̇исид̇ум̣ ааг̇аманад̣̇ууд̇аважанаанам̣ убхиннам̣ асуд̣̇д̇хад̇д̇аа, баал̣ияам̣ ааг̇ад̇анаязна бана ааг̇аманасуд̣̇д̇хияаа сад̇и д̣̇ууд̇аважанз асуд̣̇д̇хзби сигкаабад̣̇з ааг̇ад̇анаязна саб̣б̣ам̣ гаад̇ум̣ ваддад̇ийд̇и д̣̇ассанад̇т̇ам̣ вуд̇д̇ам̣. д̇зна жа яат̇аа д̣̇ууд̇аважанаасуд̣̇д̇хияамби ааг̇аманз суд̣̇д̇хз взяяааважжагарам̣ нид̣̇д̣̇исид̇ум̣ ваддад̇и, звам̣ ааг̇аманаасуд̣̇д̇хияамби д̣̇ууд̇аважанз суд̣̇д̇хз ваддад̇и зваад̇и аяамад̇т̇о ад̇т̇ад̇о сид̣̇д̇хова ход̇и. убхаяасуд̣̇д̇хияам̣ вад̇д̇аб̣б̣амзва над̇т̇ийд̇и убхаяаасуд̣̇д̇хибагкамзва санд̇хааяа маад̇игаадтагат̇ааяам̣ (ган̇каа. адта. рааж̇асигкаабад̣̇аван̣н̣анаа) ‘‘габбияагаарагоби нид̣̇д̣̇исид̇аб̣б̣о на бхавзяяаа’’д̇и вуд̇д̇анд̇и взд̣̇ид̇аб̣б̣ам̣.

    Vimativinodaniyaṃ (vi. vi. ṭī. 1.538-539) pana evaṃ vuttaṃ – yaṃ vuttaṃ mātikāṭṭhakathāyaṃ (kaṅkhā. aṭṭha. rājasikkhāpadavaṇṇanā) ‘‘iminā cīvaracetāpannena cīvaraṃ cetāpetvā itthannāmaṃ bhikkhuṃ cīvarena acchādehīti idaṃ āgamanasuddhiṃ dassetuṃ vuttaṃ. Sace hi ‘idaṃ itthannāmassa bhikkhuno dehī’ti peseyya, āgamanassa asuddhattā akappiyavatthuṃ ārabbha bhikkhunā kappiyakārakopi niddisitabbo na bhaveyyā’’ti, taṃ nissaggiyavatthudukkaṭavatthubhūtaṃ akappiyacīvaracetāpannaṃ ‘‘asukassa bhikkhuno dehī’’ti evaṃ āgamanasuddhiyā asati, sikkhāpade āgatanayena dūtavacane ca asuddhe sabbathā paṭikkhepoyeva kātuṃ vaṭṭati, na pana ‘‘cīvarañca kho mayaṃ paṭiggaṇhāmā’’ti vattuṃ, tadanusārena veyyāvaccakarañca niddisituṃ āgamanadūtavacanānaṃ ubhinnaṃ asuddhattā, pāḷiyaṃ āgatanayena pana āgamanasuddhiyā sati dūtavacane asuddhepi sikkhāpade āgatanayena sabbaṃ kātuṃ vaṭṭatīti dassanatthaṃ vuttaṃ. Tena ca yathā dūtavacanāsuddhiyampi āgamane suddhe veyyāvaccakaraṃ niddisituṃ vaṭṭati, evaṃ āgamanāsuddhiyampi dūtavacane suddhe vaṭṭati evāti ayamattho atthato siddhova hoti. Ubhayasuddhiyaṃ vattabbameva natthīti ubhayāsuddhipakkhameva sandhāya mātikāṭṭhakathāyaṃ (kaṅkhā. aṭṭha. rājasikkhāpadavaṇṇanā) ‘‘kappiyakārakopi niddisitabbo na bhaveyyā’’ti vuttanti veditabbaṃ.

    яам̣ банзд̇т̇а саарад̇т̇ад̣̇ийбанияам̣ (саарад̇т̇а. дий. 2.237-539) ‘‘ааг̇аманасса суд̣̇д̇хияаа ваа асуд̣̇д̇хияаа ваа висзсаббаяож̇анам̣ на д̣̇иссад̇ий’’д̇иаад̣̇и вуд̇д̇ам̣, д̇ам̣ маад̇игаадтагат̇ааважанасса ад̇хиббааяам̣ асаллагкзд̇ваа вуд̇д̇ам̣ яат̇аавуд̇д̇анаязна ааг̇аманасуд̣̇д̇хиаад̣̇инаа саббаяож̇анад̇д̇аа. яо банзд̇т̇а ‘‘муулассаамигзна габбияавохааравасзна, бзсид̇ад̣̇ууд̇асса агаббияавохаарзна вад̣̇ад̇оби габбияагаараго нид̣̇д̣̇исид̇аб̣б̣о бхавзяяаа’’д̇и анидтаббасан̇г̇о вуд̇д̇о, со анидтаббасан̇г̇о зва на ход̇и абхимад̇ад̇д̇аа. д̇ат̇аа хи сигкаабад̣̇з зва ‘‘бадиг̇г̇ан̣хад̇у ааяасмаа жийваражзд̇аабанна’’нд̇и агаббияавохаарзна вад̣̇ад̇о д̣̇ууд̇асса габбиязна гаммзна взяяааважжагаро нид̣̇д̣̇исид̇аб̣б̣о вуд̇д̇о ааг̇аманасса суд̣̇д̇хад̇д̇аа, ааг̇аманассаби асуд̣̇д̇хияам̣ бана габбиязнаби гаммзна взяяааважжагаро на нид̣̇д̣̇исид̇аб̣б̣оваад̇и ад̇т̇зва ааг̇аманасса суд̣̇д̇хиасуд̣̇д̇хияаа баяож̇анам̣. гат̇ам̣ бана д̣̇ууд̇аважанзна ааг̇аманасуд̣̇д̇хи вин̃н̃ааяад̇ийд̇и? нааяам̣ бхааро. д̣̇ууд̇зна хи агаббияавохаарзна вуд̇д̇з зва ааг̇аманасуд̣̇д̇хи г̇авзсид̇аб̣б̣аа, на ид̇арад̇т̇а. д̇ад̇т̇а жа д̇асса важанаггамзна бужчид̇ваа жа яуд̇д̇иаад̣̇ийхи жа саггаа вин̃н̃аад̇ум̣. ид̇хааби хи сигкаабад̣̇з ‘‘жийваражзд̇аабаннам̣ аабхад̇а’’нд̇и д̣̇ууд̇аважанзнзва жийварам̣ гин̣ид̇ваа д̣̇аад̇ум̣ бзсид̇абхааво вин̃н̃ааяад̇и. яад̣̇и хи саб̣б̣ат̇аа ааг̇аманасуд̣̇д̇хи на вин̃н̃ааяад̇и, бадигкзбо зва гад̇д̇аб̣б̣од̇и.

    Yaṃ panettha sāratthadīpaniyaṃ (sārattha. ṭī. 2.237-539) ‘‘āgamanassa suddhiyā vā asuddhiyā vā visesappayojanaṃ na dissatī’’tiādi vuttaṃ, taṃ mātikāṭṭhakathāvacanassa adhippāyaṃ asallakkhetvā vuttaṃ yathāvuttanayena āgamanasuddhiādinā sappayojanattā. Yo panettha ‘‘mūlassāmikena kappiyavohāravasena, pesitadūtassa akappiyavohārena vadatopi kappiyakārako niddisitabbo bhaveyyā’’ti aniṭṭhappasaṅgo vutto, so aniṭṭhappasaṅgo eva na hoti abhimatattā. Tathā hi sikkhāpade eva ‘‘paṭiggaṇhatu āyasmā cīvaracetāpanna’’nti akappiyavohārena vadato dūtassa kappiyena kammena veyyāvaccakaro niddisitabbo vutto āgamanassa suddhattā, āgamanassapi asuddhiyaṃ pana kappiyenapi kammena veyyāvaccakaro na niddisitabbovāti attheva āgamanassa suddhiasuddhiyā payojanaṃ. Kathaṃ pana dūtavacanena āgamanasuddhi viññāyatīti? Nāyaṃ bhāro. Dūtena hi akappiyavohārena vutte eva āgamanasuddhi gavesitabbā, na itarattha. Tattha ca tassa vacanakkamena pucchitvā ca yuttiādīhi ca sakkā viññātuṃ. Idhāpi hi sikkhāpade ‘‘cīvaracetāpannaṃ ābhata’’nti dūtavacaneneva cīvaraṃ kiṇitvā dātuṃ pesitabhāvo viññāyati. Yadi hi sabbathā āgamanasuddhi na viññāyati, paṭikkhepo eva kattabboti.

    суван̣н̣ам̣ раж̇ад̇ам̣ гахаабан̣о маасагод̇и имаани хи жад̇д̇аари ниссаг̇г̇ияавад̇т̇ууни, муд̇д̇аа ман̣и взл̣урияо сан̇ко силаа баваал̣ам̣ лохид̇ан̇го масаараг̇аллам̣ сад̇д̇а д̇хан̃н̃аани д̣̇аасид̣̇аасам̣ кзд̇д̇ам̣ вад̇т̇у бубпаараамапалаараамаад̣̇аяод̇и имаани д̣̇уггадавад̇т̇ууни жа ад̇д̇ано ваа жзд̇ияасан̇гхаг̇ан̣абуг̇г̇алаанам̣ ваа ад̇т̇ааяа самбадижчид̇ум̣ на вадданд̇и, д̇асмаа д̇ам̣ саад̣̇ид̇ум̣ на ваддад̇ийд̇и д̣̇ассанад̇т̇ам̣ ‘‘на ко маяам̣ аавусо жийваражзд̇аабаннам̣ бадиг̇г̇ан̣хаамаа’’д̇и вуд̇д̇ам̣. жийваран̃жа ко маяам̣ бадиг̇г̇ан̣хаамаа’’д̇иаад̣̇и д̣̇ууд̇аважанасса агаббияад̇д̇зби ааг̇аманасуд̣̇д̇хияаа бадибаж̇ж̇анавид̇хид̣̇ассанад̇т̇ам̣ вуд̇д̇ам̣. гаалзна габбияанд̇и яуд̇д̇абад̇д̇агаалзна яад̣̇аа но ад̇т̇о ход̇и, д̇ад̣̇аа габбияам̣ жийварам̣ бадиг̇г̇ан̣хаамаад̇и ад̇т̇о. взяяааважжагарод̇и гижжагаро, габбияагаарагод̇и ад̇т̇о. ‘‘взяяааважжагаро нид̣̇д̣̇исид̇аб̣б̣о’’д̇и ид̣̇ам̣ ‘‘ад̇т̇и банааяасмад̇о гожи взяяааважжагаро’’д̇и габбияаважанзна вуд̇д̇ад̇д̇аа анун̃н̃аад̇ам̣. сажз бана д̣̇ууд̇о ‘‘го имам̣ г̇ан̣хаад̇и, гасса ваа д̣̇змий’’д̇и вад̣̇ад̇и, на нид̣̇д̣̇исид̇аб̣б̣о. аараамиго ваа убаасаго ваад̇и ид̣̇ам̣ сааруббад̇ааяа вуд̇д̇ам̣, табзд̇ваа бана бан̃жа сахад̇хаммигз яо гожи габбияагаараго ваддад̇и. зсо ко аавусо бхигкуунам̣ взяяааважжагарод̇и ид̣̇ам̣ д̣̇ууд̇зна ‘‘ад̇т̇и банааяасмад̇о гожи взяяааважжагаро’’д̇и бужчид̇ад̇д̇аа бужчаасабхааг̇зна бхигкусса габбияаважанад̣̇ассанад̇т̇ам̣ вуд̇д̇ам̣. звамзва хи бхигкунаа вад̇д̇аб̣б̣ам̣, на вад̇д̇аб̣б̣ам̣ ‘‘д̇асса д̣̇зхий’’д̇иаад̣̇и. д̇знзва баал̣ияам̣ ‘‘на вад̇д̇аб̣б̣о д̇асса д̣̇зхий’’д̇иаад̣̇имааха. вимад̇ивинод̣̇анияам̣ (ви. ви. дий. 1.538-539) бана ‘‘зсо ко…бз… на вад̇д̇аб̣б̣о д̇асса д̣̇зхийд̇иаад̣̇и агаббияавад̇т̇усаад̣̇ияанабариможанад̇т̇ам̣ вуд̇д̇а’’нд̇и вуд̇д̇ам̣.

    Suvaṇṇaṃ rajataṃ kahāpaṇo māsakoti imāni hi cattāri nissaggiyavatthūni, muttā maṇi veḷuriyo saṅkho silā pavāḷaṃ lohitaṅko masāragallaṃ satta dhaññāni dāsidāsaṃ khettaṃ vatthu pupphārāmaphalārāmādayoti imāni dukkaṭavatthūni ca attano vā cetiyasaṅghagaṇapuggalānaṃ vā atthāya sampaṭicchituṃ na vaṭṭanti, tasmā taṃ sādituṃ na vaṭṭatīti dassanatthaṃ ‘‘na kho mayaṃ āvuso cīvaracetāpannaṃ paṭiggaṇhāmā’’ti vuttaṃ. Cīvarañca kho mayaṃ paṭiggaṇhāmā’’tiādi dūtavacanassa akappiyattepi āgamanasuddhiyā paṭipajjanavidhidassanatthaṃ vuttaṃ. Kālena kappiyanti yuttapattakālena yadā no attho hoti, tadā kappiyaṃ cīvaraṃ paṭiggaṇhāmāti attho. Veyyāvaccakaroti kiccakaro, kappiyakārakoti attho. ‘‘Veyyāvaccakaro niddisitabbo’’ti idaṃ ‘‘atthi panāyasmato koci veyyāvaccakaro’’ti kappiyavacanena vuttattā anuññātaṃ. Sace pana dūto ‘‘ko imaṃ gaṇhāti, kassa vā demī’’ti vadati, na niddisitabbo. Ārāmiko vā upāsako vāti idaṃ sāruppatāya vuttaṃ, ṭhapetvā pana pañca sahadhammike yo koci kappiyakārako vaṭṭati. Eso kho āvuso bhikkhūnaṃ veyyāvaccakaroti idaṃ dūtena ‘‘atthi panāyasmato koci veyyāvaccakaro’’ti pucchitattā pucchāsabhāgena bhikkhussa kappiyavacanadassanatthaṃ vuttaṃ. Evameva hi bhikkhunā vattabbaṃ, na vattabbaṃ ‘‘tassa dehī’’tiādi. Teneva pāḷiyaṃ ‘‘na vattabbo tassa dehī’’tiādimāha. Vimativinodaniyaṃ (vi. vi. ṭī. 1.538-539) pana ‘‘eso kho…pe… na vattabbo tassa dehītiādi akappiyavatthusādiyanaparimocanatthaṃ vutta’’nti vuttaṃ.

    аан̣ад̇д̇о со маяаад̇и яат̇аа д̇умхаагам̣ жийварзна ад̇т̇з сад̇и жийварам̣ д̣̇ассад̇и, звам̣ вуд̇д̇од̇и ад̇т̇о. вимад̇ивинод̣̇анияам̣ бана ‘‘сан̃н̃ад̇д̇од̇иаад̣̇и звам̣ д̣̇ууд̇зна буна вуд̇д̇з зва жод̣̇зд̇ум̣ ваддад̇и, на ид̇арат̇аад̇и д̣̇ассанад̇т̇ам̣ вуд̇д̇а’’нд̇и вуд̇д̇ам̣. зд̇т̇а бана баал̣ияам̣ ‘‘сан̃н̃ад̇д̇о со маяаа’’д̇и ааг̇ад̇ад̇д̇аа звам̣ вуд̇д̇о, буримаваагяз бана винаяасан̇г̇ахаббагаран̣з (ви. сан̇г̇а. адта. 64) ‘‘аан̣ад̇д̇о со маяаа’’д̇и барияааяаважанзна баривад̇д̇ид̇ваа табид̇ад̇д̇аа д̇ат̇аа вуд̇д̇о, д̇зна жа габбияагаарагасса сан̃н̃аабид̇абхаавз д̣̇ууд̇зна бхигкусса буна аарожид̇з зва бхигкунаа габбияагаараго жод̣̇зд̇аб̣б̣о ход̇и, на анаарожид̇зд̇и д̣̇ассзд̇и.

    Āṇatto so mayāti yathā tumhākaṃ cīvarena atthe sati cīvaraṃ dassati, evaṃ vuttoti attho. Vimativinodaniyaṃ pana ‘‘saññattotiādi evaṃ dūtena puna vutte eva codetuṃ vaṭṭati, na itarathāti dassanatthaṃ vutta’’nti vuttaṃ. Ettha pana pāḷiyaṃ ‘‘saññatto so mayā’’ti āgatattā evaṃ vutto, purimavākye pana vinayasaṅgahappakaraṇe (vi. saṅga. aṭṭha. 64) ‘‘āṇatto so mayā’’ti pariyāyavacanena parivattitvā ṭhapitattā tathā vutto, tena ca kappiyakārakassa saññāpitabhāve dūtena bhikkhussa puna ārocite eva bhikkhunā kappiyakārako codetabbo hoti, na anārociteti dasseti.

    ад̇т̇о мз аавусо жийварзнаад̇и жод̣̇анаалагкан̣анид̣̇ассанамзд̇ам̣. ид̣̇ам̣ ваа хи важанам̣ вад̇д̇аб̣б̣ам̣, д̇асса ваа ад̇т̇о яааяа гааяажи бхаасааяа вад̇д̇аб̣б̣о. д̣̇зхи мз жийваранд̇иаад̣̇ийни бана на вад̇д̇аб̣б̣аагаарад̣̇ассанад̇т̇ам̣ вуд̇д̇аани. зд̇аани хи важанаани, зд̇зсам̣ ваа ад̇т̇о яааяа гааяажи бхаасааяа на вад̇д̇аб̣б̣о. ‘‘звам̣ вад̣̇анд̇о жа бадигкид̇д̇ад̇д̇аа вад̇д̇абхзд̣̇з д̣̇уггадам̣ аабаж̇ж̇ад̇и, жод̣̇анаа бана ход̇иязваа’’д̇и махааг̇ан̣тибад̣̇з маж̇жхимаг̇ан̣тибад̣̇з жа вуд̇д̇ам̣. вимад̇ивинод̣̇анияам̣ (ви. ви. дий. 1.538-539) бана ‘‘на вад̇д̇аб̣б̣о ‘д̣̇зхи мз жийварам̣…бз… жзд̇аабзхи мз жийвара’нд̇и ид̣̇ам̣ д̣̇ууд̇знаабхад̇аруубияам̣ бадиг̇г̇ахзд̇ум̣ ад̇д̇анаа нид̣̇д̣̇идтагаббияагаарагад̇д̇аава ‘д̣̇зхи мз жийварам̣…бз… жзд̇аабзхи мз жийвара’нд̇и вад̣̇анд̇о руубияасса багад̇ад̇д̇аа д̇зна руубиязна баривад̇д̇зд̇ваа ‘д̣̇зхи жзд̇аабзхий’д̇и руубияасам̣вохаарам̣ самаабаж̇ж̇анд̇о наама ход̇ийд̇и д̇ам̣ д̣̇осам̣ д̣̇уурад̇о бариваж̇ж̇зд̇ум̣ вуд̇д̇ам̣ руубияабадиг̇г̇аахагзна сан̇гхамаж̇жхз ниссадтаруубияз вияа. вуд̇д̇ан̃хи д̇ад̇т̇а ‘на вад̇д̇аб̣б̣о имам̣ ваа имам̣ ваа аахараа’д̇и (баараа. адта. 2.583-584), д̇асмаа на ид̣̇ам̣ вин̃н̃ад̇д̇ид̣̇осз бариваж̇ж̇зд̇ум̣ вуд̇д̇анд̇и взд̣̇ид̇аб̣б̣ам̣ ‘ад̇т̇о мз аавусо жийварзнаа’д̇иби авад̇д̇аб̣б̣ад̇ааббасан̇г̇ад̇о. д̇знзва д̣̇ууд̇анид̣̇д̣̇идтзсу руубияасам̣вохаарасан̇гаабхаавад̇о ан̃н̃ам̣ габбияагаарагам̣ табзд̇вааби аахараабзд̇аб̣б̣а’’нд̇и вуд̇д̇ам̣. д̇ад̇т̇ааби ‘‘д̣̇ууд̇зна табид̇аруубиязна жзд̇аабзд̇ваа жийварам̣ аахараабзхий’’д̇и авад̇ваа гзвалам̣ ‘‘жийварам̣ аахараабзхий’’д̇и звам̣ аахараабзд̇аб̣б̣анд̇и ад̇хиббааяо г̇ахзд̇аб̣б̣од̇и вуд̇д̇ам̣.

    Attho me āvuso cīvarenāti codanālakkhaṇanidassanametaṃ. Idaṃ vā hi vacanaṃ vattabbaṃ, tassa vā attho yāya kāyaci bhāsāya vattabbo. Dehi me cīvarantiādīni pana na vattabbākāradassanatthaṃ vuttāni. Etāni hi vacanāni, etesaṃ vā attho yāya kāyaci bhāsāya na vattabbo. ‘‘Evaṃ vadanto ca paṭikkhittattā vattabhede dukkaṭaṃ āpajjati, codanā pana hotiyevā’’ti mahāgaṇṭhipade majjhimagaṇṭhipade ca vuttaṃ. Vimativinodaniyaṃ (vi. vi. ṭī. 1.538-539) pana ‘‘na vattabbo ‘dehi me cīvaraṃ…pe… cetāpehi me cīvara’nti idaṃ dūtenābhatarūpiyaṃ paṭiggahetuṃ attanā niddiṭṭhakappiyakārakattāva ‘dehi me cīvaraṃ…pe… cetāpehi me cīvara’nti vadanto rūpiyassa pakatattā tena rūpiyena parivattetvā ‘dehi cetāpehī’ti rūpiyasaṃvohāraṃ samāpajjanto nāma hotīti taṃ dosaṃ dūrato parivajjetuṃ vuttaṃ rūpiyapaṭiggāhakena saṅghamajjhe nissaṭṭharūpiye viya. Vuttañhi tattha ‘na vattabbo imaṃ vā imaṃ vā āharā’ti (pārā. aṭṭha. 2.583-584), tasmā na idaṃ viññattidose parivajjetuṃ vuttanti veditabbaṃ ‘attho me āvuso cīvarenā’tipi avattabbatāppasaṅgato. Teneva dūtaniddiṭṭhesu rūpiyasaṃvohārasaṅkābhāvato aññaṃ kappiyakārakaṃ ṭhapetvāpi āharāpetabba’’nti vuttaṃ. Tatthāpi ‘‘dūtena ṭhapitarūpiyena cetāpetvā cīvaraṃ āharāpehī’’ti avatvā kevalaṃ ‘‘cīvaraṃ āharāpehī’’ti evaṃ āharāpetabbanti adhippāyo gahetabboti vuttaṃ.

    ижжзд̇ам̣ гусаланд̇и звам̣ яаавад̇ад̇ияам̣ жод̣̇знд̇о д̇ам̣ жийварам̣ абхинибпаад̣̇зд̇ум̣ саггод̇и ад̇д̇ано бадилаабхавасзна, ижжзд̇ам̣ гусалам̣ саад̇ху судту сунд̣̇арам̣. жад̇угкад̇д̇ум̣ бан̃жагкад̇д̇ум̣ чагкад̇д̇убарамам̣ д̇ун̣хийбхууд̇зна уд̣̇д̣̇исса таад̇аб̣б̣анд̇и тааналагкан̣анид̣̇ассанамзд̇ам̣. чагкад̇д̇убараманд̇и жа бхааванабум̣сагаважанамзд̇ам̣. чагкад̇д̇убараманд̇и зд̇зна жийварам̣ уд̣̇д̣̇исса д̇ун̣хийбхууд̇знзва таад̇аб̣б̣ам̣, на ан̃н̃ам̣ гин̃жи гаад̇аб̣б̣анд̇и ид̣̇ам̣ тааналагкан̣ам̣. д̇знзва ‘‘на аасанзд̇иаад̣̇ий’’д̇и адтагат̇ааяам̣ вуд̇д̇ам̣. сад̣̇д̣̇асад̇т̇з бана –

    Iccetaṃ kusalanti evaṃ yāvatatiyaṃ codento taṃ cīvaraṃ abhinipphādetuṃ sakkoti attano paṭilābhavasena, iccetaṃ kusalaṃ sādhu suṭṭhu sundaraṃ. Catukkhattuṃ pañcakkhattuṃ chakkhattuparamaṃ tuṇhībhūtena uddissa ṭhātabbanti ṭhānalakkhaṇanidassanametaṃ. Chakkhattuparamanti ca bhāvanapuṃsakavacanametaṃ. Chakkhattuparamanti etena cīvaraṃ uddissa tuṇhībhūteneva ṭhātabbaṃ, na aññaṃ kiñci kātabbanti idaṃ ṭhānalakkhaṇaṃ. Teneva ‘‘na āsanetiādī’’ti aṭṭhakathāyaṃ vuttaṃ. Saddasatthe pana –

    ‘‘гирияаависзсанам̣ сад̇т̇з, вуд̇д̇ам̣ д̇хаад̇увисзсанам̣;

    ‘‘Kiriyāvisesanaṃ satthe, vuttaṃ dhātuvisesanaṃ;

    бхааванабум̣саганд̇язва, саасанз самуд̣̇ийрид̇а’’нд̇и. –

    Bhāvanapuṃsakantyeva, sāsane samudīrita’’nti. –

    важанад̇о гирияаависзсанамзва саасанавохаарзна бхааванабум̣сагам̣ наама ж̇аад̇ам̣;

    Vacanato kiriyāvisesanameva sāsanavohārena bhāvanapuṃsakaṃ nāma jātaṃ;

    ‘‘муд̣̇ум̣ бажад̇иижжад̇ра, бажанам̣ бхавад̇ийд̇и жа;

    ‘‘Muduṃ pacatiiccatra, pacanaṃ bhavatīti ca;

    сукам̣ саяад̇иижжад̇ра, гарод̇и саяананд̇и жаа’’д̇и. –

    Sukhaṃ sayatiiccatra, karoti sayananti cā’’ti. –

    важанад̇о гирияаависзсанабад̣̇зна д̇уляаад̇хигаран̣абхууд̇ам̣ гирияаависзсяабад̣̇ам̣ агаммагамби сагаммагамби бхууд̇хаад̇угарад̇хаад̇уухи самб̣анд̇хид̇аб̣б̣ам̣ ход̇ийд̇и иминаа н̃ааязна чагкад̇д̇убарамам̣ таанам̣ бхавид̇аб̣б̣ам̣, чагкад̇д̇убарамам̣ таанам̣ гаад̇аб̣б̣анд̇и ад̇т̇о. зд̇зна чагкад̇д̇убарамам̣ звам̣ таанам̣ бхавид̇аб̣б̣ам̣, на д̇ад̇о ад̇хигам̣ , чагкад̇д̇убарамам̣ зва таанам̣ гаад̇аб̣б̣ам̣, на д̇ад̇о уд̣̇д̇ханд̇и имамад̇т̇ам̣ д̣̇ассзд̇и. на аасанз нисийд̣̇ид̇аб̣б̣анд̇и ‘‘ид̇ха бханд̇з нисийд̣̇ат̇аа’’д̇и вуд̇д̇зби на нисийд̣̇ид̇аб̣б̣ам̣. на аамисам̣ бадиг̇г̇ахзд̇аб̣б̣анд̇и ‘‘яааг̇укаж̇ж̇агаад̣̇ибхзд̣̇ам̣ гин̃жи аамисам̣ г̇ан̣хат̇а бханд̇з’’д̇и яаажияамаанзнаби на г̇ан̣хид̇аб̣б̣ам̣. на д̇хаммо бхаасид̇аб̣б̣од̇и ‘‘ман̇г̇алам̣ ваа анумод̣̇анам̣ ваа бхаасат̇аа’’д̇и яаажияамаанзнаби гин̃жи на бхаасид̇аб̣б̣ам̣, гзвалам̣ ‘‘гим̣гааран̣аа ааг̇ад̇осий’’д̇и бужчияамаанзна ‘‘ж̇аанаахи аавусо’’д̇и вад̇д̇аб̣б̣о.

    Vacanato kiriyāvisesanapadena tulyādhikaraṇabhūtaṃ kiriyāvisesyapadaṃ akammakampi sakammakampi bhūdhātukaradhātūhi sambandhitabbaṃ hotīti iminā ñāyena chakkhattuparamaṃ ṭhānaṃ bhavitabbaṃ, chakkhattuparamaṃ ṭhānaṃ kātabbanti attho. Etena chakkhattuparamaṃ evaṃ ṭhānaṃ bhavitabbaṃ, na tato adhikaṃ , chakkhattuparamaṃ eva ṭhānaṃ kātabbaṃ, na tato uddhanti imamatthaṃ dasseti. Na āsane nisīditabbanti ‘‘idha bhante nisīdathā’’ti vuttepi na nisīditabbaṃ. Na āmisaṃ paṭiggahetabbanti ‘‘yāgukhajjakādibhedaṃ kiñci āmisaṃ gaṇhatha bhante’’ti yāciyamānenapi na gaṇhitabbaṃ. Na dhammo bhāsitabboti ‘‘maṅgalaṃ vā anumodanaṃ vā bhāsathā’’ti yāciyamānenapi kiñci na bhāsitabbaṃ, kevalaṃ ‘‘kiṃkāraṇā āgatosī’’ti pucchiyamānena ‘‘jānāhi āvuso’’ti vattabbo.

    таанам̣ бхан̃ж̇ад̇ийд̇и ааг̇ад̇агааран̣ам̣ бхан̃ж̇ад̇и гобзд̇и. таананд̇и тид̇ияаа жа гааран̣асса жа наамам̣, д̇асмаа аасанз нисийд̣̇анзна таанам̣ губбад̇и, ааг̇ад̇агааран̣амби, аамисабадиг̇г̇ахан̣аад̣̇ийсу бана ааг̇ад̇агааран̣амзва бхан̃ж̇ад̇и, на таанам̣. д̇знааха ‘‘ааг̇ад̇агааран̣ам̣ бхан̃ж̇ад̇ий’’д̇и. гзжи бана ‘‘аамисабадиг̇г̇ахан̣аад̣̇инаа таанамби бхан̃ж̇ад̇ий’’д̇и вад̣̇анд̇и, д̇ам̣ адтагат̇ааяа на самзд̇и, дийгааяамби наанааваад̣̇з д̣̇ассзд̇ваа таанабхан̃ж̇анам̣ вуд̇д̇ам̣, д̇ам̣ адтагат̇ааважанзна асам̣санд̣̇анад̇о г̇ант̇аг̇арубхаязна на вад̣̇имха. ид̣̇аани яаа д̇иссо жод̣̇анаа, ча жа таанаани вуд̇д̇аани, д̇ад̇т̇а вуд̣̇д̇хихааним̣ д̣̇ассзнд̇о ‘‘сажз жад̇угкад̇д̇ум̣ жод̣̇зд̇ий’’д̇иаад̣̇имааха. яасмаа жа згажод̣̇анаавуд̣̇д̇хияаа д̣̇виннам̣ таанаанам̣ хаани вуд̇д̇аа, д̇асмаа жод̣̇анаа д̣̇виг̇ун̣ам̣ таананд̇и лагкан̣ам̣ д̣̇ассид̇ам̣ ход̇и. ид̇и иминаа лагкан̣зна д̇игкад̇д̇ум̣ жод̣̇зд̇ваа чагкад̇д̇ум̣ таад̇аб̣б̣ам̣, д̣̇вигкад̇д̇ум̣ жод̣̇зд̇ваа адтагкад̇д̇ум̣ таад̇аб̣б̣ам̣, сагим̣ жод̣̇зд̇ваа д̣̇асагкад̇д̇ум̣ таад̇аб̣б̣ам̣.

    Ṭhānaṃ bhañjatīti āgatakāraṇaṃ bhañjati kopeti. Ṭhānanti ṭhitiyā ca kāraṇassa ca nāmaṃ, tasmā āsane nisīdanena ṭhānaṃ kuppati, āgatakāraṇampi, āmisapaṭiggahaṇādīsu pana āgatakāraṇameva bhañjati, na ṭhānaṃ. Tenāha ‘‘āgatakāraṇaṃ bhañjatī’’ti. Keci pana ‘‘āmisapaṭiggahaṇādinā ṭhānampi bhañjatī’’ti vadanti, taṃ aṭṭhakathāya na sameti, ṭīkāyampi nānāvāde dassetvā ṭhānabhañjanaṃ vuttaṃ, taṃ aṭṭhakathāvacanena asaṃsandanato ganthagarubhayena na vadimha. Idāni yā tisso codanā, cha ca ṭhānāni vuttāni, tattha vuddhihāniṃ dassento ‘‘sace catukkhattuṃ codetī’’tiādimāha. Yasmā ca ekacodanāvuddhiyā dvinnaṃ ṭhānānaṃ hāni vuttā, tasmā codanā dviguṇaṃ ṭhānanti lakkhaṇaṃ dassitaṃ hoti. Iti iminā lakkhaṇena tikkhattuṃ codetvā chakkhattuṃ ṭhātabbaṃ, dvikkhattuṃ codetvā aṭṭhakkhattuṃ ṭhātabbaṃ, sakiṃ codetvā dasakkhattuṃ ṭhātabbaṃ.

    д̇ад̇ра д̇ад̇ра таанз д̇идтад̇ийд̇и ид̣̇ам̣ жод̣̇агасса тид̇адтаанад̇о абаггамма д̇ад̇ра д̇ад̇ра уд̣̇д̣̇исса таанам̣язва санд̇хааяа вуд̇д̇ам̣. го бана ваад̣̇о наанаад̣̇ивасзсууд̇и наанаад̣̇ивасзсу звам̣ гаронд̇асса го бана ваад̣̇о, вад̇д̇аб̣б̣амзва над̇т̇ийд̇и ад̇хиббааяо. ‘‘саамам̣ ваа г̇анд̇аб̣б̣ам̣, д̣̇ууд̇о ваа баахзд̇аб̣б̣од̇и ид̣̇ам̣ сабхаавад̇о жод̣̇зд̇ум̣ анижчанд̇знаби гаад̇аб̣б̣амзваа’’д̇и вад̣̇анд̇и. на д̇ам̣ д̇асса бхигкуно гин̃жи ад̇т̇ам̣ анубход̇ийд̇и д̇ам̣ жийваражзд̇аабаннам̣ асса бхигкуно гин̃жи аббамад̇д̇агамби гаммам̣ на нибпаад̣̇зд̇и. яун̃ж̇анд̇ааяасманд̇о саганд̇и ааяасманд̇о ад̇д̇ано санд̇агам̣ д̇ханам̣ баабун̣анд̇у. вимад̇ивинод̣̇анияам̣ (ви. ви. дий. 1.538-539) бана ‘‘яад̇асса жийваражзд̇аабаннанд̇иаад̣̇и язна ад̇д̇анаа взяяааважжагаро нид̣̇д̣̇идто, жийваран̃жа анибпаад̣̇ид̇ам̣, д̇асса гад̇д̇аб̣б̣ад̣̇ассанам̣. звам̣ бхигкунаа вад̇т̇усаамигаанам̣ вуд̇д̇з жод̣̇зд̇ваа д̣̇знд̇и, ваддад̇и ‘саамигаа жод̣̇зд̇ваа д̣̇знд̇ий’д̇и (баараа. 541) анаабад̇д̇ияам̣ вуд̇д̇ад̇д̇аа. д̇знзва со саяам̣ ажод̣̇зд̇ваа убаасагаад̣̇ийхи барияааязна вад̇ваа жод̣̇аабзд̇и , д̇зсу сад̇агкад̇д̇умби жод̣̇зд̇ваа жийварам̣ д̣̇аабзнд̇зсу д̇асса анаабад̇д̇и сид̣̇д̇хаа ход̇и сигкаабад̣̇асса анаан̣ад̇д̇игад̇д̇аа’’д̇и вуд̇д̇ам̣.

    Tatra tatra ṭhāne tiṭṭhatīti idaṃ codakassa ṭhitaṭṭhānato apakkamma tatra tatra uddissa ṭhānaṃyeva sandhāya vuttaṃ. Ko pana vādo nānādivasesūti nānādivasesu evaṃ karontassa ko pana vādo, vattabbameva natthīti adhippāyo. ‘‘Sāmaṃ vā gantabbaṃ, dūto vā pāhetabboti idaṃ sabhāvato codetuṃ anicchantenapi kātabbamevā’’ti vadanti. Na taṃ tassa bhikkhuno kiñci atthaṃ anubhotīti taṃ cīvaracetāpannaṃ assa bhikkhuno kiñci appamattakampi kammaṃ na nipphādeti. Yuñjantāyasmanto sakanti āyasmanto attano santakaṃ dhanaṃ pāpuṇantu. Vimativinodaniyaṃ (vi. vi. ṭī. 1.538-539) pana ‘‘yatassacīvaracetāpannantiādi yena attanā veyyāvaccakaro niddiṭṭho, cīvarañca anipphāditaṃ, tassa kattabbadassanaṃ. Evaṃ bhikkhunā vatthusāmikānaṃ vutte codetvā denti, vaṭṭati ‘sāmikā codetvā dentī’ti (pārā. 541) anāpattiyaṃ vuttattā. Teneva so sayaṃ acodetvā upāsakādīhi pariyāyena vatvā codāpeti , tesu satakkhattumpi codetvā cīvaraṃ dāpentesu tassa anāpatti siddhā hoti sikkhāpadassa anāṇattikattā’’ti vuttaṃ.

    65. гзнажи анид̣̇д̣̇идто ад̇д̇ано мукзнзва б̣яаавадабхаавам̣ взяяааважжагарад̇д̇ам̣ бад̇д̇о мукавзвадиго, авижаарзд̇угаамад̇ааяаад̇и иминаа виж̇ж̇амаанамби д̣̇аад̇ум̣ анижчанд̇аа арияааби ван̃жанаад̇хиббааяам̣ винаа вохаарад̇о над̇т̇ийд̇и вад̣̇анд̇ийд̇и д̣̇ассзд̇и. саарад̇т̇ад̣̇ийбанияам̣ (саарад̇т̇а. дий. 2.537-539) бана ‘‘авижаарзд̇угаамад̇ааяаад̇и имасмим̣ багкз ‘над̇т̇амхаагам̣ габбияагаараго’д̇и ид̣̇ам̣ д̇аад̣̇исам̣ гаронд̇о габбияагаараго над̇т̇ийд̇и иминаа ад̇хиббааязна вуд̇д̇а’’нд̇и вуд̇д̇ам̣. бхзсаж̇ж̇агканд̇хагз мзн̣д̣агасздтивад̇т̇умхи (махаава. 299) вуд̇д̇ам̣ ‘‘санд̇и бхигкавз’’д̇иаад̣̇иважанамзва мзн̣д̣агасигкаабад̣̇ам̣ наама. д̇ад̇т̇а хи мзн̣д̣агзна наама сздтинаа ‘‘санд̇и хи бханд̇з маг̇г̇аа ганд̇аараа аббод̣̇агаа аббабхагкаа на сугараа абаат̇зяязна г̇анд̇ум̣, саад̇ху бханд̇з бхаг̇аваа бхигкуунам̣ баат̇зяяам̣ ануж̇аанаад̇уу’’д̇и яаажид̇зна бхаг̇авад̇аа ‘‘ануж̇аанаами бхигкавз баат̇зяяам̣ бариязсид̇ум̣. д̇ан̣д̣уло д̇ан̣д̣улад̇т̇игзна, муг̇г̇о муг̇г̇ад̇т̇игзна, маасо маасад̇т̇игзна, лон̣ам̣ лон̣ад̇т̇игзна, г̇ул̣о г̇ул̣ад̇т̇игзна, д̇злам̣ д̇злад̇т̇игзна, сабби саббид̇т̇игзнаа’’д̇и вад̇ваа ид̣̇ам̣ вуд̇д̇ам̣ ‘‘санд̇и, бхигкавз, мануссаа сад̣̇д̇хаа басаннаа, д̇з габбияагаарагаанам̣ хад̇т̇з хиран̃н̃ам̣ убанигкибанд̇и ‘иминаа яам̣ аяяасса габбияам̣, д̇ам̣ д̣̇зт̇аа’д̇и. ануж̇аанаами, бхигкавз, яам̣ д̇ад̇о габбияам̣, д̇ам̣ саад̣̇ид̇ум̣, на д̇взваахам̣, бхигкавз, гзнажи барияааязна ж̇аад̇аруубараж̇ад̇ам̣ саад̣̇ид̇аб̣б̣ам̣ бариязсид̇аб̣б̣анд̇и вад̣̇аамий’’д̇и. ‘‘габбияагаарагаанам̣ хад̇т̇з хиран̃н̃ам̣ нигкибанд̇ий’’д̇и зд̇т̇ааби бхигкусса аарожанам̣ ад̇т̇иязва, ан̃н̃ат̇аа анид̣̇д̣̇идтагаббияагаарагабагкам̣ бхаж̇ад̇ийд̇и на жод̣̇зд̇аб̣б̣о сияаа, ид̣̇ам̣ бана д̣̇ууд̇зна нид̣̇д̣̇идтагаббияагаарагз санд̇хааяа вуд̇д̇ам̣, на бана бхигкунаа нид̣̇д̣̇идтз ваа анид̣̇д̣̇идтз ваа. д̇знзвааха ‘‘зд̇т̇а жод̣̇анааяа баримаан̣ам̣ над̇т̇ий’’д̇иаад̣̇и. яад̣̇и муулам̣ санд̇хааяа жод̣̇зд̇и, д̇ам̣ саад̣̇ид̇амзва сияаад̇и ааха ‘‘муулам̣ асаад̣̇ияанд̇знаа’’д̇и.

    65. Kenaci aniddiṭṭho attano mukheneva byāvaṭabhāvaṃ veyyāvaccakarattaṃ patto mukhavevaṭiko, avicāretukāmatāyāti iminā vijjamānampi dātuṃ anicchantā ariyāpi vañcanādhippāyaṃ vinā vohārato natthīti vadantīti dasseti. Sāratthadīpaniyaṃ (sārattha. ṭī. 2.537-539) pana ‘‘avicāretukāmatāyāti imasmiṃ pakkhe ‘natthamhākaṃ kappiyakārako’ti idaṃ tādisaṃ karonto kappiyakārako natthīti iminā adhippāyena vutta’’nti vuttaṃ. Bhesajjakkhandhake meṇḍakaseṭṭhivatthumhi (mahāva. 299) vuttaṃ ‘‘santi bhikkhave’’tiādivacanameva meṇḍakasikkhāpadaṃ nāma. Tattha hi meṇḍakena nāma seṭṭhinā ‘‘santi hi bhante maggā kantārā appodakā appabhakkhā na sukarā apātheyyena gantuṃ, sādhu bhante bhagavā bhikkhūnaṃ pātheyyaṃ anujānātū’’ti yācitena bhagavatā ‘‘anujānāmi bhikkhave pātheyyaṃ pariyesituṃ. Taṇḍulo taṇḍulatthikena, muggo muggatthikena, māso māsatthikena, loṇaṃ loṇatthikena, guḷo guḷatthikena, telaṃ telatthikena, sappi sappitthikenā’’ti vatvā idaṃ vuttaṃ ‘‘santi, bhikkhave, manussā saddhā pasannā, te kappiyakārakānaṃ hatthe hiraññaṃ upanikkhipanti ‘iminā yaṃ ayyassa kappiyaṃ, taṃ dethā’ti. Anujānāmi, bhikkhave, yaṃ tato kappiyaṃ, taṃ sādituṃ, na tvevāhaṃ, bhikkhave, kenaci pariyāyena jātarūparajataṃ sāditabbaṃ pariyesitabbanti vadāmī’’ti. ‘‘Kappiyakārakānaṃ hatthe hiraññaṃ nikkhipantī’’ti etthāpi bhikkhussa ārocanaṃ atthiyeva, aññathā aniddiṭṭhakappiyakārakapakkhaṃ bhajatīti na codetabbo siyā, idaṃ pana dūtena niddiṭṭhakappiyakārake sandhāya vuttaṃ, na pana bhikkhunā niddiṭṭhe vā aniddiṭṭhe vā. Tenevāha ‘‘ettha codanāya parimāṇaṃ natthī’’tiādi. Yadi mūlaṃ sandhāya codeti, taṃ sāditameva siyāti āha ‘‘mūlaṃ asādiyantenā’’ti.

    ан̃н̃аад̇агааббаваарид̇зсу вияа бадибаж̇ж̇ид̇аб̣б̣анд̇и ид̣̇ам̣ ад̇д̇анаа жод̣̇анаадтаанан̃жа на гаад̇аб̣б̣анд̇и д̣̇ассанад̇т̇ам̣ вуд̇д̇ам̣. бин̣д̣абаад̇аад̣̇ийнам̣ ад̇т̇ааяаад̇и иминаа жийварад̇т̇ааязва на ход̇ийд̇и д̣̇ассзд̇и. зсзва наяод̇и иминаа вад̇т̇усааминаа нид̣̇д̣̇идтагаббияагаарагзсуби бин̣д̣абаад̇аад̣̇ийнамби ад̇т̇ааяа д̣̇иннз жа таанажод̣̇анаад̣̇исаб̣б̣ам̣ хздтаа вуд̇д̇анаязнзва гаад̇аб̣б̣анд̇и д̣̇ассзд̇и.

    Aññātakaappavāritesu viya paṭipajjitabbanti idaṃ attanā codanāṭṭhānañca na kātabbanti dassanatthaṃ vuttaṃ. Piṇḍapātādīnaṃ atthāyāti iminā cīvaratthāyeva na hotīti dasseti. Eseva nayoti iminā vatthusāminā niddiṭṭhakappiyakārakesupi piṇḍapātādīnampi atthāya dinne ca ṭhānacodanādisabbaṃ heṭṭhā vuttanayeneva kātabbanti dasseti.

    66. убанигкид̇д̇асаад̣̇ияанз банаад̇иаад̣̇ийсу ‘‘ид̣̇ам̣ аяяасса ход̇уу’’д̇и звам̣ саммукаа ваа ‘‘амугасмим̣ наама таанз мама хиран̃н̃асуван̣н̣ам̣ ад̇т̇и, д̇ам̣ д̇уяхам̣ ход̇уу’’д̇и звам̣ бараммукаа ваа тид̇асса гзвалам̣ ваажааяа ваа хад̇т̇амуд̣̇д̣̇ааяа ваа ‘‘д̇уяха’’нд̇и вад̇ваа барижжад̇д̇асса гааяаваажаахи аббадигкибид̇ваа жид̇д̇зна саад̣̇ияанам̣ убанигкид̇д̇асаад̣̇ияанам̣ наама. саад̣̇ияад̇ийд̇и вуд̇д̇амзвад̇т̇ам̣ вибхаавзд̇и ‘‘г̇ан̣хид̇угаамо ход̇ий’’д̇и.

    66.Upanikkhittasādiyanepanātiādīsu ‘‘idaṃ ayyassa hotū’’ti evaṃ sammukhā vā ‘‘amukasmiṃ nāma ṭhāne mama hiraññasuvaṇṇaṃ atthi, taṃ tuyhaṃ hotū’’ti evaṃ parammukhā vā ṭhitassa kevalaṃ vācāya vā hatthamuddāya vā ‘‘tuyha’’nti vatvā pariccattassa kāyavācāhi appaṭikkhipitvā cittena sādiyanaṃ upanikkhittasādiyanaṃ nāma. Sādiyatīti vuttamevatthaṃ vibhāveti ‘‘gaṇhitukāmo hotī’’ti.

    ид̣̇ам̣ г̇уд̇д̇адтаананд̇и аажигкид̇аб̣б̣анд̇и бажжаяабарибхог̇ам̣язва санд̇хааяа аажигкид̇аб̣б̣ам̣. ‘‘ид̇ха нигкибаа’’д̇и вуд̇д̇з ‘‘уг̇г̇ан̣хаабзяяа ваа’’д̇и вуд̇д̇алагкан̣зна ниссаг̇г̇ияам̣ ход̇ийд̇и ааха ‘‘ид̇ха нигкибаахийд̇и на вад̇д̇аб̣б̣а’’нд̇и. ат̇а ваа ‘‘ид̣̇ам̣ г̇уд̇д̇адтаана’’нд̇и аажигканд̇о таанасса г̇уд̇д̇абхаавамзва д̣̇ассзд̇и, на вад̇т̇ум̣ бараамасад̇и, д̇асмаа аажигкид̇аб̣б̣ам̣. ‘‘ид̇ха нигкибаахий’’д̇и бана вад̣̇анд̇о нигкибид̇аб̣б̣ам̣ вад̇т̇ум̣ нигкибаахийд̇и вад̇т̇ум̣ бараамасад̇и наама, д̇асмаа на вад̇д̇аб̣б̣ам̣. барад̇о ид̣̇ам̣ г̇ан̣хаад̇и зд̇т̇ааби зсзва наяо. габбияан̃жа агаббияан̃жа ниссааяа тид̇ам̣ ход̇ийд̇и яасмаа д̇ад̇о уббаннабажжаяабарибхог̇о габбад̇и, д̇асмаа габбияам̣ ниссааяа тид̇ам̣, яасмаа бана д̣̇уб̣б̣ижааран̣ааяа д̇ад̇о уббаннабажжаяабарибхог̇о на габбад̇и, д̇асмаа агаббияам̣ ниссааяа тид̇анд̇и взд̣̇ид̇аб̣б̣ам̣. ат̇а ваа ид̣̇ам̣ д̇ханам̣ яасмаа ‘‘наяид̣̇ам̣ габбад̇ий’’д̇и бадигкид̇д̇ам̣, д̇асмаа габбияам̣ ниссааяа тид̇ам̣, яасмаа бана саб̣б̣асо ависсаж̇ж̇ид̇ам̣, д̇асмаа агаббияам̣ ниссааяа тид̇ам̣. ат̇а ваа д̇ам̣ д̇ханам̣ яасмаа бажчаа судтувижааран̣ааяа сад̇ияаа габбияам̣ бхависсад̇и, д̣̇уб̣б̣ижааран̣ааяа сад̇ияаа агаббияам̣ бхависсад̇и, д̇асмаа габбияан̃жа агаббияан̃жа ниссааяа тид̇ам̣ ход̇ийд̇и. вимад̇ивинод̣̇анияам̣ бана ‘‘зго сад̇ам̣ ваа сахассам̣ ваад̇иаад̣̇и руубияз хздтимагодияаа бавад̇д̇анаагаарам̣ д̣̇ассзд̇ум̣ вуд̇д̇а’’нд̇и жа ‘‘на бана звам̣ бадибаж̇ж̇ид̇аб̣б̣амзваад̇и д̣̇ассзд̇ум̣, ‘ид̇ха нигкибаахий’д̇и вуд̇д̇з уг̇г̇ан̣хаабанам̣ ход̇ийд̇и ааха ‘ид̇ха нигкибаахий’д̇и на вад̇д̇аб̣б̣а’’нд̇и жа ‘‘габбияан̃жа…бз… ход̇ийд̇и яасмаа асаад̣̇ид̇ад̇д̇аа д̇ад̇о уббаннабажжаяаа вадданд̇и, д̇асмаа габбияам̣ ниссааяа тид̇ам̣, яасмаа бана д̣̇уб̣б̣ижааран̣ааяа сад̇и д̇ад̇о уббаннам̣ на габбад̇и, д̇асмаа агаббияам̣ ниссааяа тид̇анд̇и взд̣̇ид̇аб̣б̣а’’нд̇и жа вуд̇д̇ам̣.

    Idaṃ guttaṭṭhānanti ācikkhitabbanti paccayaparibhogaṃyeva sandhāya ācikkhitabbaṃ. ‘‘Idha nikkhipā’’ti vutte ‘‘uggaṇhāpeyya vā’’ti vuttalakkhaṇena nissaggiyaṃ hotīti āha ‘‘idha nikkhipāhīti na vattabba’’nti. Atha vā ‘‘idaṃ guttaṭṭhāna’’nti ācikkhanto ṭhānassa guttabhāvameva dasseti, na vatthuṃ parāmasati, tasmā ācikkhitabbaṃ. ‘‘Idha nikkhipāhī’’ti pana vadanto nikkhipitabbaṃ vatthuṃ nikkhipāhīti vatthuṃ parāmasati nāma, tasmā na vattabbaṃ. Parato idaṃ gaṇhāti etthāpi eseva nayo. Kappiyañca akappiyañca nissāya ṭhitaṃ hotīti yasmā tato uppannapaccayaparibhogo kappati, tasmā kappiyaṃ nissāya ṭhitaṃ, yasmā pana dubbicāraṇāya tato uppannapaccayaparibhogo na kappati, tasmā akappiyaṃ nissāya ṭhitanti veditabbaṃ. Atha vā idaṃ dhanaṃ yasmā ‘‘nayidaṃ kappatī’’ti paṭikkhittaṃ, tasmā kappiyaṃ nissāya ṭhitaṃ, yasmā pana sabbaso avissajjitaṃ, tasmā akappiyaṃ nissāya ṭhitaṃ. Atha vā taṃ dhanaṃ yasmā pacchā suṭṭhuvicāraṇāya satiyā kappiyaṃ bhavissati, dubbicāraṇāya satiyā akappiyaṃ bhavissati, tasmā kappiyañca akappiyañca nissāya ṭhitaṃ hotīti. Vimativinodaniyaṃ pana ‘‘eko sataṃ vā sahassaṃ vātiādi rūpiye heṭṭhimakoṭiyā pavattanākāraṃ dassetuṃ vutta’’nti ca ‘‘na pana evaṃ paṭipajjitabbamevāti dassetuṃ, ‘idha nikkhipāhī’ti vutte uggaṇhāpanaṃ hotīti āha ‘idha nikkhipāhī’ti na vattabba’’nti ca ‘‘kappiyañca…pe… hotīti yasmā asāditattā tato uppannapaccayā vaṭṭanti, tasmā kappiyaṃ nissāya ṭhitaṃ, yasmā pana dubbicāraṇāya sati tato uppannaṃ na kappati, tasmā akappiyaṃ nissāya ṭhitanti veditabba’’nti ca vuttaṃ.

    67. сан̇гхамаж̇жхз ниссаж̇ж̇ид̇аб̣б̣анд̇и яасмаа руубияам̣ наама агаббияам̣, д̇асмаа сан̇гхасса ваа г̇ан̣асса ваа буг̇г̇аласса ваа ниссаж̇ж̇ид̇аб̣б̣анд̇и на вуд̇д̇ам̣. яасмаа бана д̇ам̣ бадиг̇г̇ахид̇амад̇д̇амзва ход̇и, на д̇зна гин̃жи габбияабхан̣д̣ам̣ жзд̇аабид̇ам̣, д̇асмаа убааязна барибхог̇ад̣̇ассанад̇т̇ам̣ ‘‘сан̇гхамаж̇жхз ниссаж̇ж̇ид̇аб̣б̣а’’нд̇и (баараа. 584) вуд̇д̇ам̣. на д̇зна гин̃жи габбияабхан̣д̣ам̣ жзд̇аабид̇анд̇и иминаа жзд̇аабид̇ан̃жз, над̇т̇и барибхог̇уубааяо уг̇г̇ахзд̇ваа аниссадтаруубиязна жзд̇аабид̇ад̇д̇аа. ийд̣̇исан̃хи сан̇гхамаж̇жхз ниссаж̇ж̇анам̣ гад̇ваава чад̣д̣зд̇ваа баажид̇д̇ияам̣ д̣̇зсаабзд̇аб̣б̣анд̇и д̣̇ассзд̇и. гзжи бана ‘‘яасмаа ниссаг̇г̇ияавад̇т̇ум̣ бадиг̇г̇ахзд̇вааби жзд̇аабид̇ам̣ габбияабхан̣д̣ам̣ сан̇гхз ниссадтам̣ габбияагаарагзхи ниссадтаруубиязна баривад̇д̇зд̇ваа аанийд̇агаббияабхан̣д̣асад̣̇исам̣ ход̇и, д̇асмаа винаава убааяам̣ бхааж̇зд̇ваа барибхун̃ж̇ид̇ум̣ ваддад̇ий’’д̇и вад̣̇анд̇и, д̇ам̣ бад̇д̇ажад̇уггаад̣̇игат̇ааяа на самзд̇и. д̇ад̇т̇а хи руубиязна баривад̇д̇ид̇абад̇д̇асса абарибхог̇ова д̣̇ассид̇о, на ниссаж̇ж̇анавижаарод̇и. габбияам̣ аажигкид̇аб̣б̣анд̇и баб̣б̣аж̇ид̇аанам̣ сабби ваа д̇злам̣ ваа ваддад̇и убаасагаад̇и звам̣ аажигкид̇аб̣б̣ам̣.

    67.Saṅghamajjhe nissajjitabbanti yasmā rūpiyaṃ nāma akappiyaṃ, tasmā saṅghassa vā gaṇassa vā puggalassa vā nissajjitabbanti na vuttaṃ. Yasmā pana taṃ paṭiggahitamattameva hoti, na tena kiñci kappiyabhaṇḍaṃ cetāpitaṃ, tasmā upāyena paribhogadassanatthaṃ ‘‘saṅghamajjhe nissajjitabba’’nti (pārā. 584) vuttaṃ. Na tena kiñci kappiyabhaṇḍaṃ cetāpitanti iminā cetāpitañce, natthi paribhogūpāyo uggahetvā anissaṭṭharūpiyena cetāpitattā. Īdisañhi saṅghamajjhe nissajjanaṃ katvāva chaḍḍetvā pācittiyaṃ desāpetabbanti dasseti. Keci pana ‘‘yasmā nissaggiyavatthuṃ paṭiggahetvāpi cetāpitaṃ kappiyabhaṇḍaṃ saṅghe nissaṭṭhaṃ kappiyakārakehi nissaṭṭharūpiyena parivattetvā ānītakappiyabhaṇḍasadisaṃ hoti, tasmā vināva upāyaṃ bhājetvā paribhuñjituṃ vaṭṭatī’’ti vadanti, taṃ pattacatukkādikathāya na sameti. Tattha hi rūpiyena parivattitapattassa aparibhogova dassito, na nissajjanavicāroti. Kappiyaṃ ācikkhitabbanti pabbajitānaṃ sappi vā telaṃ vā vaṭṭati upāsakāti evaṃ ācikkhitabbaṃ.

    аараамигаанам̣ ваа бад̇д̇абхааг̇анд̇и ид̣̇ам̣ г̇ихийнам̣ хад̇т̇аг̇ад̇оби соязва бхааг̇од̇и гад̇ваа вуд̇д̇ам̣. сажз бана д̇зна ан̃н̃ам̣ баривад̇д̇зд̇ваа аараамигаа д̣̇знд̇и, барибхун̃ж̇ид̇ум̣ ваддад̇ийд̇и маж̇жхимаг̇ан̣тибад̣̇з жуул̣аг̇ан̣тибад̣̇з жа вуд̇д̇ам̣. д̇ад̇о харид̇ваад̇и ан̃н̃зсам̣ бад̇д̇абхааг̇ад̇о харид̇ваа. гасин̣абаригамманд̇и аалогагасин̣абаригаммам̣. ман̃жабийтаад̣̇ийни ваад̇и зд̇т̇а д̇ад̇о г̇ахид̇аман̃жабийтаад̣̇ийни баривад̇д̇зд̇ваа ан̃н̃ам̣ жз г̇ахид̇ам̣, ваддад̇ийд̇и вад̣̇анд̇и. чааяаабийд̇и бхож̇анасаалаад̣̇ийнам̣ чааяааби. барижчзд̣̇аад̇игганд̇аад̇и г̇зхабарижчзд̣̇ам̣ ад̇игганд̇аа, чааяааяа г̇ад̇аг̇ад̇адтаанам̣ г̇зхам̣ на ход̇ийд̇и ад̇хиббааяо. маг̇г̇знабийд̇и зд̇т̇а сажз ан̃н̃о маг̇г̇о над̇т̇и, маг̇г̇ам̣ ад̇хидтахид̇ваа г̇анд̇ум̣ ваддад̇ийд̇и вад̣̇анд̇и. гийд̇ааяаад̇и д̇зна вад̇т̇унаа гийд̇ааяа. убанигкзбам̣ табзд̇ваа сан̇гхо бажжаяз барибхун̃ж̇ад̇ийд̇и сажз убаасаго ‘‘ад̇иб̣аху зд̇ам̣ хиран̃н̃ам̣, ид̣̇ам̣ бханд̇з аж̇ж̇зва на винаасзд̇аб̣б̣а’’нд̇и вад̇ваа саяам̣ убанигкзбам̣ табзд̇и, ан̃н̃зна ваа табаабзд̇и, звам̣ убанигкзбам̣ табзд̇ваа д̇ад̇о уббаннабажжаяам̣ барибхун̃ж̇анд̇о сан̇гхо бажжаяз барибхун̃ж̇ад̇и, д̇зна вад̇т̇унаа г̇ахид̇ад̇д̇аа ‘‘агаббияа’’нд̇и вуд̇д̇ам̣. вимад̇ивинод̣̇анияам̣ (ви. ви. дий. 1.583-584) бана ‘‘убанигкзбам̣ табзд̇ваад̇и габбияагаарагзхи вад̣дхияаа баяож̇анам̣ санд̇хааяа вуд̇д̇ам̣. агаббияанд̇и д̇зна вад̇т̇унаа г̇ахид̇ад̇д̇аа вуд̇д̇а’’нд̇и вуд̇д̇ам̣.

    Ārāmikānaṃ vā pattabhāganti idaṃ gihīnaṃ hatthagatopi soyeva bhāgoti katvā vuttaṃ. Sace pana tena aññaṃ parivattetvā ārāmikā denti, paribhuñjituṃ vaṭṭatīti majjhimagaṇṭhipade cūḷagaṇṭhipade ca vuttaṃ. Tato haritvāti aññesaṃ pattabhāgato haritvā. Kasiṇaparikammanti ālokakasiṇaparikammaṃ. Mañcapīṭhādīni vāti ettha tato gahitamañcapīṭhādīni parivattetvā aññaṃ ce gahitaṃ, vaṭṭatīti vadanti. Chāyāpīti bhojanasālādīnaṃ chāyāpi. Paricchedātikkantāti gehaparicchedaṃ atikkantā, chāyāya gatagataṭṭhānaṃ gehaṃ na hotīti adhippāyo. Maggenapīti ettha sace añño maggo natthi, maggaṃ adhiṭṭhahitvā gantuṃ vaṭṭatīti vadanti. Kītāyāti tena vatthunā kītāya. Upanikkhepaṃ ṭhapetvā saṅgho paccaye paribhuñjatīti sace upāsako ‘‘atibahu etaṃ hiraññaṃ, idaṃ bhante ajjeva na vināsetabba’’nti vatvā sayaṃ upanikkhepaṃ ṭhapeti, aññena vā ṭhapāpeti, evaṃ upanikkhepaṃ ṭhapetvā tato uppannapaccayaṃ paribhuñjanto saṅgho paccaye paribhuñjati, tena vatthunā gahitattā ‘‘akappiya’’nti vuttaṃ. Vimativinodaniyaṃ (vi. vi. ṭī. 1.583-584) pana ‘‘upanikkhepaṃ ṭhapetvāti kappiyakārakehi vaḍḍhiyā payojanaṃ sandhāya vuttaṃ. Akappiyanti tena vatthunā gahitattā vutta’’nti vuttaṃ.

    сажз со чад̣д̣зд̇ийд̇и яад̇т̇а гад̇т̇ажи кибад̇и, ат̇ааби на чад̣д̣зд̇и, саяам̣ г̇ахзд̇ваа г̇ажчад̇и, на ваарзд̇аб̣б̣о. но жз чад̣д̣зд̇ийд̇и ат̇а нзва г̇ахзд̇ваа г̇ажчад̇и, на чад̣д̣зд̇и, ‘‘гим̣ маяхам̣ иминаа б̣яаабаарзнаа’’д̇и язнагаамам̣ баггамад̇и, д̇ад̇о яат̇аавуд̇д̇алагкан̣о руубияачад̣д̣аго саманнид̇аб̣б̣о. яо на чанд̣̇ааг̇ад̇инд̇иаад̣̇ийсу лобхавасзна д̇ам̣ вад̇т̇ум̣ ад̇д̇ано ваа гаронд̇о ад̇д̇аанам̣ ваа уггам̣сзнд̇о чанд̣̇ааг̇ад̇им̣ наама г̇ажчад̇и. д̣̇осавасзна ‘‘нзвааяам̣ маад̇игам̣ ж̇аанаад̇и, на винаяа’’нд̇и барам̣ абасаад̣̇знд̇о д̣̇осааг̇ад̇им̣ наама г̇ажчад̇и. мохавасзна бамудто бамудтассад̇ибхаавам̣ аабаж̇ж̇анд̇о мохааг̇ад̇им̣ наама г̇ажчад̇и. руубияабадиг̇г̇аахагасса бхаязна чад̣д̣зд̇ум̣ ависаханд̇о бхаяааг̇ад̇им̣ наама г̇ажчад̇и. звам̣ агаронд̇о на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и наамаад̇и взд̣̇ид̇аб̣б̣о.

    Sace so chaḍḍetīti yattha katthaci khipati, athāpi na chaḍḍeti, sayaṃ gahetvā gacchati, na vāretabbo. No ce chaḍḍetīti atha neva gahetvā gacchati, na chaḍḍeti, ‘‘kiṃ mayhaṃ iminā byāpārenā’’ti yenakāmaṃ pakkamati, tato yathāvuttalakkhaṇo rūpiyachaḍḍako samannitabbo. Yo na chandāgatintiādīsu lobhavasena taṃ vatthuṃ attano vā karonto attānaṃ vā ukkaṃsento chandāgatiṃ nāma gacchati. Dosavasena ‘‘nevāyaṃ mātikaṃ jānāti, na vinaya’’nti paraṃ apasādento dosāgatiṃ nāma gacchati. Mohavasena pamuṭṭho pamuṭṭhassatibhāvaṃ āpajjanto mohāgatiṃ nāma gacchati. Rūpiyapaṭiggāhakassa bhayena chaḍḍetuṃ avisahanto bhayāgatiṃ nāma gacchati. Evaṃ akaronto na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati nāmāti veditabbo.

    68. бад̇ид̇огаасам̣ асаманнаараханд̇зна чад̣д̣зд̇аб̣б̣анд̇и ид̣̇ам̣ нирабзгкабхаавад̣̇ассанабаранд̇и взд̣̇ид̇аб̣б̣ам̣, д̇асмаа бад̇ид̇адтаанз н̃аад̇зби д̇асса г̇уут̇ам̣ чад̣д̣знд̇асса вияа нирабзгкабхаавоязвзд̇т̇а бамаан̣анд̇и взд̣̇ид̇аб̣б̣ам̣. асанд̇асамбхааванааяаад̇и ад̇д̇ани авиж̇ж̇амаанауд̇д̇аримануссад̇хаммаарожанам̣ санд̇хааяа вуд̇д̇ам̣. т̇зяяабарибхог̇о наама анарахасса барибхог̇о. бхаг̇авад̇аа хи ад̇д̇ано саасанз сийлавад̇о бажжаяаа анун̃н̃аад̇аа, на д̣̇уссийласса. д̣̇ааяагаанамби сийлавад̇о зва барижжааг̇о, на д̣̇уссийласса ад̇д̇ано гаараанам̣ махабпалабхаавасса бажжаасийсанад̇о. ид̇и сад̇т̇аараа ананун̃н̃аад̇ад̇д̇аа д̣̇ааяагзхи жа абарижжад̇д̇ад̇д̇аа д̣̇уссийласса барибхог̇о т̇зяяабарибхог̇о. ин̣авасзна барибхог̇о ин̣абарибхог̇о, бадиг̇г̇аахагад̇о д̣̇агкин̣аависуд̣̇д̇хияаа абхаавад̇о ин̣ам̣ г̇ахзд̇ваа барибхог̇о вияаад̇и ад̇т̇о. д̇асмаад̇и ‘‘сийлавад̇о’’д̇иаад̣̇инаа вуд̇д̇амзвад̇т̇ам̣ гааран̣абхаавзна бажжаамасад̇и. жийварам̣ барибхог̇з барибхог̇зд̇и гааяад̇о можзд̇ваа барибхог̇з барибхог̇з. бурзбхад̇д̇а…бз… бажчимаяаамзсу бажжавзгкид̇аб̣б̣анд̇и самб̣анд̇хо. д̇ат̇аа асаггонд̇зна яат̇аавуд̇д̇агаалависзсавасзна згасмим̣ д̣̇ивасз жад̇угкад̇д̇ум̣ д̇игкад̇д̇ум̣ д̣̇вигкад̇д̇ум̣ сагим̣язва ваа бажжавзгкид̇аб̣б̣ам̣.

    68.Patitokāsaṃ asamannārahantena chaḍḍetabbanti idaṃ nirapekkhabhāvadassanaparanti veditabbaṃ, tasmā patitaṭṭhāne ñātepi tassa gūthaṃ chaḍḍentassa viya nirapekkhabhāvoyevettha pamāṇanti veditabbaṃ. Asantasambhāvanāyāti attani avijjamānauttarimanussadhammārocanaṃ sandhāya vuttaṃ. Theyyaparibhogo nāma anarahassa paribhogo. Bhagavatā hi attano sāsane sīlavato paccayā anuññātā, na dussīlassa. Dāyakānampi sīlavato eva pariccāgo, na dussīlassa attano kārānaṃ mahapphalabhāvassa paccāsīsanato. Iti satthārā ananuññātattā dāyakehi ca apariccattattā dussīlassa paribhogo theyyaparibhogo. Iṇavasena paribhogo iṇaparibhogo, paṭiggāhakato dakkhiṇāvisuddhiyā abhāvato iṇaṃ gahetvā paribhogo viyāti attho. Tasmāti ‘‘sīlavato’’tiādinā vuttamevatthaṃ kāraṇabhāvena paccāmasati. Cīvaraṃ paribhoge paribhogeti kāyato mocetvā paribhoge paribhoge. Purebhatta…pe… pacchimayāmesu paccavekkhitabbanti sambandho. Tathā asakkontena yathāvuttakālavisesavasena ekasmiṃ divase catukkhattuṃ tikkhattuṃ dvikkhattuṃ sakiṃyeva vā paccavekkhitabbaṃ.

    сажасса аббажжавзгкад̇ова арун̣о уг̇г̇ажчад̇и, ин̣абарибхог̇адтаанз д̇идтад̇ийд̇и зд̇т̇а хияяо яам̣ маяаа жийварам̣ барибхуд̇д̇ам̣, д̇ам̣ яаавад̣̇зва сийд̇асса бадигхаад̇ааяа…бз… хиригобинабадижчаад̣̇анад̇т̇ам̣. хияяо яо маяаа бин̣д̣абаад̇о барибхуд̇д̇о, со нзва д̣̇авааяаад̇иаад̣̇инаа сажз ад̇ийд̇абарибхог̇абажжавзгкан̣ам̣ на гарзяяа, ин̣абарибхог̇адтаанз д̇идтад̇ийд̇и вад̣̇анд̇и, д̇ам̣ виймам̣сид̇аб̣б̣ам̣. сзнаасанамби барибхог̇з барибхог̇зд̇и бавзсз бавзсз. звам̣ бана асаггонд̇зна бурзбхад̇д̇аад̣̇ийсу бажжавзгкид̇аб̣б̣ам̣, д̇ам̣ хздтаа вуд̇д̇анаязнзва саггаа вин̃н̃аад̇унд̇и ид̇ха висум̣ на вуд̇д̇ам̣. сад̇ибажжаяад̇аад̇и сад̇ияаа бажжаяабхааво. бадиг̇г̇ахан̣асса барибхог̇асса жа бажжавзгкан̣асад̇ияаа бажжаяабхааво яуж̇ж̇ад̇и, бажжавзгкид̇ваава бадиг̇г̇ахзд̇аб̣б̣ам̣ барибхун̃ж̇ид̇аб̣б̣ан̃жаад̇и ад̇т̇о. д̇знзвааха ‘‘сад̇им̣ гад̇ваа’’д̇иаад̣̇и. звам̣ санд̇збийд̇и яад̣̇иби д̣̇вийсуби таанзсу бажжавзгкан̣аа яуд̇д̇аа, звам̣ санд̇зби . абарз банааху ‘‘сад̇ибажжаяад̇аад̇и сад̇и бхзсаж̇ж̇абарибхог̇асса бажжаяабхаавз, бажжаязд̇и ад̇т̇о. звам̣ санд̇збийд̇и бажжаяз сад̇ибий’’д̇и, д̇ам̣ д̇зсам̣ мад̇имад̇д̇ам̣. д̇ат̇аа хи бажжаяасанниссид̇асийлам̣ бажжавзгкан̣ааяа висуж̇жхад̇и, на бажжаяасаб̣бхаавамад̇д̇зна.

    Sacassa appaccavekkhatova aruṇo uggacchati, iṇaparibhogaṭṭhāne tiṭṭhatīti ettha hiyyo yaṃ mayā cīvaraṃ paribhuttaṃ, taṃ yāvadeva sītassa paṭighātāya…pe… hirikopinapaṭicchādanatthaṃ. Hiyyo yo mayā piṇḍapāto paribhutto, so neva davāyātiādinā sace atītaparibhogapaccavekkhaṇaṃ na kareyya, iṇaparibhogaṭṭhāne tiṭṭhatīti vadanti, taṃ vīmaṃsitabbaṃ. Senāsanampi paribhoge paribhogeti pavese pavese. Evaṃ pana asakkontena purebhattādīsu paccavekkhitabbaṃ, taṃ heṭṭhā vuttanayeneva sakkā viññātunti idha visuṃ na vuttaṃ. Satipaccayatāti satiyā paccayabhāvo. Paṭiggahaṇassa paribhogassa ca paccavekkhaṇasatiyā paccayabhāvo yujjati, paccavekkhitvāva paṭiggahetabbaṃ paribhuñjitabbañcāti attho. Tenevāha ‘‘satiṃ katvā’’tiādi. Evaṃ santepīti yadipi dvīsupi ṭhānesu paccavekkhaṇā yuttā, evaṃ santepi . Apare panāhu ‘‘satipaccayatāti sati bhesajjaparibhogassa paccayabhāve, paccayeti attho. Evaṃ santepīti paccaye satipī’’ti, taṃ tesaṃ matimattaṃ. Tathā hi paccayasannissitasīlaṃ paccavekkhaṇāya visujjhati, na paccayasabbhāvamattena.

    нану жа ‘‘барибхог̇з гаронд̇асса анаабад̇д̇ий’’д̇и иминаа баад̇имогкасам̣варасийлам̣ вуд̇д̇ам̣, д̇асмаа бажжаяасанниссид̇асийласса баад̇имогкасам̣варасийласса жа го висзсод̇и? вужжад̇з – буримзсу д̇аава д̇ийсу бажжаязсу висзсо баагадоязва, г̇илаанабажжаяз бана яат̇аа вад̇им̣ гад̇ваа ругкамуулз г̇обид̇з д̇асса палааниби рагкид̇аанзва хонд̇и, звамзва бажжавзгкан̣ааяа бажжаяасанниссид̇асийлз рагкид̇з д̇аббадиб̣ад̣̇д̇хам̣ баад̇имогкасам̣варасийламби нибпаннам̣ наама ход̇и. г̇илаанабажжаяам̣ аббажжавзгкид̇ваа барибхун̃ж̇анд̇асса сийлам̣ бхиж̇ж̇амаанам̣ баад̇имогкасам̣варасийламзва бхиж̇ж̇ад̇и, бажжаяасанниссид̇асийлам̣ бана бажчаабхад̇д̇абуримаяаамаад̣̇ийсу яаава арун̣уг̇г̇аманаа аббажжавзгканд̇ассзва бхиж̇ж̇ад̇и. бурзбхад̇д̇ан̃хи аббажжавзгкид̇вааби г̇илаанабажжаяам̣ барибхун̃ж̇анд̇асса анаабад̇д̇и, ид̣̇амзд̇зсам̣ наанаагаран̣анд̇и саарад̇т̇ад̣̇ийбанияам̣ (саарад̇т̇а. дий. 2.585) ааг̇ад̇ам̣.

    Nanu ca ‘‘paribhoge karontassa anāpattī’’ti iminā pātimokkhasaṃvarasīlaṃ vuttaṃ, tasmā paccayasannissitasīlassa pātimokkhasaṃvarasīlassa ca ko visesoti? Vuccate – purimesu tāva tīsu paccayesu viseso pākaṭoyeva, gilānapaccaye pana yathā vatiṃ katvā rukkhamūle gopite tassa phalānipi rakkhitāneva honti, evameva paccavekkhaṇāya paccayasannissitasīle rakkhite tappaṭibaddhaṃ pātimokkhasaṃvarasīlampi nipphannaṃ nāma hoti. Gilānapaccayaṃ appaccavekkhitvā paribhuñjantassa sīlaṃ bhijjamānaṃ pātimokkhasaṃvarasīlameva bhijjati, paccayasannissitasīlaṃ pana pacchābhattapurimayāmādīsu yāva aruṇuggamanā appaccavekkhantasseva bhijjati. Purebhattañhi appaccavekkhitvāpi gilānapaccayaṃ paribhuñjantassa anāpatti, idametesaṃ nānākaraṇanti sāratthadīpaniyaṃ (sārattha. ṭī. 2.585) āgataṃ.

    вимад̇ивинод̣̇анияам̣ (ви. ви. дий. 1.585) бана ‘‘т̇зяяабарибхог̇од̇и бажжаяассааминаа бхаг̇авад̇аа ананун̃н̃аад̇ад̇д̇аа вуд̇д̇ам̣. ин̣абарибхог̇од̇и бхаг̇авад̇аа анун̃н̃аад̇амби гад̇д̇аб̣б̣ам̣ агад̇ваа барибхун̃ж̇анад̇о вуд̇д̇ам̣. д̇зна жа бажжаяасанниссид̇асийлам̣ вибаж̇ж̇ад̇ийд̇и д̣̇ассзд̇и. барибхог̇з барибхог̇зд̇и гааяад̇о можзд̇ваа можзд̇ваа барибхог̇з. бажчимаяаамзсу бажжавзгкид̇аб̣б̣анд̇и яож̇анаа. ин̣абарибхог̇адтаанз д̇идтад̇ийд̇и зд̇т̇а ‘хияяо яам̣ маяаа жийварам̣ барибхуд̇д̇а’нд̇иаад̣̇инааби ад̇ийд̇абажжавзгкан̣аа ваддад̇ийд̇и вад̣̇анд̇и. барибхог̇з барибхог̇зд̇и уд̣̇агабад̇анадтаанад̇о анд̇обавзсанзсу нисийд̣̇анасаяанзсу жа. сад̇ибажжаяад̇аа ваддад̇ийд̇и бажжавзгкан̣асад̇ияаа бажжаяад̇д̇ам̣ лад̣̇д̇хум̣ ваддад̇и. бадиг̇г̇ахан̣з жа барибхог̇з жа бажжавзгкан̣аасад̇и авассам̣ лад̣̇д̇хаб̣б̣аад̇и д̣̇ассзд̇и. д̇знааха ‘сад̇им̣ гад̇ваа’д̇иаад̣̇и. гзжи бана ‘сад̇ибажжаяад̇аа бажжаяз сад̇и бхзсаж̇ж̇абарибхог̇асса гааран̣з сад̇ий’д̇и звамби ад̇т̇ам̣ вад̣̇анд̇и, д̇зсамби бажжаяз сад̇ийд̇и бажжаяасаб̣бхаавасаллагкан̣з сад̇ийд̇и звамад̇т̇о г̇ахзд̇аб̣б̣о бажжаяасаб̣бхаавамад̇д̇зна сийласса асуж̇жханад̇о. барибхог̇з агаронд̇ассзва аабад̇д̇ийд̇и иминаа баад̇имогкасам̣варасийласса бхзд̣̇о д̣̇ассид̇о, на бажжаяасанниссид̇асийласса д̇асса ад̇ийд̇абажжавзгкан̣ааяа висуж̇жханад̇о. зд̇асмим̣ бана сзсабажжаязсу жа ин̣абарибхог̇аад̣̇иважанзна бажжаяасанниссид̇асийлассзва бхзд̣̇од̇и звамимзсам̣ наанаагаран̣ам̣ взд̣̇ид̇аб̣б̣а’’нд̇и ааг̇ад̇ам̣.

    Vimativinodaniyaṃ (vi. vi. ṭī. 1.585) pana ‘‘theyyaparibhogoti paccayassāminā bhagavatā ananuññātattā vuttaṃ. Iṇaparibhogoti bhagavatā anuññātampi kattabbaṃ akatvā paribhuñjanato vuttaṃ. Tena ca paccayasannissitasīlaṃ vipajjatīti dasseti. Paribhoge paribhogeti kāyato mocetvā mocetvā paribhoge. Pacchimayāmesu paccavekkhitabbanti yojanā. Iṇaparibhogaṭṭhāne tiṭṭhatīti ettha ‘hiyyo yaṃ mayā cīvaraṃ paribhutta’ntiādināpi atītapaccavekkhaṇā vaṭṭatīti vadanti. Paribhoge paribhogeti udakapatanaṭṭhānato antopavesanesu nisīdanasayanesu ca. Satipaccayatā vaṭṭatīti paccavekkhaṇasatiyā paccayattaṃ laddhuṃ vaṭṭati. Paṭiggahaṇe ca paribhoge ca paccavekkhaṇāsati avassaṃ laddhabbāti dasseti. Tenāha ‘satiṃ katvā’tiādi. Keci pana ‘satipaccayatā paccaye sati bhesajjaparibhogassa kāraṇe satī’ti evampi atthaṃ vadanti, tesampi paccaye satīti paccayasabbhāvasallakkhaṇe satīti evamattho gahetabbo paccayasabbhāvamattena sīlassa asujjhanato. Paribhoge akarontasseva āpattīti iminā pātimokkhasaṃvarasīlassa bhedo dassito, na paccayasannissitasīlassa tassa atītapaccavekkhaṇāya visujjhanato. Etasmiṃ pana sesapaccayesu ca iṇaparibhogādivacanena paccayasannissitasīlasseva bhedoti evamimesaṃ nānākaraṇaṃ veditabba’’nti āgataṃ.

    зд̇зсу д̣̇вийсу багаран̣зсу ‘‘ин̣абарибхог̇адтаанз д̇идтад̇ий’’д̇и зд̇т̇а хияяо яам̣ маяаа жийварам̣ барибхуд̇д̇анд̇и…бз… вад̣̇анд̇ийд̇и ааг̇ад̇ам̣. имам̣ бана наяам̣ ниссааяа ид̣̇аани згажжз бан̣д̣ид̇аа ‘‘аж̇ж̇абаад̇о барибхуд̇д̇ам̣ сааяам̣ бажжавзгканд̇зна аж̇ж̇а яам̣ маяаа жийварам̣ барибхуд̇д̇анд̇иаад̣̇инаа ад̇ийд̇авасзна бажжавзгкан̣аа гаад̇аб̣б̣аа’’д̇и вад̣̇анд̇и. гзжи ‘‘хияяо барибхуд̇д̇амзва ад̇ийд̇авасзна бажжавзгкан̣аа гаад̇аб̣б̣аа, на аж̇ж̇а барибхуд̇д̇ам̣, д̇ам̣ бана бажжуббаннавасзна бажжавзгкан̣ааязваа’’д̇и вад̣̇анд̇и. д̇ад̇т̇а муулаважанз звам̣ вижааран̣аа гаад̇аб̣б̣аа. гат̇ам̣? ид̣̇ам̣ хияяод̇яаад̣̇иважанам̣ суд̇д̇ам̣ ваа суд̇д̇аануломам̣ ваа аажарияаваад̣̇о ваа ад̇д̇аномад̇и ваад̇и. д̇ад̇т̇а на д̇аава суд̇д̇ам̣ ход̇и ‘‘суд̇д̇ам̣ наама сагалз винаяабидагз баал̣ий’’д̇и вуд̇д̇ад̇д̇аа имасса жа важанасса на баал̣ибхууд̇ад̇д̇аа. на жа суд̇д̇аануломам̣ ‘‘суд̇д̇аануломам̣ наама жад̇д̇ааро махаабад̣̇зсаа’’д̇и (баараа. адта. 1.45) вуд̇д̇ад̇д̇аа имасса жа махаабад̣̇зсабхааваабхаавад̇о. на жа аажарияаваад̣̇о ‘‘аажарияаваад̣̇о наама д̇хаммасан̇г̇аахагзхи бан̃жахи араханд̇асад̇зхи табид̇аа баал̣ивинимуд̇д̇аа огганд̇авинижчаяаббавад̇д̇аа адтагат̇аад̇анд̇ий’’д̇и важанад̇о имасса жа адтагат̇аабаатабхааваабхаавад̇о. на жа ад̇д̇аномад̇и ‘‘ад̇д̇аномад̇и наама суд̇д̇асуд̇д̇аануломааажарияаваад̣̇з мун̃жид̇ваа анумаанзна ад̇д̇ано б̣уд̣̇д̇хияаа наяаг̇г̇аахзна убадтид̇аагаарагат̇анам̣, абижа суд̇д̇анд̇аабхид̇хаммавинаяадтагат̇аасу ааг̇ад̇о саб̣б̣оби т̇зраваад̣̇о ад̇д̇аномад̇и наамаа’’д̇и вуд̇д̇ад̇д̇аа имасса жа адтагат̇аасу ааг̇ад̇ад̇т̇зраваад̣̇абхааваабхаавад̇о.

    Etesu dvīsu pakaraṇesu ‘‘iṇaparibhogaṭṭhāne tiṭṭhatī’’ti ettha hiyyo yaṃ mayā cīvaraṃ paribhuttanti…pe… vadantīti āgataṃ. Imaṃ pana nayaṃ nissāya idāni ekacce paṇḍitā ‘‘ajjapāto paribhuttaṃ sāyaṃ paccavekkhantena ajja yaṃ mayā cīvaraṃ paribhuttantiādinā atītavasena paccavekkhaṇā kātabbā’’ti vadanti. Keci ‘‘hiyyo paribhuttameva atītavasena paccavekkhaṇā kātabbā, na ajja paribhuttaṃ, taṃ pana paccuppannavasena paccavekkhaṇāyevā’’ti vadanti. Tattha mūlavacane evaṃ vicāraṇā kātabbā. Kathaṃ? Idaṃ hiyyotyādivacanaṃ suttaṃ vā suttānulomaṃ vā ācariyavādo vā attanomati vāti. Tattha na tāva suttaṃ hoti ‘‘suttaṃ nāma sakale vinayapiṭake pāḷī’’ti vuttattā imassa ca vacanassa na pāḷibhūtattā. Na ca suttānulomaṃ ‘‘suttānulomaṃ nāma cattāro mahāpadesā’’ti (pārā. aṭṭha. 1.45) vuttattā imassa ca mahāpadesabhāvābhāvato. Na ca ācariyavādo ‘‘ācariyavādo nāma dhammasaṅgāhakehi pañcahi arahantasatehi ṭhapitā pāḷivinimuttā okkantavinicchayappavattā aṭṭhakathātantī’’ti vacanato imassa ca aṭṭhakathāpāṭhabhāvābhāvato. Na ca attanomati ‘‘attanomati nāma suttasuttānulomaācariyavāde muñcitvā anumānena attano buddhiyā nayaggāhena upaṭṭhitākārakathanaṃ, apica suttantābhidhammavinayaṭṭhakathāsu āgato sabbopi theravādo attanomati nāmā’’ti vuttattā imassa ca aṭṭhakathāsu āgatattheravādabhāvābhāvato.

    ид̇и –

    Iti –

    ‘‘жад̇уб̣б̣ид̇хан̃хи винаяам̣, махаат̇зраа махид̣̇д̇хигаа;

    ‘‘Catubbidhañhi vinayaṃ, mahātherā mahiddhikā;

    нийхарид̇ваа багаасзсум̣, д̇хаммасан̇г̇аахагаа бураа’’д̇и. (баараа. адта. 1.45) –

    Nīharitvā pakāsesuṃ, dhammasaṅgāhakā purā’’ti. (pārā. aṭṭha. 1.45) –

    вуд̇д̇зсу жад̇уб̣б̣ид̇хавинаязсу ананд̇ог̇ад̇хад̇д̇аа ид̣̇ам̣ важанам̣ вижаарзд̇аб̣б̣ам̣. д̇зна вуд̇д̇ам̣ саарад̇т̇ад̣̇ийбанияам̣ (саарад̇т̇а. дий. 2.585) дийгаажариязна ‘‘д̇ам̣ виймам̣сид̇аб̣б̣а’’нд̇и. ат̇а ваа ‘‘наяаг̇г̇аахзна убадтид̇аагаарагат̇ана’’нд̇и иминаа лагкан̣зна д̇зсам̣ д̇зсам̣ аажарияаанам̣ убадтид̇аагааравасзна гат̇анам̣ ад̇д̇аномад̇и сияаа, звамби вижаарзд̇аб̣б̣амзва. ‘‘ад̇д̇аномад̇и аажарияаваад̣̇з од̇аарзд̇аб̣б̣аа. сажз д̇ад̇т̇а од̇арад̇и жзва самзд̇и жа, г̇ахзд̇аб̣б̣аа. сажз нзва од̇арад̇и на самзд̇и, на г̇ахзд̇аб̣б̣аа. аяан̃хи ад̇д̇аномад̇и наама саб̣б̣ад̣̇уб̣б̣алаа’’д̇и (баараа. адта. 1.45) важанад̇о имасса жа важанасса адтагат̇ааважанз анод̇аран̣ад̇о аббависанад̇о. вуд̇д̇ан̃хи адтагат̇ааяам̣ ‘‘сажасса аббажжавзгкад̇ова арун̣о уг̇г̇ажчад̇и, ин̣абарибхог̇адтаанз д̇идтад̇ий’’д̇и.

    Vuttesu catubbidhavinayesu anantogadhattā idaṃ vacanaṃ vicāretabbaṃ. Tena vuttaṃ sāratthadīpaniyaṃ (sārattha. ṭī. 2.585) ṭīkācariyena ‘‘taṃ vīmaṃsitabba’’nti. Atha vā ‘‘nayaggāhena upaṭṭhitākārakathana’’nti iminā lakkhaṇena tesaṃ tesaṃ ācariyānaṃ upaṭṭhitākāravasena kathanaṃ attanomati siyā, evampi vicāretabbameva. ‘‘Attanomati ācariyavāde otāretabbā. Sace tattha otarati ceva sameti ca, gahetabbā. Sace neva otarati na sameti, na gahetabbā. Ayañhi attanomati nāma sabbadubbalā’’ti (pārā. aṭṭha. 1.45) vacanato imassa ca vacanassa aṭṭhakathāvacane anotaraṇato appavisanato. Vuttañhi aṭṭhakathāyaṃ ‘‘sacassa appaccavekkhatova aruṇo uggacchati, iṇaparibhogaṭṭhāne tiṭṭhatī’’ti.

    абаро наяо – гим̣ ид̣̇ам̣ важанам̣ баал̣иважанам̣ ваа адтагат̇ааважанам̣ ваа дийгааважанам̣ ваа г̇ант̇анд̇араважанам̣ ваад̇и. д̇ад̇т̇а на д̇аава баал̣иважанам̣, на адтагат̇ааважанам̣, на г̇ант̇анд̇араважанам̣, ат̇а ко дийгааважананд̇и. ход̇у дийгааважанам̣, сагаважанам̣ ваа бараважанам̣ ваа ад̇хиббзд̇аважанам̣ ваа анад̇хиббзд̇аважанам̣ ваад̇и. д̇ад̇т̇а на сагаважанам̣ ход̇и, ат̇а ко бараважанам̣. д̇знааха ‘‘вад̣̇анд̇ий’’д̇и. на дийгаажариязна ад̇хиббзд̇аважанам̣ ход̇и, ат̇а ко анад̇хиббзд̇аважанам̣. д̇знааха ‘‘д̇ам̣ виймам̣сид̇аб̣б̣а’’нд̇и. д̇зхи бана аажариязхи ад̇ийд̇абарибхог̇абажжавзгкан̣аад̇и ид̣̇ам̣ ад̇ийд̇абаабхог̇авасзна бажжавзгкан̣аа ад̇ийд̇абарибхог̇абажжавзгкан̣аад̇и баригаббзд̇ваа ад̇ийд̇аваажагзна сад̣̇д̣̇зна яож̇зд̇ваа гад̇ам̣ бхавзяяа. ад̇ийд̇з барибхог̇о ад̇ийд̇абарибхог̇о, ад̇ийд̇абарибхог̇асса бажжавзгкан̣аа ад̇ийд̇абарибхог̇абажжавзгкан̣аад̇и звам̣ бана гад̇з ад̇ийд̇абарибхог̇асса бажжуббаннасамийбад̇д̇аа бажжуббаннаваажагзна сад̣̇д̣̇зна гат̇анам̣ ход̇и яат̇аа д̇ам̣ наг̇арад̇о ааг̇анд̇ваа нисиннам̣ бурисам̣ ‘‘гуд̇о ааг̇ажчасий’’д̇и вуд̇д̇з ‘‘наг̇арад̇о ааг̇ажчаамий’’д̇и бажжуббаннаваажагасад̣̇д̣̇зна гат̇анам̣.

    Aparo nayo – kiṃ idaṃ vacanaṃ pāḷivacanaṃ vā aṭṭhakathāvacanaṃ vā ṭīkāvacanaṃ vā ganthantaravacanaṃ vāti. Tattha na tāva pāḷivacanaṃ, na aṭṭhakathāvacanaṃ, na ganthantaravacanaṃ, atha kho ṭīkāvacananti. Hotu ṭīkāvacanaṃ, sakavacanaṃ vā paravacanaṃ vā adhippetavacanaṃ vā anadhippetavacanaṃ vāti. Tattha na sakavacanaṃ hoti, atha kho paravacanaṃ. Tenāha ‘‘vadantī’’ti. Na ṭīkācariyena adhippetavacanaṃ hoti, atha kho anadhippetavacanaṃ. Tenāha ‘‘taṃ vīmaṃsitabba’’nti. Tehi pana ācariyehi atītaparibhogapaccavekkhaṇāti idaṃ atītapaabhogavasena paccavekkhaṇā atītaparibhogapaccavekkhaṇāti parikappetvā atītavācakena saddena yojetvā kataṃ bhaveyya. Atīte paribhogo atītaparibhogo, atītaparibhogassa paccavekkhaṇā atītaparibhogapaccavekkhaṇāti evaṃ pana kate atītaparibhogassa paccuppannasamīpattā paccuppannavācakena saddena kathanaṃ hoti yathā taṃ nagarato āgantvā nisinnaṃ purisaṃ ‘‘kuto āgacchasī’’ti vutte ‘‘nagarato āgacchāmī’’ti paccuppannavācakasaddena kathanaṃ.

    винаяасуд̇д̇анд̇ависуд̣̇д̇химаг̇г̇аад̣̇ийсу (ма. ни. 1.23; висуд̣̇д̇хи. 1.18) жа ‘‘бадисан̇каа яонисо жийварам̣ бадисзвад̇ий’’д̇и вад̇д̇амаанаважанзнзва баато ход̇и, на ад̇ийд̇аважанзна, ад̇ийд̇абарибхог̇од̇и жа имасмим̣язва д̣̇ивасз бажчаабхад̇д̇аад̣̇игаалам̣ убаад̣̇ааяа бурзбхад̇д̇аад̣̇ийсу барибхог̇о ижчид̇аб̣б̣о, на хияяо барибхог̇о. гат̇ам̣ вин̃н̃ааяад̇ийд̇и жз? адтагат̇аабамаан̣зна. вуд̇д̇ан̃хи адтагат̇ааяам̣ (баараа. адта. 2.585) ‘‘бин̣д̣абаад̇о аалобз аалобз, д̇ат̇аа асаггонд̇зна бурзбхад̇д̇абажчаабхад̇д̇абуримаяаамабажчимаяаамзсу. сажасса аббажжавзгкад̇ова арун̣о уг̇г̇ажчад̇и, ин̣абарибхог̇адтаанз д̇идтад̇ий’’д̇и. зд̇зна бин̣д̣абаад̇ам̣ аалобз аалобз бажжавзгканд̇о бхож̇анагирияааяа абаринидтид̇ад̇д̇аа мукяад̇о бажжуббаннабажжавзгкан̣аа ход̇и, бурзбхад̇д̇аад̣̇ийсу жад̇уусу годтаасзсу бажжавзгканд̇о бхож̇анагирияааяа баринидтид̇ад̇д̇аа ад̇ийд̇абажжавзгкан̣аа ход̇ийд̇и д̣̇ассзд̇и. саа бана бажжуббаннасамийбад̇д̇аа вад̇д̇амаанаважанзна вид̇хийяад̇и. яад̣̇и хи хияяо барибхуд̇д̇аани ад̇ийд̇абажжавзгкан̣зна бажжавзгкид̇аб̣б̣аани сияум̣, ад̇ийд̇ад̣̇уд̇ияад̣̇ивасад̇ад̇ияад̣̇ивасаад̣̇имаасасам̣важчараад̣̇ибарибхуд̇д̇ааниби бажжавзгкид̇аб̣б̣аани сияум̣, зван̃жа сад̇и яат̇аавуд̇д̇аадтагат̇ааважанам̣ нирад̇т̇агам̣ сияаа, д̇асмаа адтагат̇ааважанамзва бамаан̣ам̣ гаад̇аб̣б̣ам̣. яат̇ааха –

    Vinayasuttantavisuddhimaggādīsu (ma. ni. 1.23; visuddhi. 1.18) ca ‘‘paṭisaṅkhā yoniso cīvaraṃ paṭisevatī’’ti vattamānavacaneneva pāṭho hoti, na atītavacanena, atītaparibhogoti ca imasmiṃyeva divase pacchābhattādikālaṃ upādāya purebhattādīsu paribhogo icchitabbo, na hiyyo paribhogo. Kathaṃ viññāyatīti ce? Aṭṭhakathāpamāṇena. Vuttañhi aṭṭhakathāyaṃ (pārā. aṭṭha. 2.585) ‘‘piṇḍapāto ālope ālope, tathā asakkontena purebhattapacchābhattapurimayāmapacchimayāmesu. Sacassa appaccavekkhatova aruṇo uggacchati, iṇaparibhogaṭṭhāne tiṭṭhatī’’ti. Etena piṇḍapātaṃ ālope ālope paccavekkhanto bhojanakiriyāya apariniṭṭhitattā mukhyato paccuppannapaccavekkhaṇā hoti, purebhattādīsu catūsu koṭṭhāsesu paccavekkhanto bhojanakiriyāya pariniṭṭhitattā atītapaccavekkhaṇā hotīti dasseti. Sā pana paccuppannasamīpattā vattamānavacanena vidhīyati. Yadi hi hiyyo paribhuttāni atītapaccavekkhaṇena paccavekkhitabbāni siyuṃ, atītadutiyadivasatatiyadivasādimāsasaṃvaccharādiparibhuttānipi paccavekkhitabbāni siyuṃ, evañca sati yathāvuttaaṭṭhakathāvacanaṃ niratthakaṃ siyā, tasmā aṭṭhakathāvacanameva pamāṇaṃ kātabbaṃ. Yathāha –

    ‘‘б̣уд̣̇д̇хзна д̇хаммо винаяо жа вуд̇д̇о;

    ‘‘Buddhena dhammo vinayo ca vutto;

    яо д̇асса буд̇д̇зхи д̇ат̇зва н̃аад̇о;

    Yo tassa puttehi tatheva ñāto;

    со язхи д̇зсам̣ мад̇имажжаж̇анд̇аа;

    So yehi tesaṃ matimaccajantā;

    яасмаа бурз адтагат̇аа агам̣су.

    Yasmā pure aṭṭhakathā akaṃsu.

    ‘‘д̇асмаа хи яам̣ адтагат̇аасу вуд̇д̇ам̣;

    ‘‘Tasmā hi yaṃ aṭṭhakathāsu vuttaṃ;

    д̇ам̣ важ̇ж̇аяид̇ваана бамаад̣̇алзкам̣;

    Taṃ vajjayitvāna pamādalekhaṃ;

    саб̣б̣амби сигкаасу саг̇аараваанам̣;

    Sabbampi sikkhāsu sagāravānaṃ;

    яасмаа бамаан̣ам̣ ид̇ха бан̣д̣ид̇аана’’нд̇и. (баараа. адта. 1.г̇ант̇аарамбхагат̇аа);

    Yasmā pamāṇaṃ idha paṇḍitāna’’nti. (pārā. aṭṭha. 1.ganthārambhakathā);

    яасмаа жа саб̣б̣аасавасуд̇д̇аад̣̇ийсу (ма. ни. 1.23) бхаг̇авад̇аа д̣̇зсид̇агаалз бхигкугад̇д̇угад̇д̇аа наамаяог̇ад̇д̇аа вад̇д̇амаанабатамабурисавасзна ‘‘бадисан̇каа яонисо жийварам̣ бадисзвад̇ий’’д̇и д̣̇зсид̇аа, д̇ад̣̇анугаран̣зна бхигкуунам̣ бажжавзгкан̣агаалз ад̇д̇агад̇д̇угад̇д̇аа амхаяог̇ад̇д̇аа вад̇д̇амаанауд̇д̇амабурисавасзна ‘‘бадисан̇каа яонисо жийварам̣ бадисзваамий’’д̇и бажжавзгкид̇аб̣б̣аа ход̇и, ‘‘сийд̇асса бадигхаад̇ааяаа’’д̇иаад̣̇ийни д̇ад̣̇ад̇т̇асамбад̣̇аанабад̣̇аани жа ‘‘бадисзвад̇и, бадисзваамий’’д̇и вуд̇д̇абадисзванагирияааяамзва самб̣анд̇хид̇аб̣б̣аани хонд̇и, д̇аани жа гирияаабад̣̇аани бажжуббаннавасзна ваа бажжуббаннасамийбаад̇ийд̇авасзна ваа вад̇д̇амаанавибхад̇д̇ияуд̇д̇аани хонд̇и, д̇асмаа бажжуббаннабарибхуд̇д̇аанам̣ ваа ад̇ийд̇абарибхуд̇д̇аанам̣ ваа бажжаяаанам̣ бажжавзгкан̣агаалз ‘‘бадисзваамий’’д̇и важанам̣ бхаг̇авад̇о важанасса ануг̇ад̇ад̇д̇аа убабаннамзваад̇и д̣̇адтаб̣б̣ам̣.

    Yasmā ca sabbāsavasuttādīsu (ma. ni. 1.23) bhagavatā desitakāle bhikkhukattukattā nāmayogattā vattamānapaṭhamapurisavasena ‘‘paṭisaṅkhā yoniso cīvaraṃ paṭisevatī’’ti desitā, tadanukaraṇena bhikkhūnaṃ paccavekkhaṇakāle attakattukattā amhayogattā vattamānauttamapurisavasena ‘‘paṭisaṅkhā yoniso cīvaraṃ paṭisevāmī’’ti paccavekkhitabbā hoti, ‘‘sītassa paṭighātāyā’’tiādīni tadatthasampadānapadāni ca ‘‘paṭisevati, paṭisevāmī’’ti vuttapaṭisevanakiriyāyameva sambandhitabbāni honti, tāni ca kiriyāpadāni paccuppannavasena vā paccuppannasamīpaatītavasena vā vattamānavibhattiyuttāni honti, tasmā paccuppannaparibhuttānaṃ vā atītaparibhuttānaṃ vā paccayānaṃ paccavekkhaṇakāle ‘‘paṭisevāmī’’ti vacanaṃ bhagavato vacanassa anugatattā upapannamevāti daṭṭhabbaṃ.

    ануважанзби звам̣ вижааран̣аа гаад̇аб̣б̣аа – ‘‘аж̇ж̇а баад̇о барибхуд̇д̇ам̣ сааяам̣ бажжавзгканд̇зна аж̇ж̇а яам̣ маяаа жийварам̣ барибхуд̇д̇анд̇иаад̣̇инаа ад̇ийд̇авасзна бажжавзгкан̣аа гаад̇аб̣б̣аа’’д̇и яз вад̣̇анд̇и, д̇з звам̣ бужчид̇аб̣б̣аа – гим̣ бхаванд̇о бхаг̇авад̇аа ад̇ийд̇абарибхуд̇д̇зсу ад̇ийд̇авасзна бажжавзгкан̣аа д̣̇зсид̇аад̇и? на д̣̇зсид̇аа. гат̇ам̣ д̣̇зсид̇аад̇и? ‘‘бажжавзгкад̇ий’’д̇и бажжуббаннавасзнзва д̣̇зсид̇аад̇и. гим̣ бхонд̇о бхаг̇авад̇о гаалз ад̇ийд̇абарибхуд̇д̇зсу бажжавзгкан̣аа над̇т̇ийд̇и? ад̇т̇и. ат̇а гасмаа бхаг̇авад̇аа бажжуббаннавасзнзва бажжавзгкан̣аа д̣̇зсид̇аад̇и? бажжуббаннасамийбавасзна ваа сааман̃н̃авасзна ваа д̣̇зсид̇аад̇и. звам̣ санд̇з бхаг̇авад̇о анугаран̣зна ид̣̇ааниби ад̇ийд̇абарибхуд̇д̇аанам̣ бажжаяаанам̣ бажжуббаннавасзна бажжавзгкан̣аа гаад̇аб̣б̣аад̇и. яз бана звам̣ вад̣̇анд̇и ‘‘хияяо барибхуд̇д̇аанамзва ад̇ийд̇абажжавзгкан̣аа гаад̇аб̣б̣аа, на аж̇ж̇а барибхуд̇д̇аанам̣, д̇зсам̣ бана бажжуббаннабажжавзгкан̣ааязваа’’д̇и, д̇з звам̣ вад̇д̇аб̣б̣аа – гим̣ бхонд̇о яат̇аа д̇умхз вад̣̇анд̇и, звам̣ баал̣ияам̣ ад̇т̇ийд̇и? над̇т̇и. адтагат̇ааяам̣ ад̇т̇ийд̇и? над̇т̇и. звам̣ санд̇з саадтагат̇зсу д̇збидагзсу б̣уд̣̇д̇хаважанзсу асам̣виж̇ж̇амаанам̣ д̇умхаагам̣ важанам̣ гат̇ам̣ бажжзд̇аб̣б̣анд̇и? аажарияабарамбараавасзна. ход̇у д̇умхаагам̣ аажарияалад̣̇д̇хивасзна гат̇анам̣, гаало наама д̇ивид̇хо ад̇ийд̇о анааг̇ад̇о бажжуббаннод̇и. д̇ад̇т̇а баринидтид̇агирияаа ад̇ийд̇о наама, абхимукагирияаа анааг̇ад̇о наама, аарад̣̇д̇хаанидтид̇агирияаа бажжуббанно наама. д̇знааху бораан̣аа –

    Anuvacanepi evaṃ vicāraṇā kātabbā – ‘‘ajja pāto paribhuttaṃ sāyaṃ paccavekkhantena ajja yaṃ mayā cīvaraṃ paribhuttantiādinā atītavasena paccavekkhaṇā kātabbā’’ti ye vadanti, te evaṃ pucchitabbā – kiṃ bhavanto bhagavatā atītaparibhuttesu atītavasena paccavekkhaṇā desitāti? Na desitā. Kathaṃ desitāti? ‘‘Paccavekkhatī’’ti paccuppannavaseneva desitāti. Kiṃ bhonto bhagavato kāle atītaparibhuttesu paccavekkhaṇā natthīti? Atthi. Atha kasmā bhagavatā paccuppannavaseneva paccavekkhaṇā desitāti? Paccuppannasamīpavasena vā sāmaññavasena vā desitāti. Evaṃ sante bhagavato anukaraṇena idānipi atītaparibhuttānaṃ paccayānaṃ paccuppannavasena paccavekkhaṇā kātabbāti. Ye pana evaṃ vadanti ‘‘hiyyo paribhuttānameva atītapaccavekkhaṇā kātabbā, na ajja paribhuttānaṃ, tesaṃ pana paccuppannapaccavekkhaṇāyevā’’ti, te evaṃ vattabbā – kiṃ bhonto yathā tumhe vadanti, evaṃ pāḷiyaṃ atthīti? Natthi. Aṭṭhakathāyaṃ atthīti? Natthi. Evaṃ sante sāṭṭhakathesu tepiṭakesu buddhavacanesu asaṃvijjamānaṃ tumhākaṃ vacanaṃ kathaṃ paccetabbanti? Ācariyaparamparāvasena. Hotu tumhākaṃ ācariyaladdhivasena kathanaṃ, kālo nāma tividho atīto anāgato paccuppannoti. Tattha pariniṭṭhitakiriyā atīto nāma, abhimukhakiriyā anāgato nāma, āraddhaaniṭṭhitakiriyā paccuppanno nāma. Tenāhu porāṇā –

    ‘‘аарад̣̇д̇хаанидтид̇о бхааво, бажжуббанно сунидтид̇о;

    ‘‘Āraddhāniṭṭhito bhāvo, paccuppanno suniṭṭhito;

    ад̇ийд̇аанааг̇ад̇уббаад̣̇а-маббад̇д̇аабхимукаа гирияаа’’д̇и.

    Atītānāgatuppāda-mappattābhimukhā kiriyā’’ti.

    д̇ад̇т̇а аж̇ж̇а ваа ход̇у хияяо ваа д̇ад̇о буб̣б̣з ваа, барибхуд̇д̇абажжаяо субаринидтид̇абхун̃ж̇анагирияад̇д̇аа ад̇ийд̇о наама. д̇ад̇т̇а хияяо ваа д̇ад̇о буб̣б̣з ваа барибхуд̇д̇абажжаяо ад̇игганд̇аарун̣уг̇г̇аманад̇д̇аа на бажжавзгкан̣аарахо, бажжавзгкид̇оби аббажжавзгкид̇оязва ход̇и, ин̣абарибхог̇адтаанз д̇идтад̇и. вуд̇д̇ан̃хи адтагат̇ааяам̣ ‘‘сажасса аббажжавзгкад̇ова арун̣о уг̇г̇ажчад̇и, ин̣абарибхог̇адтаанз д̇идтад̇ий’’д̇и. аж̇ж̇зва бана жийваран̃жа сзнаасанан̃жа барибхог̇з барибхог̇з, бин̣д̣абаад̇ам̣ аалобз аалобз, бхзсаж̇ж̇ам̣ бадиг̇г̇ахан̣з барибхог̇з жа бажжавзгкад̇о абаринидтид̇абхун̃ж̇анагирияад̇д̇аа бажжуббаннабарибхуд̇д̇абажжавзгкан̣аа наама ход̇и. бурз барибхуд̇д̇ам̣ д̇ад̇о бажчаа жад̇уусу годтаасзсу бажжавзгкад̇о субаринидтид̇абхун̃ж̇анагирияад̇д̇аа ад̇ийд̇абарибхуд̇д̇абажжавзгкан̣аа наама ход̇и. зд̇д̇агам̣ бажжавзгкан̣ааяа кзд̇д̇ам̣, на д̇ад̇о буб̣б̣з бажчаа ваа. яат̇ааха адтагат̇ааяам̣ ‘‘сийлавад̇о аббажжавзгкид̇абарибхог̇о ин̣абарибхог̇о наама. д̇асмаа жийварам̣ барибхог̇з барибхог̇з…бз… бхзсаж̇ж̇асса бадиг̇г̇ахан̣зби барибхог̇зби сад̇ибажжаяад̇аа ваддад̇ий’’д̇и, д̇асмаа хияяо барибхуд̇д̇асса ин̣абарибхог̇ад̇д̇аа д̇ам̣ анаамасид̇ваа аж̇ж̇а барибхуд̇д̇зсу ад̇ийд̇абажжуббаннзсу бхаг̇авад̇о важанасса анугаран̣зна вад̇д̇амаанавибхад̇д̇ияуд̇д̇зна ‘‘бадисзваамий’’д̇и гирияаабад̣̇зна бажжавзгкан̣аа суубабаннаа ход̇ийд̇и д̣̇адтаб̣б̣аа. ийд̣̇исабажжавзгкан̣амзва санд̇хааяа вимад̇ивинод̣̇анияаад̣̇ийсу (ви. ви. дий. 1.585) ‘‘бажжаяасанниссид̇асийласса ад̇ийд̇абажжавзгкан̣ааяа висуж̇жханад̇о’’д̇и вуд̇д̇ам̣.

    Tattha ajja vā hotu hiyyo vā tato pubbe vā, paribhuttapaccayo supariniṭṭhitabhuñjanakiriyattā atīto nāma. Tattha hiyyo vā tato pubbe vā paribhuttapaccayo atikkantaaruṇuggamanattā na paccavekkhaṇāraho, paccavekkhitopi appaccavekkhitoyeva hoti, iṇaparibhogaṭṭhāne tiṭṭhati. Vuttañhi aṭṭhakathāyaṃ ‘‘sacassa appaccavekkhatova aruṇo uggacchati, iṇaparibhogaṭṭhāne tiṭṭhatī’’ti. Ajjeva pana cīvarañca senāsanañca paribhoge paribhoge, piṇḍapātaṃ ālope ālope, bhesajjaṃ paṭiggahaṇe paribhoge ca paccavekkhato apariniṭṭhitabhuñjanakiriyattā paccuppannaparibhuttapaccavekkhaṇā nāma hoti. Pure paribhuttaṃ tato pacchā catūsu koṭṭhāsesu paccavekkhato supariniṭṭhitabhuñjanakiriyattā atītaparibhuttapaccavekkhaṇā nāma hoti. Ettakaṃ paccavekkhaṇāya khettaṃ, na tato pubbe pacchā vā. Yathāha aṭṭhakathāyaṃ ‘‘sīlavato appaccavekkhitaparibhogo iṇaparibhogo nāma. Tasmā cīvaraṃ paribhoge paribhoge…pe… bhesajjassa paṭiggahaṇepi paribhogepi satipaccayatā vaṭṭatī’’ti, tasmā hiyyo paribhuttassa iṇaparibhogattā taṃ anāmasitvā ajja paribhuttesu atītapaccuppannesu bhagavato vacanassa anukaraṇena vattamānavibhattiyuttena ‘‘paṭisevāmī’’ti kiriyāpadena paccavekkhaṇā sūpapannā hotīti daṭṭhabbā. Īdisapaccavekkhaṇameva sandhāya vimativinodaniyādīsu (vi. vi. ṭī. 1.585) ‘‘paccayasannissitasīlassa atītapaccavekkhaṇāya visujjhanato’’ti vuttaṃ.

    звам̣ бажжаяасанниссид̇асийласса суд̣̇д̇хим̣ д̣̇ассзд̇ваа ид̣̇аани д̇знзва басан̇г̇зна саб̣б̣ааби суд̣̇д̇хияо д̣̇ассзд̇ум̣ ‘‘жад̇уб̣б̣ид̇хаа хи суд̣̇д̇хий’’д̇иаад̣̇имааха. д̇ад̇т̇а суж̇жхад̇и зд̇ааяаад̇и суд̣̇д̇хи, яат̇аад̇хаммам̣ д̣̇зсанаава суд̣̇д̇хи д̣̇зсанаасуд̣̇д̇хи. вудтаанассаби жзд̇т̇а д̣̇зсанааяа зва сан̇г̇ахо д̣̇адтаб̣б̣о. чиннамуулаабад̇д̇ийнам̣ бана абхигкуд̇аабадин̃н̃ааязва д̣̇зсанаа. ад̇хидтаанависидто сам̣варова суд̣̇д̇хи сам̣варасуд̣̇д̇хи. д̇хаммзна самзна бажжаяаанам̣ барияздти зва суд̣̇д̇хи барияздтисуд̣̇д̇хи. жад̇уусу бажжаязсу вуд̇д̇авид̇хинаа бажжавзгкан̣аава суд̣̇д̇хи бажжавзгкан̣асуд̣̇д̇хи. зса д̇аава суд̣̇д̇хийсу самаасанаяо. суд̣̇д̇химанд̇зсу сийлзсу бана д̣̇зсанаа суд̣̇д̇хи зд̇ассаад̇и д̣̇зсанаасуд̣̇д̇хи. сзсзсуби зсзва наяо. на бунзвам̣ гариссаамийд̇и зд̇т̇а званд̇и сам̣варабхзд̣̇ам̣ санд̇хааяааха. бахааяаад̇и важ̇ж̇зд̇ваа, агад̇ваад̇и ад̇т̇о. вимад̇ивинод̣̇анияам̣ бана ‘‘суж̇жхад̇и д̣̇зсанаад̣̇ийхи, сод̇хийяад̇ийд̇и ваа суд̣̇д̇хи, жад̇уб̣б̣ид̇хасийлам̣. д̇знааха ‘д̣̇зсанааяа суж̇жханад̇о’д̇иаад̣̇и. зд̇т̇а д̣̇зсанааг̇г̇ахан̣зна вудтаанамби чиннамуулаанам̣ абхигкуд̇аабадин̃н̃ааби сан̇г̇ахид̇аа. чиннамуулаабад̇д̇ийнамби хи баарааж̇игаабад̇д̇ивудтаанзна хздтаабарирагкид̇ам̣ бхигкусийлам̣ висуд̣̇д̇хам̣ наама ход̇и. д̇зна д̇зсам̣ маг̇г̇абадилаабхоби самбаж̇ж̇ад̇ий’’д̇и вуд̇д̇ам̣.

    Evaṃ paccayasannissitasīlassa suddhiṃ dassetvā idāni teneva pasaṅgena sabbāpi suddhiyo dassetuṃ ‘‘catubbidhā hi suddhī’’tiādimāha. Tattha sujjhati etāyāti suddhi, yathādhammaṃ desanāva suddhi desanāsuddhi. Vuṭṭhānassapi cettha desanāya eva saṅgaho daṭṭhabbo. Chinnamūlāpattīnaṃ pana abhikkhutāpaṭiññāyeva desanā. Adhiṭṭhānavisiṭṭho saṃvarova suddhi saṃvarasuddhi. Dhammena samena paccayānaṃ pariyeṭṭhi eva suddhi pariyeṭṭhisuddhi. Catūsu paccayesu vuttavidhinā paccavekkhaṇāva suddhi paccavekkhaṇasuddhi. Esa tāva suddhīsu samāsanayo. Suddhimantesu sīlesu pana desanā suddhi etassāti desanāsuddhi. Sesesupi eseva nayo. Na punevaṃ karissāmīti ettha evanti saṃvarabhedaṃ sandhāyāha. Pahāyāti vajjetvā, akatvāti attho. Vimativinodaniyaṃ pana ‘‘sujjhati desanādīhi, sodhīyatīti vā suddhi, catubbidhasīlaṃ. Tenāha ‘desanāya sujjhanato’tiādi. Ettha desanāggahaṇena vuṭṭhānampi chinnamūlānaṃ abhikkhutāpaṭiññāpi saṅgahitā. Chinnamūlāpattīnampi hi pārājikāpattivuṭṭhānena heṭṭhāparirakkhitaṃ bhikkhusīlaṃ visuddhaṃ nāma hoti. Tena tesaṃ maggapaṭilābhopi sampajjatī’’ti vuttaṃ.

    д̇ад̇т̇а д̣̇зсийяад̇и ужжаарийяад̇ийд̇и д̣̇зсанаа, д̣̇исий ужжааран̣зд̇и д̇хаад̇у, д̣̇зсийяад̇и н̃аабийяад̇и зд̇ааяаад̇и ваа д̣̇зсанаа, д̣̇иса бзгканзд̇и д̇хаад̇у. убхаяат̇ааби вирад̇ибад̇хаанагусалажид̇д̇асамудтид̇о д̣̇зсанааважийбхзд̣̇асад̣̇д̣̇о. сам̣варан̣ам̣ сам̣варо, сам̣-буб̣б̣а вара сам̣варан̣зд̇и д̇хаад̇у, сад̇ибад̇хаано жид̇д̇уббаад̣̇о. бариязсанаа барияздти, бари-буб̣б̣а иса бариязсанзд̇и д̇хаад̇у, вийрияабад̇хаано жид̇д̇уббаад̣̇о. бади бунаббунам̣ ог̇аахзд̇ваа игканаа бажжавзгкан̣аа, бади-буб̣б̣а ава-буб̣б̣а игка д̣̇ассанан̇гзсууд̇и д̇хаад̇у, бан̃н̃аабад̇хаано жид̇д̇уббаад̣̇о. д̇зсу д̣̇зсанааяа важийбхзд̣̇асад̣̇д̣̇абхаавад̇о важийбхзд̣̇ам̣ гаад̇ум̣ асаггонд̇асса жа д̣̇уд̇ияагам̣ алабханд̇асса жа на самбаж̇ж̇ад̇и, сзсаа бана жид̇д̇уббаад̣̇амад̇д̇абхаавад̇о важийбхзд̣̇ам̣ гаад̇ум̣ асаггонд̇ассаби д̣̇уд̇ияагам̣ алабханд̇ассаби самбаж̇ж̇анд̇и зва, д̇асмаа г̇илаанаад̣̇игаалзсу бажжавзгкан̣аабаатам̣ батид̇умасаггонд̇знаби ад̇т̇ам̣ манаси гад̇ваа жид̇д̇знзва бажжавзгкан̣аа гаад̇аб̣б̣аад̇и.

    Tattha desīyati uccārīyatīti desanā, disī uccāraṇeti dhātu, desīyati ñāpīyati etāyāti vā desanā, disa pekkhaneti dhātu. Ubhayathāpi viratipadhānakusalacittasamuṭṭhito desanāvacībhedasaddo. Saṃvaraṇaṃ saṃvaro, saṃ-pubba vara saṃvaraṇeti dhātu, satipadhāno cittuppādo. Pariyesanā pariyeṭṭhi, pari-pubba isa pariyesaneti dhātu, vīriyapadhāno cittuppādo. Paṭi punappunaṃ ogāhetvā ikkhanā paccavekkhaṇā, paṭi-pubba ava-pubba ikkha dassanaṅkesūti dhātu, paññāpadhāno cittuppādo. Tesu desanāya vacībhedasaddabhāvato vacībhedaṃ kātuṃ asakkontassa ca dutiyakaṃ alabhantassa ca na sampajjati, sesā pana cittuppādamattabhāvato vacībhedaṃ kātuṃ asakkontassapi dutiyakaṃ alabhantassapi sampajjanti eva, tasmā gilānādikālesu paccavekkhaṇāpāṭhaṃ paṭhitumasakkontenapi atthaṃ manasi katvā citteneva paccavekkhaṇā kātabbāti.

    д̣̇аад̇аб̣б̣адтзна д̣̇ааяам̣, д̇ам̣ аад̣̇ияанд̇ийд̇и д̣̇ааяаад̣̇аа, ананун̃н̃аад̇зсу саб̣б̣зна саб̣б̣ам̣ барибхог̇аабхаавад̇о анун̃н̃аад̇зсуязва жа барибхог̇асаб̣бхаавабхаавад̇о бхигкуухи барибхун̃ж̇ид̇аб̣б̣абажжаяаа бхаг̇авад̇о санд̇агаа. д̇хаммад̣̇ааяаад̣̇асуд̇д̇ан̃жзд̇т̇а саад̇хаганд̇и ‘‘д̇хаммад̣̇ааяаад̣̇аа мз, бхигкавз, бхават̇а, маа аамисад̣̇ааяаад̣̇аа , ад̇т̇и мз д̇умхзсу анугамбаа, гинд̇и мз саавагаа д̇хаммад̣̇ааяаад̣̇аа бхавзяяум̣, но аамисад̣̇ааяаад̣̇аа’’д̇и звам̣ бавад̇д̇ам̣ д̇хаммад̣̇ааяаад̣̇асуд̇д̇ан̃жа (ма. ни. 1.29) зд̇т̇а зд̇асмим̣ ад̇т̇з саад̇хагам̣. авийд̇арааг̇аанам̣ д̇ан̣хаавасийгад̇ааяа бажжаяабарибхог̇з саамибхааво над̇т̇и, д̇ад̣̇абхаавзна вийд̇арааг̇аанам̣ д̇ад̇т̇а саамибхааво яат̇ааружи барибхог̇асаб̣бхаавад̇о. д̇ат̇аа хи д̇з бадигууламби аббадигуулаагаарзна аббадигууламби бадигуулаагаарзна д̇ад̣̇убхаяамби важ̇ж̇зд̇ваа аж̇жхубзгкан̣аагаарзна бажжаяз барибхун̃ж̇анд̇и, д̣̇ааяагаанан̃жа манорат̇ам̣ барибуурзнд̇и. д̇знааха ‘‘д̇з хи д̇ан̣хааяа д̣̇аасаб̣яам̣ ад̇ийд̇ад̇д̇аа саамино худ̇ваа барибхун̃ж̇анд̇ий’’д̇и. яо банааяам̣ сийлавад̇о бут̇уж̇ж̇анасса бажжавзгкид̇абарибхог̇о, со ин̣абарибхог̇асса бажжанийгад̇д̇аа аанан̣яабарибхог̇о наама ход̇и. яат̇аа бана ин̣ааяиго ад̇д̇ано ружияаа ижчид̇ам̣ д̣̇зсам̣ г̇анд̇ум̣ на лабхад̇и, звам̣ ин̣абарибхог̇аяуд̇д̇о логад̇о ниссарид̇ум̣ на лабхад̇ийд̇и д̇аббадибагкад̇д̇аа сийлавад̇о бажжавзгкид̇абарибхог̇о аанан̣яабарибхог̇од̇и вужжад̇и, д̇асмаа ниббарияааяад̇о жад̇убарибхог̇авинимуд̇д̇о висум̣язвааяам̣ барибхог̇од̇и взд̣̇ид̇аб̣б̣о, со ид̇ха висум̣ на вуд̇д̇о, д̣̇ааяаж̇ж̇абарибхог̇зязва ваа сан̇г̇ахам̣ г̇ажчад̇ийд̇и. сийлавааби хи имааяа сигкааяа саманнааг̇ад̇ад̇д̇аа сзгкод̇взва вужжад̇и.

    Dātabbaṭṭhena dāyaṃ, taṃ ādiyantīti dāyādā, ananuññātesu sabbena sabbaṃ paribhogābhāvato anuññātesuyeva ca paribhogasabbhāvabhāvato bhikkhūhi paribhuñjitabbapaccayā bhagavato santakā. Dhammadāyādasuttañcettha sādhakanti ‘‘dhammadāyādā me, bhikkhave, bhavatha, mā āmisadāyādā , atthi me tumhesu anukampā, kinti me sāvakā dhammadāyādā bhaveyyuṃ, no āmisadāyādā’’ti evaṃ pavattaṃ dhammadāyādasuttañca (ma. ni. 1.29) ettha etasmiṃ atthe sādhakaṃ. Avītarāgānaṃ taṇhāvasīkatāya paccayaparibhoge sāmibhāvo natthi, tadabhāvena vītarāgānaṃ tattha sāmibhāvo yathāruci paribhogasabbhāvato. Tathā hi te paṭikūlampi appaṭikūlākārena appaṭikūlampi paṭikūlākārena tadubhayampi vajjetvā ajjhupekkhaṇākārena paccaye paribhuñjanti, dāyakānañca manorathaṃ paripūrenti. Tenāha ‘‘te hi taṇhāya dāsabyaṃ atītattā sāmino hutvā paribhuñjantī’’ti. Yo panāyaṃ sīlavato puthujjanassa paccavekkhitaparibhogo, so iṇaparibhogassa paccanīkattā ānaṇyaparibhogo nāma hoti. Yathā pana iṇāyiko attano ruciyā icchitaṃ desaṃ gantuṃ na labhati, evaṃ iṇaparibhogayutto lokato nissarituṃ na labhatīti tappaṭipakkhattā sīlavato paccavekkhitaparibhogo ānaṇyaparibhogoti vuccati, tasmā nippariyāyato catuparibhogavinimutto visuṃyevāyaṃ paribhogoti veditabbo, so idha visuṃ na vutto, dāyajjaparibhogeyeva vā saṅgahaṃ gacchatīti. Sīlavāpi hi imāya sikkhāya samannāgatattā sekkhotveva vuccati.

    саб̣б̣зсанд̇и арияаанам̣ бут̇уж̇ж̇анаанан̃жа. гат̇ам̣ бут̇уж̇ж̇анаанам̣ имз барибхог̇аа самбхаванд̇ийд̇и? убажааравасзна. яо хи бут̇уж̇ж̇анассаби саллзкабадибад̇д̇ияам̣ тид̇асса бажжаяаг̇зд̇хам̣ бахааяа д̇ад̇т̇а анубалид̇д̇зна жид̇д̇зна барибхог̇о, со саамибарибхог̇о вияа ход̇и. сийлавад̇о бана бажжавзгкид̇абарибхог̇о д̣̇ааяаж̇ж̇абарибхог̇о вияа ход̇и д̣̇ааяагаанам̣ манорат̇ассаавираад̇ханад̇о. д̇зна вуд̇д̇ам̣ ‘‘д̣̇ааяаж̇ж̇абарибхог̇зязва ваа сан̇г̇ахам̣ г̇ажчад̇ий’’д̇и. галяаан̣абут̇уж̇ж̇анасса барибхог̇з вад̇д̇аб̣б̣амзва над̇т̇и д̇асса сзгкасан̇г̇ахад̇о. сзгкасуд̇д̇а н̃хзд̇асса (а. ни. 3.86) ад̇т̇асса саад̇хагам̣.

    Sabbesanti ariyānaṃ puthujjanānañca. Kathaṃ puthujjanānaṃ ime paribhogā sambhavantīti? Upacāravasena. Yo hi puthujjanassapi sallekhapaṭipattiyaṃ ṭhitassa paccayagedhaṃ pahāya tattha anupalittena cittena paribhogo, so sāmiparibhogo viya hoti. Sīlavato pana paccavekkhitaparibhogo dāyajjaparibhogo viya hoti dāyakānaṃ manorathassāvirādhanato. Tena vuttaṃ ‘‘dāyajjaparibhogeyeva vā saṅgahaṃ gacchatī’’ti. Kalyāṇaputhujjanassa paribhoge vattabbameva natthi tassa sekkhasaṅgahato. Sekkhasutta ñhetassa (a. ni. 3.86) atthassa sādhakaṃ.

    вимад̇ивинод̣̇анияам̣ (ви. ви. дий. 1.585) бана ‘‘д̣̇аад̇аб̣б̣адтзна д̣̇ааяам̣, д̇ам̣ аад̣̇ияанд̇ийд̇и д̣̇ааяаад̣̇аа. сад̇д̇аннам̣ сзгкаананд̇и зд̇т̇а галяаан̣абут̇уж̇ж̇анааби сан̇г̇ахид̇аа д̇зсам̣ аанан̣яабарибхог̇асса д̣̇ааяаж̇ж̇абарибхог̇з сан̇г̇ахид̇ад̇д̇аад̇и взд̣̇ид̇аб̣б̣ам̣. д̇хаммад̣̇ааяаад̣̇асуд̇д̇анд̇и ‘‘д̇хаммад̣̇ааяаад̣̇аа мз, бхигкавз, бхават̇а, маа аамисад̣̇ааяаад̣̇аа’’д̇иаад̣̇инаа бавад̇д̇ам̣ суд̇д̇ам̣ (ма. ни. 1.29). д̇ад̇т̇а ‘‘маа мз аамисад̣̇ааяаад̣̇аад̇и звам̣ мз-сад̣̇д̣̇ам̣ аанзд̇ваа ад̇т̇о взд̣̇ид̇аб̣б̣о. зван̃хи яат̇аавуд̇д̇ад̇т̇асаад̇хагам̣ ход̇ий’’д̇и вуд̇д̇ам̣. д̇ад̇т̇а мз мама аамисад̣̇ааяаад̣̇аа жад̇убажжаяабхун̃ж̇агаад̇и бхаг̇авад̇о самб̣анд̇хабхууд̇асса самб̣анд̇хийбхууд̇аа бажжаяаа вуд̇д̇аа, д̇асмаа д̣̇ааяагзхи д̣̇иннааби бажжаяаа бхаг̇авад̇аа анун̃н̃аад̇ад̇д̇аа бхаг̇авад̇о бажжаяааязва хонд̇ийд̇и зд̇асса ад̇т̇асса д̇хаммад̣̇ааяаад̣̇асуд̇д̇ам̣ саад̇хагам̣ ход̇ийд̇и ад̇т̇од̇и вуд̇д̇ам̣.

    Vimativinodaniyaṃ (vi. vi. ṭī. 1.585) pana ‘‘dātabbaṭṭhena dāyaṃ, taṃ ādiyantīti dāyādā. Sattannaṃ sekkhānanti ettha kalyāṇaputhujjanāpi saṅgahitā tesaṃ ānaṇyaparibhogassa dāyajjaparibhoge saṅgahitattāti veditabbaṃ. Dhammadāyādasuttanti ‘‘dhammadāyādā me, bhikkhave, bhavatha, mā āmisadāyādā’’tiādinā pavattaṃ suttaṃ (ma. ni. 1.29). Tattha ‘‘mā me āmisadāyādāti evaṃ me-saddaṃ ānetvā attho veditabbo. Evañhi yathāvuttatthasādhakaṃ hotī’’ti vuttaṃ. Tattha me mama āmisadāyādā catupaccayabhuñjakāti bhagavato sambandhabhūtassa sambandhībhūtā paccayā vuttā, tasmā dāyakehi dinnāpi paccayā bhagavatā anuññātattā bhagavato paccayāyeva hontīti etassa atthassa dhammadāyādasuttaṃ sādhakaṃ hotīti atthoti vuttaṃ.

    лаж̇ж̇инаа сад̣̇д̇хим̣ барибхог̇о наама лаж̇ж̇исса санд̇агам̣ г̇ахзд̇ваа барибхог̇о. алаж̇ж̇инаа сад̣̇д̇хинд̇и зд̇т̇ааби зсзва наяо. аад̣̇ид̇о бадтааяа хи алаж̇ж̇ий наама над̇т̇ийд̇и иминаа д̣̇идтад̣̇идтзсуязва аасан̇гаа на гаад̇аб̣б̣аад̇и д̣̇ассзд̇и. ад̇д̇ано бхаарабхууд̇аа сад̣̇д̇хивихааригаад̣̇аяо. д̇зби ниваарзд̇аб̣б̣аад̇и яо бассад̇и, д̇зна ниваарзд̇аб̣б̣аад̇и баато. адтагат̇ааяам̣ бана ‘‘яоби ад̇д̇ано бхаарабхууд̇зна алаж̇ж̇инаа сад̣̇д̇хим̣ барибхог̇ам̣ гарод̇и, соби ниваарзд̇аб̣б̣о’’д̇и баато д̣̇иссад̇и, д̇ат̇ааби ад̇т̇ад̇о убхаяат̇ааби яуж̇ж̇ад̇и. ад̇д̇ано сад̣̇д̇хивихааригаад̣̇аяоби алаж̇ж̇ибхаавад̇о ниваарзд̇аб̣б̣аа. алаж̇ж̇ийхи сад̣̇д̇хивихааригаад̣̇ийхи згасамбхог̇ам̣ гаронд̇аа ан̃н̃зби ниваарзд̇аб̣б̣аава. сажз на орамад̇и, аяамби алаж̇ж̇ийязва ход̇ийд̇и зд̇т̇а звам̣ ниваарид̇о со буг̇г̇ало алаж̇ж̇инаа сад̣̇д̇хим̣ барибхог̇ад̇о орамад̇и вирамад̇и, ижжзд̇ам̣ гусалам̣. но жз орамад̇и, аяамби алаж̇ж̇ийязва ход̇и, д̇зна сад̣̇д̇хим̣ барибхог̇ам̣ гаронд̇о соби алаж̇ж̇ийязва ход̇ийд̇и ад̇т̇о. д̇зна вуд̇д̇ам̣ ‘‘звам̣ зго алаж̇ж̇ий алаж̇ж̇исад̇амби гарод̇ий’’д̇и. ад̇хаммияод̇и анзсанаад̣̇ийхи уббанно. д̇хаммияод̇и бхигкаажарияаад̣̇ийхи уббанно. сан̇гхассзва д̣̇зд̇ийд̇и бхад̇д̇ам̣ аг̇г̇ахзд̇ваа ад̇д̇анаа лад̣̇д̇хасалаагам̣язва д̣̇зд̇и.

    Lajjinā saddhiṃ paribhogo nāma lajjissa santakaṃ gahetvā paribhogo. Alajjinā saddhinti etthāpi eseva nayo. Ādito paṭṭhāya hi alajjī nāma natthīti iminā diṭṭhadiṭṭhesuyeva āsaṅkā na kātabbāti dasseti. Attano bhārabhūtā saddhivihārikādayo. Tepi nivāretabbāti yo passati, tena nivāretabbāti pāṭho. Aṭṭhakathāyaṃ pana ‘‘yopi attano bhārabhūtena alajjinā saddhiṃ paribhogaṃ karoti, sopi nivāretabbo’’ti pāṭho dissati, tathāpi atthato ubhayathāpi yujjati. Attano saddhivihārikādayopi alajjibhāvato nivāretabbā. Alajjīhi saddhivihārikādīhi ekasambhogaṃ karontā aññepi nivāretabbāva. Sace naoramati, ayampi alajjīyeva hotīti ettha evaṃ nivārito so puggalo alajjinā saddhiṃ paribhogato oramati viramati, iccetaṃ kusalaṃ. No ce oramati, ayampi alajjīyeva hoti, tena saddhiṃ paribhogaṃ karonto sopi alajjīyeva hotīti attho. Tena vuttaṃ ‘‘evaṃ eko alajjī alajjisatampi karotī’’ti. Adhammiyoti anesanādīhi uppanno. Dhammiyoti bhikkhācariyādīhi uppanno. Saṅghasseva detīti bhattaṃ aggahetvā attanā laddhasalākaṃyeva deti.

    вимад̇ивинод̣̇анияам̣ бана ‘‘лаж̇ж̇инаа сад̣̇д̇хим̣ барибхог̇од̇и д̇хаммаамисавасзна миссийбхааво. алаж̇ж̇инаа сад̣̇д̇хинд̇и зд̇т̇ааби зсзва наяо. аад̣̇ид̇о бадтааяа хи алаж̇ж̇ий наама над̇т̇ийд̇и иминаа д̣̇идтад̣̇идтзсу аасан̇гаа наама на гаад̇аб̣б̣аа, д̣̇идтасуд̇аад̣̇игааран̣з сад̇и зва гаад̇аб̣б̣аад̇и д̣̇ассзд̇и. ад̇д̇ано бхаарабхууд̇аа сад̣̇д̇хивихааригаад̣̇аяо. сажз на орамад̇ийд̇и аг̇ад̇иг̇аманавасзна д̇хаммаамисабарибхог̇ад̇о на орамад̇и. аабад̇д̇и наама над̇т̇ийд̇и ид̣̇ам̣ алаж̇ж̇ийнам̣ д̇хаммзнуббаннабажжаяам̣ д̇хаммагамман̃жа санд̇хааяа вуд̇д̇ам̣. д̇зсамби хи гулад̣̇уусанаад̣̇исамуббаннам̣ бажжаяам̣ барибхун̃ж̇анд̇аанам̣ ваг̇г̇агаммаад̣̇ийни гаронд̇аанан̃жа аабад̇д̇и зва. ‘д̇хаммияаад̇хаммияабарибхог̇о бажжаяавасзнзва взд̣̇ид̇аб̣б̣о’д̇и вуд̇д̇ад̇д̇аа хздтаа лаж̇ж̇ибарибхог̇аалаж̇ж̇ибарибхог̇аа бажжаяавасзна згагаммаад̣̇ивасзна жа вуд̇д̇аа зваад̇и взд̣̇ид̇аб̣б̣ам̣. д̇знзва д̣̇удтад̣̇осасигкаабад̣̇адтагат̇ааяам̣ (баараа. адта. 2.385-386) жод̣̇агажуд̣̇ид̇агабхаавз тид̇аа д̣̇вз алаж̇ж̇ино д̇хаммабарибхог̇амби санд̇хааяа ‘згасамбхог̇абарибхог̇аа худ̇ваа ж̇ийват̇аа’д̇и вуд̇д̇аа д̇зсам̣ ан̃н̃аман̃н̃ам̣ д̇хаммаамисаабарибхог̇з вирод̇хаабхааваа. лаж̇ж̇ийнамзва хи алаж̇ж̇инаа саха д̇ад̣̇убхаяабарибхог̇о на ваддад̇ий’’д̇и вуд̇д̇ам̣.

    Vimativinodaniyaṃ pana ‘‘lajjinā saddhiṃ paribhogoti dhammāmisavasena missībhāvo. Alajjinā saddhinti etthāpi eseva nayo. Ādito paṭṭhāya hi alajjī nāma natthīti iminā diṭṭhadiṭṭhesu āsaṅkā nāma na kātabbā, diṭṭhasutādikāraṇe sati eva kātabbāti dasseti. Attano bhārabhūtā saddhivihārikādayo. Sace na oramatīti agatigamanavasena dhammāmisaparibhogato na oramati. Āpatti nāma natthīti idaṃ alajjīnaṃ dhammenuppannapaccayaṃ dhammakammañca sandhāya vuttaṃ. Tesampi hi kuladūsanādisamuppannaṃ paccayaṃ paribhuñjantānaṃ vaggakammādīni karontānañca āpatti eva. ‘Dhammiyādhammiyaparibhogo paccayavaseneva veditabbo’ti vuttattā heṭṭhā lajjiparibhogālajjiparibhogā paccayavasena ekakammādivasena ca vuttā evāti veditabbaṃ. Teneva duṭṭhadosasikkhāpadaṭṭhakathāyaṃ (pārā. aṭṭha. 2.385-386) codakacuditakabhāve ṭhitā dve alajjino dhammaparibhogampi sandhāya ‘ekasambhogaparibhogā hutvā jīvathā’ti vuttā tesaṃ aññamaññaṃ dhammāmisāparibhoge virodhābhāvā. Lajjīnameva hi alajjinā saha tadubhayaparibhogo na vaṭṭatī’’ti vuttaṃ.

    сажз бана лаж̇ж̇ий алаж̇ж̇им̣ баг̇г̇ан̣хаад̇и…бз… анд̇арад̇хаабзд̇ийд̇и зд̇т̇а гзвалам̣ баг̇г̇ан̣хид̇угаамад̇ааяа звам̣ гаад̇ум̣ на ваддад̇и, д̇хаммасса бана саасанасса сод̇уунан̃жа ануг̇г̇ахад̇т̇ааяа ваддад̇ийд̇и взд̣̇ид̇аб̣б̣ам̣. буриманаязна ‘‘со аабад̇д̇ияаа гаарзд̇аб̣б̣о’’д̇и вуд̇д̇ад̇д̇аа имасса аабад̇д̇иязваад̇и вад̣̇анд̇и. уд̣̇д̣̇зсаг̇г̇ахан̣аад̣̇инаа д̇хаммасса барибхог̇о д̇хаммабарибхог̇о. д̇хаммаануг̇г̇ахзна г̇ан̣ханд̇асса аабад̇д̇ияаа абхаавзби т̇зро д̇асса алаж̇ж̇ибхаавам̣язва санд̇хааяа ‘‘баабо гирааяа’’нд̇иаад̣̇имааха. д̇асса бана санд̇игзд̇и махаарагкид̇ад̇т̇зрасса санд̇игз.

    Sacepana lajjī alajjiṃ paggaṇhāti…pe… antaradhāpetīti ettha kevalaṃ paggaṇhitukāmatāya evaṃ kātuṃ na vaṭṭati, dhammassa pana sāsanassa sotūnañca anuggahatthāya vaṭṭatīti veditabbaṃ. Purimanayena ‘‘so āpattiyā kāretabbo’’ti vuttattā imassa āpattiyevāti vadanti. Uddesaggahaṇādinā dhammassa paribhogo dhammaparibhogo. Dhammānuggahena gaṇhantassa āpattiyā abhāvepi thero tassa alajjibhāvaṃyeva sandhāya ‘‘pāpo kirāya’’ntiādimāha. Tassa pana santiketi mahārakkhitattherassa santike.

    вимад̇ивинод̣̇анияам̣ (ви. ви. дий. 1.585) бана имасмим̣ таанз вид̇т̇аарад̇о винижчид̇ам̣. гат̇ам̣? д̇хаммабарибхог̇од̇и ‘‘згагаммам̣ згуд̣̇д̣̇зсо’’д̇иаад̣̇инаа вуд̇д̇асам̣ваасо жзва ниссаяаг̇г̇ахан̣аад̣̇иго саб̣б̣о нираамисабарибхог̇о жа взд̣̇ид̇аб̣б̣о. ‘‘на со аабад̇д̇ияаа гаарзд̇аб̣б̣о’’д̇и вуд̇д̇ад̇д̇аа лаж̇ж̇ино алаж̇ж̇ибаг̇г̇ахз аабад̇д̇ийд̇и взд̣̇ид̇аб̣б̣ам̣. ид̇аробийд̇и лаж̇ж̇ийби. д̇ассааби ад̇д̇аанам̣ баг̇г̇ан̣ханд̇асса алаж̇ж̇ино, иминаа жа лаж̇ж̇ино ван̣н̣абхан̣анаад̣̇илаабхам̣ бадижжа аамисаг̇аругад̇ааяа ваа г̇зхассид̇абзмзна ваа д̇ам̣ алаж̇ж̇им̣ баг̇г̇ан̣ханд̇о лаж̇ж̇ий саасанам̣ анд̇арад̇хаабзд̇и наамаад̇и д̣̇ассзд̇и. звам̣ г̇ахадтаад̣̇ийсу убад̇т̇амбхид̇о алаж̇ж̇ий б̣алам̣ лабхид̇ваа бзсалз абхибхавид̇ваа на жирассзва саасанам̣ уд̣̇д̇хаммам̣ уб̣б̣инаяам̣ гарод̇ийд̇и.

    Vimativinodaniyaṃ (vi. vi. ṭī. 1.585) pana imasmiṃ ṭhāne vitthārato vinicchitaṃ. Kathaṃ? Dhammaparibhogoti ‘‘ekakammaṃ ekuddeso’’tiādinā vuttasaṃvāso ceva nissayaggahaṇādiko sabbo nirāmisaparibhogo ca veditabbo. ‘‘Na so āpattiyā kāretabbo’’ti vuttattā lajjino alajjipaggahe āpattīti veditabbaṃ. Itaropīti lajjīpi. Tassāpi attānaṃ paggaṇhantassa alajjino, iminā ca lajjino vaṇṇabhaṇanādilābhaṃ paṭicca āmisagarukatāya vā gehassitapemena vā taṃ alajjiṃ paggaṇhanto lajjī sāsanaṃ antaradhāpeti nāmāti dasseti. Evaṃ gahaṭṭhādīsu upatthambhito alajjī balaṃ labhitvā pesale abhibhavitvā na cirasseva sāsanaṃ uddhammaṃ ubbinayaṃ karotīti.

    д̇хаммабарибхог̇оби д̇ад̇т̇а ваддад̇ийд̇и иминаа аамисабарибхог̇ад̇о д̇хаммабарибхог̇ова г̇аруго, д̇асмаа ад̇ивияа алаж̇ж̇ийвивзгзна гаад̇аб̣б̣од̇и д̣̇ассзд̇и. ‘‘д̇хаммаануг̇г̇ахзна уг̇г̇ан̣хид̇ум̣ ваддад̇ий’’д̇и вуд̇д̇ад̇д̇аа алаж̇ж̇уссаннад̇ааяасаасанз осагганд̇з, лаж̇ж̇ийсу жа аббахонд̇зсу алаж̇ж̇им̣ багад̇ад̇д̇ам̣ г̇ан̣абуурагам̣ г̇ахзд̇ваа убасамбад̣̇аад̣̇игаран̣зна жзва гзжи алаж̇ж̇ино д̇хаммаамисабарибхог̇зна сан̇г̇ахзд̇ваа сзсаалаж̇ж̇иг̇ан̣асса ниг̇г̇ахзна жа саасанам̣ баг̇г̇ан̣хид̇умби ваддад̇и зва.

    Dhammaparibhogopi tattha vaṭṭatīti iminā āmisaparibhogato dhammaparibhogova garuko, tasmā ativiya alajjīvivekena kātabboti dasseti. ‘‘Dhammānuggahena uggaṇhituṃ vaṭṭatī’’ti vuttattā alajjussannatāyasāsane osakkante, lajjīsu ca appahontesu alajjiṃ pakatattaṃ gaṇapūrakaṃ gahetvā upasampadādikaraṇena ceva keci alajjino dhammāmisaparibhogena saṅgahetvā sesālajjigaṇassa niggahena ca sāsanaṃ paggaṇhitumpi vaṭṭati eva.

    гзжи бана ‘‘годияам̣ тид̇о г̇ант̇од̇и вуд̇д̇ад̇д̇аа г̇ант̇абарияаабун̣анамзва д̇хаммабарибхог̇о, на згагаммаад̣̇и, д̇асмаа алаж̇ж̇ийхи сад̣̇д̇хим̣ убосат̇аад̣̇игам̣ гаммам̣ гаад̇ум̣ ваддад̇и, аабад̇д̇и над̇т̇ий’’д̇и вад̣̇анд̇и, д̇ам̣ на яуд̇д̇ам̣, згагаммаад̣̇ийсу б̣ахуусу д̇хаммабарибхог̇зсу алаж̇ж̇инааби сад̣̇д̇хим̣ гад̇д̇аб̣б̣аавад̇т̇ааяад̇д̇ам̣ д̇хаммабарибхог̇ам̣ д̣̇ассзд̇ум̣ ид̇ха нид̣̇ассанавасзна г̇ант̇ассзва самуд̣̇д̇хадад̇д̇аа. на хи згагаммаад̣̇иго вид̇хи д̇хаммабарибхог̇о на ход̇ийд̇и саггаа вад̇д̇ум̣ анаамисад̇д̇аа д̇хаммаамисзсу абарияаабаннасса жа гассажи абхааваа. д̇знзва адтасаалинияам̣ д̇хаммабадисант̇аарагат̇ааяам̣ (д̇ха. са. адта. 1351) ‘‘гаммадтаанам̣ гат̇зд̇аб̣б̣ам̣, д̇хаммо ваажзд̇аб̣б̣о…бз… аб̣бхаанавудтаанамаанад̇д̇абариваасаа д̣̇аад̇аб̣б̣аа, баб̣б̣аж̇ж̇аарахо баб̣б̣ааж̇зд̇аб̣б̣о, убасамбад̣̇аарахо убасамбаад̣̇зд̇аб̣б̣о…бз… аяам̣ д̇хаммабадисант̇ааро наамаа’’д̇и звам̣ сан̇гхагаммаад̣̇иби д̇хаммагодтаасз д̣̇ассид̇ам̣. д̇зсу бана д̇хаммагодтаасзсу яам̣ г̇ан̣абуурагаад̣̇ивасзна алаж̇ж̇ино абзгкид̇ваа убосат̇аад̣̇и ваа д̇зсам̣ санд̇игаа д̇хаммуг̇г̇ахан̣аниссаяаг̇г̇ахан̣аад̣̇и ваа гарийяад̇и, д̇ам̣ д̇хаммо жзва барибхог̇о жаад̇и д̇хаммабарибхог̇од̇и вужжад̇и, зд̇ам̣ д̇ат̇ааруубабажжаяам̣ винаа гаад̇ум̣ на ваддад̇и, гаронд̇асса алаж̇ж̇ибарибхог̇о жа ход̇и д̣̇уггадан̃жа. яам̣ бана алаж̇ж̇исад̇ам̣ анабзгкид̇ваа д̇аж̇ж̇анийяаад̣̇иниг̇г̇ахагаммам̣ ваа бариваасаад̣̇иубагаарагаммам̣ ваа уг̇г̇ахабарибужчаад̣̇аанаад̣̇и ваа гарийяад̇и, д̇ам̣ д̇хаммо зва, но барибхог̇о, зд̇ам̣ ануруубаанам̣ гаад̇ум̣ ваддад̇и, аамисад̣̇аанз вияа аабад̇д̇и над̇т̇и. ниссаяад̣̇аанамби д̇зрасасаммуд̇ид̣̇аанаад̣̇и жа вад̇д̇абадибад̇д̇исаад̣̇ияанаад̣̇ибарибхог̇ассаби хзд̇уд̇д̇аа на ваддад̇и.

    Keci pana ‘‘koṭiyaṃ ṭhito ganthoti vuttattā ganthapariyāpuṇanameva dhammaparibhogo, na ekakammādi, tasmā alajjīhi saddhiṃ uposathādikaṃ kammaṃ kātuṃ vaṭṭati, āpatti natthī’’ti vadanti, taṃ na yuttaṃ, ekakammādīsu bahūsu dhammaparibhogesu alajjināpi saddhiṃ kattabbāvatthāyattaṃ dhammaparibhogaṃ dassetuṃ idha nidassanavasena ganthasseva samuddhaṭattā. Na hi ekakammādiko vidhi dhammaparibhogo na hotīti sakkā vattuṃ anāmisattā dhammāmisesu apariyāpannassa ca kassaci abhāvā. Teneva aṭṭhasāliniyaṃ dhammapaṭisanthārakathāyaṃ (dha. sa. aṭṭha. 1351) ‘‘kammaṭṭhānaṃ kathetabbaṃ, dhammo vācetabbo…pe… abbhānavuṭṭhānamānattaparivāsā dātabbā, pabbajjāraho pabbājetabbo, upasampadāraho upasampādetabbo…pe… ayaṃ dhammapaṭisanthāro nāmā’’ti evaṃ saṅghakammādipi dhammakoṭṭhāse dassitaṃ. Tesu pana dhammakoṭṭhāsesu yaṃ gaṇapūrakādivasena alajjino apekkhitvā uposathādi vā tesaṃ santikā dhammuggahaṇanissayaggahaṇādi vā karīyati, taṃ dhammo ceva paribhogo cāti dhammaparibhogoti vuccati, etaṃ tathārūpapaccayaṃ vinā kātuṃ na vaṭṭati, karontassa alajjiparibhogo ca hoti dukkaṭañca. Yaṃ pana alajjisataṃ anapekkhitvā tajjanīyādiniggahakammaṃ vā parivāsādiupakārakammaṃ vā uggahaparipucchādānādi vā karīyati, taṃ dhammo eva, no paribhogo, etaṃ anurūpānaṃ kātuṃ vaṭṭati, āmisadāne viya āpatti natthi. Nissayadānampi terasasammutidānādi ca vattapaṭipattisādiyanādiparibhogassapi hetuttā na vaṭṭati.

    яо бана махааалаж̇ж̇ий уд̣̇д̇хаммам̣ уб̣б̣инаяам̣ сад̇т̇усаасанам̣ гарод̇и, д̇асса сад̣̇д̇хивихааригаад̣̇ийнам̣ убасамбад̣̇аад̣̇и убагаарагаммамби уг̇г̇ахабарибужчаад̣̇аанаад̣̇и жа гаад̇ум̣ на ваддад̇и, аабад̇д̇и зва ход̇и, ниг̇г̇ахагаммамзва гаад̇аб̣б̣ам̣. д̇знзва алаж̇ж̇ибаг̇г̇ахоби бадигкид̇д̇о. д̇хаммаамисабарибхог̇авиваж̇ж̇анзнаби хи д̣̇умман̇гуунам̣ буг̇г̇алаанам̣ ниг̇г̇ахова ад̇хиббзд̇о, со жа бзсалаанам̣ паасувихаарасад̣̇д̇хаммадтид̇ивинаяаануг̇г̇ахаад̣̇иад̇т̇ааяа зд̇ад̣̇ад̇т̇ад̇д̇аа сигкаабад̣̇абан̃н̃ад̇д̇ияаа, д̇асмаа яам̣ яам̣ д̣̇умман̇гуунам̣ убад̇т̇амбхааяа, бзсалаанам̣ апаасувихаарааяа, сад̣̇д̇хаммабарихаанаад̣̇иад̇т̇ааяа ход̇и, д̇ам̣ саб̣б̣амби барибхог̇о ваа ход̇у абарибхог̇о ваа гаад̇ум̣ на ваддад̇и, звам̣ гаронд̇аа саасанам̣ анд̇арад̇хаабзнд̇и, аабад̇д̇ин̃жа аабаж̇ж̇анд̇и, д̇хаммаамисабарибхог̇зсу жзд̇т̇а алаж̇ж̇ийхи згагаммаад̣̇ид̇хаммабарибхог̇о зва бзсалаанам̣ апаасувихаарааяа сад̣̇д̇хаммабарихаанаад̣̇иад̇т̇ааяа ход̇и, на д̇ат̇аа аамисабарибхог̇о. на хи алаж̇ж̇ийнам̣ бажжаяабарибхог̇амад̇д̇зна бзсалаанам̣ апаасувихаараад̣̇и ход̇и, яат̇аавуд̇д̇ад̇хаммабарибхог̇зна бана ход̇и. д̇аббариваж̇ж̇анзна жа паасувихаараад̣̇аяо. д̇ат̇аа хи гад̇асигкаабад̣̇авийд̇иггамаа алаж̇ж̇ибуг̇г̇алаа убосат̇аад̣̇ийсу бавидтаа ‘‘д̇умхз гааяад̣̇ваарз жзва важийд̣̇ваарз жа вийд̇иггамам̣ гарот̇аа’’д̇иаад̣̇инаа бхигкуухи вад̇д̇аб̣б̣аа хонд̇и. яат̇аа винаяан̃жа ад̇идтанд̇аа сан̇гхад̇о б̣ахигаран̣аад̣̇ивасзна судту ниг̇г̇ахзд̇аб̣б̣аа, д̇ат̇аа агад̇ваа д̇зхи саха сам̣васанд̇ааби алаж̇ж̇инова хонд̇и ‘‘згоби алаж̇ж̇ий алаж̇ж̇исад̇амби гарод̇ий’’д̇иаад̣̇иважанад̇о (баараа. адта. 2.585). яад̣̇и хи д̇з звам̣ аниг̇г̇ахид̇аа сияум̣, сан̇гхз галахаад̣̇им̣ вад̣дхзд̇ваа убосат̇аад̣̇исаамаг̇г̇игаммабадиб̣ааханаад̣̇инаа бзсалаанам̣ апаасум̣ гад̇ваа гамзна д̇з д̣̇звад̣̇ад̇д̇аваж̇ж̇ибуд̇д̇агаад̣̇аяо вияа барисам̣ вад̣дхзд̇ваа ад̇д̇ано виббадибад̇д̇им̣ д̇хаммад̇о винаяад̇о д̣̇ийбзнд̇аа сан̇гхабхзд̣̇аад̣̇имби гад̇ваа на жирассзва саасанам̣ анд̇арад̇хаабзяяум̣. д̇зсу бана сан̇гхад̇о б̣ахигаран̣аад̣̇ивасзна ниг̇г̇ахид̇зсу саб̣б̣оби аяам̣ убад̣̇д̣̇аво на ход̇и. вуд̇д̇ан̃хи ‘‘д̣̇уссийлабуг̇г̇алз ниссааяа убосат̇о на д̇идтад̇и, бавааран̣аа на д̇идтад̇и, сан̇гхагаммаани на бавад̇д̇анд̇и, саамаг̇г̇ий на ход̇и…бз… д̣̇уссийлзсу бана ниг̇г̇ахид̇зсу саб̣б̣оби аяам̣ убад̣̇д̣̇аво на ход̇и, д̇ад̇о бзсалаа бхигкуу паасу вихаранд̇ий’’д̇и, д̇асмаа згагаммаад̣̇ид̇хаммабарибхог̇ова аамисабарибхог̇ад̇оби ад̇ивияа алаж̇ж̇ийвивзгзна гаад̇аб̣б̣о, аабад̇д̇игаро жа сад̣̇д̇хаммабарихаанихзд̇уд̇д̇аад̇и взд̣̇ид̇аб̣б̣ам̣.

    Yo pana mahāalajjī uddhammaṃ ubbinayaṃ satthusāsanaṃ karoti, tassa saddhivihārikādīnaṃ upasampadādi upakārakammampi uggahaparipucchādānādi ca kātuṃ na vaṭṭati, āpatti eva hoti, niggahakammameva kātabbaṃ. Teneva alajjipaggahopi paṭikkhitto. Dhammāmisaparibhogavivajjanenapi hi dummaṅkūnaṃ puggalānaṃ niggahova adhippeto, so ca pesalānaṃ phāsuvihārasaddhammaṭṭhitivinayānuggahādiatthāya etadatthattā sikkhāpadapaññattiyā, tasmā yaṃ yaṃ dummaṅkūnaṃ upatthambhāya, pesalānaṃ aphāsuvihārāya, saddhammaparihānādiatthāya hoti, taṃ sabbampi paribhogo vā hotu aparibhogo vā kātuṃ na vaṭṭati, evaṃ karontā sāsanaṃ antaradhāpenti, āpattiñca āpajjanti, dhammāmisaparibhogesu cettha alajjīhi ekakammādidhammaparibhogo eva pesalānaṃ aphāsuvihārāya saddhammaparihānādiatthāya hoti, na tathā āmisaparibhogo. Na hi alajjīnaṃ paccayaparibhogamattena pesalānaṃ aphāsuvihārādi hoti, yathāvuttadhammaparibhogena pana hoti. Tapparivajjanena ca phāsuvihārādayo. Tathā hi katasikkhāpadavītikkamā alajjipuggalā uposathādīsu paviṭṭhā ‘‘tumhe kāyadvāre ceva vacīdvāre ca vītikkamaṃ karothā’’tiādinā bhikkhūhi vattabbā honti. Yathā vinayañca atiṭṭhantā saṅghato bahikaraṇādivasena suṭṭhu niggahetabbā, tathā akatvā tehi saha saṃvasantāpi alajjinova honti ‘‘ekopi alajjī alajjisatampi karotī’’tiādivacanato (pārā. aṭṭha. 2.585). Yadi hi te evaṃ aniggahitā siyuṃ, saṅghe kalahādiṃ vaḍḍhetvā uposathādisāmaggikammapaṭibāhanādinā pesalānaṃ aphāsuṃ katvā kamena te devadattavajjiputtakādayo viya parisaṃ vaḍḍhetvā attano vippaṭipattiṃ dhammato vinayato dīpentā saṅghabhedādimpi katvā na cirasseva sāsanaṃ antaradhāpeyyuṃ. Tesu pana saṅghato bahikaraṇādivasena niggahitesu sabbopi ayaṃ upaddavo na hoti. Vuttañhi ‘‘dussīlapuggale nissāya uposatho na tiṭṭhati, pavāraṇā na tiṭṭhati, saṅghakammāni na pavattanti, sāmaggī na hoti…pe… dussīlesu pana niggahitesu sabbopi ayaṃ upaddavo na hoti, tato pesalā bhikkhū phāsu viharantī’’ti, tasmā ekakammādidhammaparibhogova āmisaparibhogatopi ativiya alajjīvivekena kātabbo, āpattikaro ca saddhammaparihānihetuttāti veditabbaṃ.

    абижа ‘‘убосат̇о на д̇идтад̇и, бавааран̣аа на д̇идтад̇и, сан̇гхагаммаани на бавад̇д̇анд̇ий’’д̇и звам̣ алаж̇ж̇ийхи сад̣̇д̇хим̣ сан̇гхагаммаагаран̣асса адтагат̇ааяам̣ багаасид̇ад̇д̇ааби жзд̇ам̣ сиж̇жхад̇и. д̇ат̇аа баривад̇д̇алин̇г̇асса бхигкуно бхигкунубассаяам̣ г̇ажчанд̇асса бадибад̇д̇игат̇ааяам̣ ‘‘аараад̇хигаа жа хонд̇и сан̇г̇аахигаа лаж̇ж̇инияо, д̇аа гобзд̇ваа ан̃н̃ад̇т̇а на г̇анд̇аб̣б̣ам̣. г̇ажчад̇и жз, г̇ааманд̇аранад̣̇ийбаарарад̇д̇ивиббаваасаг̇ан̣амхаа охийяанаабад̇д̇ийхи на мужжад̇и…бз… алаж̇ж̇инияо хонд̇и, сан̇г̇ахам̣ бана гаронд̇и, д̇ааби барижжаж̇ид̇ваа ан̃н̃ад̇т̇а г̇анд̇ум̣ лабхад̇ий’’д̇и звам̣ алаж̇ж̇инийсу д̣̇уд̇ияигааг̇ахан̣аад̣̇ийсу сам̣ваасаабад̇д̇ибарихаарааяа над̣̇ийбаарааг̇аманаад̣̇иг̇аругаабад̇д̇идтаанаанам̣ анун̃н̃аад̇ад̇д̇аа д̇ад̇оби алаж̇ж̇исам̣ваасаабад̇д̇и зва сад̣̇д̇хаммабарихаанияаа хзд̇убхууд̇о г̇аругад̇араад̇и вин̃н̃ааяад̇и. на хи лахугаабад̇д̇идтаанам̣ ваа анаабад̇д̇идтаанам̣ ваа барихарид̇ум̣ г̇аругаабад̇д̇идтаанавийд̇иггамам̣ аажарияаа ануж̇аананд̇и. д̇ат̇аа асам̣ваасабад̣̇асса адтагат̇ааяам̣ ‘‘саб̣б̣зхиби лаж̇ж̇ибуг̇г̇алзхи самам̣ сигкид̇аб̣б̣абхаавад̇о самасигкаад̇аа наама. зд̇т̇а яасмаа саб̣б̣зби лаж̇ж̇ино зд̇зсу гаммаад̣̇ийсу саха васанд̇и, на згоби д̇ад̇о б̣ахид̣̇д̇хаа санд̣̇иссад̇и, д̇асмаа д̇аани саб̣б̣ааниби г̇ахзд̇ваа зсо сам̣ваасо наамаа’’д̇и звам̣ лаж̇ж̇ийхзва згагаммаад̣̇исам̣ваасо ваддад̇ийд̇и багаасид̇о.

    Apica ‘‘uposatho na tiṭṭhati, pavāraṇā na tiṭṭhati, saṅghakammāni na pavattantī’’ti evaṃ alajjīhi saddhiṃ saṅghakammākaraṇassa aṭṭhakathāyaṃ pakāsitattāpi cetaṃ sijjhati. Tathā parivattaliṅgassa bhikkhuno bhikkhunupassayaṃ gacchantassa paṭipattikathāyaṃ ‘‘ārādhikā ca honti saṅgāhikā lajjiniyo, tā kopetvā aññattha na gantabbaṃ. Gacchati ce, gāmantaranadīpārarattivippavāsagaṇamhā ohīyanāpattīhi na muccati…pe… alajjiniyo honti, saṅgahaṃ pana karonti, tāpi pariccajitvā aññattha gantuṃ labhatī’’ti evaṃ alajjinīsu dutiyikāgahaṇādīsu saṃvāsāpattiparihārāya nadīpārāgamanādigarukāpattiṭṭhānānaṃ anuññātattā tatopi alajjisaṃvāsāpatti eva saddhammaparihāniyā hetubhūto garukatarāti viññāyati. Na hi lahukāpattiṭṭhānaṃ vā anāpattiṭṭhānaṃ vā pariharituṃ garukāpattiṭṭhānavītikkamaṃ ācariyā anujānanti. Tathā asaṃvāsapadassa aṭṭhakathāyaṃ ‘‘sabbehipi lajjipuggalehi samaṃ sikkhitabbabhāvato samasikkhātā nāma. Ettha yasmā sabbepi lajjino etesu kammādīsu saha vasanti, na ekopi tato bahiddhā sandissati, tasmā tāni sabbānipi gahetvā eso saṃvāso nāmā’’ti evaṃ lajjīheva ekakammādisaṃvāso vaṭṭatīti pakāsito.

    яад̣̇и звам̣ гасмаа асам̣ваасигзсу алаж̇ж̇ий на г̇ахид̇од̇и? нааяам̣ вирод̇хо, яз г̇ан̣абуурагз гад̇ваа гад̇ам̣ гаммам̣ губбад̇и, д̇зсам̣ баарааж̇игаад̣̇иабагад̇ад̇д̇аанан̃н̃зва асам̣ваасигад̇д̇зна г̇ахид̇ад̇д̇аа. алаж̇ж̇ино бана багад̇ад̇д̇абхууд̇ааби санд̇и, д̇з жз г̇ан̣абуурагаа худ̇ваа гаммам̣ саад̇хзнд̇и, гзвалам̣ гад̇ваа аг̇ад̇иг̇аманзна гаронд̇аанам̣ аабад̇д̇игараа хонд̇и сабхааг̇аабад̇д̇иаабаннаа вияа ан̃н̃аман̃н̃ам̣. яасмаа алаж̇ж̇ид̇ан̃жа лаж̇ж̇ид̇ан̃жа бут̇уж̇ж̇анаанам̣ жид̇д̇агкан̣абадиб̣ад̣̇д̇хам̣, на саб̣б̣агаалигам̣. сан̃жижжа хи вийд̇иггамажид̇д̇з уббаннз алаж̇ж̇ино ‘‘на буна ийд̣̇исам̣ гариссаамий’’д̇и жид̇д̇зна лаж̇ж̇ино хонд̇и.

    Yadi evaṃ kasmā asaṃvāsikesu alajjī na gahitoti? Nāyaṃ virodho, ye gaṇapūrake katvā kataṃ kammaṃ kuppati, tesaṃ pārājikādiapakatattānaññeva asaṃvāsikattena gahitattā. Alajjino pana pakatattabhūtāpi santi, te ce gaṇapūrakā hutvā kammaṃ sādhenti, kevalaṃ katvā agatigamanena karontānaṃ āpattikarā honti sabhāgāpattiāpannā viya aññamaññaṃ. Yasmā alajjitañca lajjitañca puthujjanānaṃ cittakkhaṇapaṭibaddhaṃ, na sabbakālikaṃ. Sañcicca hi vītikkamacitte uppanne alajjino ‘‘na puna īdisaṃ karissāmī’’ti cittena lajjino honti.

    д̇зсу жа яз бзсалзхи овад̣̇ияамаанааби на ораманд̇и, бунаббунам̣ гаронд̇и, д̇з зва асам̣васид̇аб̣б̣аа, на ид̇арз лаж̇ж̇ид̇хаммз огганд̇ад̇д̇аа, д̇асмааби алаж̇ж̇ино асам̣ваасигзсу аг̇ан̣зд̇ваа д̇аббариваж̇ж̇анад̇т̇ам̣ сод̇хзд̇ваава убосат̇аад̣̇игаран̣ам̣ анан̃н̃аад̇ам̣. д̇ат̇аа хи ‘‘баарисуд̣̇д̇хим̣ ааяасманд̇о аарожзт̇а, баад̇имогкам̣ уд̣̇д̣̇исиссаамий’’д̇иаад̣̇инаа (махаава. 134) абарисуд̣̇д̇хааяа барисааяа убосат̇агаран̣асса аяуд̇д̇ад̇аа багаасид̇аа, ‘‘яасса сияаа аабад̇д̇и, со аавигарзяяа…бз… паасу ход̇ий’’д̇и (махаава. 134) звам̣ алаж̇ж̇имби лаж̇ж̇ид̇хаммз бад̇идтаабзд̇ваа убосат̇агаран̣аббагааро жа вуд̇д̇о, ‘‘гажжид̇т̇а барисуд̣̇д̇хаа…бз… барисуд̣̇д̇хзд̇т̇ааяасманд̇о’’д̇и (баараа. 233) жа баарисуд̣̇д̇хиубосат̇з ‘‘барисуд̣̇д̇хо ахам̣, бханд̇з, барисуд̣̇д̇ход̇и мам̣ д̇хаарзт̇аа’’д̇и (махаава. 168) жа звам̣ убосат̇ам̣ гаронд̇аанам̣ барисуд̣̇д̇хад̇аа жа багаасид̇аа, важанамад̇д̇зна анораманд̇аанан̃жа убосат̇абавааран̣адтабанавид̇хи жа вуд̇д̇о, саб̣б̣ат̇аа лаж̇ж̇ид̇хаммам̣ аноггаманд̇зхи сам̣ваасасса аяуд̇д̇ад̇ааяа ниссаяад̣̇аанаг̇г̇ахан̣абадигкзбо, д̇аж̇ж̇анийяаад̣̇иниг̇г̇ахагаммагаран̣аугкзбанийяагаммагаран̣зна саанувад̇д̇агабарисасса алаж̇ж̇исса асам̣ваасигад̇д̇абаабанавид̇хи жа вуд̇д̇о, д̇асмаа яат̇аавуд̇д̇зхи суд̇д̇анд̇анаязхи, адтагат̇ааважанзхи жа багад̇ад̇д̇зхиби абагад̇ад̇д̇зхиби саб̣б̣зхи алаж̇ж̇ийхи згагаммаад̣̇исам̣ваасо на ваддад̇и, гаронд̇аанам̣ аабад̇д̇и зва д̣̇умман̇гуунам̣ буг̇г̇алаанам̣ ниг̇г̇ахад̇т̇ааязва саб̣б̣асигкаабад̣̇аанам̣ бан̃н̃ад̇д̇ад̇д̇аад̇и нидтамзд̇т̇а г̇анд̇аб̣б̣ам̣. д̇знзва д̣̇уд̇ияасан̇г̇ийд̇ияам̣ багад̇ад̇д̇ааби алаж̇ж̇ино важ̇ж̇ибуд̇д̇агаа яасад̇т̇зраад̣̇ийхи маханд̇зна вааяаамзна сан̇гхад̇о вияож̇ид̇аа. на хи д̇зсу баарааж̇игаад̣̇иасам̣ваасигаабад̇д̇и ад̇т̇и, д̇зхи д̣̇ийбид̇аанам̣ д̣̇асаннам̣ вад̇т̇уунам̣ лахугаабад̇д̇ивисаяад̇д̇аад̇и вуд̇д̇ам̣.

    Tesu ca ye pesalehi ovadiyamānāpi na oramanti, punappunaṃ karonti, te eva asaṃvasitabbā, na itare lajjidhamme okkantattā, tasmāpi alajjino asaṃvāsikesu agaṇetvā tapparivajjanatthaṃ sodhetvāva uposathādikaraṇaṃ anaññātaṃ. Tathā hi ‘‘pārisuddhiṃ āyasmanto ārocetha, pātimokkhaṃ uddisissāmī’’tiādinā (mahāva. 134) aparisuddhāya parisāya uposathakaraṇassa ayuttatā pakāsitā, ‘‘yassa siyā āpatti, so āvikareyya…pe… phāsu hotī’’ti (mahāva. 134) evaṃ alajjimpi lajjidhamme patiṭṭhāpetvā uposathakaraṇappakāro ca vutto, ‘‘kaccittha parisuddhā…pe… parisuddhetthāyasmanto’’ti (pārā. 233) ca pārisuddhiuposathe ‘‘parisuddho ahaṃ, bhante, parisuddhoti maṃ dhārethā’’ti (mahāva. 168) ca evaṃ uposathaṃ karontānaṃ parisuddhatā ca pakāsitā, vacanamattena anoramantānañca uposathapavāraṇaṭṭhapanavidhi ca vutto, sabbathā lajjidhammaṃ anokkamantehi saṃvāsassa ayuttatāya nissayadānaggahaṇapaṭikkhepo, tajjanīyādiniggahakammakaraṇaukkhepanīyakammakaraṇena sānuvattakaparisassa alajjissa asaṃvāsikattapāpanavidhi ca vutto, tasmā yathāvuttehi suttantanayehi, aṭṭhakathāvacanehi ca pakatattehipi apakatattehipi sabbehi alajjīhi ekakammādisaṃvāso na vaṭṭati, karontānaṃ āpatti eva dummaṅkūnaṃ puggalānaṃ niggahatthāyeva sabbasikkhāpadānaṃ paññattattāti niṭṭhamettha gantabbaṃ. Teneva dutiyasaṅgītiyaṃ pakatattāpi alajjino vajjiputtakā yasattherādīhi mahantena vāyāmena saṅghato viyojitā. Na hi tesu pārājikādiasaṃvāsikāpatti atthi, tehi dīpitānaṃ dasannaṃ vatthūnaṃ lahukāpattivisayattāti vuttaṃ.

    д̇асса санд̇игзд̇и махаарагкид̇ад̇т̇зрасса санд̇игз.

    Tassa santiketi mahārakkhitattherassa santike.

    ид̇и винаяасан̇г̇ахасам̣ван̣н̣анаабхууд̇з винаяаалан̇гаарз

    Iti vinayasaṅgahasaṃvaṇṇanābhūte vinayālaṅkāre

    руубияаад̣̇ибадиг̇г̇ахан̣авинижчаяагат̇аалан̇гааро наама

    Rūpiyādipaṭiggahaṇavinicchayakathālaṅkāro nāma

    д̣̇ваад̣̇асамо барижчзд̣̇о.

    Dvādasamo paricchedo.




    Next: 13. д̣̇ааналагкан̣аад̣̇ивинижчаяагат̇аа • 13. Dānalakkhaṇādivinicchayakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact