| Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā |
12. руубияаад̣̇ибадиг̇г̇ахан̣авинижчаяагат̇аа
12. Rūpiyādipaṭiggahaṇavinicchayakathā
59. руубияаад̣̇ибадиг̇г̇аход̇и ж̇аад̇аруубаад̣̇ибадиг̇г̇ан̣ханам̣. д̇ад̇т̇а (баараа. адта. 2.583-4) ж̇аад̇аруубам̣ раж̇ад̇ам̣ ж̇аад̇аруубамаасаго раж̇ад̇амаасагод̇и жад̇уб̣б̣ид̇хам̣ ниссаг̇г̇ияавад̇т̇у. д̇амб̣алохаад̣̇ийхи гад̇о лохамаасаго. саарад̣̇аарунаа ваа взл̣убзсигааяа ваа анд̇амасо д̇аалабан̣н̣знаби руубам̣ чинд̣̇ид̇ваа гад̇о д̣̇аарумаасаго. лаакааяа ваа нияяаасзна ваа руубам̣ самудтаабзд̇ваа гад̇о ж̇ад̇умаасаго. яо яо яад̇т̇а яад̇т̇а ж̇анабад̣̇з яад̣̇аа яад̣̇аа вохаарам̣ г̇ажчад̇и, анд̇амасо адтимаяоби жаммамаяоби ругкапалаб̣ийж̇амаяоби самудтаабид̇аруубоби асамудтаабид̇аруубобийд̇и аяам̣ саб̣б̣оби раж̇ад̇амаасагзнзва сан̇г̇ахид̇о. муд̇д̇аа ман̣и взл̣урияо сан̇ко силаа баваал̣ам̣ лохид̇ан̇го масаараг̇аллам̣ сад̇д̇а д̇хан̃н̃аани д̣̇аасид̣̇аасакзд̇д̇авад̇т̇убубпаараамапалаараамаад̣̇аяод̇и ид̣̇ам̣ д̣̇уггадавад̇т̇у. д̇ад̇т̇а ниссаг̇г̇ияавад̇т̇ум̣ ад̇д̇ано ваа сан̇гхаг̇ан̣абуг̇г̇алажзд̇ияаанам̣ ваа ад̇т̇ааяа самбадижчид̇ум̣ на ваддад̇и. ад̇д̇ано ад̇т̇ааяа самбадижчад̇о ниссаг̇г̇ияам̣ баажид̇д̇ияам̣ ход̇и, сзсаанам̣ ад̇т̇ааяа д̣̇уггадам̣. д̣̇уггадавад̇т̇ум̣ саб̣б̣зсамби ад̇т̇ааяа самбадижчад̇о д̣̇уггадамзва.
59.Rūpiyādipaṭiggahoti jātarūpādipaṭiggaṇhanaṃ. Tattha (pārā. aṭṭha. 2.583-4) jātarūpaṃ rajataṃ jātarūpamāsako rajatamāsakoti catubbidhaṃ nissaggiyavatthu. Tambalohādīhi kato lohamāsako. Sāradārunā vā veḷupesikāya vā antamaso tālapaṇṇenapi rūpaṃ chinditvā kato dārumāsako. Lākhāya vā niyyāsena vā rūpaṃ samuṭṭhāpetvā kato jatumāsako. Yo yo yattha yattha janapade yadā yadā vohāraṃ gacchati, antamaso aṭṭhimayopi cammamayopi rukkhaphalabījamayopi samuṭṭhāpitarūpopi asamuṭṭhāpitarūpopīti ayaṃ sabbopi rajatamāsakeneva saṅgahito. Muttā maṇi veḷuriyo saṅkho silā pavāḷaṃ lohitaṅko masāragallaṃ satta dhaññāni dāsidāsakhettavatthupupphārāmaphalārāmādayoti idaṃ dukkaṭavatthu. Tattha nissaggiyavatthuṃ attano vā saṅghagaṇapuggalacetiyānaṃ vā atthāya sampaṭicchituṃ na vaṭṭati. Attano atthāya sampaṭicchato nissaggiyaṃ pācittiyaṃ hoti, sesānaṃ atthāya dukkaṭaṃ. Dukkaṭavatthuṃ sabbesampi atthāya sampaṭicchato dukkaṭameva.
д̇ад̇рааяам̣ винижчаяо (баараа. адта. 2.538-9) – сажз гожи ж̇аад̇аруубараж̇ад̇ам̣ аахарид̇ваа ‘‘ид̣̇ам̣ сан̇гхасса д̣̇амми, аараамам̣ ваа гарот̇а жзд̇ияам̣ ваа бхож̇анасаалаад̣̇ийнам̣ ваа ан̃н̃ад̇ара’’нд̇и вад̣̇ад̇и, ид̣̇ам̣ самбадижчид̇ум̣ на ваддад̇и. сажз бана ‘‘наяид̣̇ам̣ бхигкуунам̣ самбадижчид̇ум̣ ваддад̇ий’’д̇и бадигкид̇д̇з ‘‘вад̣дхагийнам̣ ваа гаммагаараанам̣ ваа хад̇т̇з бхависсад̇и , гзвалам̣ д̇умхз сугад̇ад̣̇уггадам̣ ж̇аанаат̇аа’’д̇и вад̇ваа д̇зсам̣ хад̇т̇з д̣̇ад̇ваа баггамад̇и, ваддад̇и. ат̇ааби ‘‘мама мануссаанам̣ хад̇т̇з бхависсад̇и, маяхамзва ваа хад̇т̇з бхависсад̇и, гзвалам̣ д̇умхз яам̣ яасса д̣̇аад̇аб̣б̣ам̣, д̇ад̣̇ад̇т̇ааяа бзсзт̇аа’’д̇и вад̣̇ад̇и, звамби ваддад̇и. сажз бана сам̣гхам̣ ваа г̇ан̣ам̣ ваа буг̇г̇алам̣ ваа анаамасид̇ваа ‘‘ид̣̇ам̣ хиран̃н̃асуван̣н̣ам̣ жзд̇ияасса д̣̇зма, вихаарасса д̣̇зма, навагаммасса д̣̇змаа’’д̇и вад̣̇анд̇и, бадигкибид̇ум̣ на ваддад̇и, ‘‘имз ид̣̇ам̣ бхан̣анд̇ий’’д̇и габбияагаарагаанам̣ аажигкид̇аб̣б̣ам̣. ‘‘жзд̇ияаад̣̇ийнам̣ ад̇т̇ааяа д̇умхз г̇ахзд̇ваа табзд̇ваа’’д̇и вуд̇д̇з бана ‘‘амхаагам̣ г̇ахзд̇ум̣ на ваддад̇ий’’д̇и бадигкибид̇аб̣б̣ам̣.
Tatrāyaṃ vinicchayo (pārā. aṭṭha. 2.538-9) – sace koci jātarūparajataṃ āharitvā ‘‘idaṃ saṅghassa dammi, ārāmaṃ vā karotha cetiyaṃ vā bhojanasālādīnaṃ vā aññatara’’nti vadati, idaṃ sampaṭicchituṃ na vaṭṭati. Sace pana ‘‘nayidaṃ bhikkhūnaṃ sampaṭicchituṃ vaṭṭatī’’ti paṭikkhitte ‘‘vaḍḍhakīnaṃ vā kammakārānaṃ vā hatthe bhavissati , kevalaṃ tumhe sukatadukkaṭaṃ jānāthā’’ti vatvā tesaṃ hatthe datvā pakkamati, vaṭṭati. Athāpi ‘‘mama manussānaṃ hatthe bhavissati, mayhameva vā hatthe bhavissati, kevalaṃ tumhe yaṃ yassa dātabbaṃ, tadatthāya pesethā’’ti vadati, evampi vaṭṭati. Sace pana saṃghaṃ vā gaṇaṃ vā puggalaṃ vā anāmasitvā ‘‘idaṃ hiraññasuvaṇṇaṃ cetiyassa dema, vihārassa dema, navakammassa demā’’ti vadanti, paṭikkhipituṃ na vaṭṭati, ‘‘ime idaṃ bhaṇantī’’ti kappiyakārakānaṃ ācikkhitabbaṃ. ‘‘Cetiyādīnaṃ atthāya tumhe gahetvā ṭhapetvā’’ti vutte pana ‘‘amhākaṃ gahetuṃ na vaṭṭatī’’ti paṭikkhipitabbaṃ.
сажз бана гожи б̣ахум̣ хиран̃н̃асуван̣н̣ам̣ аанзд̇ваа ‘‘ид̣̇ам̣ сам̣гхасса д̣̇амми, жад̇д̇ааро бажжаяз барибхун̃ж̇ат̇аа’’д̇и вад̣̇ад̇и, д̇ан̃жз сам̣гхо самбадижчад̇и, бадиг̇г̇ахан̣зби барибхог̇зби аабад̇д̇и. д̇ад̇ра жзго бхигку ‘‘наяид̣̇ам̣ габбад̇ий’’д̇и бадигкибад̇и, убаасаго жа ‘‘яад̣̇ина габбад̇и, маяхамзва бхависсад̇ий’’д̇и д̇ам̣ аад̣̇ааяа г̇ажчад̇и. со бхигку ‘‘д̇аяаа сам̣гхасса лаабханд̇арааяо гад̇о’’д̇и на гзнажи гин̃жи вад̇д̇аб̣б̣о. яо хи д̇ам̣ жод̣̇зд̇и, свзва саабад̇д̇иго ход̇и. д̇зна банзгзна б̣ахуу анаабад̇д̇игаа гад̇аа. сажз бана бхигкуухи ‘‘на ваддад̇ий’’д̇и бадигкид̇д̇з ‘‘габбияагаарагаанам̣ ваа хад̇т̇з бхависсад̇и, мама бурисаанам̣ ваа маяхам̣ ваа хад̇т̇з бхависсад̇и, гзвалам̣ д̇умхз бажжаяз барибхун̃ж̇ат̇аа’’д̇и вад̣̇ад̇и, ваддад̇и.
Sace pana koci bahuṃ hiraññasuvaṇṇaṃ ānetvā ‘‘idaṃ saṃghassa dammi, cattāro paccaye paribhuñjathā’’ti vadati, tañce saṃgho sampaṭicchati, paṭiggahaṇepi paribhogepi āpatti. Tatra ceko bhikkhu ‘‘nayidaṃ kappatī’’ti paṭikkhipati, upāsako ca ‘‘yadina kappati, mayhameva bhavissatī’’ti taṃ ādāya gacchati. So bhikkhu ‘‘tayā saṃghassa lābhantarāyo kato’’ti na kenaci kiñci vattabbo. Yo hi taṃ codeti, sveva sāpattiko hoti. Tena panekena bahū anāpattikā katā. Sace pana bhikkhūhi ‘‘na vaṭṭatī’’ti paṭikkhitte ‘‘kappiyakārakānaṃ vā hatthe bhavissati, mama purisānaṃ vā mayhaṃ vā hatthe bhavissati, kevalaṃ tumhe paccaye paribhuñjathā’’ti vadati, vaṭṭati.
жад̇убажжаяад̇т̇ааяа жа д̣̇иннам̣ язна язна бажжаязна ад̇т̇о ход̇и, д̇ам̣ д̇ад̣̇ад̇т̇ам̣ убанзд̇аб̣б̣ам̣. живарад̇т̇ааяа д̣̇иннам̣ жийварзязва убанзд̇аб̣б̣ам̣. сажз жийварзна д̇аад̣̇исо ад̇т̇о над̇т̇и, бин̣д̣абаад̇аад̣̇ийхи сам̣гхо гиламад̇и, сам̣гхасудтуд̇ааяа абалогзд̇ваа д̇ад̣̇ад̇т̇ааяаби убанзд̇аб̣б̣ам̣. зса наяо бин̣д̣абаад̇аг̇илаанабажжаяад̇т̇ааяа д̣̇иннзби. сзнаасанад̇т̇ааяа д̣̇иннам̣ бана сзнаасанасса г̇арубхан̣д̣ад̇д̇аа сзнаасанзязва убанзд̇аб̣б̣ам̣. сажз бана бхигкуусу сзнаасанам̣ чад̣д̣зд̇ваа г̇ад̇зсу сзнаасанам̣ винассад̇и, ийд̣̇исз гаалз сзнаасанам̣ виссаж̇ж̇зд̇вааби бхигкуунам̣ барибхог̇о анун̃н̃аад̇о, д̇асмаа сзнаасанаж̇аг̇г̇анад̇т̇ам̣ муулажчзж̇ж̇ам̣ агад̇ваа яаабанамад̇д̇ам̣ барибхун̃ж̇ид̇аб̣б̣ам̣.
Catupaccayatthāya ca dinnaṃ yena yena paccayena attho hoti, taṃ tadatthaṃ upanetabbaṃ. Civaratthāya dinnaṃ cīvareyeva upanetabbaṃ. Sace cīvarena tādiso attho natthi, piṇḍapātādīhi saṃgho kilamati, saṃghasuṭṭhutāya apaloketvā tadatthāyapi upanetabbaṃ. Esa nayo piṇḍapātagilānapaccayatthāya dinnepi. Senāsanatthāya dinnaṃ pana senāsanassa garubhaṇḍattā senāsaneyeva upanetabbaṃ. Sace pana bhikkhūsu senāsanaṃ chaḍḍetvā gatesu senāsanaṃ vinassati, īdise kāle senāsanaṃ vissajjetvāpi bhikkhūnaṃ paribhogo anuññāto, tasmā senāsanajagganatthaṃ mūlacchejjaṃ akatvā yāpanamattaṃ paribhuñjitabbaṃ.
60. сажз гожи ‘‘маяхам̣ д̇исассасамбаад̣̇анагам̣ махаад̇ал̣аагам̣ ад̇т̇и, д̇ам̣ сам̣гхасса д̣̇аммий’’д̇и вад̣̇ад̇и, д̇ан̃жз сам̣гхо самбадижчад̇и, бадиг̇г̇ахан̣зби барибхог̇зби аабад̇д̇иязва. яо бана д̇ам̣ бадигкибад̇и, со буриманаязнзва на гзнажи гин̃жи вад̇д̇аб̣б̣о. яо хи д̇ам̣ жод̣̇зд̇и, свзва саабад̇д̇иго ход̇и . д̇зна банзгзна б̣ахуу анаабад̇д̇игаа гад̇аа. яо бана ‘‘д̇аад̣̇исам̣язва д̇ал̣аагам̣ д̣̇аммий’’д̇и вад̇ваа бхигкуухи ‘‘на ваддад̇ий’’д̇и бадигкид̇д̇о вад̣̇ад̇и ‘‘асуган̃жа асуган̃жа сан̇гхасса д̇ал̣аагам̣ ад̇т̇и, д̇ам̣ гат̇ам̣ ваддад̇ий’’д̇и. со вад̇д̇аб̣б̣о ‘‘габбияам̣ гад̇ваа д̣̇иннам̣ бхависсад̇ий’’д̇и. гат̇ам̣ д̣̇иннам̣ габбияам̣ ход̇ийд̇и. ‘‘жад̇д̇ааро бажжаяз барибхун̃ж̇ат̇аа’’д̇и вад̇ваа д̣̇иннанд̇и. со сажз ‘‘саад̇ху, бханд̇з жад̇д̇ааро бажжаяз барибхун̃ж̇ат̇аа’’д̇и д̣̇зд̇и, ваддад̇и. ат̇ааби ‘‘д̇ал̣аагам̣ г̇ан̣хат̇аа’’д̇и вад̇ваа ‘‘на ваддад̇ий’’д̇и бадигкид̇д̇о ‘‘габбияагаараго ад̇т̇ий’’д̇и бужчид̇ваа ‘‘над̇т̇ий’’д̇и вуд̇д̇з ‘‘ид̣̇ам̣ асуго наама вижаарзссад̇и, асугасса ваа хад̇т̇з маяхам̣ ваа хад̇т̇з бхависсад̇и, сан̇гхо габбияабхан̣д̣ам̣ барибхун̃ж̇ад̇уу’’д̇и вад̣̇ад̇и, ваддад̇и. сажзби ‘‘на ваддад̇ий’’д̇и бадигкид̇д̇о ‘‘уд̣̇агам̣ барибхун̃ж̇иссад̇и, бхан̣д̣агам̣ д̇ховиссад̇и, миг̇абагкино бивиссанд̇ий’’д̇и вад̣̇ад̇и, звамби ваддад̇и. ат̇ааби ‘‘на ваддад̇ий’’д̇и бадигкид̇д̇о вад̣̇ад̇и ‘‘габбияасийсзна г̇ан̣хат̇аа’’д̇и. ‘‘саад̇ху убаасага, сан̇гхо баанийяам̣ бивиссад̇и, бхан̣д̣агам̣ д̇ховиссад̇и, миг̇абагкино бивиссанд̇ий’’д̇и вад̇ваа барибхун̃ж̇ид̇ум̣ ваддад̇и. ат̇ааби ‘‘мама д̇ал̣аагам̣ ваа богкаран̣им̣ ваа сан̇гхасса д̣̇аммий’’д̇и вуд̇д̇з ‘‘саад̇ху убаасага, сан̇гхо баанийяам̣ бивиссад̇ий’’д̇иаад̣̇ийни вад̇ваа барибхун̃ж̇ид̇ум̣ ваддад̇иязва.
60. Sace koci ‘‘mayhaṃ tisassasampādanakaṃ mahātaḷākaṃ atthi, taṃ saṃghassa dammī’’ti vadati, tañce saṃgho sampaṭicchati, paṭiggahaṇepi paribhogepi āpattiyeva. Yo pana taṃ paṭikkhipati, so purimanayeneva na kenaci kiñci vattabbo. Yo hi taṃ codeti, sveva sāpattiko hoti . Tena panekena bahū anāpattikā katā. Yo pana ‘‘tādisaṃyeva taḷākaṃ dammī’’ti vatvā bhikkhūhi ‘‘na vaṭṭatī’’ti paṭikkhitto vadati ‘‘asukañca asukañca saṅghassa taḷākaṃ atthi, taṃ kathaṃ vaṭṭatī’’ti. So vattabbo ‘‘kappiyaṃ katvā dinnaṃ bhavissatī’’ti. Kathaṃ dinnaṃ kappiyaṃ hotīti. ‘‘Cattāro paccaye paribhuñjathā’’ti vatvā dinnanti. So sace ‘‘sādhu, bhante cattāro paccaye paribhuñjathā’’ti deti, vaṭṭati. Athāpi ‘‘taḷākaṃ gaṇhathā’’ti vatvā ‘‘na vaṭṭatī’’ti paṭikkhitto ‘‘kappiyakārako atthī’’ti pucchitvā ‘‘natthī’’ti vutte ‘‘idaṃ asuko nāma vicāressati, asukassa vā hatthe mayhaṃ vā hatthe bhavissati, saṅgho kappiyabhaṇḍaṃ paribhuñjatū’’ti vadati, vaṭṭati. Sacepi ‘‘na vaṭṭatī’’ti paṭikkhitto ‘‘udakaṃ paribhuñjissati, bhaṇḍakaṃ dhovissati, migapakkhino pivissantī’’ti vadati, evampi vaṭṭati. Athāpi ‘‘na vaṭṭatī’’ti paṭikkhitto vadati ‘‘kappiyasīsena gaṇhathā’’ti. ‘‘Sādhu upāsaka, saṅgho pānīyaṃ pivissati, bhaṇḍakaṃ dhovissati, migapakkhino pivissantī’’ti vatvā paribhuñjituṃ vaṭṭati. Athāpi ‘‘mama taḷākaṃ vā pokkharaṇiṃ vā saṅghassa dammī’’ti vutte ‘‘sādhu upāsaka, saṅgho pānīyaṃ pivissatī’’tiādīni vatvā paribhuñjituṃ vaṭṭatiyeva.
яад̣̇и бана бхигкуухи хад̇т̇агаммам̣ яаажид̇ваа сахад̇т̇зна жа габбияабат̇авим̣ кан̣ид̇ваа уд̣̇агабарибхог̇ад̇т̇ааяа д̇ал̣аагам̣ гаарид̇ам̣ ход̇и, д̇ан̃жз ниссааяа сассам̣ нибпаад̣̇зд̇ваа мануссаа вихаарз габбияабхан̣д̣ам̣ д̣̇знд̇и, ваддад̇и. ат̇а мануссаа зва сан̇гхасса убагаарад̇т̇ааяа сан̇гхигабхуумим̣ кан̣ид̇ваа д̇ам̣ ниссааяа нибпаннасассад̇о габбияабхан̣д̣ам̣ д̣̇знд̇и, зд̇амби ваддад̇и. ‘‘амхаагам̣ згам̣ габбияагаарагам̣ табзт̇аа’’д̇и вуд̇д̇з жа табзд̇умби лаб̣бхад̇и. ат̇а д̇з мануссаа рааж̇аб̣алинаа убад̣̇д̣̇уд̇аа баггаманд̇и, ан̃н̃з бадибаж̇ж̇анд̇и, на жа бхигкуунам̣ гин̃жи д̣̇знд̇и, уд̣̇агам̣ ваарзд̇ум̣ лаб̣бхад̇и, д̇ан̃жа ко гасигаммагаалзязва, на сассагаалз. сажз д̇з вад̣̇анд̇и ‘‘нану, бханд̇з, буб̣б̣зби мануссаа имам̣ ниссааяа сассам̣ агам̣суу’’д̇и, д̇ад̇о вад̇д̇аб̣б̣аа ‘‘д̇з сан̇гхасса иман̃жа иман̃жа убагаарам̣ агам̣су, ид̣̇ан̃жид̣̇ан̃жа габбияабхан̣д̣агам̣ ад̣̇ам̣суу’’д̇и. сажз д̇з вад̣̇анд̇и ‘‘маяамби д̣̇ассаамаа’’д̇и, звамби ваддад̇и.
Yadi pana bhikkhūhi hatthakammaṃ yācitvā sahatthena ca kappiyapathaviṃ khaṇitvā udakaparibhogatthāya taḷākaṃ kāritaṃ hoti, tañce nissāya sassaṃ nipphādetvā manussā vihāre kappiyabhaṇḍaṃ denti, vaṭṭati. Atha manussā eva saṅghassa upakāratthāya saṅghikabhūmiṃ khaṇitvā taṃ nissāya nipphannasassato kappiyabhaṇḍaṃ denti, etampi vaṭṭati. ‘‘Amhākaṃ ekaṃ kappiyakārakaṃ ṭhapethā’’ti vutte ca ṭhapetumpi labbhati. Atha te manussā rājabalinā upaddutā pakkamanti, aññe paṭipajjanti, na ca bhikkhūnaṃ kiñci denti, udakaṃ vāretuṃ labbhati, tañca kho kasikammakāleyeva, na sassakāle. Sace te vadanti ‘‘nanu, bhante, pubbepi manussā imaṃ nissāya sassaṃ akaṃsū’’ti, tato vattabbā ‘‘te saṅghassa imañca imañca upakāraṃ akaṃsu, idañcidañca kappiyabhaṇḍakaṃ adaṃsū’’ti. Sace te vadanti ‘‘mayampi dassāmā’’ti, evampi vaṭṭati.
сажз бана гожи аб̣яад̇д̇о агаббияавохаарзна д̇ал̣аагам̣ бадиг̇г̇ан̣хаад̇и ваа гаарзд̇и ваа, д̇ам̣ бхигкуухи на барибхун̃ж̇ид̇аб̣б̣ам̣, д̇ам̣ ниссааяа лад̣̇д̇хагаббияабхан̣д̣амби агаббияамзва . сажз бхигкуухи барижжад̇д̇абхаавам̣ н̃ад̇ваа саамиго ваа д̇асса буд̇д̇ад̇хийд̇аро ваа ан̃н̃о ваа гожи вам̣сз уббанно буна габбияавохаарзна д̣̇зд̇и, ваддад̇и. бажчиннз гулавам̣сз яо д̇асса ж̇анабад̣̇асса саамиго, со ажчинд̣̇ид̇ваа габбияавохаарзна буна д̣̇зд̇и жид̇д̇алабаб̣б̣ад̇з бхигкунаа нийхадауд̣̇агаваахагам̣ ал̣анааг̇арааж̇амахзсий вияа, звамби ваддад̇и. габбияавохаарзби уд̣̇агавасзна бадиг̇г̇ахид̇ад̇ал̣аагз суд̣̇д̇хажид̇д̇аанам̣ мад̇д̇игуд̣̇д̇харан̣абаал̣иб̣анд̇ханаад̣̇ийни жа гаад̇ум̣ ваддад̇и. д̇ам̣ ниссааяа бана сассам̣ гаронд̇з д̣̇исваа габбияагаарагам̣ табзд̇ум̣ на ваддад̇и. яад̣̇и д̇з саяамзва габбияабхан̣д̣ам̣ д̣̇знд̇и, г̇ахзд̇аб̣б̣ам̣. но жз д̣̇знд̇и, на жод̣̇зд̇аб̣б̣ам̣. бажжаяавасзна бадиг̇г̇ахид̇ад̇ал̣аагз габбияагаарагам̣ табзд̇ум̣ ваддад̇и, мад̇д̇игуд̣̇д̇харан̣абаал̣иб̣анд̇ханаад̣̇ийни гаарзд̇ум̣ на ваддад̇и. сажз габбияагаарагаа саяамзва гаронд̇и, ваддад̇и. аб̣яад̇д̇зна бана лаж̇ж̇ибхигкунаа гаараабид̇зсу гин̃жааби бадиг̇г̇ахан̣ам̣ габбияам̣, бхигкусса бана баяог̇абажжаяаа уббаннзна миссад̇д̇аа висаг̇ад̇абин̣д̣абаад̇о вияа агаббияамам̣сарасамиссабхож̇анам̣ вияа жа д̣̇уб̣б̣инибхог̇ам̣ ход̇и, саб̣б̣зсам̣ агаббияамзва.
Sace pana koci abyatto akappiyavohārena taḷākaṃ paṭiggaṇhāti vā kāreti vā, taṃ bhikkhūhi na paribhuñjitabbaṃ, taṃ nissāya laddhakappiyabhaṇḍampi akappiyameva . Sace bhikkhūhi pariccattabhāvaṃ ñatvā sāmiko vā tassa puttadhītaro vā añño vā koci vaṃse uppanno puna kappiyavohārena deti, vaṭṭati. Pacchinne kulavaṃse yo tassa janapadassa sāmiko, so acchinditvā kappiyavohārena puna deti cittalapabbate bhikkhunā nīhaṭaudakavāhakaṃ aḷanāgarājamahesī viya, evampi vaṭṭati. Kappiyavohārepi udakavasena paṭiggahitataḷāke suddhacittānaṃ mattikuddharaṇapāḷibandhanādīni ca kātuṃ vaṭṭati. Taṃ nissāya pana sassaṃ karonte disvā kappiyakārakaṃ ṭhapetuṃ na vaṭṭati. Yadi te sayameva kappiyabhaṇḍaṃ denti, gahetabbaṃ. No ce denti, na codetabbaṃ. Paccayavasena paṭiggahitataḷāke kappiyakārakaṃ ṭhapetuṃ vaṭṭati, mattikuddharaṇapāḷibandhanādīni kāretuṃ na vaṭṭati. Sace kappiyakārakā sayameva karonti, vaṭṭati. Abyattena pana lajjibhikkhunā kārāpitesu kiñcāpi paṭiggahaṇaṃ kappiyaṃ, bhikkhussa pana payogapaccayā uppannena missattā visagatapiṇḍapāto viya akappiyamaṃsarasamissabhojanaṃ viya ca dubbinibhogaṃ hoti, sabbesaṃ akappiyameva.
61. сажз бана уд̣̇агасса огаасо ад̇т̇и, д̇ал̣аагасса баал̣и т̇ираа, ‘‘яат̇аа б̣ахум̣ уд̣̇агам̣ г̇ан̣хаад̇и, звам̣ гарохи, д̇ийрасамийбз уд̣̇агам̣ гарохий’’д̇и звам̣ уд̣̇агамзва вижаарзд̇и, ваддад̇и. уд̣̇д̇ханз аг̇г̇им̣ на баад̇знд̇и, ‘‘уд̣̇агагаммам̣ лаб̣бхад̇у убаасагаа’’д̇и вад̇д̇ум̣ ваддад̇и, ‘‘сассам̣ гад̇ваа аахарат̇аа’’д̇и вад̇д̇ум̣ бана на ваддад̇и. сажз бана д̇ал̣аагз ад̇иб̣ахум̣ уд̣̇агам̣ д̣̇исваа бассад̇о ваа бидтид̇о ваа маад̇игам̣ нийхараабзд̇и, ванам̣ чинд̣̇аабзд̇ваа гзд̣̇аарз гаараабзд̇и, бораан̣агзд̣̇аарзсу ваа багад̇ибхааг̇ам̣ аг̇г̇ахзд̇ваа ад̇ирзгам̣ г̇ан̣хаад̇и, навасассз ваа абарижчиннабхааг̇з ‘‘зд̇д̇агз гахаабан̣з д̣̇зт̇аа’’д̇и гахаабан̣з удтаабзд̇и, саб̣б̣зсам̣ агаббияам̣.
61. Sace pana udakassa okāso atthi, taḷākassa pāḷi thirā, ‘‘yathā bahuṃ udakaṃ gaṇhāti, evaṃ karohi, tīrasamīpe udakaṃ karohī’’ti evaṃ udakameva vicāreti, vaṭṭati. Uddhane aggiṃ na pātenti, ‘‘udakakammaṃ labbhatu upāsakā’’ti vattuṃ vaṭṭati, ‘‘sassaṃ katvā āharathā’’ti vattuṃ pana na vaṭṭati. Sace pana taḷāke atibahuṃ udakaṃ disvā passato vā piṭṭhito vā mātikaṃ nīharāpeti, vanaṃ chindāpetvā kedāre kārāpeti, porāṇakedāresu vā pakatibhāgaṃ aggahetvā atirekaṃ gaṇhāti, navasasse vā aparicchinnabhāge ‘‘ettake kahāpaṇe dethā’’ti kahāpaṇe uṭṭhāpeti, sabbesaṃ akappiyaṃ.
яо бана ‘‘гасат̇а вабат̇аа’’д̇и авад̇ваа ‘‘зд̇д̇агааяа бхуумияаа зд̇д̇аго наама бхааг̇о’’д̇и звам̣ бхуумим̣ ваа бад̇идтаабзд̇и, ‘‘зд̇д̇агз бхуумибхааг̇з амхзхи сассам̣ гад̇ам̣, зд̇д̇агам̣ наама бхааг̇ам̣ г̇ан̣хат̇аа’’д̇и вад̣̇анд̇зсу гассагзсу бхуумиббамаан̣аг̇ахан̣ад̇т̇ам̣ раж̇ж̇уяаа ваа д̣̇ан̣д̣зна ваа минаад̇и, калз ваа тад̇ваа рагкад̇и, калад̇о ваа нийхараабзд̇и, годтааг̇аарз ваа бадисаамзд̇и, д̇ассзва д̇ам̣ агаббияам̣. сажз гассагаа гахаабан̣з аахарид̇ваа ‘‘имз сан̇гхасса аахадаа’’д̇и вад̣̇анд̇и, ан̃н̃ад̇аро жа бхигку ‘‘на сан̇гхо гахаабан̣з каад̣̇ад̇ий’’д̇и сан̃н̃ааяа ‘‘зд̇д̇агзхи гахаабан̣зхи саадагз аахарат̇а , зд̇д̇агзхи яааг̇уаад̣̇ийни самбаад̣̇зт̇аа’’д̇и вад̣̇ад̇и, яам̣ д̇з аахаранд̇и, д̇ам̣ саб̣б̣зсам̣ агаббияам̣. гасмаа? гахаабан̣аанам̣ вижаарид̇ад̇д̇аа. сажз д̇хан̃н̃ам̣ аахарид̇ваа ‘‘ид̣̇ам̣ сан̇гхасса аахада’’нд̇и вад̣̇анд̇и, ан̃н̃ад̇аро жа бхигку буриманаязнзва ‘‘зд̇д̇агзхи вийхийхи ид̣̇ан̃жид̣̇ан̃жа аахарат̇аа’’д̇и вад̣̇ад̇и, яам̣ д̇з аахаранд̇и, д̇ам̣ д̇ассзва агаббияам̣. гасмаа? д̇хан̃н̃асса вижаарид̇ад̇д̇аа. сажз д̇ан̣д̣улам̣ ваа абаран̣н̣ам̣ ваа аахарид̇ваа ‘‘ид̣̇ам̣ сан̇гхасса аахада’’нд̇и вад̣̇анд̇и, ан̃н̃ад̇аро жа бхигку буриманаязнзва ‘‘зд̇д̇агзхи д̇ан̣д̣улзхи ид̣̇ан̃жид̣̇ан̃жа аахарат̇аа’’д̇и вад̣̇ад̇и, яам̣ д̇з аахаранд̇и, д̇ам̣ саб̣б̣зсам̣ габбияам̣. гасмаа? габбияаанам̣ д̇ан̣д̣улаад̣̇ийнам̣ вижаарид̇ад̇д̇аа. гаяавиггаязби анаабад̇д̇и габбияагаарагасса аажигкид̇ад̇д̇аа.
Yo pana ‘‘kasatha vapathā’’ti avatvā ‘‘ettakāya bhūmiyā ettako nāma bhāgo’’ti evaṃ bhūmiṃ vā patiṭṭhāpeti, ‘‘ettake bhūmibhāge amhehi sassaṃ kataṃ, ettakaṃ nāma bhāgaṃ gaṇhathā’’ti vadantesu kassakesu bhūmippamāṇagahaṇatthaṃ rajjuyā vā daṇḍena vā mināti, khale vā ṭhatvā rakkhati, khalato vā nīharāpeti, koṭṭhāgāre vā paṭisāmeti, tasseva taṃ akappiyaṃ. Sace kassakā kahāpaṇe āharitvā ‘‘ime saṅghassa āhaṭā’’ti vadanti, aññataro ca bhikkhu ‘‘na saṅgho kahāpaṇe khādatī’’ti saññāya ‘‘ettakehi kahāpaṇehi sāṭake āharatha , ettakehi yāguādīni sampādethā’’ti vadati, yaṃ te āharanti, taṃ sabbesaṃ akappiyaṃ. Kasmā? Kahāpaṇānaṃ vicāritattā. Sace dhaññaṃ āharitvā ‘‘idaṃ saṅghassa āhaṭa’’nti vadanti, aññataro ca bhikkhu purimanayeneva ‘‘ettakehi vīhīhi idañcidañca āharathā’’ti vadati, yaṃ te āharanti, taṃ tasseva akappiyaṃ. Kasmā? Dhaññassa vicāritattā. Sace taṇḍulaṃ vā aparaṇṇaṃ vā āharitvā ‘‘idaṃ saṅghassa āhaṭa’’nti vadanti, aññataro ca bhikkhu purimanayeneva ‘‘ettakehi taṇḍulehi idañcidañca āharathā’’ti vadati, yaṃ te āharanti, taṃ sabbesaṃ kappiyaṃ. Kasmā? Kappiyānaṃ taṇḍulādīnaṃ vicāritattā. Kayavikkayepi anāpatti kappiyakārakassa ācikkhitattā.
62. буб̣б̣з бана жид̇д̇алабаб̣б̣ад̇з зго бхигку жад̇усаалад̣̇ваарз ‘‘ахо вад̇а свз сан̇гхасса зд̇д̇агаббамаан̣з буувз бажзяяу’’нд̇и аараамигаанам̣ сан̃н̃ааж̇ананад̇т̇ам̣ бхуумияам̣ ман̣д̣алам̣ агааси. д̇ам̣ д̣̇исваа чзго аараамиго д̇ат̇зва гад̇ваа д̣̇уд̇ияад̣̇ивасз бхзрияаа аагодид̇ааяа саннибад̇ид̇з сан̇гхз буувам̣ г̇ахзд̇ваа сан̇гхад̇т̇зрам̣ ааха – ‘‘бханд̇з, амхзхи ид̇о буб̣б̣з нзва бид̇уунам̣, на бид̇аамахаанам̣ зваруубам̣ суд̇абуб̣б̣ам̣, згзна аяязна жад̇усаалад̣̇ваарз буувад̇т̇ааяа сан̃н̃аа гад̇аа, ид̇о д̣̇аани бабхуд̇и аяяаа ад̇д̇ано ад̇д̇ано жид̇д̇аануруубам̣ вад̣̇анд̇у, амхаагамби паасувихааро бхависсад̇ий’’д̇и. махаат̇зро д̇ад̇ова нивад̇д̇и, згабхигкунааби бууво на г̇ахид̇о. звам̣ буб̣б̣з д̇ад̇руббаад̣̇ам̣ на барибхун̃ж̇им̣су. д̇асмаа –
62. Pubbe pana cittalapabbate eko bhikkhu catusāladvāre ‘‘aho vata sve saṅghassa ettakappamāṇe pūve paceyyu’’nti ārāmikānaṃ saññājananatthaṃ bhūmiyaṃ maṇḍalaṃ akāsi. Taṃ disvā cheko ārāmiko tatheva katvā dutiyadivase bheriyā ākoṭitāya sannipatite saṅghe pūvaṃ gahetvā saṅghattheraṃ āha – ‘‘bhante, amhehi ito pubbe neva pitūnaṃ, na pitāmahānaṃ evarūpaṃ sutapubbaṃ, ekena ayyena catusāladvāre pūvatthāya saññā katā, ito dāni pabhuti ayyā attano attano cittānurūpaṃ vadantu, amhākampi phāsuvihāro bhavissatī’’ti. Mahāthero tatova nivatti, ekabhikkhunāpi pūvo na gahito. Evaṃ pubbe tatruppādaṃ na paribhuñjiṃsu. Tasmā –
саллзкам̣ ажжаж̇анд̇зна, аббамад̇д̇зна бхигкунаа;
Sallekhaṃ accajantena, appamattena bhikkhunā;
габбиязби на гаад̇аб̣б̣аа, аамисад̇т̇ааяа лолад̇аад̇и. (баараа. адта. 2.538-9);
Kappiyepi na kātabbā, āmisatthāya lolatāti. (pārā. aṭṭha. 2.538-9);
яо жааяам̣ д̇ал̣аагз вуд̇д̇о, богкаран̣ийуд̣̇агаваахагамаад̇игаад̣̇ийсуби зсзва наяо.
Yo cāyaṃ taḷāke vutto, pokkharaṇīudakavāhakamātikādīsupi eseva nayo.
63. буб̣б̣ан̣н̣аабаран̣н̣аужчупалаапалаад̣̇ийнам̣ вируханадтаанам̣ яам̣ гин̃жи кзд̇д̇ам̣ ваа вад̇т̇ум̣ ваа ‘‘д̣̇аммий’’д̇и вуд̇д̇зби ‘‘на ваддад̇ий’’д̇и бадигкибид̇ваа д̇ал̣аагз вуд̇д̇анаязнзва яад̣̇аа габбияавохаарзна ‘‘жад̇убажжаяабарибхог̇ад̇т̇ааяа д̣̇аммий’’д̇и вад̣̇ад̇и, д̇ад̣̇аа самбадижчид̇аб̣б̣ам̣, ‘‘ванам̣ д̣̇амми аран̃н̃ам̣ д̣̇аммий’’д̇и вуд̇д̇з бана ваддад̇и. сажз мануссаа бхигкуухи анаан̣ад̇д̇ааязва д̇ад̇т̇а ругкз чинд̣̇ид̇ваа абаран̣н̣аад̣̇ийни самбаад̣̇зд̇ваа бхигкуунам̣ бхааг̇ам̣ д̣̇знд̇и, ваддад̇и, ад̣̇знд̇аа на жод̣̇зд̇аб̣б̣аа. сажз гзнажид̣̇зва анд̇арааязна д̇зсу багганд̇зсу ан̃н̃з гаронд̇и, на жа бхигкуунам̣ гин̃жи д̣̇знд̇и, д̇з ваарзд̇аб̣б̣аа. сажз вад̣̇анд̇и ‘‘нану, бханд̇з, буб̣б̣з мануссаа ид̇ха сассаани агам̣суу’’д̇и, д̇ад̇о вад̇д̇аб̣б̣аа ‘‘д̇з сан̇гхасса ид̣̇ан̃жид̣̇ан̃жа габбияабхан̣д̣ам̣ ад̣̇ам̣суу’’д̇и. сажз вад̣̇анд̇и ‘‘маяамби д̣̇ассаамаа’’д̇и, звам̣ ваддад̇и.
63. Pubbaṇṇāparaṇṇaucchuphalāphalādīnaṃ viruhanaṭṭhānaṃ yaṃ kiñci khettaṃ vā vatthuṃ vā ‘‘dammī’’ti vuttepi ‘‘na vaṭṭatī’’ti paṭikkhipitvā taḷāke vuttanayeneva yadā kappiyavohārena ‘‘catupaccayaparibhogatthāya dammī’’ti vadati, tadā sampaṭicchitabbaṃ, ‘‘vanaṃ dammi araññaṃ dammī’’ti vutte pana vaṭṭati. Sace manussā bhikkhūhi anāṇattāyeva tattha rukkhe chinditvā aparaṇṇādīni sampādetvā bhikkhūnaṃ bhāgaṃ denti, vaṭṭati, adentā na codetabbā. Sace kenacideva antarāyena tesu pakkantesu aññe karonti, na ca bhikkhūnaṃ kiñci denti, te vāretabbā. Sace vadanti ‘‘nanu, bhante, pubbe manussā idha sassāni akaṃsū’’ti, tato vattabbā ‘‘te saṅghassa idañcidañca kappiyabhaṇḍaṃ adaṃsū’’ti. Sace vadanti ‘‘mayampi dassāmā’’ti, evaṃ vaṭṭati.
гин̃жи сассудтаанагам̣ бхуумиббад̣̇зсам̣ санд̇хааяа ‘‘сиймам̣ д̣̇змаа’’д̇и вад̣̇анд̇и, ваддад̇и. сиймабарижчзд̣̇анад̇т̇ам̣ бана т̇амбхаа ваа баасаан̣аа ваа саяам̣ на табзд̇аб̣б̣аа, бхууми наама анаг̇гхаа, аббагзнаби баарааж̇иго бхавзяяа. аараамигаанам̣ бана вад̇д̇аб̣б̣ам̣ ‘‘иминаа таанзна амхаагам̣ сиймаа г̇ад̇аа’’д̇и. сажзби хи д̇з ад̇хигам̣ г̇ан̣ханд̇и, барияааязна гат̇ид̇ад̇д̇аа анаабад̇д̇и. яад̣̇и бана рааж̇арааж̇амахаамад̇д̇аад̣̇аяо саяамзва т̇амбхз табаабзд̇ваа ‘‘жад̇д̇ааро бажжаяз барибхун̃ж̇ат̇аа’’д̇и д̣̇знд̇и, ваддад̇иязва.
Kiñci sassuṭṭhānakaṃ bhūmippadesaṃ sandhāya ‘‘sīmaṃ demā’’ti vadanti, vaṭṭati. Sīmaparicchedanatthaṃ pana thambhā vā pāsāṇā vā sayaṃ na ṭhapetabbā, bhūmi nāma anagghā, appakenapi pārājiko bhaveyya. Ārāmikānaṃ pana vattabbaṃ ‘‘iminā ṭhānena amhākaṃ sīmā gatā’’ti. Sacepi hi te adhikaṃ gaṇhanti, pariyāyena kathitattā anāpatti. Yadi pana rājarājamahāmattādayo sayameva thambhe ṭhapāpetvā ‘‘cattāro paccaye paribhuñjathā’’ti denti, vaṭṭatiyeva.
сажз гожи анд̇осиймааяам̣ д̇ал̣аагам̣ ваа кан̣ад̇и, вихаарамаж̇жхзна ваа маад̇игам̣ нзд̇и, жзд̇ияан̇г̇ан̣аб̣од̇хияан̇г̇ан̣аад̣̇ийни д̣̇уссанд̇и, ваарзд̇аб̣б̣о. сажз сан̇гхо гин̃жи лабхид̇ваа аамисаг̇аругад̇ааяа на ваарзд̇и, зго бхигку ваарзд̇и, сова бхигку иссаро. сажз зго бхигку на ваарзд̇и ‘‘нзт̇а д̇умхз’’д̇и, д̇зсам̣язва багко ход̇и. сан̇гхо ваарзд̇и, сан̇гхова иссаро. сан̇гхигзсу хи гаммзсу яо д̇хаммагаммам̣ гарод̇и, сова иссаро. сажз ваарияамааноби гарод̇и, хздтаа г̇ахид̇ам̣ бам̣сум̣ хздтаа багкибид̇ваа, убари г̇ахид̇ам̣ бам̣сум̣ убари багкибид̇ваа буурзд̇аб̣б̣аа.
Sace koci antosīmāyaṃ taḷākaṃ vā khaṇati, vihāramajjhena vā mātikaṃ neti, cetiyaṅgaṇabodhiyaṅgaṇādīni dussanti, vāretabbo. Sace saṅgho kiñci labhitvā āmisagarukatāya na vāreti, eko bhikkhu vāreti, sova bhikkhu issaro. Sace eko bhikkhu na vāreti ‘‘netha tumhe’’ti, tesaṃyeva pakkho hoti. Saṅgho vāreti, saṅghova issaro. Saṅghikesu hi kammesu yo dhammakammaṃ karoti, sova issaro. Sace vāriyamānopi karoti, heṭṭhā gahitaṃ paṃsuṃ heṭṭhā pakkhipitvā, upari gahitaṃ paṃsuṃ upari pakkhipitvā pūretabbā.
сажз гожи яат̇ааж̇аад̇амзва ужчум̣ ваа абаран̣н̣ам̣ ваа алааб̣угумбхан̣д̣аад̣̇игам̣ ваа валлипалам̣ д̣̇аад̇угаамо ‘‘зд̇ам̣ саб̣б̣ам̣ ужчукзд̇д̇ам̣ абаран̣н̣авад̇т̇ум̣ валлипалааваадам̣ д̣̇аммий’’д̇и вад̣̇ад̇и, саха вад̇т̇унаа бараамадтад̇д̇аа на ваддад̇ийд̇и махаасумад̇т̇зро ааха. махаабад̣̇умад̇т̇зро бана ‘‘абхилаабамад̇д̇амзд̇ам̣, саамигаанам̣язва хи со бхуумибхааг̇о, д̇асмаа ваддад̇ий’’д̇и ааха. ‘‘д̣̇аасам̣ д̣̇аммий’’д̇и вад̣̇ад̇и, на ваддад̇и. ‘‘аараамигам̣ д̣̇амми, взяяааважжагарам̣ д̣̇амми, габбияагаарагам̣ д̣̇аммий’’д̇и вуд̇д̇з ваддад̇и. сажз аараамиго бурзбхад̇д̇амби бажчаабхад̇д̇амби сан̇гхассзва гаммам̣ гарод̇и, сааман̣зрасса вияа саб̣б̣ам̣ бхзсаж̇ж̇ам̣ бадиж̇аг̇г̇анамби д̇асса гаад̇аб̣б̣ам̣. сажз бурзбхад̇д̇амзва сан̇гхасса гаммам̣ гарод̇и, бажчаабхад̇д̇ам̣ ад̇д̇ано гарод̇и, сааяам̣ ниваабо на д̣̇аад̇аб̣б̣о. язби бан̃жад̣̇ивасаваарзна ваа багкаваарзна ваа сан̇гхасса гаммам̣ гад̇ваа сзсагаалз ад̇д̇ано гаммам̣ гаронд̇и, д̇зсамби гаран̣агаалзязва бхад̇д̇ан̃жа ниваабо жа д̣̇аад̇аб̣б̣о. сажз сан̇гхасса гаммам̣ над̇т̇и, ад̇д̇аноязва гаммам̣ гад̇ваа ж̇ийванд̇и, д̇з жз хад̇т̇агаммамуулам̣ аанзд̇ваа д̣̇знд̇и, г̇ахзд̇аб̣б̣ам̣. но жз д̣̇знд̇и, на гин̃жи вад̇д̇аб̣б̣аа. яам̣ гин̃жи раж̇агад̣̇аасамби бзсагаарад̣̇аасамби аараамиганаамзна самбадижчид̇ум̣ ваддад̇и.
Sace koci yathājātameva ucchuṃ vā aparaṇṇaṃ vā alābukumbhaṇḍādikaṃ vā valliphalaṃ dātukāmo ‘‘etaṃ sabbaṃ ucchukhettaṃ aparaṇṇavatthuṃ valliphalāvāṭaṃ dammī’’ti vadati, saha vatthunā parāmaṭṭhattā na vaṭṭatīti mahāsumatthero āha. Mahāpadumatthero pana ‘‘abhilāpamattametaṃ, sāmikānaṃyeva hi so bhūmibhāgo, tasmā vaṭṭatī’’ti āha. ‘‘Dāsaṃ dammī’’ti vadati, na vaṭṭati. ‘‘Ārāmikaṃ dammi, veyyāvaccakaraṃ dammi, kappiyakārakaṃ dammī’’ti vutte vaṭṭati. Sace ārāmiko purebhattampi pacchābhattampi saṅghasseva kammaṃ karoti, sāmaṇerassa viya sabbaṃ bhesajjaṃ paṭijagganampi tassa kātabbaṃ. Sace purebhattameva saṅghassa kammaṃ karoti, pacchābhattaṃ attano karoti, sāyaṃ nivāpo na dātabbo. Yepi pañcadivasavārena vā pakkhavārena vā saṅghassa kammaṃ katvā sesakāle attano kammaṃ karonti, tesampi karaṇakāleyeva bhattañca nivāpo ca dātabbo. Sace saṅghassa kammaṃ natthi, attanoyeva kammaṃ katvā jīvanti, te ce hatthakammamūlaṃ ānetvā denti, gahetabbaṃ. No ce denti, na kiñci vattabbā. Yaṃ kiñci rajakadāsampi pesakāradāsampi ārāmikanāmena sampaṭicchituṃ vaṭṭati.
сажз ‘‘г̇ааво д̣̇змаа’’д̇и вад̣̇анд̇и, ‘‘на ваддад̇ий’’д̇и бадигкибид̇аб̣б̣аа. имаа г̇ааво гуд̇од̇и. бан̣д̣ид̇зхи бан̃жаг̇орасабарибхог̇ад̇т̇ааяа д̣̇иннаад̇и. ‘‘маяамби бан̃жаг̇орасабарибхог̇ад̇т̇ааяа д̣̇змаа’’д̇и вуд̇д̇з вадданд̇и. аж̇игаад̣̇ийсуби зсзва наяо. ‘‘хад̇т̇им̣ д̣̇зма, ассам̣, махим̣сам̣, гуггудам̣, суугарам̣ д̣̇змаа’’д̇и вад̣̇анд̇и, самбадижчид̇ум̣ на ваддад̇и. сажз гзжи мануссаа ‘‘аббоссуггаа, бханд̇з, д̇умхз хот̇а, маяам̣ имз г̇ахзд̇ваа д̇умхаагам̣ габбияабхан̣д̣ам̣ д̣̇ассаамаа’’д̇и г̇ан̣ханд̇и, ваддад̇и. гуггудасуугарз ‘‘сукам̣ ж̇ийванд̇уу’’д̇и аран̃н̃з виссаж̇ж̇аабзд̇ум̣ ваддад̇и. ‘‘имам̣ д̇ал̣аагам̣, имам̣ кзд̇д̇ам̣, имам̣ вад̇т̇ум̣ вихаарасса д̣̇змаа’’д̇и вуд̇д̇з бадигкибид̇ум̣ на лаб̣бхад̇и.
Sace ‘‘gāvo demā’’ti vadanti, ‘‘na vaṭṭatī’’ti paṭikkhipitabbā. Imā gāvo kutoti. Paṇḍitehi pañcagorasaparibhogatthāya dinnāti. ‘‘Mayampi pañcagorasaparibhogatthāya demā’’ti vutte vaṭṭanti. Ajikādīsupi eseva nayo. ‘‘Hatthiṃ dema, assaṃ, mahiṃsaṃ, kukkuṭaṃ, sūkaraṃ demā’’ti vadanti, sampaṭicchituṃ na vaṭṭati. Sace keci manussā ‘‘appossukkā, bhante, tumhe hotha, mayaṃ ime gahetvā tumhākaṃ kappiyabhaṇḍaṃ dassāmā’’ti gaṇhanti, vaṭṭati. Kukkuṭasūkare ‘‘sukhaṃ jīvantū’’ti araññe vissajjāpetuṃ vaṭṭati. ‘‘Imaṃ taḷākaṃ, imaṃ khettaṃ, imaṃ vatthuṃ vihārassa demā’’ti vutte paṭikkhipituṃ na labbhati.
64. сажз гожи бхигкум̣ уд̣̇д̣̇исса д̣̇ууд̇зна хиран̃н̃асуван̣н̣аад̣̇ижийваражзд̇аабаннам̣ бахин̣зяяа ‘‘иминаа жийваражзд̇аабаннзна жийварам̣ жзд̇аабзд̇ваа ид̇т̇аннаамам̣ бхигкум̣ жийварзна ажчаад̣̇зхий’’д̇и, со жз д̣̇ууд̇о д̇ам̣ бхигкум̣ убасан̇гамид̇ваа звам̣ вад̣̇зяяа ‘‘ид̣̇ам̣ ко, бханд̇з, ааяасманд̇ам̣ уд̣̇д̣̇исса жийваражзд̇аабаннам̣ аабхад̇ам̣, бадиг̇г̇ан̣хад̇у ааяасмаа жийваражзд̇аабанна’’нд̇и, д̇зна бхигкунаа со д̣̇ууд̇о звамасса важанийяо ‘‘на ко маяам̣, аавусо, жийваражзд̇аабаннам̣ бадиг̇г̇ан̣хаама, жийваран̃жа ко маяам̣ бадиг̇г̇ан̣хаама гаалзна габбияа’’нд̇и. со жз д̣̇ууд̇о д̇ам̣ бхигкум̣ звам̣ вад̣̇зяяа ‘‘ад̇т̇и банааяасмад̇о гожи взяяааважжагаро’’д̇и, жийварад̇т̇игзна бхигкунаа взяяааважжагаро нид̣̇д̣̇исид̇аб̣б̣о аараамиго ваа убаасаго ваа ‘‘зсо ко, аавусо, бхигкуунам̣ взяяааважжагаро’’д̇и. на вад̇д̇аб̣б̣о ‘‘д̇асса д̣̇зхий’’д̇и ваа ‘‘со ваа нигкибиссад̇и, со ваа баривад̇д̇зссад̇и, со ваа жзд̇аабзссад̇ий’’д̇и . со жз д̣̇ууд̇о д̇ам̣ взяяааважжагарам̣ сан̃н̃аабзд̇ваа д̇ам̣ бхигкум̣ убасан̇гамид̇ваа звам̣ вад̣̇зяяа ‘‘яам̣ ко, бханд̇з, ааяасмаа взяяааважжагарам̣ нид̣̇д̣̇иси, аан̣ад̇д̇о со маяаа, убасан̇гамад̇у ааяасмаа гаалзна, жийварзна д̇ам̣ ажчаад̣̇зссад̇ий’’д̇и. жийварад̇т̇игзна бхигкунаа взяяааважжагаро убасан̇гамид̇ваа д̣̇вад̇д̇игкад̇д̇ум̣ жод̣̇зд̇аб̣б̣о саарзд̇аб̣б̣о ‘‘ад̇т̇о мз, аавусо, жийварзнаа’’д̇и. на вад̇д̇аб̣б̣о ‘‘д̣̇зхи мз жийварам̣, аахара мз жийварам̣, баривад̇д̇зхи мз жийварам̣, жзд̇аабзхи мз жийвара’’нд̇и. сажз д̣̇вад̇д̇игкад̇д̇ум̣ жод̣̇аяамаано саараяамаано д̇ам̣ жийварам̣ абхинибпаад̣̇зд̇и, ижжзд̇ам̣ гусалам̣. но жз абхинибпаад̣̇зд̇и, д̇ад̇т̇а г̇анд̇ваа жад̇угкад̇д̇ум̣ бан̃жагкад̇д̇ум̣ чагкад̇д̇убарамам̣ д̇ун̣хийбхууд̇зна уд̣̇д̣̇исса таад̇аб̣б̣ам̣, на аасанз нисийд̣̇ид̇аб̣б̣ам̣, на аамисам̣ бадиг̇г̇ахзд̇аб̣б̣ам̣, на д̇хаммо бхаасид̇аб̣б̣о. ‘‘гим̣ гааран̣аа ааг̇ад̇осий’’д̇и бужчияамаанзна ‘‘ж̇аанаахи, аавусо’’д̇и зд̇д̇агамзва вад̇д̇аб̣б̣ам̣.
64. Sace koci bhikkhuṃ uddissa dūtena hiraññasuvaṇṇādicīvaracetāpannaṃ pahiṇeyya ‘‘iminā cīvaracetāpannena cīvaraṃ cetāpetvā itthannāmaṃ bhikkhuṃ cīvarena acchādehī’’ti, so ce dūto taṃ bhikkhuṃ upasaṅkamitvā evaṃ vadeyya ‘‘idaṃ kho, bhante, āyasmantaṃ uddissa cīvaracetāpannaṃ ābhataṃ, paṭiggaṇhatu āyasmā cīvaracetāpanna’’nti, tena bhikkhunā so dūto evamassa vacanīyo ‘‘na kho mayaṃ, āvuso, cīvaracetāpannaṃ paṭiggaṇhāma, cīvarañca kho mayaṃ paṭiggaṇhāma kālena kappiya’’nti. So ce dūto taṃ bhikkhuṃ evaṃ vadeyya ‘‘atthi panāyasmato koci veyyāvaccakaro’’ti, cīvaratthikena bhikkhunā veyyāvaccakaro niddisitabbo ārāmiko vā upāsako vā ‘‘eso kho, āvuso, bhikkhūnaṃ veyyāvaccakaro’’ti. Na vattabbo ‘‘tassa dehī’’ti vā ‘‘so vā nikkhipissati, so vā parivattessati, so vā cetāpessatī’’ti . So ce dūto taṃ veyyāvaccakaraṃ saññāpetvā taṃ bhikkhuṃ upasaṅkamitvā evaṃ vadeyya ‘‘yaṃ kho, bhante, āyasmā veyyāvaccakaraṃ niddisi, āṇatto so mayā, upasaṅkamatu āyasmā kālena, cīvarena taṃ acchādessatī’’ti. Cīvaratthikena bhikkhunā veyyāvaccakaro upasaṅkamitvā dvattikkhattuṃ codetabbo sāretabbo ‘‘attho me, āvuso, cīvarenā’’ti. Na vattabbo ‘‘dehi me cīvaraṃ, āhara me cīvaraṃ, parivattehi me cīvaraṃ, cetāpehi me cīvara’’nti. Sace dvattikkhattuṃ codayamāno sārayamāno taṃ cīvaraṃ abhinipphādeti, iccetaṃ kusalaṃ. No ce abhinipphādeti, tattha gantvā catukkhattuṃ pañcakkhattuṃ chakkhattuparamaṃ tuṇhībhūtena uddissa ṭhātabbaṃ, na āsane nisīditabbaṃ, na āmisaṃ paṭiggahetabbaṃ, na dhammo bhāsitabbo. ‘‘Kiṃ kāraṇā āgatosī’’ti pucchiyamānena ‘‘jānāhi, āvuso’’ti ettakameva vattabbaṃ.
сажз аасанз ваа нисийд̣̇ад̇и, аамисам̣ ваа бадиг̇г̇ан̣хаад̇и, д̇хаммам̣ ваа бхаасад̇и, таанам̣ бхан̃ж̇ад̇и. сажз жад̇угкад̇д̇ум̣ жод̣̇зд̇и, жад̇угкад̇д̇ум̣ таад̇аб̣б̣ам̣. бан̃жагкад̇д̇ум̣ жод̣̇зд̇и, д̣̇вигкад̇д̇ум̣ таад̇аб̣б̣ам̣. чагкад̇д̇ум̣ жод̣̇зд̇и, на таад̇аб̣б̣ам̣. згааяа хи жод̣̇анааяа таанад̣̇ваяам̣ бхан̃ж̇ад̇и. яат̇аа чагкад̇д̇ум̣ жод̣̇зд̇ваа на таад̇аб̣б̣ам̣, звам̣ д̣̇ваад̣̇асагкад̇д̇ум̣ тад̇ваа на жод̣̇зд̇аб̣б̣ам̣. д̇асмаа сажз жод̣̇зд̇иязва на д̇идтад̇и, ча жод̣̇анаа лаб̣бханд̇и. сажз д̇идтад̇иязва на жод̣̇зд̇и, д̣̇ваад̣̇аса таанаани лаб̣бханд̇и. сажз жод̣̇зд̇иби д̇идтад̇иби, згааяа жод̣̇анааяа д̣̇вз таанаани хаабзд̇аб̣б̣аани. д̇ад̇т̇а яо згад̣̇ивасамзва бунаббунам̣ г̇анд̇ваа чагкад̇д̇ум̣ жод̣̇зд̇и, сагим̣язва ваа г̇анд̇ваа ‘‘ад̇т̇о мз, аавусо, жийварзнаа’’д̇и чагкад̇д̇ум̣ вад̣̇ад̇и, д̇ад̇т̇а згад̣̇ивасамзва бунаббунам̣ г̇анд̇ваа д̣̇ваад̣̇асагкад̇д̇ум̣ д̇идтад̇и, сагимзва ваа г̇анд̇ваа д̇ад̇ра д̇ад̇ра таанз д̇идтад̇и, соби саб̣б̣ажод̣̇анааяо саб̣б̣адтаанаани жа бхан̃ж̇ад̇и, го бана ваад̣̇о наанаад̣̇ивасзсу. д̇ад̇о жз уд̇д̇ари вааяамамаано д̇ам̣ жийварам̣ абхинибпаад̣̇зд̇и, баяог̇з д̣̇уггадам̣, бадилаабхзна ниссаг̇г̇ияам̣ ход̇и. но жз саггод̇и д̇ам̣ абхинибпаад̣̇зд̇ум̣, яад̇о рааж̇ад̇о рааж̇амахаамад̇д̇ад̇о ваа асса бхигкуно д̇ам̣ жийваражзд̇аабаннам̣ аанийд̇ам̣, д̇асса санд̇игам̣ саамам̣ ваа г̇анд̇аб̣б̣ам̣, д̣̇ууд̇о ваа баахзд̇аб̣б̣о ‘‘яам̣ ко д̇умхз ааяасманд̇о бхигкум̣ уд̣̇д̣̇исса жийваражзд̇аабаннам̣ бахин̣ид̇т̇а, на д̇ам̣ д̇асса бхигкуно гин̃жи ад̇т̇ам̣ анубход̇и, яун̃ж̇анд̇ааяасманд̇о сагам̣, маа д̇умхаагам̣ санд̇агам̣ винассад̇уу’’д̇и. аяам̣ д̇ад̇т̇а саамийжи. яо бана нзва саамам̣ г̇ажчад̇и, на д̣̇ууд̇ам̣ баахзд̇и, вад̇д̇абхзд̣̇з д̣̇уггадам̣ аабаж̇ж̇ад̇и.
Sace āsane vā nisīdati, āmisaṃ vā paṭiggaṇhāti, dhammaṃ vā bhāsati, ṭhānaṃ bhañjati. Sace catukkhattuṃ codeti, catukkhattuṃ ṭhātabbaṃ. Pañcakkhattuṃ codeti, dvikkhattuṃ ṭhātabbaṃ. Chakkhattuṃ codeti, na ṭhātabbaṃ. Ekāya hi codanāya ṭhānadvayaṃ bhañjati. Yathā chakkhattuṃ codetvā na ṭhātabbaṃ, evaṃ dvādasakkhattuṃ ṭhatvā na codetabbaṃ. Tasmā sace codetiyeva na tiṭṭhati, cha codanā labbhanti. Sace tiṭṭhatiyeva na codeti, dvādasa ṭhānāni labbhanti. Sace codetipi tiṭṭhatipi, ekāya codanāya dve ṭhānāni hāpetabbāni. Tattha yo ekadivasameva punappunaṃ gantvā chakkhattuṃ codeti, sakiṃyeva vā gantvā ‘‘attho me, āvuso, cīvarenā’’ti chakkhattuṃ vadati, tattha ekadivasameva punappunaṃ gantvā dvādasakkhattuṃ tiṭṭhati, sakimeva vā gantvā tatra tatra ṭhāne tiṭṭhati, sopi sabbacodanāyo sabbaṭṭhānāni ca bhañjati, ko pana vādo nānādivasesu. Tato ce uttari vāyamamāno taṃ cīvaraṃ abhinipphādeti, payoge dukkaṭaṃ, paṭilābhena nissaggiyaṃ hoti. No ce sakkoti taṃ abhinipphādetuṃ, yato rājato rājamahāmattato vā assa bhikkhuno taṃ cīvaracetāpannaṃ ānītaṃ, tassa santikaṃ sāmaṃ vā gantabbaṃ, dūto vā pāhetabbo ‘‘yaṃ kho tumhe āyasmanto bhikkhuṃ uddissa cīvaracetāpannaṃ pahiṇittha, na taṃ tassa bhikkhuno kiñci atthaṃ anubhoti, yuñjantāyasmanto sakaṃ, mā tumhākaṃ santakaṃ vinassatū’’ti. Ayaṃ tattha sāmīci. Yo pana neva sāmaṃ gacchati, na dūtaṃ pāheti, vattabhede dukkaṭaṃ āpajjati.
65. гим̣ бана (баараа. адта. 2.538-9) саб̣б̣агаббияагаарагзсу звам̣ бадибаж̇ж̇ид̇аб̣б̣анд̇и? на бадибаж̇ж̇ид̇аб̣б̣ам̣. аяан̃хи габбияагаараго наама сан̇кзбад̇о д̣̇увид̇хо нид̣̇д̣̇идто анид̣̇д̣̇идто жа. д̇ад̇т̇а нид̣̇д̣̇идто д̣̇увид̇хо бхигкунаа нид̣̇д̣̇идто д̣̇ууд̇зна нид̣̇д̣̇идтод̇и. анид̣̇д̣̇идтоби д̣̇увид̇хо мукавзвадигагаббияагаараго бараммукагаббияагаарагод̇и. д̇зсу бхигкунаа нид̣̇д̣̇идто саммукаасаммукавасзна жад̇уб̣б̣ид̇хо ход̇и, д̇ат̇аа д̣̇ууд̇зна нид̣̇д̣̇идтоби. гат̇ам̣? ид̇хзгажжо бхигкусса жийварад̇т̇ааяа д̣̇ууд̇зна агаббияавад̇т̇ум̣ бахин̣ад̇и, д̣̇ууд̇о д̇ам̣ бхигкум̣ убасан̇гамид̇ваа ‘‘ид̣̇ам̣, бханд̇з, ид̇т̇аннаамзна д̇умхаагам̣ жийварад̇т̇ааяа бахид̇ам̣, г̇ан̣хат̇а на’’нд̇и вад̣̇ад̇и, бхигку ‘‘наяид̣̇ам̣ габбад̇ий’’д̇и бадигкибад̇и, д̣̇ууд̇о ‘‘ад̇т̇и бана д̇з, бханд̇з, взяяааважжагаро’’д̇и бужчад̇и, бун̃н̃ад̇т̇игзхи жа убаасагзхи ‘‘бхигкуунам̣ взяяааважжам̣ гарот̇аа’’д̇и аан̣ад̇д̇аа ваа, бхигкуунам̣ ваа санд̣̇идтасамбхад̇д̇аа гзжи взяяааважжагараа хонд̇и, д̇зсам̣ ан̃н̃ад̇аро д̇асмим̣ кан̣з бхигкусса санд̇игз нисинно ход̇и, бхигку д̇ам̣ нид̣̇д̣̇исад̇и ‘‘аяам̣ бхигкуунам̣ взяяааважжагаро’’д̇и, д̣̇ууд̇о д̇асса хад̇т̇з агаббияавад̇т̇ум̣ д̣̇ад̇ваа ‘‘т̇зрасса жийварам̣ гин̣ид̇ваа д̣̇зхий’’д̇и г̇ажчад̇и, аяам̣ бхигкунаа саммукаанид̣̇д̣̇идто.
65. Kiṃ pana (pārā. aṭṭha. 2.538-9) sabbakappiyakārakesu evaṃ paṭipajjitabbanti? Na paṭipajjitabbaṃ. Ayañhi kappiyakārako nāma saṅkhepato duvidho niddiṭṭho aniddiṭṭho ca. Tattha niddiṭṭho duvidho bhikkhunā niddiṭṭho dūtena niddiṭṭhoti. Aniddiṭṭhopi duvidho mukhavevaṭikakappiyakārako parammukhakappiyakārakoti. Tesu bhikkhunā niddiṭṭho sammukhāsammukhavasena catubbidho hoti, tathā dūtena niddiṭṭhopi. Kathaṃ? Idhekacco bhikkhussa cīvaratthāya dūtena akappiyavatthuṃ pahiṇati, dūto taṃ bhikkhuṃ upasaṅkamitvā ‘‘idaṃ, bhante, itthannāmena tumhākaṃ cīvaratthāya pahitaṃ, gaṇhatha na’’nti vadati, bhikkhu ‘‘nayidaṃ kappatī’’ti paṭikkhipati, dūto ‘‘atthi pana te, bhante, veyyāvaccakaro’’ti pucchati, puññatthikehi ca upāsakehi ‘‘bhikkhūnaṃ veyyāvaccaṃ karothā’’ti āṇattā vā, bhikkhūnaṃ vā sandiṭṭhasambhattā keci veyyāvaccakarā honti, tesaṃ aññataro tasmiṃ khaṇe bhikkhussa santike nisinno hoti, bhikkhu taṃ niddisati ‘‘ayaṃ bhikkhūnaṃ veyyāvaccakaro’’ti, dūto tassa hatthe akappiyavatthuṃ datvā ‘‘therassa cīvaraṃ kiṇitvā dehī’’ti gacchati, ayaṃ bhikkhunā sammukhāniddiṭṭho.
но жз бхигкусса санд̇игз нисинно ход̇и, абижа ко бхигку нид̣̇д̣̇исад̇и ‘‘асугасмим̣ наама г̇аамз ид̇т̇аннаамо бхигкуунам̣ взяяааважжагаро’’д̇и, со г̇анд̇ваа д̇асса хад̇т̇з агаббияавад̇т̇ум̣ д̣̇ад̇ваа ‘‘т̇зрасса жийварам̣ гин̣ид̇ваа д̣̇ад̣̇зяяаасий’’д̇и ааг̇анд̇ваа бхигкусса аарожзд̇ваа г̇ажчад̇и, аяамзго бхигкунаа асаммукаанид̣̇д̣̇идто.
No ce bhikkhussa santike nisinno hoti, apica kho bhikkhu niddisati ‘‘asukasmiṃ nāma gāme itthannāmo bhikkhūnaṃ veyyāvaccakaro’’ti, so gantvā tassa hatthe akappiyavatthuṃ datvā ‘‘therassa cīvaraṃ kiṇitvā dadeyyāsī’’ti āgantvā bhikkhussa ārocetvā gacchati, ayameko bhikkhunā asammukhāniddiṭṭho.
на хзва ко со д̣̇ууд̇о ад̇д̇анаа ааг̇анд̇ваа аарожзд̇и, абижа ко ан̃н̃ам̣ бахин̣ад̇и ‘‘д̣̇иннам̣ маяаа, бханд̇з, д̇асса хад̇т̇з жийваражзд̇аабаннам̣, д̇умхз жийварам̣ г̇ан̣хзяяаат̇аа’’д̇и, аяам̣ д̣̇уд̇ияо бхигкунаа асаммукаанид̣̇д̣̇идто.
Na heva kho so dūto attanā āgantvā āroceti, apica kho aññaṃ pahiṇati ‘‘dinnaṃ mayā, bhante, tassa hatthe cīvaracetāpannaṃ, tumhe cīvaraṃ gaṇheyyāthā’’ti, ayaṃ dutiyo bhikkhunā asammukhāniddiṭṭho.
на хзва ко ан̃н̃ам̣ бахин̣ад̇и, абижа г̇ажчанд̇ова бхигкум̣ вад̣̇ад̇и ‘‘ахам̣ д̇асса хад̇т̇з жийваражзд̇аабаннам̣ д̣̇ассаами, д̇умхз жийварам̣ г̇ан̣хзяяаат̇аа’’д̇и, аяам̣ д̇ад̇ияо бхигкунаа асаммукаанид̣̇д̣̇идтод̇и звам̣ зго саммукаанид̣̇д̣̇идто д̇аяо асаммукаанид̣̇д̣̇идтаад̇и имз жад̇д̇ааро бхигкунаа нид̣̇д̣̇идтавзяяааважжагараа наама. зд̇зсу ид̇ха вуд̇д̇анаязнзва бадибаж̇ж̇ид̇аб̣б̣ам̣.
Na heva kho aññaṃ pahiṇati, apica gacchantova bhikkhuṃ vadati ‘‘ahaṃ tassa hatthe cīvaracetāpannaṃ dassāmi, tumhe cīvaraṃ gaṇheyyāthā’’ti, ayaṃ tatiyo bhikkhunā asammukhāniddiṭṭhoti evaṃ eko sammukhāniddiṭṭho tayo asammukhāniddiṭṭhāti ime cattāro bhikkhunā niddiṭṭhaveyyāvaccakarā nāma. Etesu idha vuttanayeneva paṭipajjitabbaṃ.
абаро бхигку буриманаязнзва д̣̇ууд̇зна бужчид̇о над̇т̇ид̇ааяа ваа авижаарзд̇угаамад̇ааяа ваа ‘‘над̇т̇амхаагам̣ габбияагаараго’’д̇и вад̣̇ад̇и, д̇асмим̣ кан̣з гожи мануссо ааг̇ажчад̇и, д̣̇ууд̇о д̇асса хад̇т̇з агаббияавад̇т̇ум̣ д̣̇ад̇ваа ‘‘имасса хад̇т̇ад̇о жийварам̣ г̇ан̣хзяяаат̇аа’’д̇и вад̇ваа г̇ажчад̇и, аяам̣ д̣̇ууд̇зна саммукаанид̣̇д̣̇идтод̇и звам̣ зго саммукаанид̣̇д̣̇идто.
Aparo bhikkhu purimanayeneva dūtena pucchito natthitāya vā avicāretukāmatāya vā ‘‘natthamhākaṃ kappiyakārako’’ti vadati, tasmiṃ khaṇe koci manusso āgacchati, dūto tassa hatthe akappiyavatthuṃ datvā ‘‘imassa hatthato cīvaraṃ gaṇheyyāthā’’ti vatvā gacchati, ayaṃ dūtena sammukhāniddiṭṭhoti evaṃ eko sammukhāniddiṭṭho.
абаро д̣̇ууд̇о г̇аамам̣ бависид̇ваа ад̇д̇анаа абхиружид̇асса гассажи хад̇т̇з агаббияавад̇т̇ум̣ д̣̇ад̇ваа буриманаязнзва ааг̇анд̇ваа ваа аарожзд̇и, ан̃н̃ам̣ ваа бахин̣ад̇и ‘‘ахам̣ асугасса наама хад̇т̇з жийваражзд̇аабаннам̣ д̣̇ассаами, д̇умхз жийварам̣ г̇ан̣хзяяаат̇аа’’д̇и вад̇ваа ваа г̇ажчад̇и, аяам̣ д̇ад̇ияо д̣̇ууд̇зна асаммукаанид̣̇д̣̇идтод̇и звам̣ зго саммукаанид̣̇д̣̇идто д̇аяо асаммукаанид̣̇д̣̇идтаад̇и имз жад̇д̇ааро д̣̇ууд̇зна нид̣̇д̣̇идтавзяяааважжагараа наама. зд̇зсу мзн̣д̣агасигкаабад̣̇з вуд̇д̇анаязнзва бадибаж̇ж̇ид̇аб̣б̣ам̣. вуд̇д̇ан̃хзд̇ам̣ –
Aparo dūto gāmaṃ pavisitvā attanā abhirucitassa kassaci hatthe akappiyavatthuṃ datvā purimanayeneva āgantvā vā āroceti, aññaṃ vā pahiṇati ‘‘ahaṃ asukassa nāma hatthe cīvaracetāpannaṃ dassāmi, tumhe cīvaraṃ gaṇheyyāthā’’ti vatvā vā gacchati, ayaṃ tatiyo dūtena asammukhāniddiṭṭhoti evaṃ eko sammukhāniddiṭṭho tayo asammukhāniddiṭṭhāti ime cattāro dūtena niddiṭṭhaveyyāvaccakarā nāma. Etesu meṇḍakasikkhāpade vuttanayeneva paṭipajjitabbaṃ. Vuttañhetaṃ –
‘‘санд̇и, бхигкавз, мануссаа сад̣̇д̇хаа басаннаа, д̇з габбияагаарагаанам̣ хад̇т̇з хиран̃н̃ам̣ убанигкибанд̇и ‘иминаа яам̣ аяяасса габбияам̣, д̇ам̣ д̣̇зт̇аа’д̇и. ануж̇аанаами, бхигкавз, яам̣ д̇ад̇о габбияам̣, д̇ам̣ саад̣̇ид̇ум̣, на д̇взваахам̣, бхигкавз, ‘гзнажи барияааязна ж̇аад̇аруубараж̇ад̇ам̣ саад̣̇ид̇аб̣б̣ам̣ бариязсид̇аб̣б̣а’нд̇и вад̣̇аамий’’д̇и (махаава. 299).
‘‘Santi, bhikkhave, manussā saddhā pasannā, te kappiyakārakānaṃ hatthe hiraññaṃ upanikkhipanti ‘iminā yaṃ ayyassa kappiyaṃ, taṃ dethā’ti. Anujānāmi, bhikkhave, yaṃ tato kappiyaṃ, taṃ sādituṃ, na tvevāhaṃ, bhikkhave, ‘kenaci pariyāyena jātarūparajataṃ sāditabbaṃ pariyesitabba’nti vadāmī’’ti (mahāva. 299).
зд̇т̇а жод̣̇анааяа баримаан̣ам̣ над̇т̇и, муулам̣ асаад̣̇ияанд̇зна сахассагкад̇д̇умби жод̣̇анааяа ваа таанзна ваа габбияабхан̣д̣ам̣ саад̣̇ид̇ум̣ ваддад̇и. но жз д̣̇зд̇и, ан̃н̃ам̣ габбияагаарагам̣ табзд̇вааби аахараабзд̇аб̣б̣ам̣. сажз ижчад̇и, мууласаамигаанамби гат̇зд̇аб̣б̣ам̣. но жз ижчад̇и, на гат̇зд̇аб̣б̣ам̣.
Ettha codanāya parimāṇaṃ natthi, mūlaṃ asādiyantena sahassakkhattumpi codanāya vā ṭhānena vā kappiyabhaṇḍaṃ sādituṃ vaṭṭati. No ce deti, aññaṃ kappiyakārakaṃ ṭhapetvāpi āharāpetabbaṃ. Sace icchati, mūlasāmikānampi kathetabbaṃ. No ce icchati, na kathetabbaṃ.
абаро бхигку буриманаязнзва д̣̇ууд̇зна бужчид̇о ‘‘над̇т̇амхаагам̣ габбияагаараго’’д̇и вад̣̇ад̇и, д̇ад̣̇ан̃н̃о самийбз тид̇о суд̇ваа ‘‘аахара бхо, ахам̣ аяяасса жийварам̣ жзд̇аабзд̇ваа д̣̇ассаамий’’д̇и вад̣̇ад̇и. д̣̇ууд̇о ‘‘ханд̣̇а бхо д̣̇ад̣̇зяяаасий’’д̇и д̇асса хад̇т̇з д̣̇ад̇ваа бхигкусса анаарожзд̇ваава г̇ажчад̇и, аяам̣ мукавзвадигагаббияагаараго. абаро бхигкуно убадтаагасса ваа ан̃н̃асса ваа хад̇т̇з агаббияавад̇т̇ум̣ д̣̇ад̇ваа ‘‘т̇зрасса жийварам̣ д̣̇ад̣̇зяяаасий’’д̇и зд̇д̇ова баггамад̇и, аяам̣ бараммукаагаббияагаарагод̇и имз д̣̇вз анид̣̇д̣̇идтагаббияагаарагаа наама. зд̇зсу ан̃н̃аад̇агааббаваарид̇зсу вияа бадибаж̇ж̇ид̇аб̣б̣ам̣. сажз саяамзва жийварам̣ аанзд̇ваа д̣̇ад̣̇анд̇и, г̇ахзд̇аб̣б̣ам̣. но жз, на гин̃жи вад̇д̇аб̣б̣аа. яат̇аа жа д̣̇ууд̇асса хад̇т̇з жийварад̇т̇ааяа агаббияавад̇т̇умхи бзсид̇з винижчаяо вуд̇д̇о, звам̣ бин̣д̣абаад̇аад̣̇ийнамби ад̇т̇ааяа бзсид̇з саяам̣ ааг̇анд̇ваа д̣̇ийяамаанз жа винижчаяо взд̣̇ид̇аб̣б̣о.
Aparo bhikkhu purimanayeneva dūtena pucchito ‘‘natthamhākaṃ kappiyakārako’’ti vadati, tadañño samīpe ṭhito sutvā ‘‘āhara bho, ahaṃ ayyassa cīvaraṃ cetāpetvā dassāmī’’ti vadati. Dūto ‘‘handa bho dadeyyāsī’’ti tassa hatthe datvā bhikkhussa anārocetvāva gacchati, ayaṃ mukhavevaṭikakappiyakārako. Aparo bhikkhuno upaṭṭhākassa vā aññassa vā hatthe akappiyavatthuṃ datvā ‘‘therassa cīvaraṃ dadeyyāsī’’ti ettova pakkamati, ayaṃ parammukhākappiyakārakoti ime dve aniddiṭṭhakappiyakārakā nāma. Etesu aññātakaappavāritesu viya paṭipajjitabbaṃ. Sace sayameva cīvaraṃ ānetvā dadanti, gahetabbaṃ. No ce, na kiñci vattabbā. Yathā ca dūtassa hatthe cīvaratthāya akappiyavatthumhi pesite vinicchayo vutto, evaṃ piṇḍapātādīnampi atthāya pesite sayaṃ āgantvā dīyamāne ca vinicchayo veditabbo.
66. убанигкид̇д̇асаад̣̇ияанз бана аяам̣ винижчаяо (баараа. адта. 2.583-4) – гин̃жи агаббияавад̇т̇ум̣ баад̣̇амуулз табзд̇ваа ‘‘ид̣̇ам̣ аяяасса ход̇уу’’д̇и вуд̇д̇з сажзби жид̇д̇зна саад̣̇ияад̇и, г̇ан̣хид̇угаамо ход̇и, гааязна ваа ваажааяа ваа ‘‘наяид̣̇ам̣ габбад̇ий’’д̇и бадигкибад̇и, анаабад̇д̇и . гааяаваажаахи ваа аббадигкибид̇вааби суд̣̇д̇хажид̇д̇о худ̇ваа ‘‘наяид̣̇ам̣ амхаагам̣ габбад̇ий’’д̇и на саад̣̇ияад̇и, анаабад̇д̇иязва. д̇ийсу д̣̇ваарзсу хи язна гзнажи бадигкид̇д̇ам̣ бадигкид̇д̇амзва ход̇и. сажз бана гааяаваажаахи аббадигкибид̇ваа жид̇д̇зна ад̇хиваасзд̇и, гааяаваажаахи гад̇д̇аб̣б̣асса бадигкзбасса агаран̣ад̇о агирияасамудтаанам̣ гааяад̣̇ваарз жа важийд̣̇ваарз жа аабад̇д̇им̣ аабаж̇ж̇ад̇и, манод̣̇ваарз бана аабад̇д̇и наама над̇т̇и.
66. Upanikkhittasādiyane pana ayaṃ vinicchayo (pārā. aṭṭha. 2.583-4) – kiñci akappiyavatthuṃ pādamūle ṭhapetvā ‘‘idaṃ ayyassa hotū’’ti vutte sacepi cittena sādiyati, gaṇhitukāmo hoti, kāyena vā vācāya vā ‘‘nayidaṃ kappatī’’ti paṭikkhipati, anāpatti . Kāyavācāhi vā appaṭikkhipitvāpi suddhacitto hutvā ‘‘nayidaṃ amhākaṃ kappatī’’ti na sādiyati, anāpattiyeva. Tīsu dvāresu hi yena kenaci paṭikkhittaṃ paṭikkhittameva hoti. Sace pana kāyavācāhi appaṭikkhipitvā cittena adhivāseti, kāyavācāhi kattabbassa paṭikkhepassa akaraṇato akiriyasamuṭṭhānaṃ kāyadvāre ca vacīdvāre ca āpattiṃ āpajjati, manodvāre pana āpatti nāma natthi.
зго сад̇ам̣ ваа сахассам̣ ваа баад̣̇амуулз табзд̇и ‘‘д̇уяхид̣̇ам̣ ход̇уу’’д̇и, бхигку ‘‘наяид̣̇ам̣ габбад̇ий’’д̇и бадигкибад̇и, убаасаго ‘‘барижжад̇д̇ам̣ маяаа д̇умхаага’’нд̇и г̇ад̇о, ан̃н̃о д̇ад̇т̇а ааг̇анд̇ваа бужчад̇и ‘‘гим̣, бханд̇з, ид̣̇а’’нд̇и, яам̣ д̇зна жа ад̇д̇анаа жа вуд̇д̇ам̣, д̇ам̣ аажигкид̇аб̣б̣ам̣. со жз вад̣̇ад̇и ‘‘г̇обаяиссаамахам̣, бханд̇з, г̇уд̇д̇адтаанам̣ д̣̇ассзт̇аа’’д̇и, сад̇д̇абхуумигамби баасаад̣̇ам̣ абхирухид̇ваа ‘‘ид̣̇ам̣ г̇уд̇д̇адтаана’’нд̇и аажигкид̇аб̣б̣ам̣, ‘‘ид̇ха нигкибаахий’’д̇и на вад̇д̇аб̣б̣ам̣. зд̇д̇аавад̇аа габбияан̃жа агаббияан̃жа ниссааяа тид̇ам̣ ход̇и, д̣̇ваарам̣ бид̣̇ахид̇ваа рагканд̇зна васид̇аб̣б̣ам̣. сажз гин̃жи виггааяигабхан̣д̣ам̣ бад̇д̇ам̣ ваа жийварам̣ ваа г̇ахзд̇ваа ааг̇ажчад̇и, ‘‘ид̣̇ам̣ г̇ахзссат̇а, бханд̇з’’д̇и вуд̇д̇з ‘‘убаасага, ад̇т̇и амхаагам̣ иминаа ад̇т̇о, вад̇т̇у жа зваруубам̣ наама сам̣виж̇ж̇ад̇и, габбияагаараго над̇т̇ий’’д̇и вад̇д̇аб̣б̣ам̣. сажз со вад̣̇ад̇и ‘‘ахам̣ габбияагаараго бхависсаами, д̣̇ваарам̣ виварид̇ваа д̣̇зт̇аа’’д̇и, д̣̇ваарам̣ виварид̇ваа ‘‘имасмим̣ огаасз табид̇а’’нд̇и вад̇д̇аб̣б̣ам̣, ‘‘ид̣̇ам̣ г̇ан̣хаа’’д̇и на вад̇д̇аб̣б̣ам̣. звамби габбияан̃жа агаббияан̃жа ниссааяа тид̇амзва ход̇и. со жз д̇ам̣ г̇ахзд̇ваа д̇асса габбияабхан̣д̣ам̣ д̣̇зд̇и, ваддад̇и. сажз ад̇хигам̣ г̇ан̣хаад̇и, ‘‘на маяам̣ д̇ава бхан̣д̣ам̣ г̇ан̣хаама, нигкамаахий’’д̇и вад̇д̇аб̣б̣о.
Eko sataṃ vā sahassaṃ vā pādamūle ṭhapeti ‘‘tuyhidaṃ hotū’’ti, bhikkhu ‘‘nayidaṃ kappatī’’ti paṭikkhipati, upāsako ‘‘pariccattaṃ mayā tumhāka’’nti gato, añño tattha āgantvā pucchati ‘‘kiṃ, bhante, ida’’nti, yaṃ tena ca attanā ca vuttaṃ, taṃ ācikkhitabbaṃ. So ce vadati ‘‘gopayissāmahaṃ, bhante, guttaṭṭhānaṃ dassethā’’ti, sattabhūmikampi pāsādaṃ abhiruhitvā ‘‘idaṃ guttaṭṭhāna’’nti ācikkhitabbaṃ, ‘‘idha nikkhipāhī’’ti na vattabbaṃ. Ettāvatā kappiyañca akappiyañca nissāya ṭhitaṃ hoti, dvāraṃ pidahitvā rakkhantena vasitabbaṃ. Sace kiñci vikkāyikabhaṇḍaṃ pattaṃ vā cīvaraṃ vā gahetvā āgacchati, ‘‘idaṃ gahessatha, bhante’’ti vutte ‘‘upāsaka, atthi amhākaṃ iminā attho, vatthu ca evarūpaṃ nāma saṃvijjati, kappiyakārako natthī’’ti vattabbaṃ. Sace so vadati ‘‘ahaṃ kappiyakārako bhavissāmi, dvāraṃ vivaritvā dethā’’ti, dvāraṃ vivaritvā ‘‘imasmiṃ okāse ṭhapita’’nti vattabbaṃ, ‘‘idaṃ gaṇhā’’ti na vattabbaṃ. Evampi kappiyañca akappiyañca nissāya ṭhitameva hoti. So ce taṃ gahetvā tassa kappiyabhaṇḍaṃ deti, vaṭṭati. Sace adhikaṃ gaṇhāti, ‘‘na mayaṃ tava bhaṇḍaṃ gaṇhāma, nikkhamāhī’’ti vattabbo.
67. язна бана ж̇аад̇аруубаад̣̇ижад̇уб̣б̣ид̇хам̣ ниссаг̇г̇ияавад̇т̇у бадиг̇г̇ахид̇ам̣, д̇зна гим̣ гаад̇аб̣б̣анд̇и? сан̇гхамаж̇жхз ниссаж̇ж̇ид̇аб̣б̣ам̣. гат̇ам̣? д̇зна бхигкунаа (баараа. 584) сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо ‘‘ахам̣, бханд̇з, руубияам̣ бадиг̇г̇ахзсим̣, ид̣̇ам̣ мз ниссаг̇г̇ияам̣, имаахам̣ ниссаж̇ж̇аамий’’д̇и ниссаж̇ж̇ид̇ваа аабад̇д̇и д̣̇зсзд̇аб̣б̣аа. б̣яад̇д̇зна бхигкунаа бадиб̣алзна аабад̇д̇и бадиг̇г̇ахзд̇аб̣б̣аа. сажз д̇ад̇т̇а ааг̇ажчад̇и аараамиго ваа убаасаго ваа, со вад̇д̇аб̣б̣о ‘‘аавусо, ид̣̇ам̣ ж̇аанаахий’’д̇и. сажз со бхан̣ад̇и ‘‘иминаа гим̣ аахариссаамий’’д̇и, на вад̇д̇аб̣б̣о ‘‘имам̣ ваа имам̣ ваа аахараа’’д̇и, габбияам̣ аажигкид̇аб̣б̣ам̣ саббим̣ ваа д̇злам̣ ваа мад̇хум̣ ваа паан̣ид̇ам̣ ваа. аажигканд̇зна жа ‘‘иминаа саббим̣ ваа д̇злам̣ ваа мад̇хум̣ ваа паан̣ид̇ам̣ ваа аахараа’’д̇и на вад̇д̇аб̣б̣ам̣, ‘‘ид̣̇ан̃жид̣̇ан̃жа сан̇гхасса габбияа’’нд̇и зд̇д̇агамзва вад̇д̇аб̣б̣ам̣. сажз со д̇зна баривад̇д̇зд̇ваа габбияам̣ аахарад̇и, руубияабадиг̇г̇аахагам̣ табзд̇ваа саб̣б̣зхзва бхааж̇зд̇ваа барибхун̃ж̇ид̇аб̣б̣ам̣, руубияабадиг̇г̇аахагзна бхааг̇о на г̇ахзд̇аб̣б̣о.
67. Yena pana jātarūpādicatubbidhaṃ nissaggiyavatthu paṭiggahitaṃ, tena kiṃ kātabbanti? Saṅghamajjhe nissajjitabbaṃ. Kathaṃ? Tena bhikkhunā (pārā. 584) saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo ‘‘ahaṃ, bhante, rūpiyaṃ paṭiggahesiṃ, idaṃ me nissaggiyaṃ, imāhaṃ nissajjāmī’’ti nissajjitvā āpatti desetabbā. Byattena bhikkhunā paṭibalena āpatti paṭiggahetabbā. Sace tattha āgacchati ārāmiko vā upāsako vā, so vattabbo ‘‘āvuso, idaṃ jānāhī’’ti. Sace so bhaṇati ‘‘iminā kiṃ āharissāmī’’ti, na vattabbo ‘‘imaṃ vā imaṃ vā āharā’’ti, kappiyaṃ ācikkhitabbaṃ sappiṃ vā telaṃ vā madhuṃ vā phāṇitaṃ vā. Ācikkhantena ca ‘‘iminā sappiṃ vā telaṃ vā madhuṃ vā phāṇitaṃ vā āharā’’ti na vattabbaṃ, ‘‘idañcidañca saṅghassa kappiya’’nti ettakameva vattabbaṃ. Sace so tena parivattetvā kappiyaṃ āharati, rūpiyapaṭiggāhakaṃ ṭhapetvā sabbeheva bhājetvā paribhuñjitabbaṃ, rūpiyapaṭiggāhakena bhāgo na gahetabbo.
ан̃н̃зсам̣ (баараа. адта. 2.583-4) бхигкуунам̣ ваа аараамигаанам̣ ваа бад̇д̇абхааг̇амби лабхид̇ваа барибхун̃ж̇ид̇ум̣ на ваддад̇и, анд̇амасо маггадаад̣̇ийхи д̇ад̇о харид̇ваа аран̃н̃з табид̇ам̣ ваа д̇зсам̣ хад̇т̇ад̇о г̇ал̣ид̇ам̣ ваа д̇иражчаанабадиг̇г̇ахид̇амби бам̣сугууламби на ваддад̇иязва. д̇ад̇о аахадзна паан̣ид̇зна сзнаасанад̇хуубанамби на ваддад̇и. саббинаа ваа д̇злзна ваа бад̣̇ийбам̣ гад̇ваа д̣̇ийбаалогз нибаж̇ж̇ид̇ум̣, гасин̣абаригаммам̣ гаад̇ум̣, бод̇т̇агамби ваажзд̇ум̣ на ваддад̇и. д̇зламад̇хупаан̣ид̇зхи бана сарийрз ван̣ам̣ магкзд̇ум̣ на ваддад̇иязва. д̇зна вад̇т̇унаа ман̃жабийтаад̣̇ийни ваа г̇ан̣ханд̇и, убосат̇ааг̇аарам̣ ваа бхож̇анасаалам̣ ваа гаронд̇и, барибхун̃ж̇ид̇ум̣ на ваддад̇и. чааяааби г̇зхабарижчзд̣̇зна тид̇аава на ваддад̇и, барижчзд̣̇аад̇игганд̇аа ааг̇анд̇угад̇д̇аа ваддад̇и. д̇ам̣ вад̇т̇ум̣ виссаж̇ж̇зд̇ваа гад̇зна маг̇г̇знаби сзд̇унааби наавааяаби ул̣умбзнааби г̇анд̇ум̣ на ваддад̇и. д̇зна вад̇т̇унаа кан̣аабид̇ааяа богкаран̣ияаа уб̣бхид̣̇од̣̇агам̣ баад̇ум̣ ваа барибхун̃ж̇ид̇ум̣ ваа на ваддад̇и. анд̇о уд̣̇агз бана асад̇и ан̃н̃ам̣ ааг̇анд̇угам̣ уд̣̇агам̣ ваа вассод̣̇агам̣ ваа бавидтам̣ ваддад̇и. гийд̇ааяа язна сад̣̇д̇хим̣ гийд̇аа, д̇ам̣ ааг̇анд̇угамби на ваддад̇и. д̇ам̣ вад̇т̇ум̣ убанигкзбам̣ табзд̇ваа сан̇гхо бажжаяз барибхун̃ж̇ад̇и, д̇зби бажжаяаа д̇асса на вадданд̇и. аараамо г̇ахид̇о ход̇и, соби барибхун̃ж̇ид̇ум̣ на ваддад̇и. яад̣̇и бхуумиби б̣ийж̇амби агаббияам̣, нзва бхуумим̣, на палам̣ барибхун̃ж̇ид̇ум̣ ваддад̇и. сажз бхуумим̣язва гин̣ид̇ваа ан̃н̃аани б̣ийж̇аани робид̇аани, палам̣ ваддад̇и. ат̇а б̣ийж̇аани гин̣ид̇ваа габбияабхуумияам̣ робид̇аани, палам̣ на ваддад̇и, бхуумияам̣ нисийд̣̇ид̇ум̣ ваа нибаж̇ж̇ид̇ум̣ ваа ваддад̇и.
Aññesaṃ (pārā. aṭṭha. 2.583-4) bhikkhūnaṃ vā ārāmikānaṃ vā pattabhāgampi labhitvā paribhuñjituṃ na vaṭṭati, antamaso makkaṭādīhi tato haritvā araññe ṭhapitaṃ vā tesaṃ hatthato gaḷitaṃ vā tiracchānapaṭiggahitampi paṃsukūlampi na vaṭṭatiyeva. Tato āhaṭena phāṇitena senāsanadhūpanampi na vaṭṭati. Sappinā vā telena vā padīpaṃ katvā dīpāloke nipajjituṃ, kasiṇaparikammaṃ kātuṃ, potthakampi vācetuṃ na vaṭṭati. Telamadhuphāṇitehi pana sarīre vaṇaṃ makkhetuṃ na vaṭṭatiyeva. Tena vatthunā mañcapīṭhādīni vā gaṇhanti, uposathāgāraṃ vā bhojanasālaṃ vā karonti, paribhuñjituṃ na vaṭṭati. Chāyāpi gehaparicchedena ṭhitāva na vaṭṭati, paricchedātikkantā āgantukattā vaṭṭati. Taṃ vatthuṃ vissajjetvā katena maggenapi setunāpi nāvāyapi uḷumpenāpi gantuṃ na vaṭṭati. Tena vatthunā khaṇāpitāya pokkharaṇiyā ubbhidodakaṃ pātuṃ vā paribhuñjituṃ vā na vaṭṭati. Anto udake pana asati aññaṃ āgantukaṃ udakaṃ vā vassodakaṃ vā paviṭṭhaṃ vaṭṭati. Kītāya yena saddhiṃ kītā, taṃ āgantukampi na vaṭṭati. Taṃ vatthuṃ upanikkhepaṃ ṭhapetvā saṅgho paccaye paribhuñjati, tepi paccayā tassa na vaṭṭanti. Ārāmo gahito hoti, sopi paribhuñjituṃ na vaṭṭati. Yadi bhūmipi bījampi akappiyaṃ, neva bhūmiṃ, na phalaṃ paribhuñjituṃ vaṭṭati. Sace bhūmiṃyeva kiṇitvā aññāni bījāni ropitāni, phalaṃ vaṭṭati. Atha bījāni kiṇitvā kappiyabhūmiyaṃ ropitāni, phalaṃ na vaṭṭati, bhūmiyaṃ nisīdituṃ vā nipajjituṃ vā vaṭṭati.
сажз бана д̇ад̇т̇а ааг̇ад̇о габбияагаараго д̇ам̣ баривад̇д̇зд̇ваа сан̇гхасса габбияам̣ саббид̇злаад̣̇им̣ аахарид̇ум̣ на ж̇аанаад̇и, со вад̇д̇аб̣б̣о ‘‘аавусо, имам̣ чад̣д̣зхий’’д̇и. сажз со чад̣д̣зд̇и, ижжзд̇ам̣ гусалам̣. но жз чад̣д̣зд̇и, бан̃жахан̇г̇зхи саманнааг̇ад̇о бхигку руубияачад̣д̣аго самманнид̇аб̣б̣о яо на чанд̣̇ааг̇ад̇им̣ г̇ажчзяяа, на д̣̇осааг̇ад̇им̣ г̇ажчзяяа, на мохааг̇ад̇им̣ г̇ажчзяяа, на бхаяааг̇ад̇им̣ г̇ажчзяяа, чад̣д̣ид̇аачад̣д̣ид̇ан̃жа ж̇аанзяяа. зван̃жа бана самманнид̇аб̣б̣о, батамам̣ бхигку яаажид̇аб̣б̣о, яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Sace pana tattha āgato kappiyakārako taṃ parivattetvā saṅghassa kappiyaṃ sappitelādiṃ āharituṃ na jānāti, so vattabbo ‘‘āvuso, imaṃ chaḍḍehī’’ti. Sace so chaḍḍeti, iccetaṃ kusalaṃ. No ce chaḍḍeti, pañcahaṅgehi samannāgato bhikkhu rūpiyachaḍḍako sammannitabbo yo na chandāgatiṃ gaccheyya, na dosāgatiṃ gaccheyya, na mohāgatiṃ gaccheyya, na bhayāgatiṃ gaccheyya, chaḍḍitāchaḍḍitañca jāneyya. Evañca pana sammannitabbo, paṭhamaṃ bhikkhu yācitabbo, yācitvā byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо, яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ руубияачад̣д̣агам̣ самманнзяяа, зсаа н̃ад̇д̇и. сун̣аад̇у мз, бханд̇з, сан̇гхо, сан̇гхо ид̇т̇аннаамам̣ бхигкум̣ руубияачад̣д̣агам̣ самманнад̇и, яассааяасмад̇о камад̇и ид̇т̇аннаамасса бхигкуно руубияачад̣д̣агасса саммуд̇и , со д̇ун̣хасса. яасса нагкамад̇и, со бхаасзяяа. саммад̇о сан̇гхзна ид̇т̇аннаамо бхигку руубияачад̣д̣аго, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и (баараа. 585).
‘‘Suṇātu me, bhante, saṅgho, yadi saṅghassa pattakallaṃ, saṅgho itthannāmaṃ bhikkhuṃ rūpiyachaḍḍakaṃ sammanneyya, esā ñatti. Suṇātu me, bhante, saṅgho, saṅgho itthannāmaṃ bhikkhuṃ rūpiyachaḍḍakaṃ sammannati, yassāyasmato khamati itthannāmassa bhikkhuno rūpiyachaḍḍakassa sammuti , so tuṇhassa. Yassa nakkhamati, so bhāseyya. Sammato saṅghena itthannāmo bhikkhu rūpiyachaḍḍako, khamati saṅghassa, tasmā tuṇhī, evametaṃ dhārayāmī’’ti (pārā. 585).
68. д̇зна саммад̇зна (баараа. адта. 2.585) бхигкунаа нимид̇д̇ам̣ агад̇ваа агкийни нимийлзд̇ваа над̣̇ияаа ваа бабаад̇з ваа ванаг̇аханз ваа г̇уут̇ам̣ вияа анабзгкзна бад̇ид̇огаасам̣ асаманнаараханд̇зна чад̣д̣зд̇аб̣б̣ам̣. сажз нимид̇д̇ам̣ гад̇ваа баад̇зд̇и, д̣̇уггадам̣ аабаж̇ж̇ад̇и. звам̣ ж̇иг̇ужчид̇аб̣б̣зби руубияз бхаг̇аваа барияааязна бхигкуунам̣ барибхог̇ам̣ аажигки. руубияабадиг̇г̇аахагасса бана гзнажи барияааязна д̇ад̇о уббаннабажжаяабарибхог̇о на ваддад̇и. яат̇аа жааяам̣ зд̇асса на ваддад̇и, звам̣ асанд̇асамбхааванааяа ваа гулад̣̇уусагагаммзна ваа гуханаад̣̇ийхи ваауббаннабажжаяаа нзва д̇асса, на ан̃н̃асса вадданд̇и, д̇хаммзна самзна уббаннааби абажжавзгкид̇ваа барибхун̃ж̇ид̇ум̣ на вадданд̇и. жад̇д̇ааро хи барибхог̇аа – т̇зяяабарибхог̇о ин̣абарибхог̇о д̣̇ааяаж̇ж̇абарибхог̇о саамибарибхог̇од̇и. д̇ад̇т̇а сан̇гхамаж̇жхзби нисийд̣̇ид̇ваа барибхун̃ж̇анд̇асса д̣̇уссийласса барибхог̇о т̇зяяабарибхог̇о наама. сийлавад̇о абажжавзгкид̇абарибхог̇о ин̣абарибхог̇о наама. д̇асмаа жийварам̣ барибхог̇з барибхог̇з бажжавзгкид̇аб̣б̣ам̣, бин̣д̣абаад̇о аалобз аалобз , д̇ат̇аа асаггонд̇зна бурзбхад̇д̇абажчаабхад̇д̇абуримаяаамамаж̇жхимаяаамабажчимаяаамзсу. сажасса абажжавзгкад̇о арун̣о уг̇г̇ажчад̇и, ин̣абарибхог̇адтаанз д̇идтад̇и. сзнаасанамби барибхог̇з барибхог̇з бажжавзгкид̇аб̣б̣ам̣. бхзсаж̇ж̇асса бадиг̇г̇ахан̣зби барибхог̇зби сад̇ибажжаяад̇аа ваддад̇и, звам̣ санд̇зби бадиг̇г̇ахан̣з сад̇им̣ гад̇ваа барибхог̇з агаронд̇ассзва аабад̇д̇и, бадиг̇г̇ахан̣з бана сад̇им̣ агад̇ваа барибхог̇з гаронд̇асса анаабад̇д̇и. жад̇уб̣б̣ид̇хаа хи суд̣̇д̇хи – д̣̇зсанаасуд̣̇д̇хи сам̣варасуд̣̇д̇хи барияздтисуд̣̇д̇хи бажжавзгкан̣асуд̣̇д̇хийд̇и.
68. Tena sammatena (pārā. aṭṭha. 2.585) bhikkhunā nimittaṃ akatvā akkhīni nimīletvā nadiyā vā papāte vā vanagahane vā gūthaṃ viya anapekkhena patitokāsaṃ asamannārahantena chaḍḍetabbaṃ. Sace nimittaṃ katvā pāteti, dukkaṭaṃ āpajjati. Evaṃ jigucchitabbepi rūpiye bhagavā pariyāyena bhikkhūnaṃ paribhogaṃ ācikkhi. Rūpiyapaṭiggāhakassa pana kenaci pariyāyena tato uppannapaccayaparibhogo na vaṭṭati. Yathā cāyaṃ etassa na vaṭṭati, evaṃ asantasambhāvanāya vā kuladūsakakammena vā kuhanādīhi vāuppannapaccayā neva tassa, na aññassa vaṭṭanti, dhammena samena uppannāpi apaccavekkhitvā paribhuñjituṃ na vaṭṭanti. Cattāro hi paribhogā – theyyaparibhogo iṇaparibhogo dāyajjaparibhogo sāmiparibhogoti. Tattha saṅghamajjhepi nisīditvā paribhuñjantassa dussīlassa paribhogo theyyaparibhogo nāma. Sīlavato apaccavekkhitaparibhogo iṇaparibhogo nāma. Tasmā cīvaraṃ paribhoge paribhoge paccavekkhitabbaṃ, piṇḍapāto ālope ālope , tathā asakkontena purebhattapacchābhattapurimayāmamajjhimayāmapacchimayāmesu. Sacassa apaccavekkhato aruṇo uggacchati, iṇaparibhogaṭṭhāne tiṭṭhati. Senāsanampi paribhoge paribhoge paccavekkhitabbaṃ. Bhesajjassa paṭiggahaṇepi paribhogepi satipaccayatā vaṭṭati, evaṃ santepi paṭiggahaṇe satiṃ katvā paribhoge akarontasseva āpatti, paṭiggahaṇe pana satiṃ akatvā paribhoge karontassa anāpatti. Catubbidhā hi suddhi – desanāsuddhi saṃvarasuddhi pariyeṭṭhisuddhi paccavekkhaṇasuddhīti.
д̇ад̇т̇а д̣̇зсанаасуд̣̇д̇хи наама баад̇имогкасам̣варасийлам̣. д̇ан̃хи д̣̇зсанааяа суж̇жханад̇о ‘‘д̣̇зсанаасуд̣̇д̇хий’’д̇и вужжад̇и. сам̣варасуд̣̇д̇хи наама инд̣̇рияасам̣варасийлам̣. д̇ан̃хи ‘‘на бунзвам̣ гариссаамий’’д̇и жид̇д̇аад̇хидтаанасам̣варзнзва суж̇жханад̇о ‘‘сам̣варасуд̣̇д̇хий’’д̇и вужжад̇и. барияздтисуд̣̇д̇хи наама ааж̇ийвабаарисуд̣̇д̇хисийлам̣. д̇ан̃хи анзсанам̣ бахааяа д̇хаммзна самзна бажжаяз уббаад̣̇знд̇асса бариязсанааяа суд̣̇д̇хад̇д̇аа ‘‘барияздтисуд̣̇д̇хий’’д̇и вужжад̇и. бажжавзгкан̣асуд̣̇д̇хи наама бажжаяабарибхог̇асанниссид̇асийлам̣. д̇ан̃хи ‘‘бадисан̇каа яонисо жийварам̣ бадисзваамий’’д̇иаад̣̇инаа (ма. ни. 1.23; а. ни. 6.58) наязна вуд̇д̇зна бажжавзгкан̣зна суж̇жханад̇о ‘‘бажжавзгкан̣асуд̣̇д̇хий’’д̇и вужжад̇и, д̇зна вуд̇д̇ам̣ ‘‘бадиг̇г̇ахан̣з бана сад̇им̣ агад̇ваа барибхог̇з гаронд̇асса анаабад̇д̇ий’’д̇и.
Tattha desanāsuddhi nāma pātimokkhasaṃvarasīlaṃ. Tañhi desanāya sujjhanato ‘‘desanāsuddhī’’ti vuccati. Saṃvarasuddhi nāma indriyasaṃvarasīlaṃ. Tañhi ‘‘na punevaṃ karissāmī’’ti cittādhiṭṭhānasaṃvareneva sujjhanato ‘‘saṃvarasuddhī’’ti vuccati. Pariyeṭṭhisuddhi nāma ājīvapārisuddhisīlaṃ. Tañhi anesanaṃ pahāya dhammena samena paccaye uppādentassa pariyesanāya suddhattā ‘‘pariyeṭṭhisuddhī’’ti vuccati. Paccavekkhaṇasuddhi nāma paccayaparibhogasannissitasīlaṃ. Tañhi ‘‘paṭisaṅkhā yoniso cīvaraṃ paṭisevāmī’’tiādinā (ma. ni. 1.23; a. ni. 6.58) nayena vuttena paccavekkhaṇena sujjhanato ‘‘paccavekkhaṇasuddhī’’ti vuccati, tena vuttaṃ ‘‘paṭiggahaṇe pana satiṃ akatvā paribhoge karontassa anāpattī’’ti.
сад̇д̇аннам̣ сзгкаанам̣ бажжаяабарибхог̇о д̣̇ааяаж̇ж̇абарибхог̇о наама. д̇з хи бхаг̇авад̇о буд̇д̇аа, д̇асмаа бид̇усанд̇агаанам̣ бажжаяаанам̣ д̣̇ааяаад̣̇аа худ̇ваа д̇з бажжаяз барибхун̃ж̇анд̇и. гим̣ бана д̇з бхаг̇авад̇о бажжаяз барибхун̃ж̇анд̇и, г̇ихийнам̣ бажжаяз барибхун̃ж̇анд̇ийд̇и? г̇ихийхи д̣̇иннааби бхаг̇авад̇аа анун̃н̃аад̇ад̇д̇аа бхаг̇авад̇о санд̇агаа хонд̇и, д̇асмаа бхаг̇авад̇о бажжаяз барибхун̃ж̇анд̇ийд̇и взд̣̇ид̇аб̣б̣ам̣. д̇хаммад̣̇ааяаад̣̇асуд̇д̇а (ма. ни. 1.29 аад̣̇аяо) н̃жзд̇т̇а саад̇хагам̣. кийн̣аасаваанам̣ барибхог̇о саамибарибхог̇о наама. д̇з хи д̇ан̣хааяа д̣̇аасаб̣яам̣ ад̇ийд̇ад̇д̇аа саамино худ̇ваа барибхун̃ж̇анд̇и. ид̇и имзсу барибхог̇зсу саамибарибхог̇о жа д̣̇ааяаж̇ж̇абарибхог̇о жа саб̣б̣зсамби ваддад̇и, ин̣абарибхог̇о на ваддад̇и, т̇зяяабарибхог̇з гат̇ааязва над̇т̇и.
Sattannaṃ sekkhānaṃ paccayaparibhogo dāyajjaparibhogo nāma. Te hi bhagavato puttā, tasmā pitusantakānaṃ paccayānaṃ dāyādā hutvā te paccaye paribhuñjanti. Kiṃ pana te bhagavato paccaye paribhuñjanti, gihīnaṃ paccaye paribhuñjantīti? Gihīhi dinnāpi bhagavatā anuññātattā bhagavato santakā honti, tasmā bhagavato paccaye paribhuñjantīti veditabbaṃ. Dhammadāyādasutta (ma. ni. 1.29 ādayo) ñcettha sādhakaṃ. Khīṇāsavānaṃ paribhogo sāmiparibhogo nāma. Te hi taṇhāya dāsabyaṃ atītattā sāmino hutvā paribhuñjanti. Iti imesu paribhogesu sāmiparibhogo ca dāyajjaparibhogo ca sabbesampi vaṭṭati, iṇaparibhogo na vaṭṭati, theyyaparibhoge kathāyeva natthi.
абарзби жад̇д̇ааро барибхог̇аа – лаж̇ж̇ибарибхог̇о алаж̇ж̇ибарибхог̇о д̇хаммияабарибхог̇о ад̇хаммияабарибхог̇од̇и. д̇ад̇т̇а алаж̇ж̇ино лаж̇ж̇инаа сад̣̇д̇хим̣ барибхог̇о ваддад̇и, аабад̇д̇ияаа на гаарзд̇аб̣б̣о. лаж̇ж̇ино алаж̇ж̇инаа сад̣̇д̇хим̣ яаава на ж̇аанаад̇и, д̇аава ваддад̇и. аад̣̇ид̇о бадтааяа хи алаж̇ж̇ий наама над̇т̇и, д̇асмаа яад̣̇аасса алаж̇ж̇ибхаавам̣ ж̇аанаад̇и, д̇ад̣̇аа вад̇д̇аб̣б̣о ‘‘д̇умхз гааяад̣̇ваарз важийд̣̇ваарз жа вийд̇иггамам̣ гарот̇а, д̇ам̣ аббад̇ируубам̣, маа звамагад̇т̇аа’’д̇и. сажз анаад̣̇ияид̇ваа гарод̇иязва, яад̣̇и д̇зна сад̣̇д̇хим̣ барибхог̇ам̣ гарод̇и, соби алаж̇ж̇ийязва ход̇и. яоби ад̇д̇ано бхаарабхууд̇зна алаж̇ж̇инаа сад̣̇д̇хим̣ барибхог̇ам̣ гарод̇и, соби ниваарзд̇аб̣б̣о. сажз на орамад̇и, аяамби алаж̇ж̇ийязва ход̇и. звам̣ зго алаж̇ж̇ий алаж̇ж̇исад̇амби гарод̇и. алаж̇ж̇ино бана алаж̇ж̇инаава сад̣̇д̇хим̣ барибхог̇з аабад̇д̇и наама над̇т̇и. лаж̇ж̇ино лаж̇ж̇инаа сад̣̇д̇хим̣ барибхог̇о д̣̇виннам̣ кад̇д̇ияагумаараанам̣ суван̣н̣абаад̇ияам̣ бхож̇анасад̣̇исо. д̇хаммияаад̇хаммияабарибхог̇о бажжаяавасзнзва взд̣̇ид̇аб̣б̣о. д̇ад̇т̇а сажз буг̇г̇алоби алаж̇ж̇ий, бин̣д̣абаад̇оби ад̇хаммияо, убхо ж̇зг̇ужчаа. буг̇г̇ало алаж̇ж̇ий, бин̣д̣абаад̇о д̇хаммияо, буг̇г̇алам̣ ж̇иг̇ужчид̇ваа бин̣д̣абаад̇о на г̇ахзд̇аб̣б̣о. махаабажжарияам̣ бана ‘‘д̣̇уссийло сан̇гхад̇о уд̣̇д̣̇зсабхад̇д̇аад̣̇ийни лабхид̇ваа сан̇гхассзва д̣̇зд̇и, зд̇аани яат̇аад̣̇аанамзва г̇ахид̇ад̇д̇аа вадданд̇ий’’д̇и вуд̇д̇ам̣. буг̇г̇ало лаж̇ж̇ий, бин̣д̣абаад̇о ад̇хаммияо, бин̣д̣абаад̇о ж̇зг̇ужчо на г̇ахзд̇аб̣б̣о. буг̇г̇ало лаж̇ж̇ий, бин̣д̣абаад̇оби д̇хаммияо, ваддад̇и.
Aparepi cattāro paribhogā – lajjiparibhogo alajjiparibhogo dhammiyaparibhogo adhammiyaparibhogoti. Tattha alajjino lajjinā saddhiṃ paribhogo vaṭṭati, āpattiyā na kāretabbo. Lajjino alajjinā saddhiṃ yāva na jānāti, tāva vaṭṭati. Ādito paṭṭhāya hi alajjī nāma natthi, tasmā yadāssa alajjibhāvaṃ jānāti, tadā vattabbo ‘‘tumhe kāyadvāre vacīdvāre ca vītikkamaṃ karotha, taṃ appatirūpaṃ, mā evamakatthā’’ti. Sace anādiyitvā karotiyeva, yadi tena saddhiṃ paribhogaṃ karoti, sopi alajjīyeva hoti. Yopi attano bhārabhūtena alajjinā saddhiṃ paribhogaṃ karoti, sopi nivāretabbo. Sace na oramati, ayampi alajjīyeva hoti. Evaṃ eko alajjī alajjisatampi karoti. Alajjino pana alajjināva saddhiṃ paribhoge āpatti nāma natthi. Lajjino lajjinā saddhiṃ paribhogo dvinnaṃ khattiyakumārānaṃ suvaṇṇapātiyaṃ bhojanasadiso. Dhammiyādhammiyaparibhogo paccayavaseneva veditabbo. Tattha sace puggalopi alajjī, piṇḍapātopi adhammiyo, ubho jegucchā. Puggalo alajjī, piṇḍapāto dhammiyo, puggalaṃ jigucchitvā piṇḍapāto na gahetabbo. Mahāpaccariyaṃ pana ‘‘dussīlo saṅghato uddesabhattādīni labhitvā saṅghasseva deti, etāni yathādānameva gahitattā vaṭṭantī’’ti vuttaṃ. Puggalo lajjī, piṇḍapāto adhammiyo, piṇḍapāto jeguccho na gahetabbo. Puggalo lajjī, piṇḍapātopi dhammiyo, vaṭṭati.
абарз д̣̇вз баг̇г̇ахаа д̣̇вз жа барибхог̇аа – лаж̇ж̇ибаг̇г̇ахо алаж̇ж̇ибаг̇г̇ахо, д̇хаммабарибхог̇о аамисабарибхог̇од̇и. д̇ад̇т̇а алаж̇ж̇ино лаж̇ж̇им̣ баг̇г̇ахзд̇ум̣ ваддад̇и, на со аабад̇д̇ияаа гаарзд̇аб̣б̣о . сажз бана лаж̇ж̇ий алаж̇ж̇им̣ баг̇г̇ан̣хаад̇и, анумод̣̇анааяа аж̇жхзсад̇и, д̇хаммагат̇ааяа аж̇жхзсад̇и, гулзсу убад̇т̇амбхзд̇и, ид̇ароби ‘‘амхаагам̣ аажарияо ийд̣̇исо жа ийд̣̇исо жаа’’д̇и д̇асса барисад̇и ван̣н̣ам̣ бхаасад̇и, аяам̣ саасанам̣ осаггаабзд̇и анд̇арад̇хаабзд̇ийд̇и взд̣̇ид̇аб̣б̣о. д̇хаммабарибхог̇ааамисабарибхог̇зсу бана яад̇т̇а аамисабарибхог̇о ваддад̇и, д̇хаммабарибхог̇оби д̇ад̇т̇а ваддад̇и. яо бана годияам̣ тид̇о, г̇ант̇о д̇асса буг̇г̇аласса ажжаязна нассиссад̇и, д̇ам̣ д̇хаммаануг̇г̇ахзна уг̇г̇ан̣хид̇ум̣ ваддад̇ийд̇и вуд̇д̇ам̣. д̇ад̇рид̣̇ам̣ вад̇т̇у – махаабхаяз гира згассзва бхигкуно махаанид̣̇д̣̇зсо баг̇ун̣о ахоси. ат̇а жад̇унигааяигад̇иссад̇т̇зрасса убаж̇жхааяо махаад̇ибидагад̇т̇зро наама махаарагкид̇ад̇т̇зрам̣ ааха ‘‘аавусо махаарагкид̇а, зд̇асса санд̇игз махаанид̣̇д̣̇зсам̣ г̇ан̣хаахий’’д̇и. ‘‘баабо гирааяам̣, бханд̇з, на г̇ан̣хаамий’’д̇и. ‘‘г̇ан̣хаавусо, ахам̣ д̇з санд̇игз нисийд̣̇иссаамий’’д̇и. ‘‘саад̇ху, бханд̇з, д̇умхзсу нисиннзсу г̇ан̣хиссаамий’’д̇и бадтабзд̇ваа рад̇д̇инд̣̇ивам̣ ниранд̇арам̣ барияаабун̣анд̇о осаанад̣̇ивасз хздтааман̃жз ид̇т̇им̣ д̣̇исваа ‘‘бханд̇з, суд̇ам̣язва мз буб̣б̣з, сажаахам̣ звам̣ ж̇аанзяяам̣, на ийд̣̇исасса санд̇игз д̇хаммам̣ барияаабун̣зяяа’’нд̇и ааха. д̇асса бана санд̇игз б̣ахуу махаат̇зраа уг̇г̇ан̣хид̇ваа махаанид̣̇д̣̇зсам̣ бад̇идтаабзсунд̇и.
Apare dve paggahā dve ca paribhogā – lajjipaggaho alajjipaggaho, dhammaparibhogo āmisaparibhogoti. Tattha alajjino lajjiṃ paggahetuṃ vaṭṭati, na so āpattiyā kāretabbo . Sace pana lajjī alajjiṃ paggaṇhāti, anumodanāya ajjhesati, dhammakathāya ajjhesati, kulesu upatthambheti, itaropi ‘‘amhākaṃ ācariyo īdiso ca īdiso cā’’ti tassa parisati vaṇṇaṃ bhāsati, ayaṃ sāsanaṃ osakkāpeti antaradhāpetīti veditabbo. Dhammaparibhogaāmisaparibhogesu pana yattha āmisaparibhogo vaṭṭati, dhammaparibhogopi tattha vaṭṭati. Yo pana koṭiyaṃ ṭhito, gantho tassa puggalassa accayena nassissati, taṃ dhammānuggahena uggaṇhituṃ vaṭṭatīti vuttaṃ. Tatridaṃ vatthu – mahābhaye kira ekasseva bhikkhuno mahāniddeso paguṇo ahosi. Atha catunikāyikatissattherassa upajjhāyo mahātipiṭakatthero nāma mahārakkhitattheraṃ āha ‘‘āvuso mahārakkhita, etassa santike mahāniddesaṃ gaṇhāhī’’ti. ‘‘Pāpo kirāyaṃ, bhante, na gaṇhāmī’’ti. ‘‘Gaṇhāvuso, ahaṃ te santike nisīdissāmī’’ti. ‘‘Sādhu, bhante, tumhesu nisinnesu gaṇhissāmī’’ti paṭṭhapetvā rattindivaṃ nirantaraṃ pariyāpuṇanto osānadivase heṭṭhāmañce itthiṃ disvā ‘‘bhante, sutaṃyeva me pubbe, sacāhaṃ evaṃ jāneyyaṃ, na īdisassa santike dhammaṃ pariyāpuṇeyya’’nti āha. Tassa pana santike bahū mahātherā uggaṇhitvā mahāniddesaṃ patiṭṭhāpesunti.
ид̇и баал̣имуд̇д̇агавинаяавинижчаяасан̇г̇ахз
Iti pāḷimuttakavinayavinicchayasaṅgahe
руубияаад̣̇ибадиг̇г̇ахан̣авинижчаяагат̇аа самад̇д̇аа.
Rūpiyādipaṭiggahaṇavinicchayakathā samattā.
