| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
9. ரூபியஸங்வோஹாரஸிக்கா²பத³வண்ணனா
9. Rūpiyasaṃvohārasikkhāpadavaṇṇanā
கதாதி³வஸேனாதி கதஅகதகதாகதவஸேன. ஸுவண்ணாதி³சதுப்³பி³த⁴ம்பி நிஸ்ஸக்³கி³யவத்து² இத⁴ ரூபியக்³க³ஹணேன க³ஹிதந்தி ஆஹ ‘‘ஜாதரூபரஜதபரிவத்தன’’ந்தி. இத³ஞ்ச உக்கட்ட²பரிச்சே²தே³ன வுத்தந்தி த³ட்ட²ப்³ப³ங். தேனாஹ ‘‘புரிமஸிக்கா²பதே³ன ஹீ’’திஆதி³. பரிவத்தனந்தி ஸாதி³தரூபியஸ்ஸ பரிவத்தனங். புரிமனயானுஸாரேனாதி ‘‘அஹங், ப⁴ந்தே, நானப்பகாரகங் ரூபியஸங்வோஹாரங் ஸமாபஜ்ஜிங், இத³ங் மே நிஸ்ஸக்³கி³ய’’ந்திஆதி³னா (பாரா॰ 589).
Katādivasenāti kataakatakatākatavasena. Suvaṇṇādicatubbidhampi nissaggiyavatthu idha rūpiyaggahaṇena gahitanti āha ‘‘jātarūparajataparivattana’’nti. Idañca ukkaṭṭhaparicchedena vuttanti daṭṭhabbaṃ. Tenāha ‘‘purimasikkhāpadena hī’’tiādi. Parivattananti sāditarūpiyassa parivattanaṃ. Purimanayānusārenāti ‘‘ahaṃ, bhante, nānappakārakaṃ rūpiyasaṃvohāraṃ samāpajjiṃ, idaṃ me nissaggiya’’ntiādinā (pārā. 589).
ரூபியஸங்வோஹாரவத்து²ஸ்மிந்தி படிக்³க³ஹணஸ்ஸேவ படிக்கி²த்தத்தா படிக்³க³ஹிதபரிவத்தனே தோ³ஸங் அதி³ஸ்வா ரூபியபரிவத்தனே. தஸ்ஸ வாதி பரிவத்திதஸ்ஸ வா. த⁴னஸ்ஸ வாதி அத்தனோ மூலத⁴னஸ்ஸ வா . அத்தனோ வா ஹி அரூபியேன பரஸ்ஸ ரூபியங் சேதாபெய்ய, அத்தனோ வா ரூபியேன பரஸ்ஸ அரூபியங், உப⁴யதா²பி ரூபியஸங்வோஹாரோ கதோவ ஹோதீதி.
Rūpiyasaṃvohāravatthusminti paṭiggahaṇasseva paṭikkhittattā paṭiggahitaparivattane dosaṃ adisvā rūpiyaparivattane. Tassa vāti parivattitassa vā. Dhanassa vāti attano mūladhanassa vā . Attano vā hi arūpiyena parassa rūpiyaṃ cetāpeyya, attano vā rūpiyena parassa arūpiyaṃ, ubhayathāpi rūpiyasaṃvohāro katova hotīti.
ரூபியஸங்வோஹாரஸிக்கா²பத³வண்ணனா நிட்டி²தா.
Rūpiyasaṃvohārasikkhāpadavaṇṇanā niṭṭhitā.
