| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৯. রূপিযসংৰোহারসিক্খাপদৰণ্ণনা
9. Rūpiyasaṃvohārasikkhāpadavaṇṇanā
কতাদিৰসেনাতি কতঅকতকতাকতৰসেন। সুৰণ্ণাদিচতুব্বিধম্পি নিস্সগ্গিযৰত্থু ইধ রূপিযগ্গহণেন গহিতন্তি আহ ‘‘জাতরূপরজতপরিৰত্তন’’ন্তি। ইদঞ্চ উক্কট্ঠপরিচ্ছেদেন ৰুত্তন্তি দট্ঠব্বং। তেনাহ ‘‘পুরিমসিক্খাপদেন হী’’তিআদি। পরিৰত্তনন্তি সাদিতরূপিযস্স পরিৰত্তনং। পুরিমনযানুসারেনাতি ‘‘অহং, ভন্তে, নানপ্পকারকং রূপিযসংৰোহারং সমাপজ্জিং, ইদং মে নিস্সগ্গিয’’ন্তিআদিনা (পারা॰ ৫৮৯)।
Katādivasenāti kataakatakatākatavasena. Suvaṇṇādicatubbidhampi nissaggiyavatthu idha rūpiyaggahaṇena gahitanti āha ‘‘jātarūparajataparivattana’’nti. Idañca ukkaṭṭhaparicchedena vuttanti daṭṭhabbaṃ. Tenāha ‘‘purimasikkhāpadena hī’’tiādi. Parivattananti sāditarūpiyassa parivattanaṃ. Purimanayānusārenāti ‘‘ahaṃ, bhante, nānappakārakaṃ rūpiyasaṃvohāraṃ samāpajjiṃ, idaṃ me nissaggiya’’ntiādinā (pārā. 589).
রূপিযসংৰোহারৰত্থুস্মিন্তি পটিগ্গহণস্সেৰ পটিক্খিত্তত্তা পটিগ্গহিতপরিৰত্তনে দোসং অদিস্ৰা রূপিযপরিৰত্তনে। তস্স ৰাতি পরিৰত্তিতস্স ৰা। ধনস্স ৰাতি অত্তনো মূলধনস্স ৰা । অত্তনো ৰা হি অরূপিযেন পরস্স রূপিযং চেতাপেয্য, অত্তনো ৰা রূপিযেন পরস্স অরূপিযং, উভযথাপি রূপিযসংৰোহারো কতোৰ হোতীতি।
Rūpiyasaṃvohāravatthusminti paṭiggahaṇasseva paṭikkhittattā paṭiggahitaparivattane dosaṃ adisvā rūpiyaparivattane. Tassa vāti parivattitassa vā. Dhanassa vāti attano mūladhanassa vā . Attano vā hi arūpiyena parassa rūpiyaṃ cetāpeyya, attano vā rūpiyena parassa arūpiyaṃ, ubhayathāpi rūpiyasaṃvohāro katova hotīti.
রূপিযসংৰোহারসিক্খাপদৰণ্ণনা নিট্ঠিতা।
Rūpiyasaṃvohārasikkhāpadavaṇṇanā niṭṭhitā.
