| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
9. руубияасам̣вохаарасигкаабад̣̇аван̣н̣анаа
9. Rūpiyasaṃvohārasikkhāpadavaṇṇanā
587. ‘‘ж̇аад̇аруубараж̇ад̇абаривад̇д̇ана’’нд̇и уггадтабарижчзд̣̇зна вуд̇д̇ам̣, д̇ат̇аа ‘‘руубияам̣ наама сад̇т̇уван̣н̣о гахаабан̣о’’д̇иаад̣̇и баал̣иважанан̃жа. ‘‘аруубияз руубияасан̃н̃ий руубияам̣ жзд̇аабзд̇ий’’д̇иаад̣̇и д̇игаважанад̇о, ‘‘д̣̇уггадавад̇т̇унаа бана ниссаг̇г̇ияавад̇т̇ум̣ жзд̇аабзнд̇асса…бз… ниссаг̇г̇ияам̣ баажид̇д̇ияам̣ г̇аругасса жзд̇аабид̇ад̇д̇аа’’д̇и адтагат̇ааважанад̇о жа бана ануггадтабарижчзд̣̇обзд̇т̇а лаб̣бхад̇ийд̇и сид̣̇д̇хам̣. сад̇т̇уван̣н̣о жа гахаабан̣о жа д̇ад̇о яз жан̃н̃з вохаарам̣ г̇ажчанд̇ийд̇и звамзд̇т̇а самужжаяо взд̣̇ид̇аб̣б̣о. имасмим̣ бана сигкаабад̣̇з ‘‘наанаббагаарагам̣ наама гад̇амби агад̇амби гад̇аагад̇амбий’’д̇и зд̇т̇а вибхад̇д̇аанам̣ д̇ин̣н̣ам̣ руубияааруубияаанан̃жа д̣̇виннам̣ васзна бан̃жа д̇игаа вуд̇д̇аа, адтагат̇аажариязхи д̇ад̣̇ануломад̇о зго д̇иго д̣̇ассид̇од̇и саб̣б̣з ча хонд̇и.
587.‘‘Jātarūparajataparivattana’’nti ukkaṭṭhaparicchedena vuttaṃ, tathā ‘‘rūpiyaṃ nāma satthuvaṇṇo kahāpaṇo’’tiādi pāḷivacanañca. ‘‘Arūpiye rūpiyasaññī rūpiyaṃ cetāpetī’’tiādi tikavacanato, ‘‘dukkaṭavatthunā pana nissaggiyavatthuṃ cetāpentassa…pe… nissaggiyaṃ pācittiyaṃ garukassa cetāpitattā’’ti aṭṭhakathāvacanato ca pana anukkaṭṭhaparicchedopettha labbhatīti siddhaṃ. Satthuvaṇṇo ca kahāpaṇo ca tato ye caññe vohāraṃ gacchantīti evamettha samuccayo veditabbo. Imasmiṃ pana sikkhāpade ‘‘nānappakārakaṃ nāma katampi akatampi katākatampī’’ti ettha vibhattānaṃ tiṇṇaṃ rūpiyārūpiyānañca dvinnaṃ vasena pañca tikā vuttā, aṭṭhakathācariyehi tadanulomato eko tiko dassitoti sabbe cha honti.
зд̇т̇ааха – ан̃н̃асмим̣ сигкаабад̣̇з згасмим̣ д̇игажчзд̣̇з д̣̇ассид̇з сад̇иби самбхавз ид̇арз на д̣̇ассийяанд̇и , ид̇хзва гасмаа д̣̇ассид̇од̇и? ‘‘наанаббагаарага’’нд̇и маад̇игааяам̣ вуд̇д̇ад̇д̇аа ид̇хзва наанаббагаарабхаавад̣̇ассанад̇т̇анд̇и. на гаяавиггаяасигкаабад̣̇зби вад̇д̇аб̣б̣аббасан̇г̇ад̇од̇и жз? на, ид̇ха д̣̇ассид̇анаяад̇д̇аа. ат̇а жа руубияасса вибхан̇г̇з ‘‘яз вохаарам̣ г̇ажчанд̇ий’’д̇и анд̇з вуд̇д̇ад̇д̇аа сад̇т̇уван̣н̣аад̣̇аяо вал̣ан̃ж̇анубаг̇аа зваад̇и сид̣̇д̇хам̣. д̇ад̇о авал̣ан̃ж̇анубаг̇зхи ж̇аад̇аруубараж̇ад̇зхи вохаарзна на ниссаг̇г̇ияанд̇и аабаж̇ж̇ад̇и, д̇асмаа д̇ам̣ аабаж̇ж̇анад̇т̇анд̇и д̣̇ассзнд̇зна ‘‘гад̇зна гад̇ам̣ жзд̇аабзд̇ий’’д̇иаад̣̇аяо д̇игаа вуд̇д̇аад̇и, звам̣ санд̇з руубияавибхан̇г̇з ‘‘яз жа вохаарам̣ г̇ажчанд̇ий’’д̇и на вад̇д̇аб̣б̣ам̣, д̇асмим̣ бад̣̇з авуд̇д̇з авал̣ан̃ж̇анубаг̇ааби сан̇г̇ахам̣ г̇ад̇аава хонд̇ийд̇и гад̇аад̣̇ийхи д̇игад̇д̇аяасса вад̇д̇аб̣б̣абаяож̇анам̣ на бхависсад̇ийд̇и жз? на, габбияабхан̣д̣зна габбияабхан̣д̣абаавад̇д̇анассааби руубияасам̣вохаарабхааваббасан̇г̇ад̇о. ‘‘яз вохаарам̣ г̇ажчанд̇ий’’д̇и важанзнаби гамуга гат̇ала гам̣сабхааж̇ана саадагаад̣̇ибаривад̇д̇анассаби руубияасам̣вохаарабхааваббасан̇г̇о зваад̇и жз? на, гад̇аад̣̇иважанзна ж̇аад̇аруубаад̣̇иагаббияавад̇т̇уунан̃н̃зва ад̇хиббзд̇абхаавад̣̇ийбанад̇о, д̇асмаа убхаязнаби яад̣̇зд̇ам̣ гад̇аагад̇аад̣̇ибхзд̣̇ам̣ баагад̇игаруубияам̣ яан̃жа гахаабан̣амаасагасан̇кзбам̣, яан̃жа гахаабан̣аад̣̇ивохааруубаг̇ам̣, убхаяамбзд̇ам̣ ид̇ха жа ананд̇араад̇ийд̇асигкаабад̣̇з жа руубияам̣ наамаад̇и ад̇хиббзд̇ад̇т̇асид̣̇д̇хи ход̇и, на д̇ан̣д̣улаад̣̇ийни, д̇ад̇т̇а гад̇аад̣̇ивохаараасамбхавад̇о. зд̇д̇аавад̇аа гад̇аад̣̇ид̇игад̇д̇аяаббаяож̇анам̣ вуд̇д̇ам̣.
Etthāha – aññasmiṃ sikkhāpade ekasmiṃ tikacchede dassite satipi sambhave itare na dassīyanti , idheva kasmā dassitoti? ‘‘Nānappakāraka’’nti mātikāyaṃ vuttattā idheva nānappakārabhāvadassanatthanti. Na kayavikkayasikkhāpadepi vattabbappasaṅgatoti ce? Na, idha dassitanayattā. Atha ca rūpiyassa vibhaṅge ‘‘ye vohāraṃ gacchantī’’ti ante vuttattā satthuvaṇṇādayo vaḷañjanupagā evāti siddhaṃ. Tato avaḷañjanupagehi jātarūparajatehi vohārena na nissaggiyanti āpajjati, tasmā taṃ āpajjanatthanti dassentena ‘‘katena kataṃ cetāpetī’’tiādayo tikā vuttāti, evaṃ sante rūpiyavibhaṅge ‘‘ye ca vohāraṃ gacchantī’’ti na vattabbaṃ, tasmiṃ pade avutte avaḷañjanupagāpi saṅgahaṃ gatāva hontīti katādīhi tikattayassa vattabbapayojanaṃ na bhavissatīti ce? Na, kappiyabhaṇḍena kappiyabhaṇḍapaavattanassāpi rūpiyasaṃvohārabhāvappasaṅgato. ‘‘Ye vohāraṃ gacchantī’’ti vacanenapi kamuka kathala kaṃsabhājana sāṭakādiparivattanassapi rūpiyasaṃvohārabhāvappasaṅgo evāti ce? Na, katādivacanena jātarūpādiakappiyavatthūnaññeva adhippetabhāvadīpanato, tasmā ubhayenapi yadetaṃ katākatādibhedaṃ pākatikarūpiyaṃ yañca kahāpaṇamāsakasaṅkhepaṃ, yañca kahāpaṇādivohārūpagaṃ, ubhayampetaṃ idha ca anantarātītasikkhāpade ca rūpiyaṃ nāmāti adhippetatthasiddhi hoti, na taṇḍulādīni, tattha katādivohārāsambhavato. Ettāvatā katāditikattayappayojanaṃ vuttaṃ.
ид̣̇аани сзсад̇д̇игаани вужжад̇и – зд̇т̇а хи яат̇аавуд̇д̇аббабхзд̣̇ам̣ ниссаг̇г̇ияавад̇т̇у руубияам̣ наама, сзсам̣ д̣̇уггадавад̇т̇уби габбияавад̇т̇уби на руубияанд̇и аруубияам̣ наама ход̇ийд̇и гад̇ваа ‘‘аруубияз аруубияасан̃н̃ий бан̃жаннам̣ сахад̇хаммигаанам̣ анаабад̇д̇ий’’д̇и ид̣̇ам̣ на згам̣сигам̣ аабаж̇ж̇ад̇и д̣̇уггадавад̇т̇умхи д̣̇уггадаабаж̇ж̇анад̇о. ид̇ха важанаббамаан̣ад̇о ниссаг̇г̇ияавад̇т̇уд̇о ан̃н̃ам̣ анд̇амасо муд̇д̇аад̣̇иби аруубияамзва наама. д̇ад̇т̇а бан̃жаннам̣ сахад̇хаммигаанам̣ анаабад̇д̇ийд̇и жз? на, рааж̇асигкаабад̣̇авирод̇хад̇о. д̇ад̇т̇а хи ‘‘муд̇д̇аа ваа ман̣и ваа’’д̇и вуд̇д̇ам̣, д̇асмаа муд̇д̇аад̣̇и агаббияам̣ д̣̇уггадавад̇т̇ууд̇и жа сид̣̇д̇хам̣ ниссаг̇г̇ияавад̇т̇уусу абхааваа. звам̣ санд̇з ‘‘аруубияз аруубияасан̃н̃ий бан̃жаннам̣ сахад̇хаммигаанам̣ анаабад̇д̇ий’’д̇и суд̣̇д̇хагаббияабхан̣д̣ам̣ санд̇хааяа вуд̇д̇ам̣, на саб̣б̣ам̣ аруубияам̣. д̇ад̇о ан̃н̃ад̇т̇а бана ‘‘аруубияз руубияасан̃н̃ий’’д̇иаад̣̇ид̇игад̣̇уггадз жа адтагат̇ааяам̣ д̣̇ассид̇ад̇игз жа саб̣б̣ам̣ аруубияам̣ наамаад̇и взд̣̇ид̇аб̣б̣ам̣, д̇асмаа аруубияабхаавад̣̇ийбанад̇т̇ам̣ д̣̇уд̇ияо д̇иго вуд̇д̇о. д̇ад̣̇ад̇т̇амзва адтагат̇ааяам̣ д̣̇ассид̇о зго д̇иго. гасмаа на баал̣ияам̣ со вуд̇д̇од̇и жз? д̇ад̇т̇а жзд̇аабид̇ааруубияз руубияачад̣д̣анагасаммуд̇игижжаабхаавад̇о. д̇асмин̃хи д̇игз вуд̇д̇з габбияавад̇т̇уноби аруубияачад̣д̣анагасаммуд̇и д̣̇аад̇аб̣б̣аад̇и аабаж̇ж̇ад̇и, д̇асса васзна руубияачад̣д̣анагасаммуд̇и зва на вад̇д̇аб̣б̣аад̇и? на, руубияассаби саммуд̇игижжаабхааваббасан̇г̇ад̇о, д̇асмаа руубияз руубияасан̃н̃ий габбияавад̇т̇ум̣ жзд̇аабзд̇и бад̇д̇ажад̇уггз д̇ад̇ияабад̇д̇ам̣ вияа, д̇ам̣ сан̇гхаад̣̇ийнам̣ ниссаж̇ж̇ид̇аб̣б̣ам̣, ниссадтам̣ бана ан̃н̃зсам̣ габбад̇и д̇ад̇ияабад̇д̇о вияа. ат̇а самбадижчид̇аруубиязна жзд̇аабид̇ам̣ ход̇и д̣̇уд̇ияабад̇д̇о вияа, д̇ам̣ винааби саммуд̇ияаа яо гожи бхигку чад̣д̣зд̇и, ваддад̇и. д̇ад̇о барам̣ ‘‘сажз д̇ад̇т̇а ааг̇ажчад̇и аараамиго ваа’’д̇иаад̣̇инаа вуд̇д̇анаязнзва бадибаж̇ж̇ид̇аб̣б̣ам̣. д̇ад̇т̇а ‘‘руубияз’’д̇и ваа ‘‘аруубияз’’д̇и ваа саб̣б̣ад̇т̇а бхуммаббад̇д̇з ад̇д̇ано санд̇агам̣, убаяог̇аббад̇д̇з барасанд̇аганд̇и взд̣̇ид̇аб̣б̣ам̣. зд̇т̇ааха – убад̇иссад̇т̇зро буримасигкаабад̣̇зна руубияабадиг̇г̇ахан̣ам̣ ваарид̇ам̣, иминаа суд̣̇д̇хааг̇амзна габбияагаарагасса хад̇т̇з габбияам̣ ниссааяа тид̇зна сам̣вохааро ваарид̇од̇и.
Idāni sesattikāni vuccati – ettha hi yathāvuttappabhedaṃ nissaggiyavatthu rūpiyaṃ nāma, sesaṃ dukkaṭavatthupi kappiyavatthupi na rūpiyanti arūpiyaṃ nāma hotīti katvā ‘‘arūpiye arūpiyasaññī pañcannaṃ sahadhammikānaṃ anāpattī’’ti idaṃ na ekaṃsikaṃ āpajjati dukkaṭavatthumhi dukkaṭāpajjanato. Idha vacanappamāṇato nissaggiyavatthuto aññaṃ antamaso muttādipi arūpiyameva nāma. Tattha pañcannaṃ sahadhammikānaṃ anāpattīti ce? Na, rājasikkhāpadavirodhato. Tattha hi ‘‘muttā vā maṇi vā’’ti vuttaṃ, tasmā muttādi akappiyaṃ dukkaṭavatthūti ca siddhaṃ nissaggiyavatthūsu abhāvā. Evaṃ sante ‘‘arūpiye arūpiyasaññī pañcannaṃ sahadhammikānaṃ anāpattī’’ti suddhakappiyabhaṇḍaṃ sandhāya vuttaṃ, na sabbaṃ arūpiyaṃ. Tato aññattha pana ‘‘arūpiye rūpiyasaññī’’tiāditikadukkaṭe ca aṭṭhakathāyaṃ dassitatike ca sabbaṃ arūpiyaṃ nāmāti veditabbaṃ, tasmā arūpiyabhāvadīpanatthaṃ dutiyo tiko vutto. Tadatthameva aṭṭhakathāyaṃ dassito eko tiko. Kasmā na pāḷiyaṃ so vuttoti ce? Tattha cetāpitaarūpiye rūpiyachaḍḍanakasammutikiccābhāvato. Tasmiñhi tike vutte kappiyavatthunopi arūpiyachaḍḍanakasammuti dātabbāti āpajjati, tassa vasena rūpiyachaḍḍanakasammuti eva na vattabbāti? Na, rūpiyassapi sammutikiccābhāvappasaṅgato, tasmā rūpiye rūpiyasaññī kappiyavatthuṃ cetāpeti pattacatukke tatiyapattaṃ viya, taṃ saṅghādīnaṃ nissajjitabbaṃ, nissaṭṭhaṃ pana aññesaṃ kappati tatiyapatto viya. Atha sampaṭicchitarūpiyena cetāpitaṃ hoti dutiyapatto viya, taṃ vināpi sammutiyā yo koci bhikkhu chaḍḍeti, vaṭṭati. Tato paraṃ ‘‘sace tattha āgacchati ārāmiko vā’’tiādinā vuttanayeneva paṭipajjitabbaṃ. Tattha ‘‘rūpiye’’ti vā ‘‘arūpiye’’ti vā sabbattha bhummappatte attano santakaṃ, upayogappatte parasantakanti veditabbaṃ. Etthāha – upatissatthero purimasikkhāpadena rūpiyapaṭiggahaṇaṃ vāritaṃ, iminā suddhāgamena kappiyakārakassa hatthe kappiyaṃ nissāya ṭhitena saṃvohāro vāritoti.
589. ниссаг̇г̇ияавад̇т̇унаа ниссаг̇г̇ияавад̇т̇ум̣…бз… абараабарабаривад̇д̇анз иминаад̇и зд̇т̇а згасмим̣ зва вад̇т̇усмим̣ д̣̇виннам̣ сигкаабад̣̇аанам̣ васзна згад̇о аабад̇д̇и вуд̇д̇аа, д̇ам̣ бана бажчимасса васзна ниссаж̇ж̇ид̇аб̣б̣ам̣. зд̇зна ниссаг̇г̇ияам̣ аабаннамби аабаж̇ж̇ад̇ийд̇и згз. барасса руубияаг̇г̇ахан̣ам̣ баривад̇д̇ананд̇и руубияз аг̇г̇ахид̇з д̇асса абхаавад̇о иминаава аабад̇д̇и, на буримзна омасаваад̣̇о вияа. мусааваад̣̇зна мусаа вад̣̇анд̇ассааби хи омасаваад̣̇знзва аабад̇д̇и. ниссаг̇г̇ияавад̇т̇унаа д̣̇уггада…бз… зсзва наяод̇и зд̇асса яуд̇д̇им̣ д̣̇ассзнд̇о ‘‘яо хи аяа’’нд̇и ааха.
589.Nissaggiyavatthunā nissaggiyavatthuṃ…pe… aparāparaparivattane imināti ettha ekasmiṃ eva vatthusmiṃ dvinnaṃ sikkhāpadānaṃ vasena ekato āpatti vuttā, taṃ pana pacchimassa vasena nissajjitabbaṃ. Etena nissaggiyaṃ āpannampi āpajjatīti eke. Parassa rūpiyaggahaṇaṃ parivattananti rūpiye aggahite tassa abhāvato imināva āpatti, na purimena omasavādo viya. Musāvādena musā vadantassāpi hi omasavādeneva āpatti. Nissaggiyavatthunā dukkaṭa…pe… eseva nayoti etassa yuttiṃ dassento ‘‘yo hi aya’’nti āha.
вад̣дхим̣ баяож̇знд̇ассаад̇и зд̇т̇а ид̣̇ам̣ г̇ахзд̇ваа сад̇и маасз, сад̇и сам̣важчарз ‘‘зд̇д̇агам̣ д̣̇зхий’’д̇и жз вад̣̇ад̇и. руубияасам̣вохааро ход̇и. винаа габбияагаарагзна ‘‘зд̇д̇агаа вуд̣дхи ход̇у, зд̇д̇агам̣ г̇ан̣хаа’’д̇и вад̣̇ад̇о д̣̇уггадам̣ гаяавиггаяалагкан̣аабхаавад̇о. ‘‘муулз мууласаамигаана’’нд̇иаад̣̇и габбияагаран̣уубааяад̣̇ассанад̇т̇ам̣ вуд̇д̇ам̣, на гзвалам̣ ниссадтам̣ абарибхог̇ам̣ ход̇и, буна звам̣ гад̇з барибхун̃ж̇ид̇ум̣ ваддад̇и. д̇ассаби барибхог̇з мууласса габбияагаран̣уубааяо жз на ход̇и, габбияам̣ аажигкид̇аб̣б̣анд̇и яат̇аа баал̣ияаа жзд̇т̇а габбияагаран̣уубааяо, со жа д̇ад̇ияабад̇д̇зби, ‘‘яат̇аа жа ад̇д̇ано ад̇т̇ааяа г̇ахид̇з зваруубубааяо, д̇ат̇аа сан̇гхаад̣̇иад̇т̇ааяа г̇ахид̇зби зсо ваа’’д̇и вуд̇д̇ам̣. имз гира батамад̣̇уд̇ияабад̇д̇з яаава г̇ахадтзна баривад̇д̇зд̇и, д̇аава на габбияагаран̣уубааяо, анзгабурисаяуг̇амби ‘‘агаббияаа зваа’’д̇и адтагат̇ааяам̣ вуд̇д̇ам̣. ануг̇ан̣тибад̣̇з бана ‘‘сан̇гхасанд̇агам̣ габбияабхан̣д̣ам̣ виггин̣ид̇ваа ааг̇ад̇агахаабан̣ааниби бадиг̇г̇ахан̣ам̣ можзд̇ваава самбадижчид̇аб̣б̣аани, д̇асмаа габбияагаараго жз имаани д̇аани гахаабан̣аанийд̇и вад̣̇ад̇и, на ваддад̇иязва, бадигкибид̇аб̣б̣ам̣, на вижаарзд̇аб̣б̣ам̣, вижаарзд̇и жз? саб̣б̣зсам̣ на габбад̇и. бадиг̇г̇ахан̣ам̣ можзд̇ваа самбадижчид̇аани жз вижаарзд̇и, д̇ассзва на ваддад̇ий’’д̇и абхигкан̣ам̣ вуд̇д̇ам̣.
Vaḍḍhiṃ payojentassāti ettha idaṃ gahetvā sati māse, sati saṃvacchare ‘‘ettakaṃ dehī’’ti ce vadati. Rūpiyasaṃvohāro hoti. Vinā kappiyakārakena ‘‘ettakā vuḍḍhi hotu, ettakaṃ gaṇhā’’ti vadato dukkaṭaṃ kayavikkayalakkhaṇābhāvato. ‘‘Mūle mūlasāmikāna’’ntiādi kappiyakaraṇūpāyadassanatthaṃ vuttaṃ, na kevalaṃ nissaṭṭhaṃ aparibhogaṃ hoti, puna evaṃ kate paribhuñjituṃ vaṭṭati. Tassapi paribhoge mūlassa kappiyakaraṇūpāyo ce na hoti, kappiyaṃ ācikkhitabbanti yathā pāḷiyā cettha kappiyakaraṇūpāyo, so ca tatiyapattepi, ‘‘yathā ca attano atthāya gahite evarūpupāyo, tathā saṅghādiatthāya gahitepi eso vā’’ti vuttaṃ. Ime kira paṭhamadutiyapatte yāva gahaṭṭhena parivatteti, tāva na kappiyakaraṇūpāyo, anekapurisayugampi ‘‘akappiyā evā’’ti aṭṭhakathāyaṃ vuttaṃ. Anugaṇṭhipade pana ‘‘saṅghasantakaṃ kappiyabhaṇḍaṃ vikkiṇitvā āgatakahāpaṇānipi paṭiggahaṇaṃ mocetvāva sampaṭicchitabbāni, tasmā kappiyakārako ce imāni tāni kahāpaṇānīti vadati, na vaṭṭatiyeva, paṭikkhipitabbaṃ, na vicāretabbaṃ, vicāreti ce? Sabbesaṃ na kappati. Paṭiggahaṇaṃ mocetvā sampaṭicchitāni ce vicāreti, tasseva na vaṭṭatī’’ti abhikkhaṇaṃ vuttaṃ.
руубияасам̣вохаарасигкаабад̣̇аван̣н̣анаа нидтид̇аа.
Rūpiyasaṃvohārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. руубияасам̣вохаарасигкаабад̣̇ам̣ • 9. Rūpiyasaṃvohārasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
