| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
9. руубияасам̣вохаарасигкаабад̣̇аван̣н̣анаа
9. Rūpiyasaṃvohārasikkhāpadavaṇṇanā
587. навамз ж̇аад̇аруубаад̣̇ижад̇уб̣б̣ид̇ханиссаг̇г̇ияавад̇т̇у ид̇ха руубияаг̇г̇ахан̣знзва г̇ахид̇анд̇и ааха ‘‘ж̇аад̇аруубараж̇ад̇абаривад̇д̇ана’’нд̇и. бадиг̇г̇ахид̇абаривад̇д̇анзд̇и габбияавохаарзна, агаббияавохаарзна ваа бадиг̇г̇ахид̇асса руубияасса баривад̇д̇анз.
587. Navame jātarūpādicatubbidhanissaggiyavatthu idha rūpiyaggahaṇeneva gahitanti āha ‘‘jātarūparajataparivattana’’nti. Paṭiggahitaparivattaneti kappiyavohārena, akappiyavohārena vā paṭiggahitassa rūpiyassa parivattane.
589. баал̣ияам̣ гханагад̇анд̇и идтагаад̣̇и. руубияам̣ наама сад̇т̇уван̣н̣од̇иаад̣̇ийсу гин̃жааби гзвалам̣ раж̇ад̇ам̣ на г̇ахид̇ам̣, д̇ат̇ааби руубияабад̣̇знзва д̇ам̣ г̇ахид̇анд̇и д̣̇адтаб̣б̣ам̣. суд̣̇д̇хо руубияасам̣вохааро зва вуд̇д̇од̇и аж̇жхаахарид̇аб̣б̣ам̣. руубияз руубияасан̃н̃ийд̇иаад̣̇имхи винижчаяам̣ вагкаамаад̇и баатасзсо.
589. Pāḷiyaṃ ghanakatanti iṭṭhakādi. Rūpiyaṃ nāma satthuvaṇṇotiādīsu kiñcāpi kevalaṃ rajataṃ na gahitaṃ, tathāpi rūpiyapadeneva taṃ gahitanti daṭṭhabbaṃ. Suddho rūpiyasaṃvohāro eva vuttoti ajjhāharitabbaṃ. Rūpiye rūpiyasaññītiādimhi vinicchayaṃ vakkhāmāti pāṭhaseso.
591. баал̣ияам̣ руубияз руубияасан̃н̃ийд̇и ад̇д̇анаа д̣̇ияяамаанам̣ сагасанд̇агам̣ санд̇хааяа вуд̇д̇ам̣. руубияам̣ жзд̇аабзд̇ийд̇и барасанд̇агам̣. зса наяо сзсзсуби. д̇ад̇т̇а аруубияа-сад̣̇д̣̇зна д̣̇уггадавад̇т̇умби сан̇г̇ан̣хаад̇и. бажчимз бана д̇игз ‘‘аруубияз руубияасан̃н̃ий аруубияам̣ жзд̇аабзд̇и, аабад̇д̇и д̣̇уггадассаа’’д̇и иминаа наязна саб̣б̣ад̇т̇а яож̇анаа взд̣̇ид̇аб̣б̣аа. имасмин̃жа д̇игз аруубияа-сад̣̇д̣̇зна габбияавад̇т̇уязва г̇ахид̇ам̣, на муд̇д̇аад̣̇ид̣̇уггадавад̇т̇у анд̇з ‘‘бан̃жаннам̣ саха анаабад̇д̇ий’’д̇и вуд̇д̇ад̇д̇аа. гин̃жааби д̣̇уггадавад̇т̇у на г̇ахид̇ам̣, д̇ат̇ааби д̣̇уггадавад̇т̇унаа д̣̇уггадавад̇т̇ум̣, габбияавад̇т̇унаа д̣̇уггадавад̇т̇ун̃жа баривад̇д̇аяад̇о д̣̇уггадам̣, наяад̇о сид̣̇д̇хамзва ход̇и. д̇ан̃жа д̣̇уггадавад̇т̇умхи д̇ат̇асан̃н̃ааяа ваа ад̇ат̇асан̃н̃ааяа ваа вимад̇ияаа ваа баривад̇д̇знд̇ассаби ход̇иязва ажид̇д̇агад̇д̇аа имасса сигкаабад̣̇асса. бан̃жаннам̣ сахаад̇и бан̃жахи сахад̇хаммигзхи саха.
591. Pāḷiyaṃ rūpiye rūpiyasaññīti attanā diyyamānaṃ sakasantakaṃ sandhāya vuttaṃ. Rūpiyaṃ cetāpetīti parasantakaṃ. Esa nayo sesesupi. Tattha arūpiya-saddena dukkaṭavatthumpi saṅgaṇhāti. Pacchime pana tike ‘‘arūpiye rūpiyasaññī arūpiyaṃ cetāpeti, āpatti dukkaṭassā’’ti iminā nayena sabbattha yojanā veditabbā. Imasmiñca tike arūpiya-saddena kappiyavatthuyeva gahitaṃ, na muttādidukkaṭavatthu ante ‘‘pañcannaṃ saha anāpattī’’ti vuttattā. Kiñcāpi dukkaṭavatthu na gahitaṃ, tathāpi dukkaṭavatthunā dukkaṭavatthuṃ, kappiyavatthunā dukkaṭavatthuñca parivattayato dukkaṭaṃ, nayato siddhameva hoti. Tañca dukkaṭavatthumhi tathasaññāya vā atathasaññāya vā vimatiyā vā parivattentassapi hotiyeva acittakattā imassa sikkhāpadassa. Pañcannaṃ sahāti pañcahi sahadhammikehi saha.
ид̣̇аани ‘‘ниссаг̇г̇ияавад̇т̇унаа д̣̇уггадавад̇т̇ум̣ ваа’’д̇иаад̣̇инаа вуд̇д̇асса ад̇т̇асса баал̣ияам̣ саруубзна анааг̇ад̇ад̇д̇зби наяад̇о лаб̣бхамаанад̇ам̣ д̣̇ассзд̇ум̣ ‘‘яо хи аяа’’нд̇иаад̣̇и вуд̇д̇ам̣. зд̇т̇а жа яасмаа руубиязна баривад̇д̇ид̇ам̣ аруубияам̣ ниссадтамби саб̣б̣зсамби агаббияад̇д̇аа ниссаг̇г̇ияамзва на ход̇и ниссаж̇ж̇ид̇ваа барибхун̃ж̇ид̇аб̣б̣ассзва ниссаж̇ж̇ид̇аб̣б̣ад̇о, гзвалам̣ бана ид̣̇ам̣ чад̣д̣зд̇ваа баажид̇д̇ияамзва баривад̇д̇агзна д̣̇зсзд̇аб̣б̣ам̣, д̇асмаа ‘‘руубияз руубияасан̃н̃ий аруубияам̣ жзд̇аабзд̇и, ниссаг̇г̇ияам̣ баажид̇д̇ияа’’нд̇иаад̣̇и д̇иго бхаг̇авад̇аа на вуд̇д̇о, д̇ийсуби бад̣̇зсу баривад̇д̇ияамаанасса аруубияад̇д̇зна ниссаг̇г̇ияаважанааяог̇аа руубияассзва ниссаж̇ж̇ид̇аб̣б̣ад̇о. руубияассзва хи ниссадтасса аараамигаад̣̇ийхи бадибаж̇ж̇анавид̇хи баал̣ияам̣ д̣̇ассид̇о, на аруубияасса. д̇асмаа баажид̇д̇ияамад̇д̇асамбхавад̣̇ассанад̇т̇амзва банзд̇т̇а адтагат̇ааяам̣ ‘‘авуд̇д̇оби аяам̣…бз… д̇иго взд̣̇ид̇аб̣б̣о’’д̇и вуд̇д̇ам̣, на бана д̇асса вад̇т̇уно ниссаг̇г̇ияад̇аад̣̇ассанад̇т̇ам̣. д̇знзва бад̇д̇ажад̇уггз ‘‘на саггаа гзнажи убааязна габбияам̣ гаад̇у’’нд̇иаад̣̇и вуд̇д̇ам̣. аяам̣ амхаагам̣ канд̇и. ад̇д̇ано ваа хийд̇иаад̣̇и д̣̇уд̇ияад̇игаануломзнзва д̇ад̇ияад̇д̇игасса сиж̇жханаббагаарам̣ самад̇т̇зд̇ум̣ вуд̇д̇ам̣. д̇ад̇рааяам̣ ад̇хиббааяо – яасмаа хи яат̇аа ад̇д̇ано аруубиязна барасса руубияам̣ жзд̇аабзнд̇асса згасмим̣ анд̇з руубияасамбхавад̇о ‘‘руубияасам̣вохааро гад̇о зва ход̇ий’’д̇и д̣̇уд̇ияад̇д̇иго вуд̇д̇о, звам̣ ад̇д̇ано руубиязна барасса аруубияам̣ жзд̇аабзнд̇ассааби ход̇ийд̇и д̇ад̇ияо д̇иго вад̇д̇аб̣б̣о бхавзяяа, со бана д̣̇уд̇ияад̇д̇игзнзва згад̇о руубияабагкасааман̃н̃зна сиж̇жхад̇ийд̇и баал̣ияам̣ на вуд̇д̇од̇и. д̇ад̇т̇а зганд̇зна руубияабагкзд̇и згзна анд̇зна руубияабагкз, ‘‘згад̇о руубияабагкз’’д̇и ваа баато.
Idāni ‘‘nissaggiyavatthunā dukkaṭavatthuṃ vā’’tiādinā vuttassa atthassa pāḷiyaṃ sarūpena anāgatattepi nayato labbhamānataṃ dassetuṃ ‘‘yo hi aya’’ntiādi vuttaṃ. Ettha ca yasmā rūpiyena parivattitaṃ arūpiyaṃ nissaṭṭhampi sabbesampi akappiyattā nissaggiyameva na hoti nissajjitvā paribhuñjitabbasseva nissajjitabbato, kevalaṃ pana idaṃ chaḍḍetvā pācittiyameva parivattakena desetabbaṃ, tasmā ‘‘rūpiye rūpiyasaññī arūpiyaṃ cetāpeti, nissaggiyaṃ pācittiya’’ntiādi tiko bhagavatā na vutto, tīsupi padesu parivattiyamānassa arūpiyattena nissaggiyavacanāyogā rūpiyasseva nissajjitabbato. Rūpiyasseva hi nissaṭṭhassa ārāmikādīhi paṭipajjanavidhi pāḷiyaṃ dassito, na arūpiyassa. Tasmā pācittiyamattasambhavadassanatthameva panettha aṭṭhakathāyaṃ ‘‘avuttopi ayaṃ…pe… tiko veditabbo’’ti vuttaṃ, na pana tassa vatthuno nissaggiyatādassanatthaṃ. Teneva pattacatukke ‘‘na sakkā kenaci upāyena kappiyaṃ kātu’’ntiādi vuttaṃ. Ayaṃ amhākaṃ khanti. Attano vā hītiādi dutiyatikānulomeneva tatiyattikassa sijjhanappakāraṃ samatthetuṃ vuttaṃ. Tatrāyaṃ adhippāyo – yasmā hi yathā attano arūpiyena parassa rūpiyaṃ cetāpentassa ekasmiṃ ante rūpiyasambhavato ‘‘rūpiyasaṃvohāro kato eva hotī’’ti dutiyattiko vutto, evaṃ attano rūpiyena parassa arūpiyaṃ cetāpentassāpi hotīti tatiyo tiko vattabbo bhaveyya, so pana dutiyattikeneva ekato rūpiyapakkhasāmaññena sijjhatīti pāḷiyaṃ na vuttoti. Tattha ekantena rūpiyapakkheti ekena antena rūpiyapakkhe, ‘‘ekato rūpiyapakkhe’’ti vā pāṭho.
ид̣̇аани д̣̇уд̇ияад̇д̇игз аруубияабад̣̇асса ад̇т̇абхууд̇зсу д̣̇уггадавад̇т̇угаббияавад̇т̇уусу д̣̇уггадавад̇т̇унаа руубияаад̣̇ибаривад̇д̇анз аабад̇д̇ибхзд̣̇ам̣ д̣̇ассзд̇ум̣ ‘‘д̣̇уггадавад̇т̇унаа’’д̇иаад̣̇и аарад̣̇д̇хам̣. д̣̇уггадавад̇т̇унаа д̣̇уггадавад̇т̇унд̇иаад̣̇и бана д̣̇уггадавад̇т̇унаа баривад̇д̇анаббасан̇г̇з баал̣ияам̣ авуд̇д̇ассааби ад̇т̇асса наяад̇о лаб̣бхамаанад̇ам̣ д̣̇ассзд̇ум̣ вуд̇д̇ам̣. д̇ад̇т̇а иминаад̇и руубияасам̣вохаарасигкаабад̣̇зна, д̇зна жа д̣̇уггадасса ажид̇д̇агад̇амби д̣̇ассзд̇и. ан̃н̃ад̇ра сахад̇хаммигзхийд̇и ‘‘бан̃жаннам̣ саха анаабад̇д̇ий’’д̇и важанад̇о вуд̇д̇ам̣, д̇знааби гаяавиггаяасигкаабад̣̇асса габбияавад̇т̇униссид̇ад̇ам̣ зва саад̇хзд̇и. имам̣…бз… руубияажзд̇аабанан̃жа санд̇хааяа вуд̇д̇анд̇и багад̇зна самб̣анд̇хо. ид̇хаад̇и имасмим̣ сигкаабад̣̇з. д̇ад̇т̇аад̇и гаяавиггаяасигкаабад̣̇з (баараа. 593).
Idāni dutiyattike arūpiyapadassa atthabhūtesu dukkaṭavatthukappiyavatthūsu dukkaṭavatthunā rūpiyādiparivattane āpattibhedaṃ dassetuṃ ‘‘dukkaṭavatthunā’’tiādi āraddhaṃ. Dukkaṭavatthunā dukkaṭavatthuntiādi pana dukkaṭavatthunā parivattanappasaṅge pāḷiyaṃ avuttassāpi atthassa nayato labbhamānataṃ dassetuṃ vuttaṃ. Tattha imināti rūpiyasaṃvohārasikkhāpadena, tena ca dukkaṭassa acittakatampi dasseti. Aññatra sahadhammikehīti ‘‘pañcannaṃ saha anāpattī’’ti vacanato vuttaṃ, tenāpi kayavikkayasikkhāpadassa kappiyavatthunissitataṃ eva sādheti. Imaṃ…pe… rūpiyacetāpanañca sandhāya vuttanti pakatena sambandho. Idhāti imasmiṃ sikkhāpade. Tatthāti kayavikkayasikkhāpade (pārā. 593).
звам̣ д̣̇уггадавад̇т̇унаа руубияаад̣̇ибаривад̇д̇анз аабад̇д̇ибхзд̣̇ам̣ д̣̇ассзд̇ваа ид̣̇аани габбияавад̇т̇унааби д̣̇ассзд̇ум̣ ‘‘габбияавад̇т̇унаа банаа’’д̇иаад̣̇и аарад̣̇д̇хам̣. д̇ад̇т̇а д̇знзваад̇и габбияавад̇т̇унаа зва. ‘‘руубияам̣ уг̇г̇ан̣хид̇ваа’’д̇и ид̣̇ам̣ уггадтавасзна вуд̇д̇ам̣. муд̇д̇аад̣̇ид̣̇уггадавад̇т̇умби уг̇г̇ахзд̇ваа гаарид̇амби бан̃жаннамби на ваддад̇и зва. самудтаабзд̇ийд̇и саяам̣ г̇анд̇ваа, ‘‘имам̣ гахаабан̣аад̣̇им̣ гаммагаараанам̣ д̣̇ад̇ваа б̣ийж̇ам̣ самудтаабзхий’’д̇и звам̣ ан̃н̃ам̣ аан̣аабзд̇ваа ваа самудтаабзд̇и. махааагаббияод̇и ад̇д̇анаава б̣ийж̇ад̇о бадтааяа д̣̇уусид̇ад̇д̇аа ан̃н̃асса мууласаамигасса абхаавад̇о вуд̇д̇ам̣. со хи жорзхи ажчинноби буна лад̣̇д̇хо ж̇аананд̇асса гассажиби на ваддад̇и. яад̣̇и хи ваддзяяа, д̇ал̣аагаад̣̇ийсу вияа ажчинно ваддад̇ийд̇и аажарияаа вад̣̇зяяум̣. на саггаа гзнажи убааязнаад̇и сан̇гхз ниссаж̇ж̇анзна, жораад̣̇иажчинд̣̇анаад̣̇инаа жа габбияам̣ гаад̇ум̣ на саггаа, ид̣̇ан̃жа д̇зна руубзна тид̇ам̣, д̇аммуулигзна вад̇т̇умуд̇д̇аад̣̇ируубзна тид̇ан̃жа санд̇хааяа вуд̇д̇ам̣. д̣̇уггадавад̇т̇умби хи д̇аммуулигагаббияавад̇т̇ун̃жа на саггаа гзнажи убааязна д̇зна руубзна габбияам̣ гаад̇ум̣. яад̣̇и бана со бхигку д̇зна габбияавад̇т̇уд̣̇уггадавад̇т̇унаа буна руубияам̣ жзд̇аабзяяа, д̇ам̣ руубияам̣ ниссаж̇ж̇аабзд̇ваа ан̃н̃зсам̣ габбияам̣ гаад̇умби саггаа бхавзяяаад̇и д̣̇адтаб̣б̣ам̣.
Evaṃ dukkaṭavatthunā rūpiyādiparivattane āpattibhedaṃ dassetvā idāni kappiyavatthunāpi dassetuṃ ‘‘kappiyavatthunā panā’’tiādi āraddhaṃ. Tattha tenevāti kappiyavatthunā eva. ‘‘Rūpiyaṃ uggaṇhitvā’’ti idaṃ ukkaṭṭhavasena vuttaṃ. Muttādidukkaṭavatthumpi uggahetvā kāritampi pañcannampi na vaṭṭati eva. Samuṭṭhāpetīti sayaṃ gantvā, ‘‘imaṃ kahāpaṇādiṃ kammakārānaṃ datvā bījaṃ samuṭṭhāpehī’’ti evaṃ aññaṃ āṇāpetvā vā samuṭṭhāpeti. Mahāakappiyoti attanāva bījato paṭṭhāya dūsitattā aññassa mūlasāmikassa abhāvato vuttaṃ. So hi corehi acchinnopi puna laddho jānantassa kassacipi na vaṭṭati. Yadi hi vaṭṭeyya, taḷākādīsu viya acchinno vaṭṭatīti ācariyā vadeyyuṃ. Na sakkā kenaci upāyenāti saṅghe nissajjanena, corādiacchindanādinā ca kappiyaṃ kātuṃ na sakkā, idañca tena rūpena ṭhitaṃ, tammūlikena vatthumuttādirūpena ṭhitañca sandhāya vuttaṃ. Dukkaṭavatthumpi hi tammūlikakappiyavatthuñca na sakkā kenaci upāyena tena rūpena kappiyaṃ kātuṃ. Yadi pana so bhikkhu tena kappiyavatthudukkaṭavatthunā puna rūpiyaṃ cetāpeyya, taṃ rūpiyaṃ nissajjāpetvā aññesaṃ kappiyaṃ kātumpi sakkā bhaveyyāti daṭṭhabbaṃ.
бад̇д̇ам̣ гин̣аад̇ийд̇и зд̇т̇а ‘‘иминаа гахаабан̣аад̣̇инаа гаммаарагулад̇о бад̇д̇ам̣ гин̣ид̇ваа зхий’’д̇и аараамигаад̣̇ийхи гин̣аабанамби сан̇г̇ахид̇анд̇и взд̣̇ид̇аб̣б̣ам̣. д̇знзва рааж̇асигкаабад̣̇адтагат̇ааяам̣ ‘‘зд̇д̇агзхи гахаабан̣зхи саадагз аахара, зд̇д̇агзхи яааг̇уаад̣̇ийни самбаад̣̇зхийд̇и вад̣̇ад̇и, яам̣ д̇з аахаранд̇и, саб̣б̣зсам̣ агаббияам̣. гасмаа? гахаабан̣аанам̣ вижаарид̇ад̇д̇аа’’д̇и (баараа. адта. 2.538-539) вуд̇д̇ам̣ . иминаа бана важанзна яам̣ маад̇игаадтагат̇ааяам̣ руубияасам̣вохаарасигкаабад̣̇ам̣ ‘‘анаан̣ад̇д̇ига’’нд̇и вуд̇д̇ам̣, д̇ам̣ на самзд̇и. на гзвалан̃жа иминаа, баал̣ияааби д̇ам̣ на самзд̇и. баал̣ияан̃хи ниссадтаруубиязна аараамигаад̣̇ийхи саббияаад̣̇им̣ баривад̇д̇аабзд̇ум̣ ‘‘со вад̇д̇аб̣б̣о ‘аавусо, имам̣ ж̇аанаахий’д̇и. сажз со бхан̣ад̇и ‘иминаа гим̣ аахарийяад̇уу’д̇и, на вад̇д̇аб̣б̣о ‘имам̣ ваа имам̣ ваа аахараа’д̇и. габбияам̣ аажигкид̇аб̣б̣ам̣ ‘сабби ваа’’’д̇иаад̣̇инаа руубияасам̣вохаарам̣ бариможзд̇ваава вуд̇д̇ам̣. ‘‘иминаа руубиязна гим̣ аахарийяад̇уу’’д̇и бужчанд̇о ‘‘имам̣ аахараа’’д̇и вуд̇д̇зби ад̇хигаарад̇о ‘‘иминаа руубиязна имам̣ аахараа’’д̇и бхигкуухи аан̣ад̇д̇о зва ход̇ийд̇и д̇ам̣ руубияасам̣вохаарам̣ бариваж̇ж̇зд̇ум̣ ‘‘на вад̇д̇аб̣б̣о ‘имам̣ ваа имам̣ ваа аахараа’’’д̇и бадигкзбо гад̇о, анаабад̇д̇иваарзби ‘‘габбияагаарагасса аажигкад̇ий’’д̇и на вуд̇д̇ам̣. гаяавиггаяасигкаабад̣̇з (баараа. 595) бана д̇ат̇аа вуд̇д̇ам̣, д̇асмаа ид̣̇ам̣ саан̣ад̇д̇игам̣ гаяавиггаяамзва анаан̣ад̇д̇иганд̇и г̇ахзд̇аб̣б̣ам̣.
Pattaṃ kiṇātīti ettha ‘‘iminā kahāpaṇādinā kammārakulato pattaṃ kiṇitvā ehī’’ti ārāmikādīhi kiṇāpanampi saṅgahitanti veditabbaṃ. Teneva rājasikkhāpadaṭṭhakathāyaṃ ‘‘ettakehi kahāpaṇehi sāṭake āhara, ettakehi yāguādīni sampādehīti vadati, yaṃ te āharanti, sabbesaṃ akappiyaṃ. Kasmā? Kahāpaṇānaṃ vicāritattā’’ti (pārā. aṭṭha. 2.538-539) vuttaṃ . Iminā pana vacanena yaṃ mātikāṭṭhakathāyaṃ rūpiyasaṃvohārasikkhāpadaṃ ‘‘anāṇattika’’nti vuttaṃ, taṃ na sameti. Na kevalañca iminā, pāḷiyāpi taṃ na sameti. Pāḷiyañhi nissaṭṭharūpiyena ārāmikādīhi sappiyādiṃ parivattāpetuṃ ‘‘so vattabbo ‘āvuso, imaṃ jānāhī’ti. Sace so bhaṇati ‘iminā kiṃ āharīyatū’ti, na vattabbo ‘imaṃ vā imaṃ vā āharā’ti. Kappiyaṃ ācikkhitabbaṃ ‘sappi vā’’’tiādinā rūpiyasaṃvohāraṃ parimocetvāva vuttaṃ. ‘‘Iminā rūpiyena kiṃ āharīyatū’’ti pucchanto ‘‘imaṃ āharā’’ti vuttepi adhikārato ‘‘iminā rūpiyena imaṃ āharā’’ti bhikkhūhi āṇatto eva hotīti taṃ rūpiyasaṃvohāraṃ parivajjetuṃ ‘‘na vattabbo ‘imaṃ vā imaṃ vā āharā’’’ti paṭikkhepo kato, anāpattivārepi ‘‘kappiyakārakassa ācikkhatī’’ti na vuttaṃ. Kayavikkayasikkhāpade (pārā. 595) pana tathā vuttaṃ, tasmā idaṃ sāṇattikaṃ kayavikkayameva anāṇattikanti gahetabbaṃ.
мууласса аниссадтад̇д̇аад̇и язна уг̇г̇ахид̇амуулзна бад̇д̇о гийд̇о, д̇асса мууласса сан̇гхамаж̇жхз аниссадтад̇д̇аа, зд̇зна руубияамзва ниссаж̇ж̇ид̇аб̣б̣ам̣, на д̇аммуулигам̣ аруубияанд̇и д̣̇ассзд̇и. яад̣̇и хи д̇зна руубиязна ан̃н̃ам̣ руубияам̣ жзд̇аабзяяа, д̇ам̣ руубияасам̣вохаарасигкаабад̣̇з ааг̇ад̇анаязнзва ниссаж̇ж̇аабзд̇ваа сзсзхи барибхун̃ж̇ид̇аб̣б̣ам̣ бхавзяяаад̇и. ‘‘мууласса асамбадижчид̇ад̇д̇аа’’д̇и иминаа мууласса г̇ихисанд̇агад̇д̇ам̣, д̇знзва бад̇д̇асса руубияасам̣вохаараануббаннад̇ан̃жа д̣̇ассзд̇и. бан̃жасахад̇хаммигасанд̇агзнзва хи руубияасам̣вохаарад̣̇осо. д̇ад̇т̇а жа ад̇д̇ано санд̇агз баажид̇д̇ияам̣, ид̇арад̇т̇а д̣̇уггадам̣.
Mūlassa anissaṭṭhattāti yena uggahitamūlena patto kīto, tassa mūlassa saṅghamajjhe anissaṭṭhattā, etena rūpiyameva nissajjitabbaṃ, na tammūlikaṃ arūpiyanti dasseti. Yadi hi tena rūpiyena aññaṃ rūpiyaṃ cetāpeyya, taṃ rūpiyasaṃvohārasikkhāpade āgatanayeneva nissajjāpetvā sesehi paribhuñjitabbaṃ bhaveyyāti. ‘‘Mūlassa asampaṭicchitattā’’ti iminā mūlassa gihisantakattaṃ, teneva pattassa rūpiyasaṃvohārānuppannatañca dasseti. Pañcasahadhammikasantakeneva hi rūpiyasaṃvohāradoso. Tattha ca attano santake pācittiyaṃ, itarattha dukkaṭaṃ.
ниссаж̇ж̇ийд̇и д̣̇аанавасзна вуд̇д̇ам̣, на винаяагаммавасзна. д̇знзва ‘‘саббисса буурзд̇ваа’’д̇и вуд̇д̇ам̣. яам̣ ад̇д̇ано д̇ханзна баривад̇д̇зд̇и, д̇асса ваа д̇ханасса руубияабхааво, баривад̇д̇анабаривад̇д̇аабанзсу ан̃н̃ад̇арабхааво жаад̇и имаанзд̇т̇а д̣̇вз ан̇г̇аани.
Nissajjīti dānavasena vuttaṃ, na vinayakammavasena. Teneva ‘‘sappissa pūretvā’’ti vuttaṃ. Yaṃ attano dhanena parivatteti, tassa vā dhanassa rūpiyabhāvo, parivattanaparivattāpanesu aññatarabhāvo cāti imānettha dve aṅgāni.
руубияасам̣вохаарасигкаабад̣̇аван̣н̣анаа нидтид̇аа.
Rūpiyasaṃvohārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. руубияасам̣вохаарасигкаабад̣̇ам̣ • 9. Rūpiyasaṃvohārasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
