| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੯. ਰੂਪਿਯਸਂવੋਹਾਰਸਿਕ੍ਖਾਪਦવਣ੍ਣਨਾ
9. Rūpiyasaṃvohārasikkhāpadavaṇṇanā
੫੮੭. ਤੇਨ ਸਮਯੇਨਾਤਿ ਰੂਪਿਯਸਂવੋਹਾਰਸਿਕ੍ਖਾਪਦਂ। ਤਤ੍ਥ ਨਾਨਪ੍ਪਕਾਰਕਨ੍ਤਿ ਕਤਾਕਤਾਦਿવਸੇਨ ਅਨੇਕવਿਧਂ। ਰੂਪਿਯਸਂવੋਹਾਰਨ੍ਤਿ ਜਾਤਰੂਪਰਜਤਪਰਿવਤ੍ਤਨਂ। ਸਮਾਪਜ੍ਜਨ੍ਤੀਤਿ ਪਟਿਗ੍ਗਹਣਸ੍ਸੇવ ਪਟਿਕ੍ਖਿਤਤ੍ਤਾ ਪਟਿਗ੍ਗਹਿਤਪਰਿવਤ੍ਤਨੇ ਦੋਸਂ ਅਪਸ੍ਸਨ੍ਤਾ ਕਰੋਨ੍ਤਿ।
587.Tena samayenāti rūpiyasaṃvohārasikkhāpadaṃ. Tattha nānappakārakanti katākatādivasena anekavidhaṃ. Rūpiyasaṃvohāranti jātarūparajataparivattanaṃ. Samāpajjantīti paṭiggahaṇasseva paṭikkhitattā paṭiggahitaparivattane dosaṃ apassantā karonti.
੫੮੯. ਸੀਸੂਪਗਨ੍ਤਿਆਦੀਸੁ ਸੀਸਂ ਉਪਗਚ੍ਛਤੀਤਿ ਸੀਸੂਪਗਂ, ਪੋਤ੍ਥਕੇਸੁ ਪਨ ‘‘ਸੀਸੂਪਕ’’ਨ੍ਤਿ ਲਿਖਿਤਂ, ਯਸ੍ਸ ਕਸ੍ਸਚਿ ਸੀਸਾਲਙ੍ਕਾਰਸ੍ਸੇਤਂ ਅਧਿવਚਨਂ। ਏਸ ਨਯੋ ਸਬ੍ਬਤ੍ਥ। ਕਤੇਨ ਕਤਨ੍ਤਿਆਦੀਸੁ ਸੁਦ੍ਧੋ ਰੂਪਿਯਸਂવੋਹਾਰੋਯੇવ।
589.Sīsūpagantiādīsu sīsaṃ upagacchatīti sīsūpagaṃ, potthakesu pana ‘‘sīsūpaka’’nti likhitaṃ, yassa kassaci sīsālaṅkārassetaṃ adhivacanaṃ. Esa nayo sabbattha. Katena katantiādīsu suddho rūpiyasaṃvohāroyeva.
ਰੂਪਿਯੇ ਰੂਪਿਯਸਞ੍ਞੀਤਿਆਦਿਮ੍ਹਿ ਪੁਰਿਮਸਿਕ੍ਖਾਪਦੇ વੁਤ੍ਤવਤ੍ਥੂਸੁ ਨਿਸ੍ਸਗ੍ਗਿਯવਤ੍ਥੁਨਾ ਨਿਸ੍ਸਗ੍ਗਿਯવਤ੍ਥੁਂ ਚੇਤਾਪੇਨ੍ਤਸ੍ਸ ਮੂਲਗ੍ਗਹਣੇ ਪੁਰਿਮਸਿਕ੍ਖਾਪਦੇਨ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ, ਅਪਰਾਪਰਪਰਿવਤ੍ਤਨੇ ਇਮਿਨਾ ਨਿਸ੍ਸਗ੍ਗਿਯਪਾਚਿਤ੍ਤਿਯਮੇવ। ਨਿਸ੍ਸਗ੍ਗਿਯવਤ੍ਥੁਨਾ ਦੁਕ੍ਕਟવਤ੍ਥੁਂ વਾ ਕਪ੍ਪਿਯવਤ੍ਥੁਂ વਾ ਚੇਤਾਪੇਨ੍ਤਸ੍ਸਪਿ ਏਸੇવ ਨਯੋ। ਯੋ ਹਿ ਅਯਂ ਅਰੂਪਿਯੇ ਰੂਪਿਯਸਞ੍ਞੀ ਰੂਪਿਯਂ ਚੇਤਾਪੇਤੀਤਿਆਦਿ ਦੁਤਿਯੋ ਤਿਕੋ વੁਤ੍ਤੋ, ਤਸ੍ਸਾਨੁਲੋਮਤ੍ਤਾ ਅવੁਤ੍ਤੋਪਿ ਅਯਮਪਰੋਪਿ ਰੂਪਿਯੇ ਰੂਪਿਯਸਞ੍ਞੀ ਅਰੂਪਿਯਂ ਚੇਤਾਪੇਤੀਤਿਆਦਿ ਤਿਕੋ વੇਦਿਤਬ੍ਬੋ। ਅਤ੍ਤਨੋ વਾ ਹਿ ਅਰੂਪਿਯੇਨ ਪਰਸ੍ਸ ਰੂਪਿਯਂ ਚੇਤਾਪੇਯ੍ਯ ਅਤ੍ਤਨੋ વਾ ਰੂਪਿਯੇਨ ਪਰਸ੍ਸ ਅਰੂਪਿਯਂ, ਉਭਯਥਾਪਿ ਰੂਪਿਯਸਂવੋਹਾਰੋ ਕਤੋਯੇવ ਹੋਤਿ, ਤਸ੍ਮਾ ਪਾਲ਼ਿਯਂ ਏਕਨ੍ਤੇਨ ਰੂਪਿਯਪਕ੍ਖੇ ਏਕੋਯੇવ ਤਿਕੋ વੁਤ੍ਤੋਤਿ।
Rūpiye rūpiyasaññītiādimhi purimasikkhāpade vuttavatthūsu nissaggiyavatthunā nissaggiyavatthuṃ cetāpentassa mūlaggahaṇe purimasikkhāpadena nissaggiyaṃ pācittiyaṃ, aparāparaparivattane iminā nissaggiyapācittiyameva. Nissaggiyavatthunā dukkaṭavatthuṃ vā kappiyavatthuṃ vā cetāpentassapi eseva nayo. Yo hi ayaṃ arūpiye rūpiyasaññī rūpiyaṃ cetāpetītiādi dutiyo tiko vutto, tassānulomattā avuttopi ayamaparopi rūpiye rūpiyasaññī arūpiyaṃ cetāpetītiādi tiko veditabbo. Attano vā hi arūpiyena parassa rūpiyaṃ cetāpeyya attano vā rūpiyena parassa arūpiyaṃ, ubhayathāpi rūpiyasaṃvohāro katoyeva hoti, tasmā pāḷiyaṃ ekantena rūpiyapakkhe ekoyeva tiko vuttoti.
ਦੁਕ੍ਕਟવਤ੍ਥੁਨਾ ਪਨ ਨਿਸ੍ਸਗ੍ਗਿਯવਤ੍ਥੁਂ ਚੇਤਾਪੇਨ੍ਤਸ੍ਸ ਮੂਲਗ੍ਗਹਣੇ ਪੁਰਿਮਸਿਕ੍ਖਾਪਦੇਨ ਦੁਕ੍ਕਟਂ, ਪਚ੍ਛਾ ਪਰਿવਤ੍ਤਨੇ ਇਮਿਨਾ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ, ਗਰੁਕਸ੍ਸ ਚੇਤਾਪਿਤਤ੍ਤਾ। ਦੁਕ੍ਕਟવਤ੍ਥੁਨਾ ਦੁਕ੍ਕਟવਤ੍ਥੁਮੇવ, ਕਪ੍ਪਿਯવਤ੍ਥੁਂ વਾ ਚੇਤਾਪੇਨ੍ਤਸ੍ਸ ਮੂਲਗ੍ਗਹਣੇ ਪੁਰਿਮਸਿਕ੍ਖਾਪਦੇਨ ਦੁਕ੍ਕਟਂ, ਪਚ੍ਛਾ ਪਰਿવਤ੍ਤਨੇਪਿ ਇਮਿਨਾ ਦੁਕ੍ਕਟਮੇવ। ਕਸ੍ਮਾ? ਅਕਪ੍ਪਿਯવਤ੍ਥੁਨਾ ਚੇਤਾਪਿਤਤ੍ਤਾ। ਅਨ੍ਧਕਟ੍ਠਕਥਾਯਂ ਪਨ ‘‘ਸਚੇ ਕਯવਿਕ੍ਕਯਂ ਸਮਾਪਜ੍ਜੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ ਭਾਸਿਤਂ, ਤਂ ਦੁਬ੍ਭਾਸਿਤਂ। ਕਸ੍ਮਾ? ਨ ਹਿ ਦਾਨਗ੍ਗਹਣਤੋ ਅਞ੍ਞੋ ਕਯવਿਕ੍ਕਯੋ ਨਾਮ ਅਤ੍ਥਿ, ਕਯવਿਕ੍ਕਯਸਿਕ੍ਖਾਪਦਞ੍ਚ ਕਪ੍ਪਿਯવਤ੍ਥੁਨਾ ਕਪ੍ਪਿਯવਤ੍ਥੁਪਰਿવਤ੍ਤਨਮੇવ ਸਨ੍ਧਾਯ વੁਤ੍ਤਂ, ਤਞ੍ਚ ਖੋ ਅਞ੍ਞਤ੍ਰ ਸਹਧਮ੍ਮਿਕੇਹਿ। ਇਦਂ ਸਿਕ੍ਖਾਪਦਂ ਰੂਪਿਯੇਨ ਚ ਰੂਪਿਯਾਰੂਪਿਯਚੇਤਾਪਨਂ ਅਰੂਪਿਯੇਨ ਚ ਰੂਪਿਯਚੇਤਾਪਨਂ। ਦੁਕ੍ਕਟવਤ੍ਥੁਨਾ ਪਨ ਦੁਕ੍ਕਟવਤ੍ਥੁਨੋ ਚੇਤਾਪਨਂ ਨੇવ ਇਧ ਨ ਤਤ੍ਥ ਪਾਲ਼ਿਯਂ વੁਤ੍ਤਂ, ਨ ਚੇਤ੍ਥ ਅਨਾਪਤ੍ਤਿ ਭવਿਤੁਂ ਅਰਹਤਿ। ਤਸ੍ਮਾ ਯਥੇવ ਦੁਕ੍ਕਟવਤ੍ਥੁਨੋ ਪਟਿਗ੍ਗਹਣੇ ਦੁਕ੍ਕਟਂ, ਤਥੇવ ਤਸ੍ਸ વਾ ਤੇਨ વਾ ਚੇਤਾਪਨੇਪਿ ਦੁਕ੍ਕਟਂ ਯੁਤ੍ਤਨ੍ਤਿ ਭਗવਤੋ ਅਧਿਪ੍ਪਾਯਞ੍ਞੂਹਿ વੁਤ੍ਤਂ।
Dukkaṭavatthunā pana nissaggiyavatthuṃ cetāpentassa mūlaggahaṇe purimasikkhāpadena dukkaṭaṃ, pacchā parivattane iminā nissaggiyaṃ pācittiyaṃ, garukassa cetāpitattā. Dukkaṭavatthunā dukkaṭavatthumeva, kappiyavatthuṃ vā cetāpentassa mūlaggahaṇe purimasikkhāpadena dukkaṭaṃ, pacchā parivattanepi iminā dukkaṭameva. Kasmā? Akappiyavatthunā cetāpitattā. Andhakaṭṭhakathāyaṃ pana ‘‘sace kayavikkayaṃ samāpajjeyya, nissaggiyaṃ pācittiya’’nti bhāsitaṃ, taṃ dubbhāsitaṃ. Kasmā? Na hi dānaggahaṇato añño kayavikkayo nāma atthi, kayavikkayasikkhāpadañca kappiyavatthunā kappiyavatthuparivattanameva sandhāya vuttaṃ, tañca kho aññatra sahadhammikehi. Idaṃ sikkhāpadaṃ rūpiyena ca rūpiyārūpiyacetāpanaṃ arūpiyena ca rūpiyacetāpanaṃ. Dukkaṭavatthunā pana dukkaṭavatthuno cetāpanaṃ neva idha na tattha pāḷiyaṃ vuttaṃ, na cettha anāpatti bhavituṃ arahati. Tasmā yatheva dukkaṭavatthuno paṭiggahaṇe dukkaṭaṃ, tatheva tassa vā tena vā cetāpanepi dukkaṭaṃ yuttanti bhagavato adhippāyaññūhi vuttaṃ.
ਕਪ੍ਪਿਯવਤ੍ਥੁਨਾ ਪਨ ਨਿਸ੍ਸਗ੍ਗਿਯવਤ੍ਥੁਂ ਚੇਤਾਪੇਨ੍ਤਸ੍ਸ ਮੂਲਗ੍ਗਹਣੇ ਪੁਰਿਮਸਿਕ੍ਖਾਪਦੇਨ ਅਨਾਪਤ੍ਤਿ, ਪਚ੍ਛਾ ਪਰਿવਤ੍ਤਨੇ ਇਮਿਨਾ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। વੁਤ੍ਤਞ੍ਹੇਤਂ – ‘‘ਅਰੂਪਿਯੇ ਅਰੂਪਿਯਸਞ੍ਞੀ ਰੂਪਿਯਂ ਚੇਤਾਪੇਤਿ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ । ਤੇਨੇવ ਕਪ੍ਪਿਯવਤ੍ਥੁਨਾ ਦੁਕ੍ਕਟવਤ੍ਥੁਂ ਚੇਤਾਪੇਨ੍ਤਸ੍ਸ ਮੂਲਪਟਿਗ੍ਗਹਣੇ ਤਥੇવ ਅਨਾਪਤ੍ਤਿ, ਪਚ੍ਛਾ ਪਰਿવਤ੍ਤਨੇ ਇਮਿਨਾ ਦੁਕ੍ਕਟਂ। ਕਸ੍ਮਾ? ਅਕਪ੍ਪਿਯਸ੍ਸ ਚੇਤਾਪਿਤਤ੍ਤਾ। ਕਪ੍ਪਿਯવਤ੍ਥੁਨਾ ਪਨ ਕਪ੍ਪਿਯવਤ੍ਥੁਂ ਅਞ੍ਞਤ੍ਰ ਸਹਧਮ੍ਮਿਕੇਹਿ ਚੇਤਾਪੇਨ੍ਤਸ੍ਸ ਮੂਲਗ੍ਗਹਣੇ ਪੁਰਿਮਸਿਕ੍ਖਾਪਦੇਨ ਅਨਾਪਤ੍ਤਿ, ਪਚ੍ਛਾ ਪਰਿવਤ੍ਤਨੇ ਉਪਰਿ ਕਯવਿਕ੍ਕਯਸਿਕ੍ਖਾਪਦੇਨ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਕਯવਿਕ੍ਕਯਂ ਮੋਚੇਤ੍વਾ ਗਣ੍ਹਨ੍ਤਸ੍ਸ ਉਪਰਿਸਿਕ੍ਖਾਪਦੇਨਪਿ ਅਨਾਪਤ੍ਤਿ, વਡ੍ਢਿਂ ਪਯੋਜੇਨ੍ਤਸ੍ਸ ਦੁਕ੍ਕਟਂ।
Kappiyavatthunā pana nissaggiyavatthuṃ cetāpentassa mūlaggahaṇe purimasikkhāpadena anāpatti, pacchā parivattane iminā nissaggiyaṃ pācittiyaṃ. Vuttañhetaṃ – ‘‘arūpiye arūpiyasaññī rūpiyaṃ cetāpeti nissaggiyaṃ pācittiya’’nti . Teneva kappiyavatthunā dukkaṭavatthuṃ cetāpentassa mūlapaṭiggahaṇe tatheva anāpatti, pacchā parivattane iminā dukkaṭaṃ. Kasmā? Akappiyassa cetāpitattā. Kappiyavatthunā pana kappiyavatthuṃ aññatra sahadhammikehi cetāpentassa mūlaggahaṇe purimasikkhāpadena anāpatti, pacchā parivattane upari kayavikkayasikkhāpadena nissaggiyaṃ pācittiyaṃ. Kayavikkayaṃ mocetvā gaṇhantassa uparisikkhāpadenapi anāpatti, vaḍḍhiṃ payojentassa dukkaṭaṃ.
ਇਮਸ੍ਸ ਚ ਰੂਪਿਯਸਂવੋਹਾਰਸ੍ਸ ਗਰੁਕਭਾવਦੀਪਕਂ ਇਦਂ ਪਤ੍ਤਚਤੁਕ੍ਕਂ વੇਦਿਤਬ੍ਬਂ। ਯੋ ਹਿ ਰੂਪਿਯਂ ਉਗ੍ਗਣ੍ਹਿਤ੍વਾ ਤੇਨ ਅਯਬੀਜਂ ਸਮੁਟ੍ਠਾਪੇਤਿ, ਤਂ ਕੋਟ੍ਟਾਪੇਤ੍વਾ ਤੇਨ ਲੋਹੇਨ ਪਤ੍ਤਂ ਕਾਰੇਤਿ, ਅਯਂ ਪਤ੍ਤੋ ਮਹਾਅਕਪ੍ਪਿਯੋ ਨਾਮ, ਨ ਸਕ੍ਕਾ ਕੇਨਚਿ ਉਪਾਯੇਨ ਕਪ੍ਪਿਯੋ ਕਾਤੁਂ। ਸਚੇ ਹਿ ਤਂ વਿਨਾਸੇਤ੍વਾ ਥਾਲਕਂ ਕਾਰੇਤਿ, ਤਮ੍ਪਿ ਅਕਪ੍ਪਿਯਂ। વਾਸਿਂ ਕਾਰੇਤਿ, ਤਾਯ ਛਿਨ੍ਨਂ ਦਨ੍ਤਕਟ੍ਠਮ੍ਪਿ ਅਕਪ੍ਪਿਯਂ। ਬਲ਼ਿਸਂ ਕਾਰੋਤਿ, ਤੇਨ ਮਾਰਿਤਾ ਮਚ੍ਛਾਪਿ ਅਕਪ੍ਪਿਯਾ। વਾਸਿਫਲਂ ਤਾਪੇਤ੍વਾ ਉਦਕਂ વਾ ਖੀਰਂ વਾ ਉਣ੍ਹਾਪੇਤਿ, ਤਮ੍ਪਿ ਅਕਪ੍ਪਿਯਮੇવ।
Imassa ca rūpiyasaṃvohārassa garukabhāvadīpakaṃ idaṃ pattacatukkaṃ veditabbaṃ. Yo hi rūpiyaṃ uggaṇhitvā tena ayabījaṃ samuṭṭhāpeti, taṃ koṭṭāpetvā tena lohena pattaṃ kāreti, ayaṃ patto mahāakappiyo nāma, na sakkā kenaci upāyena kappiyo kātuṃ. Sace hi taṃ vināsetvā thālakaṃ kāreti, tampi akappiyaṃ. Vāsiṃ kāreti, tāya chinnaṃ dantakaṭṭhampi akappiyaṃ. Baḷisaṃ kāroti, tena māritā macchāpi akappiyā. Vāsiphalaṃ tāpetvā udakaṃ vā khīraṃ vā uṇhāpeti, tampi akappiyameva.
ਯੋ ਪਨ ਰੂਪਿਯਂ ਉਗ੍ਗਣ੍ਹਿਤ੍વਾ ਤੇਨ ਪਤ੍ਤਂ ਕਿਣਾਤਿ, ਅਯਮ੍ਪਿ ਪਤ੍ਤੋ ਅਕਪ੍ਪਿਯੋ। ‘‘ਪਞ੍ਚਨ੍ਨਮ੍ਪਿ ਸਹਧਮ੍ਮਿਕਾਨਂ ਨ ਕਪ੍ਪਤੀ’’ਤਿ ਮਹਾਪਚ੍ਚਰਿਯਂ વੁਤ੍ਤਂ। ਸਕ੍ਕਾ ਪਨ ਕਪ੍ਪਿਯੋ ਕਾਤੁਂ, ਸੋ ਹਿ ਮੂਲੇ ਮੂਲਸਾਮਿਕਾਨਂ ਪਤ੍ਤੇ ਚ ਪਤ੍ਤਸਾਮਿਕਾਨਂ ਦਿਨ੍ਨੇ ਕਪ੍ਪਿਯੋ ਹੋਤਿ। ਕਪ੍ਪਿਯਭਣ੍ਡਂ ਦਤ੍વਾ ਗਹੇਤ੍વਾ ਪਰਿਭੁਞ੍ਜਿਤੁਂ વਟ੍ਟਤਿ।
Yo pana rūpiyaṃ uggaṇhitvā tena pattaṃ kiṇāti, ayampi patto akappiyo. ‘‘Pañcannampi sahadhammikānaṃ na kappatī’’ti mahāpaccariyaṃ vuttaṃ. Sakkā pana kappiyo kātuṃ, so hi mūle mūlasāmikānaṃ patte ca pattasāmikānaṃ dinne kappiyo hoti. Kappiyabhaṇḍaṃ datvā gahetvā paribhuñjituṃ vaṭṭati.
ਯੋਪਿ ਰੂਪਿਯਂ ਉਗ੍ਗਣ੍ਹਾਪੇਤ੍વਾ ਕਪ੍ਪਿਯਕਾਰਕੇਨ ਸਦ੍ਧਿਂ ਕਮ੍ਮਾਰਕੁਲਂ ਗਨ੍ਤ੍વਾ ਪਤ੍ਤਂ ਦਿਸ੍વਾ ‘‘ਅਯਂ ਮਯ੍ਹਂ ਰੁਚ੍ਚਤੀ’’ਤਿ વਦਤਿ। ਕਪ੍ਪਿਯਕਾਰਕੋ ਚ ਤਂ ਰੂਪਿਯਂ ਦਤ੍વਾ ਕਮ੍ਮਾਰਂ ਸਞ੍ਞਾਪੇਤਿ, ਅਯਮ੍ਪਿ ਪਤ੍ਤੋ ਕਪ੍ਪਿਯવੋਹਾਰੇਨ ਗਹਿਤੋਪਿ ਦੁਤਿਯਪਤ੍ਤਸਦਿਸੋਯੇવ, ਮੂਲਸ੍ਸ ਸਮ੍ਪਟਿਚ੍ਛਿਤਤ੍ਤਾ ਅਕਪ੍ਪਿਯੋ। ਕਸ੍ਮਾ ਸੇਸਾਨਂ ਨ ਕਪ੍ਪਤੀਤਿ? ਮੂਲਸ੍ਸ ਅਨਿਸ੍ਸਟ੍ਠਤ੍ਤਾ।
Yopi rūpiyaṃ uggaṇhāpetvā kappiyakārakena saddhiṃ kammārakulaṃ gantvā pattaṃ disvā ‘‘ayaṃ mayhaṃ ruccatī’’ti vadati. Kappiyakārako ca taṃ rūpiyaṃ datvā kammāraṃ saññāpeti, ayampi patto kappiyavohārena gahitopi dutiyapattasadisoyeva, mūlassa sampaṭicchitattā akappiyo. Kasmā sesānaṃ na kappatīti? Mūlassa anissaṭṭhattā.
ਯੋ ਪਨ ਰੂਪਿਯਂ ਅਸਮ੍ਪਟਿਚ੍ਛਿਤ੍વਾ ‘‘ਥੇਰਸ੍ਸ ਪਤ੍ਤਂ ਕਿਣਿਤ੍વਾ ਦੇਹੀ’’ਤਿ ਪਹਿਤਕਪ੍ਪਿਯਕਾਰਕੇਨ ਸਦ੍ਧਿਂ ਕਮ੍ਮਾਰਕੁਲਂ ਗਨ੍ਤ੍વਾ ਪਤ੍ਤਂ ਦਿਸ੍વਾ ‘‘ਇਮੇ ਕਹਾਪਣੇ ਗਹੇਤ੍વਾ ਇਮਂ ਦੇਹੀ’’ਤਿ ਕਹਾਪਣੇ ਦਾਪੇਤ੍વਾ ਗਹਿਤੋ, ਅਯਂ ਪਤ੍ਤੋ ਏਤਸ੍ਸੇવ ਭਿਕ੍ਖੁਨੋ ਨ વਟ੍ਟਤਿ ਦੁਬ੍ਬਿਚਾਰਿਤਤ੍ਤਾ, ਅਞ੍ਞੇਸਂ ਪਨ વਟ੍ਟਤਿ, ਮੂਲਸ੍ਸ ਅਸਮ੍ਪਟਿਚ੍ਛਿਤਤ੍ਤਾ।
Yo pana rūpiyaṃ asampaṭicchitvā ‘‘therassa pattaṃ kiṇitvā dehī’’ti pahitakappiyakārakena saddhiṃ kammārakulaṃ gantvā pattaṃ disvā ‘‘ime kahāpaṇe gahetvā imaṃ dehī’’ti kahāpaṇe dāpetvā gahito, ayaṃ patto etasseva bhikkhuno na vaṭṭati dubbicāritattā, aññesaṃ pana vaṭṭati, mūlassa asampaṭicchitattā.
ਮਹਾਸੁਮਤ੍ਥੇਰਸ੍ਸ ਕਿਰ ਉਪਜ੍ਝਾਯੋ ਅਨੁਰੁਦ੍ਧਤ੍ਥੇਰੋ ਨਾਮ ਅਹੋਸਿ। ਸੋ ਅਤ੍ਤਨੋ ਏવਰੂਪਂ ਪਤ੍ਤਂ ਸਪ੍ਪਿਸ੍ਸ ਪੂਰੇਤ੍વਾ ਸਙ੍ਘਸ੍ਸ ਨਿਸ੍ਸਜ੍ਜਿ। ਤਿਪਿਟਕਚੂਲ਼ਨਾਗਤ੍ਥੇਰਸ੍ਸਪਿ ਸਦ੍ਧਿવਿਹਾਰਿਕਾਨਂ ਏવਰੂਪੋ ਪਤ੍ਤੋ ਅਹੋਸਿ। ਤਂ ਥੇਰੋਪਿ ਸਪ੍ਪਿਸ੍ਸ ਪੂਰਾਪੇਤ੍વਾ ਸਙ੍ਘਸ੍ਸ ਨਿਸ੍ਸਜ੍ਜਾਪੇਸੀਤਿ। ਇਦਂ ਅਕਪ੍ਪਿਯਪਤ੍ਤਚਤੁਕ੍ਕਂ।
Mahāsumattherassa kira upajjhāyo anuruddhatthero nāma ahosi. So attano evarūpaṃ pattaṃ sappissa pūretvā saṅghassa nissajji. Tipiṭakacūḷanāgattherassapi saddhivihārikānaṃ evarūpo patto ahosi. Taṃ theropi sappissa pūrāpetvā saṅghassa nissajjāpesīti. Idaṃ akappiyapattacatukkaṃ.
ਸਚੇ ਪਨ ਰੂਪਿਯਂ ਅਸਮ੍ਪਟਿਚ੍ਛਿਤ੍વਾ ‘‘ਥੇਰਸ੍ਸ ਪਤ੍ਤਂ ਕਿਣਿਤ੍વਾ ਦੇਹੀ’’ਤਿ ਪਹਿਤਕਪ੍ਪਿਯਕਾਰਕੇਨ ਸਦ੍ਧਿਂ ਕਮ੍ਮਾਰਕੁਲਂ ਗਨ੍ਤ੍વਾ ਪਤ੍ਤਂ ਦਿਸ੍વਾ ‘‘ਅਯਂ ਮਯ੍ਹਂ ਰੁਚ੍ਚਤੀ’’ਤਿ વਾ ‘‘ਇਮਾਹਂ ਗਹੇਸ੍ਸਾਮੀ’’ਤਿ વਾ વਦਤਿ, ਕਪ੍ਪਿਯਕਾਰਕੋ ਚ ਤਂ ਰੂਪਿਯਂ ਦਤ੍વਾ ਕਮ੍ਮਾਰਂ ਸਞ੍ਞਾਪੇਤਿ, ਅਯਂ ਪਤ੍ਤੋ ਸਬ੍ਬਕਪ੍ਪਿਯੋ ਬੁਦ੍ਧਾਨਮ੍ਪਿ ਪਰਿਭੋਗਾਰਹੋਤਿ।
Sace pana rūpiyaṃ asampaṭicchitvā ‘‘therassa pattaṃ kiṇitvā dehī’’ti pahitakappiyakārakena saddhiṃ kammārakulaṃ gantvā pattaṃ disvā ‘‘ayaṃ mayhaṃ ruccatī’’ti vā ‘‘imāhaṃ gahessāmī’’ti vā vadati, kappiyakārako ca taṃ rūpiyaṃ datvā kammāraṃ saññāpeti, ayaṃ patto sabbakappiyo buddhānampi paribhogārahoti.
੫੯੧. ਅਰੂਪਿਯੇ ਰੂਪਿਯਸਞ੍ਞੀਤਿ ਖਰਪਤ੍ਤਾਦੀਸੁ ਸੁવਣ੍ਣਾਦਿਸਞ੍ਞੀ। ਆਪਤ੍ਤਿ ਦੁਕ੍ਕਟਸ੍ਸਾਤਿ ਸਚੇ ਤੇਨ ਅਰੂਪਿਯਂ ਚੇਤਾਪੇਤਿ ਦੁਕ੍ਕਟਾਪਤ੍ਤਿ ਹੋਤਿ। ਏਸ ਨਯੋ વੇਮਤਿਕੇ। ਅਰੂਪਿਯਸਞ੍ਞਿਸ੍ਸ ਪਨ ਪਞ੍ਚਹਿ ਸਹਧਮ੍ਮਿਕੇਹਿ ਸਦ੍ਧਿ ‘‘ਇਦਂ ਗਹੇਤ੍વਾ ਇਦਂ ਦੇਥਾ’’ਤਿ ਕਯવਿਕ੍ਕਯਂ ਕਰੋਨ੍ਤਸ੍ਸਾਪਿ ਅਨਾਪਤ੍ਤਿ। ਸੇਸਂ ਉਤ੍ਤਾਨਮੇવ।
591.Arūpiye rūpiyasaññīti kharapattādīsu suvaṇṇādisaññī. Āpatti dukkaṭassāti sace tena arūpiyaṃ cetāpeti dukkaṭāpatti hoti. Esa nayo vematike. Arūpiyasaññissa pana pañcahi sahadhammikehi saddhi ‘‘idaṃ gahetvā idaṃ dethā’’ti kayavikkayaṃ karontassāpi anāpatti. Sesaṃ uttānameva.
ਛਸਮੁਟ੍ਠਾਨਂ, ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮવਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Chasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
ਰੂਪਿਯਸਂવੋਹਾਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Rūpiyasaṃvohārasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੯. ਰੂਪਿਯਸਂવੋਹਾਰਸਿਕ੍ਖਾਪਦਂ • 9. Rūpiyasaṃvohārasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੯. ਰੂਪਿਯਸਂવੋਹਾਰਸਿਕ੍ਖਾਪਦવਣ੍ਣਨਾ • 9. Rūpiyasaṃvohārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੯. ਰੂਪਿਯਸਂવੋਹਾਰਸਿਕ੍ਖਾਪਦવਣ੍ਣਨਾ • 9. Rūpiyasaṃvohārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੯. ਰੂਪਿਯਸਂવੋਹਾਰਸਿਕ੍ਖਾਪਦવਣ੍ਣਨਾ • 9. Rūpiyasaṃvohārasikkhāpadavaṇṇanā
