| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
8. руубияасигкаабад̣̇ам̣
8. Rūpiyasikkhāpadaṃ
582. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа убананд̣̇о сагяабуд̇д̇о ан̃н̃ад̇арасса гуласса гулуубаго ход̇и нижжабхад̇д̇иго. яам̣ д̇асмим̣ гулз уббаж̇ж̇ад̇и каад̣̇анийяам̣ ваа бхож̇анийяам̣ ваа д̇ад̇о ааяасмад̇о убананд̣̇асса сагяабуд̇д̇асса бадивисо табияяад̇и. д̇зна ко бана самаязна сааяам̣ д̇асмим̣ гулз мам̣сам̣ уббаннам̣ ход̇и. д̇ад̇о ааяасмад̇о убананд̣̇асса сагяабуд̇д̇асса бадивисо табид̇о ход̇и. д̇асса гуласса д̣̇аараго рад̇д̇ияаа бажжуусасамаяам̣ бажжудтааяа род̣̇ад̇и – ‘‘мам̣сам̣ мз д̣̇зт̇аа’’д̇и. ат̇а ко со бурисо баж̇аабад̇им̣ зд̇ад̣̇авожа – ‘‘аяяасса бадивисам̣ д̣̇аарагасса д̣̇зхи. ан̃н̃ам̣ жзд̇аабзд̇ваа аяяасса д̣̇ассаамаа’’д̇и.
582. Tena samayena buddho bhagavā rājagahe viharati veḷuvane kalandakanivāpe. Tena kho pana samayena āyasmā upanando sakyaputto aññatarassa kulassa kulūpako hoti niccabhattiko. Yaṃ tasmiṃ kule uppajjati khādanīyaṃ vā bhojanīyaṃ vā tato āyasmato upanandassa sakyaputtassa paṭiviso ṭhapiyyati. Tena kho pana samayena sāyaṃ tasmiṃ kule maṃsaṃ uppannaṃ hoti. Tato āyasmato upanandassa sakyaputtassa paṭiviso ṭhapito hoti. Tassa kulassa dārako rattiyā paccūsasamayaṃ paccuṭṭhāya rodati – ‘‘maṃsaṃ me dethā’’ti. Atha kho so puriso pajāpatiṃ etadavoca – ‘‘ayyassa paṭivisaṃ dārakassa dehi. Aññaṃ cetāpetvā ayyassa dassāmā’’ti.
ат̇а ко ааяасмаа убананд̣̇о сагяабуд̇д̇о буб̣б̣ан̣хасамаяам̣ ниваасзд̇ваа бад̇д̇ажийварам̣ аад̣̇ааяа язна д̇ам̣ гулам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко со бурисо язнааяасмаа убананд̣̇о сагяабуд̇д̇о д̇знубасан̇гами; убасан̇гамид̇ваа ааяасманд̇ам̣ убананд̣̇ам̣ сагяабуд̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бурисо ааяасманд̇ам̣ убананд̣̇ам̣ сагяабуд̇д̇ам̣ зд̇ад̣̇авожа – ‘‘хияяо ко, бханд̇з, сааяам̣ мам̣сам̣ уббаннам̣ ахоси. д̇ад̇о аяяасса бадивисо табид̇о. аяам̣ , бханд̇з, д̣̇аараго рад̇д̇ияаа бажжуусасамаяам̣ бажжудтааяа род̣̇ад̇и – ‘мам̣сам̣ мз д̣̇зт̇аа’д̇и. аяяасса бадивисо д̣̇аарагасса д̣̇инно. гахаабан̣зна, бханд̇з, гим̣ аахарияяад̇уу’’д̇и? ‘‘барижжад̇д̇о мз, аавусо, гахаабан̣о’’д̇и? ‘‘аама, бханд̇з, барижжад̇д̇о’’д̇и. ‘‘д̇ан̃н̃зва мз, аавусо, гахаабан̣ам̣ д̣̇зхий’’д̇и.
Atha kho āyasmā upanando sakyaputto pubbaṇhasamayaṃ nivāsetvā pattacīvaraṃ ādāya yena taṃ kulaṃ tenupasaṅkami; upasaṅkamitvā paññatte āsane nisīdi. Atha kho so puriso yenāyasmā upanando sakyaputto tenupasaṅkami; upasaṅkamitvā āyasmantaṃ upanandaṃ sakyaputtaṃ abhivādetvā ekamantaṃ nisīdi. Ekamantaṃ nisinno kho so puriso āyasmantaṃ upanandaṃ sakyaputtaṃ etadavoca – ‘‘hiyyo kho, bhante, sāyaṃ maṃsaṃ uppannaṃ ahosi. Tato ayyassa paṭiviso ṭhapito. Ayaṃ , bhante, dārako rattiyā paccūsasamayaṃ paccuṭṭhāya rodati – ‘maṃsaṃ me dethā’ti. Ayyassa paṭiviso dārakassa dinno. Kahāpaṇena, bhante, kiṃ āhariyyatū’’ti? ‘‘Pariccatto me, āvuso, kahāpaṇo’’ti? ‘‘Āma, bhante, pariccatto’’ti. ‘‘Taññeva me, āvuso, kahāpaṇaṃ dehī’’ti.
ат̇а ко со бурисо ааяасмад̇о убананд̣̇асса сагяабуд̇д̇асса гахаабан̣ам̣ д̣̇ад̇ваа уж̇жхааяад̇и кияяад̇и вибаажзд̇и – ‘‘д̇ат̇зва маяам̣ руубияам̣ бадиг̇г̇ан̣хаама звамзвимз саман̣аа сагяабуд̇д̇ияаа руубияам̣ бадиг̇г̇ан̣ханд̇ий’’д̇и. ассосум̣ ко бхигкуу д̇асса бурисасса уж̇жхааяанд̇асса кияяанд̇асса вибаажзнд̇асса. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа убананд̣̇о сагяабуд̇д̇о руубияам̣ бадиг̇г̇ахзссад̇ий’’д̇и! ат̇а ко д̇з бхигкуу ааяасманд̇ам̣ убананд̣̇ам̣ сагяабуд̇д̇ам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, убананд̣̇а, руубияам̣ бадиг̇г̇ахзсий’’д̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, руубияам̣ бадиг̇г̇ахзссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho so puriso āyasmato upanandassa sakyaputtassa kahāpaṇaṃ datvā ujjhāyati khiyyati vipāceti – ‘‘tatheva mayaṃ rūpiyaṃ paṭiggaṇhāma evamevime samaṇā sakyaputtiyā rūpiyaṃ paṭiggaṇhantī’’ti. Assosuṃ kho bhikkhū tassa purisassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto rūpiyaṃ paṭiggahessatī’’ti! Atha kho te bhikkhū āyasmantaṃ upanandaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, upananda, rūpiyaṃ paṭiggahesī’’ti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, rūpiyaṃ paṭiggahessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
583. ‘‘яо бана бхигку ж̇аад̇аруубараж̇ад̇ам̣ уг̇г̇ан̣хзяяа ваа уг̇г̇ан̣хаабзяяа ваа убанигкид̇д̇ам̣ ваа саад̣̇иязяяа, ниссаг̇г̇ияам̣ баажид̇д̇ияа’’нд̇и.
583.‘‘Yo pana bhikkhu jātarūparajataṃ uggaṇheyya vā uggaṇhāpeyya vā upanikkhittaṃ vā sādiyeyya, nissaggiyaṃ pācittiya’’nti.
584. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
584.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ж̇аад̇аруубам̣ наама сад̇т̇уван̣н̣о вужжад̇и .
Jātarūpaṃ nāma satthuvaṇṇo vuccati .
раж̇ад̇ам̣ наама гахаабан̣о лохамаасаго д̣̇аарумаасаго ж̇ад̇умаасаго яз вохаарам̣ г̇ажчанд̇и.
Rajataṃ nāma kahāpaṇo lohamāsako dārumāsako jatumāsako ye vohāraṃ gacchanti.
уг̇г̇ан̣хзяяаад̇и саяам̣ г̇ан̣хаад̇и ниссаг̇г̇ияам̣ баажид̇д̇ияам̣ 3.
Uggaṇheyyāti sayaṃ gaṇhāti nissaggiyaṃ pācittiyaṃ 4.
уг̇г̇ан̣хаабзяяаад̇и ан̃н̃ам̣ г̇аахаабзд̇и ниссаг̇г̇ияам̣ баажид̇д̇ияам̣ 5.
Uggaṇhāpeyyāti aññaṃ gāhāpeti nissaggiyaṃ pācittiyaṃ 6.
убанигкид̇д̇ам̣ ваа саад̣̇иязяяаад̇и ид̣̇ам̣ аяяасса ход̇ууд̇и убанигкид̇д̇ам̣ саад̣̇ияад̇и, ниссаг̇г̇ияам̣ ход̇и. сан̇гхамаж̇жхз ниссаж̇ж̇ид̇аб̣б̣ам̣. зван̃жа бана, бхигкавз, ниссаж̇ж̇ид̇аб̣б̣ам̣ – д̇зна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ахам̣, бханд̇з, руубияам̣ бадиг̇г̇ахзсим̣. ид̣̇ам̣ мз ниссаг̇г̇ияам̣. имаахам̣ сан̇гхасса ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. б̣яад̇д̇зна бхигкунаа бадиб̣алзна аабад̇д̇и бадиг̇г̇ахзд̇аб̣б̣аа. сажз д̇ад̇т̇а ааг̇ажчад̇и аараамиго ваа убаасаго ваа со вад̇д̇аб̣б̣о – ‘‘аавусо, имам̣ ж̇аанаахий’’д̇и. сажз со бхан̣ад̇и – ‘‘иминаа гим̣ аахарияяад̇уу’’д̇и, на вад̇д̇аб̣б̣о – ‘‘имам̣ ваа имам̣ ваа аахараа’’д̇и. габбияам̣ аажигкид̇аб̣б̣ам̣ – сабби ваа д̇злам̣ ваа мад̇ху ваа паан̣ид̇ам̣ ваа. сажз со д̇зна баривад̇д̇зд̇ваа габбияам̣ аахарад̇и руубияаббадиг̇г̇аахагам̣ табзд̇ваа саб̣б̣зхзва барибхун̃ж̇ид̇аб̣б̣ам̣. зван̃жзд̇ам̣ лабхзт̇а, ижжзд̇ам̣ гусалам̣; но жз лабхзт̇а, со вад̇д̇аб̣б̣о – ‘‘аавусо, имам̣ чад̣д̣зхий’’д̇и. сажз со чад̣д̣зд̇и, ижжзд̇ам̣ гусалам̣; но жз чад̣д̣зд̇и, бан̃жахан̇г̇зхи саманнааг̇ад̇о бхигку руубияачад̣д̣аго самманнид̇аб̣б̣о – яо на чанд̣̇ааг̇ад̇им̣ г̇ажчзяяа, на д̣̇осааг̇ад̇им̣ г̇ажчзяяа, на мохааг̇ад̇им̣ г̇ажчзяяа, на бхаяааг̇ад̇им̣ г̇ажчзяяа, чад̣д̣ид̇аачад̣д̣ид̇ан̃жа ж̇аанзяяа. зван̃жа бана, бхигкавз, самманнид̇аб̣б̣о. батамам̣ бхигку яаажид̇аб̣б̣о. яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Upanikkhittaṃvā sādiyeyyāti idaṃ ayyassa hotūti upanikkhittaṃ sādiyati, nissaggiyaṃ hoti. Saṅghamajjhe nissajjitabbaṃ. Evañca pana, bhikkhave, nissajjitabbaṃ – tena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, bhante, rūpiyaṃ paṭiggahesiṃ. Idaṃ me nissaggiyaṃ. Imāhaṃ saṅghassa nissajjāmī’’ti. Nissajjitvā āpatti desetabbā. Byattena bhikkhunā paṭibalena āpatti paṭiggahetabbā. Sace tattha āgacchati ārāmiko vā upāsako vā so vattabbo – ‘‘āvuso, imaṃ jānāhī’’ti. Sace so bhaṇati – ‘‘iminā kiṃ āhariyyatū’’ti, na vattabbo – ‘‘imaṃ vā imaṃ vā āharā’’ti. Kappiyaṃ ācikkhitabbaṃ – sappi vā telaṃ vā madhu vā phāṇitaṃ vā. Sace so tena parivattetvā kappiyaṃ āharati rūpiyappaṭiggāhakaṃ ṭhapetvā sabbeheva paribhuñjitabbaṃ. Evañcetaṃ labhetha, iccetaṃ kusalaṃ; no ce labhetha, so vattabbo – ‘‘āvuso, imaṃ chaḍḍehī’’ti. Sace so chaḍḍeti, iccetaṃ kusalaṃ; no ce chaḍḍeti, pañcahaṅgehi samannāgato bhikkhu rūpiyachaḍḍako sammannitabbo – yo na chandāgatiṃ gaccheyya, na dosāgatiṃ gaccheyya, na mohāgatiṃ gaccheyya, na bhayāgatiṃ gaccheyya, chaḍḍitāchaḍḍitañca jāneyya. Evañca pana, bhikkhave, sammannitabbo. Paṭhamaṃ bhikkhu yācitabbo. Yācitvā byattena bhikkhunā paṭibalena saṅgho ñāpetabbo –
585. ‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ руубияачад̣д̣агам̣ самманнзяяа. зсаа н̃ад̇д̇и.
585. ‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmaṃ bhikkhuṃ rūpiyachaḍḍakaṃ sammanneyya. Esā ñatti.
‘‘сун̣аад̇у мз, бханд̇з, сан̇гхо. сан̇гхо ид̇т̇аннаамам̣ бхигкум̣ руубияачад̣д̣агам̣ самманнад̇и. яассааяасмад̇о камад̇и ид̇т̇аннаамасса бхигкуно руубияачад̣д̣агасса саммуд̇и, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho itthannāmaṃ bhikkhuṃ rūpiyachaḍḍakaṃ sammannati. Yassāyasmato khamati itthannāmassa bhikkhuno rūpiyachaḍḍakassa sammuti, so tuṇhassa; yassa nakkhamati, so bhāseyya.
‘‘саммад̇о сан̇гхзна ид̇т̇аннаамо бхигку руубияачад̣д̣аго. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammato saṅghena itthannāmo bhikkhu rūpiyachaḍḍako. Khamati saṅghassa, tasmā tuṇhī, evametaṃ dhārayāmī’’ti.
д̇зна саммад̇зна бхигкунаа анимид̇д̇ам̣ гад̇ваа баад̇зд̇аб̣б̣ам̣. сажз нимид̇д̇ам̣ гад̇ваа баад̇зд̇и, аабад̇д̇и д̣̇уггадасса.
Tena sammatena bhikkhunā animittaṃ katvā pātetabbaṃ. Sace nimittaṃ katvā pāteti, āpatti dukkaṭassa.
586. руубияз руубияасан̃н̃ий руубияам̣ бадиг̇г̇ан̣хаад̇и, ниссаг̇г̇ияам̣ баажид̇д̇ияам̣. руубияз взмад̇иго руубияам̣ бадиг̇г̇ан̣хаад̇и, ниссаг̇г̇ияам̣ баажид̇д̇ияам̣. руубияз аруубияасан̃н̃ий руубияам̣ бадиг̇г̇ан̣хаад̇и, ниссаг̇г̇ияам̣ баажид̇д̇ияам̣.
586. Rūpiye rūpiyasaññī rūpiyaṃ paṭiggaṇhāti, nissaggiyaṃ pācittiyaṃ. Rūpiye vematiko rūpiyaṃ paṭiggaṇhāti, nissaggiyaṃ pācittiyaṃ. Rūpiye arūpiyasaññī rūpiyaṃ paṭiggaṇhāti, nissaggiyaṃ pācittiyaṃ.
аруубияз руубияасан̃н̃ий, аабад̇д̇и д̣̇уггадасса. аруубияз взмад̇иго, аабад̇д̇и д̣̇уггадасса. аруубияз аруубияасан̃н̃ий, анаабад̇д̇и.
Arūpiye rūpiyasaññī, āpatti dukkaṭassa. Arūpiye vematiko, āpatti dukkaṭassa. Arūpiye arūpiyasaññī, anāpatti.
анаабад̇д̇и аж̇жхаараамз ваа аж̇жхаавасат̇з ваа уг̇г̇ахзд̇ваа ваа уг̇г̇ахаабзд̇ваа ваа нигкибад̇и – яасса бхависсад̇и со хариссад̇ийд̇и, уммад̇д̇агасса, аад̣̇игаммигассаад̇и.
Anāpatti ajjhārāme vā ajjhāvasathe vā uggahetvā vā uggahāpetvā vā nikkhipati – yassa bhavissati so harissatīti, ummattakassa, ādikammikassāti.
руубияасигкаабад̣̇ам̣ нидтид̇ам̣ адтамам̣.
Rūpiyasikkhāpadaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
