| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
8. руубияасигкаабад̣̇аван̣н̣анаа
8. Rūpiyasikkhāpadavaṇṇanā
583-584. руубияасигкаабад̣̇з бана сад̇т̇уван̣н̣од̇и сад̇т̇унаа самаанаван̣н̣о. сад̇т̇уно ван̣н̣о сад̇т̇уван̣н̣о, сад̇т̇уван̣н̣о вияа ван̣н̣о ассаад̇и сад̇т̇уван̣н̣од̇и маж̇жхабад̣̇алобийсамаасо д̣̇адтаб̣б̣о. баагад̇иго наама зд̇арахи багад̇игахаабан̣о. ругкапалаб̣ийж̇амаяод̇и д̇инд̇ин̣игаад̣̇иругкаанам̣ палаб̣ийж̇зна гад̇о. ижжзд̇ам̣ саб̣б̣амбийд̇и яат̇аавуд̇д̇абхзд̣̇ам̣ саб̣б̣амби жад̇уб̣б̣ид̇хам̣ ниссаг̇г̇ияавад̇т̇у ход̇ийд̇и самб̣анд̇хо. ж̇аад̇аруубамаасагод̇и суван̣н̣агахаабан̣о.
583-584. Rūpiyasikkhāpade pana satthuvaṇṇoti satthunā samānavaṇṇo. Satthuno vaṇṇo satthuvaṇṇo, satthuvaṇṇo viya vaṇṇo assāti satthuvaṇṇoti majjhapadalopīsamāso daṭṭhabbo. Pākatiko nāma etarahi pakatikahāpaṇo. Rukkhaphalabījamayoti tintiṇikādirukkhānaṃ phalabījena kato. Iccetaṃ sabbampīti yathāvuttabhedaṃ sabbampi catubbidhaṃ nissaggiyavatthu hotīti sambandho. Jātarūpamāsakoti suvaṇṇakahāpaṇo.
г̇ан̣хзяяаад̇и ад̇д̇ано ад̇т̇ааяа д̣̇ийяамаанам̣ ваа гад̇т̇ажи тид̇ам̣ ваа ниббариг̇г̇ахам̣ д̣̇исваа саяам̣ г̇ан̣хзяяа. ‘‘ид̣̇ам̣ аяяасса ход̇уу’’д̇и звам̣ саммукаа ваа ‘‘асугасмим̣ наама таанз мама хиран̃н̃асуван̣н̣ам̣ ад̇т̇и, д̇ам̣ д̇уяхам̣ ход̇уу’’д̇и звам̣ бараммукаа тид̇ам̣ ваа гзвалам̣ ваажааяа ваа хад̇т̇амуд̣̇д̣̇ааяа ваа ‘‘д̇уяха’’нд̇и вад̇ваа барижжад̇д̇асса гааяаваажаахи аббадигкибид̇ваа жид̇д̇зна саад̣̇ияанам̣ убанигкид̇д̇асаад̣̇ияанам̣ наама. ‘‘саад̣̇ияад̇ий’’д̇и вуд̇д̇амзвад̇т̇ам̣ вибхаавзд̇и ‘‘г̇ан̣хид̇угаамо ход̇ий’’д̇и. ‘‘ид̣̇ам̣ г̇уд̇д̇адтаана’’нд̇и аажигкид̇аб̣б̣анд̇и бажжаяабарибхог̇ам̣язва санд̇хааяа аажигкид̇аб̣б̣ам̣. ‘‘ид̇ха нигкибаахий’’д̇и вуд̇д̇з ‘‘уг̇г̇ан̣хаабзяяа ваа’’д̇и вуд̇д̇алагкан̣зна ниссаг̇г̇ияам̣ ход̇ийд̇и ааха – ‘‘ид̇ха нигкибаахийд̇и на вад̇д̇аб̣б̣а’’нд̇и. барад̇о ‘‘имам̣ г̇ан̣хаа’’д̇и на вад̇д̇аб̣б̣анд̇и зд̇т̇ааби зсзва наяо. габбияан̃жа агаббияан̃жа ниссааяа тид̇амзва ход̇ийд̇и яасмаа д̇ад̇о уббаннабажжаяабарибхог̇о габбад̇и, д̇асмаа габбияам̣ ниссааяа тид̇ам̣. яасмаа бана д̣̇уб̣б̣ижааран̣ааяа д̇ад̇о уббаннабажжаяабарибхог̇оби на габбад̇и, д̇асмаа агаббияам̣ ниссааяа тид̇анд̇и взд̣̇ид̇аб̣б̣ам̣.
Gaṇheyyāti attano atthāya dīyamānaṃ vā katthaci ṭhitaṃ vā nippariggahaṃ disvā sayaṃ gaṇheyya. ‘‘Idaṃ ayyassa hotū’’ti evaṃ sammukhā vā ‘‘asukasmiṃ nāma ṭhāne mama hiraññasuvaṇṇaṃ atthi, taṃ tuyhaṃ hotū’’ti evaṃ parammukhā ṭhitaṃ vā kevalaṃ vācāya vā hatthamuddāya vā ‘‘tuyha’’nti vatvā pariccattassa kāyavācāhi appaṭikkhipitvā cittena sādiyanaṃ upanikkhittasādiyanaṃ nāma. ‘‘Sādiyatī’’ti vuttamevatthaṃ vibhāveti ‘‘gaṇhitukāmo hotī’’ti. ‘‘Idaṃ guttaṭṭhāna’’nti ācikkhitabbanti paccayaparibhogaṃyeva sandhāya ācikkhitabbaṃ. ‘‘Idha nikkhipāhī’’ti vutte ‘‘uggaṇhāpeyya vā’’ti vuttalakkhaṇena nissaggiyaṃ hotīti āha – ‘‘idha nikkhipāhīti na vattabba’’nti. Parato ‘‘imaṃ gaṇhā’’ti na vattabbanti etthāpi eseva nayo. Kappiyañca akappiyañca nissāya ṭhitameva hotīti yasmā tato uppannapaccayaparibhogo kappati, tasmā kappiyaṃ nissāya ṭhitaṃ. Yasmā pana dubbicāraṇāya tato uppannapaccayaparibhogopi na kappati, tasmā akappiyaṃ nissāya ṭhitanti veditabbaṃ.
на д̇зна гин̃жи габбияабхан̣д̣ам̣ жзд̇аабид̇анд̇и зд̇т̇а жзд̇аабид̇ам̣ жз, над̇т̇и барибхог̇убааяо, д̇асмаа звам̣ вуд̇д̇ам̣. агаббияан̃хи ниссаг̇г̇ияам̣ вад̇т̇ум̣ уг̇г̇ан̣хид̇ваа д̇ам̣ аниссаж̇ж̇ид̇ваава жзд̇аабид̇ам̣ габбияабхан̣д̣ам̣ сан̇гхасса ниссадтамби саб̣б̣зсам̣ на габбад̇и. гзжи бана ‘‘яасмаа ниссаг̇г̇ияам̣ вад̇т̇ум̣ бадиг̇г̇ахзд̇ваа жзд̇аабид̇ам̣ габбияабхан̣д̣ам̣ сан̇гхасса ниссаж̇ж̇аамийд̇и ниссадтам̣ винаава убааяам̣ барибхун̃ж̇ид̇ум̣ ваддад̇и, д̇асмаа ‘на д̇зна гин̃жи габбияабхан̣д̣ам̣ жзд̇аабид̇а’нд̇и вуд̇д̇а’’нд̇и вад̣̇анд̇и. ‘‘аараамигаанам̣ ваа бад̇д̇абхааг̇анд̇и ид̣̇ам̣ г̇ихийнам̣ хад̇т̇аг̇ад̇оби соязва бхааг̇од̇и гад̇ваа вуд̇д̇ам̣. сажз бана д̇зна ан̃н̃ам̣ баривад̇д̇зд̇ваа аараамигаа д̣̇знд̇и, барибхун̃ж̇ид̇ум̣ ваддад̇ий’’д̇и маж̇жхимаг̇ан̣тибад̣̇з жуул̣аг̇ан̣тибад̣̇з жа вуд̇д̇ам̣. д̇ад̇о харид̇ваад̇и ан̃н̃зсам̣ бад̇д̇абхааг̇ад̇о харид̇ваа. гасин̣абаригамманд̇и аалогагасин̣абаригаммам̣. ман̃жабийтаад̣̇ийни ваад̇и зд̇т̇а ‘‘д̇ад̇о г̇ахид̇аман̃жабийтаад̣̇ийни баривад̇д̇зд̇ваа ан̃н̃ам̣ жз г̇ахид̇ам̣, ваддад̇ий’’д̇и вад̣̇анд̇и. чааяаабийд̇и бхож̇анасаалаад̣̇ийнам̣ чааяааби. барижчзд̣̇аад̇игганд̇аад̇и г̇зхабарижчзд̣̇ам̣ ад̇игганд̇аа, чааяааяа г̇ад̇аг̇ад̇адтаанам̣ г̇зхам̣ наама на ход̇ийд̇и ад̇хиббааяо. маг̇г̇знабийд̇и зд̇т̇а ‘‘сажз ан̃н̃о маг̇г̇о над̇т̇и, маг̇г̇ам̣ ад̇хидтахид̇ваа г̇анд̇ум̣ ваддад̇ий’’д̇и вад̣̇анд̇и. гийд̇ааяаад̇и д̇зна вад̇т̇унаа гийд̇ааяа. убанигкзбам̣ табзд̇ваа сан̇гхо бажжаяз барибхун̃ж̇ад̇ийд̇и сажз убаасаго ‘‘ад̇иб̣аху зд̇ам̣ хиран̃н̃ам̣, ид̣̇ам̣, бханд̇з, аж̇ж̇зва на винаасзд̇аб̣б̣а’’нд̇и вад̇ваа саяам̣ убанигкзбам̣ табзд̇и, ан̃н̃зна ваа табаабзд̇и, зд̇ам̣ убанигкзбам̣ табзд̇ваа д̇ад̇о уд̣̇аяам̣ барибхун̃ж̇анд̇о сан̇гхо бажжаяз барибхун̃ж̇ад̇и, д̇зна вад̇т̇унаа г̇ахид̇ад̇д̇аа ‘‘агаббияа’’нд̇и вуд̇д̇ам̣.
Na tena kiñci kappiyabhaṇḍaṃ cetāpitanti ettha cetāpitaṃ ce, natthi paribhogupāyo, tasmā evaṃ vuttaṃ. Akappiyañhi nissaggiyaṃ vatthuṃ uggaṇhitvā taṃ anissajjitvāva cetāpitaṃ kappiyabhaṇḍaṃ saṅghassa nissaṭṭhampi sabbesaṃ na kappati. Keci pana ‘‘yasmā nissaggiyaṃ vatthuṃ paṭiggahetvā cetāpitaṃ kappiyabhaṇḍaṃ saṅghassa nissajjāmīti nissaṭṭhaṃ vināva upāyaṃ paribhuñjituṃ vaṭṭati, tasmā ‘na tena kiñci kappiyabhaṇḍaṃ cetāpita’nti vutta’’nti vadanti. ‘‘Ārāmikānaṃ vā pattabhāganti idaṃ gihīnaṃ hatthagatopi soyeva bhāgoti katvā vuttaṃ. Sace pana tena aññaṃ parivattetvā ārāmikā denti, paribhuñjituṃ vaṭṭatī’’ti majjhimagaṇṭhipade cūḷagaṇṭhipade ca vuttaṃ. Tato haritvāti aññesaṃ pattabhāgato haritvā. Kasiṇaparikammanti ālokakasiṇaparikammaṃ. Mañcapīṭhādīni vāti ettha ‘‘tato gahitamañcapīṭhādīni parivattetvā aññaṃ ce gahitaṃ, vaṭṭatī’’ti vadanti. Chāyāpīti bhojanasālādīnaṃ chāyāpi. Paricchedātikkantāti gehaparicchedaṃ atikkantā, chāyāya gatagataṭṭhānaṃ gehaṃ nāma na hotīti adhippāyo. Maggenapīti ettha ‘‘sace añño maggo natthi, maggaṃ adhiṭṭhahitvā gantuṃ vaṭṭatī’’ti vadanti. Kītāyāti tena vatthunā kītāya. Upanikkhepaṃ ṭhapetvā saṅgho paccaye paribhuñjatīti sace upāsako ‘‘atibahu etaṃ hiraññaṃ, idaṃ, bhante, ajjeva na vināsetabba’’nti vatvā sayaṃ upanikkhepaṃ ṭhapeti, aññena vā ṭhapāpeti, etaṃ upanikkhepaṃ ṭhapetvā tato udayaṃ paribhuñjanto saṅgho paccaye paribhuñjati, tena vatthunā gahitattā ‘‘akappiya’’nti vuttaṃ.
585. бад̇ид̇огаасам̣ асаманнаахаранд̇зна баад̇зд̇аб̣б̣анд̇и ид̣̇ам̣ нирабзгкабхаавад̣̇ассанабаранд̇и взд̣̇ид̇аб̣б̣ам̣, д̇асмаа бад̇ид̇адтаанз н̃аад̇збисса г̇уут̇ам̣ чад̣д̣знд̇асса вияа нирабзгкабхаавоязвзд̇т̇а бамаан̣анд̇и взд̣̇ид̇аб̣б̣ам̣. асанд̇асамбхааванааяаад̇и ад̇д̇ани авиж̇ж̇амаанауд̇д̇аримануссад̇хаммаарожанам̣ санд̇хааяа вуд̇д̇ам̣. т̇зяяабарибхог̇о наама анарахасса барибхог̇о. бхаг̇авад̇аа хи ад̇д̇ано саасанз сийлавад̇о бажжаяаа анун̃н̃аад̇аа, на д̣̇уссийласса. д̣̇ааяагаанамби сийлавад̇о зва барижжааг̇о, на д̣̇уссийласса ад̇д̇ано гаараанам̣ махабпалабхаавасса бажжаасийсанад̇о. ид̇и сад̇т̇аараа ананун̃н̃аад̇ад̇д̇аа д̣̇ааяагзхи жа абарижжад̇д̇ад̇д̇аа д̣̇уссийласса барибхог̇о т̇зяяабарибхог̇о. ин̣авасзна барибхог̇о ин̣абарибхог̇о, бадиг̇г̇аахагад̇о д̣̇агкин̣аависуд̣̇д̇хияаа абхаавад̇о ин̣ам̣ г̇ахзд̇ваа барибхог̇о вияаад̇и ад̇т̇о. д̇асмаад̇и ‘‘сийлавад̇о’’д̇иаад̣̇инаа вуд̇д̇амзвад̇т̇ам̣ гааран̣абхаавзна бажжаамасад̇и. жийварам̣ барибхог̇з барибхог̇зд̇и гааяад̇о можзд̇ваа можзд̇ваа барибхог̇з. бурзбхад̇д̇а…бз… бажчимаяаамзсу бажжавзгкид̇аб̣б̣анд̇и самб̣анд̇хо. д̇ат̇аа асаггонд̇зна яат̇аавуд̇д̇агаалависзсавасзна згасмим̣ д̣̇ивасз жад̇угкад̇д̇ум̣ д̇игкад̇д̇ум̣ д̣̇вигкад̇д̇ум̣ сагим̣язва ваа бажжавзгкид̇аб̣б̣ам̣.
585.Patitokāsaṃ asamannāharantena pātetabbanti idaṃ nirapekkhabhāvadassanaparanti veditabbaṃ, tasmā patitaṭṭhāne ñātepissa gūthaṃ chaḍḍentassa viya nirapekkhabhāvoyevettha pamāṇanti veditabbaṃ. Asantasambhāvanāyāti attani avijjamānauttarimanussadhammārocanaṃ sandhāya vuttaṃ. Theyyaparibhogo nāma anarahassa paribhogo. Bhagavatā hi attano sāsane sīlavato paccayā anuññātā, na dussīlassa. Dāyakānampi sīlavato eva pariccāgo, na dussīlassa attano kārānaṃ mahapphalabhāvassa paccāsīsanato. Iti satthārā ananuññātattā dāyakehi ca apariccattattā dussīlassa paribhogo theyyaparibhogo. Iṇavasena paribhogo iṇaparibhogo, paṭiggāhakato dakkhiṇāvisuddhiyā abhāvato iṇaṃ gahetvā paribhogo viyāti attho. Tasmāti ‘‘sīlavato’’tiādinā vuttamevatthaṃ kāraṇabhāvena paccāmasati. Cīvaraṃ paribhoge paribhogeti kāyato mocetvā mocetvā paribhoge. Purebhatta…pe… pacchimayāmesu paccavekkhitabbanti sambandho. Tathā asakkontena yathāvuttakālavisesavasena ekasmiṃ divase catukkhattuṃ tikkhattuṃ dvikkhattuṃ sakiṃyeva vā paccavekkhitabbaṃ.
сажасса абажжавзгкад̇ова арун̣о уг̇г̇ажчад̇и, ин̣абарибхог̇адтаанз д̇идтад̇ийд̇и зд̇т̇а ‘‘хияяо яам̣ маяаа жийварам̣ барибхуд̇д̇ам̣, д̇ам̣ яаавад̣̇зва сийд̇асса бадигхаад̇ааяа…бз… хиригобийнаббадижчаад̣̇анад̇т̇ам̣, хияяо яо маяаа бин̣д̣абаад̇о барибхуд̇д̇о, со нзва д̣̇авааяаад̇иаад̣̇инаа сажз ад̇ийд̇абарибхог̇абажжавзгкан̣ам̣ на гарзяяа, ин̣абарибхог̇адтаанз д̇идтад̇ий’’д̇и вад̣̇анд̇и, виймам̣сид̇аб̣б̣ам̣. сзнаасанамби барибхог̇з барибхог̇зд̇и бавзсз бавзсз. звам̣ бана асаггонд̇зна бурзбхад̇д̇аад̣̇ийсу бажжавзгкид̇аб̣б̣ам̣. д̇ам̣ хздтаа вуд̇д̇анаязнзва саггаа вин̃н̃аад̇унд̇и ид̇ха висум̣ на вуд̇д̇ам̣. сад̇ибажжаяад̇аад̇и сад̇ияаа бажжаяабхааво, бадиг̇г̇ахан̣асса барибхог̇асса жа бажжавзгкан̣асад̇ияаа бажжаяабхааво яуж̇ж̇ад̇и, бажжавзгкид̇ваава бадиг̇г̇ахзд̇аб̣б̣ам̣ барибхун̃ж̇ид̇аб̣б̣ан̃жаад̇и ад̇т̇о. д̇знзвааха ‘‘сад̇им̣ гад̇ваа’’д̇иаад̣̇и. звам̣ санд̇збийд̇и яад̣̇иби д̣̇вийсуби таанзсу бажжавзгкан̣аа яуд̇д̇аа, звам̣ санд̇зби. абарз банааху ‘‘сад̇ибажжаяад̇аад̇и сад̇ибхзсаж̇ж̇абарибхог̇асса бажжаяабхаавз бажжаязд̇и ад̇т̇о. звам̣ санд̇збийд̇и бажжаяз сад̇ибий’’д̇и, д̇ам̣ д̇зсам̣ мад̇имад̇д̇ам̣. д̇ат̇аа хи бажжаяасанниссид̇асийлам̣ бажжавзгкан̣ааяа висуж̇жхад̇и, на бажжаяасаб̣бхаавамад̇д̇зна.
Sacassaapaccavekkhatova aruṇo uggacchati, iṇaparibhogaṭṭhāne tiṭṭhatīti ettha ‘‘hiyyo yaṃ mayā cīvaraṃ paribhuttaṃ, taṃ yāvadeva sītassa paṭighātāya…pe… hirikopīnappaṭicchādanatthaṃ, hiyyo yo mayā piṇḍapāto paribhutto, so neva davāyātiādinā sace atītaparibhogapaccavekkhaṇaṃ na kareyya, iṇaparibhogaṭṭhāne tiṭṭhatī’’ti vadanti, vīmaṃsitabbaṃ. Senāsanampi paribhoge paribhogeti pavese pavese. Evaṃ pana asakkontena purebhattādīsu paccavekkhitabbaṃ. Taṃ heṭṭhā vuttanayeneva sakkā viññātunti idha visuṃ na vuttaṃ. Satipaccayatāti satiyā paccayabhāvo, paṭiggahaṇassa paribhogassa ca paccavekkhaṇasatiyā paccayabhāvo yujjati, paccavekkhitvāva paṭiggahetabbaṃ paribhuñjitabbañcāti attho. Tenevāha ‘‘satiṃ katvā’’tiādi. Evaṃ santepīti yadipi dvīsupi ṭhānesu paccavekkhaṇā yuttā, evaṃ santepi. Apare panāhu ‘‘satipaccayatāti satibhesajjaparibhogassa paccayabhāve paccayeti attho. Evaṃ santepīti paccaye satipī’’ti, taṃ tesaṃ matimattaṃ. Tathā hi paccayasannissitasīlaṃ paccavekkhaṇāya visujjhati, na paccayasabbhāvamattena.
нану жа ‘‘барибхог̇з гаронд̇асса анаабад̇д̇ий’’д̇и иминаа баад̇имогкасам̣варасийлам̣ вуд̇д̇ам̣, д̇асмаа бажжаяасанниссид̇асийласса баад̇имогкасам̣варасийласса жа го висзсод̇и? вужжад̇з – буримзсу д̇аава д̇ийсу бажжаязсу висзсо баагадоязва, г̇илаанабажжаяз бана яат̇аа вад̇им̣ гад̇ваа ругкамуулз г̇обид̇з д̇асса палааниби рагкид̇ааниязва хонд̇и, звамзва бажжавзгкан̣ааяа бажжаяасанниссид̇асийлз рагкид̇з д̇аббадиб̣ад̣̇д̇хам̣ баад̇имогкасам̣варасийламби нибпаннам̣ наама ход̇и. г̇илаанабажжаяам̣ абажжавзгкид̇ваа барибхун̃ж̇анд̇асса сийлам̣ бхиж̇ж̇амаанам̣ баад̇имогкасам̣варасийламзва бхиж̇ж̇ад̇и, бажжаяасанниссид̇асийлам̣ бана бажчаабхад̇д̇абуримаяаамаад̣̇ийсу яаава арун̣уг̇г̇аманаа абажжавзгканд̇ассзва бхиж̇ж̇ад̇и. бурзбхад̇д̇ан̃хи абажжавзгкид̇вааби г̇илаанабажжаяам̣ барибхун̃ж̇анд̇асса анаабад̇д̇и, ид̣̇амзд̇зсам̣ наанаагаран̣ам̣.
Nanu ca ‘‘paribhoge karontassa anāpattī’’ti iminā pātimokkhasaṃvarasīlaṃ vuttaṃ, tasmā paccayasannissitasīlassa pātimokkhasaṃvarasīlassa ca ko visesoti? Vuccate – purimesu tāva tīsu paccayesu viseso pākaṭoyeva, gilānapaccaye pana yathā vatiṃ katvā rukkhamūle gopite tassa phalānipi rakkhitāniyeva honti, evameva paccavekkhaṇāya paccayasannissitasīle rakkhite tappaṭibaddhaṃ pātimokkhasaṃvarasīlampi nipphannaṃ nāma hoti. Gilānapaccayaṃ apaccavekkhitvā paribhuñjantassa sīlaṃ bhijjamānaṃ pātimokkhasaṃvarasīlameva bhijjati, paccayasannissitasīlaṃ pana pacchābhattapurimayāmādīsu yāva aruṇuggamanā apaccavekkhantasseva bhijjati. Purebhattañhi apaccavekkhitvāpi gilānapaccayaṃ paribhuñjantassa anāpatti, idametesaṃ nānākaraṇaṃ.
звам̣ бажжаяасанниссид̇асийласса висуд̣̇д̇хим̣ д̣̇ассзд̇ваа д̇знзва басан̇г̇зна саб̣б̣ааби суд̣̇д̇хияо д̣̇ассзд̇ум̣ ‘‘жад̇уб̣б̣ид̇хаа хи суд̣̇д̇хий’’д̇иаад̣̇имааха. д̇ад̇т̇а суж̇жхад̇и зд̇ааяаад̇и суд̣̇д̇хи, яат̇аад̇хаммам̣ д̣̇зсанаава суд̣̇д̇хи д̣̇зсанаасуд̣̇д̇хи. вудтаанассаби жзд̇т̇а д̣̇зсанааяа зва сан̇г̇ахо д̣̇адтаб̣б̣о. чиннамуулаабад̇д̇ийнам̣ бана абхигкуд̇аабадин̃н̃аава д̣̇зсанаа. ад̇хидтаанависидто сам̣варова суд̣̇д̇хи сам̣варасуд̣̇д̇хи. д̇хаммзна самзна бажжаяаанам̣ барияздти зва суд̣̇д̇хи барияздтисуд̣̇д̇хи. жад̇уусу бажжаязсу вуд̇д̇авид̇хинаа бажжавзгкан̣аава суд̣̇д̇хи бажжавзгкан̣асуд̣̇д̇хи. зса д̇аава суд̣̇д̇хийсу самаасанаяо. суд̣̇д̇химанд̇зсу сийлзсу д̣̇зсанаа суд̣̇д̇хи зд̇ассаад̇и д̣̇зсанаасуд̣̇д̇хи. сзсзсуби зсзва наяо. на буна звам̣ гариссаамийд̇и зд̇т̇а званд̇и сам̣варабхзд̣̇ам̣ санд̇хааяааха. бахааяаад̇и важ̇ж̇зд̇ваа, агад̇ваад̇и ад̇т̇о. д̣̇аад̇аб̣б̣адтзна д̣̇ааяам̣, д̇ам̣ аад̣̇ияанд̇ийд̇и д̣̇ааяаад̣̇аа, ананун̃н̃аад̇зсу саб̣б̣зна саб̣б̣ам̣ барибхог̇аабхаавад̇о анун̃н̃аад̇зсуязва жа барибхог̇асаб̣бхаавабхаавад̇о бхигкуухи барибхун̃ж̇ид̇аб̣б̣абажжаяаа бхаг̇авад̇о санд̇агаа. д̇хаммад̣̇ааяаад̣̇асуд̇д̇ан̃жзд̇т̇а саад̇хаганд̇и –
Evaṃ paccayasannissitasīlassa visuddhiṃ dassetvā teneva pasaṅgena sabbāpi suddhiyo dassetuṃ ‘‘catubbidhā hi suddhī’’tiādimāha. Tattha sujjhati etāyāti suddhi, yathādhammaṃ desanāva suddhi desanāsuddhi. Vuṭṭhānassapi cettha desanāya eva saṅgaho daṭṭhabbo. Chinnamūlāpattīnaṃ pana abhikkhutāpaṭiññāva desanā. Adhiṭṭhānavisiṭṭho saṃvarova suddhi saṃvarasuddhi. Dhammena samena paccayānaṃ pariyeṭṭhi eva suddhi pariyeṭṭhisuddhi. Catūsu paccayesu vuttavidhinā paccavekkhaṇāva suddhi paccavekkhaṇasuddhi. Esa tāva suddhīsu samāsanayo. Suddhimantesu sīlesu desanā suddhi etassāti desanāsuddhi. Sesesupi eseva nayo. Na puna evaṃ karissāmīti ettha evanti saṃvarabhedaṃ sandhāyāha. Pahāyāti vajjetvā, akatvāti attho. Dātabbaṭṭhena dāyaṃ, taṃ ādiyantīti dāyādā, ananuññātesu sabbena sabbaṃ paribhogābhāvato anuññātesuyeva ca paribhogasabbhāvabhāvato bhikkhūhi paribhuñjitabbapaccayā bhagavato santakā. Dhammadāyādasuttañcettha sādhakanti –
‘‘д̇хаммад̣̇ааяаад̣̇аа мз, бхигкавз, бхават̇а, маа аамисад̣̇ааяаад̣̇аа. ад̇т̇и мз д̇умхзсу анугамбаа, ‘гинд̇и мз саавагаа д̇хаммад̣̇ааяаад̣̇аа бхавзяяум̣, но аамисад̣̇ааяаад̣̇аа’’’д̇и (ма. ни. 1.29) –
‘‘Dhammadāyādā me, bhikkhave, bhavatha, mā āmisadāyādā. Atthi me tumhesu anukampā, ‘kinti me sāvakā dhammadāyādā bhaveyyuṃ, no āmisadāyādā’’’ti (ma. ni. 1.29) –
звам̣ бавад̇д̇ам̣ д̇хаммад̣̇ааяаад̣̇асуд̇д̇ан̃жа зд̇т̇а зд̇асмим̣ ад̇т̇з саад̇хагам̣.
Evaṃ pavattaṃ dhammadāyādasuttañca ettha etasmiṃ atthe sādhakaṃ.
авийд̇арааг̇аанам̣ д̇ан̣хаабаравасад̇ааяа бажжаяабарибхог̇з саамибхааво над̇т̇и, д̇ад̣̇абхаавзна вийд̇арааг̇аанам̣ д̇ад̇т̇а саамибхааво яат̇ааружи барибхог̇асаб̣бхаавад̇о. д̇ат̇аа хи д̇з бадигууламби аббадигуулаагаарзна аббадигууламби бадигуулаагаарзна д̇ад̣̇убхаяамби важ̇ж̇зд̇ваа аж̇жхубзгканаагаарзна бажжаяз барибхун̃ж̇анд̇и, д̣̇ааяагаанан̃жа манорат̇ам̣ барибуурзнд̇и. д̇знааха – ‘‘д̇з хи д̇ан̣хааяа д̣̇аасаб̣яам̣ ад̇ийд̇ад̇д̇аа саамино худ̇ваа барибхун̃ж̇анд̇ий’’д̇и. яо банааяам̣ сийлавад̇о бажжавзгкид̇абарибхог̇о, со ин̣абарибхог̇асса бажжанийгад̇д̇аа аан̣ан̣яабарибхог̇о наама ход̇и. яат̇аа хи ин̣ааяиго ад̇д̇ано ружияаа ижчид̇ад̣̇зсам̣ г̇анд̇ум̣ на лабхад̇и, звам̣ ин̣абарибхог̇аяуд̇д̇о логад̇о ниссарид̇ум̣ на лабхад̇ийд̇и д̇аббадибагкад̇д̇аа сийлавад̇о бажжавзгкид̇абарибхог̇о аан̣ан̣яабарибхог̇од̇и вужжад̇и, д̇асмаа ниббарияааяад̇о жад̇убарибхог̇авинимуд̇д̇о висум̣язвааяам̣ барибхог̇од̇и взд̣̇ид̇аб̣б̣о. со ид̇ха висум̣ на вуд̇д̇о, д̣̇ааяаж̇ж̇абарибхог̇зязва ваа сан̇г̇ахам̣ г̇ажчад̇ийд̇и. сийлавааби хи имааяа сигкааяа саманнааг̇ад̇ад̇д̇аа сзгкод̇взва вужжад̇и. саб̣б̣зсанд̇и арияаанам̣ бут̇уж̇ж̇анаанан̃жа.
Avītarāgānaṃ taṇhāparavasatāya paccayaparibhoge sāmibhāvo natthi, tadabhāvena vītarāgānaṃ tattha sāmibhāvo yathāruci paribhogasabbhāvato. Tathā hi te paṭikūlampi appaṭikūlākārena appaṭikūlampi paṭikūlākārena tadubhayampi vajjetvā ajjhupekkhanākārena paccaye paribhuñjanti, dāyakānañca manorathaṃ paripūrenti. Tenāha – ‘‘te hi taṇhāya dāsabyaṃ atītattā sāmino hutvā paribhuñjantī’’ti. Yo panāyaṃ sīlavato paccavekkhitaparibhogo, so iṇaparibhogassa paccanīkattā āṇaṇyaparibhogo nāma hoti. Yathā hi iṇāyiko attano ruciyā icchitadesaṃ gantuṃ na labhati, evaṃ iṇaparibhogayutto lokato nissarituṃ na labhatīti tappaṭipakkhattā sīlavato paccavekkhitaparibhogo āṇaṇyaparibhogoti vuccati, tasmā nippariyāyato catuparibhogavinimutto visuṃyevāyaṃ paribhogoti veditabbo. So idha visuṃ na vutto, dāyajjaparibhogeyeva vā saṅgahaṃ gacchatīti. Sīlavāpi hi imāya sikkhāya samannāgatattā sekkhotveva vuccati. Sabbesanti ariyānaṃ puthujjanānañca.
гат̇ам̣ бут̇уж̇ж̇анаанам̣ имз барибхог̇аа самбхаванд̇ийд̇и? убажааравасзна. яо хи бут̇уж̇ж̇анассаби саллзкаббадибад̇д̇ияам̣ тид̇асса бажжаяаг̇зд̇хам̣ бахааяа д̇ад̇т̇а анубалид̇д̇зна жид̇д̇зна барибхог̇о, со саамибарибхог̇о вияа ход̇и. сийлавад̇о бана бажжавзгкид̇абарибхог̇о д̣̇ааяаж̇ж̇абарибхог̇о вияа ход̇и д̣̇ааяагаанам̣ манорат̇асса авираад̇ханад̇о. д̇знзва вуд̇д̇ам̣ ‘‘д̣̇ааяаж̇ж̇абарибхог̇зязва ваа сан̇г̇ахам̣ г̇ажчад̇ий’’д̇и. галяаан̣абут̇уж̇ж̇анасса барибхог̇з вад̇д̇аб̣б̣амзва над̇т̇и д̇асса сзгкасан̇г̇ахад̇о. сзгкасуд̇д̇ан̃хзд̇асса ад̇т̇асса саад̇хагам̣.
Kathaṃ puthujjanānaṃ ime paribhogā sambhavantīti? Upacāravasena. Yo hi puthujjanassapi sallekhappaṭipattiyaṃ ṭhitassa paccayagedhaṃ pahāya tattha anupalittena cittena paribhogo, so sāmiparibhogo viya hoti. Sīlavato pana paccavekkhitaparibhogo dāyajjaparibhogo viya hoti dāyakānaṃ manorathassa avirādhanato. Teneva vuttaṃ ‘‘dāyajjaparibhogeyeva vā saṅgahaṃ gacchatī’’ti. Kalyāṇaputhujjanassa paribhoge vattabbameva natthi tassa sekkhasaṅgahato. Sekkhasuttañhetassa atthassa sādhakaṃ.
лаж̇ж̇инаа сад̣̇д̇хим̣ барибхог̇о наама лаж̇ж̇исса санд̇агам̣ г̇ахзд̇ваа барибхог̇о. алаж̇ж̇инаа сад̣̇д̇хинд̇и зд̇т̇ааби зсзва наяо. аад̣̇ид̇о бадтааяа хи алаж̇ж̇ий наама над̇т̇ийд̇и иминаа д̣̇идтад̣̇идтзсуязва аасан̇гаа на гаад̇аб̣б̣аад̇и д̣̇ассзд̇и. ад̇д̇ано бхаарабхууд̇аа сад̣̇д̇хивихааригаад̣̇аяо. соби ниваарзд̇аб̣б̣од̇и яо бассад̇и, д̇зна ниваарзд̇аб̣б̣о. яасмаа алаж̇ж̇ийбарибхог̇о наама лаж̇ж̇ино вужжад̇и, д̇асмаа аабад̇д̇и наама над̇т̇и убхиннамби алаж̇ж̇ийбхаавад̇о, ‘‘алаж̇ж̇ийбарибхог̇о’’д̇и ид̣̇ам̣ наамамад̇д̇амзва на лаб̣бхад̇ийд̇и вуд̇д̇ам̣ ход̇и. ‘‘аабад̇д̇и бана ад̇т̇иязваад̇и вад̣̇анд̇ий’’д̇и д̇ийсуби г̇ан̣тибад̣̇зсу вуд̇д̇ам̣.
Lajjinā saddhiṃ paribhogo nāma lajjissa santakaṃ gahetvā paribhogo. Alajjinā saddhinti etthāpi eseva nayo. Ādito paṭṭhāya hi alajjī nāma natthīti iminā diṭṭhadiṭṭhesuyeva āsaṅkā na kātabbāti dasseti. Attano bhārabhūtā saddhivihārikādayo. Sopi nivāretabboti yo passati, tena nivāretabbo. Yasmā alajjīparibhogo nāma lajjino vuccati, tasmā āpatti nāma natthi ubhinnampi alajjībhāvato, ‘‘alajjīparibhogo’’ti idaṃ nāmamattameva na labbhatīti vuttaṃ hoti. ‘‘Āpatti pana atthiyevāti vadantī’’ti tīsupi gaṇṭhipadesu vuttaṃ.
ад̇хаммияод̇и анзсанаад̣̇ийхи уббанно. д̇хаммияод̇и бхигкаажарияаад̣̇ийхи уббанно. сан̇гхассзва д̣̇зд̇ийд̇и бхад̇д̇ам̣ аг̇г̇ахзд̇ваа ад̇д̇анаа лад̣̇д̇хасалаагам̣язва д̣̇зд̇и. сажз бана лаж̇ж̇ий алаж̇ж̇им̣ баг̇г̇ан̣хаад̇и…бз… анд̇арад̇хаабзд̇ийд̇и зд̇т̇а гзвалам̣ баг̇г̇ан̣хид̇угаамад̇ааяа звам̣ гаад̇ум̣ на ваддад̇и, д̇хаммасса бана саасанасса сод̇уунан̃жа ануг̇г̇ахад̇т̇ааяа ваддад̇ийд̇и взд̣̇ид̇аб̣б̣ам̣. буриманаязна ‘‘со аабад̇д̇ияаа гаарзд̇аб̣б̣о’’д̇и вуд̇д̇ад̇д̇аа имасса аабад̇д̇иязваад̇и вад̣̇анд̇и. уд̣̇д̣̇зсаг̇г̇ахан̣аад̣̇инаа д̇хаммасса барибхог̇о д̇хаммабарибхог̇о. д̇хаммаануг̇г̇ахзна г̇ан̣ханд̇асса аабад̇д̇ияаа абхаавзби т̇зро д̇асса алаж̇ж̇ибхаавам̣язва санд̇хааяа ‘‘баабо гирааяа’’нд̇иаад̣̇имааха. д̇асса бана санд̇игзд̇и махаарагкид̇ад̇т̇зрасса санд̇игз.
Adhammiyoti anesanādīhi uppanno. Dhammiyoti bhikkhācariyādīhi uppanno. Saṅghasseva detīti bhattaṃ aggahetvā attanā laddhasalākaṃyeva deti. Sace pana lajjī alajjiṃ paggaṇhāti…pe… antaradhāpetīti ettha kevalaṃ paggaṇhitukāmatāya evaṃ kātuṃ na vaṭṭati, dhammassa pana sāsanassa sotūnañca anuggahatthāya vaṭṭatīti veditabbaṃ. Purimanayena ‘‘so āpattiyā kāretabbo’’ti vuttattā imassa āpattiyevāti vadanti. Uddesaggahaṇādinā dhammassa paribhogo dhammaparibhogo. Dhammānuggahena gaṇhantassa āpattiyā abhāvepi thero tassa alajjibhāvaṃyeva sandhāya ‘‘pāpo kirāya’’ntiādimāha. Tassa pana santiketi mahārakkhitattherassa santike.
586. рааж̇ород̇хаад̣̇аяод̇иаад̣̇и ‘‘ид̣̇ам̣ г̇ан̣хиссаамий’’д̇и жзд̇анаамад̇д̇асамбхавад̇о вуд̇д̇ам̣. ассад̇ияаа д̣̇иннанд̇и зд̇т̇а ассад̇ияаа д̣̇иннам̣ наама абарижжад̇д̇ам̣ ход̇и, д̇асмаа д̣̇асанд̇з б̣ад̣̇д̇хагахаабан̣аад̣̇и ассад̇ияаа д̣̇иннам̣ бхигкунаа вад̇т̇асан̃н̃ааяа бадиг̇г̇ахид̇ан̃жа, д̇ад̇о нзва руубияам̣ д̣̇иннам̣, нааби бадиг̇г̇ахид̇ан̃жа ход̇ийд̇и зд̇т̇а аабад̇д̇ид̣̇зсанаагижжам̣ над̇т̇и, д̇ам̣ бана д̣̇ааяагаанамзва бадид̣̇аад̇аб̣б̣ам̣. д̇зна агаббияавад̇т̇унаа д̇з жз д̣̇ааяагаа саббиаад̣̇ийни гин̣ид̇ваана сан̇гхасса д̇асса жа бхигкуно д̣̇знд̇и, саб̣б̣зсам̣ габбад̇и д̣̇ааяагаанам̣язва санд̇агад̇д̇аа. адтагат̇ааяам̣ бана бун̃н̃агаамзхи барижжаж̇ид̇ваа д̣̇иннамзва санд̇хааяа ‘‘бун̃н̃агаамаа…бз… руубияз аруубияасан̃н̃ий руубияам̣ бадиг̇г̇ан̣хаад̇ийд̇и взд̣̇ид̇аб̣б̣о’’д̇и вуд̇д̇ам̣, д̇асмаа барижжаж̇ид̇ваа д̣̇иннам̣ вад̇т̇асан̃н̃ааяа г̇ан̣хад̇оби ниссаг̇г̇ияамзва. д̇зна яад̣̇и д̇з д̣̇ааяагаа но ааг̇анд̇ваа г̇ан̣ханд̇и, д̣̇ааяагз бужчид̇ваа ад̇д̇ано ад̇т̇ааяа жз барижжад̇д̇ам̣, сан̇гхз ниссаж̇ж̇ид̇ваа аабад̇д̇и д̣̇зсзд̇аб̣б̣аа. д̇ава жол̣агам̣ бассаахийхи иминаа г̇ихисанд̇агзби ‘‘ид̣̇ам̣ г̇ан̣хат̇аа’’д̇иаад̣̇иагаббияавохаарзна вид̇хаанам̣ бхигкуно на габбад̇ийд̇и д̣̇ийбзд̇и. згабарижчзд̣̇аанийд̇и гирияаагирияабхаавад̇о згабарижчзд̣̇аани. ж̇аад̇аруубараж̇ад̇абхааво, ад̇д̇уд̣̇д̣̇зсигад̇аа, гахаабан̣аад̣̇ийсу ан̃н̃ад̇арабхаавод̇и имаанзд̇т̇а д̇ийн̣и ан̇г̇аани.
586.Rājorodhādayotiādi ‘‘idaṃ gaṇhissāmī’’ti cetanāmattasambhavato vuttaṃ. Assatiyā dinnanti ettha assatiyā dinnaṃ nāma apariccattaṃ hoti, tasmā dasante baddhakahāpaṇādi assatiyā dinnaṃ bhikkhunā vatthasaññāya paṭiggahitañca, tato neva rūpiyaṃ dinnaṃ, nāpi paṭiggahitañca hotīti ettha āpattidesanākiccaṃ natthi, taṃ pana dāyakānameva paṭidātabbaṃ. Tena akappiyavatthunā te ce dāyakā sappiādīni kiṇitvāna saṅghassa tassa ca bhikkhuno denti, sabbesaṃ kappati dāyakānaṃyeva santakattā. Aṭṭhakathāyaṃ pana puññakāmehi pariccajitvā dinnameva sandhāya ‘‘puññakāmā…pe… rūpiye arūpiyasaññī rūpiyaṃ paṭiggaṇhātīti veditabbo’’ti vuttaṃ, tasmā pariccajitvā dinnaṃ vatthasaññāya gaṇhatopi nissaggiyameva. Tena yadi te dāyakā no āgantvā gaṇhanti, dāyake pucchitvā attano atthāya ce pariccattaṃ, saṅghe nissajjitvā āpatti desetabbā. Tava coḷakaṃ passāhīhi iminā gihisantakepi ‘‘idaṃ gaṇhathā’’tiādiakappiyavohārena vidhānaṃ bhikkhuno na kappatīti dīpeti. Ekaparicchedānīti kiriyākiriyabhāvato ekaparicchedāni. Jātarūparajatabhāvo, attuddesikatā, kahāpaṇādīsu aññatarabhāvoti imānettha tīṇi aṅgāni.
руубияасигкаабад̣̇аван̣н̣анаа нидтид̇аа.
Rūpiyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. руубияасигкаабад̣̇ам̣ • 8. Rūpiyasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
