| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
8. руубияасигкаабад̣̇аван̣н̣анаа
8. Rūpiyasikkhāpadavaṇṇanā
583-4. саб̣б̣амбийд̇и д̇ивид̇хамби. ‘‘муд̇д̇аа ман̣и взл̣урияо сан̇ко’д̇иаад̣̇и бана гин̃жааби рааж̇асигкаабад̣̇з ‘на ваддад̇ий’д̇и басан̇г̇ад̇о вуд̇д̇ам̣, саруубад̇о бана аабад̇д̇ид̣̇ассанавасзна сагадтаанзби вад̇д̇умаарад̣̇д̇ха’’нд̇и вуд̇д̇ам̣. гат̇амзд̇ам̣? муд̇д̇аад̣̇ийнам̣ сагадтаанам̣ ж̇аад̇ам̣, на хи д̇аани ид̇ха баал̣ияам̣ д̣̇иссанд̇ийд̇и имасса адтагат̇ааяам̣ вуд̇д̇аани, рааж̇асигкаабад̣̇ассаби адтагат̇ааяам̣ вуд̇д̇аанийд̇и. на гзвалам̣ хиран̃н̃асуван̣н̣амзва, ан̃н̃амби кзд̇д̇авад̇т̇аад̣̇игам̣ ‘‘агаббияам̣ на самбадижчид̇аб̣б̣а’’нд̇и сааман̃н̃зна, на саруубад̇о. баал̣ияам̣ бана саруубад̇о ‘‘жийваражзд̇аабаннам̣ наама хиран̃н̃ам̣ ваа суван̣н̣ам̣ ваа муд̇д̇аа ваа ман̣и ваа’’д̇и зд̇д̇агамзва вуд̇д̇ам̣, д̇асмаа рааж̇асигкаабад̣̇амзвасса сагадтаанам̣. муд̇д̇ааман̣иг̇г̇ахан̣зна жзд̇т̇а д̇аж̇ж̇аад̇ияаг̇г̇ахан̣ам̣ сид̣̇д̇хамзваад̇и нааг̇ад̇о имасса батамамзва бан̃н̃ад̇д̇ад̇д̇аа. яад̣̇и звам̣ ид̇ха анааг̇ад̇ад̇д̇аа гад̇арам̣ нзсам̣ сагадтаананд̇и? ид̣̇амзва ад̇т̇ад̇о, но саруубад̇о.
583-4.Sabbampīti tividhampi. ‘‘Muttā maṇi veḷuriyo saṅkho’tiādi pana kiñcāpi rājasikkhāpade ‘na vaṭṭatī’ti pasaṅgato vuttaṃ, sarūpato pana āpattidassanavasena sakaṭṭhānepi vattumāraddha’’nti vuttaṃ. Kathametaṃ? Muttādīnaṃ sakaṭṭhānaṃ jātaṃ, na hi tāni idha pāḷiyaṃ dissantīti imassa aṭṭhakathāyaṃ vuttāni, rājasikkhāpadassapi aṭṭhakathāyaṃ vuttānīti. Na kevalaṃ hiraññasuvaṇṇameva, aññampi khettavatthādikaṃ ‘‘akappiyaṃ na sampaṭicchitabba’’nti sāmaññena, na sarūpato. Pāḷiyaṃ pana sarūpato ‘‘cīvaracetāpannaṃ nāma hiraññaṃ vā suvaṇṇaṃ vā muttā vā maṇi vā’’ti ettakameva vuttaṃ, tasmā rājasikkhāpadamevassa sakaṭṭhānaṃ. Muttāmaṇiggahaṇena cettha tajjātiyaggahaṇaṃ siddhamevāti nāgato imassa paṭhamameva paññattattā. Yadi evaṃ idha anāgatattā kataraṃ nesaṃ sakaṭṭhānanti? Idameva atthato, no sarūpato.
гат̇ам̣? зд̇аани хи рад̇анасигкаабад̣̇з ниссаг̇г̇ияавад̇т̇ууни, д̣̇уггадавад̇т̇ууни жа згад̇о ‘‘рад̇ана’’нд̇и ааг̇ад̇аани, ‘‘рад̇анасаммад̇а’’нд̇и габбияавад̇т̇у ааг̇ад̇ам̣. д̇зсу жа д̣̇асасу рад̇анзсу раж̇ад̇аж̇аад̇аруубад̣̇ваяам̣ ид̇ха ниссаг̇г̇ияавад̇т̇у, авасзсам̣ д̣̇уггадавад̇т̇ууд̇и сид̣̇д̇хам̣. ид̇ха жа сид̣̇д̇хад̇д̇аа зва рад̇анасигкаабад̣̇асса анаабад̇д̇иваарз ‘‘рад̇анасаммад̇ам̣ виссаасам̣ г̇ан̣хаад̇и, д̇аавагаалигам̣ г̇ан̣хаад̇и, бам̣сугууласан̃н̃иссаа’’д̇и вуд̇д̇ам̣, на рад̇анам̣ вуд̇д̇ам̣. сад̇д̇авид̇хад̇хан̃н̃ад̣̇аасид̣̇аасакзд̇д̇аад̣̇и бана б̣рахмаж̇аалаад̣̇исуд̇д̇авасзна (д̣̇ий. ни. 1.1 аад̣̇аяо) агаббияанд̇и сид̣̇д̇хам̣, д̇асмаа ид̇ха д̣̇уггадавад̇т̇ууд̇и сид̣̇д̇хам̣, д̇знзва ануяог̇авад̇д̇з ‘‘д̇хаммам̣ ж̇аанаад̇и, д̇хаммаануломам̣, винаяам̣, винаяаануломам̣ ж̇аанаад̇ий’’д̇и (бари. 442) вуд̇д̇ам̣. д̇ат̇аа аамагамам̣самби д̣̇уггадавад̇т̇ум̣ аабаж̇ж̇ад̇ийд̇и? на, ид̇ха винаяз анун̃н̃аад̇ад̇д̇аа ‘‘ануж̇аанаами, бхигкавз, амануссигааб̣аад̇хз аамагамам̣са’’нд̇иаад̣̇инаа (махаава. 264), д̇асмаа на аамагамам̣сам̣ суд̇д̇з ааг̇ад̇амби д̣̇уггадавад̇т̇у ход̇и, д̇ат̇ааби ад̇д̇ано барибхог̇ад̇т̇ааяа бадиг̇г̇ахан̣з д̣̇уггадамзваад̇и но д̇аггод̇и аажарияо. ‘‘ид̇ха нигкибаахий’д̇и вуд̇д̇з убанигкид̇д̇асаад̣̇ияанамзва ход̇ий’’д̇и вад̣̇анд̇и. ‘‘агаббияавижааран̣аа зва на ваддад̇ийд̇и жз? габбияан̃жа агаббияан̃жа ниссааяа тид̇анд̇и зд̇т̇а д̇ам̣ саяам̣ абарибхог̇аарахам̣ худ̇ваа д̇ад̣̇аг̇гханагам̣ габбияабхан̣д̣ам̣ барибхог̇аарахам̣ худ̇ваа тид̇анд̇и ад̇т̇о’’д̇и ликид̇ам̣, ‘‘бам̣сугуулабхаавзна тид̇ад̇д̇аа, г̇уд̇д̇адтаанаажигканасса габбияад̇д̇аа жа габбияам̣ ниссааяа тид̇ам̣. ‘ид̣̇ам̣ г̇ан̣хаа’д̇иаад̣̇инаа вад̣̇анд̇асса агаббияад̇д̇аа агаббияам̣ ниссааяа тид̇а’’нд̇и жа. звамби габбияан̃жа агаббияан̃жаад̇и ‘‘имасмим̣ огаасз табид̇ам̣, гим̣ на бассасийд̇и чзгад̇арз имзва гахаабан̣з’’д̇иаад̣̇иважанасса габбияад̇д̇аа габбияам̣ ниссааяа тид̇ам̣. ‘‘ид̣̇ам̣ г̇ан̣хаа’’д̇и вуд̇д̇з д̣̇уб̣б̣ижаарид̇ад̇д̇аа ад̇д̇ано агаббияад̇д̇аа д̇ад̇о ааг̇ад̇ам̣ агаббияам̣ ниссааяа тид̇амзва ход̇и. ‘‘ид̣̇ам̣ г̇ан̣хаа’д̇и вуд̇д̇з д̇зна г̇ахид̇з ‘уг̇г̇ан̣хаабзяяа ваа’д̇и вуд̇д̇авид̇хим̣ на баабун̣аад̇и, гзвалам̣ д̣̇уб̣б̣ижаарид̇ад̇д̇аа д̇ассзва д̇ам̣ агаббияам̣ ход̇и, муулабадиг̇г̇ахан̣асса суд̣̇д̇хад̇д̇аа барад̇о бад̇д̇ажад̇уггз д̇ад̇ияабад̇д̇о вияаад̇и жа звам̣ убад̇иссад̇т̇зро вад̣̇ад̇ий’’д̇и ануг̇ан̣тибад̣̇з вуд̇д̇ам̣. гим̣ б̣ахунаа, висуд̣̇д̇хааг̇амад̇д̇аа габбияам̣. д̣̇уб̣б̣ижааран̣ааяа сад̇и агаббияам̣ ниссааяа тид̇ам̣ ход̇ийд̇и но д̇аггод̇и аажарияо. ‘‘звам̣ сан̇гхаг̇ан̣аад̣̇ийнамби ад̇т̇ааяа барижжад̇д̇зби д̇зна самаанаг̇ад̇игад̇д̇аа табзд̇ваа аабад̇д̇ивисзса’’нд̇и вуд̇д̇ам̣.
Kathaṃ? Etāni hi ratanasikkhāpade nissaggiyavatthūni, dukkaṭavatthūni ca ekato ‘‘ratana’’nti āgatāni, ‘‘ratanasammata’’nti kappiyavatthu āgataṃ. Tesu ca dasasu ratanesu rajatajātarūpadvayaṃ idha nissaggiyavatthu, avasesaṃ dukkaṭavatthūti siddhaṃ. Idha ca siddhattā eva ratanasikkhāpadassa anāpattivāre ‘‘ratanasammataṃ vissāsaṃ gaṇhāti, tāvakālikaṃ gaṇhāti, paṃsukūlasaññissā’’ti vuttaṃ, na ratanaṃ vuttaṃ. Sattavidhadhaññadāsidāsakhettādi pana brahmajālādisuttavasena (dī. ni. 1.1 ādayo) akappiyanti siddhaṃ, tasmā idha dukkaṭavatthūti siddhaṃ, teneva anuyogavatte ‘‘dhammaṃ jānāti, dhammānulomaṃ, vinayaṃ, vinayānulomaṃ jānātī’’ti (pari. 442) vuttaṃ. Tathā āmakamaṃsampi dukkaṭavatthuṃ āpajjatīti? Na, idha vinaye anuññātattā ‘‘anujānāmi, bhikkhave, amanussikābādhe āmakamaṃsa’’ntiādinā (mahāva. 264), tasmā na āmakamaṃsaṃ sutte āgatampi dukkaṭavatthu hoti, tathāpi attano paribhogatthāya paṭiggahaṇe dukkaṭamevāti no takkoti ācariyo. ‘‘Idha nikkhipāhī’ti vutte upanikkhittasādiyanameva hotī’’ti vadanti. ‘‘Akappiyavicāraṇā eva na vaṭṭatīti ce? Kappiyañca akappiyañca nissāya ṭhitanti ettha taṃ sayaṃ aparibhogārahaṃ hutvā tadagghanakaṃ kappiyabhaṇḍaṃ paribhogārahaṃ hutvā ṭhitanti attho’’ti likhitaṃ, ‘‘paṃsukūlabhāvena ṭhitattā, guttaṭṭhānācikkhanassa kappiyattā ca kappiyaṃ nissāya ṭhitaṃ. ‘Idaṃ gaṇhā’tiādinā vadantassa akappiyattā akappiyaṃ nissāya ṭhita’’nti ca. Evampi kappiyañca akappiyañcāti ‘‘imasmiṃ okāse ṭhapitaṃ, kiṃ na passasīti chekatare imeva kahāpaṇe’’tiādivacanassa kappiyattā kappiyaṃ nissāya ṭhitaṃ. ‘‘Idaṃ gaṇhā’’ti vutte dubbicāritattā attano akappiyattā tato āgataṃ akappiyaṃ nissāya ṭhitameva hoti. ‘‘Idaṃ gaṇhā’ti vutte tena gahite ‘uggaṇhāpeyya vā’ti vuttavidhiṃ na pāpuṇāti, kevalaṃ dubbicāritattā tasseva taṃ akappiyaṃ hoti, mūlapaṭiggahaṇassa suddhattā parato pattacatukke tatiyapatto viyāti ca evaṃ upatissatthero vadatī’’ti anugaṇṭhipade vuttaṃ. Kiṃ bahunā, visuddhāgamattā kappiyaṃ. Dubbicāraṇāya sati akappiyaṃ nissāya ṭhitaṃ hotīti no takkoti ācariyo. ‘‘Evaṃ saṅghagaṇādīnampi atthāya pariccattepi tena samānagatikattā ṭhapetvā āpattivisesa’’nti vuttaṃ.
на гин̃жи габбияабхан̣д̣ам̣ жзд̇аабид̇анд̇и жзд̇аабид̇ан̃жз, убааяаабхаавам̣ д̣̇ассзд̇и. ‘‘убанигкзбам̣ табзд̇ваад̇и сажз со убаасаго ‘ад̇иб̣ахум̣ зд̇ам̣ хиран̃н̃ам̣, ид̣̇ам̣ бханд̇з аж̇ж̇зва на винаасзд̇аб̣б̣а’нд̇и вад̇ваа саяам̣ убанигкзбад̣̇зсз табзд̇и, ан̃н̃зна ваа табаабзд̇и, зд̇ам̣ убанигкзбам̣ табзд̇ваа д̇ад̇о лад̣̇д̇хам̣ уд̣̇аяам̣ барибхун̃ж̇анд̇о сан̇гхо бажжаяз барибхун̃ж̇ад̇и наамаа’’д̇и вуд̇д̇ам̣.
Na kiñci kappiyabhaṇḍaṃ cetāpitanti cetāpitañce, upāyābhāvaṃ dasseti. ‘‘Upanikkhepaṃ ṭhapetvāti sace so upāsako ‘atibahuṃ etaṃ hiraññaṃ, idaṃ bhante ajjeva na vināsetabba’nti vatvā sayaṃ upanikkhepadese ṭhapeti, aññena vā ṭhapāpeti, etaṃ upanikkhepaṃ ṭhapetvā tato laddhaṃ udayaṃ paribhuñjanto saṅgho paccaye paribhuñjati nāmā’’ti vuttaṃ.
585. аяам̣ гира ид̇т̇ам̣лагкан̣асамбанно уггам̣сад̇о. звам̣ ан̇г̇асамбанноби абарабхааг̇з лобхавасзна ваа ан̃н̃зна ваа гааран̣зна сажз нимид̇д̇ам̣ гад̇ваа баад̇зд̇и, аабад̇д̇и д̣̇уггадасса. сзнаасанамби барибхог̇з барибхог̇зд̇и бавзсз бавзсз. со хи гааран̣анд̇арзна ругкамуулигасса, аб̣бхогаасигассаби ваддад̇и зва, таананисаж̇ж̇аад̣̇ивасзна ниваасаад̇хиббааяз сад̇и барибхог̇з барибхог̇з бажжавзгкид̇аб̣б̣ам̣. бхзсаж̇ж̇асса сад̇ибажжаяад̇аа саб̣б̣агааламбийд̇и згз. асаннихид̇асса бажчаабхад̇д̇амзва, саннихид̇асса бурзбхад̇д̇амбийд̇и но д̇аггод̇и аажарияо. ‘‘яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа…бз… бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадассаа’’д̇и (баажи. 244) хи вуд̇д̇ам̣. д̣̇уггадан̃хи вигаалабхож̇анасигкаабад̣̇з ааг̇ад̇ам̣ вигаалз аабаж̇ж̇ад̇и, но гаалз аахаарагаалад̇д̇аа, саннид̇хисигкаабад̣̇з ааг̇ад̇ам̣ бана гаалзби саннид̇хиж̇аад̇ад̇д̇аа, д̇знзва д̇ад̇т̇а сад̇д̇аахагаалигаяааваж̇ийвигад̣̇ваяамзва вуд̇д̇анд̇и. ‘‘сад̇и бажжаяз’’д̇и важанад̇о нааяам̣ висзсо лаб̣бхад̇ийд̇и жз? на, анидтаббасан̇г̇ад̇о, важанаанияамад̇о жа. саннид̇хисигкаабад̣̇з хи ‘‘анаабад̇д̇и яаавагаалигам̣ яаавагаалам̣ нид̣̇ахид̇ваа бхун̃ж̇ад̇и. яаамагаалигам̣ яаамз нид̣̇ахид̇ваа бхун̃ж̇ад̇ий’’д̇и (баажи. 256) зд̇т̇а важанаббамаан̣ад̇о яаамагаалигам̣ на бурзбхад̇д̇з, на бажчаабхад̇д̇з, на д̣̇ивасз, на рад̇д̇ияам̣ яаамамзва нид̣̇ахид̇ваа бхун̃ж̇анд̇асса анаабад̇д̇ийд̇и анидтаббасан̇г̇о. д̇ат̇аа д̇ад̇т̇зва ‘‘яаамагаалигам̣ яаамам̣ нид̣̇ахид̇ваа бхун̃ж̇ад̇и, сад̇д̇аахагаалигам̣ сад̇д̇аахам̣ нид̣̇ахид̇ваа бхун̃ж̇ад̇ий’’д̇и зд̇д̇агамзва вуд̇д̇ам̣, на вуд̇д̇ам̣ ‘‘сад̇и бажжаяз’’д̇и, д̇асмаа сад̇ибажжаяа-важанам̣ гад̇т̇ажи ход̇и, гад̇т̇ажи на ход̇ийд̇и важанаанияамад̇о аабад̇д̇ияааби анияамо сияаа. звам̣ санд̇зби яат̇аавуд̇д̇ад̣̇уггадам̣ аабаж̇ж̇ад̇и зва. на анаахаараббаяож̇анад̇д̇аа яаамагаалигаад̣̇ийнанд̇и жз? на, саббиаад̣̇имиссабхож̇анасса бан̣ийд̇абхож̇анабхааваббад̇д̇ид̇о. абижа саб̣б̣агаалигзсу яаавагаалигам̣ ол̣ааригам̣, д̇ам̣ аахаарад̇т̇ааяа бадиг̇г̇ан̣ханд̇асса гаалз анаабад̇д̇и, баг̇зва анол̣ааригам̣ яаамагаалигаад̣̇им̣, аахаарад̇т̇ааяа зва анун̃н̃аад̇ад̇д̇аа. яаавагаалигз зва анаабад̇д̇ийд̇и жз? на, анаахаарад̇т̇ааяа г̇ан̣ханд̇асса аабад̇д̇исамбхавад̇о ид̇арам̣ аахаарад̇т̇ааяа г̇ан̣ханд̇асса вияа, д̇асмаа яат̇аавуд̇д̇амзвзд̇т̇а саннидтаанам̣ баал̣им̣, яуд̇д̇ин̃жа ануломзд̇ийд̇и.
585. Ayaṃ kira itthaṃlakkhaṇasampanno ukkaṃsato. Evaṃ aṅgasampannopi aparabhāge lobhavasena vā aññena vā kāraṇena sace nimittaṃ katvā pāteti, āpatti dukkaṭassa. Senāsanampi paribhoge paribhogeti pavese pavese. So hi kāraṇantarena rukkhamūlikassa, abbhokāsikassapi vaṭṭati eva, ṭhānanisajjādivasena nivāsādhippāye sati paribhoge paribhoge paccavekkhitabbaṃ. Bhesajjassa satipaccayatā sabbakālampīti eke. Asannihitassa pacchābhattameva, sannihitassa purebhattampīti no takkoti ācariyo. ‘‘Yāmakālikaṃ sattāhakālikaṃ yāvajīvikaṃ āhāratthāya…pe… paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassā’’ti (pāci. 244) hi vuttaṃ. Dukkaṭañhi vikālabhojanasikkhāpade āgataṃ vikāle āpajjati, no kāle āhārakālattā, sannidhisikkhāpade āgataṃ pana kālepi sannidhijātattā, teneva tattha sattāhakālikayāvajīvikadvayameva vuttanti. ‘‘Sati paccaye’’ti vacanato nāyaṃ viseso labbhatīti ce? Na, aniṭṭhappasaṅgato, vacanāniyamato ca. Sannidhisikkhāpade hi ‘‘anāpatti yāvakālikaṃ yāvakālaṃ nidahitvā bhuñjati. Yāmakālikaṃ yāme nidahitvā bhuñjatī’’ti (pāci. 256) ettha vacanappamāṇato yāmakālikaṃ na purebhatte, na pacchābhatte, na divase, na rattiyaṃ yāmameva nidahitvā bhuñjantassa anāpattīti aniṭṭhappasaṅgo. Tathā tattheva ‘‘yāmakālikaṃ yāmaṃ nidahitvā bhuñjati, sattāhakālikaṃ sattāhaṃ nidahitvā bhuñjatī’’ti ettakameva vuttaṃ, na vuttaṃ ‘‘sati paccaye’’ti, tasmā satipaccaya-vacanaṃ katthaci hoti, katthaci na hotīti vacanāniyamato āpattiyāpi aniyamo siyā. Evaṃ santepi yathāvuttadukkaṭaṃ āpajjati eva. Na anāhārappayojanattā yāmakālikādīnanti ce? Na, sappiādimissabhojanassa paṇītabhojanabhāvappattito. Apica sabbakālikesu yāvakālikaṃ oḷārikaṃ, taṃ āhāratthāya paṭiggaṇhantassa kāle anāpatti, pageva anoḷārikaṃ yāmakālikādiṃ, āhāratthāya eva anuññātattā. Yāvakālike eva anāpattīti ce? Na, anāhāratthāya gaṇhantassa āpattisambhavato itaraṃ āhāratthāya gaṇhantassa viya, tasmā yathāvuttamevettha sanniṭṭhānaṃ pāḷiṃ, yuttiñca anulometīti.
д̣̇зсанаасуд̣̇д̇хийд̇и зд̇т̇а д̣̇зсанаа наама винаяагаммам̣, д̇зна вудтаанамби д̣̇зсанаа зва наама ход̇ийд̇и. ‘‘бадиг̇г̇ан̣хаад̇ий’’д̇и авад̇ваа ‘‘бадисзвад̇ий’’д̇и вуд̇д̇ад̇д̇аа бадиг̇г̇ахан̣з бана сад̇им̣ агад̇ваа барибхог̇з гаронд̇асса анаабад̇д̇и. кийн̣аасаваа гад̇агижжад̇д̇аа вибхад̇д̇ад̣̇ааяаад̣̇аа вияа хонд̇и, д̇зна д̇зсам̣ саамибарибхог̇аа хонд̇и. ан̃н̃ат̇аа яаавагаалигабхаавам̣ анад̇игганд̇ад̇д̇аа вируж̇жхад̇и. ин̣абарибхог̇о на ваддад̇и, бхзсаж̇ж̇з аабад̇д̇ид̇о, ид̇арасмим̣ аяуд̇д̇абарибхог̇ад̇о, ин̣ам̣ вияа ананун̃н̃аад̇абхуд̇д̇ад̇д̇аа жа. ‘‘аад̣̇ид̇о бадтааяа хи алаж̇ж̇ий наама над̇т̇и, д̇асмаа на гожи сан̇гид̇аб̣б̣о’’д̇и ликид̇ам̣. бхаарабхууд̇аа сад̣̇д̇хивихааригаад̣̇аяо. яат̇аад̣̇аанамзва г̇ахид̇ад̇д̇аад̇и зд̇т̇а ‘‘ад̇д̇ано хад̇т̇зна жз д̣̇зд̇и, на ваддад̇ий’’д̇и вуд̇д̇ам̣, ‘‘ад̇ирзгабхааг̇ам̣ г̇ахзд̇ваа бунад̣̇ивасз ад̇д̇ано ад̇т̇ааяа уд̣̇д̇хадабхааг̇ам̣ д̇ад̇т̇зва д̣̇аабзд̇и, ваддад̇ий’’д̇и жа. баривад̇д̇агам̣ д̣̇зд̇и, д̇хаммияан̃жз, ваддад̇и. но ад̇хаммияам̣. ‘‘д̇ам̣ д̇хаммаануг̇г̇ахзна уг̇г̇ан̣хид̇ум̣ ваддад̇ий’’д̇и вуд̇д̇ам̣. гзна лзсзнаад̇и жз? ‘‘алаб̣бхамаанааяа саамаг̇г̇ияаа анаабад̇д̇и самбхог̇з сам̣ваасз’’д̇и (махаава. 130) иминаа убасамбад̣̇агканд̇хагаважаналзсзна.
Desanāsuddhīti ettha desanā nāma vinayakammaṃ, tena vuṭṭhānampi desanā eva nāma hotīti. ‘‘Paṭiggaṇhātī’’ti avatvā ‘‘paṭisevatī’’ti vuttattā paṭiggahaṇe pana satiṃ akatvā paribhoge karontassa anāpatti. Khīṇāsavā katakiccattā vibhattadāyādā viya honti, tena tesaṃ sāmiparibhogā honti. Aññathā yāvakālikabhāvaṃ anatikkantattā virujjhati. Iṇaparibhogo na vaṭṭati, bhesajje āpattito, itarasmiṃ ayuttaparibhogato, iṇaṃ viya ananuññātabhuttattā ca. ‘‘Ādito paṭṭhāya hi alajjī nāma natthi, tasmā na koci saṅkitabbo’’ti likhitaṃ. Bhārabhūtā saddhivihārikādayo. Yathādānameva gahitattāti ettha ‘‘attano hatthena ce deti, na vaṭṭatī’’ti vuttaṃ, ‘‘atirekabhāgaṃ gahetvā punadivase attano atthāya uddhaṭabhāgaṃ tattheva dāpeti, vaṭṭatī’’ti ca. Parivattakaṃ deti, dhammiyañce, vaṭṭati. No adhammiyaṃ. ‘‘Taṃ dhammānuggahena uggaṇhituṃ vaṭṭatī’’ti vuttaṃ. Kena lesenāti ce? ‘‘Alabbhamānāya sāmaggiyā anāpatti sambhoge saṃvāse’’ti (mahāva. 130) iminā upasampadakkhandhakavacanalesena.
586. ассад̇ияаа д̣̇иннанд̇и зд̇т̇а ‘‘ассад̇ияаа д̣̇иннам̣ наама абарижжад̇д̇ам̣ ход̇и, д̇асмаа д̣̇уссанд̇з б̣ад̣̇д̇хагахаабан̣аад̣̇ийни сад̇им̣ бадилабхид̇ваа д̣̇ааяагаа жз буна г̇ан̣ханд̇и, ниссаг̇г̇ияамзва д̣̇зсзд̇аб̣б̣ам̣. д̇зна агаббияабхан̣д̣зна д̇з жз д̣̇ааяагаа саббиаад̣̇ийни гин̣ид̇ваа сан̇гхасса д̣̇знд̇и, д̇ассаби бхигкуно габбад̇и д̣̇ааяагаанам̣язва санд̇агад̇д̇аа. бхигкунаа хи ‘вад̇т̇ам̣ г̇ан̣хаамий’д̇и вад̇т̇асан̃н̃ааяа зва г̇ахид̇ам̣, на руубияасан̃н̃ааяа. ид̣̇ан̃жа сигкаабад̣̇ам̣ ад̇д̇ано ад̇т̇ааяа уг̇г̇ахан̣ам̣ санд̇хааяа вуд̇д̇ам̣, на жа д̇зна д̇ам̣ ад̇д̇ано ад̇т̇ааяа барзсам̣ ваа ад̇т̇ааяа г̇ахид̇ам̣. ат̇а д̇з д̣̇ааяагаа но жз ааг̇анд̇ваа г̇ан̣ханд̇и, д̣̇ааяагз бужчид̇ваа ад̇д̇ано ад̇т̇ааяа жз барижжад̇д̇ам̣, сан̇гхз ниссаж̇ж̇ид̇ваа аабад̇д̇и д̣̇зсзд̇аб̣б̣аа. но жз, аабад̇д̇и зва д̣̇зсзд̇аб̣б̣аа’’д̇и вуд̇д̇ам̣, д̇ам̣ буб̣б̣аабаравируд̣̇д̇хам̣. аабад̇д̇ид̣̇зсанааяа хи сад̇и руубияам̣ бадиг̇г̇ахид̇анд̇и сид̣̇д̇хам̣, д̇асмим̣ сид̣̇д̇хз ‘‘д̇ад̇о уббаннам̣ д̇ассаби габбад̇ий’’д̇и ид̣̇ам̣ на яуж̇ж̇ад̇ийд̇и. габбад̇и зваад̇и жз? на, вад̇т̇ум̣ аниссаж̇ж̇ид̇ваа аабад̇д̇и д̣̇зсзд̇аб̣б̣аад̇и на яуж̇ж̇ад̇и. ажид̇д̇агад̇д̇аа сигкаабад̣̇асса яуж̇ж̇ад̇ийд̇и жз? на, саб̣б̣ад̇т̇а ‘‘руубияам̣ бадиг̇г̇ан̣хаад̇ий’’д̇и важанад̇о. ‘‘руубияам̣ бадиг̇г̇ан̣хаад̇ий’’д̇и хи вуд̇д̇ам̣, ан̃н̃ат̇аа саб̣б̣ад̇т̇а ‘‘руубияа’’нд̇и бад̣̇ам̣ нирад̇т̇агам̣ ход̇и винааби д̇зна д̇ад̣̇ад̇т̇асид̣̇д̇хид̇о. анзна жа вад̇т̇ам̣ бадиг̇г̇ахид̇ам̣, д̣̇ааяагзна жа вад̇т̇амзва д̣̇иннам̣, вад̇т̇аг̇ад̇амби руубияам̣ т̇зяяажид̇д̇зна г̇ан̣ханд̇о бад̣̇аваарзна гаарзд̇аб̣б̣о. адтагат̇ааяан̃жа ‘‘руубияз аруубияасан̃н̃ийд̇и суван̣н̣аад̣̇ийсу карабад̇д̇аад̣̇исан̃н̃ий’’д̇и вуд̇д̇ам̣ ‘‘руубияам̣ бадиг̇г̇ан̣хаад̇ий’’д̇и важанавасзна.
586.Assatiyā dinnanti ettha ‘‘assatiyā dinnaṃ nāma apariccattaṃ hoti, tasmā dussante baddhakahāpaṇādīni satiṃ paṭilabhitvā dāyakā ce puna gaṇhanti, nissaggiyameva desetabbaṃ. Tena akappiyabhaṇḍena te ce dāyakā sappiādīni kiṇitvā saṅghassa denti, tassapi bhikkhuno kappati dāyakānaṃyeva santakattā. Bhikkhunā hi ‘vatthaṃ gaṇhāmī’ti vatthasaññāya eva gahitaṃ, na rūpiyasaññāya. Idañca sikkhāpadaṃ attano atthāya uggahaṇaṃ sandhāya vuttaṃ, na ca tena taṃ attano atthāya paresaṃ vā atthāya gahitaṃ. Atha te dāyakā no ce āgantvā gaṇhanti, dāyake pucchitvā attano atthāya ce pariccattaṃ, saṅghe nissajjitvā āpatti desetabbā. No ce, āpatti eva desetabbā’’ti vuttaṃ, taṃ pubbāparaviruddhaṃ. Āpattidesanāya hi sati rūpiyaṃ paṭiggahitanti siddhaṃ, tasmiṃ siddhe ‘‘tato uppannaṃ tassapi kappatī’’ti idaṃ na yujjatīti. Kappati evāti ce? Na, vatthuṃ anissajjitvā āpatti desetabbāti na yujjati. Acittakattā sikkhāpadassa yujjatīti ce? Na, sabbattha ‘‘rūpiyaṃ paṭiggaṇhātī’’ti vacanato. ‘‘Rūpiyaṃ paṭiggaṇhātī’’ti hi vuttaṃ, aññathā sabbattha ‘‘rūpiya’’nti padaṃ niratthakaṃ hoti vināpi tena tadatthasiddhito. Anena ca vatthaṃ paṭiggahitaṃ, dāyakena ca vatthameva dinnaṃ, vatthagatampi rūpiyaṃ theyyacittena gaṇhanto padavārena kāretabbo. Aṭṭhakathāyañca ‘‘rūpiye arūpiyasaññīti suvaṇṇādīsu kharapattādisaññī’’ti vuttaṃ ‘‘rūpiyaṃ paṭiggaṇhātī’’ti vacanavasena.
‘‘абижа бун̃н̃агаамаа’’д̇иаад̣̇и бана вид̇хаананд̇арад̣̇ассанад̇т̇ам̣ вуд̇д̇ам̣, д̇знзва хи ‘‘имасмим̣ г̇зхз ид̣̇ам̣ лад̣̇д̇ханд̇и саллагкзд̇аб̣б̣а’’нд̇и вуд̇д̇ам̣. ан̃н̃ат̇аа саллагкан̣з вимад̇ивасзна, вимад̇ияаа жа сад̇и ниссаг̇г̇ияамзва ‘‘руубияз взмад̇иго’’д̇иаад̣̇и важанад̇од̇и. ид̣̇ам̣ вид̇хаанам̣ нирад̇т̇агамзва аабаж̇ж̇ад̇и, на жа нирад̇т̇агам̣. гасмаа? д̣̇уссанд̇з б̣ад̣̇д̇хагахаабан̣аад̣̇и ассад̇ияаа д̣̇иннам̣ вад̇т̇асан̃н̃ааяа бадиг̇г̇ахид̇ан̃жа, д̇ад̇о на руубияам̣ д̣̇иннан̃жа ход̇и бадиг̇г̇ахид̇ан̃жаад̇и. зд̇т̇а аабад̇д̇ид̣̇зсанаагижжам̣ над̇т̇и, д̇ам̣ бана д̣̇ааяагаанамзва бадид̣̇аад̇аб̣б̣ам̣. д̇ад̇о уббаннам̣ габбияабхан̣д̣ан̃жа саб̣б̣зсам̣ габбад̇ийд̇и имасса вид̇хаананд̇арад̣̇ассанад̇т̇ам̣ ‘‘абижа бун̃н̃агаамаа’’д̇иаад̣̇ийд̇и но д̇аггод̇и аажарияо.
‘‘Apica puññakāmā’’tiādi pana vidhānantaradassanatthaṃ vuttaṃ, teneva hi ‘‘imasmiṃ gehe idaṃ laddhanti sallakkhetabba’’nti vuttaṃ. Aññathā sallakkhaṇe vimativasena, vimatiyā ca sati nissaggiyameva ‘‘rūpiye vematiko’’tiādi vacanatoti. Idaṃ vidhānaṃ niratthakameva āpajjati, na ca niratthakaṃ. Kasmā? Dussante baddhakahāpaṇādi assatiyā dinnaṃ vatthasaññāya paṭiggahitañca, tato na rūpiyaṃ dinnañca hoti paṭiggahitañcāti. Ettha āpattidesanākiccaṃ natthi, taṃ pana dāyakānameva paṭidātabbaṃ. Tato uppannaṃ kappiyabhaṇḍañca sabbesaṃ kappatīti imassa vidhānantaradassanatthaṃ ‘‘apica puññakāmā’’tiādīti no takkoti ācariyo.
руубияасигкаабад̣̇аван̣н̣анаа нидтид̇аа.
Rūpiyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. руубияасигкаабад̣̇ам̣ • 8. Rūpiyasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
