| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
8. руубияасигкаабад̣̇аван̣н̣анаа
8. Rūpiyasikkhāpadavaṇṇanā
583-4. адтамз суван̣н̣амаяагахаабан̣зна гахаабан̣оби раж̇ад̇з зва сан̇г̇аяхад̇ийд̇и ааха ‘‘сован̣н̣амаяо ваа’’д̇и. руубияамаяо ваад̇и раж̇ад̇зна руубам̣ самудтабзд̇ваа гад̇агахаабан̣о. баагад̇иго наама зд̇арахи багад̇игахаабан̣о.
583-4. Aṭṭhame suvaṇṇamayakahāpaṇena kahāpaṇopi rajate eva saṅgayhatīti āha ‘‘sovaṇṇamayo vā’’ti. Rūpiyamayo vāti rajatena rūpaṃ samuṭṭhapetvā katakahāpaṇo. Pākatiko nāma etarahi pakatikahāpaṇo.
ижжзд̇ам̣ саб̣б̣амбийд̇и сигкаабад̣̇зна, вибхан̇г̇зна жа вуд̇д̇ам̣ саб̣б̣амби нид̣̇ассзд̇и. д̇асса жад̇уб̣б̣ид̇хам̣ ниссаг̇г̇ияавад̇т̇ууд̇и иминаава самб̣анд̇хо, на бана ананд̇арзна ‘‘раж̇ад̇а’’нд̇и бад̣̇зна. ид̣̇аани д̇ам̣ жад̇уб̣б̣ид̇хам̣ ниссаг̇г̇ияавад̇т̇ум̣ саруубад̇о д̣̇ассзнд̇о ‘‘раж̇ад̇а’’нд̇иаад̣̇имааха. д̇ад̇т̇а гин̃жааби хздтаа раж̇ад̇амаасагова вуд̇д̇о, на гзвалам̣ раж̇ад̇ам̣, д̇ат̇ааби сигкаабад̣̇з ‘‘ж̇аад̇аруубараж̇ад̇а’’нд̇и бад̣̇знзва вуд̇д̇анд̇и д̇амби д̣̇ассзд̇ум̣ ‘‘раж̇ад̇а’’нд̇и ид̣̇ам̣ висум̣ вуд̇д̇ам̣. бад̣̇абхааж̇анз бана маад̇игаабад̣̇знзва сид̣̇д̇хад̇д̇аа д̇ам̣ авад̇ваа д̇зна саха сан̇г̇аяхамаанамзва д̣̇ассзд̇ум̣ ‘‘раж̇ад̇ам̣ наама гахаабан̣о’’д̇иаад̣̇и вуд̇д̇анд̇и взд̣̇ид̇аб̣б̣ам̣. ж̇аад̇аруубамаасагод̇и суван̣н̣амаяагахаабан̣о. вуд̇д̇аббабхзд̣̇од̇и ‘‘руубияамаяо ваа баагад̇иго ваа’’д̇иаад̣̇инаа вуд̇д̇аббабхзд̣̇о. бадова бадаго, вад̇т̇ам̣. д̣̇уггадамзваад̇и бадиг̇г̇аахагассзва бадиг̇г̇ахан̣абажжаяаа д̣̇уггадам̣, барибхог̇з бана бан̃жасахад̇хаммигзхи бадиг̇г̇ахид̇аанам̣ д̇хан̃н̃авирахид̇амуд̇д̇аад̣̇ийнам̣ гааран̣аа уббаннабажжаяам̣ барибхун̃ж̇анд̇аанам̣ саб̣б̣зсамби д̣̇уггадамзва. гзжи бана ‘‘д̇хан̃н̃амби бан̃жасахад̇хаммигзхи бадиг̇г̇ахид̇ам̣ муд̇д̇аад̣̇икзд̇д̇аад̣̇и вияа саб̣б̣зсамби барибхун̃ж̇ид̇ум̣ на ваддад̇и, гзвалам̣ сан̇гхигабхуумияам̣ габбияавохаарзна жа уббаннасса д̇хан̃н̃асса вижааран̣амзва санд̇хааяа ‘д̇ассзвзд̇ам̣ агаббияа’нд̇и вуд̇д̇а’’нд̇и вад̣̇анд̇и.
Iccetaṃ sabbampīti sikkhāpadena, vibhaṅgena ca vuttaṃ sabbampi nidasseti. Tassa catubbidhaṃ nissaggiyavatthūti imināva sambandho, na pana anantarena ‘‘rajata’’nti padena. Idāni taṃ catubbidhaṃ nissaggiyavatthuṃ sarūpato dassento ‘‘rajata’’ntiādimāha. Tattha kiñcāpi heṭṭhā rajatamāsakova vutto, na kevalaṃ rajataṃ, tathāpi sikkhāpade ‘‘jātarūparajata’’nti padeneva vuttanti tampi dassetuṃ ‘‘rajata’’nti idaṃ visuṃ vuttaṃ. Padabhājane pana mātikāpadeneva siddhattā taṃ avatvā tena saha saṅgayhamānameva dassetuṃ ‘‘rajataṃ nāma kahāpaṇo’’tiādi vuttanti veditabbaṃ. Jātarūpamāsakoti suvaṇṇamayakahāpaṇo. Vuttappabhedoti ‘‘rūpiyamayo vā pākatiko vā’’tiādinā vuttappabhedo. Paṭova paṭako, vatthaṃ. Dukkaṭamevāti paṭiggāhakasseva paṭiggahaṇapaccayā dukkaṭaṃ, paribhoge pana pañcasahadhammikehi paṭiggahitānaṃ dhaññavirahitamuttādīnaṃ kāraṇā uppannapaccayaṃ paribhuñjantānaṃ sabbesampi dukkaṭameva. Keci pana ‘‘dhaññampi pañcasahadhammikehi paṭiggahitaṃ muttādikhettādi viya sabbesampi paribhuñjituṃ na vaṭṭati, kevalaṃ saṅghikabhūmiyaṃ kappiyavohārena ca uppannassa dhaññassa vicāraṇameva sandhāya ‘tassevetaṃ akappiya’nti vutta’’nti vadanti.
зго сад̇ам̣ ваа сахассам̣ ваад̇иаад̣̇и руубияз хздтимагодияаа бавад̇д̇анаагаарам̣ д̣̇ассзд̇ум̣ вуд̇д̇ам̣, на бана ‘‘звам̣ бадибаж̇ж̇ид̇аб̣б̣амзваа’’д̇и д̣̇ассзд̇ум̣. ‘‘ид̇ха нигкибаахий’’д̇и вуд̇д̇з уг̇г̇ан̣хаабанам̣ ход̇ийд̇и ааха ‘‘ид̇ха нигкибаахийд̇и на вад̇д̇аб̣б̣а’’нд̇и. габбияан̃жа…бз… ход̇ийд̇и яасмаа асаад̣̇ид̇ад̇д̇аа д̇ад̇о уббаннабажжаяаа вадданд̇и, д̇асмаа габбияам̣ ниссааяа тид̇ам̣. яасмаа бана д̣̇уб̣б̣ижааран̣ааяа сад̇и д̇ад̇о уббаннамби на габбад̇и, д̇асмаа агаббияам̣ ниссааяа тид̇анд̇и взд̣̇ид̇аб̣б̣ам̣.
Eko sataṃ vā sahassaṃ vātiādi rūpiye heṭṭhimakoṭiyā pavattanākāraṃ dassetuṃ vuttaṃ, na pana ‘‘evaṃ paṭipajjitabbamevā’’ti dassetuṃ. ‘‘Idha nikkhipāhī’’ti vutte uggaṇhāpanaṃ hotīti āha ‘‘idha nikkhipāhīti na vattabba’’nti. Kappiyañca…pe… hotīti yasmā asāditattā tato uppannapaccayā vaṭṭanti, tasmā kappiyaṃ nissāya ṭhitaṃ. Yasmā pana dubbicāraṇāya sati tato uppannampi na kappati, tasmā akappiyaṃ nissāya ṭhitanti veditabbaṃ.
‘‘на д̇зна гин̃жи габбияабхан̣д̣ам̣ жзд̇аабид̇а’’нд̇и иминаа жзд̇аабид̇ам̣ жз, над̇т̇и барибхог̇уубааяо уг̇г̇ахзд̇ваа аниссадтаруубиязна жзд̇аабид̇ад̇д̇аа. ийд̣̇исан̃хи сан̇гхамаж̇жхз ниссаж̇ж̇анам̣ гад̇ваава чад̣д̣зд̇ваа баажид̇д̇ияам̣ д̣̇зсзд̇аб̣б̣анд̇и д̣̇ассзд̇и. гзжи бана ‘‘яасмаа ниссаг̇г̇ияавад̇т̇ум̣ бадиг̇г̇ахзд̇вааби жзд̇аабид̇ам̣ габбияабхан̣д̣ам̣ сан̇гхз ниссадтам̣ габбияагаарагзхи ниссадтаруубияам̣ баривад̇д̇зд̇ваа аанийд̇агаббияабхан̣д̣асад̣̇исам̣ ход̇и, д̇асмаа винаава убааяам̣ бхааж̇зд̇ваа барибхун̃ж̇ид̇ум̣ ваддад̇ий’’д̇и вад̣̇анд̇и, д̇ам̣ бад̇д̇ажад̇уггаад̣̇игат̇ааяа (баараа. адта. 2.589) на самзд̇и. д̇ад̇т̇а руубиязна баривад̇д̇ид̇абад̇д̇асса абарибхог̇ова д̣̇ассид̇о, на ниссаж̇ж̇анавид̇хаананд̇и. убанигкзбам̣ табзд̇ваад̇и габбияагаарагзхи вад̣дхияаа баяож̇анам̣ санд̇хааяа вуд̇д̇ам̣. агаббияанд̇и д̇зна вад̇т̇унаа г̇ахид̇ад̇д̇аа вуд̇д̇ам̣.
‘‘Na tena kiñci kappiyabhaṇḍaṃ cetāpita’’nti iminā cetāpitaṃ ce, natthi paribhogūpāyo uggahetvā anissaṭṭharūpiyena cetāpitattā. Īdisañhi saṅghamajjhe nissajjanaṃ katvāva chaḍḍetvā pācittiyaṃ desetabbanti dasseti. Keci pana ‘‘yasmā nissaggiyavatthuṃ paṭiggahetvāpi cetāpitaṃ kappiyabhaṇḍaṃ saṅghe nissaṭṭhaṃ kappiyakārakehi nissaṭṭharūpiyaṃ parivattetvā ānītakappiyabhaṇḍasadisaṃ hoti, tasmā vināva upāyaṃ bhājetvā paribhuñjituṃ vaṭṭatī’’ti vadanti, taṃ pattacatukkādikathāya (pārā. aṭṭha. 2.589) na sameti. Tattha rūpiyena parivattitapattassa aparibhogova dassito, na nissajjanavidhānanti. Upanikkhepaṃ ṭhapetvāti kappiyakārakehi vaḍḍhiyā payojanaṃ sandhāya vuttaṃ. Akappiyanti tena vatthunā gahitattā vuttaṃ.
585. ‘‘бад̇ид̇огаасам̣ асаманнаахаранд̇знаа’’д̇и ид̣̇ам̣ нирабзгкабхаавад̣̇ассанабаранд̇и взд̣̇ид̇аб̣б̣ам̣. асанд̇асамбхааванааяаад̇и барияааяаад̣̇инаа абхууд̇аарожанам̣ санд̇хааяа вуд̇д̇ам̣. т̇зяяабарибхог̇од̇и бажжаяасааминаа бхаг̇авад̇аа ананун̃н̃аад̇ад̇д̇аа вуд̇д̇ам̣. ин̣абарибхог̇од̇и бхаг̇авад̇аа анун̃н̃аад̇амби гад̇д̇аб̣б̣ам̣ агад̇ваа барибхун̃ж̇анад̇о вуд̇д̇ам̣, д̇зна жа бажжаяасанниссид̇асийлам̣ вибаж̇ж̇ад̇ийд̇и д̣̇ассзд̇и. барибхог̇з барибхог̇зд̇и гааяад̇о можзд̇ваа можзд̇ваа барибхог̇з. бажчимаяаамзсу бажжавзгкид̇аб̣б̣анд̇и яож̇анаа. ин̣абарибхог̇адтаанз д̇идтад̇ийд̇и зд̇т̇а ‘‘хияяо яам̣ маяаа жийварам̣ барибхуд̇д̇а’’нд̇иаад̣̇инааби ад̇ийд̇абажжавзгкан̣аа ваддад̇ийд̇и вад̣̇анд̇и. барибхог̇з барибхог̇зд̇и уд̣̇агабад̇анадтаанад̇о анд̇обавзсанзсу, нисийд̣̇анасаяанзсу жа. сад̇ибажжаяад̇аа ваддад̇ийд̇и бажжавзгкан̣асад̇ияаа бажжаяад̇д̇ам̣ лад̣̇д̇хум̣ ваддад̇и. бадиг̇г̇ахан̣з жа барибхог̇з жа бажжавзгкан̣аасад̇и авассам̣ лад̣̇д̇хаб̣б̣аад̇и д̣̇ассзд̇и. д̇знааха ‘‘сад̇им̣ гад̇ваа’’д̇иаад̣̇и. гзжи бана ‘‘сад̇ибажжаяад̇аа бажжаяз сад̇и бхзсаж̇ж̇абарибхог̇асса гааран̣з сад̇ий’’д̇и звамби ад̇т̇ам̣ вад̣̇анд̇и, д̇зсамби бажжаяз сад̇ийд̇и бажжаяасаб̣бхаавасаллагкан̣з сад̇ийд̇и звамад̇т̇о г̇ахзд̇аб̣б̣о бажжаяасаб̣бхаавамад̇д̇зна сийласса асуж̇жханад̇о. ‘‘барибхог̇з агаронд̇ассзва аабад̇д̇ий’’д̇и иминаа баад̇имогкасам̣варасийласса бхзд̣̇о д̣̇ассид̇о, на бажжаяасаннисссисийласса, д̇асса ад̇ийд̇абажжавзгкан̣ааяа висуж̇жханад̇о. зд̇асмим̣, бана сзсабажжаязсу жа ин̣абарибхог̇аад̣̇иважанзна бажжаяасанниссид̇асийлассзва бхзд̣̇од̇и звамимзсам̣ наанаагаран̣ам̣ взд̣̇ид̇аб̣б̣ам̣.
585.‘‘Patitokāsaṃ asamannāharantenā’’ti idaṃ nirapekkhabhāvadassanaparanti veditabbaṃ. Asantasambhāvanāyāti pariyāyādinā abhūtārocanaṃ sandhāya vuttaṃ. Theyyaparibhogoti paccayasāminā bhagavatā ananuññātattā vuttaṃ. Iṇaparibhogoti bhagavatā anuññātampi kattabbaṃ akatvā paribhuñjanato vuttaṃ, tena ca paccayasannissitasīlaṃ vipajjatīti dasseti. Paribhoge paribhogeti kāyato mocetvā mocetvā paribhoge. Pacchimayāmesu paccavekkhitabbanti yojanā. Iṇaparibhogaṭṭhāne tiṭṭhatīti ettha ‘‘hiyyo yaṃ mayā cīvaraṃ paribhutta’’ntiādināpi atītapaccavekkhaṇā vaṭṭatīti vadanti. Paribhoge paribhogeti udakapatanaṭṭhānato antopavesanesu, nisīdanasayanesu ca. Satipaccayatā vaṭṭatīti paccavekkhaṇasatiyā paccayattaṃ laddhuṃ vaṭṭati. Paṭiggahaṇe ca paribhoge ca paccavekkhaṇāsati avassaṃ laddhabbāti dasseti. Tenāha ‘‘satiṃ katvā’’tiādi. Keci pana ‘‘satipaccayatā paccaye sati bhesajjaparibhogassa kāraṇe satī’’ti evampi atthaṃ vadanti, tesampi paccaye satīti paccayasabbhāvasallakkhaṇe satīti evamattho gahetabbo paccayasabbhāvamattena sīlassa asujjhanato. ‘‘Paribhoge akarontasseva āpattī’’ti iminā pātimokkhasaṃvarasīlassa bhedo dassito, na paccayasannisssisīlassa, tassa atītapaccavekkhaṇāya visujjhanato. Etasmiṃ, pana sesapaccayesu ca iṇaparibhogādivacanena paccayasannissitasīlasseva bhedoti evamimesaṃ nānākaraṇaṃ veditabbaṃ.
звам̣ бажжаяасанниссид̇асийласса висуд̣̇д̇хим̣ д̣̇ассзд̇ваа д̇знзва басан̇г̇зна саб̣б̣ааби висуд̣̇д̇хияо д̣̇ассзд̇ум̣ ‘‘жад̇уб̣б̣ид̇хаа хи суд̣̇д̇хий’’д̇иаад̣̇имааха. д̇ад̇т̇а суж̇жхад̇и д̣̇зсанаад̣̇ийхи, сод̇хийяад̇ийд̇и ваа суд̣̇д̇хи, жад̇уб̣б̣ид̇хасийлам̣. д̇знааха ‘‘д̣̇зсанааяа суж̇жханад̇о’’д̇иаад̣̇и. зд̇т̇а д̣̇зсанааг̇г̇ахан̣зна вудтаанамби чиннамуулаанам̣ абхигкуд̇аабадин̃н̃ааби сан̇г̇ахид̇аа. чиннамуулаанамби хи баарааж̇игаабад̇д̇ивудтаанзна хздтаа барирагкид̇ам̣ бхигкусийлам̣ висуд̣̇д̇хам̣ наама ход̇и, д̇зна д̇зсам̣ маг̇г̇абадилаабхоби самбаж̇ж̇ад̇и.
Evaṃ paccayasannissitasīlassa visuddhiṃ dassetvā teneva pasaṅgena sabbāpi visuddhiyo dassetuṃ ‘‘catubbidhā hi suddhī’’tiādimāha. Tattha sujjhati desanādīhi, sodhīyatīti vā suddhi, catubbidhasīlaṃ. Tenāha ‘‘desanāya sujjhanato’’tiādi. Ettha desanāggahaṇena vuṭṭhānampi chinnamūlānaṃ abhikkhutāpaṭiññāpi saṅgahitā. Chinnamūlānampi hi pārājikāpattivuṭṭhānena heṭṭhā parirakkhitaṃ bhikkhusīlaṃ visuddhaṃ nāma hoti, tena tesaṃ maggapaṭilābhopi sampajjati.
д̣̇аад̇аб̣б̣адтзна д̣̇ааяам̣, д̇ам̣ аад̣̇ияанд̇ийд̇и д̣̇ааяаад̣̇аа. сад̇д̇аннам̣ сзгкаананд̇и зд̇т̇а галяаан̣абут̇уж̇ж̇анааби сан̇г̇ахид̇аа д̇зсам̣ аан̣ан̣яабарибхог̇асса д̣̇ааяаж̇ж̇абарибхог̇з сан̇г̇ахид̇ад̇д̇аад̇и взд̣̇ид̇аб̣б̣ам̣ . д̇хаммад̣̇ааяаад̣̇асуд̇д̇анд̇и ‘‘д̇хаммад̣̇ааяаад̣̇аа мз, бхигкавз, бхават̇а, маа аамисад̣̇ааяаад̣̇аа’’д̇иаад̣̇инаа (ма. ни. 1.29) бавад̇д̇ам̣ суд̇д̇ам̣. д̇ад̇т̇а маа мз аамисад̣̇ааяаад̣̇аад̇и звам̣ мз-сад̣̇д̣̇ам̣ аанзд̇ваа ад̇т̇о г̇ахзд̇аб̣б̣о. зван̃хи д̇ат̇аа вуд̇д̇ад̇т̇асаад̇хагам̣ ход̇и.
Dātabbaṭṭhena dāyaṃ, taṃ ādiyantīti dāyādā. Sattannaṃ sekkhānanti ettha kalyāṇaputhujjanāpi saṅgahitā tesaṃ āṇaṇyaparibhogassa dāyajjaparibhoge saṅgahitattāti veditabbaṃ . Dhammadāyādasuttanti ‘‘dhammadāyādā me, bhikkhave, bhavatha, mā āmisadāyādā’’tiādinā (ma. ni. 1.29) pavattaṃ suttaṃ. Tattha mā me āmisadāyādāti evaṃ me-saddaṃ ānetvā attho gahetabbo. Evañhi tathā vuttatthasādhakaṃ hoti.
лаж̇ж̇инаа сад̣̇д̇хим̣ барибхог̇од̇и д̇хаммаамисавасзна миссабхааво. алаж̇ж̇инаа сад̣̇д̇хинд̇и зд̇т̇ааби зсзва наяо. ‘‘аад̣̇ид̇о бадтааяа хи алаж̇ж̇ий наама над̇т̇ий’’д̇и иминаа д̣̇идтад̣̇идтзсу аасан̇гаа наама на гаад̇аб̣б̣аа, д̣̇идтасуд̇аад̣̇игааран̣з сад̇и зва гаад̇аб̣б̣аад̇и д̣̇ассзд̇и. ад̇д̇ано бхаарабхууд̇аа сад̣̇д̇хивихааригаад̣̇аяо. сажз на орамад̇ийд̇и аг̇ад̇иг̇аманзна д̇хаммаамисабарибхог̇ад̇о на орамад̇и. ‘‘аабад̇д̇и наама над̇т̇ий’’д̇и ид̣̇ам̣ алаж̇ж̇ийнам̣ д̇хаммзна уббаннабажжаяам̣, д̇хаммагамман̃жа санд̇хааяа вуд̇д̇ам̣. д̇зсамби хи гулад̣̇уусанаад̣̇исамуббаннабажжаяам̣ барибхун̃ж̇анд̇аанам̣, ваг̇г̇агаммаад̣̇им̣ гаронд̇аанан̃жа аабад̇д̇и зва.
Lajjinā saddhiṃ paribhogoti dhammāmisavasena missabhāvo. Alajjinā saddhinti etthāpi eseva nayo. ‘‘Ādito paṭṭhāya hi alajjī nāma natthī’’ti iminā diṭṭhadiṭṭhesu āsaṅkā nāma na kātabbā, diṭṭhasutādikāraṇe sati eva kātabbāti dasseti. Attano bhārabhūtā saddhivihārikādayo. Sace na oramatīti agatigamanena dhammāmisaparibhogato na oramati. ‘‘Āpatti nāma natthī’’ti idaṃ alajjīnaṃ dhammena uppannapaccayaṃ, dhammakammañca sandhāya vuttaṃ. Tesampi hi kuladūsanādisamuppannapaccayaṃ paribhuñjantānaṃ, vaggakammādiṃ karontānañca āpatti eva.
‘‘д̇хаммияаад̇хаммияабарибхог̇о бажжаяавасзна взд̣̇ид̇аб̣б̣о’’д̇и вуд̇д̇ад̇д̇аа хздтаа лаж̇ж̇ибарибхог̇о бажжаяавасзна жа згагаммаад̣̇ивасзна жа вуд̇д̇о зваад̇и взд̣̇ид̇аб̣б̣ам̣. д̇знзва д̣̇удтад̣̇осасигкаабад̣̇адтагат̇ааяам̣ жод̣̇агажуд̣̇ид̇агабхаавз тид̇аа д̣̇вз алаж̇ж̇ино д̇хаммабарибхог̇амби санд̇хааяа ‘‘згасамбхог̇абарибхог̇аа худ̇ваа ж̇ийват̇аа’’д̇и (баараа. адта. 2.385-386) вуд̇д̇аа д̇зсам̣ ан̃н̃аман̃н̃ам̣ д̇хаммаамисабарибхог̇з вирод̇хаабхааваа. лаж̇ж̇ийнамзва хи алаж̇ж̇инаа саха д̇ад̣̇убхаяабарибхог̇аа на вадданд̇ийд̇и.
‘‘Dhammiyādhammiyaparibhogo paccayavasena veditabbo’’ti vuttattā heṭṭhā lajjiparibhogo paccayavasena ca ekakammādivasena ca vutto evāti veditabbaṃ. Teneva duṭṭhadosasikkhāpadaṭṭhakathāyaṃ codakacuditakabhāve ṭhitā dve alajjino dhammaparibhogampi sandhāya ‘‘ekasambhogaparibhogā hutvā jīvathā’’ti (pārā. aṭṭha. 2.385-386) vuttā tesaṃ aññamaññaṃ dhammāmisaparibhoge virodhābhāvā. Lajjīnameva hi alajjinā saha tadubhayaparibhogā na vaṭṭantīti.
д̇хаммабарибхог̇од̇и ‘‘згагаммам̣ згуд̣̇д̣̇зсо’’д̇иаад̣̇инаа (баараа. 55, 92, 172) вуд̇д̇асам̣ваасо жзва ниссаяаг̇г̇ахан̣ад̣̇аанаад̣̇иго саб̣б̣о нираамисабарибхог̇о жа взд̣̇ид̇аб̣б̣о . ‘‘на со аабад̇д̇ияаа гаарзд̇аб̣б̣о’’д̇и вуд̇д̇ад̇д̇аа лаж̇ж̇ино алаж̇ж̇ибаг̇г̇ахз аабад̇д̇ийд̇и взд̣̇ид̇аб̣б̣ам̣. ид̇аробийд̇и лаж̇ж̇ийби. д̇ассааби ад̇д̇аанам̣ баг̇г̇ан̣ханд̇асса алаж̇ж̇ино, иминаа жа лаж̇ж̇ино ван̣н̣абхан̣анаад̣̇илаабхам̣ бадижжа аамисаг̇аругад̇ааяа ваа г̇зхасид̇абзмзна ваа д̇ам̣ алаж̇ж̇им̣ баг̇г̇ан̣ханд̇о лаж̇ж̇ий саасанам̣ анд̇арад̇хаабзд̇и наамаад̇и д̣̇ассзд̇и. звам̣ г̇ахадтаад̣̇ийсу убад̇т̇амбхид̇о алаж̇ж̇ий б̣алам̣ лабхид̇ваа бзсалз абхибхавид̇ваа нажирассзва саасанам̣ уд̣̇д̇хаммам̣ уб̣б̣инаяам̣ гарод̇ийд̇и.
Dhammaparibhogoti ‘‘ekakammaṃ ekuddeso’’tiādinā (pārā. 55, 92, 172) vuttasaṃvāso ceva nissayaggahaṇadānādiko sabbo nirāmisaparibhogo ca veditabbo . ‘‘Na so āpattiyā kāretabbo’’ti vuttattā lajjino alajjipaggahe āpattīti veditabbaṃ. Itaropīti lajjīpi. Tassāpi attānaṃ paggaṇhantassa alajjino, iminā ca lajjino vaṇṇabhaṇanādilābhaṃ paṭicca āmisagarukatāya vā gehasitapemena vā taṃ alajjiṃ paggaṇhanto lajjī sāsanaṃ antaradhāpeti nāmāti dasseti. Evaṃ gahaṭṭhādīsu upatthambhito alajjī balaṃ labhitvā pesale abhibhavitvā nacirasseva sāsanaṃ uddhammaṃ ubbinayaṃ karotīti.
‘‘д̇хаммабарибхог̇оби д̇ад̇т̇а ваддад̇ий’’д̇и иминаа аамисабарибхог̇ад̇о д̇хаммабарибхог̇ова г̇аруго, д̇асмаа ад̇ивияа алаж̇ж̇ививзгзна гаад̇аб̣б̣од̇и д̣̇ассзд̇и. ‘‘д̇хаммаануг̇г̇ахзна уг̇г̇ан̣хид̇ум̣ ваддад̇ий’’д̇и вуд̇д̇ад̇д̇аа алаж̇ж̇уссаннад̇ааяа саасанз осагганд̇з, лаж̇ж̇ийсу жа аббахонд̇зсу алаж̇ж̇имби багад̇ад̇д̇ам̣ г̇ан̣абуурагам̣ г̇ахзд̇ваа убасамбад̣̇аад̣̇игаран̣зна жзва гзжи алаж̇ж̇ино д̇хаммаамисабарибхог̇зна сан̇г̇ахзд̇ваа сзсаалаж̇ж̇иг̇ан̣асса ниг̇г̇ахзна жа саасанам̣ баг̇г̇ан̣хид̇ум̣ ваддад̇и зва.
‘‘Dhammaparibhogopi tattha vaṭṭatī’’ti iminā āmisaparibhogato dhammaparibhogova garuko, tasmā ativiya alajjivivekena kātabboti dasseti. ‘‘Dhammānuggahena uggaṇhituṃ vaṭṭatī’’ti vuttattā alajjussannatāya sāsane osakkante, lajjīsu ca appahontesu alajjimpi pakatattaṃ gaṇapūrakaṃ gahetvā upasampadādikaraṇena ceva keci alajjino dhammāmisaparibhogena saṅgahetvā sesālajjigaṇassa niggahena ca sāsanaṃ paggaṇhituṃ vaṭṭati eva.
гзжи бана ‘‘годияам̣ тид̇о г̇ант̇од̇и вуд̇д̇ад̇д̇аа г̇ант̇абарияаабун̣анамзва д̇хаммабарибхог̇о, на згагаммаад̣̇и. д̇асмаа алаж̇ж̇ийхиби сад̣̇д̇хим̣ убосат̇аад̣̇игам̣ гаммам̣ гаад̇ум̣ ваддад̇и, аабад̇д̇и над̇т̇ий’’д̇и вад̣̇анд̇и, д̇ам̣ на яуд̇д̇ам̣, згагаммаад̣̇ийсу б̣ахуусу д̇хаммабарибхог̇зсу алаж̇ж̇инааби сад̣̇д̇хим̣ гад̇д̇аб̣б̣аавад̇т̇ааяуд̇д̇ам̣ д̇хаммабарибхог̇ам̣ д̣̇ассзд̇ум̣ ид̇ха нид̣̇ассанавасзна г̇ант̇ассзва самуд̣̇д̇хадад̇д̇аа. на хи згагаммаад̣̇иго вид̇хи д̇хаммабарибхог̇о на ход̇ийд̇и саггаа вад̇д̇ум̣ анаамисад̇д̇аа д̇хаммаамисзсу абарияаабаннасса гассажи абхааваа. д̇знзва адтасаалинияам̣ д̇хаммабадисанд̇хаарагат̇ааяам̣ (д̇ха. са. адта. 1351)‘‘гаммадтаанам̣ гат̇зд̇аб̣б̣ам̣, д̇хаммо ваажзд̇аб̣б̣о…бз… аб̣бхаанавудтаанамаанад̇д̇абариваасаа д̣̇аад̇аб̣б̣аа, баб̣б̣аж̇ж̇аарахо баб̣б̣ааж̇зд̇аб̣б̣о, убасамбад̣̇аарахо убасамбаад̣̇зд̇аб̣б̣о…бз… аяам̣ д̇хаммабадисанд̇хааро наамаа’’д̇и звам̣ сан̇гхагаммаад̣̇иби д̇хаммагодтаасз д̣̇ассид̇ам̣. д̇зсу бана д̇хаммагодтаасзсу яам̣ г̇ан̣абууран̣аад̣̇ивасзна алаж̇ж̇ино абзгкид̇ваа убосат̇аад̣̇и ваа д̇зсам̣ санд̇игаа д̇хаммуг̇г̇ахан̣аниссаяаг̇г̇ахан̣аад̣̇и ваа гарийяад̇и, д̇ам̣ д̇хаммо жзва барибхог̇о жаад̇и д̇хаммабарибхог̇од̇и вужжад̇и, зд̇ам̣ д̇ат̇ааруубабажжаяам̣ винаа гаад̇ум̣ на ваддад̇и, гаронд̇асса алаж̇ж̇ибарибхог̇о жа ход̇и д̣̇уггадан̃жа. яам̣ бана алаж̇ж̇исад̇ам̣ анабзгкид̇ваа д̇аж̇ж̇анийяаад̣̇иниг̇г̇ахагаммам̣ ваа бариваасаад̣̇иубагаарагаммам̣ ваа уг̇г̇ахабарибужчаад̣̇аанаад̣̇и ваа гарийяад̇и, д̇ам̣ д̇хаммо зва, но барибхог̇о. зд̇ам̣ ануруубаанам̣ гаад̇ум̣ ваддад̇и, аамисад̣̇аанам̣ вияа аабад̇д̇и над̇т̇и. ниссаяад̣̇аанамби д̇зрасасаммуд̇ид̣̇аанаад̣̇и жа вад̇д̇абадивад̇д̇асаад̣̇ияанаад̣̇ибарибхог̇ассааби хзд̇уд̇д̇аа на ваддад̇и.
Keci pana ‘‘koṭiyaṃ ṭhito ganthoti vuttattā ganthapariyāpuṇanameva dhammaparibhogo, na ekakammādi. Tasmā alajjīhipi saddhiṃ uposathādikaṃ kammaṃ kātuṃ vaṭṭati, āpatti natthī’’ti vadanti, taṃ na yuttaṃ, ekakammādīsu bahūsu dhammaparibhogesu alajjināpi saddhiṃ kattabbāvatthāyuttaṃ dhammaparibhogaṃ dassetuṃ idha nidassanavasena ganthasseva samuddhaṭattā. Na hi ekakammādiko vidhi dhammaparibhogo na hotīti sakkā vattuṃ anāmisattā dhammāmisesu apariyāpannassa kassaci abhāvā. Teneva aṭṭhasāliniyaṃ dhammapaṭisandhārakathāyaṃ (dha. sa. aṭṭha. 1351)‘‘kammaṭṭhānaṃ kathetabbaṃ, dhammo vācetabbo…pe… abbhānavuṭṭhānamānattaparivāsā dātabbā, pabbajjāraho pabbājetabbo, upasampadāraho upasampādetabbo…pe… ayaṃ dhammapaṭisandhāro nāmā’’ti evaṃ saṅghakammādipi dhammakoṭṭhāse dassitaṃ. Tesu pana dhammakoṭṭhāsesu yaṃ gaṇapūraṇādivasena alajjino apekkhitvā uposathādi vā tesaṃ santikā dhammuggahaṇanissayaggahaṇādi vā karīyati, taṃ dhammo ceva paribhogo cāti dhammaparibhogoti vuccati, etaṃ tathārūpapaccayaṃ vinā kātuṃ na vaṭṭati, karontassa alajjiparibhogo ca hoti dukkaṭañca. Yaṃ pana alajjisataṃ anapekkhitvā tajjanīyādiniggahakammaṃ vā parivāsādiupakārakammaṃ vā uggahaparipucchādānādi vā karīyati, taṃ dhammo eva, no paribhogo. Etaṃ anurūpānaṃ kātuṃ vaṭṭati, āmisadānaṃ viya āpatti natthi. Nissayadānampi terasasammutidānādi ca vattapaṭivattasādiyanādiparibhogassāpi hetuttā na vaṭṭati.
яо бана махааалаж̇ж̇ий уд̣̇д̇хаммам̣ уб̣б̣инаяам̣ сад̇т̇у саасанам̣ гарод̇и, д̇асса сад̣̇д̇хивихааригаад̣̇ийнам̣ убасамбад̣̇аад̣̇иубагаарагаммамби уг̇г̇ахабарибужчаад̣̇аанаад̣̇и жа гаад̇ум̣ на ваддад̇и, аабад̇д̇и зва ход̇и, ниг̇г̇ахагаммамзва гаад̇аб̣б̣ам̣. д̇знзва алаж̇ж̇ибаг̇г̇ахоби бадигкид̇д̇о. д̇хаммаамисабарибхог̇авиваж̇ж̇анзнааби хи д̣̇умман̇гуунам̣ буг̇г̇алаанам̣ ниг̇г̇ахо ад̇хиббзд̇о, со жа бзсалаанам̣ паасувихаарасад̣̇д̇хаммадтид̇ивинаяаануг̇г̇ахаад̣̇иад̇т̇ааяа зд̇ад̣̇ад̇т̇ад̇д̇аа сигкаабад̣̇абан̃н̃ад̇д̇ияаа. д̇асмаа яам̣ яам̣ д̣̇умман̇гуунам̣ убад̇т̇амбхааяа бзсалаанам̣ апаасувихаарааяа сад̣̇д̇хаммабарихаанаад̣̇иад̇т̇ааяа ход̇и, д̇ам̣ саб̣б̣амби барибхог̇о ваа ход̇у абарибхог̇о ваа гаад̇ум̣ на ваддад̇и, звам̣ гаронд̇аа саасанам̣ анд̇арад̇хаабзнд̇и, аабад̇д̇ин̃жа аабаж̇ж̇анд̇и. д̇хаммаамисабарибхог̇зсу жзд̇т̇а алаж̇ж̇ийхи згагаммаад̣̇ид̇хаммабарибхог̇о зва бзсалаанам̣ апаасувихаарасад̣̇д̇хаммабарихаанаад̣̇иад̇т̇ааяа ход̇и, на д̇ат̇аа аамисабарибхог̇о. на хи алаж̇ж̇ийнам̣ бажжаяабарибхог̇амад̇д̇зна бзсалаанам̣ апаасувихаараад̣̇и ход̇и, яат̇аавуд̇д̇ад̇хаммабарибхог̇зна бана ход̇и , д̇аббариваж̇ж̇анзна жа паасувихаараад̣̇аяо. д̇ат̇аа хи гад̇асигкаабад̣̇авийд̇иггамаа алаж̇ж̇ибуг̇г̇алаа убосат̇аад̣̇ийсу бавидтаа ‘‘д̇умхз гааяад̣̇ваарз, важийд̣̇ваарз жа вийд̇иггамам̣ гарот̇аа’’д̇иаад̣̇инаа бхигкуухи вад̇д̇аб̣б̣аа хонд̇и, яат̇аа винаяан̃жа ад̇идтанд̇аа сан̇гхад̇о б̣ахигаран̣аад̣̇ивасзна судту ниг̇г̇ахзд̇аб̣б̣аа, д̇ат̇аа агад̇ваа д̇зхи саха сам̣васанд̇ааби алаж̇ж̇инова хонд̇и ‘‘згоби алаж̇ж̇ий алаж̇ж̇исад̇амби гарод̇ий’’д̇иаад̣̇иважанад̇о (баараа. адта. 2.585). яад̣̇и хи д̇з звам̣ на ниг̇г̇ахид̇аа сияум̣, сан̇гхз галахаад̣̇им̣ вад̣дхзд̇ваа убосат̇аад̣̇исаамаг̇г̇ийгаммабадиб̣ааханаад̣̇инаа бзсалаанам̣ апаасум̣ гад̇ваа гамзна д̇з д̣̇звад̣̇ад̇д̇аваж̇ж̇ибуд̇д̇агаад̣̇аяо вияа барисам̣ вад̣дхзд̇ваа ад̇д̇ано виббадибад̇д̇им̣ д̇хаммад̇о винаяад̇о д̣̇ийбзнд̇аа сан̇гхабхзд̣̇аад̣̇имби гад̇ваа нажирассзва саасанам̣ анд̇арад̇хаабзяяум̣, д̇зсу бана сан̇гхад̇о б̣ахигаран̣аад̣̇ивасзна ниг̇г̇ахид̇зсу саб̣б̣обааяам̣ убад̣̇д̣̇аво на ход̇и. вуд̇д̇ан̃хи –
Yo pana mahāalajjī uddhammaṃ ubbinayaṃ satthu sāsanaṃ karoti, tassa saddhivihārikādīnaṃ upasampadādiupakārakammampi uggahaparipucchādānādi ca kātuṃ na vaṭṭati, āpatti eva hoti, niggahakammameva kātabbaṃ. Teneva alajjipaggahopi paṭikkhitto. Dhammāmisaparibhogavivajjanenāpi hi dummaṅkūnaṃ puggalānaṃ niggaho adhippeto, so ca pesalānaṃ phāsuvihārasaddhammaṭṭhitivinayānuggahādiatthāya etadatthattā sikkhāpadapaññattiyā. Tasmā yaṃ yaṃ dummaṅkūnaṃ upatthambhāya pesalānaṃ aphāsuvihārāya saddhammaparihānādiatthāya hoti, taṃ sabbampi paribhogo vā hotu aparibhogo vā kātuṃ na vaṭṭati, evaṃ karontā sāsanaṃ antaradhāpenti, āpattiñca āpajjanti. Dhammāmisaparibhogesu cettha alajjīhi ekakammādidhammaparibhogo eva pesalānaṃ aphāsuvihārasaddhammaparihānādiatthāya hoti, na tathā āmisaparibhogo. Na hi alajjīnaṃ paccayaparibhogamattena pesalānaṃ aphāsuvihārādi hoti, yathāvuttadhammaparibhogena pana hoti , tapparivajjanena ca phāsuvihārādayo. Tathā hi katasikkhāpadavītikkamā alajjipuggalā uposathādīsu paviṭṭhā ‘‘tumhe kāyadvāre, vacīdvāre ca vītikkamaṃ karothā’’tiādinā bhikkhūhi vattabbā honti, yathā vinayañca atiṭṭhantā saṅghato bahikaraṇādivasena suṭṭhu niggahetabbā, tathā akatvā tehi saha saṃvasantāpi alajjinova honti ‘‘ekopi alajjī alajjisatampi karotī’’tiādivacanato (pārā. aṭṭha. 2.585). Yadi hi te evaṃ na niggahitā siyuṃ, saṅghe kalahādiṃ vaḍḍhetvā uposathādisāmaggīkammapaṭibāhanādinā pesalānaṃ aphāsuṃ katvā kamena te devadattavajjiputtakādayo viya parisaṃ vaḍḍhetvā attano vippaṭipattiṃ dhammato vinayato dīpentā saṅghabhedādimpi katvā nacirasseva sāsanaṃ antaradhāpeyyuṃ, tesu pana saṅghato bahikaraṇādivasena niggahitesu sabbopāyaṃ upaddavo na hoti. Vuttañhi –
‘‘д̣̇уссийлабуг̇г̇алз ниссааяа убосат̇о на д̇идтад̇и, бавааран̣аа на д̇идтад̇и, сан̇гхагаммаани наббавад̇д̇анд̇и, саамаг̇г̇ий на ход̇и…бз… д̣̇уссийлзсу бана ниг̇г̇ахид̇зсу саб̣б̣оби аяам̣ убад̣̇д̣̇аво на ход̇и, д̇ад̇о бзсалаа бхигкуу паасу вихаранд̇ий’’д̇и (баараа. адта. 1.39).
‘‘Dussīlapuggale nissāya uposatho na tiṭṭhati, pavāraṇā na tiṭṭhati, saṅghakammāni nappavattanti, sāmaggī na hoti…pe… dussīlesu pana niggahitesu sabbopi ayaṃ upaddavo na hoti, tato pesalā bhikkhū phāsu viharantī’’ti (pārā. aṭṭha. 1.39).
д̇асмаа згагаммаад̣̇ид̇хаммабарибхог̇ова аамисабарибхог̇ад̇оби ад̇ивияа алаж̇ж̇ививзгзна гаад̇аб̣б̣о, аабад̇д̇игаро жа сад̣̇д̇хаммабарихаанихзд̇уд̇д̇аад̇и взд̣̇ид̇аб̣б̣ам̣.
Tasmā ekakammādidhammaparibhogova āmisaparibhogatopi ativiya alajjivivekena kātabbo, āpattikaro ca saddhammaparihānihetuttāti veditabbaṃ.
абижа убосат̇о на д̇идтад̇и, бавааран̣аа на д̇идтад̇и, сан̇гхагаммаани наббавад̇д̇анд̇ийд̇и звам̣ алаж̇ж̇ийхи сад̣̇д̇хим̣ сан̇гхагаммаагаран̣асса адтагат̇ааяам̣ багаасид̇ад̇д̇ааби жзд̇ам̣ сиж̇жхад̇и, д̇ат̇аа баривад̇д̇алин̇г̇асса бхигкуно бхигкунубассаяам̣ г̇ажчанд̇асса бадибад̇д̇игат̇ааяам̣ ‘‘аараад̇хигаа жа хонд̇и сан̇г̇аахигаа лаж̇ж̇инияо, д̇аа гобзд̇ваа ан̃н̃ад̇т̇а на г̇анд̇аб̣б̣ам̣. г̇ажчад̇и жз, г̇ааманд̇аранад̣̇ийбаарарад̇д̇ивиббаваасаг̇ан̣аохийяанаабад̇д̇ийхи на мужжад̇и…бз… алаж̇ж̇инияо хонд̇и, сан̇г̇ахам̣ бана гаронд̇и, д̇ааби барижжаж̇ид̇ваа ан̃н̃ад̇т̇а г̇анд̇ум̣ лаб̣бхад̇ий’’д̇и звам̣ алаж̇ж̇инийсу д̣̇уд̇ияигааг̇ахан̣аад̣̇ийсу сам̣ваасаабад̇д̇ибарихаарааяа над̣̇ийбаараг̇аманаад̣̇иг̇аругаабад̇д̇идтаанаанам̣ анун̃н̃аад̇ад̇д̇аа д̇ад̇оби алаж̇ж̇исам̣ваасаабад̇д̇и зва сад̣̇д̇хаммабарихаанихзд̇уд̇о г̇аругад̇араад̇и вин̃н̃ааяад̇и. на хи лахугаабад̇д̇идтаанам̣, анаабад̇д̇идтаанам̣ ваа барихарид̇ум̣ г̇аругаабад̇д̇идтаанавийд̇иггамам̣ аажарияаа ануж̇аананд̇и, д̇ат̇аа асам̣ваасабад̣̇асса адтагат̇ааяам̣ ‘‘саб̣б̣зхиби лаж̇ж̇ибуг̇г̇алзхи самам̣ сигкид̇аб̣б̣абхаавад̇о самасигкаад̇аа наама. зд̇т̇а яасмаа саб̣б̣зби лаж̇ж̇ино зд̇зсу гаммаад̣̇ийсу саха васанд̇и, на згоби д̇ад̇о б̣ахид̣̇д̇хаа санд̣̇иссад̇и, д̇асмаа д̇аани саб̣б̣ааниби г̇ахзд̇ваа зсо сам̣ваасо наамаа’’д̇и звам̣ лаж̇ж̇ийхзва згагаммаад̣̇исам̣ваасо ваддад̇ийд̇и багаасид̇о.
Apica uposatho na tiṭṭhati, pavāraṇā na tiṭṭhati, saṅghakammāni nappavattantīti evaṃ alajjīhi saddhiṃ saṅghakammākaraṇassa aṭṭhakathāyaṃ pakāsitattāpi cetaṃ sijjhati, tathā parivattaliṅgassa bhikkhuno bhikkhunupassayaṃ gacchantassa paṭipattikathāyaṃ ‘‘ārādhikā ca honti saṅgāhikā lajjiniyo, tā kopetvā aññattha na gantabbaṃ. Gacchati ce, gāmantaranadīpārarattivippavāsagaṇaohīyanāpattīhi na muccati…pe… alajjiniyo honti, saṅgahaṃ pana karonti, tāpi pariccajitvā aññattha gantuṃ labbhatī’’ti evaṃ alajjinīsu dutiyikāgahaṇādīsu saṃvāsāpattiparihārāya nadīpāragamanādigarukāpattiṭṭhānānaṃ anuññātattā tatopi alajjisaṃvāsāpatti eva saddhammaparihānihetuto garukatarāti viññāyati. Na hi lahukāpattiṭṭhānaṃ, anāpattiṭṭhānaṃ vā pariharituṃ garukāpattiṭṭhānavītikkamaṃ ācariyā anujānanti, tathā asaṃvāsapadassa aṭṭhakathāyaṃ ‘‘sabbehipi lajjipuggalehi samaṃ sikkhitabbabhāvato samasikkhātā nāma. Ettha yasmā sabbepi lajjino etesu kammādīsu saha vasanti, na ekopi tato bahiddhā sandissati, tasmā tāni sabbānipi gahetvā eso saṃvāso nāmā’’ti evaṃ lajjīheva ekakammādisaṃvāso vaṭṭatīti pakāsito.
яад̣̇и звам̣, гасмаа асам̣ваасигзсу алаж̇ж̇ий на г̇ан̣ид̇од̇и? нааяам̣ вирод̇хо, яз г̇ан̣абуурагз гад̇ваа гад̇ам̣ гаммам̣ губбад̇и, д̇зсам̣ баарааж̇игаад̣̇иабагад̇ад̇д̇аанан̃н̃зва асам̣ваасигад̇д̇з г̇ахид̇ад̇д̇аа. алаж̇ж̇ино бана багад̇ад̇д̇абхууд̇ааби санд̇и, д̇з жз г̇ан̣абууран̣аа худ̇ваа гаммам̣ саад̇хзнд̇и, гзвалам̣ гад̇ваа аг̇ад̇иг̇аманзна гаронд̇аанам̣ аабад̇д̇игараа хонд̇и сабхааг̇аабад̇д̇иаабаннаа вияа ан̃н̃аман̃н̃ам̣. яасмаа алаж̇ж̇ид̇ан̃жа лаж̇ж̇ид̇ан̃жа бут̇уж̇ж̇анаанам̣ жид̇д̇агкан̣абадиб̣ад̣̇д̇хам̣, на саб̣б̣агаалигам̣. сан̃жижжа хи вийд̇иггамажид̇д̇з уббаннз алаж̇ж̇ино ‘‘на буна ийд̣̇исам̣ гариссаамий’’д̇и жид̇д̇зна лаж̇ж̇ино жа хонд̇и, д̇зсу жа яз бзсалзхи овад̣̇ияамаанааби на ораманд̇и, бунаббунам̣ вийд̇иггаманд̇и, д̇з зва асам̣васид̇аб̣б̣аа, на ид̇арз лаж̇ж̇ид̇хаммз огганд̇ад̇д̇аа. д̇асмааби алаж̇ж̇ино асам̣ваасигзсу аг̇ан̣зд̇ваа д̇аббариваж̇ж̇анад̇т̇ам̣ сод̇хзд̇ваава убосат̇аад̣̇игаран̣ам̣ анун̃н̃аад̇ам̣. д̇ат̇аа хи ‘‘баарисуд̣̇д̇хим̣ ааяасманд̇о аарожзт̇а, баад̇имогкам̣ уд̣̇д̣̇исиссаамий’’д̇иаад̣̇инаа (махаава. 134) абарисуд̣̇д̇хааяа барисааяа убосат̇агаран̣асса аяуд̇д̇ад̇аа багаасид̇аа, ‘‘яасса сияаа аабад̇д̇и со аавигарзяяа…бз… паасу ход̇ий’’д̇и (махаава. 134) звам̣ алаж̇ж̇имби лаж̇ж̇ид̇хаммз бад̇идтаабзд̇ваа убосат̇агаран̣аббагааро жа вуд̇д̇о, ‘‘гажжид̇т̇а барисуд̣̇д̇хаа…бз… барисуд̣̇д̇хзд̇т̇ааяасманд̇о’’д̇и (баараа. 442, 458, 662; баажи. 551, 575, 655) жа баарисуд̣̇д̇хиубосат̇з ‘‘барисуд̣̇д̇хо ахам̣ бханд̇з, барисуд̣̇д̇ход̇и мам̣ д̇хаарзт̇аа’’д̇и (махаава. 168) жа звам̣ убосат̇ам̣ гаронд̇аанам̣ барисуд̣̇д̇хад̇аа жа багаасид̇аа, важанамад̇д̇зна анораманд̇аанан̃жа убосат̇абаваааран̣адтабанавид̇хи жа вуд̇д̇аа, саб̣б̣ат̇аа лаж̇ж̇ид̇хаммам̣ аноггаманд̇зхи сам̣ваасасса аяуд̇д̇ад̇ааяа ниссаяад̣̇аанаг̇г̇ахан̣абадигкзбо, д̇аж̇ж̇анийяаад̣̇иниг̇г̇ахагаммагаран̣ан̃жа угкзбанийяагаммагаран̣зна саанувад̇д̇агабарисасса алаж̇ж̇исса асам̣ваасигад̇д̇абаабанавид̇хи жа вуд̇д̇аа. д̇асмаа яат̇аавуд̇д̇зхи суд̇д̇анаязхи, адтагат̇ааважанзхи жа багад̇ад̇д̇зхиби абагад̇ад̇д̇зхиби саб̣б̣зхи алаж̇ж̇ийхи згагаммаад̣̇исам̣ваасо на ваддад̇и, гаронд̇аанам̣ аабад̇д̇и зва д̣̇умман̇гуунам̣ буг̇г̇алаанам̣ ниг̇г̇ахад̇т̇ааязва саб̣б̣асигкаабад̣̇аанам̣ бан̃н̃ад̇д̇ад̇д̇аад̇и нидтамзд̇т̇а г̇анд̇аб̣б̣ам̣. д̇знзва д̣̇уд̇ияасан̇г̇ийд̇ияам̣ багад̇ад̇д̇ааби алаж̇ж̇ино важ̇ж̇ибуд̇д̇агаа яасад̇т̇зраад̣̇ийхи маханд̇зна вааяаамзна сан̇гхад̇о вияож̇ид̇аа. на хи д̇зсу баарааж̇игаад̣̇иасам̣ваасигаа ад̇т̇и д̇зхи д̣̇ийбид̇аанам̣ д̣̇асаннам̣ вад̇т̇уунам̣ (жуул̣ава. 452) лахугаабад̇д̇ивисаяад̇д̇аа.
Yadi evaṃ, kasmā asaṃvāsikesu alajjī na gaṇitoti? Nāyaṃ virodho, ye gaṇapūrake katvā kataṃ kammaṃ kuppati, tesaṃ pārājikādiapakatattānaññeva asaṃvāsikatte gahitattā. Alajjino pana pakatattabhūtāpi santi, te ce gaṇapūraṇā hutvā kammaṃ sādhenti, kevalaṃ katvā agatigamanena karontānaṃ āpattikarā honti sabhāgāpattiāpannā viya aññamaññaṃ. Yasmā alajjitañca lajjitañca puthujjanānaṃ cittakkhaṇapaṭibaddhaṃ, na sabbakālikaṃ. Sañcicca hi vītikkamacitte uppanne alajjino ‘‘na puna īdisaṃ karissāmī’’ti cittena lajjino ca honti, tesu ca ye pesalehi ovadiyamānāpi na oramanti, punappunaṃ vītikkamanti, te eva asaṃvasitabbā, na itare lajjidhamme okkantattā. Tasmāpi alajjino asaṃvāsikesu agaṇetvā tapparivajjanatthaṃ sodhetvāva uposathādikaraṇaṃ anuññātaṃ. Tathā hi ‘‘pārisuddhiṃ āyasmanto ārocetha, pātimokkhaṃ uddisissāmī’’tiādinā (mahāva. 134) aparisuddhāya parisāya uposathakaraṇassa ayuttatā pakāsitā, ‘‘yassa siyā āpatti so āvikareyya…pe… phāsu hotī’’ti (mahāva. 134) evaṃ alajjimpi lajjidhamme patiṭṭhāpetvā uposathakaraṇappakāro ca vutto, ‘‘kaccittha parisuddhā…pe… parisuddhetthāyasmanto’’ti (pārā. 442, 458, 662; pāci. 551, 575, 655) ca pārisuddhiuposathe ‘‘parisuddho ahaṃ bhante, parisuddhoti maṃ dhārethā’’ti (mahāva. 168) ca evaṃ uposathaṃ karontānaṃ parisuddhatā ca pakāsitā, vacanamattena anoramantānañca uposathapavaāraṇaṭṭhapanavidhi ca vuttā, sabbathā lajjidhammaṃ anokkamantehi saṃvāsassa ayuttatāya nissayadānaggahaṇapaṭikkhepo, tajjanīyādiniggahakammakaraṇañca ukkhepanīyakammakaraṇena sānuvattakaparisassa alajjissa asaṃvāsikattapāpanavidhi ca vuttā. Tasmā yathāvuttehi suttanayehi, aṭṭhakathāvacanehi ca pakatattehipi apakatattehipi sabbehi alajjīhi ekakammādisaṃvāso na vaṭṭati, karontānaṃ āpatti eva dummaṅkūnaṃ puggalānaṃ niggahatthāyeva sabbasikkhāpadānaṃ paññattattāti niṭṭhamettha gantabbaṃ. Teneva dutiyasaṅgītiyaṃ pakatattāpi alajjino vajjiputtakā yasattherādīhi mahantena vāyāmena saṅghato viyojitā. Na hi tesu pārājikādiasaṃvāsikā atthi tehi dīpitānaṃ dasannaṃ vatthūnaṃ (cūḷava. 452) lahukāpattivisayattā.
д̇асса бана санд̇игзд̇и махаарагкид̇ад̇т̇зрасса санд̇игз. карабад̇д̇анд̇и карасан̇каад̇ам̣ суван̣н̣абад̇ируубагам̣ вад̇т̇у. д̣̇ааяагзхи асад̇ияаа д̣̇иннам̣ руубияам̣ д̇зхи буна сагасан̃н̃ааяа г̇ан̣ханд̇з ад̣̇аад̇ум̣, ниссаг̇г̇ияавад̇т̇ум̣ г̇ан̣хаахийд̇и д̣̇аад̇ун̃жа на ваддад̇ийд̇и ааха ‘‘д̇ава жол̣агам̣ бассаахий’’д̇и. звам̣ вад̇вааби бана надтавад̇т̇усмим̣ вияа ниссаж̇ж̇ид̇аб̣б̣аабхаавзби аабад̇д̇и д̣̇зсзд̇аб̣б̣аава. асад̇ияааби хи д̇ам̣ вад̇т̇ум̣ вад̇т̇аад̣̇инаа сахад̇т̇зна г̇ахзд̇ваа ‘‘ид̣̇ам̣ д̣̇змий’’д̇и д̣̇иннам̣, д̇ад̣̇аа барижжааг̇асаб̣бхаавад̇о д̣̇аанамзва ход̇и ‘‘аббаг̇гхам̣ д̣̇ассаамий’’д̇и махаг̇гхасса д̣̇аанз вияа. бадиг̇г̇ан̣ханд̇асса жа асад̇ияаа д̣̇ияяамаанад̇д̇з н̃аад̇зби ад̣̇иннаад̣̇аанам̣ на ход̇и д̣̇ааяагзхи д̣̇иннад̇д̇аа, д̇асмаа руубияам̣ ниссаг̇г̇ияамзва ход̇и. гзжи бана ‘‘ийд̣̇исам̣ наама на ход̇и, д̇знзва жзд̇т̇а ‘д̇ава жол̣агам̣ бассаа’д̇и вуд̇д̇а’’нд̇и вад̣̇анд̇и, д̇ам̣ но нагкамад̇и, виймам̣сид̇аб̣б̣ам̣.
Tassa pana santiketi mahārakkhitattherassa santike. Kharapattanti kharasaṅkhātaṃ suvaṇṇapatirūpakaṃ vatthu. Dāyakehi asatiyā dinnaṃ rūpiyaṃ tehi puna sakasaññāya gaṇhante adātuṃ, nissaggiyavatthuṃ gaṇhāhīti dātuñca na vaṭṭatīti āha ‘‘tava coḷakaṃ passāhī’’ti. Evaṃ vatvāpi pana naṭṭhavatthusmiṃ viya nissajjitabbābhāvepi āpatti desetabbāva. Asatiyāpi hi taṃ vatthuṃ vatthādinā sahatthena gahetvā ‘‘idaṃ demī’’ti dinnaṃ, tadā pariccāgasabbhāvato dānameva hoti ‘‘appagghaṃ dassāmī’’ti mahagghassa dāne viya. Paṭiggaṇhantassa ca asatiyā diyyamānatte ñātepi adinnādānaṃ na hoti dāyakehi dinnattā, tasmā rūpiyaṃ nissaggiyameva hoti. Keci pana ‘‘īdisaṃ nāma na hoti, teneva cettha ‘tava coḷakaṃ passā’ti vutta’’nti vadanti, taṃ no nakkhamati, vīmaṃsitabbaṃ.
586. згабарижчзд̣̇аанийд̇и сияаа гирияад̇д̇ам̣, сияаа агирияад̇д̇ан̃жа санд̇хааяа вуд̇д̇ам̣. ж̇аад̇аруубараж̇ад̇абхааво, ад̇д̇уд̣̇д̣̇зсигад̇аа, г̇ахан̣аад̣̇ийсу ан̃н̃ад̇арабхаавод̇и имаанзд̇т̇а д̇ийн̣и ан̇г̇аани.
586.Ekaparicchedānīti siyā kiriyattaṃ, siyā akiriyattañca sandhāya vuttaṃ. Jātarūparajatabhāvo, attuddesikatā, gahaṇādīsu aññatarabhāvoti imānettha tīṇi aṅgāni.
руубияасигкаабад̣̇аван̣н̣анаа нидтид̇аа.
Rūpiyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. руубияасигкаабад̣̇ам̣ • 8. Rūpiyasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. руубияасигкаабад̣̇аван̣н̣анаа • 8. Rūpiyasikkhāpadavaṇṇanā
