| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
6. рурумиг̇арааж̇ажарияааван̣н̣анаа
6. Rurumigarājacariyāvaṇṇanā
48. чадтз суд̇ад̇д̇аганагасаннибход̇и яат̇аа судту абаг̇ад̇асаб̣б̣агаал̣аго ход̇и, звам̣ аг̇г̇имхи багкибид̇ваа суд̇ад̇д̇аганагасаннибхо. миг̇арааж̇аа руру наамаад̇и ж̇аад̇исид̣̇д̇хзна наамзна руру наама миг̇арааж̇аа, ж̇аад̇ид̇о руру, миг̇аанан̃жа рааж̇аад̇и ад̇т̇о. барамасийласамаахид̇од̇и уд̇д̇амасийласамаахид̇о, висуд̣̇д̇хасийло жзва самаахид̇ажид̇д̇о жа, висуд̣̇д̇хасийлз ваа саммаа аахид̇ажид̇д̇од̇и звамзд̇т̇а ад̇т̇о взд̣̇ид̇аб̣б̣о.
48. Chaṭṭhe sutattakanakasannibhoti yathā suṭṭhu apagatasabbakāḷako hoti, evaṃ aggimhi pakkhipitvā sutattakanakasannibho. Migarājā ruru nāmāti jātisiddhena nāmena ruru nāma migarājā, jātito ruru, migānañca rājāti attho. Paramasīlasamāhitoti uttamasīlasamāhito, visuddhasīlo ceva samāhitacitto ca, visuddhasīle vā sammā āhitacittoti evamettha attho veditabbo.
д̇ад̣̇аа б̣од̇хисад̇д̇о рурумиг̇аяонияам̣ ниб̣б̣ад̇д̇и. д̇асса сарийражчави судту д̇аабзд̇ваа маж̇ж̇ид̇аган̃жанабаддаван̣н̣о ахоси, хад̇т̇абаад̣̇аа лаакаарасабаригаммагад̇аа вияа, нан̇г̇удтам̣ жамарийнан̇г̇удтам̣ вияа, син̇г̇аани раж̇ад̇ад̣̇аамаван̣н̣аани агкийни сумаж̇ж̇ид̇аман̣иг̇ул̣игаа вияа, мукам̣ од̣̇ахид̇ваа табид̇арад̇д̇агамб̣алаг̇зн̣д̣угаа вияа. со ж̇анасам̣саг̇г̇ам̣ бахааяа вивзгаваасам̣ васид̇угаамо бариваарам̣ чад̣д̣зд̇ваа згагова г̇ан̇г̇аанивад̇д̇анз раман̣ийяз сааламиссагз субубпид̇абаванз васад̇и. д̇зна вуд̇д̇ам̣ –
Tadā bodhisatto rurumigayoniyaṃ nibbatti. Tassa sarīracchavi suṭṭhu tāpetvā majjitakañcanapaṭṭavaṇṇo ahosi, hatthapādā lākhārasaparikammakatā viya, naṅguṭṭhaṃ camarīnaṅguṭṭhaṃ viya, siṅgāni rajatadāmavaṇṇāni akkhīni sumajjitamaṇiguḷikā viya, mukhaṃ odahitvā ṭhapitarattakambalageṇḍukā viya. So janasaṃsaggaṃ pahāya vivekavāsaṃ vasitukāmo parivāraṃ chaḍḍetvā ekakova gaṅgānivattane ramaṇīye sālamissake supupphitapavane vasati. Tena vuttaṃ –
49.
49.
‘‘раммз бад̣̇зсз раман̣ийяз, вивид̇д̇з амануссагз;
‘‘Ramme padese ramaṇīye, vivitte amanussake;
д̇ад̇т̇а ваасам̣ убаг̇ан̃чим̣, г̇ан̇г̇аагуулз манорамз’’д̇и.
Tattha vāsaṃ upagañchiṃ, gaṅgākūle manorame’’ti.
д̇ад̇т̇а раммз бад̣̇зсзд̇и муд̇д̇аад̇аласад̣̇исаваалугаажун̣н̣абан̣д̣арзхи бхуумибхааг̇зхи синид̣̇д̇хахарид̇ад̇ин̣асан̃жарид̇зхи ванад̇т̇алзхи жид̇д̇ад̇т̇аран̣зхи вияа наанааван̣н̣авижид̇д̇зхи силаад̇алзхи ман̣игканд̇ханиммаласалилзхи ж̇алаасаязхи жа саманнааг̇ад̇ад̇д̇аа язбхуяязна жа инд̣̇аг̇обагаван̣н̣ааяа рад̇д̇ааяа сукасампассааяа д̇ин̣аж̇аад̇ияаа сан̃чаннад̇д̇аа раммз аран̃н̃аббад̣̇зсз. рамман̣ийязд̇и бубпапалабаллаваалан̇гад̇авибуласаакаавинад̣̇д̇хзхи наанаавид̇хад̣̇иж̇аг̇ан̣уубагууж̇ид̇зхи вивид̇хад̇арулад̇ааванавирааж̇ид̇зхи язбхуяязна амб̣асаалаванасан̣д̣аман̣д̣ид̇зхи ванаг̇аханзхи убасобхид̇ад̇д̇аа д̇ад̇т̇а бавидтасса ж̇анасса рад̇иж̇ананадтзна раман̣ийяз. вуд̇д̇амби жзд̇ам̣ рурумиг̇арааж̇аж̇аад̇агз –
Tattha ramme padeseti muttātalasadisavālukācuṇṇapaṇḍarehi bhūmibhāgehi siniddhaharitatiṇasañcaritehi vanatthalehi cittattharaṇehi viya nānāvaṇṇavicittehi silātalehi maṇikkhandhanimmalasalilehi jalāsayehi ca samannāgatattā yebhuyyena ca indagopakavaṇṇāya rattāya sukhasamphassāya tiṇajātiyā sañchannattā ramme araññappadese. Rammaṇīyeti pupphaphalapallavālaṅkatavipulasākhāvinaddhehi nānāvidhadijagaṇūpakūjitehi vividhatarulatāvanavirājitehi yebhuyyena ambasālavanasaṇḍamaṇḍitehi vanagahanehi upasobhitattā tattha paviṭṭhassa janassa ratijananaṭṭhena ramaṇīye. Vuttampi cetaṃ rurumigarājajātake –
‘‘зд̇асмим̣ ванасан̣д̣асмим̣, амб̣аа саалаа жа бубпид̇аа;
‘‘Etasmiṃ vanasaṇḍasmiṃ, ambā sālā ca pupphitā;
инд̣̇аг̇обагасан̃чанно, зд̇т̇зсо д̇идтад̇з миг̇о’’д̇и. (ж̇аа. 1.13.119);
Indagopakasañchanno, ettheso tiṭṭhate migo’’ti. (jā. 1.13.119);
вивид̇д̇зд̇и ж̇анаваасавирахзна сун̃н̃з. амануссагзд̇и сан̃жаран̣амануссаанамби д̇ад̇т̇а абхаавзна мануссарахид̇з . манорамзд̇и яат̇аавуд̇д̇аг̇ун̣асамбад̇д̇ияаа висзсад̇о бавивзгагаамаанам̣ мано рамзд̇ийд̇и манорамз.
Vivitteti janavāsavirahena suññe. Amanussaketi sañcaraṇamanussānampi tattha abhāvena manussarahite . Manorameti yathāvuttaguṇasampattiyā visesato pavivekakāmānaṃ mano rametīti manorame.
50. ат̇а убариг̇ан̇г̇ааяаад̇и зд̇т̇а ат̇аад̇и ад̇хигаарз нибаад̇о, д̇зна маяи д̇ад̇т̇а д̇ат̇аа васанд̇з ид̣̇ам̣ ад̇хигааранд̇арам̣ уббаннанд̇и д̣̇ийбзд̇и. убариг̇ан̇г̇ааяаад̇и г̇ан̇г̇ааяа над̣̇ияаа убарисод̇з. д̇ханигзхи барибийл̣ид̇од̇и ин̣ам̣ г̇ахзд̇ваа д̇ам̣ д̣̇аад̇ум̣ асаггонд̇о ин̣ааяигзхи жод̣̇ияамаано.
50.Atha uparigaṅgāyāti ettha athāti adhikāre nipāto, tena mayi tattha tathā vasante idaṃ adhikārantaraṃ uppannanti dīpeti. Uparigaṅgāyāti gaṅgāya nadiyā uparisote. Dhanikehi paripīḷitoti iṇaṃ gahetvā taṃ dātuṃ asakkonto iṇāyikehi codiyamāno.
зго гира б̣аараан̣асисздти ад̇д̇ано буд̇д̇ам̣ ‘‘аяам̣ сиббам̣ уг̇г̇ан̣ханд̇о гиламиссад̇ий’’д̇и гин̃жи сиббам̣ на уг̇г̇ан̣хаабзси. г̇ийд̇аваад̣̇ид̇анажжакаад̣̇анабхож̇анад̇о уд̣̇д̇хам̣ на гин̃жи ан̃н̃ааси. д̇ам̣ ваяаббад̇д̇ам̣ бад̇ируубзна д̣̇аарзна сам̣яож̇зд̇ваа д̇ханам̣ нияяаад̇зд̇ваа маад̇аабид̇аро гааламагам̣су. со д̇зсам̣ ажжаязна ид̇т̇ид̇худ̇д̇асураад̇худ̇д̇аад̣̇ибаривуд̇о наанааб̣яасанамукзхи саб̣б̣ам̣ д̇ханам̣ вид̣̇д̇хам̣сзд̇ваа д̇ад̇т̇а д̇ад̇т̇а ин̣ам̣ аад̣̇ааяа д̇амби д̣̇аад̇ум̣ асаггонд̇о д̇ханигзхи жод̣̇ияамаано ‘‘гим̣ маяхам̣ ж̇ийвид̇зна, д̇знзвамхи ад̇д̇абхаавзна ан̃н̃о вияа ж̇аад̇о, маран̣ам̣ мз сзяяо’’д̇и жинд̇зд̇ваа ин̣ааяигз ааха – ‘‘д̇умхаагам̣ ин̣абан̣н̣аани г̇ахзд̇ваа ааг̇ажчат̇а, г̇ан̇г̇аад̇ийрз мз нихид̇ам̣ гуласанд̇агам̣ д̇ханам̣ ад̇т̇и, д̇ам̣ во д̣̇ассаамий’’д̇и. д̇з д̇зна сад̣̇д̇хим̣ аг̇амам̣су. со ‘‘ид̇ха д̇ханам̣, зд̇т̇а д̇хана’’нд̇и нид̇хидтаанам̣ аажигканд̇о вияа ‘‘звам̣ мз ин̣амогко бхависсад̇ий’’д̇и балааяид̇ваа г̇ан̇г̇ааяам̣ бад̇и. со жан̣д̣асод̇зна вуяханд̇о гаарун̃н̃аравам̣ рави. д̇зна вуд̇д̇ам̣ ‘‘ат̇а убариг̇ан̇г̇ааяаа’’д̇иаад̣̇и.
Eko kira bārāṇasiseṭṭhi attano puttaṃ ‘‘ayaṃ sippaṃ uggaṇhanto kilamissatī’’ti kiñci sippaṃ na uggaṇhāpesi. Gītavāditanaccakhādanabhojanato uddhaṃ na kiñci aññāsi. Taṃ vayappattaṃ patirūpena dārena saṃyojetvā dhanaṃ niyyātetvā mātāpitaro kālamakaṃsu. So tesaṃ accayena itthidhuttasurādhuttādiparivuto nānābyasanamukhehi sabbaṃ dhanaṃ viddhaṃsetvā tattha tattha iṇaṃ ādāya tampi dātuṃ asakkonto dhanikehi codiyamāno ‘‘kiṃ mayhaṃ jīvitena, tenevamhi attabhāvena añño viya jāto, maraṇaṃ me seyyo’’ti cintetvā iṇāyike āha – ‘‘tumhākaṃ iṇapaṇṇāni gahetvā āgacchatha, gaṅgātīre me nihitaṃ kulasantakaṃ dhanaṃ atthi, taṃ vo dassāmī’’ti. Te tena saddhiṃ agamaṃsu. So ‘‘idha dhanaṃ, ettha dhana’’nti nidhiṭṭhānaṃ ācikkhanto viya ‘‘evaṃ me iṇamokkho bhavissatī’’ti palāyitvā gaṅgāyaṃ pati. So caṇḍasotena vuyhanto kāruññaravaṃ ravi. Tena vuttaṃ ‘‘atha uparigaṅgāyā’’tiādi.
д̇ад̇т̇а ж̇ийваами ваа мараами ваад̇и имасмим̣ г̇ан̇г̇аасод̇з бад̇ид̇о ж̇ийваами ваа мараами ваа, ж̇ийвид̇ам̣ ваа мз зд̇т̇а ход̇у маран̣ам̣ ваа, убхаяат̇ааби ин̣ааяигабийл̣аа на ход̇ийд̇и ад̇хиббааяо.
Tattha jīvāmi vā marāmi vāti imasmiṃ gaṅgāsote patito jīvāmi vā marāmi vā, jīvitaṃ vā me ettha hotu maraṇaṃ vā, ubhayathāpi iṇāyikapīḷā na hotīti adhippāyo.
51. маж̇жхз г̇ан̇г̇ааяа г̇ажчад̇ийд̇и со бурисо рад̇д̇инд̣̇ивам̣ г̇ан̇г̇ааяа вуяхамаано ж̇ийвид̇абзмасса виж̇ж̇амаанад̇д̇аа маран̣ам̣ аббад̇д̇о маран̣абхаяад̇аж̇ж̇ид̇о худ̇ваа гарун̣ам̣ равам̣ раванд̇о г̇ан̇г̇ааяа маж̇жхз маход̣̇агзна г̇ажчад̇и.
51.Majjhe gaṅgāyagacchatīti so puriso rattindivaṃ gaṅgāya vuyhamāno jīvitapemassa vijjamānattā maraṇaṃ appatto maraṇabhayatajjito hutvā karuṇaṃ ravaṃ ravanto gaṅgāya majjhe mahodakena gacchati.
52. ат̇а махаабурисо ад̣дхарад̇д̇асамаяз д̇асса д̇ам̣ гарун̣ам̣ барид̣̇званд̇асса барид̣̇звид̇асад̣̇д̣̇ам̣ суд̇ваа ‘‘мануссасад̣̇д̣̇о сууяад̇и, маа маяи ид̇ха д̇харанд̇з марад̇у, ж̇ийвид̇амасса д̣̇ассаамий’’д̇и жинд̇зд̇ваа саяанаг̇умб̣аа вудтааяа над̣̇ийд̇ийрам̣ г̇анд̇ваа ‘‘амбхо буриса, маа бхааяи, ж̇ийвид̇ам̣ д̇з д̣̇ассаамий’’д̇и вад̇ваа ассаасзд̇ваа сод̇ам̣ чинд̣̇анд̇о г̇анд̇ваа д̇ам̣ бидтияам̣ ааробзд̇ваа д̇ийрам̣ баабзд̇ваа ад̇д̇ано васанадтаанам̣ нзд̇ваа бариссамам̣ винод̣̇зд̇ваа палаапалаани д̣̇ад̇ваа д̣̇вийхад̇ийхажжаязна д̇ам̣ ааха – ‘‘амбхо буриса , ахам̣ д̇ам̣ б̣аараан̣асиг̇аамимаг̇г̇ам̣ баабзссаами, д̇вам̣ ‘асугадтаанз наама ган̃жанамиг̇о васад̇ий’д̇и маа гассажи аарожзхий’’д̇и. со ‘‘саад̇ху, саамий’’д̇и самбадижчи. махаасад̇д̇о д̇ам̣ ад̇д̇ано бидтим̣ ааробзд̇ваа б̣аараан̣асимаг̇г̇з од̇аарзд̇ваа нивад̇д̇и. д̇зна вуд̇д̇ам̣ – ‘‘д̇ассаахам̣ сад̣̇д̣̇ам̣ суд̇ваана, гарун̣ам̣ барид̣̇звад̇о’’д̇иаад̣̇и.
52. Atha mahāpuriso aḍḍharattasamaye tassa taṃ karuṇaṃ paridevantassa paridevitasaddaṃ sutvā ‘‘manussasaddo sūyati, mā mayi idha dharante maratu, jīvitamassa dassāmī’’ti cintetvā sayanagumbā vuṭṭhāya nadītīraṃ gantvā ‘‘ambho purisa, mā bhāyi, jīvitaṃ te dassāmī’’ti vatvā assāsetvā sotaṃ chindanto gantvā taṃ piṭṭhiyaṃ āropetvā tīraṃ pāpetvā attano vasanaṭṭhānaṃ netvā parissamaṃ vinodetvā phalāphalāni datvā dvīhatīhaccayena taṃ āha – ‘‘ambho purisa , ahaṃ taṃ bārāṇasigāmimaggaṃ pāpessāmi, tvaṃ ‘asukaṭṭhāne nāma kañcanamigo vasatī’ti mā kassaci ārocehī’’ti. So ‘‘sādhu, sāmī’’ti sampaṭicchi. Mahāsatto taṃ attano piṭṭhiṃ āropetvā bārāṇasimagge otāretvā nivatti. Tena vuttaṃ – ‘‘tassāhaṃ saddaṃ sutvāna, karuṇaṃ paridevato’’tiādi.
д̇ад̇т̇а госи д̇вам̣ народ̇и д̇вам̣ го мануссо аси, гуд̇о ид̇ха вуяхамаано ааг̇ад̇осийд̇и ад̇т̇о.
Tattha kosi tvaṃ naroti tvaṃ ko manusso asi, kuto idha vuyhamāno āgatosīti attho.
53. ад̇д̇ано гаран̣анд̇и ад̇д̇ано гирияам̣. д̇ханигзхи бхийд̇од̇и ин̣ааяигзхи уб̣б̣иг̇г̇о. д̇асид̇од̇и уд̇расд̇о.
53.Attanokaraṇanti attano kiriyaṃ. Dhanikehi bhītoti iṇāyikehi ubbiggo. Tasitoti utrasto.
54. д̇асса гад̇ваана гаарун̃н̃ам̣, жаж̇ид̇ваа мама ж̇ийвид̇анд̇и гаарун̃н̃ам̣ гад̇ваа махаагарун̣ааяа самуссаахид̇о мама ж̇ийвид̇ам̣ д̇асса бурисасса барижжаж̇ид̇ваа. бависид̇ваа нийхарим̣ д̇ассаад̇и над̣̇им̣ бависид̇ваа сод̇ам̣ чинд̣̇анд̇о уж̇угамзва г̇анд̇ваа мама бидтим̣ ааробзд̇ваа д̇ад̇о д̇ам̣ нийхарим̣. д̇ассаад̇и убаяог̇ад̇т̇з саамиважанам̣. ‘‘д̇ад̇т̇аа’’д̇иби баал̣и, д̇ад̇т̇а над̣̇ияанд̇и ад̇т̇о. анд̇хагаарамхи рад̇д̇ияаад̇и рад̇д̇ияаа анд̇хагаарасамаяз, гаал̣абагкарад̇д̇ияанд̇и ад̇т̇о.
54.Tassa katvāna kāruññaṃ, cajitvā mama jīvitanti kāruññaṃ katvā mahākaruṇāya samussāhito mama jīvitaṃ tassa purisassa pariccajitvā. Pavisitvā nīhariṃ tassāti nadiṃ pavisitvā sotaṃ chindanto ujukameva gantvā mama piṭṭhiṃ āropetvā tato taṃ nīhariṃ. Tassāti upayogatthe sāmivacanaṃ. ‘‘Tatthā’’tipi pāḷi, tattha nadiyanti attho. Andhakāramhi rattiyāti rattiyā andhakārasamaye, kāḷapakkharattiyanti attho.
55. ассад̇т̇агааламан̃н̃ааяаад̇и бариссамам̣ абанзд̇ваа палаапалаани д̣̇ад̇ваа д̣̇вийхад̇ийхажжаязна гиламат̇асса виг̇ад̇агаалам̣ ж̇аанид̇ваа. згам̣ д̇ам̣ варам̣ яаажаамийд̇и ахам̣ д̇ам̣ згам̣ варам̣ яаажаами, маяхам̣ згам̣ варам̣ д̣̇зхийд̇и ад̇т̇о. гим̣ д̇ам̣ варанд̇и жз? ааха – маа мам̣ гассажи баавад̣̇аад̇и ‘‘асугадтаанз суван̣н̣амиг̇о васад̇ий’’д̇и гассажи ран̃н̃о ваа рааж̇амахаамад̇д̇асса ваа мам̣ маа баавад̣̇а.
55.Assatthakālamaññāyāti parissamaṃ apanetvā phalāphalāni datvā dvīhatīhaccayena kilamathassa vigatakālaṃ jānitvā. Ekaṃ taṃ varaṃ yācāmīti ahaṃ taṃ ekaṃ varaṃ yācāmi, mayhaṃ ekaṃ varaṃ dehīti attho. Kiṃ taṃ varanti ce? Āha – mā maṃ kassaci pāvadāti ‘‘asukaṭṭhāne suvaṇṇamigo vasatī’’ti kassaci rañño vā rājamahāmattassa vā maṃ mā pāvada.
ат̇а д̇асмим̣ бурисз б̣аараан̣асим̣ бавидтад̣̇ивасзязва со рааж̇аа ‘‘ахам̣, д̣̇зва, суван̣н̣аван̣н̣ам̣ миг̇ам̣ маяхам̣ д̇хаммам̣ д̣̇зсзнд̇ам̣ субинзна ад̣̇д̣̇асам̣, ахан̃хи сажжасубинаа, ад̣̇д̇хаа со виж̇ж̇ад̇и, д̇асмаа ган̃жанамиг̇асса д̇хаммам̣ сод̇угаамаа лабхиссаами жз ж̇ийвиссаами, но жз мз ж̇ийвид̇ам̣ над̇т̇ий’’д̇и аг̇г̇амахзсияаа вуд̇д̇о д̇ам̣ ассаасзд̇ваа ‘‘сажз мануссалогз ад̇т̇и, лабхиссасий’’д̇и вад̇ваа б̣раахман̣з баггосаабзд̇ваа ‘‘суван̣н̣амиг̇аа наама хонд̇ий’’д̇и бужчид̇ваа ‘‘аама, д̣̇зва, хонд̇ий’’д̇и суд̇ваа сахассад̇т̇авигам̣ суван̣н̣ажан̇годагз табзд̇ваа д̇ам̣ хад̇т̇игканд̇хам̣ ааробзд̇ваа наг̇арз бхзрим̣ жараабзси – ‘‘яо суван̣н̣амиг̇ам̣ аажигкиссад̇и, д̇асса хад̇т̇инаа сад̣̇д̇хим̣ имам̣ д̣̇ассаамий’’д̇и. д̇ад̇о уд̇д̇аримби д̣̇аад̇угаамо худ̇ваа –
Atha tasmiṃ purise bārāṇasiṃ paviṭṭhadivaseyeva so rājā ‘‘ahaṃ, deva, suvaṇṇavaṇṇaṃ migaṃ mayhaṃ dhammaṃ desentaṃ supinena addasaṃ, ahañhi saccasupinā, addhā so vijjati, tasmā kañcanamigassa dhammaṃ sotukāmā labhissāmi ce jīvissāmi, no ce me jīvitaṃ natthī’’ti aggamahesiyā vutto taṃ assāsetvā ‘‘sace manussaloke atthi, labhissasī’’ti vatvā brāhmaṇe pakkosāpetvā ‘‘suvaṇṇamigā nāma hontī’’ti pucchitvā ‘‘āma, deva, hontī’’ti sutvā sahassatthavikaṃ suvaṇṇacaṅkoṭake ṭhapetvā taṃ hatthikkhandhaṃ āropetvā nagare bheriṃ carāpesi – ‘‘yo suvaṇṇamigaṃ ācikkhissati, tassa hatthinā saddhiṃ imaṃ dassāmī’’ti. Tato uttarimpi dātukāmo hutvā –
‘‘д̇асса г̇аамаварам̣ д̣̇амми, наарияо жа алан̇гад̇аа;
‘‘Tassa gāmavaraṃ dammi, nāriyo ca alaṅkatā;
яо мзд̇ам̣ миг̇амагкаад̇и, миг̇аанам̣ миг̇амуд̇д̇ама’’нд̇и. (ж̇аа. 1.13.117) –
Yo metaṃ migamakkhāti, migānaṃ migamuttama’’nti. (jā. 1.13.117) –
г̇аат̇ам̣ суван̣н̣абаддз ликаабзд̇ваа сагаланаг̇арз ваажаабзси. ат̇а со сздтибуд̇д̇о д̇ам̣ г̇аат̇ам̣ суд̇ваа рааж̇абурисаанам̣ санд̇игам̣ г̇анд̇ваа ‘‘ран̃н̃о зваруубам̣ миг̇ам̣ аажигкиссаами, мам̣ рааж̇аанам̣ д̣̇ассзт̇аа’’д̇и ааха. рааж̇абурисаа д̇ам̣ ран̃н̃о санд̇игам̣ нзд̇ваа д̇амад̇т̇ам̣ аарожзсум̣. рааж̇аа ‘‘сажжам̣, бхо, ад̣̇д̣̇асаа’’д̇и бужчи. со ‘‘сажжам̣, д̣̇зва, маяаа сад̣̇д̇хим̣ ааг̇ажчад̇у, ахам̣ д̇ам̣ д̣̇ассзссаамий’’д̇и ааха. рааж̇аа д̇амзва бурисам̣ маг̇г̇ад̣̇зсагам̣ гад̇ваа маханд̇зна бариваарзна д̇ам̣ таанам̣ г̇анд̇ваа д̇зна мид̇д̇ад̣̇уб̣бхинаа бурисзна д̣̇ассид̇ам̣ бад̣̇зсам̣ аавуд̇хахад̇т̇з бурисз саманд̇ад̇ова бариваарзд̇ваа ‘‘уггудтим̣ гарот̇аа’’д̇и вад̇ваа саяам̣ гад̇ибаязхи ж̇анзхи сад̣̇д̇хим̣ згаманд̇з адтааси. соби бурисо авид̣̇уурз адтааси. махаасад̇д̇о сад̣̇д̣̇ам̣ суд̇ваа ‘‘махад̇о б̣алагааяасса сад̣̇д̣̇о, ад̣̇д̇хаа д̇амхаа мз бурисаа бхаязна уббаннзна бхавид̇аб̣б̣а’’нд̇и н̃ад̇ваа удтааяа сагалабарисам̣ ологзд̇ваа ‘‘ран̃н̃о тид̇адтаанзязва мз сод̇т̇и бхависсад̇ий’’д̇и рааж̇аабхимуко бааяааси. рааж̇аа д̇ам̣ ааг̇ажчанд̇ам̣ д̣̇исваа ‘‘нааг̇аб̣ало авад̇т̇аранд̇о ааг̇ажчзяяаа’’д̇и сарам̣ саннаяхид̇ваа ‘‘имам̣ миг̇ам̣ санд̇аасзд̇ваа сажз балааяад̇и, виж̇жхид̇ваа д̣̇уб̣б̣алам̣ гад̇ваа г̇ан̣хиссаамий’’д̇и б̣од̇хисад̇д̇аабхимуко ахоси. махаасад̇д̇о –
Gāthaṃ suvaṇṇapaṭṭe likhāpetvā sakalanagare vācāpesi. Atha so seṭṭhiputto taṃ gāthaṃ sutvā rājapurisānaṃ santikaṃ gantvā ‘‘rañño evarūpaṃ migaṃ ācikkhissāmi, maṃ rājānaṃ dassethā’’ti āha. Rājapurisā taṃ rañño santikaṃ netvā tamatthaṃ ārocesuṃ. Rājā ‘‘saccaṃ, bho, addasā’’ti pucchi. So ‘‘saccaṃ, deva, mayā saddhiṃ āgacchatu, ahaṃ taṃ dassessāmī’’ti āha. Rājā tameva purisaṃ maggadesakaṃ katvā mahantena parivārena taṃ ṭhānaṃ gantvā tena mittadubbhinā purisena dassitaṃ padesaṃ āvudhahatthe purise samantatova parivāretvā ‘‘ukkuṭṭhiṃ karothā’’ti vatvā sayaṃ katipayehi janehi saddhiṃ ekamante aṭṭhāsi. Sopi puriso avidūre aṭṭhāsi. Mahāsatto saddaṃ sutvā ‘‘mahato balakāyassa saddo, addhā tamhā me purisā bhayena uppannena bhavitabba’’nti ñatvā uṭṭhāya sakalaparisaṃ oloketvā ‘‘rañño ṭhitaṭṭhāneyeva me sotthi bhavissatī’’ti rājābhimukho pāyāsi. Rājā taṃ āgacchantaṃ disvā ‘‘nāgabalo avattharanto āgaccheyyā’’ti saraṃ sannayhitvā ‘‘imaṃ migaṃ santāsetvā sace palāyati, vijjhitvā dubbalaṃ katvā gaṇhissāmī’’ti bodhisattābhimukho ahosi. Mahāsatto –
‘‘ааг̇амзхи махаарааж̇а, маа мам̣ виж̇жхи рат̇зсабха;
‘‘Āgamehi mahārāja, mā maṃ vijjhi rathesabha;
го ну д̇з ид̣̇амагкааси, зд̇т̇зсо д̇идтад̇з миг̇о’’д̇и. (ж̇аа. 1.13.121) –
Ko nu te idamakkhāsi, ettheso tiṭṭhate migo’’ti. (jā. 1.13.121) –
г̇аат̇ам̣ абхааси. рааж̇аа д̇асса мад̇хурагат̇ааяа б̣аж̇жхид̇ваа сарам̣ бадисам̣харид̇ваа г̇ааравзна адтааси. махаасад̇д̇оби рааж̇аанам̣ убасан̇гамид̇ваа мад̇хурабадисант̇аарам̣ агааси. махааж̇аноби саб̣б̣аавуд̇хаани абанзд̇ваа ааг̇анд̇ваа рааж̇аанам̣ бариваарзси. д̇зна вуд̇д̇ам̣ –
Gāthaṃ abhāsi. Rājā tassa madhurakathāya bajjhitvā saraṃ paṭisaṃharitvā gāravena aṭṭhāsi. Mahāsattopi rājānaṃ upasaṅkamitvā madhurapaṭisanthāraṃ akāsi. Mahājanopi sabbāvudhāni apanetvā āgantvā rājānaṃ parivāresi. Tena vuttaṃ –
56.
56.
‘‘наг̇арам̣ г̇анд̇ваана аажигки, бужчид̇о д̇ханахзд̇уго;
‘‘Nagaraṃ gantvāna ācikkhi, pucchito dhanahetuko;
рааж̇аанам̣ со г̇ахзд̇ваана, убаг̇ан̃чи маманд̇ига’’нд̇и.
Rājānaṃ so gahetvāna, upagañchi mamantika’’nti.
д̇ассад̇т̇о – яо мид̇д̇ад̣̇уб̣бхий баабабурисо ж̇ийвид̇ам̣ барижжаж̇ид̇ваа д̇ат̇аа маяаа баан̣асам̣саяад̇о можид̇о б̣аараан̣асинаг̇арам̣ г̇анд̇ваа ад̇д̇анаа лад̣̇д̇хаб̣б̣ад̇хананимид̇д̇ам̣ ран̃н̃о мам̣ аажигки, аажигкид̇ваа со ран̃н̃о г̇аахаабзд̇ум̣ маг̇г̇ад̣̇зсаго худ̇ваа рааж̇аанам̣ г̇ахзд̇ваа мама санд̇игамубааг̇амийд̇и.
Tassattho – yo mittadubbhī pāpapuriso jīvitaṃ pariccajitvā tathā mayā pāṇasaṃsayato mocito bārāṇasinagaraṃ gantvā attanā laddhabbadhananimittaṃ rañño maṃ ācikkhi, ācikkhitvā so rañño gāhāpetuṃ maggadesako hutvā rājānaṃ gahetvā mama santikamupāgamīti.
махаасад̇д̇о суван̣н̣агин̇гин̣игам̣ жаалзнд̇о вияа мад̇хурассарзна рааж̇аанам̣ буна бужчи – ‘‘го ну д̇з ид̣̇амагкааси, зд̇т̇зсо д̇идтад̇з миг̇о’’д̇и. д̇асмим̣ кан̣з со баабабурисо т̇огам̣ бадиггамид̇ваа сод̇абат̇з адтааси . рааж̇аа ‘‘иминаа мз д̇вам̣ д̣̇ассид̇о’’д̇и д̇ам̣ бурисам̣ нид̣̇д̣̇иси. д̇ад̇о б̣од̇хисад̇д̇о –
Mahāsatto suvaṇṇakiṅkiṇikaṃ cālento viya madhurassarena rājānaṃ puna pucchi – ‘‘ko nu te idamakkhāsi, ettheso tiṭṭhate migo’’ti. Tasmiṃ khaṇe so pāpapuriso thokaṃ paṭikkamitvā sotapathe aṭṭhāsi . Rājā ‘‘iminā me tvaṃ dassito’’ti taṃ purisaṃ niddisi. Tato bodhisatto –
‘‘сажжам̣ гирзва маахам̣су, нараа згажжияаа ид̇ха;
‘‘Saccaṃ kireva māhaṃsu, narā ekacciyā idha;
гадтам̣ ниблавид̇ам̣ сзяяо, на д̇взвзгажжияо наро’’д̇и. (ж̇аа. 1.13.123) –
Kaṭṭhaṃ niplavitaṃ seyyo, na tvevekacciyo naro’’ti. (jā. 1.13.123) –
г̇аат̇амааха. д̇ам̣ суд̇ваа рааж̇аа сам̣взг̇аж̇аад̇о –
Gāthamāha. Taṃ sutvā rājā saṃvegajāto –
‘‘гим̣ ну руру г̇арахаси миг̇аанам̣, гим̣ багкийнам̣ гим̣ бана маанусаанам̣;
‘‘Kiṃ nu ruru garahasi migānaṃ, kiṃ pakkhīnaṃ kiṃ pana mānusānaṃ;
бхаяан̃хи мам̣ винд̣̇ад̇инаббаруубам̣, суд̇ваана д̇ам̣ маанусим̣ бхаасамаана’’нд̇и. (ж̇аа. 1.13.124) –
Bhayañhi maṃ vindatinapparūpaṃ, sutvāna taṃ mānusiṃ bhāsamāna’’nti. (jā. 1.13.124) –
г̇аат̇амааха. д̇ад̇о махаабурисо ‘‘махаарааж̇а, на миг̇ам̣ на багким̣ г̇арахаами, мануссам̣ бана г̇арахаамий’’д̇и д̣̇ассзнд̇о –
Gāthamāha. Tato mahāpuriso ‘‘mahārāja, na migaṃ na pakkhiṃ garahāmi, manussaṃ pana garahāmī’’ti dassento –
‘‘яамуд̣̇д̇харим̣ вааханз вуяхамаанам̣, маход̣̇агз салилз сийгхасод̇з;
‘‘Yamuddhariṃ vāhane vuyhamānaṃ, mahodake salile sīghasote;
д̇ад̇онид̣̇аанам̣ бхаяамааг̇ад̇ам̣ мама, д̣̇угко хавз рааж̇а асаб̣бхи сан̇г̇амо’’д̇и. (ж̇аа. 1.13.125) –
Tatonidānaṃ bhayamāgataṃ mama, dukkho have rāja asabbhi saṅgamo’’ti. (jā. 1.13.125) –
ааха.
Āha.
д̇ад̇т̇а ниблавид̇анд̇и уд̣̇д̇харид̇ам̣, згажжияод̇и згажжо мид̇д̇ад̣̇уб̣бхий баабабурисо уд̣̇агз бад̇анд̇оби уд̇д̇аарид̇о над̇взва сзяяо. гадтан̃хи наанаббагаарзна убагаарааяа сам̣вад̇д̇ад̇и, мид̇д̇ад̣̇уб̣бхий бана винаасааяа, д̇асмаа д̇ад̇о гадтамзва варад̇аранд̇и. миг̇аананд̇и рурумиг̇арааж̇а, миг̇аанам̣ гим̣ ан̃н̃ад̇арам̣ г̇арахаси, уд̣̇ааху багкийнам̣ мануссаананд̇и бужчад̇и. бхаяан̃хи мам̣ винд̣̇ад̇инаббаруубанд̇и маханд̇ам̣ бхаяам̣ мам̣ бадилабхад̇и, ад̇д̇ано санд̇агам̣ вияа гарод̇ийд̇и ад̇т̇о.
Tattha niplavitanti uddharitaṃ, ekacciyoti ekacco mittadubbhī pāpapuriso udake patantopi uttārito natveva seyyo. Kaṭṭhañhi nānappakārena upakārāya saṃvattati, mittadubbhī pana vināsāya, tasmā tato kaṭṭhameva varataranti. Migānanti rurumigarāja, migānaṃ kiṃ aññataraṃ garahasi, udāhu pakkhīnaṃ manussānanti pucchati. Bhayañhi maṃ vindatinapparūpanti mahantaṃ bhayaṃ maṃ paṭilabhati, attano santakaṃ viya karotīti attho.
вааханзд̇и бад̇ид̇абад̇ид̇з вахид̇ум̣ самад̇т̇з г̇ан̇г̇аавахз. маход̣̇агз салилзд̇и маход̣̇агийбхууд̇з салилз. убхаязнааби г̇ан̇г̇аавахасса б̣ахууд̣̇агад̇ам̣ д̣̇ассзд̇и. д̇ад̇о нид̣̇аананд̇и, махаарааж̇а, яо маяхам̣ д̇аяаа д̣̇ассид̇о бурисо, зсо маяаа г̇ан̇г̇ааяа вуяхамаано ад̣дхарад̇д̇асамаяз гарун̣ам̣ барид̣̇званд̇о д̇ад̇о уд̇д̇аарид̇о, д̇ад̇онид̣̇аанам̣ ид̣̇ам̣ маяхам̣ бхаяамааг̇ад̇ам̣, асаббурисзхи самааг̇амо наама д̣̇угкод̇и.
Vāhaneti patitapatite vahituṃ samatthe gaṅgāvahe. Mahodakesalileti mahodakībhūte salile. Ubhayenāpi gaṅgāvahassa bahūdakataṃ dasseti. Tato nidānanti, mahārāja, yo mayhaṃ tayā dassito puriso, eso mayā gaṅgāya vuyhamāno aḍḍharattasamaye karuṇaṃ paridevanto tato uttārito, tatonidānaṃ idaṃ mayhaṃ bhayamāgataṃ, asappurisehi samāgamo nāma dukkhoti.
д̇ам̣ суд̇ваа рааж̇аа д̇асса гуж̇жхид̇ваа ‘‘звам̣ б̣ахуубагаарасса наама г̇ун̣ам̣ на ж̇аанаад̇и, д̣̇угкам̣ уббаад̣̇зд̇и, виж̇жхид̇ваа нам̣ ж̇ийвид̇агкаяам̣ баабзссаамий’’д̇и сарам̣ саннаяхи. д̇зна вуд̇д̇ам̣ –
Taṃ sutvā rājā tassa kujjhitvā ‘‘evaṃ bahūpakārassa nāma guṇaṃ na jānāti, dukkhaṃ uppādeti, vijjhitvā naṃ jīvitakkhayaṃ pāpessāmī’’ti saraṃ sannayhi. Tena vuttaṃ –
57.
57.
‘‘яаавад̇аа гаран̣ам̣ саб̣б̣ам̣, ран̃н̃о аарожид̇ам̣ маяаа;
‘‘Yāvatā karaṇaṃ sabbaṃ, rañño ārocitaṃ mayā;
рааж̇аа суд̇ваана важанам̣, усум̣ д̇асса багаббаяи;
Rājā sutvāna vacanaṃ, usuṃ tassa pakappayi;
ид̇хзва гхаад̇аяиссаами, мид̇д̇ад̣̇уб̣бхим̣ анарияа’’нд̇и.
Idheva ghātayissāmi, mittadubbhiṃ anariya’’nti.
д̇ад̇т̇а яаавад̇аа гаран̣анд̇и яам̣ д̇асса маяаа гад̇ам̣ убагаарагаран̣ам̣, д̇ам̣ саб̣б̣ам̣. багаббаяийд̇и саннаяхи. мид̇д̇ад̣̇уб̣бхинд̇и ад̇д̇ано мид̇д̇зсу убагаарийсу д̣̇уб̣бханасийлам̣.
Tattha yāvatā karaṇanti yaṃ tassa mayā kataṃ upakārakaraṇaṃ, taṃ sabbaṃ. Pakappayīti sannayhi. Mittadubbhinti attano mittesu upakārīsu dubbhanasīlaṃ.
д̇ад̇о махаасад̇д̇о ‘‘зса б̣аало мам̣ ниссааяа маа нассий’’д̇и жинд̇зд̇ваа ‘‘махаарааж̇а, вад̇хо наамзса б̣ааласса ваа бан̣д̣ид̇асса ваа на саад̇хуухи басам̣сид̇о, ан̃н̃ад̣̇ад̇т̇у г̇арахид̇о зва, д̇асмаа маа имам̣ гхаад̇зхи, аяам̣ яат̇ааружи г̇ажчад̇у, яан̃жзва д̇асса ‘д̣̇ассаамий’д̇и д̇аяаа бадин̃н̃аад̇ам̣, д̇амби ахаабзд̇ваава д̣̇зхий’’д̇и ааха. ‘‘ахан̃жа д̇з яам̣ ижчид̇ам̣, д̇ам̣ гариссаами, ад̇д̇аанам̣ д̇уяхам̣ д̣̇аммий’’д̇и ааха. д̇зна вуд̇д̇ам̣ –
Tato mahāsatto ‘‘esa bālo maṃ nissāya mā nassī’’ti cintetvā ‘‘mahārāja, vadho nāmesa bālassa vā paṇḍitassa vā na sādhūhi pasaṃsito, aññadatthu garahito eva, tasmā mā imaṃ ghātehi, ayaṃ yathāruci gacchatu, yañceva tassa ‘dassāmī’ti tayā paṭiññātaṃ, tampi ahāpetvāva dehī’’ti āha. ‘‘Ahañca te yaṃ icchitaṃ, taṃ karissāmi, attānaṃ tuyhaṃ dammī’’ti āha. Tena vuttaṃ –
58.
58.
‘‘д̇амахам̣ анурагканд̇о, нимминим̣ мама ад̇д̇анаа;
‘‘Tamahaṃ anurakkhanto, nimminiṃ mama attanā;
д̇идтад̇зсо махаарааж̇а, гаамагааро бхаваами д̇з’’д̇и.
Tiṭṭhateso mahārāja, kāmakāro bhavāmi te’’ti.
д̇ад̇т̇а ниммининд̇и д̇ам̣ мид̇д̇ад̣̇уб̣бхим̣ баабабуг̇г̇алам̣ анурагканд̇о мама ад̇д̇ано ад̇д̇абхаавзна д̇ам̣ баривад̇д̇зсим̣ , ад̇д̇аанам̣ ран̃н̃о нияяаад̇зд̇ваа рааж̇ахад̇т̇ад̇о бад̇д̇ам̣ д̇асса маран̣ам̣ ниваарзсинд̇и ад̇т̇о. д̇идтад̇зсод̇иаад̣̇и винимаяаагаарад̣̇ассанам̣ .
Tattha nimmininti taṃ mittadubbhiṃ pāpapuggalaṃ anurakkhanto mama attano attabhāvena taṃ parivattesiṃ , attānaṃ rañño niyyātetvā rājahatthato pattaṃ tassa maraṇaṃ nivāresinti attho. Tiṭṭhatesotiādi vinimayākāradassanaṃ .
59. ид̣̇аани яад̣̇ад̇т̇ам̣ со ад̇д̇авинимаяо гад̇о, д̇ам̣ д̣̇ассзд̇ум̣ осаанаг̇аат̇амааха. д̇ассад̇т̇о – д̇ад̣̇аа мам̣ ниссааяа д̇ам̣ мид̇д̇ад̣̇уб̣бхим̣ бурисам̣ д̇асмим̣ ран̃н̃з ж̇ийвид̇аа воробзд̇угаамз ахам̣ ад̇д̇аанам̣ ран̃н̃о барижжаж̇анд̇о мама сийламзва анурагким̣, ж̇ийвид̇ам̣ бана наарагким̣. яам̣ банаахамзва ад̇д̇ано ж̇ийвид̇анирабзгкам̣ сийлаваа аасим̣, д̇ам̣ саммаасамб̣од̇хияаа зва гааран̣аад̇и.
59. Idāni yadatthaṃ so attavinimayo kato, taṃ dassetuṃ osānagāthamāha. Tassattho – tadā maṃ nissāya taṃ mittadubbhiṃ purisaṃ tasmiṃ raññe jīvitā voropetukāme ahaṃ attānaṃ rañño pariccajanto mama sīlameva anurakkhiṃ, jīvitaṃ pana nārakkhiṃ. Yaṃ panāhameva attano jīvitanirapekkhaṃ sīlavā āsiṃ, taṃ sammāsambodhiyā eva kāraṇāti.
ат̇а рааж̇аа б̣од̇хисад̇д̇зна ад̇д̇ано ж̇ийвид̇ам̣ барижжаж̇ид̇ваа д̇асса бурисасса маран̣з ниваарзнд̇з д̇удтамаанасо ‘‘г̇ажча, бхо, миг̇арааж̇асса ануг̇г̇ахзна мама хад̇т̇ад̇о маран̣аа муд̇д̇о’’д̇и вад̇ваа яат̇аабадин̃н̃ааяа д̇ан̃жасса д̇ханам̣ д̣̇аабзси. махаасад̇д̇асса яат̇ааружияаава ануж̇аанид̇ваа д̇ам̣ наг̇арам̣ нзд̇ваа наг̇аран̃жа б̣од̇хисад̇д̇ан̃жа алан̇гаараабзд̇ваа д̣̇звияаа д̇хаммам̣ д̣̇зсаабзси. махаасад̇д̇о д̣̇звим̣ аад̣̇им̣ гад̇ваа ран̃н̃о жа рааж̇абарисааяа жа мад̇хурааяа мануссабхаасааяа д̇хаммам̣ д̣̇зсзд̇ваа рааж̇аанам̣ д̣̇асахи рааж̇ад̇хаммзхи овад̣̇ид̇ваа махааж̇анам̣ анусаасид̇ваа аран̃н̃ам̣ бависид̇ваа миг̇аг̇ан̣абаривуд̇о ваасам̣ габбзси. рааж̇ааби махаасад̇д̇асса оваад̣̇з тад̇ваа саб̣б̣асад̇д̇аанам̣ абхаяам̣ д̣̇ад̇ваа д̣̇аанаад̣̇ийни бун̃н̃аани гад̇ваа суг̇ад̇ибарааяано ахоси.
Atha rājā bodhisattena attano jīvitaṃ pariccajitvā tassa purisassa maraṇe nivārente tuṭṭhamānaso ‘‘gaccha, bho, migarājassa anuggahena mama hatthato maraṇā mutto’’ti vatvā yathāpaṭiññāya tañcassa dhanaṃ dāpesi. Mahāsattassa yathāruciyāva anujānitvā taṃ nagaraṃ netvā nagarañca bodhisattañca alaṅkārāpetvā deviyā dhammaṃ desāpesi. Mahāsatto deviṃ ādiṃ katvā rañño ca rājaparisāya ca madhurāya manussabhāsāya dhammaṃ desetvā rājānaṃ dasahi rājadhammehi ovaditvā mahājanaṃ anusāsitvā araññaṃ pavisitvā migagaṇaparivuto vāsaṃ kappesi. Rājāpi mahāsattassa ovāde ṭhatvā sabbasattānaṃ abhayaṃ datvā dānādīni puññāni katvā sugatiparāyano ahosi.
д̇ад̣̇аа сздтибуд̇д̇о д̣̇звад̣̇ад̇д̇о ахоси, рааж̇аа аананд̣̇о, рурумиг̇арааж̇аа логанаат̇о.
Tadā seṭṭhiputto devadatto ahosi, rājā ānando, rurumigarājā lokanātho.
д̇асса ид̇хааби хздтаа вуд̇д̇анаязнзва яат̇аарахам̣ сзсабаарамияо нид̣̇д̇хаарзд̇аб̣б̣аа. д̇ат̇аа ид̇хааби бавивзгаараамад̇ааяа ж̇анасам̣саг̇г̇ам̣ анижчад̇о яуут̇ам̣ бахааяа згагавихааро, ад̣дхарад̇д̇асамаяз над̣̇ияаа вуяхамаанасса гарун̣ам̣ барид̣̇званд̇асса бурисасса аддассарам̣ суд̇ваа саяид̇адтаанад̇о вудтааяа над̣̇ийд̇ийрам̣ г̇анд̇ваа махааг̇ан̇г̇ааяа махад̇и уд̣̇агогхз вад̇д̇амаанз ад̇д̇ано ж̇ийвид̇ам̣ барижжаж̇ид̇ваа од̇арид̇ваа сод̇ам̣ бажчинд̣̇ид̇ваа д̇ам̣ бурисам̣ ад̇д̇ано бидтияам̣ ааробзд̇ваа д̇ийрам̣ баабзд̇ваа самассаасзд̇ваа палаапалаад̣̇ийни д̣̇ад̇ваа бариссамавинод̣̇анам̣, буна д̇ам̣ ад̇д̇ано бидтим̣ ааробзд̇ваа аран̃н̃ад̇о нийхарид̇ваа махаамаг̇г̇з од̇ааран̣ам̣, сарам̣ саннаяхид̇ваа виж̇жхиссаамийд̇и абхимукз тид̇асса ран̃н̃о ниб̣бхаязна худ̇ваа бадимукамзва г̇анд̇ваа батамад̇арам̣ мануссабхаасааяа аалабид̇ваа мад̇хурабадисант̇аарагаран̣ам̣, мид̇д̇ад̣̇уб̣бхий баабабурисам̣ ханд̇угаамам̣ рааж̇аанам̣ д̇хаммагат̇ам̣ гад̇ваа бунаби ад̇д̇ано ж̇ийвид̇ам̣ барижжаж̇ид̇ваа маран̣ад̇о баможанам̣, д̇асса жа ран̃н̃о яат̇аабадин̃н̃ам̣ д̇ханад̣̇аабанам̣, ран̃н̃аа ад̇д̇ано варз д̣̇ийяамаанз д̇зна саб̣б̣асад̇д̇аанам̣ абхаяад̣̇аабанам̣, рааж̇аанан̃жа д̣̇звин̃жа бамукам̣ гад̇ваа махааж̇анасса д̇хаммам̣ д̣̇зсзд̇ваа д̣̇аанаад̣̇ийсу бун̃н̃зсу д̇зсам̣ бад̇идтаабанам̣, лад̣̇д̇хаабхаяаанам̣ миг̇аанам̣ оваад̣̇ам̣ д̣̇ад̇ваа мануссаанам̣ сассакаад̣̇анад̇о нивааран̣ам̣, бан̣н̣асан̃н̃ааяа жа д̇асса яааваж̇ж̇агаалаа т̇ааварагаран̣анд̇и звамаад̣̇аяо махаасад̇д̇асса г̇ун̣аанубхааваа вибхаавзд̇аб̣б̣аад̇и.
Tassa idhāpi heṭṭhā vuttanayeneva yathārahaṃ sesapāramiyo niddhāretabbā. Tathā idhāpi pavivekārāmatāya janasaṃsaggaṃ anicchato yūthaṃ pahāya ekakavihāro, aḍḍharattasamaye nadiyā vuyhamānassa karuṇaṃ paridevantassa purisassa aṭṭassaraṃ sutvā sayitaṭṭhānato vuṭṭhāya nadītīraṃ gantvā mahāgaṅgāya mahati udakoghe vattamāne attano jīvitaṃ pariccajitvā otaritvā sotaṃ pacchinditvā taṃ purisaṃ attano piṭṭhiyaṃ āropetvā tīraṃ pāpetvā samassāsetvā phalāphalādīni datvā parissamavinodanaṃ, puna taṃ attano piṭṭhiṃ āropetvā araññato nīharitvā mahāmagge otāraṇaṃ, saraṃ sannayhitvā vijjhissāmīti abhimukhe ṭhitassa rañño nibbhayena hutvā paṭimukhameva gantvā paṭhamataraṃ manussabhāsāya ālapitvā madhurapaṭisanthārakaraṇaṃ, mittadubbhī pāpapurisaṃ hantukāmaṃ rājānaṃ dhammakathaṃ katvā punapi attano jīvitaṃ pariccajitvā maraṇato pamocanaṃ, tassa ca rañño yathāpaṭiññaṃ dhanadāpanaṃ, raññā attano vare dīyamāne tena sabbasattānaṃ abhayadāpanaṃ, rājānañca deviñca pamukhaṃ katvā mahājanassa dhammaṃ desetvā dānādīsu puññesu tesaṃ patiṭṭhāpanaṃ, laddhābhayānaṃ migānaṃ ovādaṃ datvā manussānaṃ sassakhādanato nivāraṇaṃ, paṇṇasaññāya ca tassa yāvajjakālā thāvarakaraṇanti evamādayo mahāsattassa guṇānubhāvā vibhāvetabbāti.
рурумиг̇арааж̇ажарияааван̣н̣анаа нидтид̇аа.
Rurumigarājacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 6. рурурааж̇ажарияаа • 6. Rururājacariyā
