| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๘๒. รุรุมิคราชชาตกํ (๙)
482. Rurumigarājajātakaṃ (9)
๑๑๗.
117.
๑๑๘.
118.
มยฺหํ คามวรํ เทหิ, นาริโย จ อลงฺกตา;
Mayhaṃ gāmavaraṃ dehi, nāriyo ca alaṅkatā;
อหํ เต มิคมกฺขิสฺสํ, มิคานํ มิคมุตฺตมํฯ
Ahaṃ te migamakkhissaṃ, migānaṃ migamuttamaṃ.
๑๑๙.
119.
เอตสฺมิํ วนสณฺฑสฺมิํ, อมฺพา สาลา จ ปุปฺผิตา;
Etasmiṃ vanasaṇḍasmiṃ, ambā sālā ca pupphitā;
อินฺทโคปกสญฺฉนฺนา , เอเตฺถโส ติฎฺฐเต มิโคฯ
Indagopakasañchannā , ettheso tiṭṭhate migo.
๑๒๐.
120.
มิโค จ ทิสฺวา ราชานํ, ทูรโต อชฺฌภาสถฯ
Migo ca disvā rājānaṃ, dūrato ajjhabhāsatha.
๑๒๑.
121.
อาคเมหิ มหาราช, มา มํ วิชฺฌิ รเถสภ;
Āgamehi mahārāja, mā maṃ vijjhi rathesabha;
โก นุ เต อิทมกฺขาสิ, เอเตฺถโส ติฎฺฐเต มิโคฯ
Ko nu te idamakkhāsi, ettheso tiṭṭhate migo.
๑๒๒.
122.
เอส ปาปจโร โปโส, สมฺม ติฎฺฐติ อารกา;
Esa pāpacaro poso, samma tiṭṭhati ārakā;
๑๒๓.
123.
สจฺจํ กิเรว มาหํสุ, นรา เอกจฺจิยา อิธ;
Saccaṃ kireva māhaṃsu, narā ekacciyā idha;
กฎฺฐํ นิปฺลวิตํ เสโยฺย, น เตฺวเวกจฺจิ โย นโรฯ
Kaṭṭhaṃ niplavitaṃ seyyo, na tvevekacci yo naro.
๑๒๔.
124.
กิํ นุ รุรุ ครหสิ มิคานํ, กิํ ปกฺขีนํ กิํ ปน มานุสานํ;
Kiṃ nu ruru garahasi migānaṃ, kiṃ pakkhīnaṃ kiṃ pana mānusānaṃ;
ภยญฺหิ มํ วินฺทตินปฺปรูปํ, สุตฺวาน ตํ มานุสิํ ภาสมานํฯ
Bhayañhi maṃ vindatinapparūpaṃ, sutvāna taṃ mānusiṃ bhāsamānaṃ.
๑๒๕.
125.
ยมุทฺธริํ วาหเน วุยฺหมานํ, มโหทเก สลิเล สีฆโสเต;
Yamuddhariṃ vāhane vuyhamānaṃ, mahodake salile sīghasote;
ตโตนิทานํ ภยมาคตํ มม, ทุโกฺข หเว ราช อสพฺภิ สงฺคโมฯ
Tatonidānaṃ bhayamāgataṃ mama, dukkho have rāja asabbhi saṅgamo.
๑๒๖.
126.
โสหํ จตุปฺปตฺตมิมํ วิหงฺคมํ, ตนุจฺฉิทํ หทเย โอสฺสชามิ;
Sohaṃ catuppattamimaṃ vihaṅgamaṃ, tanucchidaṃ hadaye ossajāmi;
หนามิ ตํ มิตฺตทุพฺภิํ อกิจฺจการิํ 13, โย ตาทิสํ กมฺมกตํ น ชาเนฯ
Hanāmi taṃ mittadubbhiṃ akiccakāriṃ 14, yo tādisaṃ kammakataṃ na jāne.
๑๒๗.
127.
ธีรสฺส พาลสฺส หเว ชนินฺท, สโนฺต วธํ นปฺปสํสนฺติ ชาตุ;
Dhīrassa bālassa have janinda, santo vadhaṃ nappasaṃsanti jātu;
กามํ ฆรํ คจฺฉตุ ปาปธโมฺม, ยญฺจสฺส ภฎฺฐํ ตเทตสฺส เทหิ;
Kāmaṃ gharaṃ gacchatu pāpadhammo, yañcassa bhaṭṭhaṃ tadetassa dehi;
อหญฺจ เต กามกโร ภวามิฯ
Ahañca te kāmakaro bhavāmi.
๑๒๘.
128.
กามํ ฆรํ คจฺฉตุ ปาปธโมฺม, ยญฺจสฺส ภฎฺฐํ ตเทตสฺส ทมฺมิ;
Kāmaṃ gharaṃ gacchatu pāpadhammo, yañcassa bhaṭṭhaṃ tadetassa dammi;
อหญฺจ เต กามจารํ ททามิฯ
Ahañca te kāmacāraṃ dadāmi.
๑๒๙.
129.
สุวิชานํ สิงฺคาลานํ, สกุณานญฺจวสฺสิตํ;
Suvijānaṃ siṅgālānaṃ, sakuṇānañcavassitaṃ;
มนุสฺสวสฺสิตํ ราช, ทุพฺพิชานตรํ ตโตฯ
Manussavassitaṃ rāja, dubbijānataraṃ tato.
๑๓๐.
130.
อปิ เจ มญฺญตี โปโส, ญาติ มิโตฺต สขาติ วา;
Api ce maññatī poso, ñāti mitto sakhāti vā;
โย ปุเพฺพ สุมโน หุตฺวา, ปจฺฉา สมฺปชฺชเต ทิโสฯ
Yo pubbe sumano hutvā, pacchā sampajjate diso.
๑๓๑.
131.
สมาคตา ชานปทา, เนคมา จ สมาคตา;
Samāgatā jānapadā, negamā ca samāgatā;
มิคา สสฺสานิ ขาทนฺติ, ตํ เทโว ปฎิเสธตุฯ
Migā sassāni khādanti, taṃ devo paṭisedhatu.
๑๓๒.
132.
กามํ ชนปโท มาสิ, รฎฺฐญฺจาปิ วินสฺสตุ;
Kāmaṃ janapado māsi, raṭṭhañcāpi vinassatu;
น เตฺววาหํ รุรุํ ทุเพฺภ, ทตฺวา อภยทกฺขิณํฯ
Na tvevāhaṃ ruruṃ dubbhe, datvā abhayadakkhiṇaṃ.
๑๓๓.
133.
น เตฺววาหํ 21 มิคราชสฺส, วรํ ทตฺวา มุสา ภเณติฯ
Na tvevāhaṃ 22 migarājassa, varaṃ datvā musā bhaṇeti.
รุรุมิคราชชาตกํ นวมํฯ
Rurumigarājajātakaṃ navamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๘๒] ๙. รุรุมิคราชชาตกวณฺณนา • [482] 9. Rurumigarājajātakavaṇṇanā
