| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៨២. រុរុមិគរាជជាតកំ (៩)
482. Rurumigarājajātakaṃ (9)
១១៧.
117.
១១៨.
118.
មយ្ហំ គាមវរំ ទេហិ, នារិយោ ច អលង្កតា;
Mayhaṃ gāmavaraṃ dehi, nāriyo ca alaṅkatā;
អហំ តេ មិគមក្ខិស្សំ, មិគានំ មិគមុត្តមំ។
Ahaṃ te migamakkhissaṃ, migānaṃ migamuttamaṃ.
១១៩.
119.
ឯតស្មិំ វនសណ្ឌស្មិំ, អម្ពា សាលា ច បុប្ផិតា;
Etasmiṃ vanasaṇḍasmiṃ, ambā sālā ca pupphitā;
ឥន្ទគោបកសញ្ឆន្នា , ឯត្ថេសោ តិដ្ឋតេ មិគោ។
Indagopakasañchannā , ettheso tiṭṭhate migo.
១២០.
120.
មិគោ ច ទិស្វា រាជានំ, ទូរតោ អជ្ឈភាសថ។
Migo ca disvā rājānaṃ, dūrato ajjhabhāsatha.
១២១.
121.
អាគមេហិ មហារាជ, មា មំ វិជ្ឈិ រថេសភ;
Āgamehi mahārāja, mā maṃ vijjhi rathesabha;
កោ នុ តេ ឥទមក្ខាសិ, ឯត្ថេសោ តិដ្ឋតេ មិគោ។
Ko nu te idamakkhāsi, ettheso tiṭṭhate migo.
១២២.
122.
ឯស បាបចរោ បោសោ, សម្ម តិដ្ឋតិ អារកា;
Esa pāpacaro poso, samma tiṭṭhati ārakā;
១២៣.
123.
សច្ចំ កិរេវ មាហំសុ, នរា ឯកច្ចិយា ឥធ;
Saccaṃ kireva māhaṃsu, narā ekacciyā idha;
កដ្ឋំ និប្លវិតំ សេយ្យោ, ន ត្វេវេកច្ចិ យោ នរោ។
Kaṭṭhaṃ niplavitaṃ seyyo, na tvevekacci yo naro.
១២៤.
124.
កិំ នុ រុរុ គរហសិ មិគានំ, កិំ បក្ខីនំ កិំ បន មានុសានំ;
Kiṃ nu ruru garahasi migānaṃ, kiṃ pakkhīnaṃ kiṃ pana mānusānaṃ;
ភយញ្ហិ មំ វិន្ទតិនប្បរូបំ, សុត្វាន តំ មានុសិំ ភាសមានំ។
Bhayañhi maṃ vindatinapparūpaṃ, sutvāna taṃ mānusiṃ bhāsamānaṃ.
១២៥.
125.
យមុទ្ធរិំ វាហនេ វុយ្ហមានំ, មហោទកេ សលិលេ សីឃសោតេ;
Yamuddhariṃ vāhane vuyhamānaṃ, mahodake salile sīghasote;
តតោនិទានំ ភយមាគតំ មម, ទុក្ខោ ហវេ រាជ អសព្ភិ សង្គមោ។
Tatonidānaṃ bhayamāgataṃ mama, dukkho have rāja asabbhi saṅgamo.
១២៦.
126.
សោហំ ចតុប្បត្តមិមំ វិហង្គមំ, តនុច្ឆិទំ ហទយេ ឱស្សជាមិ;
Sohaṃ catuppattamimaṃ vihaṅgamaṃ, tanucchidaṃ hadaye ossajāmi;
ហនាមិ តំ មិត្តទុព្ភិំ អកិច្ចការិំ 13, យោ តាទិសំ កម្មកតំ ន ជានេ។
Hanāmi taṃ mittadubbhiṃ akiccakāriṃ 14, yo tādisaṃ kammakataṃ na jāne.
១២៧.
127.
ធីរស្ស ពាលស្ស ហវេ ជនិន្ទ, សន្តោ វធំ នប្បសំសន្តិ ជាតុ;
Dhīrassa bālassa have janinda, santo vadhaṃ nappasaṃsanti jātu;
កាមំ ឃរំ គច្ឆតុ បាបធម្មោ, យញ្ចស្ស ភដ្ឋំ តទេតស្ស ទេហិ;
Kāmaṃ gharaṃ gacchatu pāpadhammo, yañcassa bhaṭṭhaṃ tadetassa dehi;
អហញ្ច តេ កាមករោ ភវាមិ។
Ahañca te kāmakaro bhavāmi.
១២៨.
128.
កាមំ ឃរំ គច្ឆតុ បាបធម្មោ, យញ្ចស្ស ភដ្ឋំ តទេតស្ស ទម្មិ;
Kāmaṃ gharaṃ gacchatu pāpadhammo, yañcassa bhaṭṭhaṃ tadetassa dammi;
អហញ្ច តេ កាមចារំ ទទាមិ។
Ahañca te kāmacāraṃ dadāmi.
១២៩.
129.
សុវិជានំ សិង្គាលានំ, សកុណានញ្ចវស្សិតំ;
Suvijānaṃ siṅgālānaṃ, sakuṇānañcavassitaṃ;
មនុស្សវស្សិតំ រាជ, ទុព្ពិជានតរំ តតោ។
Manussavassitaṃ rāja, dubbijānataraṃ tato.
១៣០.
130.
អបិ ចេ មញ្ញតី បោសោ, ញាតិ មិត្តោ សខាតិ វា;
Api ce maññatī poso, ñāti mitto sakhāti vā;
យោ បុព្ពេ សុមនោ ហុត្វា, បច្ឆា សម្បជ្ជតេ ទិសោ។
Yo pubbe sumano hutvā, pacchā sampajjate diso.
១៣១.
131.
សមាគតា ជានបទា, នេគមា ច សមាគតា;
Samāgatā jānapadā, negamā ca samāgatā;
មិគា សស្សានិ ខាទន្តិ, តំ ទេវោ បដិសេធតុ។
Migā sassāni khādanti, taṃ devo paṭisedhatu.
១៣២.
132.
កាមំ ជនបទោ មាសិ, រដ្ឋញ្ចាបិ វិនស្សតុ;
Kāmaṃ janapado māsi, raṭṭhañcāpi vinassatu;
ន ត្វេវាហំ រុរុំ ទុព្ភេ, ទត្វា អភយទក្ខិណំ។
Na tvevāhaṃ ruruṃ dubbhe, datvā abhayadakkhiṇaṃ.
១៣៣.
133.
ន ត្វេវាហំ 21 មិគរាជស្ស, វរំ ទត្វា មុសា ភណេតិ។
Na tvevāhaṃ 22 migarājassa, varaṃ datvā musā bhaṇeti.
រុរុមិគរាជជាតកំ នវមំ។
Rurumigarājajātakaṃ navamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៨២] ៩. រុរុមិគរាជជាតកវណ្ណនា • [482] 9. Rurumigarājajātakavaṇṇanā
