| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. သဗ္ဗအနိစ္စဝဂ္ဂဝဏ္ဏနာ
5. Sabbaaniccavaggavaṇṇanā
၄၃-၅၂. ဉာတပရိညာ အာဂတာ ဝိသယဝသေန တဗ္ဗိသယသ္သ ဓမ္မသ္သ ဇောတိတတ္တာ။ ဣတရာ ဒ္ဝေ တီရဏပဟာနပရိညာပိ အာဂတာ ဧဝာတိ ဝေဒိတဗ္ဗာ, တာသံ အဘိညေယ္ယဓမ္မဝိသယတ္တာ ဉာဏသ္သ စ တီရဏပဟာနပရိညာသမ္ဘဝတော။ ပရိညေယ္ယပဒေ တီရဏပရိညာဝ အာဂတာ, ပဟာတဗ္ဗပဒေ ပဟာနပရိညာဝ အာဂတာတိ ယောဇနာ။ ဣတရာပိ ဒ္ဝေ ဂဟိတာယေဝ တာဟိ ဝိနာ အတ္ထသိဒ္ဓိယာ အဘာဝတော။ ပစ္စက္ခံ ကာတဗ္ဗံ အာရမ္မဏတော အသမ္မောဟတော ပဋိဝိဇ္ဈနေန။ အဝုတ္တာပိ ဂဟိတာယေဝ ပရိဇာနနသ္သ ယာဝဒေဝ ပဟာနတ္ထတ္တာ။ ဧကသဘာဝေန ဝိနာဘာဝော အနေကဂ္ဂဋ္ဌော။ ဥပသဋ္ဌရောဂေန ဝိယ အန္တော ဧဝ အဘိဟတသဗ္ဗတာ ဥပဟတဋ္ဌော။
43-52.Ñātapariññā āgatā visayavasena tabbisayassa dhammassa jotitattā. Itarā dve tīraṇapahānapariññāpi āgatā evāti veditabbā, tāsaṃ abhiññeyyadhammavisayattā ñāṇassa ca tīraṇapahānapariññāsambhavato. Pariññeyyapade tīraṇapariññāva āgatā, pahātabbapade pahānapariññāva āgatāti yojanā. Itarāpi dve gahitāyeva tāhi vinā atthasiddhiyā abhāvato. Paccakkhaṃ kātabbaṃ ārammaṇato asammohato paṭivijjhanena. Avuttāpi gahitāyeva parijānanassa yāvadeva pahānatthattā. Ekasabhāvena vinābhāvo anekaggaṭṭho. Upasaṭṭharogena viya anto eva abhihatasabbatā upahataṭṭho.
သဗ္ဗအနိစ္စဝဂ္ဂဝဏ္ဏနာ နိဋ္ဌိတာ။
Sabbaaniccavaggavaṇṇanā niṭṭhitā.
ပဌမော ပဏ္ဏာသကော။
Paṭhamo paṇṇāsako.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၁-၉. အနိစ္စာဒိသုတ္တနဝကံ • 1-9. Aniccādisuttanavakaṃ
၁၀. ဥပသ္သဋ္ဌသုတ္တံ • 10. Upassaṭṭhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. သဗ္ဗအနိစ္စဝဂ္ဂဝဏ္ဏနာ • 5. Sabbaaniccavaggavaṇṇanā
