| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਸਬ੍ਬਅਨਿਚ੍ਚવਗ੍ਗવਣ੍ਣਨਾ
5. Sabbaaniccavaggavaṇṇanā
੪੩-੫੨. ਞਾਤਪਰਿਞ੍ਞਾ ਆਗਤਾ વਿਸਯવਸੇਨ ਤਬ੍ਬਿਸਯਸ੍ਸ ਧਮ੍ਮਸ੍ਸ ਜੋਤਿਤਤ੍ਤਾ। ਇਤਰਾ ਦ੍વੇ ਤੀਰਣਪਹਾਨਪਰਿਞ੍ਞਾਪਿ ਆਗਤਾ ਏવਾਤਿ વੇਦਿਤਬ੍ਬਾ, ਤਾਸਂ ਅਭਿਞ੍ਞੇਯ੍ਯਧਮ੍ਮવਿਸਯਤ੍ਤਾ ਞਾਣਸ੍ਸ ਚ ਤੀਰਣਪਹਾਨਪਰਿਞ੍ਞਾਸਮ੍ਭવਤੋ। ਪਰਿਞ੍ਞੇਯ੍ਯਪਦੇ ਤੀਰਣਪਰਿਞ੍ਞਾવ ਆਗਤਾ, ਪਹਾਤਬ੍ਬਪਦੇ ਪਹਾਨਪਰਿਞ੍ਞਾવ ਆਗਤਾਤਿ ਯੋਜਨਾ। ਇਤਰਾਪਿ ਦ੍વੇ ਗਹਿਤਾਯੇવ ਤਾਹਿ વਿਨਾ ਅਤ੍ਥਸਿਦ੍ਧਿਯਾ ਅਭਾવਤੋ। ਪਚ੍ਚਕ੍ਖਂ ਕਾਤਬ੍ਬਂ ਆਰਮ੍ਮਣਤੋ ਅਸਮ੍ਮੋਹਤੋ ਪਟਿવਿਜ੍ਝਨੇਨ। ਅવੁਤ੍ਤਾਪਿ ਗਹਿਤਾਯੇવ ਪਰਿਜਾਨਨਸ੍ਸ ਯਾવਦੇવ ਪਹਾਨਤ੍ਥਤ੍ਤਾ। ਏਕਸਭਾવੇਨ વਿਨਾਭਾવੋ ਅਨੇਕਗ੍ਗਟ੍ਠੋ। ਉਪਸਟ੍ਠਰੋਗੇਨ વਿਯ ਅਨ੍ਤੋ ਏવ ਅਭਿਹਤਸਬ੍ਬਤਾ ਉਪਹਤਟ੍ਠੋ।
43-52.Ñātapariññā āgatā visayavasena tabbisayassa dhammassa jotitattā. Itarā dve tīraṇapahānapariññāpi āgatā evāti veditabbā, tāsaṃ abhiññeyyadhammavisayattā ñāṇassa ca tīraṇapahānapariññāsambhavato. Pariññeyyapade tīraṇapariññāva āgatā, pahātabbapade pahānapariññāva āgatāti yojanā. Itarāpi dve gahitāyeva tāhi vinā atthasiddhiyā abhāvato. Paccakkhaṃ kātabbaṃ ārammaṇato asammohato paṭivijjhanena. Avuttāpi gahitāyeva parijānanassa yāvadeva pahānatthattā. Ekasabhāvena vinābhāvo anekaggaṭṭho. Upasaṭṭharogena viya anto eva abhihatasabbatā upahataṭṭho.
ਸਬ੍ਬਅਨਿਚ੍ਚવਗ੍ਗવਣ੍ਣਨਾ ਨਿਟ੍ਠਿਤਾ।
Sabbaaniccavaggavaṇṇanā niṭṭhitā.
ਪਠਮੋ ਪਣ੍ਣਾਸਕੋ।
Paṭhamo paṇṇāsako.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧-੯. ਅਨਿਚ੍ਚਾਦਿਸੁਤ੍ਤਨવਕਂ • 1-9. Aniccādisuttanavakaṃ
੧੦. ਉਪਸ੍ਸਟ੍ਠਸੁਤ੍ਤਂ • 10. Upassaṭṭhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਸਬ੍ਬਅਨਿਚ੍ਚવਗ੍ਗવਣ੍ਣਨਾ • 5. Sabbaaniccavaggavaṇṇanā
