| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
สพฺพจมฺมปฎิเกฺขปาทิกถาวณฺณนา
Sabbacammapaṭikkhepādikathāvaṇṇanā
๒๕๕. กิสฺส ตฺยายนฺติ กิสฺส เต อยํฯ
255.Kissa tyāyanti kissa te ayaṃ.
๒๕๖. คิหิวิกตนฺติ คิหีนํ อตฺถาย กตํฯ ‘‘ยตฺถ กตฺถจิ นิสีทิตุํ อนุชานามีติ อโตฺถ’’ติ ลิขิตํฯ กิญฺจาปิ ทีฆนิกายฎฺฐกถายํ ‘‘ฐเปตฺวา ตูลิกํ สพฺพาเนว โคนกาทีนิ รตนปริสิพฺพิตานิ วฎฺฎนฺตี’’ติ วุตฺตํ, อถ โข วินยปริยายํ ปตฺวา ครุเก ฐาตพฺพโต อิธ วุตฺตนเยเนเวตฺถ อโตฺถ คเหตโพฺพฯ ‘‘ตตฺถ ปน สุตฺตนฺติกเทสนาย คหฎฺฐาทีนมฺปิ วเสน วุตฺตตฺตา เตสํ สงฺคณฺหนตฺถํ ฐเปตฺวา ‘ตูลิกํ…เป.… วฎฺฎนฺตี’ติ วุตฺตํ วิย ขายตีติ อปเร’’ติ วุตฺตํฯ
256.Gihivikatanti gihīnaṃ atthāya kataṃ. ‘‘Yattha katthaci nisīdituṃ anujānāmīti attho’’ti likhitaṃ. Kiñcāpi dīghanikāyaṭṭhakathāyaṃ ‘‘ṭhapetvā tūlikaṃ sabbāneva gonakādīni ratanaparisibbitāni vaṭṭantī’’ti vuttaṃ, atha kho vinayapariyāyaṃ patvā garuke ṭhātabbato idha vuttanayenevettha attho gahetabbo. ‘‘Tattha pana suttantikadesanāya gahaṭṭhādīnampi vasena vuttattā tesaṃ saṅgaṇhanatthaṃ ṭhapetvā ‘tūlikaṃ…pe… vaṭṭantī’ti vuttaṃ viya khāyatīti apare’’ti vuttaṃ.
๒๕๙. มิคมาตุโกติ ตสฺส นามํฯ วาตมิโคติ จ ตสฺส นามํฯ ‘‘กาฬสีโห กาฬมุโข กปี’’ติ ลิขิตํฯ จมฺมํ น วฎฺฎตีติ เยน ปริยาเยน จมฺมํ วฎฺฎิสฺสติ, โส ปรโต อาวิ ภวิสฺสติฯ ‘‘อตฺตโน ปุคฺคลิกวเสน ปริหาโร ปฎิกฺขิโตฺต’’ติ วุตฺตํฯ ‘‘น, ภิกฺขเว, กิญฺจิ จมฺมํ ธาเรตพฺพ’’นฺติ เอตฺตาวตา สิเทฺธ ‘‘น, ภิกฺขเว, โคจมฺม’’นฺติ อิทํ ปรโต ‘‘อนุชานามิ, ภิกฺขเว, สพฺพปจฺจนฺติเมสุ ชนปเทสุ จมฺมานิ อตฺถรณานี’’ติ เอตฺถ อนุมติปฺปสงฺคภยา วุตฺตนฺติ เวทิตพฺพํฯ
259.Migamātukoti tassa nāmaṃ. Vātamigoti ca tassa nāmaṃ. ‘‘Kāḷasīho kāḷamukho kapī’’ti likhitaṃ. Cammaṃ na vaṭṭatīti yena pariyāyena cammaṃ vaṭṭissati, so parato āvi bhavissati. ‘‘Attano puggalikavasena parihāro paṭikkhitto’’ti vuttaṃ. ‘‘Na, bhikkhave, kiñci cammaṃ dhāretabba’’nti ettāvatā siddhe ‘‘na, bhikkhave, gocamma’’nti idaṃ parato ‘‘anujānāmi, bhikkhave, sabbapaccantimesu janapadesu cammāni attharaṇānī’’ti ettha anumatippasaṅgabhayā vuttanti veditabbaṃ.
จมฺมกฺขนฺธกวณฺณนา นิฎฺฐิตาฯ
Cammakkhandhakavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๑๕๕. สพฺพจมฺมปฎิเกฺขโป • 155. Sabbacammapaṭikkhepo
๑๕๖. คิหิวิกตานุญฺญาตาทิ • 156. Gihivikatānuññātādi
๑๕๘. มหากจฺจานสฺส ปญฺจวรปริทสฺสนา • 158. Mahākaccānassa pañcavaraparidassanā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / สพฺพจมฺมปฎิเกฺขปาทิกถา • Sabbacammapaṭikkhepādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
คิหิวิกตานุญฺญาตาทิกถาวณฺณนา • Gihivikatānuññātādikathāvaṇṇanā
โสณกุฎิกณฺณวตฺถุกถาวณฺณนา • Soṇakuṭikaṇṇavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / คิหิวิกตานุญฺญาตาทิกถาวณฺณนา • Gihivikatānuññātādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๑๕๕. สพฺพจมฺมปฎิเกฺขปาทิกถา • 155. Sabbacammapaṭikkhepādikathā
๑๕๗. โสณกุฎิกณฺณวตฺถุกถา • 157. Soṇakuṭikaṇṇavatthukathā
