| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
155. саб̣б̣ажаммабадигкзбо
155. Sabbacammapaṭikkhepo
255. д̇зна ко бана самаязна чаб̣б̣аг̇г̇ияаа бхигкуу – бхаг̇авад̇аа ужжаасаяанамахаасаяанаани бадигкид̇д̇аанийд̇и – махаажаммаани д̇хаарзнд̇и, сийхажаммам̣ б̣яаг̇гхажаммам̣ д̣̇ийбижаммам̣. д̇аани ман̃жаббамаан̣знаби чиннаани хонд̇и, бийтаббамаан̣знаби чиннаани хонд̇и, анд̇оби ман̃жз бан̃н̃ад̇д̇аани хонд̇и, б̣ахиби ман̃жз бан̃н̃ад̇д̇аани хонд̇и, анд̇оби бийтз бан̃н̃ад̇д̇аани хонд̇и, б̣ахиби бийтз бан̃н̃ад̇д̇аани хонд̇и. мануссаа вихааражааригам̣ аахин̣д̣анд̇аа бассид̇ваа уж̇жхааяанд̇и кияяанд̇и вибаажзнд̇и – ‘‘сзяяат̇ааби г̇ихий гаамабхог̇ино’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, махаажаммаани д̇хаарзд̇аб̣б̣аани, сийхажаммам̣ б̣яаг̇гхажаммам̣ д̣̇ийбижаммам̣. яо д̇хаарзяяа, аабад̇д̇и д̣̇уггадассаад̇и.
255. Tena kho pana samayena chabbaggiyā bhikkhū – bhagavatā uccāsayanamahāsayanāni paṭikkhittānīti – mahācammāni dhārenti, sīhacammaṃ byagghacammaṃ dīpicammaṃ. Tāni mañcappamāṇenapi chinnāni honti, pīṭhappamāṇenapi chinnāni honti, antopi mañce paññattāni honti, bahipi mañce paññattāni honti, antopi pīṭhe paññattāni honti, bahipi pīṭhe paññattāni honti. Manussā vihāracārikaṃ āhiṇḍantā passitvā ujjhāyanti khiyyanti vipācenti – ‘‘seyyathāpi gihī kāmabhogino’’ti. Bhagavato etamatthaṃ ārocesuṃ. Na, bhikkhave, mahācammāni dhāretabbāni, sīhacammaṃ byagghacammaṃ dīpicammaṃ. Yo dhāreyya, āpatti dukkaṭassāti.
д̇зна ко бана самаязна чаб̣б̣аг̇г̇ияаа бхигкуу – бхаг̇авад̇аа махаажаммаани бадигкид̇д̇аанийд̇и – г̇ожаммаани д̇хаарзнд̇и. д̇аани ман̃жаббамаан̣знаби чиннаани хонд̇и, бийтаббамаан̣знаби чиннаани хонд̇и, анд̇оби ман̃жз бан̃н̃ад̇д̇аани хонд̇и, б̣ахиби ман̃жз бан̃н̃ад̇д̇аани хонд̇и, анд̇оби бийтз бан̃н̃ад̇д̇аани хонд̇и, б̣ахиби бийтз бан̃н̃ад̇д̇аани хонд̇и. ан̃н̃ад̇ароби баабабхигку ан̃н̃ад̇арасса баабубаасагасса гулуубаго ход̇и. ат̇а ко со баабабхигку буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна д̇асса баабубаасагасса нивзсанам̣ д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и. ат̇а ко со баабубаасаго язна со баабабхигку д̇знубасан̇гами, убасан̇гамид̇ваа д̇ам̣ баабабхигкум̣ абхиваад̣̇зд̇ваа згаманд̇ам̣ нисийд̣̇и. д̇зна ко бана самаязна д̇асса баабубаасагасса важчаго ход̇и д̇арун̣аго абхируубо д̣̇ассанийяо баасаад̣̇иго жид̇ро, сзяяат̇ааби д̣̇ийбижчаабо. ат̇а ко со баабабхигку д̇ам̣ важчагам̣ саггажжам̣ убаниж̇жхааяад̇и. ат̇а ко со баабубаасаго д̇ам̣ баабабхигкум̣ зд̇ад̣̇авожа – ‘‘гисса, бханд̇з, аяяо имам̣ важчагам̣ саггажжам̣ убаниж̇жхааяад̇ий’’д̇и? ‘‘ад̇т̇о мз, аавусо, имасса важчагасса жаммзнаа’’д̇и. ат̇а ко со баабубаасаго д̇ам̣ важчагам̣ вад̇хид̇ваа жаммам̣ вид̇хунид̇ваа д̇асса баабабхигкуно баад̣̇ааси. ат̇а ко со баабабхигку д̇ам̣ жаммам̣ сан̇гхаадияаа бадижчаад̣̇зд̇ваа аг̇амааси. ат̇а ко саа г̇аавий важчаг̇ид̣̇д̇хиний д̇ам̣ баабабхигкум̣ бидтид̇о бидтид̇о ануб̣анд̇хи. бхигкуу звамаахам̣су – ‘‘гисса д̇яааяам̣, аавусо, г̇аавий бидтид̇о бидтид̇о ануб̣анд̇хий’’д̇и? ‘‘ахамби ко, аавусо, на ж̇аанаами гзна 1 мяааяам̣ г̇аавий бидтид̇о бидтид̇о ануб̣анд̇хий’’д̇и. д̇зна ко бана самаязна д̇асса баабабхигкуно сан̇гхаади лохид̇зна магкид̇аа ход̇и. бхигкуу звамаахам̣су – ‘‘аяам̣ бана д̇з, аавусо, сан̇гхаади гим̣ гад̇аа’’д̇и? ат̇а ко со баабабхигку бхигкуунам̣ зд̇амад̇т̇ам̣ аарожзси. ‘‘гим̣ бана д̇вам̣, аавусо, баан̣аад̇ибаад̇з самаад̣̇абзсий’’д̇и? ‘‘звамаавусо’’д̇и. яз д̇з бхигкуу аббижчаа д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигку баан̣аад̇ибаад̇з самаад̣̇абзссад̇и, нану бхаг̇авад̇аа анзгабарияааязна баан̣аад̇ибаад̇о г̇арахид̇о, баан̣аад̇ибаад̇аа взраман̣ий басад̇т̇аа’’д̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣.
Tena kho pana samayena chabbaggiyā bhikkhū – bhagavatā mahācammāni paṭikkhittānīti – gocammāni dhārenti. Tāni mañcappamāṇenapi chinnāni honti, pīṭhappamāṇenapi chinnāni honti, antopi mañce paññattāni honti, bahipi mañce paññattāni honti, antopi pīṭhe paññattāni honti, bahipi pīṭhe paññattāni honti. Aññataropi pāpabhikkhu aññatarassa pāpupāsakassa kulūpako hoti. Atha kho so pāpabhikkhu pubbaṇhasamayaṃ nivāsetvā pattacīvaramādāya yena tassa pāpupāsakassa nivesanaṃ tenupasaṅkami, upasaṅkamitvā paññatte āsane nisīdi. Atha kho so pāpupāsako yena so pāpabhikkhu tenupasaṅkami, upasaṅkamitvā taṃ pāpabhikkhuṃ abhivādetvā ekamantaṃ nisīdi. Tena kho pana samayena tassa pāpupāsakassa vacchako hoti taruṇako abhirūpo dassanīyo pāsādiko citro, seyyathāpi dīpicchāpo. Atha kho so pāpabhikkhu taṃ vacchakaṃ sakkaccaṃ upanijjhāyati. Atha kho so pāpupāsako taṃ pāpabhikkhuṃ etadavoca – ‘‘kissa, bhante, ayyo imaṃ vacchakaṃ sakkaccaṃ upanijjhāyatī’’ti? ‘‘Attho me, āvuso, imassa vacchakassa cammenā’’ti. Atha kho so pāpupāsako taṃ vacchakaṃ vadhitvā cammaṃ vidhunitvā tassa pāpabhikkhuno pādāsi. Atha kho so pāpabhikkhu taṃ cammaṃ saṅghāṭiyā paṭicchādetvā agamāsi. Atha kho sā gāvī vacchagiddhinī taṃ pāpabhikkhuṃ piṭṭhito piṭṭhito anubandhi. Bhikkhū evamāhaṃsu – ‘‘kissa tyāyaṃ, āvuso, gāvī piṭṭhito piṭṭhito anubandhī’’ti? ‘‘Ahampi kho, āvuso, na jānāmi kena 2 myāyaṃ gāvī piṭṭhito piṭṭhito anubandhī’’ti. Tena kho pana samayena tassa pāpabhikkhuno saṅghāṭi lohitena makkhitā hoti. Bhikkhū evamāhaṃsu – ‘‘ayaṃ pana te, āvuso, saṅghāṭi kiṃ katā’’ti? Atha kho so pāpabhikkhu bhikkhūnaṃ etamatthaṃ ārocesi. ‘‘Kiṃ pana tvaṃ, āvuso, pāṇātipāte samādapesī’’ti? ‘‘Evamāvuso’’ti. Ye te bhikkhū appicchā te ujjhāyanti khiyyanti vipācenti – ‘‘kathañhi nāma bhikkhu pāṇātipāte samādapessati, nanu bhagavatā anekapariyāyena pāṇātipāto garahito, pāṇātipātā veramaṇī pasatthā’’ti. Atha kho te bhikkhū bhagavato etamatthaṃ ārocesuṃ.
ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа д̇ам̣ баабабхигкум̣ бадибужчи – ‘‘сажжам̣ гира д̇вам̣, бхигку, баан̣аад̇ибаад̇з самаад̣̇абзсий’’д̇и? сажжам̣ бхаг̇аваад̇и…бз… гат̇ан̃хи наама д̇вам̣, могхабуриса, баан̣аад̇ибаад̇з самаад̣̇абзссаси, нану маяаа, могхабуриса, анзгабарияааязна баан̣аад̇ибаад̇о г̇арахид̇о, баан̣аад̇ибаад̇аа взраман̣ий басад̇т̇аа. нзд̇ам̣, могхабуриса, аббасаннаанам̣ ваа басаад̣̇ааяа…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, баан̣аад̇ибаад̇з самаад̣̇абзд̇аб̣б̣ам̣. яо самаад̣̇абзяяа, яат̇аад̇хаммо гаарзд̇аб̣б̣о. на, бхигкавз, г̇ожаммам̣ д̇хаарзд̇аб̣б̣ам̣. яо д̇хаарзяяа, аабад̇д̇и д̣̇уггадасса. на жа, бхигкавз, гин̃жи жаммам̣ д̇хаарзд̇аб̣б̣ам̣. яо д̇хаарзяяа, аабад̇д̇и д̣̇уггадассаа’’д̇и.
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā taṃ pāpabhikkhuṃ paṭipucchi – ‘‘saccaṃ kira tvaṃ, bhikkhu, pāṇātipāte samādapesī’’ti? Saccaṃ bhagavāti…pe… kathañhi nāma tvaṃ, moghapurisa, pāṇātipāte samādapessasi, nanu mayā, moghapurisa, anekapariyāyena pāṇātipāto garahito, pāṇātipātā veramaṇī pasatthā. Netaṃ, moghapurisa, appasannānaṃ vā pasādāya…pe… vigarahitvā dhammiṃ kathaṃ katvā bhikkhū āmantesi – ‘‘na, bhikkhave, pāṇātipāte samādapetabbaṃ. Yo samādapeyya, yathādhammo kāretabbo. Na, bhikkhave, gocammaṃ dhāretabbaṃ. Yo dhāreyya, āpatti dukkaṭassa. Na ca, bhikkhave, kiñci cammaṃ dhāretabbaṃ. Yo dhāreyya, āpatti dukkaṭassā’’ti.
саб̣б̣ажаммабадигкзбо нидтид̇о.
Sabbacammapaṭikkhepo niṭṭhito.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саб̣б̣ажаммабадигкзбаад̣̇игат̇аа • Sabbacammapaṭikkhepādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саб̣б̣ажаммабадигкзбаад̣̇игат̇ааван̣н̣анаа • Sabbacammapaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 155. саб̣б̣ажаммабадигкзбаад̣̇игат̇аа • 155. Sabbacammapaṭikkhepādikathā
