| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
২১. একৰীসতিমৰগ্গো
21. Ekavīsatimavaggo
(২০৫) ৬. সব্বদিসাকথা
(205) 6. Sabbadisākathā
৮৮৬. সব্বা দিসা বুদ্ধা তিট্ঠন্তীতি? আমন্তা। পুরত্থিমায দিসায বুদ্ধো তিট্ঠতীতি? ন হেৰং ৰত্তব্বে…পে॰… পুরত্থিমায দিসায বুদ্ধো তিট্ঠতীতি? আমন্তা। কিন্নামো সো ভগৰা, কিংজচ্চো, কিংগোত্তো, কিন্নামা তস্স ভগৰতো মাতাপিতরো, কিন্নামং তস্স ভগৰতো সাৰকযুগং, কোনামো তস্স ভগৰতো উপট্ঠাকো, কীদিসং চীৰরং ধারেতি, কীদিসং পত্তং ধারেতি, কতরস্মিং গামে ৰা নিগমে ৰা নগরে ৰা রট্ঠে ৰা জনপদে ৰাতি? ন হেৰং ৰত্তব্বে…পে॰…।
886. Sabbā disā buddhā tiṭṭhantīti? Āmantā. Puratthimāya disāya buddho tiṭṭhatīti? Na hevaṃ vattabbe…pe… puratthimāya disāya buddho tiṭṭhatīti? Āmantā. Kinnāmo so bhagavā, kiṃjacco, kiṃgotto, kinnāmā tassa bhagavato mātāpitaro, kinnāmaṃ tassa bhagavato sāvakayugaṃ, konāmo tassa bhagavato upaṭṭhāko, kīdisaṃ cīvaraṃ dhāreti, kīdisaṃ pattaṃ dhāreti, katarasmiṃ gāme vā nigame vā nagare vā raṭṭhe vā janapade vāti? Na hevaṃ vattabbe…pe….
দক্খিণায দিসায…পে॰… পচ্ছিমায দিসায…পে॰… উত্তরায দিসায…পে॰… হেট্ঠিমায দিসায বুদ্ধো তিট্ঠতীতি? ন হেৰং ৰত্তব্বে…পে॰… হেট্ঠিমায দিসায বুদ্ধো তিট্ঠতীতি? আমন্তা। কিন্নামো সো ভগৰা…পে॰… জনপদে ৰাতি? ন হেৰং ৰত্তব্বে…পে॰…।
Dakkhiṇāya disāya…pe… pacchimāya disāya…pe… uttarāya disāya…pe… heṭṭhimāya disāya buddho tiṭṭhatīti? Na hevaṃ vattabbe…pe… heṭṭhimāya disāya buddho tiṭṭhatīti? Āmantā. Kinnāmo so bhagavā…pe… janapade vāti? Na hevaṃ vattabbe…pe….
উপরিমায দিসায বুদ্ধো তিট্ঠতীতি? ন হেৰং ৰত্তব্বে…পে॰…। উপরিমায দিসায বুদ্ধো তিট্ঠতীতি? আমন্তা। চাতুমহারাজিকে তিট্ঠতি…পে॰… তাৰতিংসে তিট্ঠতি…পে॰… যামে তিট্ঠতি…পে॰… তুসিতে তিট্ঠতি…পে॰… নিম্মানরতিযা তিট্ঠতি…পে॰… পরনিম্মিতৰসৰত্তিযা তিট্ঠতি…পে॰… ব্রহ্মলোকে তিট্ঠতীতি? ন হেৰং ৰত্তব্বে…পে॰…।
Uparimāya disāya buddho tiṭṭhatīti? Na hevaṃ vattabbe…pe…. Uparimāya disāya buddho tiṭṭhatīti? Āmantā. Cātumahārājike tiṭṭhati…pe… tāvatiṃse tiṭṭhati…pe… yāme tiṭṭhati…pe… tusite tiṭṭhati…pe… nimmānaratiyā tiṭṭhati…pe… paranimmitavasavattiyā tiṭṭhati…pe… brahmaloke tiṭṭhatīti? Na hevaṃ vattabbe…pe….
সব্বদিসাকথা নিট্ঠিতা।
Sabbadisākathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৬. সব্বদিসাকথাৰণ্ণনা • 6. Sabbadisākathāvaṇṇanā
