| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒๑. เอกวีสติมวโคฺค
21. Ekavīsatimavaggo
(๒๐๕) ๖. สพฺพทิสากถา
(205) 6. Sabbadisākathā
๘๘๖. สพฺพา ทิสา พุทฺธา ติฎฺฐนฺตีติ? อามนฺตาฯ ปุรตฺถิมาย ทิสาย พุโทฺธ ติฎฺฐตีติ? น เหวํ วตฺตเพฺพ…เป.… ปุรตฺถิมาย ทิสาย พุโทฺธ ติฎฺฐตีติ? อามนฺตาฯ กินฺนาโม โส ภควา, กิํชโจฺจ, กิํโคโตฺต, กินฺนามา ตสฺส ภควโต มาตาปิตโร, กินฺนามํ ตสฺส ภควโต สาวกยุคํ, โกนาโม ตสฺส ภควโต อุปฎฺฐาโก, กีทิสํ จีวรํ ธาเรติ, กีทิสํ ปตฺตํ ธาเรติ, กตรสฺมิํ คาเม วา นิคเม วา นคเร วา รเฎฺฐ วา ชนปเท วาติ? น เหวํ วตฺตเพฺพ…เป.…ฯ
886. Sabbā disā buddhā tiṭṭhantīti? Āmantā. Puratthimāya disāya buddho tiṭṭhatīti? Na hevaṃ vattabbe…pe… puratthimāya disāya buddho tiṭṭhatīti? Āmantā. Kinnāmo so bhagavā, kiṃjacco, kiṃgotto, kinnāmā tassa bhagavato mātāpitaro, kinnāmaṃ tassa bhagavato sāvakayugaṃ, konāmo tassa bhagavato upaṭṭhāko, kīdisaṃ cīvaraṃ dhāreti, kīdisaṃ pattaṃ dhāreti, katarasmiṃ gāme vā nigame vā nagare vā raṭṭhe vā janapade vāti? Na hevaṃ vattabbe…pe….
ทกฺขิณาย ทิสาย…เป.… ปจฺฉิมาย ทิสาย…เป.… อุตฺตราย ทิสาย…เป.… เหฎฺฐิมาย ทิสาย พุโทฺธ ติฎฺฐตีติ? น เหวํ วตฺตเพฺพ…เป.… เหฎฺฐิมาย ทิสาย พุโทฺธ ติฎฺฐตีติ? อามนฺตาฯ กินฺนาโม โส ภควา…เป.… ชนปเท วาติ? น เหวํ วตฺตเพฺพ…เป.…ฯ
Dakkhiṇāya disāya…pe… pacchimāya disāya…pe… uttarāya disāya…pe… heṭṭhimāya disāya buddho tiṭṭhatīti? Na hevaṃ vattabbe…pe… heṭṭhimāya disāya buddho tiṭṭhatīti? Āmantā. Kinnāmo so bhagavā…pe… janapade vāti? Na hevaṃ vattabbe…pe….
อุปริมาย ทิสาย พุโทฺธ ติฎฺฐตีติ? น เหวํ วตฺตเพฺพ…เป.…ฯ อุปริมาย ทิสาย พุโทฺธ ติฎฺฐตีติ? อามนฺตาฯ จาตุมหาราชิเก ติฎฺฐติ…เป.… ตาวติํเส ติฎฺฐติ…เป.… ยาเม ติฎฺฐติ…เป.… ตุสิเต ติฎฺฐติ…เป.… นิมฺมานรติยา ติฎฺฐติ…เป.… ปรนิมฺมิตวสวตฺติยา ติฎฺฐติ…เป.… พฺรหฺมโลเก ติฎฺฐตีติ? น เหวํ วตฺตเพฺพ…เป.…ฯ
Uparimāya disāya buddho tiṭṭhatīti? Na hevaṃ vattabbe…pe…. Uparimāya disāya buddho tiṭṭhatīti? Āmantā. Cātumahārājike tiṭṭhati…pe… tāvatiṃse tiṭṭhati…pe… yāme tiṭṭhati…pe… tusite tiṭṭhati…pe… nimmānaratiyā tiṭṭhati…pe… paranimmitavasavattiyā tiṭṭhati…pe… brahmaloke tiṭṭhatīti? Na hevaṃ vattabbe…pe….
สพฺพทิสากถา นิฎฺฐิตาฯ
Sabbadisākathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๖. สพฺพทิสากถาวณฺณนา • 6. Sabbadisākathāvaṇṇanā
