| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೨೧. ಏಕವೀಸತಿಮವಗ್ಗೋ
21. Ekavīsatimavaggo
(೨೦೫) ೬. ಸಬ್ಬದಿಸಾಕಥಾ
(205) 6. Sabbadisākathā
೮೮೬. ಸಬ್ಬಾ ದಿಸಾ ಬುದ್ಧಾ ತಿಟ್ಠನ್ತೀತಿ? ಆಮನ್ತಾ। ಪುರತ್ಥಿಮಾಯ ದಿಸಾಯ ಬುದ್ಧೋ ತಿಟ್ಠತೀತಿ? ನ ಹೇವಂ ವತ್ತಬ್ಬೇ…ಪೇ॰… ಪುರತ್ಥಿಮಾಯ ದಿಸಾಯ ಬುದ್ಧೋ ತಿಟ್ಠತೀತಿ? ಆಮನ್ತಾ। ಕಿನ್ನಾಮೋ ಸೋ ಭಗವಾ, ಕಿಂಜಚ್ಚೋ, ಕಿಂಗೋತ್ತೋ, ಕಿನ್ನಾಮಾ ತಸ್ಸ ಭಗವತೋ ಮಾತಾಪಿತರೋ, ಕಿನ್ನಾಮಂ ತಸ್ಸ ಭಗವತೋ ಸಾವಕಯುಗಂ, ಕೋನಾಮೋ ತಸ್ಸ ಭಗವತೋ ಉಪಟ್ಠಾಕೋ, ಕೀದಿಸಂ ಚೀವರಂ ಧಾರೇತಿ, ಕೀದಿಸಂ ಪತ್ತಂ ಧಾರೇತಿ, ಕತರಸ್ಮಿಂ ಗಾಮೇ ವಾ ನಿಗಮೇ ವಾ ನಗರೇ ವಾ ರಟ್ಠೇ ವಾ ಜನಪದೇ ವಾತಿ? ನ ಹೇವಂ ವತ್ತಬ್ಬೇ…ಪೇ॰…।
886. Sabbā disā buddhā tiṭṭhantīti? Āmantā. Puratthimāya disāya buddho tiṭṭhatīti? Na hevaṃ vattabbe…pe… puratthimāya disāya buddho tiṭṭhatīti? Āmantā. Kinnāmo so bhagavā, kiṃjacco, kiṃgotto, kinnāmā tassa bhagavato mātāpitaro, kinnāmaṃ tassa bhagavato sāvakayugaṃ, konāmo tassa bhagavato upaṭṭhāko, kīdisaṃ cīvaraṃ dhāreti, kīdisaṃ pattaṃ dhāreti, katarasmiṃ gāme vā nigame vā nagare vā raṭṭhe vā janapade vāti? Na hevaṃ vattabbe…pe….
ದಕ್ಖಿಣಾಯ ದಿಸಾಯ…ಪೇ॰… ಪಚ್ಛಿಮಾಯ ದಿಸಾಯ…ಪೇ॰… ಉತ್ತರಾಯ ದಿಸಾಯ…ಪೇ॰… ಹೇಟ್ಠಿಮಾಯ ದಿಸಾಯ ಬುದ್ಧೋ ತಿಟ್ಠತೀತಿ? ನ ಹೇವಂ ವತ್ತಬ್ಬೇ…ಪೇ॰… ಹೇಟ್ಠಿಮಾಯ ದಿಸಾಯ ಬುದ್ಧೋ ತಿಟ್ಠತೀತಿ? ಆಮನ್ತಾ। ಕಿನ್ನಾಮೋ ಸೋ ಭಗವಾ…ಪೇ॰… ಜನಪದೇ ವಾತಿ? ನ ಹೇವಂ ವತ್ತಬ್ಬೇ…ಪೇ॰…।
Dakkhiṇāya disāya…pe… pacchimāya disāya…pe… uttarāya disāya…pe… heṭṭhimāya disāya buddho tiṭṭhatīti? Na hevaṃ vattabbe…pe… heṭṭhimāya disāya buddho tiṭṭhatīti? Āmantā. Kinnāmo so bhagavā…pe… janapade vāti? Na hevaṃ vattabbe…pe….
ಉಪರಿಮಾಯ ದಿಸಾಯ ಬುದ್ಧೋ ತಿಟ್ಠತೀತಿ? ನ ಹೇವಂ ವತ್ತಬ್ಬೇ…ಪೇ॰…। ಉಪರಿಮಾಯ ದಿಸಾಯ ಬುದ್ಧೋ ತಿಟ್ಠತೀತಿ? ಆಮನ್ತಾ। ಚಾತುಮಹಾರಾಜಿಕೇ ತಿಟ್ಠತಿ…ಪೇ॰… ತಾವತಿಂಸೇ ತಿಟ್ಠತಿ…ಪೇ॰… ಯಾಮೇ ತಿಟ್ಠತಿ…ಪೇ॰… ತುಸಿತೇ ತಿಟ್ಠತಿ…ಪೇ॰… ನಿಮ್ಮಾನರತಿಯಾ ತಿಟ್ಠತಿ…ಪೇ॰… ಪರನಿಮ್ಮಿತವಸವತ್ತಿಯಾ ತಿಟ್ಠತಿ…ಪೇ॰… ಬ್ರಹ್ಮಲೋಕೇ ತಿಟ್ಠತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Uparimāya disāya buddho tiṭṭhatīti? Na hevaṃ vattabbe…pe…. Uparimāya disāya buddho tiṭṭhatīti? Āmantā. Cātumahārājike tiṭṭhati…pe… tāvatiṃse tiṭṭhati…pe… yāme tiṭṭhati…pe… tusite tiṭṭhati…pe… nimmānaratiyā tiṭṭhati…pe… paranimmitavasavattiyā tiṭṭhati…pe… brahmaloke tiṭṭhatīti? Na hevaṃ vattabbe…pe….
ಸಬ್ಬದಿಸಾಕಥಾ ನಿಟ್ಠಿತಾ।
Sabbadisākathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೬. ಸಬ್ಬದಿಸಾಕಥಾವಣ್ಣನಾ • 6. Sabbadisākathāvaṇṇanā
