| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৬. সব্বদিসাকথাৰণ্ণনা
6. Sabbadisākathāvaṇṇanā
৮৮৬. ইদানি সব্বদিসাকথা নাম হোতি। তত্থ চতূসু দিসাসু হেট্ঠা উপরীতি সমন্ততো লোকধাতুসন্নিৰাসং, সব্বলোকধাতূসু চ বুদ্ধা অত্থীতি অত্তনো ৰিকপ্পসিপ্পং উপ্পাদেত্ৰা ‘‘সব্বদিসাসু বুদ্ধা তিট্ঠন্তী’’তি যেসং লদ্ধি, সেয্যথাপি মহাসঙ্ঘিকানং; তে সন্ধায পুচ্ছা সকৰাদিস্স, পটিঞ্ঞা ইতরস্স। পুরত্থিমাযাতি পুট্ঠো সক্যমুনিং সন্ধায পটিক্খিপতি। পুন পুট্ঠো লদ্ধিৰসেন অঞ্ঞলোকধাতুযং ঠিতং সন্ধায পটিজানাতি। কিন্নামো সো ভগৰাতিআদি ‘‘সচে ত্ৰং জানাসি, নামাদিৰসেন নং কথেহী’’তি চোদনত্থং ৰুত্তং। ইমিনা উপাযেন সব্বত্থ অত্থো ৰেদিতব্বোতি।
886. Idāni sabbadisākathā nāma hoti. Tattha catūsu disāsu heṭṭhā uparīti samantato lokadhātusannivāsaṃ, sabbalokadhātūsu ca buddhā atthīti attano vikappasippaṃ uppādetvā ‘‘sabbadisāsu buddhā tiṭṭhantī’’ti yesaṃ laddhi, seyyathāpi mahāsaṅghikānaṃ; te sandhāya pucchā sakavādissa, paṭiññā itarassa. Puratthimāyāti puṭṭho sakyamuniṃ sandhāya paṭikkhipati. Puna puṭṭho laddhivasena aññalokadhātuyaṃ ṭhitaṃ sandhāya paṭijānāti. Kinnāmo so bhagavātiādi ‘‘sace tvaṃ jānāsi, nāmādivasena naṃ kathehī’’ti codanatthaṃ vuttaṃ. Iminā upāyena sabbattha attho veditabboti.
সব্বদিসাকথাৰণ্ণনা।
Sabbadisākathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২০৫) ৬. সব্বদিসাকথা • (205) 6. Sabbadisākathā
