| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. саб̣б̣ад̣̇исаагат̇ааван̣н̣анаа
6. Sabbadisākathāvaṇṇanā
886. ид̣̇аани саб̣б̣ад̣̇исаагат̇аа наама ход̇и. д̇ад̇т̇а жад̇уусу д̣̇исаасу хздтаа убарийд̇и саманд̇ад̇о логад̇хаад̇усанниваасам̣, саб̣б̣алогад̇хаад̇уусу жа б̣уд̣̇д̇хаа ад̇т̇ийд̇и ад̇д̇ано вигаббасиббам̣ уббаад̣̇зд̇ваа ‘‘саб̣б̣ад̣̇исаасу б̣уд̣̇д̇хаа д̇идтанд̇ий’’д̇и язсам̣ лад̣̇д̇хи, сзяяат̇ааби махаасан̇гхигаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. бурад̇т̇имааяаад̇и будто сагяамуним̣ санд̇хааяа бадигкибад̇и. буна будто лад̣̇д̇хивасзна ан̃н̃алогад̇хаад̇уяам̣ тид̇ам̣ санд̇хааяа бадиж̇аанаад̇и. гиннаамо со бхаг̇аваад̇иаад̣̇и ‘‘сажз д̇вам̣ ж̇аанааси, наамаад̣̇ивасзна нам̣ гат̇зхий’’д̇и жод̣̇анад̇т̇ам̣ вуд̇д̇ам̣. иминаа убааязна саб̣б̣ад̇т̇а ад̇т̇о взд̣̇ид̇аб̣б̣од̇и.
886. Idāni sabbadisākathā nāma hoti. Tattha catūsu disāsu heṭṭhā uparīti samantato lokadhātusannivāsaṃ, sabbalokadhātūsu ca buddhā atthīti attano vikappasippaṃ uppādetvā ‘‘sabbadisāsu buddhā tiṭṭhantī’’ti yesaṃ laddhi, seyyathāpi mahāsaṅghikānaṃ; te sandhāya pucchā sakavādissa, paṭiññā itarassa. Puratthimāyāti puṭṭho sakyamuniṃ sandhāya paṭikkhipati. Puna puṭṭho laddhivasena aññalokadhātuyaṃ ṭhitaṃ sandhāya paṭijānāti. Kinnāmo so bhagavātiādi ‘‘sace tvaṃ jānāsi, nāmādivasena naṃ kathehī’’ti codanatthaṃ vuttaṃ. Iminā upāyena sabbattha attho veditabboti.
саб̣б̣ад̣̇исаагат̇ааван̣н̣анаа.
Sabbadisākathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (205) 6. саб̣б̣ад̣̇исаагат̇аа • (205) 6. Sabbadisākathā
