| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
6. සබ්‌බදිසාකථාවණ්‌ණනා
6. Sabbadisākathāvaṇṇanā
886. ඉදානි සබ්‌බදිසාකථා නාම හොති. තත්‌ථ චතූසු දිසාසු හෙට්‌ඨා උපරීති සමන්‌තතො ලොකධාතුසන්‌නිවාසං, සබ්‌බලොකධාතූසු ච බුද්‌ධා අත්‌ථීති අත්‌තනො විකප්‌පසිප්‌පං උප්‌පාදෙත්‌වා ‘‘සබ්‌බදිසාසු බුද්‌ධා තිට්‌ඨන්‌තී’’ති යෙසං ලද්‌ධි, සෙය්‍යථාපි මහාසඞ්‌ඝිකානං; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. පුරත්‌ථිමායාති පුට්‌ඨො සක්‍යමුනිං සන්‌ධාය පටික්‌ඛිපති. පුන පුට්‌ඨො ලද්‌ධිවසෙන අඤ්‌ඤලොකධාතුයං ඨිතං සන්‌ධාය පටිජානාති. කින්‌නාමො සො භගවාතිආදි ‘‘සචෙ ත්‌වං ජානාසි, නාමාදිවසෙන නං කථෙහී’’ති චොදනත්‌ථං වුත්‌තං. ඉමිනා උපායෙන සබ්‌බත්‌ථ අත්‌ථො වෙදිතබ්‌බොති.
886. Idāni sabbadisākathā nāma hoti. Tattha catūsu disāsu heṭṭhā uparīti samantato lokadhātusannivāsaṃ, sabbalokadhātūsu ca buddhā atthīti attano vikappasippaṃ uppādetvā ‘‘sabbadisāsu buddhā tiṭṭhantī’’ti yesaṃ laddhi, seyyathāpi mahāsaṅghikānaṃ; te sandhāya pucchā sakavādissa, paṭiññā itarassa. Puratthimāyāti puṭṭho sakyamuniṃ sandhāya paṭikkhipati. Puna puṭṭho laddhivasena aññalokadhātuyaṃ ṭhitaṃ sandhāya paṭijānāti. Kinnāmo so bhagavātiādi ‘‘sace tvaṃ jānāsi, nāmādivasena naṃ kathehī’’ti codanatthaṃ vuttaṃ. Iminā upāyena sabbattha attho veditabboti.
සබ්‌බදිසාකථාවණ්‌ණනා.
Sabbadisākathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (205) 6. සබ්‌බදිසාකථා • (205) 6. Sabbadisākathā
