| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
১৪. সব্বকামিত্থেরগাথা
14. Sabbakāmittheragāthā
৪৫৩.
453.
নানাকুণপপরিপূরো, ৰিস্সৰন্তো ততো ততো॥
Nānākuṇapaparipūro, vissavanto tato tato.
৪৫৪.
454.
‘‘মিগং নিলীনং কূটেন, বল়িসেনেৰ অম্বুজং।
‘‘Migaṃ nilīnaṃ kūṭena, baḷiseneva ambujaṃ;
ৰানরং ৰিয লেপেন, বাধযন্তি পুথুজ্জনং॥
Vānaraṃ viya lepena, bādhayanti puthujjanaṃ.
৪৫৫.
455.
‘‘রূপা সদ্দা রসা গন্ধা, ফোট্ঠব্বা চ মনোরমা।
‘‘Rūpā saddā rasā gandhā, phoṭṭhabbā ca manoramā;
পঞ্চ কামগুণা এতে, ইত্থিরূপস্মি দিস্সরে॥
Pañca kāmaguṇā ete, itthirūpasmi dissare.
৪৫৬.
456.
‘‘যে এতা উপসেৰন্তি, রত্তচিত্তা পুথুজ্জনা।
‘‘Ye etā upasevanti, rattacittā puthujjanā;
ৰড্ঢেন্তি কটসিং ঘোরং, আচিনন্তি পুনব্ভৰং॥
Vaḍḍhenti kaṭasiṃ ghoraṃ, ācinanti punabbhavaṃ.
৪৫৭.
457.
‘‘যো চেতা পরিৰজ্জেতি, সপ্পস্সেৰ পদা সিরো।
‘‘Yo cetā parivajjeti, sappasseva padā siro;
সোমং ৰিসত্তিকং লোকে, সতো সমতিৰত্ততি॥
Somaṃ visattikaṃ loke, sato samativattati.
৪৫৮.
458.
‘‘কামেস্ৰাদীনৰং দিস্ৰা, নেক্খম্মং দট্ঠু খেমতো।
‘‘Kāmesvādīnavaṃ disvā, nekkhammaṃ daṭṭhu khemato;
নিস্সটো সব্বকামেহি, পত্তো মে আসৰক্খযো’’তি॥
Nissaṭo sabbakāmehi, patto me āsavakkhayo’’ti.
… সব্বকামিত্থেরো…।
… Sabbakāmitthero….
ছক্কনিপাতো নিট্ঠিতো।
Chakkanipāto niṭṭhito.
তত্রুদ্দানং –
Tatruddānaṃ –
উরুৰেল়কস্সপো চ, থেরো তেকিচ্ছকারি চ।
Uruveḷakassapo ca, thero tekicchakāri ca;
কাতিযানো মিগজালো, জেন্তো সুমনসৰ্হযো।
Kātiyāno migajālo, jento sumanasavhayo;
ন্হাতমুনি ব্রহ্মদত্তো, সিরিমণ্ডো সব্বকামী চ।
Nhātamuni brahmadatto, sirimaṇḍo sabbakāmī ca;
গাথাযো চতুরাসীতি, থেরা চেত্থ চতুদ্দসাতি॥
Gāthāyo caturāsīti, therā cettha catuddasāti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ১৪. সব্বকামিত্থেরগাথাৰণ্ণনা • 14. Sabbakāmittheragāthāvaṇṇanā
