| Library / Tipiṭaka / ਤਿਪਿਟਕ • Tipiṭaka / ਥੇਰਗਾਥਾਪਾਲ਼ਿ • Theragāthāpāḷi |
੧੪. ਸਬ੍ਬਕਾਮਿਤ੍ਥੇਰਗਾਥਾ
14. Sabbakāmittheragāthā
੪੫੩.
453.
ਨਾਨਾਕੁਣਪਪਰਿਪੂਰੋ, વਿਸ੍ਸવਨ੍ਤੋ ਤਤੋ ਤਤੋ॥
Nānākuṇapaparipūro, vissavanto tato tato.
੪੫੪.
454.
‘‘ਮਿਗਂ ਨਿਲੀਨਂ ਕੂਟੇਨ, ਬਲ਼ਿਸੇਨੇવ ਅਮ੍ਬੁਜਂ।
‘‘Migaṃ nilīnaṃ kūṭena, baḷiseneva ambujaṃ;
વਾਨਰਂ વਿਯ ਲੇਪੇਨ, ਬਾਧਯਨ੍ਤਿ ਪੁਥੁਜ੍ਜਨਂ॥
Vānaraṃ viya lepena, bādhayanti puthujjanaṃ.
੪੫੫.
455.
‘‘ਰੂਪਾ ਸਦ੍ਦਾ ਰਸਾ ਗਨ੍ਧਾ, ਫੋਟ੍ਠਬ੍ਬਾ ਚ ਮਨੋਰਮਾ।
‘‘Rūpā saddā rasā gandhā, phoṭṭhabbā ca manoramā;
ਪਞ੍ਚ ਕਾਮਗੁਣਾ ਏਤੇ, ਇਤ੍ਥਿਰੂਪਸ੍ਮਿ ਦਿਸ੍ਸਰੇ॥
Pañca kāmaguṇā ete, itthirūpasmi dissare.
੪੫੬.
456.
‘‘ਯੇ ਏਤਾ ਉਪਸੇવਨ੍ਤਿ, ਰਤ੍ਤਚਿਤ੍ਤਾ ਪੁਥੁਜ੍ਜਨਾ।
‘‘Ye etā upasevanti, rattacittā puthujjanā;
વਡ੍ਢੇਨ੍ਤਿ ਕਟਸਿਂ ਘੋਰਂ, ਆਚਿਨਨ੍ਤਿ ਪੁਨਬ੍ਭવਂ॥
Vaḍḍhenti kaṭasiṃ ghoraṃ, ācinanti punabbhavaṃ.
੪੫੭.
457.
‘‘ਯੋ ਚੇਤਾ ਪਰਿવਜ੍ਜੇਤਿ, ਸਪ੍ਪਸ੍ਸੇવ ਪਦਾ ਸਿਰੋ।
‘‘Yo cetā parivajjeti, sappasseva padā siro;
ਸੋਮਂ વਿਸਤ੍ਤਿਕਂ ਲੋਕੇ, ਸਤੋ ਸਮਤਿવਤ੍ਤਤਿ॥
Somaṃ visattikaṃ loke, sato samativattati.
੪੫੮.
458.
‘‘ਕਾਮੇਸ੍વਾਦੀਨવਂ ਦਿਸ੍વਾ, ਨੇਕ੍ਖਮ੍ਮਂ ਦਟ੍ਠੁ ਖੇਮਤੋ।
‘‘Kāmesvādīnavaṃ disvā, nekkhammaṃ daṭṭhu khemato;
ਨਿਸ੍ਸਟੋ ਸਬ੍ਬਕਾਮੇਹਿ, ਪਤ੍ਤੋ ਮੇ ਆਸવਕ੍ਖਯੋ’’ਤਿ॥
Nissaṭo sabbakāmehi, patto me āsavakkhayo’’ti.
… ਸਬ੍ਬਕਾਮਿਤ੍ਥੇਰੋ…।
… Sabbakāmitthero….
ਛਕ੍ਕਨਿਪਾਤੋ ਨਿਟ੍ਠਿਤੋ।
Chakkanipāto niṭṭhito.
ਤਤ੍ਰੁਦ੍ਦਾਨਂ –
Tatruddānaṃ –
ਉਰੁવੇਲ਼ਕਸ੍ਸਪੋ ਚ, ਥੇਰੋ ਤੇਕਿਚ੍ਛਕਾਰਿ ਚ।
Uruveḷakassapo ca, thero tekicchakāri ca;
ਕਾਤਿਯਾਨੋ ਮਿਗਜਾਲੋ, ਜੇਨ੍ਤੋ ਸੁਮਨਸવ੍ਹਯੋ।
Kātiyāno migajālo, jento sumanasavhayo;
ਨ੍ਹਾਤਮੁਨਿ ਬ੍ਰਹ੍ਮਦਤ੍ਤੋ, ਸਿਰਿਮਣ੍ਡੋ ਸਬ੍ਬਕਾਮੀ ਚ।
Nhātamuni brahmadatto, sirimaṇḍo sabbakāmī ca;
ਗਾਥਾਯੋ ਚਤੁਰਾਸੀਤਿ, ਥੇਰਾ ਚੇਤ੍ਥ ਚਤੁਦ੍ਦਸਾਤਿ॥
Gāthāyo caturāsīti, therā cettha catuddasāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਥੇਰਗਾਥਾ-ਅਟ੍ਠਕਥਾ • Theragāthā-aṭṭhakathā / ੧੪. ਸਬ੍ਬਕਾਮਿਤ੍ਥੇਰਗਾਥਾવਣ੍ਣਨਾ • 14. Sabbakāmittheragāthāvaṇṇanā
