315. Sabbamaṃsalābhajātakaṃ (4-2-5)

57.

Pharusā vata te vācā, maṃsaṃ ³ yācanako asi ⁴;

Kilomasadisī ⁶ vācā, kilomaṃ samma dammi te.

58.

Aṅgametaṃ manussānaṃ, bhātā loke pavuccati;

Aṅgassa sadisī vācā ⁸, aṅgaṃ samma dadāmi te.

59.

Tātāti putto vadamāno, kampeti ¹⁰ hadayaṃ pitu;

Hadayassa sadisī ¹² vācā, hadayaṃ samma dammi te.

60.

Yassa gāme sakhā natthi, yathāraññaṃ tatheva taṃ;

Sabbassa sadisī vācā, sabbaṃ samma dadāmi teti.

Sabbamaṃsalābhajātakaṃ ¹⁴ pañcamaṃ.