| Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi |
5. ஸப்³ப³மத்தீ²திகதா²
5. Sabbamatthītikathā
1. வாத³யுத்தி
1. Vādayutti
282. ஸப்³ப³மத்தீ²தி ? ஆமந்தா. ஸப்³ப³த்த² ஸப்³ப³மத்தீ²தி? ந ஹேவங் வத்தப்³பே³. ஸப்³ப³மத்தீ²தி? ஆமந்தா. ஸப்³ப³தா³ ஸப்³ப³மத்தீ²தி? ந ஹேவங் வத்தப்³பே³. ஸப்³ப³மத்தீ²தி? ஆமந்தா. ஸப்³பே³ன ஸப்³ப³ங் ஸப்³ப³மத்தீ²தி? ந ஹேவங் வத்தப்³பே³. ஸப்³ப³மத்தீ²தி? ஆமந்தா. ஸப்³பே³ஸு ஸப்³ப³மத்தீ²தி? ந ஹேவங் வத்தப்³பே³. ஸப்³ப³மத்தீ²தி? ஆமந்தா. அயோக³ந்தி கத்வா ஸப்³ப³மத்தீ²தி? ந ஹேவங் வத்தப்³பே³. ஸப்³ப³மத்தீ²தி? ஆமந்தா. யம்பி நத்தி², தம்பத்தீ²தி? ந ஹேவங் வத்தப்³பே³. ஸப்³ப³மத்தீ²தி? ஆமந்தா. ஸப்³ப³மத்தீ²தி யா தி³ட்டி² ஸா தி³ட்டி² மிச்சா²தி³ட்டீ²தி, யா தி³ட்டி² ஸா தி³ட்டி² ஸம்மாதி³ட்டீ²தி, ஹேவமத்தீ²தி? ந ஹேவங் வத்தப்³பே³. (ஸங்கி²த்தங்). வாத³யுத்தி.
282. Sabbamatthīti ? Āmantā. Sabbattha sabbamatthīti? Na hevaṃ vattabbe. Sabbamatthīti? Āmantā. Sabbadā sabbamatthīti? Na hevaṃ vattabbe. Sabbamatthīti? Āmantā. Sabbena sabbaṃ sabbamatthīti? Na hevaṃ vattabbe. Sabbamatthīti? Āmantā. Sabbesu sabbamatthīti? Na hevaṃ vattabbe. Sabbamatthīti? Āmantā. Ayoganti katvā sabbamatthīti? Na hevaṃ vattabbe. Sabbamatthīti? Āmantā. Yampi natthi, tampatthīti? Na hevaṃ vattabbe. Sabbamatthīti? Āmantā. Sabbamatthīti yā diṭṭhi sā diṭṭhi micchādiṭṭhīti, yā diṭṭhi sā diṭṭhi sammādiṭṭhīti, hevamatthīti? Na hevaṃ vattabbe. (Saṃkhittaṃ). Vādayutti.
2. காலஸங்ஸந்த³னா
2. Kālasaṃsandanā
283. அதீதங் அத்தீ²தி? ஆமந்தா. நனு அதீதங் நிருத்³த⁴ங் விக³தங் விபரிணதங் அத்த²ங்க³தங் அப்³ப⁴த்த²ங்க³தந்தி? ஆமந்தா. ஹஞ்சி அதீதங் நிருத்³த⁴ங் விக³தங் விபரிணதங் அத்த²ங்க³தங் அப்³ப⁴த்த²ங்க³தங், நோ ச வத ரே வத்தப்³பே³ – ‘‘அதீதங் அத்தீ²’’தி.
283. Atītaṃ atthīti? Āmantā. Nanu atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ, no ca vata re vattabbe – ‘‘atītaṃ atthī’’ti.
அனாக³தங் அத்தீ²தி? ஆமந்தா. நனு அனாக³தங் அஜாதங் அபூ⁴தங் அஸஞ்ஜாதங் அனிப்³ப³த்தங் அனபி⁴னிப்³ப³த்தங் அபாதுபூ⁴தந்தி? ஆமந்தா. ஹஞ்சி அனாக³தங் அஜாதங் அபூ⁴தங் அஸஞ்ஜாதங் அனிப்³ப³த்தங் அனபி⁴னிப்³ப³த்தங் அபாதுபூ⁴தங், நோ ச வத ரே வத்தப்³பே³ – ‘‘அனாக³தங் அத்தீ²’’தி.
Anāgataṃ atthīti? Āmantā. Nanu anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ, no ca vata re vattabbe – ‘‘anāgataṃ atthī’’ti.
பச்சுப்பன்னங் அத்தி² பச்சுப்பன்னங் அனிருத்³த⁴ங் அவிக³தங் அவிபரிணதங் ந அத்த²ங்க³தங் ந அப்³ப⁴த்த²ங்க³தந்தி? ஆமந்தா. அதீதங் அத்தி² அதீதங் அனிருத்³த⁴ங் அவிக³தங் அவிபரிணதங் ந அத்த²ங்க³தங் ந அப்³ப⁴த்த²ங்க³தந்தி? ந ஹேவங் வத்தப்³பே³…பே॰… பச்சுப்பன்னங் அத்தி² பச்சுப்பன்னங் ஜாதங் பூ⁴தங் ஸஞ்ஜாதங் நிப்³ப³த்தங் அபி⁴னிப்³ப³த்தங் பாதுபூ⁴தந்தி? ஆமந்தா. அனாக³தங் அத்தி² அனாக³தங் ஜாதங் பூ⁴தங் ஸஞ்ஜாதங் நிப்³ப³த்தங் அபி⁴னிப்³ப³த்தங் பாதுபூ⁴தந்தி? ந ஹேவங் வத்தப்³பே³…பே॰….
Paccuppannaṃ atthi paccuppannaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ atthi atītaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe…pe… paccuppannaṃ atthi paccuppannaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ atthi anāgataṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe…pe….
அதீதங் அத்தி² அதீதங் நிருத்³த⁴ங் விக³தங் விபரிணதங் அத்த²ங்க³தங் அப்³ப⁴த்த²ங்க³தந்தி? ஆமந்தா. பச்சுப்பன்னங் அத்தி² பச்சுப்பன்னங் நிருத்³த⁴ங் விக³தங் விபரிணதங் அத்த²ங்க³தங் அப்³ப⁴த்த²ங்க³தந்தி? ந ஹேவங் வத்தப்³பே³…பே॰… அனாக³தங் அத்தி² அனாக³தங் அஜாதங் அபூ⁴தங் அஸஞ்ஜாதங் அனிப்³ப³த்தங் அனபி⁴னிப்³ப³த்தங் அபாதுபூ⁴தந்தி? ஆமந்தா. பச்சுப்பன்னங் அத்தி² பச்சுப்பன்னங் அஜாதங் அபூ⁴தங் அஸஞ்ஜாதங் அனிப்³ப³த்தங் அனபி⁴னிப்³ப³த்தங் அபாதுபூ⁴தந்தி? ந ஹேவங் வத்தப்³பே³.
Atītaṃ atthi atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ atthi paccuppannaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe…pe… anāgataṃ atthi anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ atthi paccuppannaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
284. அதீதங் ரூபங் அத்தீ²தி? ஆமந்தா. நனு அதீதங் ரூபங் நிருத்³த⁴ங் விக³தங் விபரிணதங் அத்த²ங்க³தங் அப்³ப⁴த்த²ங்க³தந்தி? ஆமந்தா. ஹஞ்சி அதீதங் ரூபங் நிருத்³த⁴ங்…பே॰… அப்³ப⁴த்த²ங்க³தங், நோ ச வத ரே வத்தப்³பே³ – ‘‘அதீதங் ரூபங் அத்தீ²’’தி.
284. Atītaṃ rūpaṃ atthīti? Āmantā. Nanu atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ rūpaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ rūpaṃ atthī’’ti.
அனாக³தங் ரூபங் அத்தீ²தி? ஆமந்தா. நனு அனாக³தங் ரூபங் அஜாதங் அபூ⁴தங் அஸஞ்ஜாதங் அனிப்³ப³த்தங் அனபி⁴னிப்³ப³த்தங் அபாதுபூ⁴தந்தி? ஆமந்தா. ஹஞ்சி அனாக³தங் ரூபங் அஜாதங்…பே॰… அபாதுபூ⁴தங், நோ ச வத ரே வத்தப்³பே³ – ‘‘அனாக³தங் ரூபங் அத்தீ²’’தி.
Anāgataṃ rūpaṃ atthīti? Āmantā. Nanu anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ rūpaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ rūpaṃ atthī’’ti.
பச்சுப்பன்னங் ரூபங் அத்தி² பச்சுப்பன்னங் ரூபங் அனிருத்³த⁴ங் அவிக³தங் அவிபரிணதங் ந அத்த²ங்க³தங் ந அப்³ப⁴த்த²ங்க³தந்தி? ஆமந்தா. அதீதங் ரூபங் அத்தி² அதீதங் ரூபங் அனிருத்³த⁴ங் அவிக³தங் அவிபரிணதங் ந அத்த²ங்க³தங் ந அப்³ப⁴த்த²ங்க³தந்தி? ந ஹேவங் வத்தப்³பே³.
Paccuppannaṃ rūpaṃ atthi paccuppannaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ rūpaṃ atthi atītaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe.
பச்சுப்பன்னங் ரூபங் அத்தி² பச்சுப்பன்னங் ரூபங் ஜாதங் பூ⁴தங் ஸஞ்ஜாதங் நிப்³ப³த்தங் அபி⁴னிப்³ப³த்தங் பாதுபூ⁴தந்தி? ஆமந்தா. அனாக³தங் ரூபங் அத்தி² அனாக³தங் ரூபங் ஜாதங் பூ⁴தங் ஸஞ்ஜாதங் நிப்³ப³த்தங் அபி⁴னிப்³ப³த்தங் பாதுபூ⁴தந்தி? ந ஹேவங் வத்தப்³பே³.
Paccuppannaṃ rūpaṃ atthi paccuppannaṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ rūpaṃ atthi anāgataṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe.
அதீதங் ரூபங் அத்தி² அதீதங் ரூபங் நிருத்³த⁴ங் விக³தங் விபரிணதங் அத்த²ங்க³தங் அப்³ப⁴த்த²ங்க³தந்தி? ஆமந்தா. பச்சுப்பன்னங் ரூபங் அத்தி² பச்சுப்பன்னங் ரூபங் நிருத்³த⁴ங் விக³தங் விபரிணதங் அத்த²ங்க³தங் அப்³ப⁴த்த²ங்க³தந்தி? ந ஹேவங் வத்தப்³பே³.
Atītaṃ rūpaṃ atthi atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ rūpaṃ atthi paccuppannaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe.
அனாக³தங் ரூபங் அத்தி² அனாக³தங் ரூபங் அஜாதங் அபூ⁴தங் அஸஞ்ஜாதங் அனிப்³ப³த்தங் அனபி⁴னிப்³ப³த்தங் அபாதுபூ⁴தந்தி? ஆமந்தா. பச்சுப்பன்னங் ரூபங் அத்தி² பச்சுப்பன்னங் ரூபங் அஜாதங் அபூ⁴தங் அஸஞ்ஜாதங் அனிப்³ப³த்தங் அனபி⁴னிப்³ப³த்தங் அபாதுபூ⁴தந்தி? ந ஹேவங் வத்தப்³பே³.
Anāgataṃ rūpaṃ atthi anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ rūpaṃ atthi paccuppannaṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
அதீதா வேத³னா அத்தி²…பே॰… ஸஞ்ஞா அத்தி², ஸங்கா²ரா அத்தி², விஞ்ஞாணங் அத்தீ²தி? ஆமந்தா. நனு அதீதங் விஞ்ஞாணங் நிருத்³த⁴ங் விக³தங் விபரிணதங் அத்த²ங்க³தங் அப்³ப⁴த்த²ங்க³தந்தி? ஆமந்தா . ஹஞ்சி அதீதங் விஞ்ஞாணங் நிருத்³த⁴ங்…பே॰… அப்³ப⁴த்த²ங்க³தங், நோ ச வத ரே வத்தப்³பே³ – ‘‘அதீதங் விஞ்ஞாணங் அத்தீ²’’தி.
Atītā vedanā atthi…pe… saññā atthi, saṅkhārā atthi, viññāṇaṃ atthīti? Āmantā. Nanu atītaṃ viññāṇaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā . Hañci atītaṃ viññāṇaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ viññāṇaṃ atthī’’ti.
அனாக³தங் விஞ்ஞாணங் அத்தீ²தி? ஆமந்தா. நனு அனாக³தங் விஞ்ஞாணங் அஜாதங் அபூ⁴தங் அஸஞ்ஜாதங் அனிப்³ப³த்தங் அனபி⁴னிப்³ப³த்தங் அபாதுபூ⁴தந்தி? ஆமந்தா. ஹஞ்சி அனாக³தங் விஞ்ஞாணங் அஜாதங்…பே॰… அபாதுபூ⁴தங், நோ ச வத ரே வத்தப்³பே³ – ‘‘அனாக³தங் விஞ்ஞாணங் அத்தீ²’’தி.
Anāgataṃ viññāṇaṃ atthīti? Āmantā. Nanu anāgataṃ viññāṇaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ viññāṇaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ viññāṇaṃ atthī’’ti.
பச்சுப்பன்னங் விஞ்ஞாணங் அத்தி² பச்சுப்பன்னங் விஞ்ஞாணங் அனிருத்³த⁴ங்…பே॰… ந அப்³ப⁴த்த²ங்க³தந்தி? ஆமந்தா. அதீதங் விஞ்ஞாணங் அத்தி² அதீதங் விஞ்ஞாணங் அனிருத்³த⁴ங்…பே॰… ந அப்³ப⁴த்த²ங்க³தந்தி? ந ஹேவங் வத்தப்³பே³.
Paccuppannaṃ viññāṇaṃ atthi paccuppannaṃ viññāṇaṃ aniruddhaṃ…pe… na abbhatthaṅgatanti? Āmantā. Atītaṃ viññāṇaṃ atthi atītaṃ viññāṇaṃ aniruddhaṃ…pe… na abbhatthaṅgatanti? Na hevaṃ vattabbe.
பச்சுப்பன்னங் விஞ்ஞாணங் அத்தி² பச்சுப்பன்னங் விஞ்ஞாணங் ஜாதங்…பே॰… பாதுபூ⁴தந்தி? ஆமந்தா. அனாக³தங் விஞ்ஞாணங் அத்தி² அனாக³தங் விஞ்ஞாணங் ஜாதங்…பே॰… பாதுபூ⁴தந்தி? ந ஹேவங் வத்தப்³பே³.
Paccuppannaṃ viññāṇaṃ atthi paccuppannaṃ viññāṇaṃ jātaṃ…pe… pātubhūtanti? Āmantā. Anāgataṃ viññāṇaṃ atthi anāgataṃ viññāṇaṃ jātaṃ…pe… pātubhūtanti? Na hevaṃ vattabbe.
அதீதங் விஞ்ஞாணங் அத்தி² அதீதங் விஞ்ஞாணங் நிருத்³த⁴ங்…பே॰… அப்³ப⁴த்த²ங்க³தந்தி? ஆமந்தா. பச்சுப்பன்னங் விஞ்ஞாணங் அத்தி² பச்சுப்பன்னங் விஞ்ஞாணங் நிருத்³த⁴ங்…பே॰… அப்³ப⁴த்த²ங்க³தந்தி? ந ஹேவங் வத்தப்³பே³. அனாக³தங் விஞ்ஞாணங் அத்தி² அனாக³தங் விஞ்ஞாணங் அஜாதங்…பே॰… அபாதுபூ⁴தந்தி? ஆமந்தா.
Atītaṃ viññāṇaṃ atthi atītaṃ viññāṇaṃ niruddhaṃ…pe… abbhatthaṅgatanti? Āmantā. Paccuppannaṃ viññāṇaṃ atthi paccuppannaṃ viññāṇaṃ niruddhaṃ…pe… abbhatthaṅgatanti? Na hevaṃ vattabbe. Anāgataṃ viññāṇaṃ atthi anāgataṃ viññāṇaṃ ajātaṃ…pe… apātubhūtanti? Āmantā.
பச்சுப்பன்னங் விஞ்ஞாணங் அத்தி² பச்சுப்பன்னங் விஞ்ஞாணங் அஜாதங்…பே॰… அபாதுபூ⁴தந்தி? ந ஹேவங் வத்தப்³பே³.
Paccuppannaṃ viññāṇaṃ atthi paccuppannaṃ viññāṇaṃ ajātaṃ…pe… apātubhūtanti? Na hevaṃ vattabbe.
285. ‘‘பச்சுப்பன்னந்தி வா ரூப’’ந்தி வா, ‘‘ரூபந்தி வா பச்சுப்பன்ன’’ந்தி வா பச்சுப்பன்னங் ரூபங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. பச்சுப்பன்னங் ரூபங் நிருஜ்ஜ²மானங் பச்சுப்பன்னபா⁴வங் ஜஹதீதி? ஆமந்தா. ரூபபா⁴வங் ஜஹதீதி? ந ஹேவங் வத்தப்³பே³…பே॰….
285. ‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ paccuppannabhāvaṃ jahatīti? Āmantā. Rūpabhāvaṃ jahatīti? Na hevaṃ vattabbe…pe….
‘‘பச்சுப்பன்னந்தி வா ரூப’’ந்தி வா, ‘‘ரூபந்தி வா பச்சுப்பன்ன’’ந்தி வா பச்சுப்பன்னங் ரூபங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. பச்சுப்பன்னங் ரூபங் நிருஜ்ஜ²மானங் ரூபபா⁴வங் ந ஜஹதீதி? ஆமந்தா. பச்சுப்பன்னபா⁴வங் ந ஜஹதீதி? ந ஹேவங் வத்தப்³பே³…பே॰….
‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ rūpabhāvaṃ na jahatīti? Āmantā. Paccuppannabhāvaṃ na jahatīti? Na hevaṃ vattabbe…pe….
‘‘ஓதா³தந்தி வா வத்த²’’ந்தி வா, ‘‘வத்த²ந்தி வா ஓதா³த’’ந்தி வா ஓதா³தங் வத்த²ங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. ஓதா³தங் வத்த²ங் ரஜ்ஜமானங் ஓதா³தபா⁴வங் ஜஹதீதி? ஆமந்தா. வத்த²பா⁴வங் ஜஹதீதி? ந ஹேவங் வத்தப்³பே³.
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ odātabhāvaṃ jahatīti? Āmantā. Vatthabhāvaṃ jahatīti? Na hevaṃ vattabbe.
‘‘ஓதா³தந்தி வா வத்த²’’ந்தி வா, ‘‘வத்த²ந்தி வா ஓதா³த’’ந்தி வா ஓதா³தங் வத்த²ங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. ஓதா³தங் வத்த²ங் ரஜ்ஜமானங் வத்த²பா⁴வங் ந ஜஹதீதி? ஆமந்தா. ஓதா³தபா⁴வங் ந ஜஹதீதி? ந ஹேவங் வத்தப்³பே³.…பே॰….
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ vatthabhāvaṃ na jahatīti? Āmantā. Odātabhāvaṃ na jahatīti? Na hevaṃ vattabbe.…Pe….
286. ரூபங் ரூபபா⁴வங் ந ஜஹதீதி? ஆமந்தா. ரூபங் நிச்சங் து⁴வங் ஸஸ்ஸதங் அவிபரிணாமத⁴ம்மந்தி ? ந ஹேவங் வத்தப்³பே³. நனு ரூபங் ரூபபா⁴வங் ந ஜஹதீதி ரூபங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ஆமந்தா. ஹஞ்சி ரூபங் அனிச்சங் அது⁴வங் அஸஸ்ஸதங் விபரிணாமத⁴ம்மங், நோ ச வத ரே வத்தப்³பே³ – ‘‘ரூபங் ரூபபா⁴வங் ந ஜஹதீ’’தி.
286. Rūpaṃ rūpabhāvaṃ na jahatīti? Āmantā. Rūpaṃ niccaṃ dhuvaṃ sassataṃ avipariṇāmadhammanti ? Na hevaṃ vattabbe. Nanu rūpaṃ rūpabhāvaṃ na jahatīti rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci rūpaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘rūpaṃ rūpabhāvaṃ na jahatī’’ti.
நிப்³பா³னங் நிப்³பா³னபா⁴வங் ந ஜஹதீதி நிப்³பா³னங் நிச்சங் து⁴வங் ஸஸ்ஸதங் அவிபரிணாமத⁴ம்மந்தி? ஆமந்தா. ரூபங் ரூபபா⁴வங் ந ஜஹதீதி 1 ரூபங் நிச்சங் து⁴வங் ஸஸ்ஸதங் அவிபரிணாமத⁴ம்மந்தி? ந ஹேவங் வத்தப்³பே³…பே॰… ரூபங் ரூபபா⁴வங் ந ஜஹதி ரூபங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ஆமந்தா. நிப்³பா³னங் நிப்³பா³னபா⁴வங் ந ஜஹதி நிப்³பா³னங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ந ஹேவங் வத்தப்³பே³…பே॰….
Nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti? Āmantā. Rūpaṃ rūpabhāvaṃ na jahatīti 2 rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… rūpaṃ rūpabhāvaṃ na jahati rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
அதீதங் அத்தி² அதீதங் அதீதபா⁴வங் ந ஜஹதீதி? ஆமந்தா. அனாக³தங் அத்தி² அனாக³தங் அனாக³தபா⁴வங் ந ஜஹதீதி? ந ஹேவங் வத்தப்³பே³. அதீதங் அத்தி² அதீதங் அதீதபா⁴வங் ந ஜஹதீதி? ஆமந்தா. பச்சுப்பன்னங் அத்தி² பச்சுப்பன்னங் பச்சுப்பன்னபா⁴வங் ந ஜஹதீதி? ந ஹேவங் வத்தப்³பே³…பே॰….
Atītaṃ atthi atītaṃ atītabhāvaṃ na jahatīti? Āmantā. Anāgataṃ atthi anāgataṃ anāgatabhāvaṃ na jahatīti? Na hevaṃ vattabbe. Atītaṃ atthi atītaṃ atītabhāvaṃ na jahatīti? Āmantā. Paccuppannaṃ atthi paccuppannaṃ paccuppannabhāvaṃ na jahatīti? Na hevaṃ vattabbe…pe….
அதீதங் அத்தி² அதீதங் அதீதபா⁴வங் ந ஜஹதீதி? ஆமந்தா. அதீதங் நிச்சங் து⁴வங் ஸஸ்ஸதங் அவிபரிணாமத⁴ம்மந்தி? ந ஹேவங் வத்தப்³பே³…பே॰… நனு அதீதங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ஆமந்தா. ஹஞ்சி அதீதங் அனிச்சங் அது⁴வங் அஸஸ்ஸதங் விபரிணாமத⁴ம்மங், நோ ச வத ரே வத்தப்³பே³ – ‘‘அதீதங் அத்தி² அதீதங் அதீதபா⁴வங் ந ஜஹதீ’’தி.
Atītaṃ atthi atītaṃ atītabhāvaṃ na jahatīti? Āmantā. Atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ atthi atītaṃ atītabhāvaṃ na jahatī’’ti.
நிப்³பா³னங் அத்தி² நிப்³பா³னங் நிப்³பா³னபா⁴வங் ந ஜஹதீதி நிப்³பா³னங் நிச்சங் து⁴வங் ஸஸ்ஸதங் அவிபரிணாமத⁴ம்மந்தி ? ஆமந்தா. அதீதங் அத்தி² அதீதங் அதீதபா⁴வங் ந ஜஹதீதி அதீதங் நிச்சங் து⁴வங் ஸஸ்ஸதங் அவிபரிணாமத⁴ம்மந்தி? ந ஹேவங் வத்தப்³பே³…பே॰….
Nibbānaṃ atthi nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti ? Āmantā. Atītaṃ atthi atītaṃ atītabhāvaṃ na jahatīti atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe….
அதீதங் அத்தி² அதீதங் அதீதபா⁴வங் ந ஜஹதி அதீதங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ஆமந்தா. நிப்³பா³னங் அத்தி² நிப்³பா³னங் நிப்³பா³னபா⁴வங் ந ஜஹதி நிப்³பா³னங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ந ஹேவங் வத்தப்³பே³…பே॰….
Atītaṃ atthi atītaṃ atītabhāvaṃ na jahati atītaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
287. அதீதங் ரூபங் அத்தி² அதீதங் ரூபங் அதீதபா⁴வங் ந ஜஹதீதி? ஆமந்தா. அனாக³தங் ரூபங் அத்தி² அனாக³தங் ரூபங் அனாக³தபா⁴வங் ந ஜஹதீதி? ந ஹேவங் வத்தப்³பே³…பே॰… அதீதங் ரூபங் அத்தி² அதீதங் ரூபங் அதீதபா⁴வங் ந ஜஹதீதி? ஆமந்தா. பச்சுப்பன்னங் ரூபங் அத்தி² பச்சுப்பன்னங் ரூபங் பச்சுப்பன்னபா⁴வங் ந ஜஹதீதி? ந ஹேவங் வத்தப்³பே³…பே॰….
287. Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Anāgataṃ rūpaṃ atthi anāgataṃ rūpaṃ anāgatabhāvaṃ na jahatīti? Na hevaṃ vattabbe…pe… atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Paccuppannaṃ rūpaṃ atthi paccuppannaṃ rūpaṃ paccuppannabhāvaṃ na jahatīti? Na hevaṃ vattabbe…pe….
அதீதங் ரூபங் அத்தி² அதீதங் ரூபங் அதீதபா⁴வங் ந ஜஹதீதி? ஆமந்தா. அதீதங் ரூபங் நிச்சங் து⁴வங் ஸஸ்ஸதங் அவிபரிணாமத⁴ம்மந்தி? ந ஹேவங் வத்தப்³பே³…பே॰… நனு அதீதங் ரூபங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ஆமந்தா. ஹஞ்சி அதீதங் ரூபங் அனிச்சங்…பே॰… விபரிணாமத⁴ம்மங், நோ ச வத ரே வத்தப்³பே³ – ‘‘அதீதங் ரூபங் அத்தி² அதீதங் ரூபங் அதீதபா⁴வங் ந ஜஹதீ’’தி.
Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Atītaṃ rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ rūpaṃ aniccaṃ…pe… vipariṇāmadhammaṃ, no ca vata re vattabbe – ‘‘atītaṃ rūpaṃ atthi atītaṃ rūpaṃ atītabhāvaṃ na jahatī’’ti.
அதீதங் ரூபங் அத்தி² அதீதங் ரூபங் அதீதபா⁴வங் ந ஜஹதி அதீதங் ரூபங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ஆமந்தா. நிப்³பா³னங் அத்தி² நிப்³பா³னங் நிப்³பா³னபா⁴வங் ந ஜஹதி நிப்³பா³னங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ந ஹேவங் வத்தப்³பே³…பே॰….
Atītaṃ rūpaṃ atthi atītaṃ rūpaṃ atītabhāvaṃ na jahati atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
அதீதா வேத³னா அத்தி²… அதீதா ஸஞ்ஞா அத்தி²… அதீதா ஸங்கா²ரா அத்தி²… அதீதங் விஞ்ஞாணங் அத்தி² அதீதங் விஞ்ஞாணங் அதீதபா⁴வங் ந ஜஹதீதி? ஆமந்தா. அனாக³தங் விஞ்ஞாணங் அத்தி² அனாக³தங் விஞ்ஞாணங் அனாக³தபா⁴வங் ந ஜஹதீதி? ந ஹேவங் வத்தப்³பே³…பே॰… அதீதங் விஞ்ஞாணங் அத்தி² அதீதங் விஞ்ஞாணங் அதீதபா⁴வங் ந ஜஹதீதி? ஆமந்தா. பச்சுப்பன்னங் விஞ்ஞாணங் அத்தி² பச்சுப்பன்னங் விஞ்ஞாணங் பச்சுப்பன்னபா⁴வங் ந ஜஹதீதி? ந ஹேவங் வத்தப்³பே³…பே॰….
Atītā vedanā atthi… atītā saññā atthi… atītā saṅkhārā atthi… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Anāgataṃ viññāṇaṃ atthi anāgataṃ viññāṇaṃ anāgatabhāvaṃ na jahatīti? Na hevaṃ vattabbe…pe… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Paccuppannaṃ viññāṇaṃ atthi paccuppannaṃ viññāṇaṃ paccuppannabhāvaṃ na jahatīti? Na hevaṃ vattabbe…pe….
அனாக³தங் விஞ்ஞாணங் அத்தி² அனாக³தங் விஞ்ஞாணங் அனாக³தபா⁴வங் ஜஹதீதி? ஆமந்தா. அதீதங் விஞ்ஞாணங் அத்தி² அதீதங் விஞ்ஞாணங் அதீதபா⁴வங் ஜஹதீதி? ந ஹேவங் வத்தப்³பே³…பே॰….
Anāgataṃ viññāṇaṃ atthi anāgataṃ viññāṇaṃ anāgatabhāvaṃ jahatīti? Āmantā. Atītaṃ viññāṇaṃ atthi atītaṃ viññāṇaṃ atītabhāvaṃ jahatīti? Na hevaṃ vattabbe…pe….
அதீதங் விஞ்ஞாணங் அத்தி² அதீதங் விஞ்ஞாணங் அதீதபா⁴வங் ந ஜஹதீதி? ஆமந்தா. அதீதங் விஞ்ஞாணங் நிச்சங் து⁴வங் ஸஸ்ஸதங் அவிபரிணாமத⁴ம்மந்தி? ந ஹேவங் வத்தப்³பே³…பே॰… நனு அதீதங் விஞ்ஞாணங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ஆமந்தா. ஹஞ்சி அதீதங் விஞ்ஞாணங் அனிச்சங் அது⁴வங் அஸஸ்ஸதங் விபரிணாமத⁴ம்மங், நோ ச வத ரே வத்தப்³பே³ – ‘‘அதீதங் விஞ்ஞாணங் அத்தி² அதீதங் விஞ்ஞாணங் அதீதபா⁴வங் ந ஜஹதீ’’தி.
Atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Atītaṃ viññāṇaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ viññāṇaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ viññāṇaṃ atthi atītaṃ viññāṇaṃ atītabhāvaṃ na jahatī’’ti.
அதீதங் விஞ்ஞாணங் அத்தி² அதீதங் விஞ்ஞாணங் அதீதபா⁴வங் ந ஜஹதி அதீதங் விஞ்ஞாணங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ஆமந்தா. நிப்³பா³னங் அத்தி² நிப்³பா³னங் நிப்³பா³னபா⁴வங் ந ஜஹதி நிப்³பா³னங் அனிச்சங் அது⁴வங் அஸஸ்ஸதங் விபரிணாமத⁴ம்மந்தி? ந ஹேவங் வத்தப்³பே³…பே॰….
Atītaṃ viññāṇaṃ atthi atītaṃ viññāṇaṃ atītabhāvaṃ na jahati atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
வசனஸோத⁴னா
Vacanasodhanā
288. அதீதங் ந்வத்தீ²தி? ஆமந்தா. ஹஞ்சி அதீதங் ந்வத்தி², அதீதங் அத்தீ²தி மிச்சா². ஹஞ்சி வா பன அத்தி² ந்வாதீதங், அத்தி² அதீதந்தி மிச்சா². அனாக³தங் ந்வத்தீ²தி? ஆமந்தா. ஹஞ்சி அனாக³தங் ந்வத்தி², அனாக³தங் அத்தீ²தி மிச்சா². ஹஞ்சி வா பன அத்தி² ந்வானாக³தங், அத்தி² அனாக³தந்தி மிச்சா².
288. Atītaṃ nvatthīti? Āmantā. Hañci atītaṃ nvatthi, atītaṃ atthīti micchā. Hañci vā pana atthi nvātītaṃ, atthi atītanti micchā. Anāgataṃ nvatthīti? Āmantā. Hañci anāgataṃ nvatthi, anāgataṃ atthīti micchā. Hañci vā pana atthi nvānāgataṃ, atthi anāgatanti micchā.
அனாக³தங் ஹுத்வா பச்சுப்பன்னங் ஹோதீதி? ஆமந்தா. தஞ்ஞேவ அனாக³தங் தங் பச்சுப்பன்னந்தி? ந ஹேவங் வத்தப்³பே³…பே॰… தஞ்ஞேவ அனாக³தங் தங் பச்சுப்பன்னந்தி? ஆமந்தா. ஹுத்வா ஹோதி ஹுத்வா ஹோதீதி? ந ஹேவங் வத்தப்³பே³…பே॰… ஹுத்வா ஹோதி ஹுத்வா ஹோதீதி? ஆமந்தா. ந ஹுத்வா ந ஹோதி ந ஹுத்வா ந ஹோதீதி? ந ஹேவங் வத்தப்³பே³…பே॰….
Anāgataṃ hutvā paccuppannaṃ hotīti? Āmantā. Taññeva anāgataṃ taṃ paccuppannanti? Na hevaṃ vattabbe…pe… taññeva anāgataṃ taṃ paccuppannanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
பச்சுப்பன்னங் ஹுத்வா அதீதங் ஹோதீதி? ஆமந்தா. தஞ்ஞேவ பச்சுப்பன்னங் தங் அதீதந்தி? ந ஹேவங் வத்தப்³பே³…பே॰… தஞ்ஞேவ பச்சுப்பன்னங் தங் அதீதந்தி? ஆமந்தா . ஹுத்வா ஹோதி ஹுத்வா ஹோதீதி? ந ஹேவங் வத்தப்³பே³…பே॰… ஹுத்வா ஹோதி ஹுத்வா ஹோதீதி? ஆமந்தா. ந ஹுத்வா ந ஹோதி ந ஹுத்வா ந ஹோதீதி? ந ஹேவங் வத்தப்³பே³…பே॰….
Paccuppannaṃ hutvā atītaṃ hotīti? Āmantā. Taññeva paccuppannaṃ taṃ atītanti? Na hevaṃ vattabbe…pe… taññeva paccuppannaṃ taṃ atītanti? Āmantā . Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
அனாக³தங் ஹுத்வா பச்சுப்பன்னங் ஹோதி, பச்சுப்பன்னங் ஹுத்வா அதீதங் ஹோதீதி? ஆமந்தா. தஞ்ஞேவ அனாக³தங் தங் பச்சுப்பன்னங் தங் அதீதந்தி? ந ஹேவங் வத்தப்³பே³…பே॰… தஞ்ஞேவ அனாக³தங் தங் பச்சுப்பன்னங் தங் அதீதந்தி? ஆமந்தா. ஹுத்வா ஹோதி ஹுத்வா ஹோதீதி? ந ஹேவங் வத்தப்³பே³…பே॰… ஹுத்வா ஹோதி ஹுத்வா ஹோதீதி? ஆமந்தா. ந ஹுத்வா ந ஹோதி ந ஹுத்வா ந ஹோதீதி? ந ஹேவங் வத்தப்³பே³.
Anāgataṃ hutvā paccuppannaṃ hoti, paccuppannaṃ hutvā atītaṃ hotīti? Āmantā. Taññeva anāgataṃ taṃ paccuppannaṃ taṃ atītanti? Na hevaṃ vattabbe…pe… taññeva anāgataṃ taṃ paccuppannaṃ taṃ atītanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe.
அதீதசக்கு²ரூபாதி³கதா²
Atītacakkhurūpādikathā
289. அதீதங் சக்கு²ங் அத்தி² ரூபா அத்தி² சக்கு²விஞ்ஞாணங் அத்தி² ஆலோகோ அத்தி² மனஸிகாரோ அத்தீ²தி? ஆமந்தா. அதீதேன சக்கு²னா அதீதங் ரூபங் பஸ்ஸதீதி? ந ஹேவங் வத்தப்³பே³…பே॰… அதீதங் ஸோதங் அத்தி² ஸத்³தா³ அத்தி² ஸோதவிஞ்ஞாணங் அத்தி² ஆகாஸோ அத்தி² மனஸிகாரோ அத்தீ²தி? ஆமந்தா. அதீதேன ஸோதேன அதீதங் ஸத்³த³ங் ஸுணாதீதி? ந ஹேவங் வத்தப்³பே³…பே॰… அதீதங் கா⁴னங் அத்தி² க³ந்தா⁴ அத்தி² கா⁴னவிஞ்ஞாணங் அத்தி² வாயோ அத்தி² மனஸிகாரோ அத்தீ²தி? ஆமந்தா. அதீதேன கா⁴னேன அதீதங் க³ந்த⁴ங் கா⁴யதீதி? ந ஹேவங் வத்தப்³பே³…பே॰… அதீதா ஜிவ்ஹா அத்தி² ரஸா அத்தி² ஜிவ்ஹாவிஞ்ஞாணங் அத்தி² ஆபோ அத்தி² மனஸிகாரோ அத்தீ²தி? ஆமந்தா . அதீதாய ஜிவ்ஹாய அதீதங் ரஸங் ஸாயதீதி? ந ஹேவங் வத்தப்³பே³…பே॰… அதீதோ காயோ அத்தி² பொ²ட்ட²ப்³பா³ அத்தி² காயவிஞ்ஞாணங் அத்தி² பத²வீ அத்தி² மனஸிகாரோ அத்தீ²தி? ஆமந்தா. அதீதேன காயேன அதீதங் பொ²ட்ட²ப்³ப³ங் பு²ஸதீதி? ந ஹேவங் வத்தப்³பே³…பே॰… அதீதோ மனோ அத்தி² த⁴ம்மா அத்தி² மனோவிஞ்ஞாணங் அத்தி² வத்து²ங் அத்தி² மனஸிகாரோ அத்தீ²தி? ஆமந்தா. அதீதேன மனேன அதீதங் த⁴ம்மங் விஜானாதீதி? ந ஹேவங் வத்தப்³பே³…பே॰….
289. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Atītena cakkhunā atītaṃ rūpaṃ passatīti? Na hevaṃ vattabbe…pe… atītaṃ sotaṃ atthi saddā atthi sotaviññāṇaṃ atthi ākāso atthi manasikāro atthīti? Āmantā. Atītena sotena atītaṃ saddaṃ suṇātīti? Na hevaṃ vattabbe…pe… atītaṃ ghānaṃ atthi gandhā atthi ghānaviññāṇaṃ atthi vāyo atthi manasikāro atthīti? Āmantā. Atītena ghānena atītaṃ gandhaṃ ghāyatīti? Na hevaṃ vattabbe…pe… atītā jivhā atthi rasā atthi jivhāviññāṇaṃ atthi āpo atthi manasikāro atthīti? Āmantā . Atītāya jivhāya atītaṃ rasaṃ sāyatīti? Na hevaṃ vattabbe…pe… atīto kāyo atthi phoṭṭhabbā atthi kāyaviññāṇaṃ atthi pathavī atthi manasikāro atthīti? Āmantā. Atītena kāyena atītaṃ phoṭṭhabbaṃ phusatīti? Na hevaṃ vattabbe…pe… atīto mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Atītena manena atītaṃ dhammaṃ vijānātīti? Na hevaṃ vattabbe…pe….
அனாக³தங் சக்கு²ங் அத்தி² ரூபா அத்தி² சக்கு²விஞ்ஞாணங் அத்தி² ஆலோகோ அத்தி² மனஸிகாரோ அத்தீ²தி? ஆமந்தா. அனாக³தேன சக்கு²னா அனாக³தங் ரூபங் பஸ்ஸதீதி? ந ஹேவங் வத்தப்³பே³…பே॰… அனாக³தங் ஸோதங் அத்தி²… கா⁴னங் அத்தி²… ஜிவ்ஹா அத்தி²… காயோ அத்தி² … மனோ அத்தி² த⁴ம்மா அத்தி² மனோவிஞ்ஞாணங் அத்தி² வத்து²ங் அத்தி² மனஸிகாரோ அத்தீ²தி? ஆமந்தா. அனாக³தேன மனேன அனாக³தங் த⁴ம்மங் விஜானாதீதி? ந ஹேவங் வத்தப்³பே³…பே॰….
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Anāgatena cakkhunā anāgataṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi … mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Anāgatena manena anāgataṃ dhammaṃ vijānātīti? Na hevaṃ vattabbe…pe….
பச்சுப்பன்னங் சக்கு²ங் அத்தி² ரூபா அத்தி² சக்கு²விஞ்ஞாணங் அத்தி² ஆலோகோ அத்தி² மனஸிகாரோ அத்தி², பச்சுப்பன்னேன சக்கு²னா பச்சுப்பன்னங் ரூபங் பஸ்ஸதீதி? ஆமந்தா. அதீதங் சக்கு²ங் அத்தி² ரூபா அத்தி² சக்கு²விஞ்ஞாணங் அத்தி² ஆலோகோ அத்தி² மனஸிகாரோ அத்தி², அதீதேன சக்கு²னா அதீதங் ரூபங் பஸ்ஸதீதி? ந ஹேவங் வத்தப்³பே³…பே॰…. பச்சுப்பன்னங் ஸோதங் அத்தி²… கா⁴னங் அத்தி²… ஜிவ்ஹா அத்தி²… காயோ அத்தி²… மனோ அத்தி² த⁴ம்மா அத்தி² மனோவிஞ்ஞாணங் அத்தி² வத்து²ங் அத்தி² மனஸிகாரோ அத்தி², பச்சுப்பன்னேன மனேன பச்சுப்பன்னங் த⁴ம்மங் விஜானாதீதி? ஆமந்தா. அதீதோ மனோ அத்தி² த⁴ம்மா அத்தி² மனோவிஞ்ஞாணங் அத்தி² வத்து²ங் அத்தி² மனஸிகாரோ அத்தி², அதீதேன மனேன அதீதங் த⁴ம்மங் விஜானாதீதி? ந ஹேவங் வத்தப்³பே³…பே॰….
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, atītena cakkhunā atītaṃ rūpaṃ passatīti? Na hevaṃ vattabbe…pe…. Paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Atīto mano atthi dhammā atthi manoviññāṇaṃ atthi vatthuṃ atthi manasikāro atthi, atītena manena atītaṃ dhammaṃ vijānātīti? Na hevaṃ vattabbe…pe….
பச்சுப்பன்னங் சக்கு²ங் அத்தி² ரூபா அத்தி² சக்கு²விஞ்ஞாணங் அத்தி² ஆலோகோ அத்தி² மனஸிகாரோ அத்தி², பச்சுப்பன்னேன சக்கு²னா பச்சுப்பன்னங் ரூபங் பஸ்ஸதீதி? ஆமந்தா. அனாக³தங் சக்கு²ங் அத்தி² ரூபா அத்தி² சக்கு²விஞ்ஞாணங் அத்தி² ஆலோகோ அத்தி² மனஸிகாரோ அத்தி², அனாக³தேன சக்கு²னா அனாக³தங் ரூபங் பஸ்ஸதீதி? ந ஹேவங் வத்தப்³பே³…பே॰… பச்சுப்பன்னங் ஸோதங் அத்தி²… கா⁴னங் அத்தி²… ஜிவ்ஹா அத்தி²… காயோ அத்தி²… மனோ அத்தி² த⁴ம்மா அத்தி² மனோவிஞ்ஞாணங் அத்தி² வத்து²ங் அத்தி² மனஸிகாரோ அத்தி², பச்சுப்பன்னேன மனேன பச்சுப்பன்னங் த⁴ம்மங் விஜானாதீதி? ஆமந்தா. அனாக³தோ மனோ அத்தி² த⁴ம்மா அத்தி² மனோவிஞ்ஞாணங் அத்தி² வத்து²ங் அத்தி² மனஸிகாரோ அத்தி², அனாக³தேன மனேன அனாக³தங் த⁴ம்மங் விஜானாதீதி? ந ஹேவங் வத்தப்³பே³…பே॰….
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, anāgatena cakkhunā anāgataṃ rūpaṃ passatīti? Na hevaṃ vattabbe…pe… paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Anāgato mano atthi dhammā atthi manoviññāṇaṃ atthi vatthuṃ atthi manasikāro atthi, anāgatena manena anāgataṃ dhammaṃ vijānātīti? Na hevaṃ vattabbe…pe….
அதீதங் சக்கு²ங் அத்தி² ரூபா அத்தி² சக்கு²விஞ்ஞாணங் அத்தி² ஆலோகோ அத்தி² மனஸிகாரோ அத்தி², ந ச அதீதேன சக்கு²னா அதீதங் ரூபங் பஸ்ஸதீதி? ஆமந்தா. பச்சுப்பன்னங் சக்கு²ங் அத்தி² ரூபா அத்தி² சக்கு²விஞ்ஞாணங் அத்தி² ஆலோகோ அத்தி² மனஸிகாரோ அத்தி², ந ச பச்சுப்பன்னேன சக்கு²னா பச்சுப்பன்னங் ரூபங் பஸ்ஸதீதி? ந ஹேவங் வத்தப்³பே³…பே॰… அதீதங் ஸோதங் அத்தி²… கா⁴னங் அத்தி²… ஜிவ்ஹா அத்தி²… காயோ அத்தி²… மனோ அத்தி² த⁴ம்மா அத்தி² மனோவிஞ்ஞாணங் அத்தி² வத்து²ங் அத்தி² மனஸிகாரோ அத்தி², ந ச அதீதேன மனேன அதீதங் த⁴ம்மங் விஜானாதீதி? ஆமந்தா. பச்சுப்பன்னோ மனோ அத்தி² த⁴ம்மா அத்தி² மனோவிஞ்ஞாணங் அத்தி² வத்து²ங் அத்தி² மனஸிகாரோ அத்தி², ந ச பச்சுப்பன்னேன மனேன பச்சுப்பன்னங் த⁴ம்மங் விஜானாதீதி? ந ஹேவங் வத்தப்³பே³…பே॰….
Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca atītena cakkhunā atītaṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… atītaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca atītena manena atītaṃ dhammaṃ vijānātīti? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
அனாக³தங் சக்கு²ங் அத்தி² ரூபா அத்தி² சக்கு²விஞ்ஞாணங் அத்தி² ஆலோகோ அத்தி² மனஸிகாரோ அத்தி², ந ச அனாக³தேன சக்கு²னா அனாக³தங் ரூபங் பஸ்ஸதீதி? ஆமந்தா. பச்சுப்பன்னங் சக்கு²ங் அத்தி² ரூபா அத்தி² சக்கு²விஞ்ஞாணங் அத்தி² ஆலோகோ அத்தி² மனஸிகாரோ அத்தி², ந ச பச்சுப்பன்னேன சக்கு²னா பச்சுப்பன்னங் ரூபங் பஸ்ஸதீதி? ந ஹேவங் வத்தப்³பே³…பே॰… அனாக³தங் ஸோதங் அத்தி²… கா⁴னங் அத்தி²… ஜிவ்ஹா அத்தி²… காயோ அத்தி²… மனோ அத்தி² த⁴ம்மா அத்தி² மனோவிஞ்ஞாணங் அத்தி² வத்து²ங் அத்தி² மனஸிகாரோ அத்தி², ந ச அனாக³தேன மனேன அனாக³தங் த⁴ம்மங் விஜானாதீதி ? ஆமந்தா. பச்சுப்பன்னோ மனோ அத்தி² த⁴ம்மா அத்தி² மனோவிஞ்ஞாணங் அத்தி² வத்து²ங் அத்தி² மனஸிகாரோ அத்தி², ந ச பச்சுப்பன்னேன மனேன பச்சுப்பன்னங் த⁴ம்மங் விஜானாதீதி? ந ஹேவங் வத்தப்³பே³…பே॰….
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca anāgatena cakkhunā anāgataṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca anāgatena manena anāgataṃ dhammaṃ vijānātīti ? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
அதீதஞாணாதி³கதா²
Atītañāṇādikathā
290. அதீதங் ஞாணங் அத்தீ²தி? ஆமந்தா. தேன ஞாணேன ஞாணகரணீயங் கரோதீதி? ந ஹேவங் வத்தப்³பே³…பே॰… தேன ஞாணேன ஞாணகரணீயங் கரோதீதி ? ஆமந்தா. தேன ஞாணேன து³க்க²ங் பரிஜானாதி, ஸமுத³யங் பஜஹதி, நிரோத⁴ங் ஸச்சி²கரோதி, மக்³க³ங் பா⁴வேதீதி? ந ஹேவங் வத்தப்³பே³…பே॰….
290. Atītaṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti ? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
அனாக³தங் ஞாணங் அத்தீ²தி? ஆமந்தா. தேன ஞாணேன ஞாணகரணீயங் கரோதீதி? ந ஹேவங் வத்தப்³பே³…பே॰… தேன ஞாணேன ஞாணகரணீயங் கரோதீதி? ஆமந்தா. தேன ஞாணேன து³க்க²ங் பரிஜானாதி, ஸமுத³யங் பஜஹதி, நிரோத⁴ங் ஸச்சி²கரோதி , மக்³க³ங் பா⁴வேதீதி? ந ஹேவங் வத்தப்³பே³…பே॰….
Anāgataṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti , maggaṃ bhāvetīti? Na hevaṃ vattabbe…pe….
பச்சுப்பன்னங் ஞாணங் அத்தி², தேன ஞாணேன ஞாணகரணீயங் கரோதீதி? ஆமந்தா. அதீதங் ஞாணங் அத்தி², தேன ஞாணேன ஞாணகரணீயங் கரோதீதி? ந ஹேவங் வத்தப்³பே³…பே॰… பச்சுப்பன்னங் ஞாணங் அத்தி², தேன ஞாணேன து³க்க²ங் பரிஜானாதி, ஸமுத³யங் பஜஹதி, நிரோத⁴ங் ஸச்சி²கரோதி, மக்³க³ங் பா⁴வேதீதி? ஆமந்தா. அதீதங் ஞாணங் அத்தி², தேன ஞாணேன து³க்க²ங் பரிஜானாதி, ஸமுத³யங் பஜஹதி, நிரோத⁴ங் ஸச்சி²கரோதி, மக்³க³ங் பா⁴வேதீதி? ந ஹேவங் வத்தப்³பே³…பே॰… பச்சுப்பன்னங் ஞாணங் அத்தி², தேன ஞாணேன ஞாணகரணீயங் கரோதீதி? ஆமந்தா. அனாக³தங் ஞாணங் அத்தி², தேன ஞாணேன ஞாணகரணீயங் கரோதீதி? ந ஹேவங் வத்தப்³பே³…பே॰… பச்சுப்பன்னங் ஞாணங் அத்தி², தேன ஞாணேன து³க்க²ங் பரிஜானாதி, ஸமுத³யங் பஜஹதி, நிரோத⁴ங் ஸச்சி²கரோதி, மக்³க³ங் பா⁴வேதீதி? ஆமந்தா . அனாக³தங் ஞாணங் அத்தி², தேன ஞாணேன து³க்க²ங் பரிஜானாதி, ஸமுத³யங் பஜஹதி, நிரோத⁴ங் ஸச்சி²கரோதி, மக்³க³ங் பா⁴வேதீதி? ந ஹேவங் வத்தப்³பே³…பே॰….
Paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Atītaṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Atītaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Anāgataṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā . Anāgataṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
அதீதங் ஞாணங் அத்தி², ந ச தேன ஞாணேன ஞாணகரணீயங் கரோதீதி? ஆமந்தா. பச்சுப்பன்னங் ஞாணங் அத்தி², ந ச தேன ஞாணேன ஞாணகரணீயங் கரோதீதி? ந ஹேவங் வத்தப்³பே³…பே॰… அதீதங் ஞாணங் அத்தி², ந ச தேன ஞாணேன து³க்க²ங் பரிஜானாதி, ஸமுத³யங் பஜஹதி, நிரோத⁴ங் ஸச்சி²கரோதி, மக்³க³ங் பா⁴வேதீதி? ஆமந்தா. பச்சுப்பன்னங் ஞாணங் அத்தி², ந ச தேன ஞாணேன து³க்க²ங் பரிஜானாதி, ஸமுத³யங் பஜஹதி, நிரோத⁴ங் ஸச்சி²கரோதி, மக்³க³ங் பா⁴வேதீதி? ந ஹேவங் வத்தப்³பே³…பே॰….
Atītaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe… atītaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
அனாக³தங் ஞாணங் அத்தி², ந ச தேன ஞாணேன ஞாணகரணீயங் கரோதீதி? ஆமந்தா. பச்சுப்பன்னங் ஞாணங் அத்தி², ந ச தேன ஞாணேன ஞாணகரணீயங் கரோதீதி? ந ஹேவங் வத்தப்³பே³…பே॰…. அனாக³தங் ஞாணங் அத்தி², ந ச தேன ஞாணேன து³க்க²ங் பரிஜானாதி, ஸமுத³யங் பஜஹதி , நிரோத⁴ங் ஸச்சி²கரோதி, மக்³க³ங் பா⁴வேதீதி? ஆமந்தா . பச்சுப்பன்னங் ஞாணங் அத்தி², ந ச தேன ஞாணேன து³க்க²ங் பரிஜானாதி, ஸமுத³யங் பஜஹதி, நிரோத⁴ங் ஸச்சி²கரோதி, மக்³க³ங் பா⁴வேதீதி? ந ஹேவங் வத்தப்³பே³…பே॰….
Anāgataṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe…. Anāgataṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati , nirodhaṃ sacchikaroti, maggaṃ bhāvetīti? Āmantā . Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
அரஹந்தாதி³கதா²
Arahantādikathā
291. அரஹதோ அதீதோ ராகோ³ அத்தீ²தி? ஆமந்தா. அரஹா தேன ராகே³ன ஸராகோ³தி? ந ஹேவங் வத்தப்³பே³…பே॰… அரஹதோ அதீதோ தோ³ஸோ அத்தீ²தி? ஆமந்தா . அரஹா தேன தோ³ஸேன ஸதோ³ஸோதி? ந ஹேவங் வத்தப்³பே³…பே॰… அரஹதோ அதீதோ மோஹோ அத்தீ²தி? ஆமந்தா. அரஹா தேன மோஹேன ஸமோஹோதி? ந ஹேவங் வத்தப்³பே³…பே॰… அரஹதோ அதீதோ மானோ அத்தீ²தி? ஆமந்தா. அரஹா தேன மானேன ஸமானோதி? ந ஹேவங் வத்தப்³பே³…பே॰… அரஹதோ அதீதா தி³ட்டி² அத்தீ²தி? ஆமந்தா. அரஹா தாய தி³ட்டி²யா ஸதி³ட்டி²கோதி? ந ஹேவங் வத்தப்³பே³…பே॰… அரஹதோ அதீதா விசிகிச்சா² அத்தீ²தி? ஆமந்தா. அரஹா தாய விசிகிச்சா²ய ஸவிசிகிச்சோ²தி? ந ஹேவங் வத்தப்³பே³…பே॰… அரஹதோ அதீதங் தி²னங் அத்தீ²தி? ஆமந்தா. அரஹா தேன தி²னேன ஸதி²னோதி? ந ஹேவங் வத்தப்³பே³…பே॰… அரஹதோ அதீதங் உத்³த⁴ச்சங் அத்தீ²தி? ஆமந்தா. அரஹா தேன உத்³த⁴ச்சேன ஸஉத்³த⁴ச்சோதி? ந ஹேவங் வத்தப்³பே³…பே॰… அரஹதோ அதீதங் அஹிரிகங் அத்தீ²தி? ஆமந்தா. அரஹா தேன அஹிரிகேன ஸஅஹிரிகோதி? ந ஹேவங் வத்தப்³பே³…பே॰… அரஹதோ அதீதங் அனொத்தப்பங் அத்தீ²தி? ஆமந்தா. அரஹா தேன அனொத்தப்பேன ஸஅனொத்தப்பீதி? ந ஹேவங் வத்தப்³பே³…பே॰….
291. Arahato atīto rāgo atthīti? Āmantā. Arahā tena rāgena sarāgoti? Na hevaṃ vattabbe…pe… arahato atīto doso atthīti? Āmantā . Arahā tena dosena sadosoti? Na hevaṃ vattabbe…pe… arahato atīto moho atthīti? Āmantā. Arahā tena mohena samohoti? Na hevaṃ vattabbe…pe… arahato atīto māno atthīti? Āmantā. Arahā tena mānena samānoti? Na hevaṃ vattabbe…pe… arahato atītā diṭṭhi atthīti? Āmantā. Arahā tāya diṭṭhiyā sadiṭṭhikoti? Na hevaṃ vattabbe…pe… arahato atītā vicikicchā atthīti? Āmantā. Arahā tāya vicikicchāya savicikicchoti? Na hevaṃ vattabbe…pe… arahato atītaṃ thinaṃ atthīti? Āmantā. Arahā tena thinena sathinoti? Na hevaṃ vattabbe…pe… arahato atītaṃ uddhaccaṃ atthīti? Āmantā. Arahā tena uddhaccena sauddhaccoti? Na hevaṃ vattabbe…pe… arahato atītaṃ ahirikaṃ atthīti? Āmantā. Arahā tena ahirikena saahirikoti? Na hevaṃ vattabbe…pe… arahato atītaṃ anottappaṃ atthīti? Āmantā. Arahā tena anottappena saanottappīti? Na hevaṃ vattabbe…pe….
அனாகா³மிஸ்ஸ அதீதா ஸக்காயதி³ட்டி² அத்தீ²தி? ஆமந்தா . அனாகா³மீ தாய தி³ட்டி²யா ஸதி³ட்டி²கோதி? ந ஹேவங் வத்தப்³பே³…பே॰… அனாகா³மிஸ்ஸ அதீதா விசிகிச்சா² அத்தி²… அதீதோ ஸீலப்³ப³தபராமாஸோ அத்தி²… அதீதோ அணுஸஹக³தோ காமராகோ³ அத்தி²… அதீதோ அணுஸஹக³தோ ப்³யாபாதோ³ அத்தீ²தி? ஆமந்தா. அனாகா³மீ தேன ப்³யாபாதே³ன ப்³யாபன்னசித்தோதி? ந ஹேவங் வத்தப்³பே³…பே॰….
Anāgāmissa atītā sakkāyadiṭṭhi atthīti? Āmantā . Anāgāmī tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi… atīto sīlabbataparāmāso atthi… atīto aṇusahagato kāmarāgo atthi… atīto aṇusahagato byāpādo atthīti? Āmantā. Anāgāmī tena byāpādena byāpannacittoti? Na hevaṃ vattabbe…pe….
ஸகதா³கா³மிஸ்ஸ அதீதா ஸக்காயதி³ட்டி² அத்தீ²தி? ஆமந்தா. ஸகதா³கா³மீ தாய தி³ட்டி²யா ஸதி³ட்டி²கோதி? ந ஹேவங் வத்தப்³பே³…பே॰… ஸகதா³கா³மிஸ்ஸ அதீதா விசிகிச்சா² அத்தி²… அதீதோ ஸீலப்³ப³தபராமாஸோ அத்தி²… அதீதோ ஓளாரிகோ காமராகோ³ அத்தி²… அதீதோ ஓளாரிகோ ப்³யாபாதோ³ அத்தீ²தி? ஆமந்தா. ஸகதா³கா³மீ தேன ப்³யாபாதே³ன ப்³யாபன்னசித்தோதி? ந ஹேவங் வத்தப்³பே³…பே॰….
Sakadāgāmissa atītā sakkāyadiṭṭhi atthīti? Āmantā. Sakadāgāmī tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi… atīto sīlabbataparāmāso atthi… atīto oḷāriko kāmarāgo atthi… atīto oḷāriko byāpādo atthīti? Āmantā. Sakadāgāmī tena byāpādena byāpannacittoti? Na hevaṃ vattabbe…pe….
ஸோதாபன்னஸ்ஸ அதீதா ஸக்காயதி³ட்டி² அத்தீ²தி? ஆமந்தா. ஸோதாபன்னோ தாய தி³ட்டி²யா ஸதி³ட்டி²கோதி? ந ஹேவங் வத்தப்³பே³…பே॰… ஸோதாபன்னஸ்ஸ அதீதா விசிகிச்சா² அத்தி²… அதீதோ ஸீலப்³ப³தபராமாஸோ அத்தி²… அதீதோ அபாயக³மனீயோ ராகோ³ அத்தி²… அதீதோ அபாயக³மனீயோ தோ³ஸோ அத்தி²… அதீதோ அபாயக³மனீயோ மோஹோ அத்தீ²தி? ஆமந்தா. ஸோதாபன்னோ தேன மோஹேன ஸமோஹோதி? ந ஹேவங் வத்தப்³பே³…பே॰….
Sotāpannassa atītā sakkāyadiṭṭhi atthīti? Āmantā. Sotāpanno tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi… atīto sīlabbataparāmāso atthi… atīto apāyagamanīyo rāgo atthi… atīto apāyagamanīyo doso atthi… atīto apāyagamanīyo moho atthīti? Āmantā. Sotāpanno tena mohena samohoti? Na hevaṃ vattabbe…pe….
292. புது²ஜ்ஜனஸ்ஸ அதீதோ ராகோ³ அத்தி², புது²ஜ்ஜனோ தேன ராகே³ன ஸராகோ³தி? ஆமந்தா. அரஹதோ அதீதோ ராகோ³ அத்தி², அரஹா தேன ராகே³ன ஸராகோ³தி? ந ஹேவங் வத்தப்³பே³…பே॰… புது²ஜ்ஜனஸ்ஸ அதீதோ தோ³ஸோ அத்தி²…பே॰… அதீதங் அனொத்தப்பங் அத்தி² புது²ஜ்ஜனோ தேன அனொத்தப்பேன அனொத்தப்பீதி? ஆமந்தா. அரஹதோ அதீதங் அனொத்தப்பங் அத்தி², அரஹா தேன அனொத்தப்பேன அனொத்தப்பீதி? ந ஹேவங் வத்தப்³பே³…பே॰….
292. Puthujjanassa atīto rāgo atthi, puthujjano tena rāgena sarāgoti? Āmantā. Arahato atīto rāgo atthi, arahā tena rāgena sarāgoti? Na hevaṃ vattabbe…pe… puthujjanassa atīto doso atthi…pe… atītaṃ anottappaṃ atthi puthujjano tena anottappena anottappīti? Āmantā. Arahato atītaṃ anottappaṃ atthi, arahā tena anottappena anottappīti? Na hevaṃ vattabbe…pe….
புது²ஜ்ஜனஸ்ஸ அதீதா ஸக்காயதி³ட்டி² அத்தி², புது²ஜ்ஜனோ தாய தி³ட்டி²யா ஸதி³ட்டி²கோதி? ஆமந்தா. அனாகா³மிஸ்ஸ அதீதா ஸக்காயதி³ட்டி² அத்தி², அனாகா³மீ தாய தி³ட்டி²யா ஸதி³ட்டி²கோதி? ந ஹேவங் வத்தப்³பே³…பே॰… புது²ஜ்ஜனஸ்ஸ அதீதா விசிகிச்சா² அத்தி²…பே॰… அதீதோ அணுஸஹக³தோ ப்³யாபாதோ³ அத்தி², புது²ஜ்ஜனோ தேன ப்³யாபாதே³ன ப்³யாபன்னசித்தோதி? ஆமந்தா. அனாகா³மிஸ்ஸ அதீதோ அணுஸஹக³தோ ப்³யாபாதோ³ அத்தி², அனாகா³மீ தேன ப்³யாபாதே³ன ப்³யாபன்னசித்தோதி? ந ஹேவங் வத்தப்³பே³…பே॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Anāgāmissa atītā sakkāyadiṭṭhi atthi, anāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto aṇusahagato byāpādo atthi, puthujjano tena byāpādena byāpannacittoti? Āmantā. Anāgāmissa atīto aṇusahagato byāpādo atthi, anāgāmī tena byāpādena byāpannacittoti? Na hevaṃ vattabbe…pe….
புது²ஜ்ஜனஸ்ஸ அதீதா ஸக்காயதி³ட்டி² அத்தி², புது²ஜ்ஜனோ தாய தி³ட்டி²யா ஸதி³ட்டி²கோதி? ஆமந்தா. ஸகதா³கா³மிஸ்ஸ அதீதா ஸக்காயதி³ட்டி² அத்தி², ஸகதா³கா³மீ தாய தி³ட்டி²யா ஸதி³ட்டி²கோதி? ந ஹேவங் வத்தப்³பே³…பே॰… புது²ஜ்ஜனஸ்ஸ அதீதா விசிகிச்சா² அத்தி²… அதீதோ ஓளாரிகோ ப்³யாபாதோ³ அத்தி², புது²ஜ்ஜனோ தேன ப்³யாபாதே³ன ப்³யாபன்னசித்தோதி ? ஆமந்தா. ஸகதா³கா³மிஸ்ஸ அதீதோ ஓளாரிகோ ப்³யாபாதோ³ அத்தி², ஸகதா³கா³மீ தேன ப்³யாபாதே³ன ப்³யாபன்னசித்தோதி? ந ஹேவங் வத்தப்³பே³…பே॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sakadāgāmissa atītā sakkāyadiṭṭhi atthi, sakadāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi… atīto oḷāriko byāpādo atthi, puthujjano tena byāpādena byāpannacittoti ? Āmantā. Sakadāgāmissa atīto oḷāriko byāpādo atthi, sakadāgāmī tena byāpādena byāpannacittoti? Na hevaṃ vattabbe…pe….
புது²ஜ்ஜனஸ்ஸ அதீதா ஸக்காயதி³ட்டி² அத்தி², புது²ஜ்ஜனோ தாய தி³ட்டி²யா ஸதி³ட்டி²கோதி? ஆமந்தா. ஸோதாபன்னஸ்ஸ அதீதா ஸக்காயதி³ட்டி² அத்தி², ஸோதாபன்னோ தாய தி³ட்டி²யா ஸதி³ட்டி²கோதி? ந ஹேவங் வத்தப்³பே³…பே॰… புது²ஜ்ஜனஸ்ஸ அதீதா விசிகிச்சா² அத்தி²…பே॰… அதீதோ அபாயக³மனீயோ மோஹோ அத்தி², புது²ஜ்ஜனோ தேன மோஹேன ஸமோஹோதி? ஆமந்தா. ஸோதாபன்னஸ்ஸ அதீதோ அபாயக³மனீயோ மோஹோ அத்தி², ஸோதாபன்னோ தேன மோஹேன ஸமோஹோதி? ந ஹேவங் வத்தப்³பே³…பே॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sotāpannassa atītā sakkāyadiṭṭhi atthi, sotāpanno tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto apāyagamanīyo moho atthi, puthujjano tena mohena samohoti? Āmantā. Sotāpannassa atīto apāyagamanīyo moho atthi, sotāpanno tena mohena samohoti? Na hevaṃ vattabbe…pe….
அரஹதோ அதீதோ ராகோ³ அத்தி², ந ச அரஹா தேன ராகே³ன ஸராகோ³தி? ஆமந்தா. புது²ஜ்ஜனஸ்ஸ அதீதோ ராகோ³ அத்தி², ந ச புது²ஜ்ஜனோ தேன ராகே³ன ஸராகோ³தி? ந ஹேவங் வத்தப்³பே³…பே॰… அரஹதோ அதீதோ தோ³ஸோ அத்தி²…பே॰… அதீதங் அனொத்தப்பங் அத்தி², ந ச அரஹா தேன அனொத்தப்பேன அனொத்தப்பீதி? ஆமந்தா. புது²ஜ்ஜனஸ்ஸ அதீதங் அனொத்தப்பங் அத்தி², ந ச புது²ஜ்ஜனோ தேன அனொத்தப்பேன அனொத்தப்பீதி? ந ஹேவங் வத்தப்³பே³…பே॰….
Arahato atīto rāgo atthi, na ca arahā tena rāgena sarāgoti? Āmantā. Puthujjanassa atīto rāgo atthi, na ca puthujjano tena rāgena sarāgoti? Na hevaṃ vattabbe…pe… arahato atīto doso atthi…pe… atītaṃ anottappaṃ atthi, na ca arahā tena anottappena anottappīti? Āmantā. Puthujjanassa atītaṃ anottappaṃ atthi, na ca puthujjano tena anottappena anottappīti? Na hevaṃ vattabbe…pe….
அனாகா³மிஸ்ஸ அதீதா ஸக்காயதி³ட்டி² அத்தி², ந ச அனாகா³மீ தாய தி³ட்டி²யா ஸதி³ட்டி²கோதி? ஆமந்தா. புது²ஜ்ஜனஸ்ஸ அதீதா ஸக்காயதி³ட்டி² அத்தி², ந ச புது²ஜ்ஜனோ தாய தி³ட்டி²யா ஸதி³ட்டி²கோதி? ந ஹேவங் வத்தப்³பே³…பே॰… அனாகா³மிஸ்ஸ அதீதா விசிகிச்சா² அத்தி²…பே॰… அதீதோ அணுஸஹக³தோ ப்³யாபாதோ³ அத்தி², ந ச அனாகா³மீ தேன ப்³யாபாதே³ன ப்³யாபன்னசித்தோதி ? ஆமந்தா. புது²ஜ்ஜனஸ்ஸ அதீதோ அணுஸஹக³தோ ப்³யாபாதோ³ அத்தி², ந ச புது²ஜ்ஜனோ தேன ப்³யாபாதே³ன ப்³யாபன்னசித்தோதி? ந ஹேவங் வத்தப்³பே³…பே॰….
Anāgāmissa atītā sakkāyadiṭṭhi atthi, na ca anāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi…pe… atīto aṇusahagato byāpādo atthi, na ca anāgāmī tena byāpādena byāpannacittoti ? Āmantā. Puthujjanassa atīto aṇusahagato byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
ஸகதா³கா³மிஸ்ஸ அதீதா ஸக்காயதி³ட்டி² அத்தி², ந ச ஸகதா³கா³மீ தாய தி³ட்டி²யா ஸதி³ட்டி²கோதி? ஆமந்தா. புது²ஜ்ஜனஸ்ஸ அதீதா ஸக்காயதி³ட்டி² அத்தி², ந ச புது²ஜ்ஜனோ தாய தி³ட்டி²யா ஸதி³ட்டி²கோதி? ந ஹேவங் வத்தப்³பே³…பே॰… ஸகதா³கா³மிஸ்ஸ அதீதா விசிகிச்சா² அத்தி²…பே॰… அதீதோ ஓளாரிகோ ப்³யாபாதோ³ அத்தி², ந ச ஸகதா³கா³மீ தேன ப்³யாபாதே³ன ப்³யாபன்னசித்தோதி? ஆமந்தா. புது²ஜ்ஜனஸ்ஸ அதீதோ ஓளாரிகோ ப்³யாபாதோ³ அத்தி², ந ச புது²ஜ்ஜனோ தேன ப்³யாபாதே³ன ப்³யாபன்னசித்தோதி? ந ஹேவங் வத்தப்³பே³…பே॰….
Sakadāgāmissa atītā sakkāyadiṭṭhi atthi, na ca sakadāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi…pe… atīto oḷāriko byāpādo atthi, na ca sakadāgāmī tena byāpādena byāpannacittoti? Āmantā. Puthujjanassa atīto oḷāriko byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
ஸோதாபன்னஸ்ஸ அதீதா ஸக்காயதி³ட்டி² அத்தி², ந ச ஸோதாபன்னோ தாய தி³ட்டி²யா ஸதி³ட்டி²கோதி? ஆமந்தா. புது²ஜ்ஜனஸ்ஸ அதீதா ஸக்காயதி³ட்டி² அத்தி², ந ச புது²ஜ்ஜனோ தாய தி³ட்டி²யா ஸதி³ட்டி²கோதி? ந ஹேவங் வத்தப்³பே³…பே॰… ஸோதாபன்னஸ்ஸ அதீதா விசிகிச்சா² அத்தி²…பே॰… அதீதோ அபாயக³மனீயோ மோஹோ அத்தி², ந ச ஸோதாபன்னோ தேன மோஹேன ஸமோஹோதி? ஆமந்தா. புது²ஜ்ஜனஸ்ஸ அதீதோ அபாயக³மனீயோ மோஹோ அத்தி², ந ச புது²ஜ்ஜனோ தேன மோஹேன ஸமோஹோதி? ந ஹேவங் வத்தப்³பே³…பே॰….
Sotāpannassa atītā sakkāyadiṭṭhi atthi, na ca sotāpanno tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi…pe… atīto apāyagamanīyo moho atthi, na ca sotāpanno tena mohena samohoti? Āmantā. Puthujjanassa atīto apāyagamanīyo moho atthi, na ca puthujjano tena mohena samohoti? Na hevaṃ vattabbe…pe….
அதீதஹத்தா²தி³கதா²
Atītahatthādikathā
293. அதீதா ஹத்தா² அத்தீ²தி? ஆமந்தா. அதீதேஸு ஹத்தே²ஸு ஸதி ஆதா³னநிக்கே²பனங் பஞ்ஞாயதீதி? ந ஹேவங் வத்தப்³பே³…பே॰… அதீதா பாதா³ அத்தீ²தி? ஆமந்தா. அதீதேஸு பாதே³ஸு ஸதி அபி⁴க்கமபடிக்கமோ பஞ்ஞாயதீதி? ந ஹேவங் வத்தப்³பே³…பே॰… அதீதா பப்³பா³ அத்தீ²தி? ஆமந்தா. அதீதேஸு பப்³பே³ஸு ஸதி ஸமிஞ்ஜனபஸாரணங் பஞ்ஞாயதீதி? ந ஹேவங் வத்தப்³பே³…பே॰… அதீதோ குச்சி² அத்தீ²தி? ஆமந்தா. அதீதஸ்மிங் குச்சி²ஸ்மிங் ஸதி ஜிக⁴ச்சா² பிபாஸா பஞ்ஞாயதீதி? ந ஹேவங் வத்தப்³பே³…பே॰….
293. Atītā hatthā atthīti? Āmantā. Atītesu hatthesu sati ādānanikkhepanaṃ paññāyatīti? Na hevaṃ vattabbe…pe… atītā pādā atthīti? Āmantā. Atītesu pādesu sati abhikkamapaṭikkamo paññāyatīti? Na hevaṃ vattabbe…pe… atītā pabbā atthīti? Āmantā. Atītesu pabbesu sati samiñjanapasāraṇaṃ paññāyatīti? Na hevaṃ vattabbe…pe… atīto kucchi atthīti? Āmantā. Atītasmiṃ kucchismiṃ sati jighacchā pipāsā paññāyatīti? Na hevaṃ vattabbe…pe….
அதீதோ காயோ அத்தீ²தி? ஆமந்தா. அதீதோ காயோ பக்³க³ஹனிக்³க³ஹுபகோ³ சே²த³னபே⁴த³னுபகோ³ காகேஹி கி³ஜ்ஜே²ஹி குலலேஹி ஸாதா⁴ரணோதி? ந ஹேவங் வத்தப்³பே³…பே॰… அதீதே காயே விஸங் கமெய்ய , ஸத்த²ங் கமெய்ய, அக்³கி³ கமெய்யாதி? ந ஹேவங் வத்தப்³பே³…பே॰… லப்³பா⁴ அதீதோ காயோ அத்³து³ப³ந்த⁴னேன ப³ந்தி⁴துங், ரஜ்ஜுப³ந்த⁴னேன ப³ந்தி⁴துங், ஸங்க²லிகப³ந்த⁴னேன ப³ந்தி⁴துங், கா³மப³ந்த⁴னேன ப³ந்தி⁴துங், நிக³மப³ந்த⁴னேன ப³ந்தி⁴துங், நக³ரப³ந்த⁴னேன ப³ந்தி⁴துங், ஜனபத³ப³ந்த⁴னேன ப³ந்தி⁴துங், கண்ட²பஞ்சமேஹி ப³ந்த⁴னேஹி ப³ந்தி⁴துந்தி? ந ஹேவங் வத்தப்³பே³…பே॰….
Atīto kāyo atthīti? Āmantā. Atīto kāyo paggahaniggahupago chedanabhedanupago kākehi gijjhehi kulalehi sādhāraṇoti? Na hevaṃ vattabbe…pe… atīte kāye visaṃ kameyya , satthaṃ kameyya, aggi kameyyāti? Na hevaṃ vattabbe…pe… labbhā atīto kāyo addubandhanena bandhituṃ, rajjubandhanena bandhituṃ, saṅkhalikabandhanena bandhituṃ, gāmabandhanena bandhituṃ, nigamabandhanena bandhituṃ, nagarabandhanena bandhituṃ, janapadabandhanena bandhituṃ, kaṇṭhapañcamehi bandhanehi bandhitunti? Na hevaṃ vattabbe…pe….
அதீதோ ஆபோ அத்தீ²தி? ஆமந்தா. தேன ஆபேன ஆபகரணீயங் கரோதீதி? ந ஹேவங் வத்தப்³பே³…பே॰… அதீதோ தேஜோ அத்தீ²தி? ஆமந்தா. தேன தேஜேன தேஜகரணீயங் கரோதீதி? ந ஹேவங் வத்தப்³பே³…பே॰… அதீதோ வாயோ அத்தீ²தி? ஆமந்தா. தேன வாயேன வாயகரணீயங் கரோதீதி? ந ஹேவங் வத்தப்³பே³…பே॰….
Atīto āpo atthīti? Āmantā. Tena āpena āpakaraṇīyaṃ karotīti? Na hevaṃ vattabbe…pe… atīto tejo atthīti? Āmantā. Tena tejena tejakaraṇīyaṃ karotīti? Na hevaṃ vattabbe…pe… atīto vāyo atthīti? Āmantā. Tena vāyena vāyakaraṇīyaṃ karotīti? Na hevaṃ vattabbe…pe….
அதீதக்க²ந்தா⁴தி³ஸமோதா⁴னகதா²
Atītakkhandhādisamodhānakathā
294. அதீதோ ரூபக்க²ந்தோ⁴ அத்தி², அனாக³தோ ரூபக்க²ந்தோ⁴ அத்தி², பச்சுப்பன்னோ ரூபக்க²ந்தோ⁴ அத்தீ²தி? ஆமந்தா. தயோ ரூபக்க²ந்தா⁴தி? ந ஹேவங் வத்தப்³பே³ …பே॰… அதீதா பஞ்சக்க²ந்தா⁴ அத்தி², அனாக³தா பஞ்சக்க²ந்தா⁴ அத்தி², பச்சுப்பன்னா பஞ்சக்க²ந்தா⁴ அத்தீ²தி? ஆமந்தா. பன்னரஸக்க²ந்தா⁴தி? ந ஹேவங் வத்தப்³பே³…பே॰….
294. Atīto rūpakkhandho atthi, anāgato rūpakkhandho atthi, paccuppanno rūpakkhandho atthīti? Āmantā. Tayo rūpakkhandhāti? Na hevaṃ vattabbe …pe… atītā pañcakkhandhā atthi, anāgatā pañcakkhandhā atthi, paccuppannā pañcakkhandhā atthīti? Āmantā. Pannarasakkhandhāti? Na hevaṃ vattabbe…pe….
அதீதங் சக்கா²யதனங் அத்தி², அனாக³தங் சக்கா²யதனங் அத்தி², பச்சுப்பன்னங் சக்கா²யதனங் அத்தீ²தி? ஆமந்தா. தீணி சக்கா²யதனானீதி? ந ஹேவங் வத்தப்³பே³…பே॰… அதீதானி த்³வாத³ஸாயதனானி அத்தி², அனாக³தானி த்³வாத³ஸாயதனானி அத்தி², பச்சுப்பன்னானி த்³வாத³ஸாயதனானி அத்தீ²தி? ஆமந்தா. ச²த்திங்ஸாயதனானீதி? ந ஹேவங் வத்தப்³பே³…பே॰….
Atītaṃ cakkhāyatanaṃ atthi, anāgataṃ cakkhāyatanaṃ atthi, paccuppannaṃ cakkhāyatanaṃ atthīti? Āmantā. Tīṇi cakkhāyatanānīti? Na hevaṃ vattabbe…pe… atītāni dvādasāyatanāni atthi, anāgatāni dvādasāyatanāni atthi, paccuppannāni dvādasāyatanāni atthīti? Āmantā. Chattiṃsāyatanānīti? Na hevaṃ vattabbe…pe….
அதீதா சக்கு²தா⁴து அத்தி², அனாக³தா சக்கு²தா⁴து அத்தி², பச்சுப்பன்னா சக்கு²தா⁴து அத்தீ²தி? ஆமந்தா. திஸ்ஸோ சக்கு²தா⁴துயோதி? ந ஹேவங் வத்தப்³பே³…பே॰… அதீதா அட்டா²ரஸ தா⁴துயோ அத்தி², அனாக³தா அட்டா²ரஸ தா⁴துயோ அத்தி², பச்சுப்பன்னா அட்டா²ரஸ தா⁴துயோ அத்தீ²தி? ஆமந்தா. சதுபஞ்ஞாஸ தா⁴துயோதி? ந ஹேவங் வத்தப்³பே³…பே॰….
Atītā cakkhudhātu atthi, anāgatā cakkhudhātu atthi, paccuppannā cakkhudhātu atthīti? Āmantā. Tisso cakkhudhātuyoti? Na hevaṃ vattabbe…pe… atītā aṭṭhārasa dhātuyo atthi, anāgatā aṭṭhārasa dhātuyo atthi, paccuppannā aṭṭhārasa dhātuyo atthīti? Āmantā. Catupaññāsa dhātuyoti? Na hevaṃ vattabbe…pe….
அதீதங் சக்கு²ந்த்³ரியங் அத்தி², அனாக³தங் சக்கு²ந்த்³ரியங் அத்தி², பச்சுப்பன்னங் சக்கு²ந்த்³ரியங் அத்தீ²தி ? ஆமந்தா. தீணி சக்கு²ந்த்³ரியானீதி? ந ஹேவங் வத்தப்³பே³…பே॰… அதீதானி பா³வீஸதிந்த்³ரியானி அத்தி², அனாக³தானி பா³வீஸதிந்த்³ரியானி அத்தி², பச்சுப்பன்னானி பா³வீஸதிந்த்³ரியானி அத்தீ²தி? ஆமந்தா. ச²ஸட்டி²ந்த்³ரியானீதி? ந ஹேவங் வத்தப்³பே³…பே॰….
Atītaṃ cakkhundriyaṃ atthi, anāgataṃ cakkhundriyaṃ atthi, paccuppannaṃ cakkhundriyaṃ atthīti ? Āmantā. Tīṇi cakkhundriyānīti? Na hevaṃ vattabbe…pe… atītāni bāvīsatindriyāni atthi, anāgatāni bāvīsatindriyāni atthi, paccuppannāni bāvīsatindriyāni atthīti? Āmantā. Chasaṭṭhindriyānīti? Na hevaṃ vattabbe…pe….
அதீதோ ராஜா சக்கவத்தீ அத்தி², அனாக³தோ ராஜா சக்கவத்தீ அத்தி², பச்சுப்பன்னோ ராஜா சக்கவத்தீ அத்தீ²தி? ஆமந்தா. திண்ணன்னங் ராஜூனங் சக்கவத்தீனங் ஸம்முகீ²பா⁴வோ ஹோதீதி? ந ஹேவங் வத்தப்³பே³…பே॰….
Atīto rājā cakkavattī atthi, anāgato rājā cakkavattī atthi, paccuppanno rājā cakkavattī atthīti? Āmantā. Tiṇṇannaṃ rājūnaṃ cakkavattīnaṃ sammukhībhāvo hotīti? Na hevaṃ vattabbe…pe….
அதீதோ ஸம்மாஸம்முத்³தோ⁴ அத்தி², அனாக³தோ ஸம்மாஸம்பு³த்³தோ⁴ அத்தி², பச்சுப்பன்னோ ஸம்மாஸம்பு³த்³தோ⁴ அத்தீ²தி? ஆமந்தா. திண்ணன்னங் ஸம்மாஸம்பு³த்³தா⁴னங் ஸம்முகீ²பா⁴வோ ஹோதீதி? ந ஹேவங் வத்தப்³பே³…பே॰….
Atīto sammāsammuddho atthi, anāgato sammāsambuddho atthi, paccuppanno sammāsambuddho atthīti? Āmantā. Tiṇṇannaṃ sammāsambuddhānaṃ sammukhībhāvo hotīti? Na hevaṃ vattabbe…pe….
பத³ஸோத⁴னகதா²
Padasodhanakathā
295. அதீதங் அத்தீ²தி? ஆமந்தா . அத்தி² அதீதந்தி? அத்தி² ஸியா அதீதங், ஸியா ந்வாதீதந்தி.
295. Atītaṃ atthīti? Āmantā . Atthi atītanti? Atthi siyā atītaṃ, siyā nvātītanti.
ஆஜானாஹி நிக்³க³ஹங். ஹஞ்சி அதீதங் அத்தி², அத்தி² ஸியா அதீதங், ஸியா ந்வாதீதங், தேனாதீதங் ந்வாதீதங், ந்வாதீதங் அதீதந்தி. யங் தத்த² வதே³ஸி – ‘‘வத்தப்³பே³ கோ² – ‘அதீதங் அத்தி² அத்தி² ஸியா அதீதங், ஸியா ந்வாதீதங், தேனாதீதங் ந்வாதீதங், ந்வாதீதங் அதீத’’’ந்தி மிச்சா².
Ājānāhi niggahaṃ. Hañci atītaṃ atthi, atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atītanti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
நோ சே பன அதீதங் ந்வாதீதங் ந்வாதீதங் அதீதந்தி, நோ ச வத ரே வத்தப்³பே³ – ‘‘அதீதங் அத்தி² அத்தி² ஸியா அதீதங், ஸியா ந்வாதீத’’ந்தி. யங் தத்த² வதே³ஸி – ‘‘வத்தப்³பே³ கோ² – ‘அதீதங் அத்தி² அத்தி² ஸியா அதீதங், ஸியா ந்வாதீதங், தேனாதீதங் ந்வாதீதங், ந்வாதீதங் அதீத’’’ந்தி மிச்சா².
No ce pana atītaṃ nvātītaṃ nvātītaṃ atītanti, no ca vata re vattabbe – ‘‘atītaṃ atthi atthi siyā atītaṃ, siyā nvātīta’’nti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
அனாக³தங் அத்தீ²தி? ஆமந்தா. அத்தி² அனாக³தந்தி? அத்தி² ஸியா அனாக³தங், ஸியா ந்வானாக³தந்தி.
Anāgataṃ atthīti? Āmantā. Atthi anāgatanti? Atthi siyā anāgataṃ, siyā nvānāgatanti.
ஆஜானாஹி நிக்³க³ஹங். ஹஞ்சி அனாக³தங் அத்தி² அத்தி² ஸியா அனாக³தங் ஸியா ந்வானாக³தங், தேனானாக³தங் ந்வானாக³தங், ந்வானாக³தங் அனாக³தந்தி. யங் தத்த² வதே³ஸி – ‘‘வத்தப்³பே³ கோ² – ‘அனாக³தங் அத்தி² அத்தி² ஸியா அனாக³தங், ஸியா ந்வானாக³தங், தேனானாக³தங் ந்வானாக³தங், ந்வானாக³தங் அனாக³த’’’ந்தி மிச்சா².
Ājānāhi niggahaṃ. Hañci anāgataṃ atthi atthi siyā anāgataṃ siyā nvānāgataṃ, tenānāgataṃ nvānāgataṃ, nvānāgataṃ anāgatanti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
நோ சே பனானாக³தங் ந்வானாக³தங் ந்வானாக³தங் அனாக³தந்தி, நோ ச வத ரே வத்தப்³பே³ – ‘‘அனாக³தங் அத்தி² அத்தி² ஸியா அனாக³தங், ஸியா ந்வானாக³த’’ந்தி. யங் தத்த² வதே³ஸி – ‘‘வத்தப்³பே³ கோ² – ‘அனாக³தங் அத்தி² அத்தி² ஸியா அனாக³தங், ஸியா ந்வானாக³தங், தேனானாக³தங் ந்வானாக³தங், ந்வானாக³தங் அனாக³த’’’ந்தி மிச்சா².
No ce panānāgataṃ nvānāgataṃ nvānāgataṃ anāgatanti, no ca vata re vattabbe – ‘‘anāgataṃ atthi atthi siyā anāgataṃ, siyā nvānāgata’’nti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
பச்சுப்பன்னங் அத்தீ²தி, ஆமந்தா. அத்தி² பச்சுப்பன்னந்தி? அத்தி² ஸியா பச்சுப்பன்னங், ஸியா நோ பச்சுப்பன்னந்தி.
Paccuppannaṃ atthīti, āmantā. Atthi paccuppannanti? Atthi siyā paccuppannaṃ, siyā no paccuppannanti.
ஆஜானாஹி நிக்³க³ஹங். ஹஞ்சி பச்சுப்பன்னங் அத்தி² அத்தி² ஸியா பச்சுப்பன்னங், ஸியா நோ பச்சுப்பன்னங், தேன பச்சுப்பன்னங், நோ பச்சுப்பன்னங், நோ பச்சுப்பன்னங் பச்சுப்பன்னந்தி. யங் தத்த² வதே³ஸி – ‘‘வத்தப்³பே³ கோ² – ‘பச்சுப்பன்னங் அத்தி² அத்தி² ஸியா பச்சுப்பன்னங், ஸியா நோ பச்சுப்பன்னங், தேன பச்சுப்பன்னங் நோ பச்சுப்பன்னங், நோ பச்சுப்பன்னங் பச்சுப்பன்ன’’’ந்தி மிச்சா².
Ājānāhi niggahaṃ. Hañci paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ, no paccuppannaṃ, no paccuppannaṃ paccuppannanti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
நோ சே பன பச்சுப்பன்னங் நோ பச்சுப்பன்னங், நோ பச்சுப்பன்னங் பச்சுப்பன்னந்தி, நோ ச வத ரே வத்தப்³பே³ – ‘‘பச்சுப்பன்னங் அத்தி² அத்தி² ஸியா பச்சுப்பன்னங், ஸியா நோ பச்சுப்பன்ன’’ந்தி. யங் தத்த² வதே³ஸி – ‘‘வத்தப்³பே³ கோ² – ‘பச்சுப்பன்னங் அத்தி² அத்தி² ஸியா பச்சுப்பன்னங், ஸியா நோ பச்சுப்பன்னங், தேன பச்சுப்பன்னங் நோ பச்சுப்பன்னங், நோ பச்சுப்பன்னங் பச்சுப்பன்ன’’’ந்தி மிச்சா².
No ce pana paccuppannaṃ no paccuppannaṃ, no paccuppannaṃ paccuppannanti, no ca vata re vattabbe – ‘‘paccuppannaṃ atthi atthi siyā paccuppannaṃ, siyā no paccuppanna’’nti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
நிப்³பா³னங் அத்தீ²தி? ஆமந்தா. அத்தி² நிப்³பா³னந்தி? அத்தி² ஸியா நிப்³பா³னங் ஸியா நோ நிப்³பா³னந்தி.
Nibbānaṃ atthīti? Āmantā. Atthi nibbānanti? Atthi siyā nibbānaṃ siyā no nibbānanti.
ஆஜானாஹி நிக்³க³ஹங். ஹஞ்சி நிப்³பா³னங் அத்தி² அத்தி² ஸியா நிப்³பா³னங், ஸியா நோ நிப்³பா³னங், தேன நிப்³பா³னங் நோ நிப்³பா³னங், நோ நிப்³பா³னங் நிப்³பா³னந்தி. யங் தத்த² வதே³ஸி – ‘‘வத்தப்³பே³ கோ² – ‘நிப்³பா³னங் அத்தி² அத்தி² ஸியா நிப்³பா³னங், ஸியா நோ நிப்³பா³னங், தேன நிப்³பா³னங் நோ நிப்³பா³னங், நோ நிப்³பா³னங் நிப்³பா³ன’’’ந்தி மிச்சா².
Ājānāhi niggahaṃ. Hañci nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbānanti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
நோ சே பன நிப்³பா³னங் நோ நிப்³பா³னங், நோ நிப்³பா³னங் நிப்³பா³னந்தி, நோ ச வத ரே வத்தப்³பே³ – ‘‘நிப்³பா³னங் அத்தி² அத்தி² ஸியா நிப்³பா³னங், ஸியா நோ நிப்³பா³ன’’ந்தி. யங் தத்த² வதே³ஸி – ‘‘வத்தப்³பே³ கோ² – ‘நிப்³பா³னங் அத்தி² அத்தி² ஸியா நிப்³பா³னங், ஸியா நோ நிப்³பா³னங், தேன நிப்³பா³னங் நோ நிப்³பா³னங், நோ நிப்³பா³னங் நிப்³பா³ன’’’ந்தி மிச்சா².
No ce pana nibbānaṃ no nibbānaṃ, no nibbānaṃ nibbānanti, no ca vata re vattabbe – ‘‘nibbānaṃ atthi atthi siyā nibbānaṃ, siyā no nibbāna’’nti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
ஸுத்தஸாத⁴னங்
Suttasādhanaṃ
296. ந வத்தப்³ப³ங் – ‘‘அதீதங் அத்தி², அனாக³தங் அத்தீ²’’தி? ஆமந்தா. நனு வுத்தங் ப⁴க³வதா – ‘‘யங் கிஞ்சி, பி⁴க்க²வே, ரூபங் அதீதானாக³தபச்சுப்பன்னங் அஜ்ஜ²த்தங் வா ப³ஹித்³தா⁴ வா ஓளாரிகங் வா ஸுகு²மங் வா ஹீனங் வா பணீதங் வா யங் தூ³ரே ஸந்திகே வா – அயங் வுச்சதி ரூபக்க²ந்தோ⁴. யா காசி வேத³னா… யா காசி ஸஞ்ஞா… யே கேசி ஸங்கா²ரா… யங் கிஞ்சி விஞ்ஞாணங் அதீதானாக³தபச்சுப்பன்னங் அஜ்ஜ²த்தங் வா ப³ஹித்³தா⁴ வா ஓளாரிகங் வா ஸுகு²மங் வா ஹீனங் வா பணீதங் வா யங் தூ³ரே ஸந்திகே வா – அயங் வுச்சதி விஞ்ஞாணக்க²ந்தோ⁴’’தி 31. அத்தே²வ ஸுத்தந்தோதி? ஆமந்தா. தேன ஹி அதீதங் அத்தி², அனாக³தங் அத்தீ²தி.
296. Na vattabbaṃ – ‘‘atītaṃ atthi, anāgataṃ atthī’’ti? Āmantā. Nanu vuttaṃ bhagavatā – ‘‘yaṃ kiñci, bhikkhave, rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati rūpakkhandho. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati viññāṇakkhandho’’ti 32. Attheva suttantoti? Āmantā. Tena hi atītaṃ atthi, anāgataṃ atthīti.
அதீதங் அத்தி², அனாக³தங் அத்தீ²தி? ஆமந்தா. நனு வுத்தங் ப⁴க³வதா – ‘‘தயோமே, பி⁴க்க²வே, நிருத்திபதா² அதி⁴வசனபதா² பஞ்ஞத்திபதா² அஸங்கிண்ணா அஸங்கிண்ணபுப்³பா³ ந ஸங்கியந்தி ந ஸங்கியிஸ்ஸந்தி அப்படிகுட்டா² ஸமணேஹி ப்³ராஹ்மணேஹி விஞ்ஞூஹி. கதமே தயோ? யங், பி⁴க்க²வே, ரூபங் அதீதங் நிருத்³த⁴ங் விக³தங் விபரிணதங் ‘அஹோஸீ’தி தஸ்ஸ ஸங்கா², ‘அஹோஸீ’தி தஸ்ஸ ஸமஞ்ஞா, ‘அஹோஸீ’தி தஸ்ஸ பஞ்ஞத்தி; ந தஸ்ஸ ஸங்கா² ‘அத்தீ²’தி, ந தஸ்ஸ ஸங்கா² ‘ப⁴விஸ்ஸதீ’தி. யா வேத³னா…பே॰… யா ஸஞ்ஞா… யே ஸங்கா²ரா… யங் விஞ்ஞாணங் அதீதங் நிருத்³த⁴ங் விக³தங் விபரிணதங் ‘அஹோஸீ’தி தஸ்ஸ ஸங்கா², ‘அஹோஸீ’தி தஸ்ஸ ஸமஞ்ஞா, ‘அஹோஸீ’தி தஸ்ஸ பஞ்ஞத்தி; ந தஸ்ஸ ஸங்கா² ‘அத்தீ²’தி, ந தஸ்ஸ ஸங்கா² ‘ப⁴விஸ்ஸதீ’தி.
Atītaṃ atthi, anāgataṃ atthīti? Āmantā. Nanu vuttaṃ bhagavatā – ‘‘tayome, bhikkhave, niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi. Katame tayo? Yaṃ, bhikkhave, rūpaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti.
‘‘யங், பி⁴க்க²வே, ரூபங் அஜாதங் அபாதுபூ⁴தங் ‘ப⁴விஸ்ஸதீ’தி தஸ்ஸ ஸங்கா², ‘ப⁴விஸ்ஸதீ’தி தஸ்ஸ ஸமஞ்ஞா, ‘ப⁴விஸ்ஸதீ’தி தஸ்ஸ பஞ்ஞத்தி; ந தஸ்ஸ ஸங்கா² ‘அத்தீ²’தி, ந தஸ்ஸ ஸங்கா² ‘அஹோஸீ’தி. யா வேத³னா…பே॰… யா ஸஞ்ஞா… யே ஸங்கா²ரா… யங் விஞ்ஞாணங் அஜாதங் அபாதுபூ⁴தங் ‘ப⁴விஸ்ஸதீ’தி தஸ்ஸ ஸங்கா², ‘ப⁴விஸ்ஸதீ’தி தஸ்ஸ ஸமஞ்ஞா, ‘ப⁴விஸ்ஸதீ’தி தஸ்ஸ பஞ்ஞத்தி; ந தஸ்ஸ ஸங்கா² ‘அத்தீ²’தி, ந தஸ்ஸ ஸங்கா² ‘அஹோஸீ’தி.
‘‘Yaṃ, bhikkhave, rūpaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti. Yā vedanā…pe… yā saññā… ye saṅkhārā… yaṃ viññāṇaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti.
‘‘யங், பி⁴க்க²வே, ரூபங் ஜாதங் பாதுபூ⁴தங் ‘அத்தீ²’தி தஸ்ஸ ஸங்கா², ‘அத்தீ²’தி தஸ்ஸ ஸமஞ்ஞா, ‘அத்தீ²’தி தஸ்ஸ பஞ்ஞத்தி; ந தஸ்ஸ ஸங்கா² ‘அஹோஸீ’தி, ந தஸ்ஸ ஸங்கா² ‘ப⁴விஸ்ஸதீ’தி. யா வேத³னா…பே॰… யா ஸஞ்ஞா… யே ஸங்கா²ரா… யங் விஞ்ஞாணங் ஜாதங் பாதுபூ⁴தங் ‘அத்தீ²’தி தஸ்ஸ ஸங்கா², ‘அத்தீ²’தி தஸ்ஸ ஸமஞ்ஞா, ‘அத்தீ²’தி தஸ்ஸ பஞ்ஞத்தி; ந தஸ்ஸ ஸங்கா² ‘அஹோஸீ’தி, ந தஸ்ஸ ஸங்கா² ‘ப⁴விஸ்ஸதீ’தி. இமே கோ², பி⁴க்க²வே, தயோ நிருத்திபதா² அதி⁴வசனபதா² பஞ்ஞத்திபதா² அஸங்கிண்ணா அஸங்கிண்ணபுப்³பா³ ந ஸங்கியந்தி ந ஸங்கியிஸ்ஸந்தி அப்படிகுட்டா² ஸமணேஹி ப்³ராஹ்மணேஹி விஞ்ஞூஹி.
‘‘Yaṃ, bhikkhave, rūpaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Ime kho, bhikkhave, tayo niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi.
‘‘யேபி தே, பி⁴க்க²வே, அஹேஸுங் உக்கலா வஸ்ஸப⁴ஞ்ஞா அஹேதுகவாதா³ அகிரியவாதா³ நத்தி²கவாதா³, தேபிமே தயோ நிருத்திபதே² அதி⁴வசனபதே² பஞ்ஞத்திபதே² ந க³ரஹிதப்³ப³ங் ந படிக்கோஸிதப்³ப³ங் அமஞ்ஞிங்ஸு. தங் கிஸ்ஸ ஹேது? நிந்தா³ப்³யாரோஸஉபாரம்ப⁴ப⁴யா’’தி 33. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘அதீதங் அத்தி², அனாக³தங் அத்தீ²’’தி.
‘‘Yepi te, bhikkhave, ahesuṃ ukkalā vassabhaññā ahetukavādā akiriyavādā natthikavādā, tepime tayo niruttipathe adhivacanapathe paññattipathe na garahitabbaṃ na paṭikkositabbaṃ amaññiṃsu. Taṃ kissa hetu? Nindābyārosaupārambhabhayā’’ti 34. Attheva suttantoti? Āmantā. Tena hi na vattabbaṃ – ‘‘atītaṃ atthi, anāgataṃ atthī’’ti.
அதீதங் அத்தீ²தி? ஆமந்தா. நனு ஆயஸ்மா ப²க்³கு³னோ ப⁴க³வந்தங் ஏதத³வோச – ‘‘அத்தி² நு கோ² தங், ப⁴ந்தே, சக்கு²ங் யேன சக்கு²னா அதீதே பு³த்³தே⁴ பரினிப்³பு³தே சி²ன்னபபஞ்சே சி²ன்னவடுமே பரியாதி³ன்னவட்டே ஸப்³ப³து³க்க²வீதிவத்தே பஞ்ஞாபயமானோ பஞ்ஞாபெய்யாதி. அத்தி² நு கோ² ஸா, ப⁴ந்தே, ஜிவ்ஹா…பே॰… அத்தி² நு கோ² ஸோ, ப⁴ந்தே, மனோ யேன மனேன அதீதே பு³த்³தே⁴ பரினிப்³பு³தே சி²ன்னபபஞ்சே சி²ன்னவடுமே பரியாதி³ன்னவட்டே ஸப்³ப³து³க்க²வீதிவத்தே பஞ்ஞாபயமானோ பஞ்ஞாபெய்யா’’தி.
Atītaṃ atthīti? Āmantā. Nanu āyasmā phagguno bhagavantaṃ etadavoca – ‘‘atthi nu kho taṃ, bhante, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyāti. Atthi nu kho sā, bhante, jivhā…pe… atthi nu kho so, bhante, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti.
‘‘நத்தி² கோ² தங், ப²க்³கு³ன, சக்கு²ங் யேன சக்கு²னா அதீதே பு³த்³தே⁴ பரினிப்³பு³தே சி²ன்னபபஞ்சே சி²ன்னவடுமே பரியாதி³ன்னவட்டே ஸப்³ப³து³க்க²வீதிவத்தே பஞ்ஞாபயமானோ பஞ்ஞாபெய்ய. நத்தி² கோ² ஸா, ப²க்³கு³ன, ஜிவ்ஹா…பே॰… நத்தி² நு கோ² ஸோ, ப²க்³கு³ன, மனோ யேன மனேன அதீதே பு³த்³தே⁴ பரினிப்³பு³தே சி²ன்னபபஞ்சே சி²ன்னவடுமே பரியாதி³ன்னவட்டே ஸப்³ப³து³க்க²வீதிவத்தே பஞ்ஞாபயமானோ பஞ்ஞாபெய்யா’’தி 35. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘அதீதங் அத்தீ²’’தி.
‘‘Natthi kho taṃ, phagguna, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyya. Natthi kho sā, phagguna, jivhā…pe… natthi nu kho so, phagguna, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti 36. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
அதீதங் அத்தீ²தி? ஆமந்தா. நனு ஆயஸ்மா நந்த³கோ ஏதத³வோச – ‘‘அஹு புப்³பே³ லோபோ⁴ தத³ஹு அகுஸலங், ஸோ ஏதரஹி நத்தி², இச்சேதங் குஸலங். அஹு புப்³பே³ தோ³ஸோ… அஹு புப்³பே³ மோஹோ, தத³ஹு அகுஸலங், ஸோ ஏதரஹி நத்தி², இச்சேதங் குஸல’’ந்தி 37. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘அதீதங் அத்தீ²’’தி.
Atītaṃ atthīti? Āmantā. Nanu āyasmā nandako etadavoca – ‘‘ahu pubbe lobho tadahu akusalaṃ, so etarahi natthi, iccetaṃ kusalaṃ. Ahu pubbe doso… ahu pubbe moho, tadahu akusalaṃ, so etarahi natthi, iccetaṃ kusala’’nti 38. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
ந வத்தப்³ப³ங் – ‘‘அனாக³தங் அத்தீ²’’தி? ஆமந்தா. நனு வுத்தங் ப⁴க³வதா – ‘‘கப³ளீகாரே சே, பி⁴க்க²வே, ஆஹாரே அத்தி² ராகோ³, அத்தி² நந்தீ³, அத்தி² தண்ஹா; பதிட்டி²தங் தத்த² விஞ்ஞாணங் விரூள்ஹங். யத்த² பதிட்டி²தங் விஞ்ஞாணங் விரூள்ஹங், அத்தி² தத்த² நாமரூபஸ்ஸ அவக்கந்தி. யத்த² அத்தி² நாமரூபஸ்ஸ அவக்கந்தி, அத்தி² தத்த² ஸங்கா²ரானங் வுத்³தி⁴. யத்த² அத்தி² ஸங்கா²ரானங் வுத்³தி⁴, அத்தி² தத்த² ஆயதிங் புனப்³ப⁴வாபி⁴னிப்³ப³த்தி. யத்த² அத்தி² ஆயதிங் புனப்³ப⁴வாபி⁴னிப்³ப³த்தி, அத்தி² தத்த² ஆயதிங் ஜாதிஜராமரணங். யத்த² அத்தி² ஆயதிங் ஜாதிஜராமரணங், ஸஸோகங் தங், பி⁴க்க²வே, ஸரஜங் 39 ஸஉபாயாஸந்தி வதா³மி.
Na vattabbaṃ – ‘‘anāgataṃ atthī’’ti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre atthi rāgo, atthi nandī, atthi taṇhā; patiṭṭhitaṃ tattha viññāṇaṃ virūḷhaṃ. Yattha patiṭṭhitaṃ viññāṇaṃ virūḷhaṃ, atthi tattha nāmarūpassa avakkanti. Yattha atthi nāmarūpassa avakkanti, atthi tattha saṅkhārānaṃ vuddhi. Yattha atthi saṅkhārānaṃ vuddhi, atthi tattha āyatiṃ punabbhavābhinibbatti. Yattha atthi āyatiṃ punabbhavābhinibbatti, atthi tattha āyatiṃ jātijarāmaraṇaṃ. Yattha atthi āyatiṃ jātijarāmaraṇaṃ, sasokaṃ taṃ, bhikkhave, sarajaṃ 40 saupāyāsanti vadāmi.
‘‘ப²ஸ்ஸே சே, பி⁴க்க²வே, ஆஹாரே… மனோஸஞ்சேதனாய சே, பி⁴க்க²வே, ஆஹாரே… விஞ்ஞாணே சே, பி⁴க்க²வே, ஆஹாரே அத்தி² ராகோ³, அத்தி² நந்தீ³…பே॰… ஸரஜங் ஸஉபாயாஸந்தி வதா³மீ’’தி 41. அத்தே²வ ஸுத்தந்தோதி? ஆமந்தா . தேன ஹி அனாக³தங் அத்தீ²தி.
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre atthi rāgo, atthi nandī…pe… sarajaṃ saupāyāsanti vadāmī’’ti 42. Attheva suttantoti? Āmantā . Tena hi anāgataṃ atthīti.
அனாக³தங் அத்தீ²தி? ஆமந்தா. நனு வுத்தங் ப⁴க³வதா – ‘‘கப³ளீகாரே சே, பி⁴க்க²வே, ஆஹாரே நத்தி² ராகோ³, நத்தி² நந்தீ³, நத்தி² தண்ஹா; அப்பதிட்டி²தங் தத்த² விஞ்ஞாணங் அவிரூள்ஹங். யத்த² விஞ்ஞாணங் அப்பதிட்டி²தங் அவிரூள்ஹங், நத்தி² தத்த² நாமரூபஸ்ஸ அவக்கந்தி. யத்த² நத்தி² நாமரூபஸ்ஸ அவக்கந்தி, நத்தி² தத்த² ஸங்கா²ரானங் வுத்³தி⁴. யத்த² நத்தி² ஸங்கா²ரானங் வுத்³தி⁴, நத்தி² தத்த² ஆயதிங் புனப்³ப⁴வாபி⁴னிப்³ப³த்தி. யத்த² நத்தி² ஆயதிங் புனப்³ப⁴வாபி⁴னிப்³ப³த்தி, நத்தி² தத்த² ஆயதிங் ஜாதிஜராமரணங். யத்த² நத்தி² ஆயதிங் ஜாதிஜராமரணங், அஸோகங் தங், பி⁴க்க²வே, அரஜங் அனுபாயாஸந்தி வதா³மி.
Anāgataṃ atthīti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre natthi rāgo, natthi nandī, natthi taṇhā; appatiṭṭhitaṃ tattha viññāṇaṃ avirūḷhaṃ. Yattha viññāṇaṃ appatiṭṭhitaṃ avirūḷhaṃ, natthi tattha nāmarūpassa avakkanti. Yattha natthi nāmarūpassa avakkanti, natthi tattha saṅkhārānaṃ vuddhi. Yattha natthi saṅkhārānaṃ vuddhi, natthi tattha āyatiṃ punabbhavābhinibbatti. Yattha natthi āyatiṃ punabbhavābhinibbatti, natthi tattha āyatiṃ jātijarāmaraṇaṃ. Yattha natthi āyatiṃ jātijarāmaraṇaṃ, asokaṃ taṃ, bhikkhave, arajaṃ anupāyāsanti vadāmi.
‘‘ப²ஸ்ஸே சே, பி⁴க்க²வே, ஆஹாரே… மனோஸஞ்சேதனாய சே, பி⁴க்க²வே, ஆஹாரே… விஞ்ஞாணே சே, பி⁴க்க²வே, ஆஹாரே நத்தி² ராகோ³, நத்தி² நந்தீ³…பே॰… அரஜங் அனுபாயாஸந்தி வதா³மீ’’தி 43. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘அனாக³தங் அத்தீ²’’தி.
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre natthi rāgo, natthi nandī…pe… arajaṃ anupāyāsanti vadāmī’’ti 44. Attheva suttantoti? Āmantā. Tena hi na vattabbaṃ – ‘‘anāgataṃ atthī’’ti.
ஸப்³ப³மத்தீ²திகதா² நிட்டி²தா.
Sabbamatthītikathā niṭṭhitā.
Footnotes:
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 5. ஸப்³ப³மத்தீ²திகதா² • 5. Sabbamatthītikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 5. ஸப்³ப³மத்தீ²திகதா² • 5. Sabbamatthītikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 5. ஸப்³ப³மத்தீ²திகதா²வண்ணனா • 5. Sabbamatthītikathāvaṇṇanā
