| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৫. সব্বমত্থীতিকথা
5. Sabbamatthītikathā
১. ৰাদযুত্তি
1. Vādayutti
২৮২. সব্বমত্থীতি ? আমন্তা। সব্বত্থ সব্বমত্থীতি? ন হেৰং ৰত্তব্বে। সব্বমত্থীতি? আমন্তা। সব্বদা সব্বমত্থীতি? ন হেৰং ৰত্তব্বে। সব্বমত্থীতি? আমন্তা। সব্বেন সব্বং সব্বমত্থীতি? ন হেৰং ৰত্তব্বে। সব্বমত্থীতি? আমন্তা। সব্বেসু সব্বমত্থীতি? ন হেৰং ৰত্তব্বে। সব্বমত্থীতি? আমন্তা। অযোগন্তি কত্ৰা সব্বমত্থীতি? ন হেৰং ৰত্তব্বে। সব্বমত্থীতি? আমন্তা। যম্পি নত্থি, তম্পত্থীতি? ন হেৰং ৰত্তব্বে। সব্বমত্থীতি? আমন্তা। সব্বমত্থীতি যা দিট্ঠি সা দিট্ঠি মিচ্ছাদিট্ঠীতি, যা দিট্ঠি সা দিট্ঠি সম্মাদিট্ঠীতি, হেৰমত্থীতি? ন হেৰং ৰত্তব্বে। (সংখিত্তং)। ৰাদযুত্তি।
282. Sabbamatthīti ? Āmantā. Sabbattha sabbamatthīti? Na hevaṃ vattabbe. Sabbamatthīti? Āmantā. Sabbadā sabbamatthīti? Na hevaṃ vattabbe. Sabbamatthīti? Āmantā. Sabbena sabbaṃ sabbamatthīti? Na hevaṃ vattabbe. Sabbamatthīti? Āmantā. Sabbesu sabbamatthīti? Na hevaṃ vattabbe. Sabbamatthīti? Āmantā. Ayoganti katvā sabbamatthīti? Na hevaṃ vattabbe. Sabbamatthīti? Āmantā. Yampi natthi, tampatthīti? Na hevaṃ vattabbe. Sabbamatthīti? Āmantā. Sabbamatthīti yā diṭṭhi sā diṭṭhi micchādiṭṭhīti, yā diṭṭhi sā diṭṭhi sammādiṭṭhīti, hevamatthīti? Na hevaṃ vattabbe. (Saṃkhittaṃ). Vādayutti.
২. কালসংসন্দনা
2. Kālasaṃsandanā
২৮৩. অতীতং অত্থীতি? আমন্তা। ননু অতীতং নিরুদ্ধং ৰিগতং ৰিপরিণতং অত্থঙ্গতং অব্ভত্থঙ্গতন্তি? আমন্তা। হঞ্চি অতীতং নিরুদ্ধং ৰিগতং ৰিপরিণতং অত্থঙ্গতং অব্ভত্থঙ্গতং, নো চ ৰত রে ৰত্তব্বে – ‘‘অতীতং অত্থী’’তি।
283. Atītaṃ atthīti? Āmantā. Nanu atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ, no ca vata re vattabbe – ‘‘atītaṃ atthī’’ti.
অনাগতং অত্থীতি? আমন্তা। ননু অনাগতং অজাতং অভূতং অসঞ্জাতং অনিব্বত্তং অনভিনিব্বত্তং অপাতুভূতন্তি? আমন্তা। হঞ্চি অনাগতং অজাতং অভূতং অসঞ্জাতং অনিব্বত্তং অনভিনিব্বত্তং অপাতুভূতং, নো চ ৰত রে ৰত্তব্বে – ‘‘অনাগতং অত্থী’’তি।
Anāgataṃ atthīti? Āmantā. Nanu anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ, no ca vata re vattabbe – ‘‘anāgataṃ atthī’’ti.
পচ্চুপ্পন্নং অত্থি পচ্চুপ্পন্নং অনিরুদ্ধং অৰিগতং অৰিপরিণতং ন অত্থঙ্গতং ন অব্ভত্থঙ্গতন্তি? আমন্তা। অতীতং অত্থি অতীতং অনিরুদ্ধং অৰিগতং অৰিপরিণতং ন অত্থঙ্গতং ন অব্ভত্থঙ্গতন্তি? ন হেৰং ৰত্তব্বে…পে॰… পচ্চুপ্পন্নং অত্থি পচ্চুপ্পন্নং জাতং ভূতং সঞ্জাতং নিব্বত্তং অভিনিব্বত্তং পাতুভূতন্তি? আমন্তা। অনাগতং অত্থি অনাগতং জাতং ভূতং সঞ্জাতং নিব্বত্তং অভিনিব্বত্তং পাতুভূতন্তি? ন হেৰং ৰত্তব্বে…পে॰…।
Paccuppannaṃ atthi paccuppannaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ atthi atītaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe…pe… paccuppannaṃ atthi paccuppannaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ atthi anāgataṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe…pe….
অতীতং অত্থি অতীতং নিরুদ্ধং ৰিগতং ৰিপরিণতং অত্থঙ্গতং অব্ভত্থঙ্গতন্তি? আমন্তা। পচ্চুপ্পন্নং অত্থি পচ্চুপ্পন্নং নিরুদ্ধং ৰিগতং ৰিপরিণতং অত্থঙ্গতং অব্ভত্থঙ্গতন্তি? ন হেৰং ৰত্তব্বে…পে॰… অনাগতং অত্থি অনাগতং অজাতং অভূতং অসঞ্জাতং অনিব্বত্তং অনভিনিব্বত্তং অপাতুভূতন্তি? আমন্তা। পচ্চুপ্পন্নং অত্থি পচ্চুপ্পন্নং অজাতং অভূতং অসঞ্জাতং অনিব্বত্তং অনভিনিব্বত্তং অপাতুভূতন্তি? ন হেৰং ৰত্তব্বে।
Atītaṃ atthi atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ atthi paccuppannaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe…pe… anāgataṃ atthi anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ atthi paccuppannaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
২৮৪. অতীতং রূপং অত্থীতি? আমন্তা। ননু অতীতং রূপং নিরুদ্ধং ৰিগতং ৰিপরিণতং অত্থঙ্গতং অব্ভত্থঙ্গতন্তি? আমন্তা। হঞ্চি অতীতং রূপং নিরুদ্ধং…পে॰… অব্ভত্থঙ্গতং, নো চ ৰত রে ৰত্তব্বে – ‘‘অতীতং রূপং অত্থী’’তি।
284. Atītaṃ rūpaṃ atthīti? Āmantā. Nanu atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ rūpaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ rūpaṃ atthī’’ti.
অনাগতং রূপং অত্থীতি? আমন্তা। ননু অনাগতং রূপং অজাতং অভূতং অসঞ্জাতং অনিব্বত্তং অনভিনিব্বত্তং অপাতুভূতন্তি? আমন্তা। হঞ্চি অনাগতং রূপং অজাতং…পে॰… অপাতুভূতং, নো চ ৰত রে ৰত্তব্বে – ‘‘অনাগতং রূপং অত্থী’’তি।
Anāgataṃ rūpaṃ atthīti? Āmantā. Nanu anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ rūpaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ rūpaṃ atthī’’ti.
পচ্চুপ্পন্নং রূপং অত্থি পচ্চুপ্পন্নং রূপং অনিরুদ্ধং অৰিগতং অৰিপরিণতং ন অত্থঙ্গতং ন অব্ভত্থঙ্গতন্তি? আমন্তা। অতীতং রূপং অত্থি অতীতং রূপং অনিরুদ্ধং অৰিগতং অৰিপরিণতং ন অত্থঙ্গতং ন অব্ভত্থঙ্গতন্তি? ন হেৰং ৰত্তব্বে।
Paccuppannaṃ rūpaṃ atthi paccuppannaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ rūpaṃ atthi atītaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe.
পচ্চুপ্পন্নং রূপং অত্থি পচ্চুপ্পন্নং রূপং জাতং ভূতং সঞ্জাতং নিব্বত্তং অভিনিব্বত্তং পাতুভূতন্তি? আমন্তা। অনাগতং রূপং অত্থি অনাগতং রূপং জাতং ভূতং সঞ্জাতং নিব্বত্তং অভিনিব্বত্তং পাতুভূতন্তি? ন হেৰং ৰত্তব্বে।
Paccuppannaṃ rūpaṃ atthi paccuppannaṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ rūpaṃ atthi anāgataṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe.
অতীতং রূপং অত্থি অতীতং রূপং নিরুদ্ধং ৰিগতং ৰিপরিণতং অত্থঙ্গতং অব্ভত্থঙ্গতন্তি? আমন্তা। পচ্চুপ্পন্নং রূপং অত্থি পচ্চুপ্পন্নং রূপং নিরুদ্ধং ৰিগতং ৰিপরিণতং অত্থঙ্গতং অব্ভত্থঙ্গতন্তি? ন হেৰং ৰত্তব্বে।
Atītaṃ rūpaṃ atthi atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ rūpaṃ atthi paccuppannaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe.
অনাগতং রূপং অত্থি অনাগতং রূপং অজাতং অভূতং অসঞ্জাতং অনিব্বত্তং অনভিনিব্বত্তং অপাতুভূতন্তি? আমন্তা। পচ্চুপ্পন্নং রূপং অত্থি পচ্চুপ্পন্নং রূপং অজাতং অভূতং অসঞ্জাতং অনিব্বত্তং অনভিনিব্বত্তং অপাতুভূতন্তি? ন হেৰং ৰত্তব্বে।
Anāgataṃ rūpaṃ atthi anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ rūpaṃ atthi paccuppannaṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
অতীতা ৰেদনা অত্থি…পে॰… সঞ্ঞা অত্থি, সঙ্খারা অত্থি, ৰিঞ্ঞাণং অত্থীতি? আমন্তা। ননু অতীতং ৰিঞ্ঞাণং নিরুদ্ধং ৰিগতং ৰিপরিণতং অত্থঙ্গতং অব্ভত্থঙ্গতন্তি? আমন্তা । হঞ্চি অতীতং ৰিঞ্ঞাণং নিরুদ্ধং…পে॰… অব্ভত্থঙ্গতং, নো চ ৰত রে ৰত্তব্বে – ‘‘অতীতং ৰিঞ্ঞাণং অত্থী’’তি।
Atītā vedanā atthi…pe… saññā atthi, saṅkhārā atthi, viññāṇaṃ atthīti? Āmantā. Nanu atītaṃ viññāṇaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā . Hañci atītaṃ viññāṇaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ viññāṇaṃ atthī’’ti.
অনাগতং ৰিঞ্ঞাণং অত্থীতি? আমন্তা। ননু অনাগতং ৰিঞ্ঞাণং অজাতং অভূতং অসঞ্জাতং অনিব্বত্তং অনভিনিব্বত্তং অপাতুভূতন্তি? আমন্তা। হঞ্চি অনাগতং ৰিঞ্ঞাণং অজাতং…পে॰… অপাতুভূতং, নো চ ৰত রে ৰত্তব্বে – ‘‘অনাগতং ৰিঞ্ঞাণং অত্থী’’তি।
Anāgataṃ viññāṇaṃ atthīti? Āmantā. Nanu anāgataṃ viññāṇaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ viññāṇaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ viññāṇaṃ atthī’’ti.
পচ্চুপ্পন্নং ৰিঞ্ঞাণং অত্থি পচ্চুপ্পন্নং ৰিঞ্ঞাণং অনিরুদ্ধং…পে॰… ন অব্ভত্থঙ্গতন্তি? আমন্তা। অতীতং ৰিঞ্ঞাণং অত্থি অতীতং ৰিঞ্ঞাণং অনিরুদ্ধং…পে॰… ন অব্ভত্থঙ্গতন্তি? ন হেৰং ৰত্তব্বে।
Paccuppannaṃ viññāṇaṃ atthi paccuppannaṃ viññāṇaṃ aniruddhaṃ…pe… na abbhatthaṅgatanti? Āmantā. Atītaṃ viññāṇaṃ atthi atītaṃ viññāṇaṃ aniruddhaṃ…pe… na abbhatthaṅgatanti? Na hevaṃ vattabbe.
পচ্চুপ্পন্নং ৰিঞ্ঞাণং অত্থি পচ্চুপ্পন্নং ৰিঞ্ঞাণং জাতং…পে॰… পাতুভূতন্তি? আমন্তা। অনাগতং ৰিঞ্ঞাণং অত্থি অনাগতং ৰিঞ্ঞাণং জাতং…পে॰… পাতুভূতন্তি? ন হেৰং ৰত্তব্বে।
Paccuppannaṃ viññāṇaṃ atthi paccuppannaṃ viññāṇaṃ jātaṃ…pe… pātubhūtanti? Āmantā. Anāgataṃ viññāṇaṃ atthi anāgataṃ viññāṇaṃ jātaṃ…pe… pātubhūtanti? Na hevaṃ vattabbe.
অতীতং ৰিঞ্ঞাণং অত্থি অতীতং ৰিঞ্ঞাণং নিরুদ্ধং…পে॰… অব্ভত্থঙ্গতন্তি? আমন্তা। পচ্চুপ্পন্নং ৰিঞ্ঞাণং অত্থি পচ্চুপ্পন্নং ৰিঞ্ঞাণং নিরুদ্ধং…পে॰… অব্ভত্থঙ্গতন্তি? ন হেৰং ৰত্তব্বে। অনাগতং ৰিঞ্ঞাণং অত্থি অনাগতং ৰিঞ্ঞাণং অজাতং…পে॰… অপাতুভূতন্তি? আমন্তা।
Atītaṃ viññāṇaṃ atthi atītaṃ viññāṇaṃ niruddhaṃ…pe… abbhatthaṅgatanti? Āmantā. Paccuppannaṃ viññāṇaṃ atthi paccuppannaṃ viññāṇaṃ niruddhaṃ…pe… abbhatthaṅgatanti? Na hevaṃ vattabbe. Anāgataṃ viññāṇaṃ atthi anāgataṃ viññāṇaṃ ajātaṃ…pe… apātubhūtanti? Āmantā.
পচ্চুপ্পন্নং ৰিঞ্ঞাণং অত্থি পচ্চুপ্পন্নং ৰিঞ্ঞাণং অজাতং…পে॰… অপাতুভূতন্তি? ন হেৰং ৰত্তব্বে।
Paccuppannaṃ viññāṇaṃ atthi paccuppannaṃ viññāṇaṃ ajātaṃ…pe… apātubhūtanti? Na hevaṃ vattabbe.
২৮৫. ‘‘পচ্চুপ্পন্নন্তি ৰা রূপ’’ন্তি ৰা, ‘‘রূপন্তি ৰা পচ্চুপ্পন্ন’’ন্তি ৰা পচ্চুপ্পন্নং রূপং অপ্পিযং করিত্ৰা এসেসে একট্ঠে সমে সমভাগে তজ্জাতেতি? আমন্তা। পচ্চুপ্পন্নং রূপং নিরুজ্ঝমানং পচ্চুপ্পন্নভাৰং জহতীতি? আমন্তা। রূপভাৰং জহতীতি? ন হেৰং ৰত্তব্বে…পে॰…।
285. ‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ paccuppannabhāvaṃ jahatīti? Āmantā. Rūpabhāvaṃ jahatīti? Na hevaṃ vattabbe…pe….
‘‘পচ্চুপ্পন্নন্তি ৰা রূপ’’ন্তি ৰা, ‘‘রূপন্তি ৰা পচ্চুপ্পন্ন’’ন্তি ৰা পচ্চুপ্পন্নং রূপং অপ্পিযং করিত্ৰা এসেসে একট্ঠে সমে সমভাগে তজ্জাতেতি? আমন্তা। পচ্চুপ্পন্নং রূপং নিরুজ্ঝমানং রূপভাৰং ন জহতীতি? আমন্তা। পচ্চুপ্পন্নভাৰং ন জহতীতি? ন হেৰং ৰত্তব্বে…পে॰…।
‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ rūpabhāvaṃ na jahatīti? Āmantā. Paccuppannabhāvaṃ na jahatīti? Na hevaṃ vattabbe…pe….
‘‘ওদাতন্তি ৰা ৰত্থ’’ন্তি ৰা, ‘‘ৰত্থন্তি ৰা ওদাত’’ন্তি ৰা ওদাতং ৰত্থং অপ্পিযং করিত্ৰা এসেসে একট্ঠে সমে সমভাগে তজ্জাতেতি? আমন্তা। ওদাতং ৰত্থং রজ্জমানং ওদাতভাৰং জহতীতি? আমন্তা। ৰত্থভাৰং জহতীতি? ন হেৰং ৰত্তব্বে।
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ odātabhāvaṃ jahatīti? Āmantā. Vatthabhāvaṃ jahatīti? Na hevaṃ vattabbe.
‘‘ওদাতন্তি ৰা ৰত্থ’’ন্তি ৰা, ‘‘ৰত্থন্তি ৰা ওদাত’’ন্তি ৰা ওদাতং ৰত্থং অপ্পিযং করিত্ৰা এসেসে একট্ঠে সমে সমভাগে তজ্জাতেতি? আমন্তা। ওদাতং ৰত্থং রজ্জমানং ৰত্থভাৰং ন জহতীতি? আমন্তা। ওদাতভাৰং ন জহতীতি? ন হেৰং ৰত্তব্বে।…পে॰…।
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ vatthabhāvaṃ na jahatīti? Āmantā. Odātabhāvaṃ na jahatīti? Na hevaṃ vattabbe.…Pe….
২৮৬. রূপং রূপভাৰং ন জহতীতি? আমন্তা। রূপং নিচ্চং ধুৰং সস্সতং অৰিপরিণামধম্মন্তি ? ন হেৰং ৰত্তব্বে। ননু রূপং রূপভাৰং ন জহতীতি রূপং অনিচ্চং অধুৰং অসস্সতং ৰিপরিণামধম্মন্তি? আমন্তা। হঞ্চি রূপং অনিচ্চং অধুৰং অসস্সতং ৰিপরিণামধম্মং, নো চ ৰত রে ৰত্তব্বে – ‘‘রূপং রূপভাৰং ন জহতী’’তি।
286. Rūpaṃ rūpabhāvaṃ na jahatīti? Āmantā. Rūpaṃ niccaṃ dhuvaṃ sassataṃ avipariṇāmadhammanti ? Na hevaṃ vattabbe. Nanu rūpaṃ rūpabhāvaṃ na jahatīti rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci rūpaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘rūpaṃ rūpabhāvaṃ na jahatī’’ti.
নিব্বানং নিব্বানভাৰং ন জহতীতি নিব্বানং নিচ্চং ধুৰং সস্সতং অৰিপরিণামধম্মন্তি? আমন্তা। রূপং রূপভাৰং ন জহতীতি 1 রূপং নিচ্চং ধুৰং সস্সতং অৰিপরিণামধম্মন্তি? ন হেৰং ৰত্তব্বে…পে॰… রূপং রূপভাৰং ন জহতি রূপং অনিচ্চং অধুৰং অসস্সতং ৰিপরিণামধম্মন্তি? আমন্তা। নিব্বানং নিব্বানভাৰং ন জহতি নিব্বানং অনিচ্চং অধুৰং অসস্সতং ৰিপরিণামধম্মন্তি? ন হেৰং ৰত্তব্বে…পে॰…।
Nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti? Āmantā. Rūpaṃ rūpabhāvaṃ na jahatīti 2 rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… rūpaṃ rūpabhāvaṃ na jahati rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
অতীতং অত্থি অতীতং অতীতভাৰং ন জহতীতি? আমন্তা। অনাগতং অত্থি অনাগতং অনাগতভাৰং ন জহতীতি? ন হেৰং ৰত্তব্বে। অতীতং অত্থি অতীতং অতীতভাৰং ন জহতীতি? আমন্তা। পচ্চুপ্পন্নং অত্থি পচ্চুপ্পন্নং পচ্চুপ্পন্নভাৰং ন জহতীতি? ন হেৰং ৰত্তব্বে…পে॰…।
Atītaṃ atthi atītaṃ atītabhāvaṃ na jahatīti? Āmantā. Anāgataṃ atthi anāgataṃ anāgatabhāvaṃ na jahatīti? Na hevaṃ vattabbe. Atītaṃ atthi atītaṃ atītabhāvaṃ na jahatīti? Āmantā. Paccuppannaṃ atthi paccuppannaṃ paccuppannabhāvaṃ na jahatīti? Na hevaṃ vattabbe…pe….
অতীতং অত্থি অতীতং অতীতভাৰং ন জহতীতি? আমন্তা। অতীতং নিচ্চং ধুৰং সস্সতং অৰিপরিণামধম্মন্তি? ন হেৰং ৰত্তব্বে…পে॰… ননু অতীতং অনিচ্চং অধুৰং অসস্সতং ৰিপরিণামধম্মন্তি? আমন্তা। হঞ্চি অতীতং অনিচ্চং অধুৰং অসস্সতং ৰিপরিণামধম্মং, নো চ ৰত রে ৰত্তব্বে – ‘‘অতীতং অত্থি অতীতং অতীতভাৰং ন জহতী’’তি।
Atītaṃ atthi atītaṃ atītabhāvaṃ na jahatīti? Āmantā. Atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ atthi atītaṃ atītabhāvaṃ na jahatī’’ti.
নিব্বানং অত্থি নিব্বানং নিব্বানভাৰং ন জহতীতি নিব্বানং নিচ্চং ধুৰং সস্সতং অৰিপরিণামধম্মন্তি ? আমন্তা। অতীতং অত্থি অতীতং অতীতভাৰং ন জহতীতি অতীতং নিচ্চং ধুৰং সস্সতং অৰিপরিণামধম্মন্তি? ন হেৰং ৰত্তব্বে…পে॰…।
Nibbānaṃ atthi nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti ? Āmantā. Atītaṃ atthi atītaṃ atītabhāvaṃ na jahatīti atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe….
অতীতং অত্থি অতীতং অতীতভাৰং ন জহতি অতীতং অনিচ্চং অধুৰং অসস্সতং ৰিপরিণামধম্মন্তি? আমন্তা। নিব্বানং অত্থি নিব্বানং নিব্বানভাৰং ন জহতি নিব্বানং অনিচ্চং অধুৰং অসস্সতং ৰিপরিণামধম্মন্তি? ন হেৰং ৰত্তব্বে…পে॰…।
Atītaṃ atthi atītaṃ atītabhāvaṃ na jahati atītaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
২৮৭. অতীতং রূপং অত্থি অতীতং রূপং অতীতভাৰং ন জহতীতি? আমন্তা। অনাগতং রূপং অত্থি অনাগতং রূপং অনাগতভাৰং ন জহতীতি? ন হেৰং ৰত্তব্বে…পে॰… অতীতং রূপং অত্থি অতীতং রূপং অতীতভাৰং ন জহতীতি? আমন্তা। পচ্চুপ্পন্নং রূপং অত্থি পচ্চুপ্পন্নং রূপং পচ্চুপ্পন্নভাৰং ন জহতীতি? ন হেৰং ৰত্তব্বে…পে॰…।
287. Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Anāgataṃ rūpaṃ atthi anāgataṃ rūpaṃ anāgatabhāvaṃ na jahatīti? Na hevaṃ vattabbe…pe… atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Paccuppannaṃ rūpaṃ atthi paccuppannaṃ rūpaṃ paccuppannabhāvaṃ na jahatīti? Na hevaṃ vattabbe…pe….
অতীতং রূপং অত্থি অতীতং রূপং অতীতভাৰং ন জহতীতি? আমন্তা। অতীতং রূপং নিচ্চং ধুৰং সস্সতং অৰিপরিণামধম্মন্তি? ন হেৰং ৰত্তব্বে…পে॰… ননু অতীতং রূপং অনিচ্চং অধুৰং অসস্সতং ৰিপরিণামধম্মন্তি? আমন্তা। হঞ্চি অতীতং রূপং অনিচ্চং…পে॰… ৰিপরিণামধম্মং, নো চ ৰত রে ৰত্তব্বে – ‘‘অতীতং রূপং অত্থি অতীতং রূপং অতীতভাৰং ন জহতী’’তি।
Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Atītaṃ rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ rūpaṃ aniccaṃ…pe… vipariṇāmadhammaṃ, no ca vata re vattabbe – ‘‘atītaṃ rūpaṃ atthi atītaṃ rūpaṃ atītabhāvaṃ na jahatī’’ti.
অতীতং রূপং অত্থি অতীতং রূপং অতীতভাৰং ন জহতি অতীতং রূপং অনিচ্চং অধুৰং অসস্সতং ৰিপরিণামধম্মন্তি? আমন্তা। নিব্বানং অত্থি নিব্বানং নিব্বানভাৰং ন জহতি নিব্বানং অনিচ্চং অধুৰং অসস্সতং ৰিপরিণামধম্মন্তি? ন হেৰং ৰত্তব্বে…পে॰…।
Atītaṃ rūpaṃ atthi atītaṃ rūpaṃ atītabhāvaṃ na jahati atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
অতীতা ৰেদনা অত্থি… অতীতা সঞ্ঞা অত্থি… অতীতা সঙ্খারা অত্থি… অতীতং ৰিঞ্ঞাণং অত্থি অতীতং ৰিঞ্ঞাণং অতীতভাৰং ন জহতীতি? আমন্তা। অনাগতং ৰিঞ্ঞাণং অত্থি অনাগতং ৰিঞ্ঞাণং অনাগতভাৰং ন জহতীতি? ন হেৰং ৰত্তব্বে…পে॰… অতীতং ৰিঞ্ঞাণং অত্থি অতীতং ৰিঞ্ঞাণং অতীতভাৰং ন জহতীতি? আমন্তা। পচ্চুপ্পন্নং ৰিঞ্ঞাণং অত্থি পচ্চুপ্পন্নং ৰিঞ্ঞাণং পচ্চুপ্পন্নভাৰং ন জহতীতি? ন হেৰং ৰত্তব্বে…পে॰…।
Atītā vedanā atthi… atītā saññā atthi… atītā saṅkhārā atthi… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Anāgataṃ viññāṇaṃ atthi anāgataṃ viññāṇaṃ anāgatabhāvaṃ na jahatīti? Na hevaṃ vattabbe…pe… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Paccuppannaṃ viññāṇaṃ atthi paccuppannaṃ viññāṇaṃ paccuppannabhāvaṃ na jahatīti? Na hevaṃ vattabbe…pe….
অনাগতং ৰিঞ্ঞাণং অত্থি অনাগতং ৰিঞ্ঞাণং অনাগতভাৰং জহতীতি? আমন্তা। অতীতং ৰিঞ্ঞাণং অত্থি অতীতং ৰিঞ্ঞাণং অতীতভাৰং জহতীতি? ন হেৰং ৰত্তব্বে…পে॰…।
Anāgataṃ viññāṇaṃ atthi anāgataṃ viññāṇaṃ anāgatabhāvaṃ jahatīti? Āmantā. Atītaṃ viññāṇaṃ atthi atītaṃ viññāṇaṃ atītabhāvaṃ jahatīti? Na hevaṃ vattabbe…pe….
অতীতং ৰিঞ্ঞাণং অত্থি অতীতং ৰিঞ্ঞাণং অতীতভাৰং ন জহতীতি? আমন্তা। অতীতং ৰিঞ্ঞাণং নিচ্চং ধুৰং সস্সতং অৰিপরিণামধম্মন্তি? ন হেৰং ৰত্তব্বে…পে॰… ননু অতীতং ৰিঞ্ঞাণং অনিচ্চং অধুৰং অসস্সতং ৰিপরিণামধম্মন্তি? আমন্তা। হঞ্চি অতীতং ৰিঞ্ঞাণং অনিচ্চং অধুৰং অসস্সতং ৰিপরিণামধম্মং, নো চ ৰত রে ৰত্তব্বে – ‘‘অতীতং ৰিঞ্ঞাণং অত্থি অতীতং ৰিঞ্ঞাণং অতীতভাৰং ন জহতী’’তি।
Atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Atītaṃ viññāṇaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ viññāṇaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ viññāṇaṃ atthi atītaṃ viññāṇaṃ atītabhāvaṃ na jahatī’’ti.
অতীতং ৰিঞ্ঞাণং অত্থি অতীতং ৰিঞ্ঞাণং অতীতভাৰং ন জহতি অতীতং ৰিঞ্ঞাণং অনিচ্চং অধুৰং অসস্সতং ৰিপরিণামধম্মন্তি? আমন্তা। নিব্বানং অত্থি নিব্বানং নিব্বানভাৰং ন জহতি নিব্বানং অনিচ্চং অধুৰং অসস্সতং ৰিপরিণামধম্মন্তি? ন হেৰং ৰত্তব্বে…পে॰…।
Atītaṃ viññāṇaṃ atthi atītaṃ viññāṇaṃ atītabhāvaṃ na jahati atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
ৰচনসোধনা
Vacanasodhanā
২৮৮. অতীতং ন্ৰত্থীতি? আমন্তা। হঞ্চি অতীতং ন্ৰত্থি, অতীতং অত্থীতি মিচ্ছা। হঞ্চি ৰা পন অত্থি ন্ৰাতীতং, অত্থি অতীতন্তি মিচ্ছা। অনাগতং ন্ৰত্থীতি? আমন্তা। হঞ্চি অনাগতং ন্ৰত্থি, অনাগতং অত্থীতি মিচ্ছা। হঞ্চি ৰা পন অত্থি ন্ৰানাগতং, অত্থি অনাগতন্তি মিচ্ছা।
288. Atītaṃ nvatthīti? Āmantā. Hañci atītaṃ nvatthi, atītaṃ atthīti micchā. Hañci vā pana atthi nvātītaṃ, atthi atītanti micchā. Anāgataṃ nvatthīti? Āmantā. Hañci anāgataṃ nvatthi, anāgataṃ atthīti micchā. Hañci vā pana atthi nvānāgataṃ, atthi anāgatanti micchā.
অনাগতং হুত্ৰা পচ্চুপ্পন্নং হোতীতি? আমন্তা। তঞ্ঞেৰ অনাগতং তং পচ্চুপ্পন্নন্তি? ন হেৰং ৰত্তব্বে…পে॰… তঞ্ঞেৰ অনাগতং তং পচ্চুপ্পন্নন্তি? আমন্তা। হুত্ৰা হোতি হুত্ৰা হোতীতি? ন হেৰং ৰত্তব্বে…পে॰… হুত্ৰা হোতি হুত্ৰা হোতীতি? আমন্তা। ন হুত্ৰা ন হোতি ন হুত্ৰা ন হোতীতি? ন হেৰং ৰত্তব্বে…পে॰…।
Anāgataṃ hutvā paccuppannaṃ hotīti? Āmantā. Taññeva anāgataṃ taṃ paccuppannanti? Na hevaṃ vattabbe…pe… taññeva anāgataṃ taṃ paccuppannanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
পচ্চুপ্পন্নং হুত্ৰা অতীতং হোতীতি? আমন্তা। তঞ্ঞেৰ পচ্চুপ্পন্নং তং অতীতন্তি? ন হেৰং ৰত্তব্বে…পে॰… তঞ্ঞেৰ পচ্চুপ্পন্নং তং অতীতন্তি? আমন্তা । হুত্ৰা হোতি হুত্ৰা হোতীতি? ন হেৰং ৰত্তব্বে…পে॰… হুত্ৰা হোতি হুত্ৰা হোতীতি? আমন্তা। ন হুত্ৰা ন হোতি ন হুত্ৰা ন হোতীতি? ন হেৰং ৰত্তব্বে…পে॰…।
Paccuppannaṃ hutvā atītaṃ hotīti? Āmantā. Taññeva paccuppannaṃ taṃ atītanti? Na hevaṃ vattabbe…pe… taññeva paccuppannaṃ taṃ atītanti? Āmantā . Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
অনাগতং হুত্ৰা পচ্চুপ্পন্নং হোতি, পচ্চুপ্পন্নং হুত্ৰা অতীতং হোতীতি? আমন্তা। তঞ্ঞেৰ অনাগতং তং পচ্চুপ্পন্নং তং অতীতন্তি? ন হেৰং ৰত্তব্বে…পে॰… তঞ্ঞেৰ অনাগতং তং পচ্চুপ্পন্নং তং অতীতন্তি? আমন্তা। হুত্ৰা হোতি হুত্ৰা হোতীতি? ন হেৰং ৰত্তব্বে…পে॰… হুত্ৰা হোতি হুত্ৰা হোতীতি? আমন্তা। ন হুত্ৰা ন হোতি ন হুত্ৰা ন হোতীতি? ন হেৰং ৰত্তব্বে।
Anāgataṃ hutvā paccuppannaṃ hoti, paccuppannaṃ hutvā atītaṃ hotīti? Āmantā. Taññeva anāgataṃ taṃ paccuppannaṃ taṃ atītanti? Na hevaṃ vattabbe…pe… taññeva anāgataṃ taṃ paccuppannaṃ taṃ atītanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe.
অতীতচক্খুরূপাদিকথা
Atītacakkhurūpādikathā
২৮৯. অতীতং চক্খুং অত্থি রূপা অত্থি চক্খুৰিঞ্ঞাণং অত্থি আলোকো অত্থি মনসিকারো অত্থীতি? আমন্তা। অতীতেন চক্খুনা অতীতং রূপং পস্সতীতি? ন হেৰং ৰত্তব্বে…পে॰… অতীতং সোতং অত্থি সদ্দা অত্থি সোতৰিঞ্ঞাণং অত্থি আকাসো অত্থি মনসিকারো অত্থীতি? আমন্তা। অতীতেন সোতেন অতীতং সদ্দং সুণাতীতি? ন হেৰং ৰত্তব্বে…পে॰… অতীতং ঘানং অত্থি গন্ধা অত্থি ঘানৰিঞ্ঞাণং অত্থি ৰাযো অত্থি মনসিকারো অত্থীতি? আমন্তা। অতীতেন ঘানেন অতীতং গন্ধং ঘাযতীতি? ন হেৰং ৰত্তব্বে…পে॰… অতীতা জিৰ্হা অত্থি রসা অত্থি জিৰ্হাৰিঞ্ঞাণং অত্থি আপো অত্থি মনসিকারো অত্থীতি? আমন্তা । অতীতায জিৰ্হায অতীতং রসং সাযতীতি? ন হেৰং ৰত্তব্বে…পে॰… অতীতো কাযো অত্থি ফোট্ঠব্বা অত্থি কাযৰিঞ্ঞাণং অত্থি পথৰী অত্থি মনসিকারো অত্থীতি? আমন্তা। অতীতেন কাযেন অতীতং ফোট্ঠব্বং ফুসতীতি? ন হেৰং ৰত্তব্বে…পে॰… অতীতো মনো অত্থি ধম্মা অত্থি মনোৰিঞ্ঞাণং অত্থি ৰত্থুং অত্থি মনসিকারো অত্থীতি? আমন্তা। অতীতেন মনেন অতীতং ধম্মং ৰিজানাতীতি? ন হেৰং ৰত্তব্বে…পে॰…।
289. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Atītena cakkhunā atītaṃ rūpaṃ passatīti? Na hevaṃ vattabbe…pe… atītaṃ sotaṃ atthi saddā atthi sotaviññāṇaṃ atthi ākāso atthi manasikāro atthīti? Āmantā. Atītena sotena atītaṃ saddaṃ suṇātīti? Na hevaṃ vattabbe…pe… atītaṃ ghānaṃ atthi gandhā atthi ghānaviññāṇaṃ atthi vāyo atthi manasikāro atthīti? Āmantā. Atītena ghānena atītaṃ gandhaṃ ghāyatīti? Na hevaṃ vattabbe…pe… atītā jivhā atthi rasā atthi jivhāviññāṇaṃ atthi āpo atthi manasikāro atthīti? Āmantā . Atītāya jivhāya atītaṃ rasaṃ sāyatīti? Na hevaṃ vattabbe…pe… atīto kāyo atthi phoṭṭhabbā atthi kāyaviññāṇaṃ atthi pathavī atthi manasikāro atthīti? Āmantā. Atītena kāyena atītaṃ phoṭṭhabbaṃ phusatīti? Na hevaṃ vattabbe…pe… atīto mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Atītena manena atītaṃ dhammaṃ vijānātīti? Na hevaṃ vattabbe…pe….
অনাগতং চক্খুং অত্থি রূপা অত্থি চক্খুৰিঞ্ঞাণং অত্থি আলোকো অত্থি মনসিকারো অত্থীতি? আমন্তা। অনাগতেন চক্খুনা অনাগতং রূপং পস্সতীতি? ন হেৰং ৰত্তব্বে…পে॰… অনাগতং সোতং অত্থি… ঘানং অত্থি… জিৰ্হা অত্থি… কাযো অত্থি … মনো অত্থি ধম্মা অত্থি মনোৰিঞ্ঞাণং অত্থি ৰত্থুং অত্থি মনসিকারো অত্থীতি? আমন্তা। অনাগতেন মনেন অনাগতং ধম্মং ৰিজানাতীতি? ন হেৰং ৰত্তব্বে…পে॰…।
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Anāgatena cakkhunā anāgataṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi … mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Anāgatena manena anāgataṃ dhammaṃ vijānātīti? Na hevaṃ vattabbe…pe….
পচ্চুপ্পন্নং চক্খুং অত্থি রূপা অত্থি চক্খুৰিঞ্ঞাণং অত্থি আলোকো অত্থি মনসিকারো অত্থি, পচ্চুপ্পন্নেন চক্খুনা পচ্চুপ্পন্নং রূপং পস্সতীতি? আমন্তা। অতীতং চক্খুং অত্থি রূপা অত্থি চক্খুৰিঞ্ঞাণং অত্থি আলোকো অত্থি মনসিকারো অত্থি, অতীতেন চক্খুনা অতীতং রূপং পস্সতীতি? ন হেৰং ৰত্তব্বে…পে॰…। পচ্চুপ্পন্নং সোতং অত্থি… ঘানং অত্থি… জিৰ্হা অত্থি… কাযো অত্থি… মনো অত্থি ধম্মা অত্থি মনোৰিঞ্ঞাণং অত্থি ৰত্থুং অত্থি মনসিকারো অত্থি, পচ্চুপ্পন্নেন মনেন পচ্চুপ্পন্নং ধম্মং ৰিজানাতীতি? আমন্তা। অতীতো মনো অত্থি ধম্মা অত্থি মনোৰিঞ্ঞাণং অত্থি ৰত্থুং অত্থি মনসিকারো অত্থি, অতীতেন মনেন অতীতং ধম্মং ৰিজানাতীতি? ন হেৰং ৰত্তব্বে…পে॰…।
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, atītena cakkhunā atītaṃ rūpaṃ passatīti? Na hevaṃ vattabbe…pe…. Paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Atīto mano atthi dhammā atthi manoviññāṇaṃ atthi vatthuṃ atthi manasikāro atthi, atītena manena atītaṃ dhammaṃ vijānātīti? Na hevaṃ vattabbe…pe….
পচ্চুপ্পন্নং চক্খুং অত্থি রূপা অত্থি চক্খুৰিঞ্ঞাণং অত্থি আলোকো অত্থি মনসিকারো অত্থি, পচ্চুপ্পন্নেন চক্খুনা পচ্চুপ্পন্নং রূপং পস্সতীতি? আমন্তা। অনাগতং চক্খুং অত্থি রূপা অত্থি চক্খুৰিঞ্ঞাণং অত্থি আলোকো অত্থি মনসিকারো অত্থি, অনাগতেন চক্খুনা অনাগতং রূপং পস্সতীতি? ন হেৰং ৰত্তব্বে…পে॰… পচ্চুপ্পন্নং সোতং অত্থি… ঘানং অত্থি… জিৰ্হা অত্থি… কাযো অত্থি… মনো অত্থি ধম্মা অত্থি মনোৰিঞ্ঞাণং অত্থি ৰত্থুং অত্থি মনসিকারো অত্থি, পচ্চুপ্পন্নেন মনেন পচ্চুপ্পন্নং ধম্মং ৰিজানাতীতি? আমন্তা। অনাগতো মনো অত্থি ধম্মা অত্থি মনোৰিঞ্ঞাণং অত্থি ৰত্থুং অত্থি মনসিকারো অত্থি, অনাগতেন মনেন অনাগতং ধম্মং ৰিজানাতীতি? ন হেৰং ৰত্তব্বে…পে॰…।
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, anāgatena cakkhunā anāgataṃ rūpaṃ passatīti? Na hevaṃ vattabbe…pe… paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Anāgato mano atthi dhammā atthi manoviññāṇaṃ atthi vatthuṃ atthi manasikāro atthi, anāgatena manena anāgataṃ dhammaṃ vijānātīti? Na hevaṃ vattabbe…pe….
অতীতং চক্খুং অত্থি রূপা অত্থি চক্খুৰিঞ্ঞাণং অত্থি আলোকো অত্থি মনসিকারো অত্থি, ন চ অতীতেন চক্খুনা অতীতং রূপং পস্সতীতি? আমন্তা। পচ্চুপ্পন্নং চক্খুং অত্থি রূপা অত্থি চক্খুৰিঞ্ঞাণং অত্থি আলোকো অত্থি মনসিকারো অত্থি, ন চ পচ্চুপ্পন্নেন চক্খুনা পচ্চুপ্পন্নং রূপং পস্সতীতি? ন হেৰং ৰত্তব্বে…পে॰… অতীতং সোতং অত্থি… ঘানং অত্থি… জিৰ্হা অত্থি… কাযো অত্থি… মনো অত্থি ধম্মা অত্থি মনোৰিঞ্ঞাণং অত্থি ৰত্থুং অত্থি মনসিকারো অত্থি, ন চ অতীতেন মনেন অতীতং ধম্মং ৰিজানাতীতি? আমন্তা। পচ্চুপ্পন্নো মনো অত্থি ধম্মা অত্থি মনোৰিঞ্ঞাণং অত্থি ৰত্থুং অত্থি মনসিকারো অত্থি, ন চ পচ্চুপ্পন্নেন মনেন পচ্চুপ্পন্নং ধম্মং ৰিজানাতীতি? ন হেৰং ৰত্তব্বে…পে॰…।
Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca atītena cakkhunā atītaṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… atītaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca atītena manena atītaṃ dhammaṃ vijānātīti? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
অনাগতং চক্খুং অত্থি রূপা অত্থি চক্খুৰিঞ্ঞাণং অত্থি আলোকো অত্থি মনসিকারো অত্থি, ন চ অনাগতেন চক্খুনা অনাগতং রূপং পস্সতীতি? আমন্তা। পচ্চুপ্পন্নং চক্খুং অত্থি রূপা অত্থি চক্খুৰিঞ্ঞাণং অত্থি আলোকো অত্থি মনসিকারো অত্থি, ন চ পচ্চুপ্পন্নেন চক্খুনা পচ্চুপ্পন্নং রূপং পস্সতীতি? ন হেৰং ৰত্তব্বে…পে॰… অনাগতং সোতং অত্থি… ঘানং অত্থি… জিৰ্হা অত্থি… কাযো অত্থি… মনো অত্থি ধম্মা অত্থি মনোৰিঞ্ঞাণং অত্থি ৰত্থুং অত্থি মনসিকারো অত্থি, ন চ অনাগতেন মনেন অনাগতং ধম্মং ৰিজানাতীতি ? আমন্তা। পচ্চুপ্পন্নো মনো অত্থি ধম্মা অত্থি মনোৰিঞ্ঞাণং অত্থি ৰত্থুং অত্থি মনসিকারো অত্থি, ন চ পচ্চুপ্পন্নেন মনেন পচ্চুপ্পন্নং ধম্মং ৰিজানাতীতি? ন হেৰং ৰত্তব্বে…পে॰…।
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca anāgatena cakkhunā anāgataṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca anāgatena manena anāgataṃ dhammaṃ vijānātīti ? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
অতীতঞাণাদিকথা
Atītañāṇādikathā
২৯০. অতীতং ঞাণং অত্থীতি? আমন্তা। তেন ঞাণেন ঞাণকরণীযং করোতীতি? ন হেৰং ৰত্তব্বে…পে॰… তেন ঞাণেন ঞাণকরণীযং করোতীতি ? আমন্তা। তেন ঞাণেন দুক্খং পরিজানাতি, সমুদযং পজহতি, নিরোধং সচ্ছিকরোতি, মগ্গং ভাৰেতীতি? ন হেৰং ৰত্তব্বে…পে॰…।
290. Atītaṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti ? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
অনাগতং ঞাণং অত্থীতি? আমন্তা। তেন ঞাণেন ঞাণকরণীযং করোতীতি? ন হেৰং ৰত্তব্বে…পে॰… তেন ঞাণেন ঞাণকরণীযং করোতীতি? আমন্তা। তেন ঞাণেন দুক্খং পরিজানাতি, সমুদযং পজহতি, নিরোধং সচ্ছিকরোতি , মগ্গং ভাৰেতীতি? ন হেৰং ৰত্তব্বে…পে॰…।
Anāgataṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti , maggaṃ bhāvetīti? Na hevaṃ vattabbe…pe….
পচ্চুপ্পন্নং ঞাণং অত্থি, তেন ঞাণেন ঞাণকরণীযং করোতীতি? আমন্তা। অতীতং ঞাণং অত্থি, তেন ঞাণেন ঞাণকরণীযং করোতীতি? ন হেৰং ৰত্তব্বে…পে॰… পচ্চুপ্পন্নং ঞাণং অত্থি, তেন ঞাণেন দুক্খং পরিজানাতি, সমুদযং পজহতি, নিরোধং সচ্ছিকরোতি, মগ্গং ভাৰেতীতি? আমন্তা। অতীতং ঞাণং অত্থি, তেন ঞাণেন দুক্খং পরিজানাতি, সমুদযং পজহতি, নিরোধং সচ্ছিকরোতি, মগ্গং ভাৰেতীতি? ন হেৰং ৰত্তব্বে…পে॰… পচ্চুপ্পন্নং ঞাণং অত্থি, তেন ঞাণেন ঞাণকরণীযং করোতীতি? আমন্তা। অনাগতং ঞাণং অত্থি, তেন ঞাণেন ঞাণকরণীযং করোতীতি? ন হেৰং ৰত্তব্বে…পে॰… পচ্চুপ্পন্নং ঞাণং অত্থি, তেন ঞাণেন দুক্খং পরিজানাতি, সমুদযং পজহতি, নিরোধং সচ্ছিকরোতি, মগ্গং ভাৰেতীতি? আমন্তা । অনাগতং ঞাণং অত্থি, তেন ঞাণেন দুক্খং পরিজানাতি, সমুদযং পজহতি, নিরোধং সচ্ছিকরোতি, মগ্গং ভাৰেতীতি? ন হেৰং ৰত্তব্বে…পে॰…।
Paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Atītaṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Atītaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Anāgataṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā . Anāgataṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
অতীতং ঞাণং অত্থি, ন চ তেন ঞাণেন ঞাণকরণীযং করোতীতি? আমন্তা। পচ্চুপ্পন্নং ঞাণং অত্থি, ন চ তেন ঞাণেন ঞাণকরণীযং করোতীতি? ন হেৰং ৰত্তব্বে…পে॰… অতীতং ঞাণং অত্থি, ন চ তেন ঞাণেন দুক্খং পরিজানাতি, সমুদযং পজহতি, নিরোধং সচ্ছিকরোতি, মগ্গং ভাৰেতীতি? আমন্তা। পচ্চুপ্পন্নং ঞাণং অত্থি, ন চ তেন ঞাণেন দুক্খং পরিজানাতি, সমুদযং পজহতি, নিরোধং সচ্ছিকরোতি, মগ্গং ভাৰেতীতি? ন হেৰং ৰত্তব্বে…পে॰…।
Atītaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe… atītaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
অনাগতং ঞাণং অত্থি, ন চ তেন ঞাণেন ঞাণকরণীযং করোতীতি? আমন্তা। পচ্চুপ্পন্নং ঞাণং অত্থি, ন চ তেন ঞাণেন ঞাণকরণীযং করোতীতি? ন হেৰং ৰত্তব্বে…পে॰…। অনাগতং ঞাণং অত্থি, ন চ তেন ঞাণেন দুক্খং পরিজানাতি, সমুদযং পজহতি , নিরোধং সচ্ছিকরোতি, মগ্গং ভাৰেতীতি? আমন্তা । পচ্চুপ্পন্নং ঞাণং অত্থি, ন চ তেন ঞাণেন দুক্খং পরিজানাতি, সমুদযং পজহতি, নিরোধং সচ্ছিকরোতি, মগ্গং ভাৰেতীতি? ন হেৰং ৰত্তব্বে…পে॰…।
Anāgataṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe…. Anāgataṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati , nirodhaṃ sacchikaroti, maggaṃ bhāvetīti? Āmantā . Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
অরহন্তাদিকথা
Arahantādikathā
২৯১. অরহতো অতীতো রাগো অত্থীতি? আমন্তা। অরহা তেন রাগেন সরাগোতি? ন হেৰং ৰত্তব্বে…পে॰… অরহতো অতীতো দোসো অত্থীতি? আমন্তা । অরহা তেন দোসেন সদোসোতি? ন হেৰং ৰত্তব্বে…পে॰… অরহতো অতীতো মোহো অত্থীতি? আমন্তা। অরহা তেন মোহেন সমোহোতি? ন হেৰং ৰত্তব্বে…পে॰… অরহতো অতীতো মানো অত্থীতি? আমন্তা। অরহা তেন মানেন সমানোতি? ন হেৰং ৰত্তব্বে…পে॰… অরহতো অতীতা দিট্ঠি অত্থীতি? আমন্তা। অরহা তায দিট্ঠিযা সদিট্ঠিকোতি? ন হেৰং ৰত্তব্বে…পে॰… অরহতো অতীতা ৰিচিকিচ্ছা অত্থীতি? আমন্তা। অরহা তায ৰিচিকিচ্ছায সৰিচিকিচ্ছোতি? ন হেৰং ৰত্তব্বে…পে॰… অরহতো অতীতং থিনং অত্থীতি? আমন্তা। অরহা তেন থিনেন সথিনোতি? ন হেৰং ৰত্তব্বে…পে॰… অরহতো অতীতং উদ্ধচ্চং অত্থীতি? আমন্তা। অরহা তেন উদ্ধচ্চেন সউদ্ধচ্চোতি? ন হেৰং ৰত্তব্বে…পে॰… অরহতো অতীতং অহিরিকং অত্থীতি? আমন্তা। অরহা তেন অহিরিকেন সঅহিরিকোতি? ন হেৰং ৰত্তব্বে…পে॰… অরহতো অতীতং অনোত্তপ্পং অত্থীতি? আমন্তা। অরহা তেন অনোত্তপ্পেন সঅনোত্তপ্পীতি? ন হেৰং ৰত্তব্বে…পে॰…।
291. Arahato atīto rāgo atthīti? Āmantā. Arahā tena rāgena sarāgoti? Na hevaṃ vattabbe…pe… arahato atīto doso atthīti? Āmantā . Arahā tena dosena sadosoti? Na hevaṃ vattabbe…pe… arahato atīto moho atthīti? Āmantā. Arahā tena mohena samohoti? Na hevaṃ vattabbe…pe… arahato atīto māno atthīti? Āmantā. Arahā tena mānena samānoti? Na hevaṃ vattabbe…pe… arahato atītā diṭṭhi atthīti? Āmantā. Arahā tāya diṭṭhiyā sadiṭṭhikoti? Na hevaṃ vattabbe…pe… arahato atītā vicikicchā atthīti? Āmantā. Arahā tāya vicikicchāya savicikicchoti? Na hevaṃ vattabbe…pe… arahato atītaṃ thinaṃ atthīti? Āmantā. Arahā tena thinena sathinoti? Na hevaṃ vattabbe…pe… arahato atītaṃ uddhaccaṃ atthīti? Āmantā. Arahā tena uddhaccena sauddhaccoti? Na hevaṃ vattabbe…pe… arahato atītaṃ ahirikaṃ atthīti? Āmantā. Arahā tena ahirikena saahirikoti? Na hevaṃ vattabbe…pe… arahato atītaṃ anottappaṃ atthīti? Āmantā. Arahā tena anottappena saanottappīti? Na hevaṃ vattabbe…pe….
অনাগামিস্স অতীতা সক্কাযদিট্ঠি অত্থীতি? আমন্তা । অনাগামী তায দিট্ঠিযা সদিট্ঠিকোতি? ন হেৰং ৰত্তব্বে…পে॰… অনাগামিস্স অতীতা ৰিচিকিচ্ছা অত্থি… অতীতো সীলব্বতপরামাসো অত্থি… অতীতো অণুসহগতো কামরাগো অত্থি… অতীতো অণুসহগতো ব্যাপাদো অত্থীতি? আমন্তা। অনাগামী তেন ব্যাপাদেন ব্যাপন্নচিত্তোতি? ন হেৰং ৰত্তব্বে…পে॰…।
Anāgāmissa atītā sakkāyadiṭṭhi atthīti? Āmantā . Anāgāmī tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi… atīto sīlabbataparāmāso atthi… atīto aṇusahagato kāmarāgo atthi… atīto aṇusahagato byāpādo atthīti? Āmantā. Anāgāmī tena byāpādena byāpannacittoti? Na hevaṃ vattabbe…pe….
সকদাগামিস্স অতীতা সক্কাযদিট্ঠি অত্থীতি? আমন্তা। সকদাগামী তায দিট্ঠিযা সদিট্ঠিকোতি? ন হেৰং ৰত্তব্বে…পে॰… সকদাগামিস্স অতীতা ৰিচিকিচ্ছা অত্থি… অতীতো সীলব্বতপরামাসো অত্থি… অতীতো ওল়ারিকো কামরাগো অত্থি… অতীতো ওল়ারিকো ব্যাপাদো অত্থীতি? আমন্তা। সকদাগামী তেন ব্যাপাদেন ব্যাপন্নচিত্তোতি? ন হেৰং ৰত্তব্বে…পে॰…।
Sakadāgāmissa atītā sakkāyadiṭṭhi atthīti? Āmantā. Sakadāgāmī tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi… atīto sīlabbataparāmāso atthi… atīto oḷāriko kāmarāgo atthi… atīto oḷāriko byāpādo atthīti? Āmantā. Sakadāgāmī tena byāpādena byāpannacittoti? Na hevaṃ vattabbe…pe….
সোতাপন্নস্স অতীতা সক্কাযদিট্ঠি অত্থীতি? আমন্তা। সোতাপন্নো তায দিট্ঠিযা সদিট্ঠিকোতি? ন হেৰং ৰত্তব্বে…পে॰… সোতাপন্নস্স অতীতা ৰিচিকিচ্ছা অত্থি… অতীতো সীলব্বতপরামাসো অত্থি… অতীতো অপাযগমনীযো রাগো অত্থি… অতীতো অপাযগমনীযো দোসো অত্থি… অতীতো অপাযগমনীযো মোহো অত্থীতি? আমন্তা। সোতাপন্নো তেন মোহেন সমোহোতি? ন হেৰং ৰত্তব্বে…পে॰…।
Sotāpannassa atītā sakkāyadiṭṭhi atthīti? Āmantā. Sotāpanno tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi… atīto sīlabbataparāmāso atthi… atīto apāyagamanīyo rāgo atthi… atīto apāyagamanīyo doso atthi… atīto apāyagamanīyo moho atthīti? Āmantā. Sotāpanno tena mohena samohoti? Na hevaṃ vattabbe…pe….
২৯২. পুথুজ্জনস্স অতীতো রাগো অত্থি, পুথুজ্জনো তেন রাগেন সরাগোতি? আমন্তা। অরহতো অতীতো রাগো অত্থি, অরহা তেন রাগেন সরাগোতি? ন হেৰং ৰত্তব্বে…পে॰… পুথুজ্জনস্স অতীতো দোসো অত্থি…পে॰… অতীতং অনোত্তপ্পং অত্থি পুথুজ্জনো তেন অনোত্তপ্পেন অনোত্তপ্পীতি? আমন্তা। অরহতো অতীতং অনোত্তপ্পং অত্থি, অরহা তেন অনোত্তপ্পেন অনোত্তপ্পীতি? ন হেৰং ৰত্তব্বে…পে॰…।
292. Puthujjanassa atīto rāgo atthi, puthujjano tena rāgena sarāgoti? Āmantā. Arahato atīto rāgo atthi, arahā tena rāgena sarāgoti? Na hevaṃ vattabbe…pe… puthujjanassa atīto doso atthi…pe… atītaṃ anottappaṃ atthi puthujjano tena anottappena anottappīti? Āmantā. Arahato atītaṃ anottappaṃ atthi, arahā tena anottappena anottappīti? Na hevaṃ vattabbe…pe….
পুথুজ্জনস্স অতীতা সক্কাযদিট্ঠি অত্থি, পুথুজ্জনো তায দিট্ঠিযা সদিট্ঠিকোতি? আমন্তা। অনাগামিস্স অতীতা সক্কাযদিট্ঠি অত্থি, অনাগামী তায দিট্ঠিযা সদিট্ঠিকোতি? ন হেৰং ৰত্তব্বে…পে॰… পুথুজ্জনস্স অতীতা ৰিচিকিচ্ছা অত্থি…পে॰… অতীতো অণুসহগতো ব্যাপাদো অত্থি, পুথুজ্জনো তেন ব্যাপাদেন ব্যাপন্নচিত্তোতি? আমন্তা। অনাগামিস্স অতীতো অণুসহগতো ব্যাপাদো অত্থি, অনাগামী তেন ব্যাপাদেন ব্যাপন্নচিত্তোতি? ন হেৰং ৰত্তব্বে…পে॰…।
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Anāgāmissa atītā sakkāyadiṭṭhi atthi, anāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto aṇusahagato byāpādo atthi, puthujjano tena byāpādena byāpannacittoti? Āmantā. Anāgāmissa atīto aṇusahagato byāpādo atthi, anāgāmī tena byāpādena byāpannacittoti? Na hevaṃ vattabbe…pe….
পুথুজ্জনস্স অতীতা সক্কাযদিট্ঠি অত্থি, পুথুজ্জনো তায দিট্ঠিযা সদিট্ঠিকোতি? আমন্তা। সকদাগামিস্স অতীতা সক্কাযদিট্ঠি অত্থি, সকদাগামী তায দিট্ঠিযা সদিট্ঠিকোতি? ন হেৰং ৰত্তব্বে…পে॰… পুথুজ্জনস্স অতীতা ৰিচিকিচ্ছা অত্থি… অতীতো ওল়ারিকো ব্যাপাদো অত্থি, পুথুজ্জনো তেন ব্যাপাদেন ব্যাপন্নচিত্তোতি ? আমন্তা। সকদাগামিস্স অতীতো ওল়ারিকো ব্যাপাদো অত্থি, সকদাগামী তেন ব্যাপাদেন ব্যাপন্নচিত্তোতি? ন হেৰং ৰত্তব্বে…পে॰…।
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sakadāgāmissa atītā sakkāyadiṭṭhi atthi, sakadāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi… atīto oḷāriko byāpādo atthi, puthujjano tena byāpādena byāpannacittoti ? Āmantā. Sakadāgāmissa atīto oḷāriko byāpādo atthi, sakadāgāmī tena byāpādena byāpannacittoti? Na hevaṃ vattabbe…pe….
পুথুজ্জনস্স অতীতা সক্কাযদিট্ঠি অত্থি, পুথুজ্জনো তায দিট্ঠিযা সদিট্ঠিকোতি? আমন্তা। সোতাপন্নস্স অতীতা সক্কাযদিট্ঠি অত্থি, সোতাপন্নো তায দিট্ঠিযা সদিট্ঠিকোতি? ন হেৰং ৰত্তব্বে…পে॰… পুথুজ্জনস্স অতীতা ৰিচিকিচ্ছা অত্থি…পে॰… অতীতো অপাযগমনীযো মোহো অত্থি, পুথুজ্জনো তেন মোহেন সমোহোতি? আমন্তা। সোতাপন্নস্স অতীতো অপাযগমনীযো মোহো অত্থি, সোতাপন্নো তেন মোহেন সমোহোতি? ন হেৰং ৰত্তব্বে…পে॰…।
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sotāpannassa atītā sakkāyadiṭṭhi atthi, sotāpanno tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto apāyagamanīyo moho atthi, puthujjano tena mohena samohoti? Āmantā. Sotāpannassa atīto apāyagamanīyo moho atthi, sotāpanno tena mohena samohoti? Na hevaṃ vattabbe…pe….
অরহতো অতীতো রাগো অত্থি, ন চ অরহা তেন রাগেন সরাগোতি? আমন্তা। পুথুজ্জনস্স অতীতো রাগো অত্থি, ন চ পুথুজ্জনো তেন রাগেন সরাগোতি? ন হেৰং ৰত্তব্বে…পে॰… অরহতো অতীতো দোসো অত্থি…পে॰… অতীতং অনোত্তপ্পং অত্থি, ন চ অরহা তেন অনোত্তপ্পেন অনোত্তপ্পীতি? আমন্তা। পুথুজ্জনস্স অতীতং অনোত্তপ্পং অত্থি, ন চ পুথুজ্জনো তেন অনোত্তপ্পেন অনোত্তপ্পীতি? ন হেৰং ৰত্তব্বে…পে॰…।
Arahato atīto rāgo atthi, na ca arahā tena rāgena sarāgoti? Āmantā. Puthujjanassa atīto rāgo atthi, na ca puthujjano tena rāgena sarāgoti? Na hevaṃ vattabbe…pe… arahato atīto doso atthi…pe… atītaṃ anottappaṃ atthi, na ca arahā tena anottappena anottappīti? Āmantā. Puthujjanassa atītaṃ anottappaṃ atthi, na ca puthujjano tena anottappena anottappīti? Na hevaṃ vattabbe…pe….
অনাগামিস্স অতীতা সক্কাযদিট্ঠি অত্থি, ন চ অনাগামী তায দিট্ঠিযা সদিট্ঠিকোতি? আমন্তা। পুথুজ্জনস্স অতীতা সক্কাযদিট্ঠি অত্থি, ন চ পুথুজ্জনো তায দিট্ঠিযা সদিট্ঠিকোতি? ন হেৰং ৰত্তব্বে…পে॰… অনাগামিস্স অতীতা ৰিচিকিচ্ছা অত্থি…পে॰… অতীতো অণুসহগতো ব্যাপাদো অত্থি, ন চ অনাগামী তেন ব্যাপাদেন ব্যাপন্নচিত্তোতি ? আমন্তা। পুথুজ্জনস্স অতীতো অণুসহগতো ব্যাপাদো অত্থি, ন চ পুথুজ্জনো তেন ব্যাপাদেন ব্যাপন্নচিত্তোতি? ন হেৰং ৰত্তব্বে…পে॰…।
Anāgāmissa atītā sakkāyadiṭṭhi atthi, na ca anāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi…pe… atīto aṇusahagato byāpādo atthi, na ca anāgāmī tena byāpādena byāpannacittoti ? Āmantā. Puthujjanassa atīto aṇusahagato byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
সকদাগামিস্স অতীতা সক্কাযদিট্ঠি অত্থি, ন চ সকদাগামী তায দিট্ঠিযা সদিট্ঠিকোতি? আমন্তা। পুথুজ্জনস্স অতীতা সক্কাযদিট্ঠি অত্থি, ন চ পুথুজ্জনো তায দিট্ঠিযা সদিট্ঠিকোতি? ন হেৰং ৰত্তব্বে…পে॰… সকদাগামিস্স অতীতা ৰিচিকিচ্ছা অত্থি…পে॰… অতীতো ওল়ারিকো ব্যাপাদো অত্থি, ন চ সকদাগামী তেন ব্যাপাদেন ব্যাপন্নচিত্তোতি? আমন্তা। পুথুজ্জনস্স অতীতো ওল়ারিকো ব্যাপাদো অত্থি, ন চ পুথুজ্জনো তেন ব্যাপাদেন ব্যাপন্নচিত্তোতি? ন হেৰং ৰত্তব্বে…পে॰…।
Sakadāgāmissa atītā sakkāyadiṭṭhi atthi, na ca sakadāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi…pe… atīto oḷāriko byāpādo atthi, na ca sakadāgāmī tena byāpādena byāpannacittoti? Āmantā. Puthujjanassa atīto oḷāriko byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
সোতাপন্নস্স অতীতা সক্কাযদিট্ঠি অত্থি, ন চ সোতাপন্নো তায দিট্ঠিযা সদিট্ঠিকোতি? আমন্তা। পুথুজ্জনস্স অতীতা সক্কাযদিট্ঠি অত্থি, ন চ পুথুজ্জনো তায দিট্ঠিযা সদিট্ঠিকোতি? ন হেৰং ৰত্তব্বে…পে॰… সোতাপন্নস্স অতীতা ৰিচিকিচ্ছা অত্থি…পে॰… অতীতো অপাযগমনীযো মোহো অত্থি, ন চ সোতাপন্নো তেন মোহেন সমোহোতি? আমন্তা। পুথুজ্জনস্স অতীতো অপাযগমনীযো মোহো অত্থি, ন চ পুথুজ্জনো তেন মোহেন সমোহোতি? ন হেৰং ৰত্তব্বে…পে॰…।
Sotāpannassa atītā sakkāyadiṭṭhi atthi, na ca sotāpanno tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi…pe… atīto apāyagamanīyo moho atthi, na ca sotāpanno tena mohena samohoti? Āmantā. Puthujjanassa atīto apāyagamanīyo moho atthi, na ca puthujjano tena mohena samohoti? Na hevaṃ vattabbe…pe….
অতীতহত্থাদিকথা
Atītahatthādikathā
২৯৩. অতীতা হত্থা অত্থীতি? আমন্তা। অতীতেসু হত্থেসু সতি আদাননিক্খেপনং পঞ্ঞাযতীতি? ন হেৰং ৰত্তব্বে…পে॰… অতীতা পাদা অত্থীতি? আমন্তা। অতীতেসু পাদেসু সতি অভিক্কমপটিক্কমো পঞ্ঞাযতীতি? ন হেৰং ৰত্তব্বে…পে॰… অতীতা পব্বা অত্থীতি? আমন্তা। অতীতেসু পব্বেসু সতি সমিঞ্জনপসারণং পঞ্ঞাযতীতি? ন হেৰং ৰত্তব্বে…পে॰… অতীতো কুচ্ছি অত্থীতি? আমন্তা। অতীতস্মিং কুচ্ছিস্মিং সতি জিঘচ্ছা পিপাসা পঞ্ঞাযতীতি? ন হেৰং ৰত্তব্বে…পে॰…।
293. Atītā hatthā atthīti? Āmantā. Atītesu hatthesu sati ādānanikkhepanaṃ paññāyatīti? Na hevaṃ vattabbe…pe… atītā pādā atthīti? Āmantā. Atītesu pādesu sati abhikkamapaṭikkamo paññāyatīti? Na hevaṃ vattabbe…pe… atītā pabbā atthīti? Āmantā. Atītesu pabbesu sati samiñjanapasāraṇaṃ paññāyatīti? Na hevaṃ vattabbe…pe… atīto kucchi atthīti? Āmantā. Atītasmiṃ kucchismiṃ sati jighacchā pipāsā paññāyatīti? Na hevaṃ vattabbe…pe….
অতীতো কাযো অত্থীতি? আমন্তা। অতীতো কাযো পগ্গহনিগ্গহুপগো ছেদনভেদনুপগো কাকেহি গিজ্ঝেহি কুললেহি সাধারণোতি? ন হেৰং ৰত্তব্বে…পে॰… অতীতে কাযে ৰিসং কমেয্য , সত্থং কমেয্য, অগ্গি কমেয্যাতি? ন হেৰং ৰত্তব্বে…পে॰… লব্ভা অতীতো কাযো অদ্দুবন্ধনেন বন্ধিতুং, রজ্জুবন্ধনেন বন্ধিতুং, সঙ্খলিকবন্ধনেন বন্ধিতুং, গামবন্ধনেন বন্ধিতুং, নিগমবন্ধনেন বন্ধিতুং, নগরবন্ধনেন বন্ধিতুং, জনপদবন্ধনেন বন্ধিতুং, কণ্ঠপঞ্চমেহি বন্ধনেহি বন্ধিতুন্তি? ন হেৰং ৰত্তব্বে…পে॰…।
Atīto kāyo atthīti? Āmantā. Atīto kāyo paggahaniggahupago chedanabhedanupago kākehi gijjhehi kulalehi sādhāraṇoti? Na hevaṃ vattabbe…pe… atīte kāye visaṃ kameyya , satthaṃ kameyya, aggi kameyyāti? Na hevaṃ vattabbe…pe… labbhā atīto kāyo addubandhanena bandhituṃ, rajjubandhanena bandhituṃ, saṅkhalikabandhanena bandhituṃ, gāmabandhanena bandhituṃ, nigamabandhanena bandhituṃ, nagarabandhanena bandhituṃ, janapadabandhanena bandhituṃ, kaṇṭhapañcamehi bandhanehi bandhitunti? Na hevaṃ vattabbe…pe….
অতীতো আপো অত্থীতি? আমন্তা। তেন আপেন আপকরণীযং করোতীতি? ন হেৰং ৰত্তব্বে…পে॰… অতীতো তেজো অত্থীতি? আমন্তা। তেন তেজেন তেজকরণীযং করোতীতি? ন হেৰং ৰত্তব্বে…পে॰… অতীতো ৰাযো অত্থীতি? আমন্তা। তেন ৰাযেন ৰাযকরণীযং করোতীতি? ন হেৰং ৰত্তব্বে…পে॰…।
Atīto āpo atthīti? Āmantā. Tena āpena āpakaraṇīyaṃ karotīti? Na hevaṃ vattabbe…pe… atīto tejo atthīti? Āmantā. Tena tejena tejakaraṇīyaṃ karotīti? Na hevaṃ vattabbe…pe… atīto vāyo atthīti? Āmantā. Tena vāyena vāyakaraṇīyaṃ karotīti? Na hevaṃ vattabbe…pe….
অতীতক্খন্ধাদিসমোধানকথা
Atītakkhandhādisamodhānakathā
২৯৪. অতীতো রূপক্খন্ধো অত্থি, অনাগতো রূপক্খন্ধো অত্থি, পচ্চুপ্পন্নো রূপক্খন্ধো অত্থীতি? আমন্তা। তযো রূপক্খন্ধাতি? ন হেৰং ৰত্তব্বে …পে॰… অতীতা পঞ্চক্খন্ধা অত্থি, অনাগতা পঞ্চক্খন্ধা অত্থি, পচ্চুপ্পন্না পঞ্চক্খন্ধা অত্থীতি? আমন্তা। পন্নরসক্খন্ধাতি? ন হেৰং ৰত্তব্বে…পে॰…।
294. Atīto rūpakkhandho atthi, anāgato rūpakkhandho atthi, paccuppanno rūpakkhandho atthīti? Āmantā. Tayo rūpakkhandhāti? Na hevaṃ vattabbe …pe… atītā pañcakkhandhā atthi, anāgatā pañcakkhandhā atthi, paccuppannā pañcakkhandhā atthīti? Āmantā. Pannarasakkhandhāti? Na hevaṃ vattabbe…pe….
অতীতং চক্খাযতনং অত্থি, অনাগতং চক্খাযতনং অত্থি, পচ্চুপ্পন্নং চক্খাযতনং অত্থীতি? আমন্তা। তীণি চক্খাযতনানীতি? ন হেৰং ৰত্তব্বে…পে॰… অতীতানি দ্ৰাদসাযতনানি অত্থি, অনাগতানি দ্ৰাদসাযতনানি অত্থি, পচ্চুপ্পন্নানি দ্ৰাদসাযতনানি অত্থীতি? আমন্তা। ছত্তিংসাযতনানীতি? ন হেৰং ৰত্তব্বে…পে॰…।
Atītaṃ cakkhāyatanaṃ atthi, anāgataṃ cakkhāyatanaṃ atthi, paccuppannaṃ cakkhāyatanaṃ atthīti? Āmantā. Tīṇi cakkhāyatanānīti? Na hevaṃ vattabbe…pe… atītāni dvādasāyatanāni atthi, anāgatāni dvādasāyatanāni atthi, paccuppannāni dvādasāyatanāni atthīti? Āmantā. Chattiṃsāyatanānīti? Na hevaṃ vattabbe…pe….
অতীতা চক্খুধাতু অত্থি, অনাগতা চক্খুধাতু অত্থি, পচ্চুপ্পন্না চক্খুধাতু অত্থীতি? আমন্তা। তিস্সো চক্খুধাতুযোতি? ন হেৰং ৰত্তব্বে…পে॰… অতীতা অট্ঠারস ধাতুযো অত্থি, অনাগতা অট্ঠারস ধাতুযো অত্থি, পচ্চুপ্পন্না অট্ঠারস ধাতুযো অত্থীতি? আমন্তা। চতুপঞ্ঞাস ধাতুযোতি? ন হেৰং ৰত্তব্বে…পে॰…।
Atītā cakkhudhātu atthi, anāgatā cakkhudhātu atthi, paccuppannā cakkhudhātu atthīti? Āmantā. Tisso cakkhudhātuyoti? Na hevaṃ vattabbe…pe… atītā aṭṭhārasa dhātuyo atthi, anāgatā aṭṭhārasa dhātuyo atthi, paccuppannā aṭṭhārasa dhātuyo atthīti? Āmantā. Catupaññāsa dhātuyoti? Na hevaṃ vattabbe…pe….
অতীতং চক্খুন্দ্রিযং অত্থি, অনাগতং চক্খুন্দ্রিযং অত্থি, পচ্চুপ্পন্নং চক্খুন্দ্রিযং অত্থীতি ? আমন্তা। তীণি চক্খুন্দ্রিযানীতি? ন হেৰং ৰত্তব্বে…পে॰… অতীতানি বাৰীসতিন্দ্রিযানি অত্থি, অনাগতানি বাৰীসতিন্দ্রিযানি অত্থি, পচ্চুপ্পন্নানি বাৰীসতিন্দ্রিযানি অত্থীতি? আমন্তা। ছসট্ঠিন্দ্রিযানীতি? ন হেৰং ৰত্তব্বে…পে॰…।
Atītaṃ cakkhundriyaṃ atthi, anāgataṃ cakkhundriyaṃ atthi, paccuppannaṃ cakkhundriyaṃ atthīti ? Āmantā. Tīṇi cakkhundriyānīti? Na hevaṃ vattabbe…pe… atītāni bāvīsatindriyāni atthi, anāgatāni bāvīsatindriyāni atthi, paccuppannāni bāvīsatindriyāni atthīti? Āmantā. Chasaṭṭhindriyānīti? Na hevaṃ vattabbe…pe….
অতীতো রাজা চক্কৰত্তী অত্থি, অনাগতো রাজা চক্কৰত্তী অত্থি, পচ্চুপ্পন্নো রাজা চক্কৰত্তী অত্থীতি? আমন্তা। তিণ্ণন্নং রাজূনং চক্কৰত্তীনং সম্মুখীভাৰো হোতীতি? ন হেৰং ৰত্তব্বে…পে॰…।
Atīto rājā cakkavattī atthi, anāgato rājā cakkavattī atthi, paccuppanno rājā cakkavattī atthīti? Āmantā. Tiṇṇannaṃ rājūnaṃ cakkavattīnaṃ sammukhībhāvo hotīti? Na hevaṃ vattabbe…pe….
অতীতো সম্মাসম্মুদ্ধো অত্থি, অনাগতো সম্মাসম্বুদ্ধো অত্থি, পচ্চুপ্পন্নো সম্মাসম্বুদ্ধো অত্থীতি? আমন্তা। তিণ্ণন্নং সম্মাসম্বুদ্ধানং সম্মুখীভাৰো হোতীতি? ন হেৰং ৰত্তব্বে…পে॰…।
Atīto sammāsammuddho atthi, anāgato sammāsambuddho atthi, paccuppanno sammāsambuddho atthīti? Āmantā. Tiṇṇannaṃ sammāsambuddhānaṃ sammukhībhāvo hotīti? Na hevaṃ vattabbe…pe….
পদসোধনকথা
Padasodhanakathā
২৯৫. অতীতং অত্থীতি? আমন্তা । অত্থি অতীতন্তি? অত্থি সিযা অতীতং, সিযা ন্ৰাতীতন্তি।
295. Atītaṃ atthīti? Āmantā . Atthi atītanti? Atthi siyā atītaṃ, siyā nvātītanti.
আজানাহি নিগ্গহং। হঞ্চি অতীতং অত্থি, অত্থি সিযা অতীতং, সিযা ন্ৰাতীতং, তেনাতীতং ন্ৰাতীতং, ন্ৰাতীতং অতীতন্তি। যং তত্থ ৰদেসি – ‘‘ৰত্তব্বে খো – ‘অতীতং অত্থি অত্থি সিযা অতীতং, সিযা ন্ৰাতীতং, তেনাতীতং ন্ৰাতীতং, ন্ৰাতীতং অতীত’’’ন্তি মিচ্ছা।
Ājānāhi niggahaṃ. Hañci atītaṃ atthi, atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atītanti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
নো চে পন অতীতং ন্ৰাতীতং ন্ৰাতীতং অতীতন্তি, নো চ ৰত রে ৰত্তব্বে – ‘‘অতীতং অত্থি অত্থি সিযা অতীতং, সিযা ন্ৰাতীত’’ন্তি। যং তত্থ ৰদেসি – ‘‘ৰত্তব্বে খো – ‘অতীতং অত্থি অত্থি সিযা অতীতং, সিযা ন্ৰাতীতং, তেনাতীতং ন্ৰাতীতং, ন্ৰাতীতং অতীত’’’ন্তি মিচ্ছা।
No ce pana atītaṃ nvātītaṃ nvātītaṃ atītanti, no ca vata re vattabbe – ‘‘atītaṃ atthi atthi siyā atītaṃ, siyā nvātīta’’nti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
অনাগতং অত্থীতি? আমন্তা। অত্থি অনাগতন্তি? অত্থি সিযা অনাগতং, সিযা ন্ৰানাগতন্তি।
Anāgataṃ atthīti? Āmantā. Atthi anāgatanti? Atthi siyā anāgataṃ, siyā nvānāgatanti.
আজানাহি নিগ্গহং। হঞ্চি অনাগতং অত্থি অত্থি সিযা অনাগতং সিযা ন্ৰানাগতং, তেনানাগতং ন্ৰানাগতং, ন্ৰানাগতং অনাগতন্তি। যং তত্থ ৰদেসি – ‘‘ৰত্তব্বে খো – ‘অনাগতং অত্থি অত্থি সিযা অনাগতং, সিযা ন্ৰানাগতং, তেনানাগতং ন্ৰানাগতং, ন্ৰানাগতং অনাগত’’’ন্তি মিচ্ছা।
Ājānāhi niggahaṃ. Hañci anāgataṃ atthi atthi siyā anāgataṃ siyā nvānāgataṃ, tenānāgataṃ nvānāgataṃ, nvānāgataṃ anāgatanti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
নো চে পনানাগতং ন্ৰানাগতং ন্ৰানাগতং অনাগতন্তি, নো চ ৰত রে ৰত্তব্বে – ‘‘অনাগতং অত্থি অত্থি সিযা অনাগতং, সিযা ন্ৰানাগত’’ন্তি। যং তত্থ ৰদেসি – ‘‘ৰত্তব্বে খো – ‘অনাগতং অত্থি অত্থি সিযা অনাগতং, সিযা ন্ৰানাগতং, তেনানাগতং ন্ৰানাগতং, ন্ৰানাগতং অনাগত’’’ন্তি মিচ্ছা।
No ce panānāgataṃ nvānāgataṃ nvānāgataṃ anāgatanti, no ca vata re vattabbe – ‘‘anāgataṃ atthi atthi siyā anāgataṃ, siyā nvānāgata’’nti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
পচ্চুপ্পন্নং অত্থীতি, আমন্তা। অত্থি পচ্চুপ্পন্নন্তি? অত্থি সিযা পচ্চুপ্পন্নং, সিযা নো পচ্চুপ্পন্নন্তি।
Paccuppannaṃ atthīti, āmantā. Atthi paccuppannanti? Atthi siyā paccuppannaṃ, siyā no paccuppannanti.
আজানাহি নিগ্গহং। হঞ্চি পচ্চুপ্পন্নং অত্থি অত্থি সিযা পচ্চুপ্পন্নং, সিযা নো পচ্চুপ্পন্নং, তেন পচ্চুপ্পন্নং, নো পচ্চুপ্পন্নং, নো পচ্চুপ্পন্নং পচ্চুপ্পন্নন্তি। যং তত্থ ৰদেসি – ‘‘ৰত্তব্বে খো – ‘পচ্চুপ্পন্নং অত্থি অত্থি সিযা পচ্চুপ্পন্নং, সিযা নো পচ্চুপ্পন্নং, তেন পচ্চুপ্পন্নং নো পচ্চুপ্পন্নং, নো পচ্চুপ্পন্নং পচ্চুপ্পন্ন’’’ন্তি মিচ্ছা।
Ājānāhi niggahaṃ. Hañci paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ, no paccuppannaṃ, no paccuppannaṃ paccuppannanti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
নো চে পন পচ্চুপ্পন্নং নো পচ্চুপ্পন্নং, নো পচ্চুপ্পন্নং পচ্চুপ্পন্নন্তি, নো চ ৰত রে ৰত্তব্বে – ‘‘পচ্চুপ্পন্নং অত্থি অত্থি সিযা পচ্চুপ্পন্নং, সিযা নো পচ্চুপ্পন্ন’’ন্তি। যং তত্থ ৰদেসি – ‘‘ৰত্তব্বে খো – ‘পচ্চুপ্পন্নং অত্থি অত্থি সিযা পচ্চুপ্পন্নং, সিযা নো পচ্চুপ্পন্নং, তেন পচ্চুপ্পন্নং নো পচ্চুপ্পন্নং, নো পচ্চুপ্পন্নং পচ্চুপ্পন্ন’’’ন্তি মিচ্ছা।
No ce pana paccuppannaṃ no paccuppannaṃ, no paccuppannaṃ paccuppannanti, no ca vata re vattabbe – ‘‘paccuppannaṃ atthi atthi siyā paccuppannaṃ, siyā no paccuppanna’’nti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
নিব্বানং অত্থীতি? আমন্তা। অত্থি নিব্বানন্তি? অত্থি সিযা নিব্বানং সিযা নো নিব্বানন্তি।
Nibbānaṃ atthīti? Āmantā. Atthi nibbānanti? Atthi siyā nibbānaṃ siyā no nibbānanti.
আজানাহি নিগ্গহং। হঞ্চি নিব্বানং অত্থি অত্থি সিযা নিব্বানং, সিযা নো নিব্বানং, তেন নিব্বানং নো নিব্বানং, নো নিব্বানং নিব্বানন্তি। যং তত্থ ৰদেসি – ‘‘ৰত্তব্বে খো – ‘নিব্বানং অত্থি অত্থি সিযা নিব্বানং, সিযা নো নিব্বানং, তেন নিব্বানং নো নিব্বানং, নো নিব্বানং নিব্বান’’’ন্তি মিচ্ছা।
Ājānāhi niggahaṃ. Hañci nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbānanti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
নো চে পন নিব্বানং নো নিব্বানং, নো নিব্বানং নিব্বানন্তি, নো চ ৰত রে ৰত্তব্বে – ‘‘নিব্বানং অত্থি অত্থি সিযা নিব্বানং, সিযা নো নিব্বান’’ন্তি। যং তত্থ ৰদেসি – ‘‘ৰত্তব্বে খো – ‘নিব্বানং অত্থি অত্থি সিযা নিব্বানং, সিযা নো নিব্বানং, তেন নিব্বানং নো নিব্বানং, নো নিব্বানং নিব্বান’’’ন্তি মিচ্ছা।
No ce pana nibbānaṃ no nibbānaṃ, no nibbānaṃ nibbānanti, no ca vata re vattabbe – ‘‘nibbānaṃ atthi atthi siyā nibbānaṃ, siyā no nibbāna’’nti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
সুত্তসাধনং
Suttasādhanaṃ
২৯৬. ন ৰত্তব্বং – ‘‘অতীতং অত্থি, অনাগতং অত্থী’’তি? আমন্তা। ননু ৰুত্তং ভগৰতা – ‘‘যং কিঞ্চি, ভিক্খৰে, রূপং অতীতানাগতপচ্চুপ্পন্নং অজ্ঝত্তং ৰা বহিদ্ধা ৰা ওল়ারিকং ৰা সুখুমং ৰা হীনং ৰা পণীতং ৰা যং দূরে সন্তিকে ৰা – অযং ৰুচ্চতি রূপক্খন্ধো। যা কাচি ৰেদনা… যা কাচি সঞ্ঞা… যে কেচি সঙ্খারা… যং কিঞ্চি ৰিঞ্ঞাণং অতীতানাগতপচ্চুপ্পন্নং অজ্ঝত্তং ৰা বহিদ্ধা ৰা ওল়ারিকং ৰা সুখুমং ৰা হীনং ৰা পণীতং ৰা যং দূরে সন্তিকে ৰা – অযং ৰুচ্চতি ৰিঞ্ঞাণক্খন্ধো’’তি 31। অত্থেৰ সুত্তন্তোতি? আমন্তা। তেন হি অতীতং অত্থি, অনাগতং অত্থীতি।
296. Na vattabbaṃ – ‘‘atītaṃ atthi, anāgataṃ atthī’’ti? Āmantā. Nanu vuttaṃ bhagavatā – ‘‘yaṃ kiñci, bhikkhave, rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati rūpakkhandho. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati viññāṇakkhandho’’ti 32. Attheva suttantoti? Āmantā. Tena hi atītaṃ atthi, anāgataṃ atthīti.
অতীতং অত্থি, অনাগতং অত্থীতি? আমন্তা। ননু ৰুত্তং ভগৰতা – ‘‘তযোমে, ভিক্খৰে, নিরুত্তিপথা অধিৰচনপথা পঞ্ঞত্তিপথা অসঙ্কিণ্ণা অসঙ্কিণ্ণপুব্বা ন সঙ্কিযন্তি ন সঙ্কিযিস্সন্তি অপ্পটিকুট্ঠা সমণেহি ব্রাহ্মণেহি ৰিঞ্ঞূহি। কতমে তযো? যং, ভিক্খৰে, রূপং অতীতং নিরুদ্ধং ৰিগতং ৰিপরিণতং ‘অহোসী’তি তস্স সঙ্খা, ‘অহোসী’তি তস্স সমঞ্ঞা, ‘অহোসী’তি তস্স পঞ্ঞত্তি; ন তস্স সঙ্খা ‘অত্থী’তি, ন তস্স সঙ্খা ‘ভৰিস্সতী’তি। যা ৰেদনা…পে॰… যা সঞ্ঞা… যে সঙ্খারা… যং ৰিঞ্ঞাণং অতীতং নিরুদ্ধং ৰিগতং ৰিপরিণতং ‘অহোসী’তি তস্স সঙ্খা, ‘অহোসী’তি তস্স সমঞ্ঞা, ‘অহোসী’তি তস্স পঞ্ঞত্তি; ন তস্স সঙ্খা ‘অত্থী’তি, ন তস্স সঙ্খা ‘ভৰিস্সতী’তি।
Atītaṃ atthi, anāgataṃ atthīti? Āmantā. Nanu vuttaṃ bhagavatā – ‘‘tayome, bhikkhave, niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi. Katame tayo? Yaṃ, bhikkhave, rūpaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti.
‘‘যং, ভিক্খৰে, রূপং অজাতং অপাতুভূতং ‘ভৰিস্সতী’তি তস্স সঙ্খা, ‘ভৰিস্সতী’তি তস্স সমঞ্ঞা, ‘ভৰিস্সতী’তি তস্স পঞ্ঞত্তি; ন তস্স সঙ্খা ‘অত্থী’তি, ন তস্স সঙ্খা ‘অহোসী’তি। যা ৰেদনা…পে॰… যা সঞ্ঞা… যে সঙ্খারা… যং ৰিঞ্ঞাণং অজাতং অপাতুভূতং ‘ভৰিস্সতী’তি তস্স সঙ্খা, ‘ভৰিস্সতী’তি তস্স সমঞ্ঞা, ‘ভৰিস্সতী’তি তস্স পঞ্ঞত্তি; ন তস্স সঙ্খা ‘অত্থী’তি, ন তস্স সঙ্খা ‘অহোসী’তি।
‘‘Yaṃ, bhikkhave, rūpaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti. Yā vedanā…pe… yā saññā… ye saṅkhārā… yaṃ viññāṇaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti.
‘‘যং, ভিক্খৰে, রূপং জাতং পাতুভূতং ‘অত্থী’তি তস্স সঙ্খা, ‘অত্থী’তি তস্স সমঞ্ঞা, ‘অত্থী’তি তস্স পঞ্ঞত্তি; ন তস্স সঙ্খা ‘অহোসী’তি, ন তস্স সঙ্খা ‘ভৰিস্সতী’তি। যা ৰেদনা…পে॰… যা সঞ্ঞা… যে সঙ্খারা… যং ৰিঞ্ঞাণং জাতং পাতুভূতং ‘অত্থী’তি তস্স সঙ্খা, ‘অত্থী’তি তস্স সমঞ্ঞা, ‘অত্থী’তি তস্স পঞ্ঞত্তি; ন তস্স সঙ্খা ‘অহোসী’তি, ন তস্স সঙ্খা ‘ভৰিস্সতী’তি। ইমে খো, ভিক্খৰে, তযো নিরুত্তিপথা অধিৰচনপথা পঞ্ঞত্তিপথা অসঙ্কিণ্ণা অসঙ্কিণ্ণপুব্বা ন সঙ্কিযন্তি ন সঙ্কিযিস্সন্তি অপ্পটিকুট্ঠা সমণেহি ব্রাহ্মণেহি ৰিঞ্ঞূহি।
‘‘Yaṃ, bhikkhave, rūpaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Ime kho, bhikkhave, tayo niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi.
‘‘যেপি তে, ভিক্খৰে, অহেসুং উক্কলা ৰস্সভঞ্ঞা অহেতুকৰাদা অকিরিযৰাদা নত্থিকৰাদা, তেপিমে তযো নিরুত্তিপথে অধিৰচনপথে পঞ্ঞত্তিপথে ন গরহিতব্বং ন পটিক্কোসিতব্বং অমঞ্ঞিংসু। তং কিস্স হেতু? নিন্দাব্যারোসউপারম্ভভযা’’তি 33। অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘অতীতং অত্থি, অনাগতং অত্থী’’তি।
‘‘Yepi te, bhikkhave, ahesuṃ ukkalā vassabhaññā ahetukavādā akiriyavādā natthikavādā, tepime tayo niruttipathe adhivacanapathe paññattipathe na garahitabbaṃ na paṭikkositabbaṃ amaññiṃsu. Taṃ kissa hetu? Nindābyārosaupārambhabhayā’’ti 34. Attheva suttantoti? Āmantā. Tena hi na vattabbaṃ – ‘‘atītaṃ atthi, anāgataṃ atthī’’ti.
অতীতং অত্থীতি? আমন্তা। ননু আযস্মা ফগ্গুনো ভগৰন্তং এতদৰোচ – ‘‘অত্থি নু খো তং, ভন্তে, চক্খুং যেন চক্খুনা অতীতে বুদ্ধে পরিনিব্বুতে ছিন্নপপঞ্চে ছিন্নৰটুমে পরিযাদিন্নৰট্টে সব্বদুক্খৰীতিৰত্তে পঞ্ঞাপযমানো পঞ্ঞাপেয্যাতি। অত্থি নু খো সা, ভন্তে, জিৰ্হা…পে॰… অত্থি নু খো সো, ভন্তে, মনো যেন মনেন অতীতে বুদ্ধে পরিনিব্বুতে ছিন্নপপঞ্চে ছিন্নৰটুমে পরিযাদিন্নৰট্টে সব্বদুক্খৰীতিৰত্তে পঞ্ঞাপযমানো পঞ্ঞাপেয্যা’’তি।
Atītaṃ atthīti? Āmantā. Nanu āyasmā phagguno bhagavantaṃ etadavoca – ‘‘atthi nu kho taṃ, bhante, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyāti. Atthi nu kho sā, bhante, jivhā…pe… atthi nu kho so, bhante, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti.
‘‘নত্থি খো তং, ফগ্গুন, চক্খুং যেন চক্খুনা অতীতে বুদ্ধে পরিনিব্বুতে ছিন্নপপঞ্চে ছিন্নৰটুমে পরিযাদিন্নৰট্টে সব্বদুক্খৰীতিৰত্তে পঞ্ঞাপযমানো পঞ্ঞাপেয্য। নত্থি খো সা, ফগ্গুন, জিৰ্হা…পে॰… নত্থি নু খো সো, ফগ্গুন, মনো যেন মনেন অতীতে বুদ্ধে পরিনিব্বুতে ছিন্নপপঞ্চে ছিন্নৰটুমে পরিযাদিন্নৰট্টে সব্বদুক্খৰীতিৰত্তে পঞ্ঞাপযমানো পঞ্ঞাপেয্যা’’তি 35। অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘অতীতং অত্থী’’তি।
‘‘Natthi kho taṃ, phagguna, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyya. Natthi kho sā, phagguna, jivhā…pe… natthi nu kho so, phagguna, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti 36. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
অতীতং অত্থীতি? আমন্তা। ননু আযস্মা নন্দকো এতদৰোচ – ‘‘অহু পুব্বে লোভো তদহু অকুসলং, সো এতরহি নত্থি, ইচ্চেতং কুসলং। অহু পুব্বে দোসো… অহু পুব্বে মোহো, তদহু অকুসলং, সো এতরহি নত্থি, ইচ্চেতং কুসল’’ন্তি 37। অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘অতীতং অত্থী’’তি।
Atītaṃ atthīti? Āmantā. Nanu āyasmā nandako etadavoca – ‘‘ahu pubbe lobho tadahu akusalaṃ, so etarahi natthi, iccetaṃ kusalaṃ. Ahu pubbe doso… ahu pubbe moho, tadahu akusalaṃ, so etarahi natthi, iccetaṃ kusala’’nti 38. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
ন ৰত্তব্বং – ‘‘অনাগতং অত্থী’’তি? আমন্তা। ননু ৰুত্তং ভগৰতা – ‘‘কবল়ীকারে চে, ভিক্খৰে, আহারে অত্থি রাগো, অত্থি নন্দী, অত্থি তণ্হা; পতিট্ঠিতং তত্থ ৰিঞ্ঞাণং ৰিরূল়্হং। যত্থ পতিট্ঠিতং ৰিঞ্ঞাণং ৰিরূল়্হং, অত্থি তত্থ নামরূপস্স অৰক্কন্তি। যত্থ অত্থি নামরূপস্স অৰক্কন্তি, অত্থি তত্থ সঙ্খারানং ৰুদ্ধি। যত্থ অত্থি সঙ্খারানং ৰুদ্ধি, অত্থি তত্থ আযতিং পুনব্ভৰাভিনিব্বত্তি। যত্থ অত্থি আযতিং পুনব্ভৰাভিনিব্বত্তি, অত্থি তত্থ আযতিং জাতিজরামরণং। যত্থ অত্থি আযতিং জাতিজরামরণং, সসোকং তং, ভিক্খৰে, সরজং 39 সউপাযাসন্তি ৰদামি।
Na vattabbaṃ – ‘‘anāgataṃ atthī’’ti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre atthi rāgo, atthi nandī, atthi taṇhā; patiṭṭhitaṃ tattha viññāṇaṃ virūḷhaṃ. Yattha patiṭṭhitaṃ viññāṇaṃ virūḷhaṃ, atthi tattha nāmarūpassa avakkanti. Yattha atthi nāmarūpassa avakkanti, atthi tattha saṅkhārānaṃ vuddhi. Yattha atthi saṅkhārānaṃ vuddhi, atthi tattha āyatiṃ punabbhavābhinibbatti. Yattha atthi āyatiṃ punabbhavābhinibbatti, atthi tattha āyatiṃ jātijarāmaraṇaṃ. Yattha atthi āyatiṃ jātijarāmaraṇaṃ, sasokaṃ taṃ, bhikkhave, sarajaṃ 40 saupāyāsanti vadāmi.
‘‘ফস্সে চে, ভিক্খৰে, আহারে… মনোসঞ্চেতনায চে, ভিক্খৰে, আহারে… ৰিঞ্ঞাণে চে, ভিক্খৰে, আহারে অত্থি রাগো, অত্থি নন্দী…পে॰… সরজং সউপাযাসন্তি ৰদামী’’তি 41। অত্থেৰ সুত্তন্তোতি? আমন্তা । তেন হি অনাগতং অত্থীতি।
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre atthi rāgo, atthi nandī…pe… sarajaṃ saupāyāsanti vadāmī’’ti 42. Attheva suttantoti? Āmantā . Tena hi anāgataṃ atthīti.
অনাগতং অত্থীতি? আমন্তা। ননু ৰুত্তং ভগৰতা – ‘‘কবল়ীকারে চে, ভিক্খৰে, আহারে নত্থি রাগো, নত্থি নন্দী, নত্থি তণ্হা; অপ্পতিট্ঠিতং তত্থ ৰিঞ্ঞাণং অৰিরূল়্হং। যত্থ ৰিঞ্ঞাণং অপ্পতিট্ঠিতং অৰিরূল়্হং, নত্থি তত্থ নামরূপস্স অৰক্কন্তি। যত্থ নত্থি নামরূপস্স অৰক্কন্তি, নত্থি তত্থ সঙ্খারানং ৰুদ্ধি। যত্থ নত্থি সঙ্খারানং ৰুদ্ধি, নত্থি তত্থ আযতিং পুনব্ভৰাভিনিব্বত্তি। যত্থ নত্থি আযতিং পুনব্ভৰাভিনিব্বত্তি, নত্থি তত্থ আযতিং জাতিজরামরণং। যত্থ নত্থি আযতিং জাতিজরামরণং, অসোকং তং, ভিক্খৰে, অরজং অনুপাযাসন্তি ৰদামি।
Anāgataṃ atthīti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre natthi rāgo, natthi nandī, natthi taṇhā; appatiṭṭhitaṃ tattha viññāṇaṃ avirūḷhaṃ. Yattha viññāṇaṃ appatiṭṭhitaṃ avirūḷhaṃ, natthi tattha nāmarūpassa avakkanti. Yattha natthi nāmarūpassa avakkanti, natthi tattha saṅkhārānaṃ vuddhi. Yattha natthi saṅkhārānaṃ vuddhi, natthi tattha āyatiṃ punabbhavābhinibbatti. Yattha natthi āyatiṃ punabbhavābhinibbatti, natthi tattha āyatiṃ jātijarāmaraṇaṃ. Yattha natthi āyatiṃ jātijarāmaraṇaṃ, asokaṃ taṃ, bhikkhave, arajaṃ anupāyāsanti vadāmi.
‘‘ফস্সে চে, ভিক্খৰে, আহারে… মনোসঞ্চেতনায চে, ভিক্খৰে, আহারে… ৰিঞ্ঞাণে চে, ভিক্খৰে, আহারে নত্থি রাগো, নত্থি নন্দী…পে॰… অরজং অনুপাযাসন্তি ৰদামী’’তি 43। অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘অনাগতং অত্থী’’তি।
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre natthi rāgo, natthi nandī…pe… arajaṃ anupāyāsanti vadāmī’’ti 44. Attheva suttantoti? Āmantā. Tena hi na vattabbaṃ – ‘‘anāgataṃ atthī’’ti.
সব্বমত্থীতিকথা নিট্ঠিতা।
Sabbamatthītikathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. সব্বমত্থীতিকথা • 5. Sabbamatthītikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৫. সব্বমত্থীতিকথা • 5. Sabbamatthītikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৫. সব্বমত্থীতিকথাৰণ্ণনা • 5. Sabbamatthītikathāvaṇṇanā
