| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. саб̣б̣амад̇т̇ийд̇игат̇аа
5. Sabbamatthītikathā
1. ваад̣̇аяуд̇д̇иван̣н̣анаа
1. Vādayuttivaṇṇanā
282. ид̣̇аани саб̣б̣амад̇т̇ийд̇иваад̣̇агат̇аа наама ход̇и. д̇ад̇т̇а язсам̣ ‘‘яам̣ гин̃жи руубам̣ ад̇ийд̇аанааг̇ад̇абажжуббаннам̣…бз… аяам̣ вужжад̇и руубагканд̇хо’’д̇иаад̣̇иважанад̇о (вибха. 2) ‘‘саб̣б̣зби ад̇ийд̇аад̣̇ибхзд̣̇аа д̇хаммаа канд̇хасабхаавам̣ на виж̇аханд̇и, д̇асмаа саб̣б̣ам̣ ад̇т̇иязва наамаа’’д̇и лад̣̇д̇хи, сзяяат̇ааби зд̇арахи саб̣б̣амад̇т̇иваад̣̇аанам̣, д̇зсам̣ лад̣̇д̇хивисод̇ханад̇т̇ам̣ саб̣б̣амад̇т̇ийд̇и бужчаа сагаваад̣̇исса, вуд̇д̇аббагаарааяа лад̣̇д̇хияаа тад̇ваа бадин̃н̃аа ид̇арасса. саб̣б̣ат̇аад̇и саб̣б̣асмим̣ сарийрз саб̣б̣амад̇т̇ийд̇и бужчад̇и. саб̣б̣ад̣̇аад̇и саб̣б̣асмим̣ гаалз саб̣б̣амад̇т̇ийд̇и бужчад̇и. саб̣б̣зна саб̣б̣анд̇и саб̣б̣знаагаарзна саб̣б̣амад̇т̇ийд̇и бужчад̇и. саб̣б̣зсууд̇и саб̣б̣зсу д̇хаммзсу саб̣б̣амад̇т̇ийд̇и бужчад̇и. аяог̇анд̇и аяуд̇д̇ам̣. наанаасабхааваанан̃хи яог̇о ход̇и, на згасабхаавасса. ид̇и имасмим̣ бан̃хз руубам̣ взд̣̇анааяа, взд̣̇анам̣ ваа руубзна анаанам̣ згалагкан̣амзва гад̇ваа саб̣б̣амад̇т̇ийд̇и бужчад̇и. яамби над̇т̇и д̇амбад̇т̇ийд̇и яамби чадтаканд̇хаад̣̇игам̣ сасависаан̣аад̣̇игам̣ ваа гин̃жи над̇т̇ийд̇и сид̣̇д̇хам̣, д̇амби д̇з ад̇т̇ийд̇и бужчад̇и. саб̣б̣амад̇т̇ийд̇и яаа д̣̇идти саа д̣̇идти мижчаад̣̇идтийд̇и, яаа д̣̇идти саа д̣̇идти саммаад̣̇идтийд̇и хзвамад̇т̇ийд̇и иминаа ид̣̇ам̣ бужчад̇и – яаа д̇з зсаа саб̣б̣амад̇т̇ийд̇и д̣̇идти, саа д̣̇идти аяаат̇аавагад̇д̇аа мижчаад̣̇идтийд̇и звам̣ яаа амхаагам̣ д̣̇идти, саа д̣̇идти яаат̇аавагад̇д̇аа саммаад̣̇идтийд̇и звам̣ д̇ава самаяз ад̇т̇ийд̇и бужчад̇и. ид̇аро саб̣б̣зсуби зд̇зсу наязсу вуд̇д̇аббагаарааяа ад̇т̇ид̇ааяа абхаавад̇о бадигкибад̇и. имзсу бана саб̣б̣зсуби наязсу ‘‘ааж̇аанаахи ниг̇г̇аха’’нд̇и аад̣̇им̣ гад̇ваа саб̣б̣о гат̇аамаг̇г̇абхзд̣̇о вид̇т̇аарад̇о взд̣̇ид̇аб̣б̣од̇и аяам̣ д̇аавзд̇т̇а ваад̣̇аяуд̇д̇и.
282. Idāni sabbamatthītivādakathā nāma hoti. Tattha yesaṃ ‘‘yaṃ kiñci rūpaṃ atītānāgatapaccuppannaṃ…pe… ayaṃ vuccati rūpakkhandho’’tiādivacanato (vibha. 2) ‘‘sabbepi atītādibhedā dhammā khandhasabhāvaṃ na vijahanti, tasmā sabbaṃ atthiyeva nāmā’’ti laddhi, seyyathāpi etarahi sabbamatthivādānaṃ, tesaṃ laddhivisodhanatthaṃ sabbamatthīti pucchā sakavādissa, vuttappakārāya laddhiyā ṭhatvā paṭiññā itarassa. Sabbathāti sabbasmiṃ sarīre sabbamatthīti pucchati. Sabbadāti sabbasmiṃ kāle sabbamatthīti pucchati. Sabbena sabbanti sabbenākārena sabbamatthīti pucchati. Sabbesūti sabbesu dhammesu sabbamatthīti pucchati. Ayoganti ayuttaṃ. Nānāsabhāvānañhi yogo hoti, na ekasabhāvassa. Iti imasmiṃ pañhe rūpaṃ vedanāya, vedanaṃ vā rūpena anānaṃ ekalakkhaṇameva katvā sabbamatthīti pucchati. Yampi natthi tampatthīti yampi chaṭṭhakhandhādikaṃ sasavisāṇādikaṃ vā kiñci natthīti siddhaṃ, tampi te atthīti pucchati. Sabbamatthīti yā diṭṭhi sā diṭṭhi micchādiṭṭhīti, yā diṭṭhi sā diṭṭhi sammādiṭṭhīti hevamatthīti iminā idaṃ pucchati – yā te esā sabbamatthīti diṭṭhi, sā diṭṭhi ayāthāvakattā micchādiṭṭhīti evaṃ yā amhākaṃ diṭṭhi, sā diṭṭhi yāthāvakattā sammādiṭṭhīti evaṃ tava samaye atthīti pucchati. Itaro sabbesupi etesu nayesu vuttappakārāya atthitāya abhāvato paṭikkhipati. Imesu pana sabbesupi nayesu ‘‘ājānāhi niggaha’’nti ādiṃ katvā sabbo kathāmaggabhedo vitthārato veditabboti ayaṃ tāvettha vādayutti.
2. гааласам̣санд̣̇анаван̣н̣анаа
2. Kālasaṃsandanavaṇṇanā
283-284. ид̣̇аани ад̇ийд̇ам̣ ад̇т̇ийд̇и гааласам̣санд̣̇анам̣ ход̇и. д̇ад̇т̇а ад̇ийд̇ам̣ ад̇т̇ийд̇иаад̣̇игам̣ суд̣̇д̇хигасам̣санд̣̇анам̣. ад̇ийд̇ам̣ руубам̣ ад̇т̇ийд̇иаад̣̇игам̣ канд̇хавасзна гааласам̣санд̣̇анам̣.
283-284. Idāni atītaṃ atthīti kālasaṃsandanaṃ hoti. Tattha atītaṃ atthītiādikaṃ suddhikasaṃsandanaṃ. Atītaṃ rūpaṃ atthītiādikaṃ khandhavasena kālasaṃsandanaṃ.
285. бажжуббаннам̣ руубам̣ аббияам̣ гарид̇ваад̇и ад̇ийд̇аанааг̇ад̇ам̣ бахааяа бажжуббаннаруубамзва аббияам̣ авибхаж̇ид̇аб̣б̣ам̣ гарид̇ваа. руубабхаавам̣ ж̇ахад̇ийд̇ибан̃хз нируд̣̇д̇хассааби руубасса руубагканд̇хасан̇г̇ахид̇ад̇д̇аа бадигкибад̇и. руубабхаавам̣ на ж̇ахад̇ийд̇и бадиломабан̃хзби руубагканд̇хзна сан̇г̇ахид̇ад̇д̇аава бадиж̇аанаад̇и. од̣̇аад̇ам̣ вад̇т̇ам̣ аббияам̣ гарид̇ваад̇и зд̇т̇а гин̃жааби на саб̣б̣ам̣ вад̇т̇ам̣ од̣̇аад̇ам̣, иминаа бана вад̇т̇анд̇и авад̇ваа ‘‘од̣̇аад̇ам̣ вад̇т̇ам̣ аббияам̣ гарид̇ваа’’д̇и вуд̇д̇з сагаваад̣̇инаа згад̇т̇ад̇аа анун̃н̃аад̇аа. од̣̇аад̇абхаавам̣ ж̇ахад̇ийд̇и бан̃хз ван̣н̣авиг̇амам̣ санд̇хааяа бадин̃н̃аа сагаваад̣̇исса. вад̇т̇абхаавам̣ ж̇ахад̇ийд̇и зд̇т̇а бана бан̃н̃ад̇д̇ияаа авиг̇ад̇ад̇д̇аа бадигкзбо д̇ассзва. бадиломзби зсзва наяо.
285. Paccuppannaṃ rūpaṃ appiyaṃ karitvāti atītānāgataṃ pahāya paccuppannarūpameva appiyaṃ avibhajitabbaṃ karitvā. Rūpabhāvaṃ jahatītipañhe niruddhassāpi rūpassa rūpakkhandhasaṅgahitattā paṭikkhipati. Rūpabhāvaṃ na jahatīti paṭilomapañhepi rūpakkhandhena saṅgahitattāva paṭijānāti. Odātaṃ vatthaṃ appiyaṃ karitvāti ettha kiñcāpi na sabbaṃ vatthaṃ odātaṃ, iminā pana vatthanti avatvā ‘‘odātaṃ vatthaṃ appiyaṃ karitvā’’ti vutte sakavādinā ekatthatā anuññātā. Odātabhāvaṃ jahatīti pañhe vaṇṇavigamaṃ sandhāya paṭiññā sakavādissa. Vatthabhāvaṃ jahatīti ettha pana paññattiyā avigatattā paṭikkhepo tasseva. Paṭilomepi eseva nayo.
286. ад̇ийд̇ам̣ ад̇ийд̇абхаавам̣ на ж̇ахад̇ийд̇и будто ‘‘яад̣̇и ж̇ахзяяа, анааг̇ад̇ам̣ ваа бажжуббаннам̣ ваа сияаа’’д̇и ман̃н̃амаано бадиж̇аанаад̇и. анааг̇ад̇ам̣ анааг̇ад̇абхаавам̣ на ж̇ахад̇ийд̇и будто бана ‘‘яад̣̇и на ж̇ахзяяа, анааг̇ад̇амзвасса , бажжуббаннабхаавам̣ на баабун̣зяяаа’’д̇и ман̃н̃амаано бадигкибад̇и. бажжуббаннабан̃хзби ад̇ийд̇абхаавам̣ анаабаж̇ж̇анад̣̇осо сияаад̇и бадигкибад̇и. ануломабан̃хзсуби иминаава наязна ад̇т̇о взд̣̇ид̇аб̣б̣о.
286. Atītaṃ atītabhāvaṃ na jahatīti puṭṭho ‘‘yadi jaheyya, anāgataṃ vā paccuppannaṃ vā siyā’’ti maññamāno paṭijānāti. Anāgataṃ anāgatabhāvaṃ na jahatīti puṭṭho pana ‘‘yadi na jaheyya, anāgatamevassa , paccuppannabhāvaṃ na pāpuṇeyyā’’ti maññamāno paṭikkhipati. Paccuppannapañhepi atītabhāvaṃ anāpajjanadoso siyāti paṭikkhipati. Anulomapañhesupi imināva nayena attho veditabbo.
287. звам̣ суд̣̇д̇хиганаяам̣ вад̇ваа буна канд̇хавасзна д̣̇ассзд̇ум̣ ад̇ийд̇ам̣ руубанд̇иаад̣̇и вуд̇д̇ам̣. д̇ам̣ саб̣б̣ам̣ баал̣ианусаарзнзва саггаа ж̇аанид̇ум̣.
287. Evaṃ suddhikanayaṃ vatvā puna khandhavasena dassetuṃ atītaṃ rūpantiādi vuttaṃ. Taṃ sabbaṃ pāḷianusāreneva sakkā jānituṃ.
важанасод̇ханаван̣н̣анаа
Vacanasodhanavaṇṇanā
288. ид̣̇аани ‘‘ад̇ийд̇ам̣ нвад̇т̇ий’’д̇иаад̣̇и важанасод̇ханаа ход̇и. д̇ад̇т̇а хан̃жи ад̇ийд̇ам̣ нвад̇т̇ийд̇и яад̣̇и ад̇ийд̇ам̣ но ад̇т̇ийд̇и ад̇т̇о. ад̇ийд̇ам̣ ад̇т̇ийд̇и мижчаад̇и ад̇ийд̇ан̃жа д̇ам̣ ад̇т̇и жаад̇и мижчаа зва. д̇ан̃н̃зва анааг̇ад̇ам̣ д̇ам̣ бажжуббаннанд̇и будто анааг̇ад̇агкан̣зязвасса бажжуббаннад̇ааяа абхаавам̣ санд̇хааяа гааланаанад̇д̇зна бадигкибад̇и.
288. Idāni ‘‘atītaṃ nvatthī’’tiādi vacanasodhanā hoti. Tattha hañci atītaṃ nvatthīti yadi atītaṃ no atthīti attho. Atītaṃatthīti micchāti atītañca taṃ atthi cāti micchā eva. Taññeva anāgataṃ taṃ paccuppannanti puṭṭho anāgatakkhaṇeyevassa paccuppannatāya abhāvaṃ sandhāya kālanānattena paṭikkhipati.
д̣̇уд̇ияам̣ будто яам̣ уббаад̣̇ад̇о буб̣б̣з анааг̇ад̇ам̣ ахоси, д̇асса уббаннагаалз бажжуббаннад̇д̇аа бадиж̇аанаад̇и. худ̇ваа ход̇и худ̇ваа ход̇ийд̇и яад̣̇зд̇ам̣ д̇аяаа ‘‘анааг̇ад̇ам̣ худ̇ваа бажжуббаннам̣ ход̇ий’’д̇и вад̣̇ад̇аа д̇ан̃н̃зва анааг̇ад̇ам̣ д̇ам̣ бажжуббаннанд̇и лад̣̇д̇хивасзна ‘‘анааг̇ад̇ам̣ ваа бажжуббаннам̣ ваа худ̇ваа ход̇ий’’д̇и вуд̇д̇ам̣. гим̣ д̇з д̇амби худ̇ваа ход̇ийд̇и? ид̇аро худ̇ваа бхууд̇асса буна худ̇ваа абхаавад̇о на хзванд̇и бадигкибад̇и.
Dutiyaṃ puṭṭho yaṃ uppādato pubbe anāgataṃ ahosi, tassa uppannakāle paccuppannattā paṭijānāti. Hutvā hoti hutvā hotīti yadetaṃ tayā ‘‘anāgataṃ hutvā paccuppannaṃ hotī’’ti vadatā taññeva anāgataṃ taṃ paccuppannanti laddhivasena ‘‘anāgataṃ vā paccuppannaṃ vā hutvā hotī’’ti vuttaṃ. Kiṃ te tampi hutvā hotīti? Itaro hutvā bhūtassa puna hutvā abhāvato na hevanti paṭikkhipati.
д̣̇уд̇ияам̣ будто яасмаа д̇ам̣ анааг̇ад̇ам̣ худ̇ваа бажжуббаннам̣ хонд̇ам̣ ‘‘худ̇ваа ход̇ий’’д̇и сан̇кам̣ г̇ад̇ам̣, д̇асмаа бадиж̇аанаад̇и. ат̇а нам̣ сагаваад̣̇ий ‘‘яад̣̇и д̇з д̇ам̣ анааг̇ад̇ам̣ худ̇ваа бажжуббаннам̣ хонд̇ам̣ ‘худ̇ваа ход̇ий’д̇и сан̇кам̣ г̇ад̇ам̣, буна худ̇ваа ход̇и, яам̣ анааг̇ад̇ам̣ на худ̇ваа бажжуббаннам̣ на хонд̇ам̣ ‘на худ̇ваа на ход̇ий’д̇и сан̇кам̣ г̇ад̇ам̣ сасависаан̣ам̣, гим̣ д̇з д̇амби буна на худ̇ваа на ход̇ий’’д̇иад̇хиббааязна на худ̇ваа на ход̇и на худ̇ваа на ход̇ийд̇и бан̃хам̣ бужчад̇и. ид̇аро ‘‘яам̣ над̇т̇и, д̇ам̣ над̇т̇ид̇ааяа, зва анааг̇ад̇ам̣ на худ̇ваа бажжуббаннам̣ на ход̇ийд̇и нахуд̇ваанаход̇и наама д̇аава ход̇у, буна нахуд̇ваанаход̇ибхааво банасса гуд̇о’’д̇и ман̃н̃амаано бадигкибад̇и. д̇ан̃н̃зва бажжуббаннам̣ д̇ам̣ ад̇ийд̇анд̇и бан̃хзби бажжуббаннагкан̣зязвасса ад̇ийд̇ад̇ааяа абхаавам̣ санд̇хааяа гааланаанад̇д̇аа бадигкибад̇и.
Dutiyaṃ puṭṭho yasmā taṃ anāgataṃ hutvā paccuppannaṃ hontaṃ ‘‘hutvā hotī’’ti saṅkhaṃ gataṃ, tasmā paṭijānāti. Atha naṃ sakavādī ‘‘yadi te taṃ anāgataṃ hutvā paccuppannaṃ hontaṃ ‘hutvā hotī’ti saṅkhaṃ gataṃ, puna hutvā hoti, yaṃ anāgataṃ na hutvā paccuppannaṃ na hontaṃ ‘na hutvā na hotī’ti saṅkhaṃ gataṃ sasavisāṇaṃ, kiṃ te tampi puna na hutvā na hotī’’tiadhippāyena na hutvā na hoti na hutvā na hotīti pañhaṃ pucchati. Itaro ‘‘yaṃ natthi, taṃ natthitāya, eva anāgataṃ na hutvā paccuppannaṃ na hotīti nahutvānahoti nāma tāva hotu, puna nahutvānahotibhāvo panassa kuto’’ti maññamāno paṭikkhipati. Taññeva paccuppannaṃ taṃ atītanti pañhepi paccuppannakkhaṇeyevassa atītatāya abhāvaṃ sandhāya kālanānattā paṭikkhipati.
д̣̇уд̇ияабан̃хз будто яам̣ ад̇ийд̇абхаавад̇о буб̣б̣з бажжуббаннам̣ ахоси, д̇ассзва ад̇ийд̇ад̇д̇аа бадиж̇аанаад̇и. худ̇ваа ход̇и худ̇ваа ход̇ийд̇и яад̣̇зд̇ам̣ д̇аяаа ‘‘бажжуббаннам̣ худ̇ваа ад̇ийд̇ам̣ ход̇ий’’д̇и вад̣̇ад̇аа ‘‘д̇ан̃н̃зва бажжуббаннам̣ д̇ам̣ ад̇ийд̇а’’нд̇и лад̣̇д̇хивасзна ‘‘бажжуббаннам̣ ваа ад̇ийд̇ам̣ ваа худ̇ваа ход̇ий’’д̇и вуд̇д̇ам̣, гим̣ д̇з д̇амби худ̇ваа ход̇ийд̇и? ид̇аро худ̇ваа бхууд̇асса буна худ̇ваа абхаавад̇о на хзванд̇и бадигкибад̇и.
Dutiyapañhe puṭṭho yaṃ atītabhāvato pubbe paccuppannaṃ ahosi, tasseva atītattā paṭijānāti. Hutvā hoti hutvā hotīti yadetaṃ tayā ‘‘paccuppannaṃ hutvā atītaṃ hotī’’ti vadatā ‘‘taññeva paccuppannaṃ taṃ atīta’’nti laddhivasena ‘‘paccuppannaṃ vā atītaṃ vā hutvā hotī’’ti vuttaṃ, kiṃ te tampi hutvā hotīti? Itaro hutvā bhūtassa puna hutvā abhāvato na hevanti paṭikkhipati.
д̣̇уд̇ияабан̃хз яасмаа д̇ам̣ бажжуббаннам̣ худ̇ваа ад̇ийд̇ам̣ хонд̇ам̣ ‘‘худ̇ваа ход̇ий’’д̇и сан̇кам̣ г̇ад̇ам̣, д̇асмаа бадиж̇аанаад̇и . ат̇а нам̣ сагаваад̣̇ий ‘‘яад̣̇и д̇з д̇ан̃н̃зва бажжуббаннам̣ худ̇ваа ад̇ийд̇ам̣ хонд̇ам̣ ‘худ̇ваа ход̇ий’д̇и сан̇кам̣ г̇ад̇ам̣, буна худ̇ваа ход̇и, яам̣ бажжуббаннам̣ на худ̇ваа ад̇ийд̇ам̣ на хонд̇ам̣ ‘на худ̇ваа на ход̇ий’д̇и сан̇кам̣ г̇ад̇ам̣ сасависаан̣ам̣, гим̣ д̇з д̇амби буна на худ̇ваа на ход̇ий’’д̇и ад̇хиббааязна на худ̇ваа на ход̇и на худ̇ваа на ход̇ийд̇и бан̃хам̣ бужчад̇и. ид̇аро ‘‘яам̣ над̇т̇и, д̇ам̣ над̇т̇ид̇ааяа зва бажжуббаннам̣ на худ̇ваа ад̇ийд̇ам̣ на ход̇ийд̇и нахуд̇ваанаход̇и наама д̇аава ход̇у. буна нахуд̇ваанаход̇ибхааво банасса гуд̇о’’д̇и ман̃н̃амаано бадигкибад̇и. убхаяам̣ згад̇о гад̇ваа ааг̇ад̇з д̇ад̇ияабан̃хзби иминаавубааязна яож̇анаа гаад̇аб̣б̣аа.
Dutiyapañhe yasmā taṃ paccuppannaṃ hutvā atītaṃ hontaṃ ‘‘hutvā hotī’’ti saṅkhaṃ gataṃ, tasmā paṭijānāti . Atha naṃ sakavādī ‘‘yadi te taññeva paccuppannaṃ hutvā atītaṃ hontaṃ ‘hutvā hotī’ti saṅkhaṃ gataṃ, puna hutvā hoti, yaṃ paccuppannaṃ na hutvā atītaṃ na hontaṃ ‘na hutvā na hotī’ti saṅkhaṃ gataṃ sasavisāṇaṃ, kiṃ te tampi puna na hutvā na hotī’’ti adhippāyena na hutvā na hoti na hutvā na hotīti pañhaṃ pucchati. Itaro ‘‘yaṃ natthi, taṃ natthitāya eva paccuppannaṃ na hutvā atītaṃ na hotīti nahutvānahoti nāma tāva hotu. Puna nahutvānahotibhāvo panassa kuto’’ti maññamāno paṭikkhipati. Ubhayaṃ ekato katvā āgate tatiyapañhepi imināvupāyena yojanā kātabbā.
абаро наяо – яад̣̇и д̇ан̃н̃зва анааг̇ад̇ам̣ д̇ам̣ бажжуббаннам̣, анааг̇ад̇асса бажжуббаннз вуд̇д̇о ход̇ибхааво, бажжуббаннасса жа анааг̇ад̇з вуд̇д̇о худ̇ваабхааво аабаж̇ж̇ад̇и. звам̣ санд̇з анааг̇ад̇амби худ̇вааход̇и наама. бажжуббаннамби худ̇вааход̇иязва наама. д̇зна д̇ам̣ бужчаама – ‘‘гим̣ д̇з зд̇зсу згзгам̣ худ̇ваа ход̇и худ̇ваа ход̇ий’’д̇и? ид̇аро – ‘‘д̇ан̃н̃зва анааг̇ад̇ам̣ д̇ам̣ бажжуббанна’’нд̇и бан̃хз бадигкид̇д̇анаязнзва бадигкибид̇ваа буна будто д̣̇уд̇ияз бан̃хз бадин̃н̃аад̇анаязнзва бадиж̇аанаад̇и. ат̇а нам̣ сагаваад̣̇ий ‘‘д̇ан̃н̃зва анааг̇ад̇ам̣ д̇ам̣ бажжуббанна’’нд̇и бан̃хаавасзна д̇зсу згзгам̣ худ̇ваа ход̇и худ̇ваа ход̇ийд̇и бадиж̇аананд̇ам̣ буримам̣ бадигкид̇д̇абан̃хам̣ баривад̇д̇ид̇ваа бужчанд̇о на худ̇ваа на ход̇и на худ̇ваа на ход̇ийд̇и бужчад̇и. д̇ассад̇т̇о – нану ‘‘д̇аяаа д̇ан̃н̃зва анааг̇ад̇ам̣ д̇ам̣ бажжуббанна’’нд̇и вуд̇д̇з батамабан̃хам̣ бадигкибанд̇зна анааг̇ад̇асса ход̇ибхааво бажжуббаннасса жа худ̇ваабхааво бадигкид̇д̇од̇и. д̇зна анааг̇ад̇ам̣ на ход̇и наама, бажжуббаннам̣ на худ̇ваа наама.
Aparo nayo – yadi taññeva anāgataṃ taṃ paccuppannaṃ, anāgatassa paccuppanne vutto hotibhāvo, paccuppannassa ca anāgate vutto hutvābhāvo āpajjati. Evaṃ sante anāgatampi hutvāhoti nāma. Paccuppannampi hutvāhotiyeva nāma. Tena taṃ pucchāma – ‘‘kiṃ te etesu ekekaṃ hutvā hoti hutvā hotī’’ti? Itaro – ‘‘taññeva anāgataṃ taṃ paccuppanna’’nti pañhe paṭikkhittanayeneva paṭikkhipitvā puna puṭṭho dutiye pañhe paṭiññātanayeneva paṭijānāti. Atha naṃ sakavādī ‘‘taññeva anāgataṃ taṃ paccuppanna’’nti pañhāvasena tesu ekekaṃ hutvā hoti hutvā hotīti paṭijānantaṃ purimaṃ paṭikkhittapañhaṃ parivattitvā pucchanto na hutvā na hoti na hutvā na hotīti pucchati. Tassattho – nanu ‘‘tayā taññeva anāgataṃ taṃ paccuppanna’’nti vutte paṭhamapañhaṃ paṭikkhipantena anāgatassa hotibhāvo paccuppannassa ca hutvābhāvo paṭikkhittoti. Tena anāgataṃ na hoti nāma, paccuppannaṃ na hutvā nāma.
д̣̇уд̇ияабан̃хз жа д̇ан̃н̃зва анааг̇ад̇ам̣ д̇ам̣ бажжуббаннанд̇и бадин̃н̃аад̇ам̣. звам̣ санд̇з анааг̇ад̇амби на худ̇ваа на ход̇и наама. бажжуббаннамби на худ̇ваа на ход̇иязва наама. д̇зна д̇ам̣ бужчаама – ‘‘гим̣ д̇з зд̇зсу згзгам̣ на худ̇ваа на ход̇и на худ̇ваа на ход̇ий’’д̇и? бараваад̣̇ий саб̣б̣ад̇о анд̇хагаарзна барияонад̣̇д̇хо вияа д̇зсам̣ нахуд̇ваанаход̇ибхаавам̣ абассанд̇о на хзванд̇и бадигкибад̇и.
Dutiyapañhe ca taññeva anāgataṃ taṃ paccuppannanti paṭiññātaṃ. Evaṃ sante anāgatampi na hutvā na hoti nāma. Paccuppannampi na hutvā na hotiyeva nāma. Tena taṃ pucchāma – ‘‘kiṃ te etesu ekekaṃ na hutvā na hoti na hutvā na hotī’’ti? Paravādī sabbato andhakārena pariyonaddho viya tesaṃ nahutvānahotibhāvaṃ apassanto na hevanti paṭikkhipati.
д̣̇уд̇ияаваарзби яад̣̇и д̇ан̃н̃зва бажжуббаннам̣ д̇ам̣ ад̇ийд̇ам̣, бажжуббаннасса ад̇ийд̇з вуд̇д̇о ход̇ибхааво, ад̇ийд̇асса жа бажжуббаннз вуд̇д̇о худ̇ваабхааво аабаж̇ж̇ад̇и, звам̣ санд̇з бажжуббаннамби худ̇вааход̇и наама, ад̇ийд̇амби худ̇вааход̇иязва наама. д̇зна д̇ам̣ бужчаама – ‘‘гим̣ д̇з зд̇зсу згзгам̣ худ̇ваа ход̇и худ̇ваа ход̇ий’’д̇и? ид̇аро д̇ан̃н̃зва бажжуббаннам̣ д̇ам̣ ад̇ийд̇анд̇ибан̃хз бадигкид̇д̇анаязнзва бадигкибид̇ваа буна будто д̣̇уд̇ияабан̃хз бадин̃н̃аад̇анаязнзва бадиж̇аанаад̇и. ат̇а нам̣ сагаваад̣̇ий ‘‘д̇ан̃н̃зва бажжуббаннам̣ д̇ам̣ ад̇ийд̇а’’нд̇и бан̃хаавасзна д̇зсу згзгам̣ худ̇ваа ход̇и худ̇ваа ход̇ийд̇и бадиж̇аананд̇ам̣ буримам̣ бадигкид̇д̇абан̃хам̣ баривад̇д̇ид̇ваа бужчанд̇о на худ̇ваа на ход̇и на худ̇ваа на ход̇ийд̇и бужчад̇и. д̇ассад̇т̇о – нану д̇аяаа д̇ан̃н̃зва бажжуббаннам̣ д̇ам̣ ад̇ийд̇анд̇и вуд̇д̇з батамабан̃хам̣ бадигкибанд̇зна бажжуббаннасса ход̇ибхааво, ад̇ийд̇асса жа худ̇ваабхааво бадигкид̇д̇од̇и. д̇зна бажжуббаннам̣ наход̇и наама. ад̇ийд̇ам̣ нахуд̇ваа наама.
Dutiyavārepi yadi taññeva paccuppannaṃ taṃ atītaṃ, paccuppannassa atīte vutto hotibhāvo, atītassa ca paccuppanne vutto hutvābhāvo āpajjati, evaṃ sante paccuppannampi hutvāhoti nāma, atītampi hutvāhotiyeva nāma. Tena taṃ pucchāma – ‘‘kiṃ te etesu ekekaṃ hutvā hoti hutvā hotī’’ti? Itaro taññeva paccuppannaṃ taṃ atītantipañhe paṭikkhittanayeneva paṭikkhipitvā puna puṭṭho dutiyapañhe paṭiññātanayeneva paṭijānāti. Atha naṃ sakavādī ‘‘taññeva paccuppannaṃ taṃ atīta’’nti pañhāvasena tesu ekekaṃ hutvā hoti hutvā hotīti paṭijānantaṃ purimaṃ paṭikkhittapañhaṃ parivattitvā pucchanto na hutvā na hoti na hutvā na hotīti pucchati. Tassattho – nanu tayā taññeva paccuppannaṃ taṃ atītanti vutte paṭhamapañhaṃ paṭikkhipantena paccuppannassa hotibhāvo, atītassa ca hutvābhāvo paṭikkhittoti. Tena paccuppannaṃ nahoti nāma. Atītaṃ nahutvā nāma.
д̣̇уд̇ияабан̃хз жа д̇з ‘‘д̇ан̃н̃зва бажжуббаннам̣ д̇ам̣ ад̇ийд̇а’’нд̇и бадин̃н̃аад̇ам̣. звам̣ санд̇з бажжуббаннамби на худ̇ваа на ход̇и наама, ад̇ийд̇амби на худ̇ваа на ход̇иязва наама. д̇зна д̇ам̣ бужчаама – ‘‘гим̣ д̇з зд̇зсу згзгам̣ на худ̇ваа на ход̇и, на худ̇ваа на ход̇ий’’д̇и. бараваад̣̇ий саб̣б̣ад̇о анд̇хагаарзна барияонад̣̇д̇хо вияа д̇зсам̣ нахуд̇ваанаход̇ибхаавам̣ абассанд̇о на хзванд̇и бадигкибад̇и.
Dutiyapañhe ca te ‘‘taññeva paccuppannaṃ taṃ atīta’’nti paṭiññātaṃ. Evaṃ sante paccuppannampi na hutvā na hoti nāma, atītampi na hutvā na hotiyeva nāma. Tena taṃ pucchāma – ‘‘kiṃ te etesu ekekaṃ na hutvā na hoti, na hutvā na hotī’’ti. Paravādī sabbato andhakārena pariyonaddho viya tesaṃ nahutvānahotibhāvaṃ apassanto na hevanti paṭikkhipati.
д̇ад̇ияаваарзби яад̣̇и д̇ан̃н̃зва анааг̇ад̇ам̣ д̇ам̣ бажжуббаннам̣ д̇ам̣ ад̇ийд̇ам̣; анааг̇ад̇абажжуббаннаанам̣ бажжуббаннаад̇ийд̇зсу вуд̇д̇о ход̇ибхааво, бажжуббаннаад̇ийд̇аанан̃жа анааг̇ад̇абажжуббаннзсу вуд̇д̇о худ̇ваабхааво аабаж̇ж̇ад̇и. звам̣ санд̇з анааг̇ад̇амби худ̇вааход̇и наама. бажжуббаннамби ад̇ийд̇амби худ̇ваа ход̇иязва наама. д̇зна д̇ам̣ бужчаама – ‘‘гим̣ д̇з д̇ийсуби зд̇зсу згзгам̣ худ̇ваа ход̇и худ̇ваа ход̇ий’’д̇и? ид̇аро ‘‘д̇ан̃н̃зва анааг̇ад̇ам̣, д̇ам̣ бажжуббаннам̣, д̇ам̣ ад̇ийд̇а’’нд̇ибан̃хз бадигкид̇д̇анаязнзва бадигкибид̇ваа буна будто д̣̇уд̇ияабан̃хз бадин̃н̃аад̇анаязнзва бадиж̇аанаад̇и. ат̇а нам̣ сагаваад̣̇ий ‘‘д̇ан̃н̃зва анааг̇ад̇ам̣, д̇ам̣ бажжуббаннам̣, д̇ам̣ ад̇ийд̇а’’нд̇и бан̃хаавасзна д̇зсу згзгам̣ худ̇ваа ход̇и, худ̇ваа ход̇ийд̇и бадиж̇аананд̇ам̣ буримам̣ бадигкид̇д̇абан̃хам̣ баривад̇д̇ид̇ваа бужчанд̇о на худ̇ваа на ход̇и на худ̇ваа на ход̇ийд̇и бужчад̇и. д̇ассад̇т̇о – нану д̇аяаа д̇ан̃н̃зва анааг̇ад̇ам̣, д̇ам̣ бажжуббаннам̣, д̇ам̣ ад̇ийд̇анд̇и вуд̇д̇з батамабан̃хам̣ бадигкибанд̇зна анааг̇ад̇абажжуббаннаанам̣ ход̇ибхааво; бажжуббаннаад̇ийд̇аанан̃жа худ̇ваабхааво бадигкид̇д̇од̇и? д̇зна анааг̇ад̇ам̣ бажжуббаннан̃жа на ход̇и наама. бажжуббаннан̃жа ад̇ийд̇ан̃жа на худ̇ваа наама.
Tatiyavārepi yadi taññeva anāgataṃ taṃ paccuppannaṃ taṃ atītaṃ; anāgatapaccuppannānaṃ paccuppannātītesu vutto hotibhāvo, paccuppannātītānañca anāgatapaccuppannesu vutto hutvābhāvo āpajjati. Evaṃ sante anāgatampi hutvāhoti nāma. Paccuppannampi atītampi hutvā hotiyeva nāma. Tena taṃ pucchāma – ‘‘kiṃ te tīsupi etesu ekekaṃ hutvā hoti hutvā hotī’’ti? Itaro ‘‘taññeva anāgataṃ, taṃ paccuppannaṃ, taṃ atīta’’ntipañhe paṭikkhittanayeneva paṭikkhipitvā puna puṭṭho dutiyapañhe paṭiññātanayeneva paṭijānāti. Atha naṃ sakavādī ‘‘taññeva anāgataṃ, taṃ paccuppannaṃ, taṃ atīta’’nti pañhāvasena tesu ekekaṃ hutvā hoti, hutvā hotīti paṭijānantaṃ purimaṃ paṭikkhittapañhaṃ parivattitvā pucchanto na hutvā na hoti na hutvā na hotīti pucchati. Tassattho – nanu tayā taññeva anāgataṃ, taṃ paccuppannaṃ, taṃ atītanti vutte paṭhamapañhaṃ paṭikkhipantena anāgatapaccuppannānaṃ hotibhāvo; paccuppannātītānañca hutvābhāvo paṭikkhittoti? Tena anāgataṃ paccuppannañca na hoti nāma. Paccuppannañca atītañca na hutvā nāma.
д̣̇уд̇ияабан̃хз жа д̇з ‘‘д̇ан̃н̃зва анааг̇ад̇ам̣, д̇ам̣ бажжуббаннам̣, д̇ам̣ ад̇ийд̇а’’нд̇и бадин̃н̃аад̇ам̣. звам̣ санд̇з анааг̇ад̇амби на худ̇ваа на ход̇и наама, бажжуббаннамби ад̇ийд̇амби на худ̇ваа на ход̇иязва наама. д̇зна д̇ам̣ бужчаама – ‘‘гим̣ д̇з зд̇зсу згзгам̣ на худ̇ваа на ход̇и на худ̇ваа на ход̇ий’’д̇и? бараваад̣̇ий саб̣б̣ад̇о анд̇хагаарзна барияонад̣̇д̇хо вияа д̇зсам̣ на худ̇ваа на ход̇ибхаавам̣ абассанд̇о на хзванд̇и бадигкибад̇ийд̇и. ниг̇г̇ахаад̣̇ийни банзд̇т̇а хздтаа вуд̇д̇анаязнзва яож̇зд̇аб̣б̣аани.
Dutiyapañhe ca te ‘‘taññeva anāgataṃ, taṃ paccuppannaṃ, taṃ atīta’’nti paṭiññātaṃ. Evaṃ sante anāgatampi na hutvā na hoti nāma, paccuppannampi atītampi na hutvā na hotiyeva nāma. Tena taṃ pucchāma – ‘‘kiṃ te etesu ekekaṃ na hutvā na hoti na hutvā na hotī’’ti? Paravādī sabbato andhakārena pariyonaddho viya tesaṃ na hutvā na hotibhāvaṃ apassanto na hevanti paṭikkhipatīti. Niggahādīni panettha heṭṭhā vuttanayeneva yojetabbāni.
важанасод̇ханаван̣н̣анаа нидтид̇аа.
Vacanasodhanavaṇṇanā niṭṭhitā.
ад̇ийд̇ажагкуруубаад̣̇игат̇ааван̣н̣анаа
Atītacakkhurūpādikathāvaṇṇanā
289. ад̇ийд̇ам̣ жагку ад̇т̇ийд̇иаад̣̇ийсуби жагкаад̣̇ибхааваавиж̇аханзнзва ад̇т̇ид̇ам̣ бадиж̇аанаад̇и. бассад̇ийд̇иаад̣̇ийни будто бана д̇зсам̣ вин̃н̃аан̣аанам̣ гижжаабхаававасзна бадигкибад̇и.
289. Atītaṃcakkhu atthītiādīsupi cakkhādibhāvāvijahaneneva atthitaṃ paṭijānāti. Passatītiādīni puṭṭho pana tesaṃ viññāṇānaṃ kiccābhāvavasena paṭikkhipati.
ад̇ийд̇ан̃аан̣аад̣̇игат̇ааван̣н̣анаа
Atītañāṇādikathāvaṇṇanā
290. д̇зна н̃аан̣зна н̃аан̣агаран̣ийяам̣ гарод̇ийд̇и бан̃хз д̇асса н̃аан̣асса нируд̣̇д̇хад̇д̇аа гижжабхаавамасса абассанд̇о бадигкибад̇и. буна будто ад̇ийд̇аарамман̣ам̣ бажжуббаннам̣ н̃аан̣ам̣ ад̇ийд̇аанам̣ д̇хаммаанам̣ ж̇аананад̇о ад̇ийд̇ам̣ н̃аан̣анд̇и лзсзна бажжуббаннамзва ‘‘ад̇ийд̇ам̣ н̃аан̣а’’нд̇и гад̇ваа д̇зна н̃аан̣зна н̃аан̣агаран̣ийяасса ад̇т̇ид̇ааяа бадиж̇аанаад̇и. ат̇асса сагаваад̣̇ий лзсогаасам̣ ад̣̇ад̇ваа д̇зна н̃аан̣зна д̣̇угкам̣ бариж̇аанаад̇ийд̇иаад̣̇имааха. ид̇аро ад̇ийд̇аарамман̣знзва н̃аан̣зна имзсам̣ жад̇уннам̣ гижжаанам̣ абхааваа бадигкибад̇и. анааг̇ад̇абан̃хзби зсзва наяо. бажжуббаннабан̃хо жзва сам̣санд̣̇анабан̃хо жа уд̇д̇аанад̇т̇ааязва.
290. Tena ñāṇena ñāṇakaraṇīyaṃ karotīti pañhe tassa ñāṇassa niruddhattā kiccabhāvamassa apassanto paṭikkhipati. Puna puṭṭho atītārammaṇaṃ paccuppannaṃ ñāṇaṃ atītānaṃ dhammānaṃ jānanato atītaṃ ñāṇanti lesena paccuppannameva ‘‘atītaṃ ñāṇa’’nti katvā tena ñāṇena ñāṇakaraṇīyassa atthitāya paṭijānāti. Athassa sakavādī lesokāsaṃ adatvā tena ñāṇena dukkhaṃ parijānātītiādimāha. Itaro atītārammaṇeneva ñāṇena imesaṃ catunnaṃ kiccānaṃ abhāvā paṭikkhipati. Anāgatapañhepi eseva nayo. Paccuppannapañho ceva saṃsandanapañho ca uttānatthāyeva.
араханд̇аад̣̇игат̇ааван̣н̣анаа
Arahantādikathāvaṇṇanā
291. арахад̇о ад̇ийд̇о рааг̇о ад̇т̇ийд̇иаад̣̇ийсуби рааг̇аад̣̇ибхааваавиж̇аханд̇о звам̣ бадиж̇аанаад̇и. сарааг̇од̇иаад̣̇ийсу суд̇д̇авирод̇хабхаязна жзва яуд̇д̇ивирод̇хабхаязна жа бадигкибад̇и.
291. Arahato atīto rāgo atthītiādīsupi rāgādibhāvāvijahanto evaṃ paṭijānāti. Sarāgotiādīsu suttavirodhabhayena ceva yuttivirodhabhayena ca paṭikkhipati.
бад̣̇асод̇ханагат̇ааван̣н̣анаа
Padasodhanakathāvaṇṇanā
295. звам̣ саб̣б̣амби баал̣ианусаарзнзва вид̣̇ид̇ваа барад̇о ад̇т̇и сияаа ад̇ийд̇ам̣, сияаа нваад̇ийд̇анд̇и зд̇т̇а звамад̇т̇о взд̣̇ид̇аб̣б̣о. яам̣ ад̇ийд̇амзва ад̇т̇и, д̇ам̣ ад̇ийд̇ам̣. яам̣ бажжуббаннаанааг̇ад̇ам̣ ад̇т̇и, д̇ам̣ но ад̇т̇и, д̇ам̣ но ад̇ийд̇ам̣. д̇знаад̇ийд̇ам̣ нваад̇ийд̇ам̣, нваад̇ийд̇ам̣ ад̇ийд̇анд̇и д̇зна гааран̣зна ад̇ийд̇ам̣ но ад̇ийд̇ам̣, но ад̇ийд̇ам̣ ад̇ийд̇анд̇и. анааг̇ад̇абажжуббаннабужчаасуби зсзва наяо.
295. Evaṃ sabbampi pāḷianusāreneva viditvā parato atthi siyā atītaṃ, siyā nvātītanti ettha evamattho veditabbo. Yaṃ atītameva atthi, taṃ atītaṃ. Yaṃ paccuppannānāgataṃ atthi, taṃ no atthi, taṃ no atītaṃ. Tenātītaṃ nvātītaṃ, nvātītaṃ atītanti tena kāraṇena atītaṃ no atītaṃ, no atītaṃ atītanti. Anāgatapaccuppannapucchāsupi eseva nayo.
суд̇д̇асаад̇ханаван̣н̣анаа
Suttasādhanavaṇṇanā
296. на вад̇д̇аб̣б̣ам̣ ‘‘ад̇ийд̇ам̣ ад̇т̇и анааг̇ад̇ам̣ ад̇т̇ий’’д̇и суд̇д̇асаад̇ханааяа бужчаа бараваад̣̇исса, бадин̃н̃аа сагаваад̣̇исса. буна ад̇д̇ано лад̣̇д̇хим̣ ниссааяа яам̣гин̃жи, бхигкавз, руубанд̇и ануяог̇о бараваад̣̇иссзва. д̣̇уд̇ияанаяз бужчаа сагаваад̣̇исса, бадин̃н̃аа ид̇арасса. звам̣ саб̣б̣ад̇т̇а бужчаа жа бадин̃н̃аа жа взд̣̇ид̇аб̣б̣аа. яам̣ банзд̇ам̣ бараваад̣̇инаа анааг̇ад̇асса ад̇т̇ибхаавасаад̇ханад̇т̇ам̣ ‘‘нану вуд̇д̇ам̣ бхаг̇авад̇аа габ̣ал̣ийгаарз, жз, бхигкавз’’д̇и суд̇д̇асса барияосаанз ад̇т̇и д̇ад̇т̇а ааяад̇им̣ бунаб̣бхаваабхиниб̣б̣ад̇д̇ийд̇иаад̣̇и д̣̇ассид̇ам̣ на д̇ам̣ анааг̇ад̇асса ад̇т̇ибхаавасаад̇хагам̣ . д̇ан̃хи хзд̇уунам̣ баринидтид̇ад̇д̇аа авассам̣ бхаавид̇ам̣ санд̇хааяа д̇ад̇т̇а вуд̇д̇ам̣. аяам̣ суд̇д̇аад̇хиббааяо. сзсам̣ саб̣б̣ад̇т̇а уд̇д̇аанад̇т̇амзваад̇и.
296. Navattabbaṃ ‘‘atītaṃ atthi anāgataṃ atthī’’ti suttasādhanāya pucchā paravādissa, paṭiññā sakavādissa. Puna attano laddhiṃ nissāya yaṃkiñci, bhikkhave, rūpanti anuyogo paravādisseva. Dutiyanaye pucchā sakavādissa, paṭiññā itarassa. Evaṃ sabbattha pucchā ca paṭiññā ca veditabbā. Yaṃ panetaṃ paravādinā anāgatassa atthibhāvasādhanatthaṃ ‘‘nanu vuttaṃ bhagavatā kabaḷīkāre, ce, bhikkhave’’ti suttassa pariyosāne atthi tattha āyatiṃ punabbhavābhinibbattītiādi dassitaṃ na taṃ anāgatassa atthibhāvasādhakaṃ . Tañhi hetūnaṃ pariniṭṭhitattā avassaṃ bhāvitaṃ sandhāya tattha vuttaṃ. Ayaṃ suttādhippāyo. Sesaṃ sabbattha uttānatthamevāti.
саб̣б̣амад̇т̇ийд̇игат̇ааван̣н̣анаа нидтид̇аа.
Sabbamatthītikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 5. саб̣б̣амад̇т̇ийд̇игат̇аа • 5. Sabbamatthītikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. саб̣б̣амад̇т̇ийд̇игат̇аа • 5. Sabbamatthītikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. саб̣б̣амад̇т̇ийд̇игат̇ааван̣н̣анаа • 5. Sabbamatthītikathāvaṇṇanā
