| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༥. སབྦམཏྠཱིཏིཀཐཱ
5. Sabbamatthītikathā
༡. ཝཱདཡུཏྟི
1. Vādayutti
༢༨༢. སབྦམཏྠཱིཏི ? ཨཱམནྟཱ། སབྦཏྠ སབྦམཏྠཱིཏི? ན ཧེཝཾ ཝཏྟབྦེ། སབྦམཏྠཱིཏི? ཨཱམནྟཱ། སབྦདཱ སབྦམཏྠཱིཏི? ན ཧེཝཾ ཝཏྟབྦེ། སབྦམཏྠཱིཏི? ཨཱམནྟཱ། སབྦེན སབྦཾ སབྦམཏྠཱིཏི? ན ཧེཝཾ ཝཏྟབྦེ། སབྦམཏྠཱིཏི? ཨཱམནྟཱ། སབྦེསུ སབྦམཏྠཱིཏི? ན ཧེཝཾ ཝཏྟབྦེ། སབྦམཏྠཱིཏི? ཨཱམནྟཱ། ཨཡོགནྟི ཀཏྭཱ སབྦམཏྠཱིཏི? ན ཧེཝཾ ཝཏྟབྦེ། སབྦམཏྠཱིཏི? ཨཱམནྟཱ། ཡམྤི ནཏྠི, ཏམྤཏྠཱིཏི? ན ཧེཝཾ ཝཏྟབྦེ། སབྦམཏྠཱིཏི? ཨཱམནྟཱ། སབྦམཏྠཱིཏི ཡཱ དིཊྛི སཱ དིཊྛི མིཙྪཱདིཊྛཱིཏི, ཡཱ དིཊྛི སཱ དིཊྛི སམྨཱདིཊྛཱིཏི, ཧེཝམཏྠཱིཏི? ན ཧེཝཾ ཝཏྟབྦེ། (སཾཁིཏྟཾ)། ཝཱདཡུཏྟི།
282. Sabbamatthīti ? Āmantā. Sabbattha sabbamatthīti? Na hevaṃ vattabbe. Sabbamatthīti? Āmantā. Sabbadā sabbamatthīti? Na hevaṃ vattabbe. Sabbamatthīti? Āmantā. Sabbena sabbaṃ sabbamatthīti? Na hevaṃ vattabbe. Sabbamatthīti? Āmantā. Sabbesu sabbamatthīti? Na hevaṃ vattabbe. Sabbamatthīti? Āmantā. Ayoganti katvā sabbamatthīti? Na hevaṃ vattabbe. Sabbamatthīti? Āmantā. Yampi natthi, tampatthīti? Na hevaṃ vattabbe. Sabbamatthīti? Āmantā. Sabbamatthīti yā diṭṭhi sā diṭṭhi micchādiṭṭhīti, yā diṭṭhi sā diṭṭhi sammādiṭṭhīti, hevamatthīti? Na hevaṃ vattabbe. (Saṃkhittaṃ). Vādayutti.
༢. ཀཱལསཾསནྡནཱ
2. Kālasaṃsandanā
༢༨༣. ཨཏཱིཏཾ ཨཏྠཱིཏི? ཨཱམནྟཱ། ནནུ ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ། ཧཉྩི ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ ཨཏྠཱི’’ཏི།
283. Atītaṃ atthīti? Āmantā. Nanu atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ, no ca vata re vattabbe – ‘‘atītaṃ atthī’’ti.
ཨནཱགཏཾ ཨཏྠཱིཏི? ཨཱམནྟཱ། ནནུ ཨནཱགཏཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ། ཧཉྩི ཨནཱགཏཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏཾ, ནོ ཙ ཝཏ རེ ཝཏྟབྦེ – ‘‘ཨནཱགཏཾ ཨཏྠཱི’’ཏི།
Anāgataṃ atthīti? Āmantā. Nanu anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ, no ca vata re vattabbe – ‘‘anāgataṃ atthī’’ti.
པཙྩུཔྤནྣཾ ཨཏྠི པཙྩུཔྤནྣཾ ཨནིརུདྡྷཾ ཨཝིགཏཾ ཨཝིཔརིཎཏཾ ན ཨཏྠངྒཏཾ ན ཨབྦྷཏྠངྒཏནྟི? ཨཱམནྟཱ། ཨཏཱིཏཾ ཨཏྠི ཨཏཱིཏཾ ཨནིརུདྡྷཾ ཨཝིགཏཾ ཨཝིཔརིཎཏཾ ན ཨཏྠངྒཏཾ ན ཨབྦྷཏྠངྒཏནྟི? ན ཧེཝཾ ཝཏྟབྦེ…པེ॰… པཙྩུཔྤནྣཾ ཨཏྠི པཙྩུཔྤནྣཾ ཛཱཏཾ བྷཱུཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏནྟི? ཨཱམནྟཱ། ཨནཱགཏཾ ཨཏྠི ཨནཱགཏཾ ཛཱཏཾ བྷཱུཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏནྟི? ན ཧེཝཾ ཝཏྟབྦེ…པེ॰…།
Paccuppannaṃ atthi paccuppannaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ atthi atītaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe…pe… paccuppannaṃ atthi paccuppannaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ atthi anāgataṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe…pe….
ཨཏཱིཏཾ ཨཏྠི ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ། པཙྩུཔྤནྣཾ ཨཏྠི པཙྩུཔྤནྣཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ན ཧེཝཾ ཝཏྟབྦེ…པེ॰… ཨནཱགཏཾ ཨཏྠི ཨནཱགཏཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ། པཙྩུཔྤནྣཾ ཨཏྠི པཙྩུཔྤནྣཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ན ཧེཝཾ ཝཏྟབྦེ།
Atītaṃ atthi atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ atthi paccuppannaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe…pe… anāgataṃ atthi anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ atthi paccuppannaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
༢༨༤. ཨཏཱིཏཾ རཱུཔཾ ཨཏྠཱིཏི? ཨཱམནྟཱ། ནནུ ཨཏཱིཏཾ རཱུཔཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ། ཧཉྩི ཨཏཱིཏཾ རཱུཔཾ ནིརུདྡྷཾ…པེ॰… ཨབྦྷཏྠངྒཏཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ རཱུཔཾ ཨཏྠཱི’’ཏི།
284. Atītaṃ rūpaṃ atthīti? Āmantā. Nanu atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ rūpaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ rūpaṃ atthī’’ti.
ཨནཱགཏཾ རཱུཔཾ ཨཏྠཱིཏི? ཨཱམནྟཱ། ནནུ ཨནཱགཏཾ རཱུཔཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ། ཧཉྩི ཨནཱགཏཾ རཱུཔཾ ཨཛཱཏཾ…པེ॰… ཨཔཱཏུབྷཱུཏཾ, ནོ ཙ ཝཏ རེ ཝཏྟབྦེ – ‘‘ཨནཱགཏཾ རཱུཔཾ ཨཏྠཱི’’ཏི།
Anāgataṃ rūpaṃ atthīti? Āmantā. Nanu anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ rūpaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ rūpaṃ atthī’’ti.
པཙྩུཔྤནྣཾ རཱུཔཾ ཨཏྠི པཙྩུཔྤནྣཾ རཱུཔཾ ཨནིརུདྡྷཾ ཨཝིགཏཾ ཨཝིཔརིཎཏཾ ན ཨཏྠངྒཏཾ ན ཨབྦྷཏྠངྒཏནྟི? ཨཱམནྟཱ། ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨནིརུདྡྷཾ ཨཝིགཏཾ ཨཝིཔརིཎཏཾ ན ཨཏྠངྒཏཾ ན ཨབྦྷཏྠངྒཏནྟི? ན ཧེཝཾ ཝཏྟབྦེ།
Paccuppannaṃ rūpaṃ atthi paccuppannaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ rūpaṃ atthi atītaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe.
པཙྩུཔྤནྣཾ རཱུཔཾ ཨཏྠི པཙྩུཔྤནྣཾ རཱུཔཾ ཛཱཏཾ བྷཱུཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏནྟི? ཨཱམནྟཱ། ཨནཱགཏཾ རཱུཔཾ ཨཏྠི ཨནཱགཏཾ རཱུཔཾ ཛཱཏཾ བྷཱུཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏནྟི? ན ཧེཝཾ ཝཏྟབྦེ།
Paccuppannaṃ rūpaṃ atthi paccuppannaṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ rūpaṃ atthi anāgataṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe.
ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ། པཙྩུཔྤནྣཾ རཱུཔཾ ཨཏྠི པཙྩུཔྤནྣཾ རཱུཔཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ན ཧེཝཾ ཝཏྟབྦེ།
Atītaṃ rūpaṃ atthi atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ rūpaṃ atthi paccuppannaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe.
ཨནཱགཏཾ རཱུཔཾ ཨཏྠི ཨནཱགཏཾ རཱུཔཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ། པཙྩུཔྤནྣཾ རཱུཔཾ ཨཏྠི པཙྩུཔྤནྣཾ རཱུཔཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ན ཧེཝཾ ཝཏྟབྦེ།
Anāgataṃ rūpaṃ atthi anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ rūpaṃ atthi paccuppannaṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
ཨཏཱིཏཱ ཝེདནཱ ཨཏྠི…པེ॰… སཉྙཱ ཨཏྠི, སངྑཱརཱ ཨཏྠི, ཝིཉྙཱཎཾ ཨཏྠཱིཏི? ཨཱམནྟཱ། ནནུ ཨཏཱིཏཾ ཝིཉྙཱཎཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ ། ཧཉྩི ཨཏཱིཏཾ ཝིཉྙཱཎཾ ནིརུདྡྷཾ…པེ॰… ཨབྦྷཏྠངྒཏཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ ཝིཉྙཱཎཾ ཨཏྠཱི’’ཏི།
Atītā vedanā atthi…pe… saññā atthi, saṅkhārā atthi, viññāṇaṃ atthīti? Āmantā. Nanu atītaṃ viññāṇaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā . Hañci atītaṃ viññāṇaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ viññāṇaṃ atthī’’ti.
ཨནཱགཏཾ ཝིཉྙཱཎཾ ཨཏྠཱིཏི? ཨཱམནྟཱ། ནནུ ཨནཱགཏཾ ཝིཉྙཱཎཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ། ཧཉྩི ཨནཱགཏཾ ཝིཉྙཱཎཾ ཨཛཱཏཾ…པེ॰… ཨཔཱཏུབྷཱུཏཾ, ནོ ཙ ཝཏ རེ ཝཏྟབྦེ – ‘‘ཨནཱགཏཾ ཝིཉྙཱཎཾ ཨཏྠཱི’’ཏི།
Anāgataṃ viññāṇaṃ atthīti? Āmantā. Nanu anāgataṃ viññāṇaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ viññāṇaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ viññāṇaṃ atthī’’ti.
པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ཝིཉྙཱཎཾ ཨནིརུདྡྷཾ…པེ॰… ན ཨབྦྷཏྠངྒཏནྟི? ཨཱམནྟཱ། ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨནིརུདྡྷཾ…པེ॰… ན ཨབྦྷཏྠངྒཏནྟི? ན ཧེཝཾ ཝཏྟབྦེ།
Paccuppannaṃ viññāṇaṃ atthi paccuppannaṃ viññāṇaṃ aniruddhaṃ…pe… na abbhatthaṅgatanti? Āmantā. Atītaṃ viññāṇaṃ atthi atītaṃ viññāṇaṃ aniruddhaṃ…pe… na abbhatthaṅgatanti? Na hevaṃ vattabbe.
པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ཝིཉྙཱཎཾ ཛཱཏཾ…པེ॰… པཱཏུབྷཱུཏནྟི? ཨཱམནྟཱ། ཨནཱགཏཾ ཝིཉྙཱཎཾ ཨཏྠི ཨནཱགཏཾ ཝིཉྙཱཎཾ ཛཱཏཾ…པེ॰… པཱཏུབྷཱུཏནྟི? ན ཧེཝཾ ཝཏྟབྦེ།
Paccuppannaṃ viññāṇaṃ atthi paccuppannaṃ viññāṇaṃ jātaṃ…pe… pātubhūtanti? Āmantā. Anāgataṃ viññāṇaṃ atthi anāgataṃ viññāṇaṃ jātaṃ…pe… pātubhūtanti? Na hevaṃ vattabbe.
ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ནིརུདྡྷཾ…པེ॰… ཨབྦྷཏྠངྒཏནྟི? ཨཱམནྟཱ། པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ཝིཉྙཱཎཾ ནིརུདྡྷཾ…པེ॰… ཨབྦྷཏྠངྒཏནྟི? ན ཧེཝཾ ཝཏྟབྦེ། ཨནཱགཏཾ ཝིཉྙཱཎཾ ཨཏྠི ཨནཱགཏཾ ཝིཉྙཱཎཾ ཨཛཱཏཾ…པེ॰… ཨཔཱཏུབྷཱུཏནྟི? ཨཱམནྟཱ།
Atītaṃ viññāṇaṃ atthi atītaṃ viññāṇaṃ niruddhaṃ…pe… abbhatthaṅgatanti? Āmantā. Paccuppannaṃ viññāṇaṃ atthi paccuppannaṃ viññāṇaṃ niruddhaṃ…pe… abbhatthaṅgatanti? Na hevaṃ vattabbe. Anāgataṃ viññāṇaṃ atthi anāgataṃ viññāṇaṃ ajātaṃ…pe… apātubhūtanti? Āmantā.
པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ཝིཉྙཱཎཾ ཨཛཱཏཾ…པེ॰… ཨཔཱཏུབྷཱུཏནྟི? ན ཧེཝཾ ཝཏྟབྦེ།
Paccuppannaṃ viññāṇaṃ atthi paccuppannaṃ viññāṇaṃ ajātaṃ…pe… apātubhūtanti? Na hevaṃ vattabbe.
༢༨༥. ‘‘པཙྩུཔྤནྣནྟི ཝཱ རཱུཔ’’ནྟི ཝཱ, ‘‘རཱུཔནྟི ཝཱ པཙྩུཔྤནྣ’’ནྟི ཝཱ པཙྩུཔྤནྣཾ རཱུཔཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ། པཙྩུཔྤནྣཾ རཱུཔཾ ནིརུཛ྄ཛྷམཱནཾ པཙྩུཔྤནྣབྷཱཝཾ ཛཧཏཱིཏི? ཨཱམནྟཱ། རཱུཔབྷཱཝཾ ཛཧཏཱིཏི? ན ཧེཝཾ ཝཏྟབྦེ…པེ॰…།
285. ‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ paccuppannabhāvaṃ jahatīti? Āmantā. Rūpabhāvaṃ jahatīti? Na hevaṃ vattabbe…pe….
‘‘པཙྩུཔྤནྣནྟི ཝཱ རཱུཔ’’ནྟི ཝཱ, ‘‘རཱུཔནྟི ཝཱ པཙྩུཔྤནྣ’’ནྟི ཝཱ པཙྩུཔྤནྣཾ རཱུཔཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ། པཙྩུཔྤནྣཾ རཱུཔཾ ནིརུཛ྄ཛྷམཱནཾ རཱུཔབྷཱཝཾ ན ཛཧཏཱིཏི? ཨཱམནྟཱ། པཙྩུཔྤནྣབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ॰…།
‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ rūpabhāvaṃ na jahatīti? Āmantā. Paccuppannabhāvaṃ na jahatīti? Na hevaṃ vattabbe…pe….
‘‘ཨོདཱཏནྟི ཝཱ ཝཏྠ’’ནྟི ཝཱ, ‘‘ཝཏྠནྟི ཝཱ ཨོདཱཏ’’ནྟི ཝཱ ཨོདཱཏཾ ཝཏྠཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ། ཨོདཱཏཾ ཝཏྠཾ རཛྫམཱནཾ ཨོདཱཏབྷཱཝཾ ཛཧཏཱིཏི? ཨཱམནྟཱ། ཝཏྠབྷཱཝཾ ཛཧཏཱིཏི? ན ཧེཝཾ ཝཏྟབྦེ།
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ odātabhāvaṃ jahatīti? Āmantā. Vatthabhāvaṃ jahatīti? Na hevaṃ vattabbe.
‘‘ཨོདཱཏནྟི ཝཱ ཝཏྠ’’ནྟི ཝཱ, ‘‘ཝཏྠནྟི ཝཱ ཨོདཱཏ’’ནྟི ཝཱ ཨོདཱཏཾ ཝཏྠཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ། ཨོདཱཏཾ ཝཏྠཾ རཛྫམཱནཾ ཝཏྠབྷཱཝཾ ན ཛཧཏཱིཏི? ཨཱམནྟཱ། ཨོདཱཏབྷཱཝཾ ན ཛཧཏཱིཏི? ན ཧེཝཾ ཝཏྟབྦེ།…པེ॰…།
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ vatthabhāvaṃ na jahatīti? Āmantā. Odātabhāvaṃ na jahatīti? Na hevaṃ vattabbe.…Pe….
༢༨༦. རཱུཔཾ རཱུཔབྷཱཝཾ ན ཛཧཏཱིཏི? ཨཱམནྟཱ། རཱུཔཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི ? ན ཧེཝཾ ཝཏྟབྦེ། ནནུ རཱུཔཾ རཱུཔབྷཱཝཾ ན ཛཧཏཱིཏི རཱུཔཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ། ཧཉྩི རཱུཔཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨཾ, ནོ ཙ ཝཏ རེ ཝཏྟབྦེ – ‘‘རཱུཔཾ རཱུཔབྷཱཝཾ ན ཛཧཏཱི’’ཏི།
286. Rūpaṃ rūpabhāvaṃ na jahatīti? Āmantā. Rūpaṃ niccaṃ dhuvaṃ sassataṃ avipariṇāmadhammanti ? Na hevaṃ vattabbe. Nanu rūpaṃ rūpabhāvaṃ na jahatīti rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci rūpaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘rūpaṃ rūpabhāvaṃ na jahatī’’ti.
ནིབྦཱནཾ ནིབྦཱནབྷཱཝཾ ན ཛཧཏཱིཏི ནིབྦཱནཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ཨཱམནྟཱ། རཱུཔཾ རཱུཔབྷཱཝཾ ན ཛཧཏཱིཏི 1 རཱུཔཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ॰… རཱུཔཾ རཱུཔབྷཱཝཾ ན ཛཧཏི རཱུཔཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ། ནིབྦཱནཾ ནིབྦཱནབྷཱཝཾ ན ཛཧཏི ནིབྦཱནཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ॰…།
Nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti? Āmantā. Rūpaṃ rūpabhāvaṃ na jahatīti 2 rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… rūpaṃ rūpabhāvaṃ na jahati rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ། ཨནཱགཏཾ ཨཏྠི ཨནཱགཏཾ ཨནཱགཏབྷཱཝཾ ན ཛཧཏཱིཏི? ན ཧེཝཾ ཝཏྟབྦེ། ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ། པཙྩུཔྤནྣཾ ཨཏྠི པཙྩུཔྤནྣཾ པཙྩུཔྤནྣབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ॰…།
Atītaṃ atthi atītaṃ atītabhāvaṃ na jahatīti? Āmantā. Anāgataṃ atthi anāgataṃ anāgatabhāvaṃ na jahatīti? Na hevaṃ vattabbe. Atītaṃ atthi atītaṃ atītabhāvaṃ na jahatīti? Āmantā. Paccuppannaṃ atthi paccuppannaṃ paccuppannabhāvaṃ na jahatīti? Na hevaṃ vattabbe…pe….
ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ། ཨཏཱིཏཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ॰… ནནུ ཨཏཱིཏཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ། ཧཉྩི ཨཏཱིཏཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏཱི’’ཏི།
Atītaṃ atthi atītaṃ atītabhāvaṃ na jahatīti? Āmantā. Atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ atthi atītaṃ atītabhāvaṃ na jahatī’’ti.
ནིབྦཱནཾ ཨཏྠི ནིབྦཱནཾ ནིབྦཱནབྷཱཝཾ ན ཛཧཏཱིཏི ནིབྦཱནཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི ? ཨཱམནྟཱ། ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏཱིཏི ཨཏཱིཏཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ॰…།
Nibbānaṃ atthi nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti ? Āmantā. Atītaṃ atthi atītaṃ atītabhāvaṃ na jahatīti atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe….
ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏི ཨཏཱིཏཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ། ནིབྦཱནཾ ཨཏྠི ནིབྦཱནཾ ནིབྦཱནབྷཱཝཾ ན ཛཧཏི ནིབྦཱནཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ॰…།
Atītaṃ atthi atītaṃ atītabhāvaṃ na jahati atītaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
༢༨༧. ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ། ཨནཱགཏཾ རཱུཔཾ ཨཏྠི ཨནཱགཏཾ རཱུཔཾ ཨནཱགཏབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ॰… ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ། པཙྩུཔྤནྣཾ རཱུཔཾ ཨཏྠི པཙྩུཔྤནྣཾ རཱུཔཾ པཙྩུཔྤནྣབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ॰…།
287. Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Anāgataṃ rūpaṃ atthi anāgataṃ rūpaṃ anāgatabhāvaṃ na jahatīti? Na hevaṃ vattabbe…pe… atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Paccuppannaṃ rūpaṃ atthi paccuppannaṃ rūpaṃ paccuppannabhāvaṃ na jahatīti? Na hevaṃ vattabbe…pe….
ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ། ཨཏཱིཏཾ རཱུཔཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ॰… ནནུ ཨཏཱིཏཾ རཱུཔཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ། ཧཉྩི ཨཏཱིཏཾ རཱུཔཾ ཨནིཙྩཾ…པེ॰… ཝིཔརིཎཱམདྷམྨཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏཱི’’ཏི།
Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Atītaṃ rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ rūpaṃ aniccaṃ…pe… vipariṇāmadhammaṃ, no ca vata re vattabbe – ‘‘atītaṃ rūpaṃ atthi atītaṃ rūpaṃ atītabhāvaṃ na jahatī’’ti.
ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏི ཨཏཱིཏཾ རཱུཔཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ། ནིབྦཱནཾ ཨཏྠི ནིབྦཱནཾ ནིབྦཱནབྷཱཝཾ ན ཛཧཏི ནིབྦཱནཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ॰…།
Atītaṃ rūpaṃ atthi atītaṃ rūpaṃ atītabhāvaṃ na jahati atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
ཨཏཱིཏཱ ཝེདནཱ ཨཏྠི… ཨཏཱིཏཱ སཉྙཱ ཨཏྠི… ཨཏཱིཏཱ སངྑཱརཱ ཨཏྠི… ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ། ཨནཱགཏཾ ཝིཉྙཱཎཾ ཨཏྠི ཨནཱགཏཾ ཝིཉྙཱཎཾ ཨནཱགཏབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ॰… ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ། པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ཝིཉྙཱཎཾ པཙྩུཔྤནྣབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ॰…།
Atītā vedanā atthi… atītā saññā atthi… atītā saṅkhārā atthi… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Anāgataṃ viññāṇaṃ atthi anāgataṃ viññāṇaṃ anāgatabhāvaṃ na jahatīti? Na hevaṃ vattabbe…pe… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Paccuppannaṃ viññāṇaṃ atthi paccuppannaṃ viññāṇaṃ paccuppannabhāvaṃ na jahatīti? Na hevaṃ vattabbe…pe….
ཨནཱགཏཾ ཝིཉྙཱཎཾ ཨཏྠི ཨནཱགཏཾ ཝིཉྙཱཎཾ ཨནཱགཏབྷཱཝཾ ཛཧཏཱིཏི? ཨཱམནྟཱ། ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ཛཧཏཱིཏི? ན ཧེཝཾ ཝཏྟབྦེ…པེ॰…།
Anāgataṃ viññāṇaṃ atthi anāgataṃ viññāṇaṃ anāgatabhāvaṃ jahatīti? Āmantā. Atītaṃ viññāṇaṃ atthi atītaṃ viññāṇaṃ atītabhāvaṃ jahatīti? Na hevaṃ vattabbe…pe….
ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ། ཨཏཱིཏཾ ཝིཉྙཱཎཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ॰… ནནུ ཨཏཱིཏཾ ཝིཉྙཱཎཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ། ཧཉྩི ཨཏཱིཏཾ ཝིཉྙཱཎཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ན ཛཧཏཱི’’ཏི།
Atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Atītaṃ viññāṇaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ viññāṇaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ viññāṇaṃ atthi atītaṃ viññāṇaṃ atītabhāvaṃ na jahatī’’ti.
ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ན ཛཧཏི ཨཏཱིཏཾ ཝིཉྙཱཎཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ། ནིབྦཱནཾ ཨཏྠི ནིབྦཱནཾ ནིབྦཱནབྷཱཝཾ ན ཛཧཏི ནིབྦཱནཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ॰…།
Atītaṃ viññāṇaṃ atthi atītaṃ viññāṇaṃ atītabhāvaṃ na jahati atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
ཝཙནསོདྷནཱ
Vacanasodhanā
༢༨༨. ཨཏཱིཏཾ ནྭཏྠཱིཏི? ཨཱམནྟཱ། ཧཉྩི ཨཏཱིཏཾ ནྭཏྠི, ཨཏཱིཏཾ ཨཏྠཱིཏི མིཙྪཱ། ཧཉྩི ཝཱ པན ཨཏྠི ནྭཱཏཱིཏཾ, ཨཏྠི ཨཏཱིཏནྟི མིཙྪཱ། ཨནཱགཏཾ ནྭཏྠཱིཏི? ཨཱམནྟཱ། ཧཉྩི ཨནཱགཏཾ ནྭཏྠི, ཨནཱགཏཾ ཨཏྠཱིཏི མིཙྪཱ། ཧཉྩི ཝཱ པན ཨཏྠི ནྭཱནཱགཏཾ, ཨཏྠི ཨནཱགཏནྟི མིཙྪཱ།
288. Atītaṃ nvatthīti? Āmantā. Hañci atītaṃ nvatthi, atītaṃ atthīti micchā. Hañci vā pana atthi nvātītaṃ, atthi atītanti micchā. Anāgataṃ nvatthīti? Āmantā. Hañci anāgataṃ nvatthi, anāgataṃ atthīti micchā. Hañci vā pana atthi nvānāgataṃ, atthi anāgatanti micchā.
ཨནཱགཏཾ ཧུཏྭཱ པཙྩུཔྤནྣཾ ཧོཏཱིཏི? ཨཱམནྟཱ། ཏཉྙེཝ ཨནཱགཏཾ ཏཾ པཙྩུཔྤནྣནྟི? ན ཧེཝཾ ཝཏྟབྦེ…པེ॰… ཏཉྙེཝ ཨནཱགཏཾ ཏཾ པཙྩུཔྤནྣནྟི? ཨཱམནྟཱ། ཧུཏྭཱ ཧོཏི ཧུཏྭཱ ཧོཏཱིཏི? ན ཧེཝཾ ཝཏྟབྦེ…པེ॰… ཧུཏྭཱ ཧོཏི ཧུཏྭཱ ཧོཏཱིཏི? ཨཱམནྟཱ། ན ཧུཏྭཱ ན ཧོཏི ན ཧུཏྭཱ ན ཧོཏཱིཏི? ན ཧེཝཾ ཝཏྟབྦེ…པེ॰…།
Anāgataṃ hutvā paccuppannaṃ hotīti? Āmantā. Taññeva anāgataṃ taṃ paccuppannanti? Na hevaṃ vattabbe…pe… taññeva anāgataṃ taṃ paccuppannanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
པཙྩུཔྤནྣཾ ཧུཏྭཱ ཨཏཱིཏཾ ཧོཏཱིཏི? ཨཱམནྟཱ། ཏཉྙེཝ པཙྩུཔྤནྣཾ ཏཾ ཨཏཱིཏནྟི? ན ཧེཝཾ ཝཏྟབྦེ…པེ॰… ཏཉྙེཝ པཙྩུཔྤནྣཾ ཏཾ ཨཏཱིཏནྟི? ཨཱམནྟཱ ། ཧུཏྭཱ ཧོཏི ཧུཏྭཱ ཧོཏཱིཏི? ན ཧེཝཾ ཝཏྟབྦེ…པེ॰… ཧུཏྭཱ ཧོཏི ཧུཏྭཱ ཧོཏཱིཏི? ཨཱམནྟཱ། ན ཧུཏྭཱ ན ཧོཏི ན ཧུཏྭཱ ན ཧོཏཱིཏི? ན ཧེཝཾ ཝཏྟབྦེ…པེ॰…།
Paccuppannaṃ hutvā atītaṃ hotīti? Āmantā. Taññeva paccuppannaṃ taṃ atītanti? Na hevaṃ vattabbe…pe… taññeva paccuppannaṃ taṃ atītanti? Āmantā . Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
ཨནཱགཏཾ ཧུཏྭཱ པཙྩུཔྤནྣཾ ཧོཏི, པཙྩུཔྤནྣཾ ཧུཏྭཱ ཨཏཱིཏཾ ཧོཏཱིཏི? ཨཱམནྟཱ། ཏཉྙེཝ ཨནཱགཏཾ ཏཾ པཙྩུཔྤནྣཾ ཏཾ ཨཏཱིཏནྟི? ན ཧེཝཾ ཝཏྟབྦེ…པེ॰… ཏཉྙེཝ ཨནཱགཏཾ ཏཾ པཙྩུཔྤནྣཾ ཏཾ ཨཏཱིཏནྟི? ཨཱམནྟཱ། ཧུཏྭཱ ཧོཏི ཧུཏྭཱ ཧོཏཱིཏི? ན ཧེཝཾ ཝཏྟབྦེ…པེ॰… ཧུཏྭཱ ཧོཏི ཧུཏྭཱ ཧོཏཱིཏི? ཨཱམནྟཱ། ན ཧུཏྭཱ ན ཧོཏི ན ཧུཏྭཱ ན ཧོཏཱིཏི? ན ཧེཝཾ ཝཏྟབྦེ།
Anāgataṃ hutvā paccuppannaṃ hoti, paccuppannaṃ hutvā atītaṃ hotīti? Āmantā. Taññeva anāgataṃ taṃ paccuppannaṃ taṃ atītanti? Na hevaṃ vattabbe…pe… taññeva anāgataṃ taṃ paccuppannaṃ taṃ atītanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe.
ཨཏཱིཏཙཀྑུརཱུཔཱདིཀཐཱ
Atītacakkhurūpādikathā
༢༨༩. ཨཏཱིཏཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠཱིཏི? ཨཱམནྟཱ། ཨཏཱིཏེན ཙཀྑུནཱ ཨཏཱིཏཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ॰… ཨཏཱིཏཾ སོཏཾ ཨཏྠི སདྡཱ ཨཏྠི སོཏཝིཉྙཱཎཾ ཨཏྠི ཨཱཀཱསོ ཨཏྠི མནསིཀཱརོ ཨཏྠཱིཏི? ཨཱམནྟཱ། ཨཏཱིཏེན སོཏེན ཨཏཱིཏཾ སདྡཾ སུཎཱཏཱིཏི? ན ཧེཝཾ ཝཏྟབྦེ…པེ॰… ཨཏཱིཏཾ གྷཱནཾ ཨཏྠི གནྡྷཱ ཨཏྠི གྷཱནཝིཉྙཱཎཾ ཨཏྠི ཝཱཡོ ཨཏྠི མནསིཀཱརོ ཨཏྠཱིཏི? ཨཱམནྟཱ། ཨཏཱིཏེན གྷཱནེན ཨཏཱིཏཾ གནྡྷཾ གྷཱཡཏཱིཏི? ན ཧེཝཾ ཝཏྟབྦེ…པེ॰… ཨཏཱིཏཱ ཛིཝ྄ཧཱ ཨཏྠི རསཱ ཨཏྠི ཛིཝ྄ཧཱཝིཉྙཱཎཾ ཨཏྠི ཨཱཔོ ཨཏྠི མནསིཀཱརོ ཨཏྠཱིཏི? ཨཱམནྟཱ ། ཨཏཱིཏཱཡ ཛིཝ྄ཧཱཡ ཨཏཱིཏཾ རསཾ སཱཡཏཱིཏི? ན ཧེཝཾ ཝཏྟབྦེ…པེ॰… ཨཏཱིཏོ ཀཱཡོ ཨཏྠི ཕོཊྛབྦཱ ཨཏྠི ཀཱཡཝིཉྙཱཎཾ ཨཏྠི པཐཝཱི ཨཏྠི མནསིཀཱརོ ཨཏྠཱིཏི? ཨཱམནྟཱ། ཨཏཱིཏེན ཀཱཡེན ཨཏཱིཏཾ ཕོཊྛབྦཾ ཕུསཏཱིཏི? ན ཧེཝཾ ཝཏྟབྦེ…པེ॰… ཨཏཱིཏོ མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠཱིཏི? ཨཱམནྟཱ། ཨཏཱིཏེན མནེན ཨཏཱིཏཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ॰…།
289. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Atītena cakkhunā atītaṃ rūpaṃ passatīti? Na hevaṃ vattabbe…pe… atītaṃ sotaṃ atthi saddā atthi sotaviññāṇaṃ atthi ākāso atthi manasikāro atthīti? Āmantā. Atītena sotena atītaṃ saddaṃ suṇātīti? Na hevaṃ vattabbe…pe… atītaṃ ghānaṃ atthi gandhā atthi ghānaviññāṇaṃ atthi vāyo atthi manasikāro atthīti? Āmantā. Atītena ghānena atītaṃ gandhaṃ ghāyatīti? Na hevaṃ vattabbe…pe… atītā jivhā atthi rasā atthi jivhāviññāṇaṃ atthi āpo atthi manasikāro atthīti? Āmantā . Atītāya jivhāya atītaṃ rasaṃ sāyatīti? Na hevaṃ vattabbe…pe… atīto kāyo atthi phoṭṭhabbā atthi kāyaviññāṇaṃ atthi pathavī atthi manasikāro atthīti? Āmantā. Atītena kāyena atītaṃ phoṭṭhabbaṃ phusatīti? Na hevaṃ vattabbe…pe… atīto mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Atītena manena atītaṃ dhammaṃ vijānātīti? Na hevaṃ vattabbe…pe….
ཨནཱགཏཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠཱིཏི? ཨཱམནྟཱ། ཨནཱགཏེན ཙཀྑུནཱ ཨནཱགཏཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ॰… ཨནཱགཏཾ སོཏཾ ཨཏྠི… གྷཱནཾ ཨཏྠི… ཛིཝ྄ཧཱ ཨཏྠི… ཀཱཡོ ཨཏྠི … མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠཱིཏི? ཨཱམནྟཱ། ཨནཱགཏེན མནེན ཨནཱགཏཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ॰…།
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Anāgatena cakkhunā anāgataṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi … mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Anāgatena manena anāgataṃ dhammaṃ vijānātīti? Na hevaṃ vattabbe…pe….
པཙྩུཔྤནྣཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, པཙྩུཔྤནྣེན ཙཀྑུནཱ པཙྩུཔྤནྣཾ རཱུཔཾ པསྶཏཱིཏི? ཨཱམནྟཱ། ཨཏཱིཏཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ཨཏཱིཏེན ཙཀྑུནཱ ཨཏཱིཏཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ॰…། པཙྩུཔྤནྣཾ སོཏཾ ཨཏྠི… གྷཱནཾ ཨཏྠི… ཛིཝ྄ཧཱ ཨཏྠི… ཀཱཡོ ཨཏྠི… མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, པཙྩུཔྤནྣེན མནེན པཙྩུཔྤནྣཾ དྷམྨཾ ཝིཛཱནཱཏཱིཏི? ཨཱམནྟཱ། ཨཏཱིཏོ མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ཨཏཱིཏེན མནེན ཨཏཱིཏཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ॰…།
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, atītena cakkhunā atītaṃ rūpaṃ passatīti? Na hevaṃ vattabbe…pe…. Paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Atīto mano atthi dhammā atthi manoviññāṇaṃ atthi vatthuṃ atthi manasikāro atthi, atītena manena atītaṃ dhammaṃ vijānātīti? Na hevaṃ vattabbe…pe….
པཙྩུཔྤནྣཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, པཙྩུཔྤནྣེན ཙཀྑུནཱ པཙྩུཔྤནྣཾ རཱུཔཾ པསྶཏཱིཏི? ཨཱམནྟཱ། ཨནཱགཏཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ཨནཱགཏེན ཙཀྑུནཱ ཨནཱགཏཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ॰… པཙྩུཔྤནྣཾ སོཏཾ ཨཏྠི… གྷཱནཾ ཨཏྠི… ཛིཝ྄ཧཱ ཨཏྠི… ཀཱཡོ ཨཏྠི… མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, པཙྩུཔྤནྣེན མནེན པཙྩུཔྤནྣཾ དྷམྨཾ ཝིཛཱནཱཏཱིཏི? ཨཱམནྟཱ། ཨནཱགཏོ མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ཨནཱགཏེན མནེན ཨནཱགཏཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ॰…།
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, anāgatena cakkhunā anāgataṃ rūpaṃ passatīti? Na hevaṃ vattabbe…pe… paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Anāgato mano atthi dhammā atthi manoviññāṇaṃ atthi vatthuṃ atthi manasikāro atthi, anāgatena manena anāgataṃ dhammaṃ vijānātīti? Na hevaṃ vattabbe…pe….
ཨཏཱིཏཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ན ཙ ཨཏཱིཏེན ཙཀྑུནཱ ཨཏཱིཏཾ རཱུཔཾ པསྶཏཱིཏི? ཨཱམནྟཱ། པཙྩུཔྤནྣཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ན ཙ པཙྩུཔྤནྣེན ཙཀྑུནཱ པཙྩུཔྤནྣཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ॰… ཨཏཱིཏཾ སོཏཾ ཨཏྠི… གྷཱནཾ ཨཏྠི… ཛིཝ྄ཧཱ ཨཏྠི… ཀཱཡོ ཨཏྠི… མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ན ཙ ཨཏཱིཏེན མནེན ཨཏཱིཏཾ དྷམྨཾ ཝིཛཱནཱཏཱིཏི? ཨཱམནྟཱ། པཙྩུཔྤནྣོ མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ན ཙ པཙྩུཔྤནྣེན མནེན པཙྩུཔྤནྣཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ॰…།
Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca atītena cakkhunā atītaṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… atītaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca atītena manena atītaṃ dhammaṃ vijānātīti? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
ཨནཱགཏཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ན ཙ ཨནཱགཏེན ཙཀྑུནཱ ཨནཱགཏཾ རཱུཔཾ པསྶཏཱིཏི? ཨཱམནྟཱ། པཙྩུཔྤནྣཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ན ཙ པཙྩུཔྤནྣེན ཙཀྑུནཱ པཙྩུཔྤནྣཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ॰… ཨནཱགཏཾ སོཏཾ ཨཏྠི… གྷཱནཾ ཨཏྠི… ཛིཝ྄ཧཱ ཨཏྠི… ཀཱཡོ ཨཏྠི… མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ན ཙ ཨནཱགཏེན མནེན ཨནཱགཏཾ དྷམྨཾ ཝིཛཱནཱཏཱིཏི ? ཨཱམནྟཱ། པཙྩུཔྤནྣོ མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ན ཙ པཙྩུཔྤནྣེན མནེན པཙྩུཔྤནྣཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ॰…།
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca anāgatena cakkhunā anāgataṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca anāgatena manena anāgataṃ dhammaṃ vijānātīti ? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
ཨཏཱིཏཉཱཎཱདིཀཐཱ
Atītañāṇādikathā
༢༩༠. ཨཏཱིཏཾ ཉཱཎཾ ཨཏྠཱིཏི? ཨཱམནྟཱ། ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ॰… ཏེན ཉཱཎེན ཉཱཎཀརཎཱིཡཾ ཀརོཏཱིཏི ? ཨཱམནྟཱ། ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ॰…།
290. Atītaṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti ? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
ཨནཱགཏཾ ཉཱཎཾ ཨཏྠཱིཏི? ཨཱམནྟཱ། ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ॰… ཏེན ཉཱཎེན ཉཱཎཀརཎཱིཡཾ ཀརོཏཱིཏི? ཨཱམནྟཱ། ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི , མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ॰…།
Anāgataṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti , maggaṃ bhāvetīti? Na hevaṃ vattabbe…pe….
པཙྩུཔྤནྣཾ ཉཱཎཾ ཨཏྠི, ཏེན ཉཱཎེན ཉཱཎཀརཎཱིཡཾ ཀརོཏཱིཏི? ཨཱམནྟཱ། ཨཏཱིཏཾ ཉཱཎཾ ཨཏྠི, ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ॰… པཙྩུཔྤནྣཾ ཉཱཎཾ ཨཏྠི, ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ཨཱམནྟཱ། ཨཏཱིཏཾ ཉཱཎཾ ཨཏྠི, ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ॰… པཙྩུཔྤནྣཾ ཉཱཎཾ ཨཏྠི, ཏེན ཉཱཎེན ཉཱཎཀརཎཱིཡཾ ཀརོཏཱིཏི? ཨཱམནྟཱ། ཨནཱགཏཾ ཉཱཎཾ ཨཏྠི, ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ॰… པཙྩུཔྤནྣཾ ཉཱཎཾ ཨཏྠི, ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ཨཱམནྟཱ ། ཨནཱགཏཾ ཉཱཎཾ ཨཏྠི, ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ॰…།
Paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Atītaṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Atītaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Anāgataṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā . Anāgataṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
ཨཏཱིཏཾ ཉཱཎཾ ཨཏྠི, ན ཙ ཏེན ཉཱཎེན ཉཱཎཀརཎཱིཡཾ ཀརོཏཱིཏི? ཨཱམནྟཱ། པཙྩུཔྤནྣཾ ཉཱཎཾ ཨཏྠི, ན ཙ ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ॰… ཨཏཱིཏཾ ཉཱཎཾ ཨཏྠི, ན ཙ ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ཨཱམནྟཱ། པཙྩུཔྤནྣཾ ཉཱཎཾ ཨཏྠི, ན ཙ ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ॰…།
Atītaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe… atītaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
ཨནཱགཏཾ ཉཱཎཾ ཨཏྠི, ན ཙ ཏེན ཉཱཎེན ཉཱཎཀརཎཱིཡཾ ཀརོཏཱིཏི? ཨཱམནྟཱ། པཙྩུཔྤནྣཾ ཉཱཎཾ ཨཏྠི, ན ཙ ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ॰…། ཨནཱགཏཾ ཉཱཎཾ ཨཏྠི, ན ཙ ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི , ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ཨཱམནྟཱ ། པཙྩུཔྤནྣཾ ཉཱཎཾ ཨཏྠི, ན ཙ ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ॰…།
Anāgataṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe…. Anāgataṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati , nirodhaṃ sacchikaroti, maggaṃ bhāvetīti? Āmantā . Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
ཨརཧནྟཱདིཀཐཱ
Arahantādikathā
༢༩༡. ཨརཧཏོ ཨཏཱིཏོ རཱགོ ཨཏྠཱིཏི? ཨཱམནྟཱ། ཨརཧཱ ཏེན རཱགེན སརཱགོཏི? ན ཧེཝཾ ཝཏྟབྦེ…པེ॰… ཨརཧཏོ ཨཏཱིཏོ དོསོ ཨཏྠཱིཏི? ཨཱམནྟཱ ། ཨརཧཱ ཏེན དོསེན སདོསོཏི? ན ཧེཝཾ ཝཏྟབྦེ…པེ॰… ཨརཧཏོ ཨཏཱིཏོ མོཧོ ཨཏྠཱིཏི? ཨཱམནྟཱ། ཨརཧཱ ཏེན མོཧེན སམོཧོཏི? ན ཧེཝཾ ཝཏྟབྦེ…པེ॰… ཨརཧཏོ ཨཏཱིཏོ མཱནོ ཨཏྠཱིཏི? ཨཱམནྟཱ། ཨརཧཱ ཏེན མཱནེན སམཱནོཏི? ན ཧེཝཾ ཝཏྟབྦེ…པེ॰… ཨརཧཏོ ཨཏཱིཏཱ དིཊྛི ཨཏྠཱིཏི? ཨཱམནྟཱ། ཨརཧཱ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ॰… ཨརཧཏོ ཨཏཱིཏཱ ཝིཙིཀིཙྪཱ ཨཏྠཱིཏི? ཨཱམནྟཱ། ཨརཧཱ ཏཱཡ ཝིཙིཀིཙྪཱཡ སཝིཙིཀིཙྪོཏི? ན ཧེཝཾ ཝཏྟབྦེ…པེ॰… ཨརཧཏོ ཨཏཱིཏཾ ཐིནཾ ཨཏྠཱིཏི? ཨཱམནྟཱ། ཨརཧཱ ཏེན ཐིནེན སཐིནོཏི? ན ཧེཝཾ ཝཏྟབྦེ…པེ॰… ཨརཧཏོ ཨཏཱིཏཾ ཨུདྡྷཙྩཾ ཨཏྠཱིཏི? ཨཱམནྟཱ། ཨརཧཱ ཏེན ཨུདྡྷཙྩེན སཨུདྡྷཙྩོཏི? ན ཧེཝཾ ཝཏྟབྦེ…པེ॰… ཨརཧཏོ ཨཏཱིཏཾ ཨཧིརིཀཾ ཨཏྠཱིཏི? ཨཱམནྟཱ། ཨརཧཱ ཏེན ཨཧིརིཀེན སཨཧིརིཀོཏི? ན ཧེཝཾ ཝཏྟབྦེ…པེ॰… ཨརཧཏོ ཨཏཱིཏཾ ཨནོཏྟཔྤཾ ཨཏྠཱིཏི? ཨཱམནྟཱ། ཨརཧཱ ཏེན ཨནོཏྟཔྤེན སཨནོཏྟཔྤཱིཏི? ན ཧེཝཾ ཝཏྟབྦེ…པེ॰…།
291. Arahato atīto rāgo atthīti? Āmantā. Arahā tena rāgena sarāgoti? Na hevaṃ vattabbe…pe… arahato atīto doso atthīti? Āmantā . Arahā tena dosena sadosoti? Na hevaṃ vattabbe…pe… arahato atīto moho atthīti? Āmantā. Arahā tena mohena samohoti? Na hevaṃ vattabbe…pe… arahato atīto māno atthīti? Āmantā. Arahā tena mānena samānoti? Na hevaṃ vattabbe…pe… arahato atītā diṭṭhi atthīti? Āmantā. Arahā tāya diṭṭhiyā sadiṭṭhikoti? Na hevaṃ vattabbe…pe… arahato atītā vicikicchā atthīti? Āmantā. Arahā tāya vicikicchāya savicikicchoti? Na hevaṃ vattabbe…pe… arahato atītaṃ thinaṃ atthīti? Āmantā. Arahā tena thinena sathinoti? Na hevaṃ vattabbe…pe… arahato atītaṃ uddhaccaṃ atthīti? Āmantā. Arahā tena uddhaccena sauddhaccoti? Na hevaṃ vattabbe…pe… arahato atītaṃ ahirikaṃ atthīti? Āmantā. Arahā tena ahirikena saahirikoti? Na hevaṃ vattabbe…pe… arahato atītaṃ anottappaṃ atthīti? Āmantā. Arahā tena anottappena saanottappīti? Na hevaṃ vattabbe…pe….
ཨནཱགཱམིསྶ ཨཏཱིཏཱ སཀྐཱཡདིཊྛི ཨཏྠཱིཏི? ཨཱམནྟཱ ། ཨནཱགཱམཱི ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ॰… ཨནཱགཱམིསྶ ཨཏཱིཏཱ ཝིཙིཀིཙྪཱ ཨཏྠི… ཨཏཱིཏོ སཱིལབྦཏཔརཱམཱསོ ཨཏྠི… ཨཏཱིཏོ ཨཎུསཧགཏོ ཀཱམརཱགོ ཨཏྠི… ཨཏཱིཏོ ཨཎུསཧགཏོ བྱཱཔཱདོ ཨཏྠཱིཏི? ཨཱམནྟཱ། ཨནཱགཱམཱི ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ॰…།
Anāgāmissa atītā sakkāyadiṭṭhi atthīti? Āmantā . Anāgāmī tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi… atīto sīlabbataparāmāso atthi… atīto aṇusahagato kāmarāgo atthi… atīto aṇusahagato byāpādo atthīti? Āmantā. Anāgāmī tena byāpādena byāpannacittoti? Na hevaṃ vattabbe…pe….
སཀདཱགཱམིསྶ ཨཏཱིཏཱ སཀྐཱཡདིཊྛི ཨཏྠཱིཏི? ཨཱམནྟཱ། སཀདཱགཱམཱི ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ॰… སཀདཱགཱམིསྶ ཨཏཱིཏཱ ཝིཙིཀིཙྪཱ ཨཏྠི… ཨཏཱིཏོ སཱིལབྦཏཔརཱམཱསོ ཨཏྠི… ཨཏཱིཏོ ཨོལཱ༹རིཀོ ཀཱམརཱགོ ཨཏྠི… ཨཏཱིཏོ ཨོལཱ༹རིཀོ བྱཱཔཱདོ ཨཏྠཱིཏི? ཨཱམནྟཱ། སཀདཱགཱམཱི ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ॰…།
Sakadāgāmissa atītā sakkāyadiṭṭhi atthīti? Āmantā. Sakadāgāmī tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi… atīto sīlabbataparāmāso atthi… atīto oḷāriko kāmarāgo atthi… atīto oḷāriko byāpādo atthīti? Āmantā. Sakadāgāmī tena byāpādena byāpannacittoti? Na hevaṃ vattabbe…pe….
སོཏཱཔནྣསྶ ཨཏཱིཏཱ སཀྐཱཡདིཊྛི ཨཏྠཱིཏི? ཨཱམནྟཱ། སོཏཱཔནྣོ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ॰… སོཏཱཔནྣསྶ ཨཏཱིཏཱ ཝིཙིཀིཙྪཱ ཨཏྠི… ཨཏཱིཏོ སཱིལབྦཏཔརཱམཱསོ ཨཏྠི… ཨཏཱིཏོ ཨཔཱཡགམནཱིཡོ རཱགོ ཨཏྠི… ཨཏཱིཏོ ཨཔཱཡགམནཱིཡོ དོསོ ཨཏྠི… ཨཏཱིཏོ ཨཔཱཡགམནཱིཡོ མོཧོ ཨཏྠཱིཏི? ཨཱམནྟཱ། སོཏཱཔནྣོ ཏེན མོཧེན སམོཧོཏི? ན ཧེཝཾ ཝཏྟབྦེ…པེ॰…།
Sotāpannassa atītā sakkāyadiṭṭhi atthīti? Āmantā. Sotāpanno tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi… atīto sīlabbataparāmāso atthi… atīto apāyagamanīyo rāgo atthi… atīto apāyagamanīyo doso atthi… atīto apāyagamanīyo moho atthīti? Āmantā. Sotāpanno tena mohena samohoti? Na hevaṃ vattabbe…pe….
༢༩༢. པུཐུཛྫནསྶ ཨཏཱིཏོ རཱགོ ཨཏྠི, པུཐུཛྫནོ ཏེན རཱགེན སརཱགོཏི? ཨཱམནྟཱ། ཨརཧཏོ ཨཏཱིཏོ རཱགོ ཨཏྠི, ཨརཧཱ ཏེན རཱགེན སརཱགོཏི? ན ཧེཝཾ ཝཏྟབྦེ…པེ॰… པུཐུཛྫནསྶ ཨཏཱིཏོ དོསོ ཨཏྠི…པེ॰… ཨཏཱིཏཾ ཨནོཏྟཔྤཾ ཨཏྠི པུཐུཛྫནོ ཏེན ཨནོཏྟཔྤེན ཨནོཏྟཔྤཱིཏི? ཨཱམནྟཱ། ཨརཧཏོ ཨཏཱིཏཾ ཨནོཏྟཔྤཾ ཨཏྠི, ཨརཧཱ ཏེན ཨནོཏྟཔྤེན ཨནོཏྟཔྤཱིཏི? ན ཧེཝཾ ཝཏྟབྦེ…པེ॰…།
292. Puthujjanassa atīto rāgo atthi, puthujjano tena rāgena sarāgoti? Āmantā. Arahato atīto rāgo atthi, arahā tena rāgena sarāgoti? Na hevaṃ vattabbe…pe… puthujjanassa atīto doso atthi…pe… atītaṃ anottappaṃ atthi puthujjano tena anottappena anottappīti? Āmantā. Arahato atītaṃ anottappaṃ atthi, arahā tena anottappena anottappīti? Na hevaṃ vattabbe…pe….
པུཐུཛྫནསྶ ཨཏཱིཏཱ སཀྐཱཡདིཊྛི ཨཏྠི, པུཐུཛྫནོ ཏཱཡ དིཊྛིཡཱ སདིཊྛིཀོཏི? ཨཱམནྟཱ། ཨནཱགཱམིསྶ ཨཏཱིཏཱ སཀྐཱཡདིཊྛི ཨཏྠི, ཨནཱགཱམཱི ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ॰… པུཐུཛྫནསྶ ཨཏཱིཏཱ ཝིཙིཀིཙྪཱ ཨཏྠི…པེ॰… ཨཏཱིཏོ ཨཎུསཧགཏོ བྱཱཔཱདོ ཨཏྠི, པུཐུཛྫནོ ཏེན བྱཱཔཱདེན བྱཱཔནྣཙིཏྟོཏི? ཨཱམནྟཱ། ཨནཱགཱམིསྶ ཨཏཱིཏོ ཨཎུསཧགཏོ བྱཱཔཱདོ ཨཏྠི, ཨནཱགཱམཱི ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ॰…།
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Anāgāmissa atītā sakkāyadiṭṭhi atthi, anāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto aṇusahagato byāpādo atthi, puthujjano tena byāpādena byāpannacittoti? Āmantā. Anāgāmissa atīto aṇusahagato byāpādo atthi, anāgāmī tena byāpādena byāpannacittoti? Na hevaṃ vattabbe…pe….
པུཐུཛྫནསྶ ཨཏཱིཏཱ སཀྐཱཡདིཊྛི ཨཏྠི, པུཐུཛྫནོ ཏཱཡ དིཊྛིཡཱ སདིཊྛིཀོཏི? ཨཱམནྟཱ། སཀདཱགཱམིསྶ ཨཏཱིཏཱ སཀྐཱཡདིཊྛི ཨཏྠི, སཀདཱགཱམཱི ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ॰… པུཐུཛྫནསྶ ཨཏཱིཏཱ ཝིཙིཀིཙྪཱ ཨཏྠི… ཨཏཱིཏོ ཨོལཱ༹རིཀོ བྱཱཔཱདོ ཨཏྠི, པུཐུཛྫནོ ཏེན བྱཱཔཱདེན བྱཱཔནྣཙིཏྟོཏི ? ཨཱམནྟཱ། སཀདཱགཱམིསྶ ཨཏཱིཏོ ཨོལཱ༹རིཀོ བྱཱཔཱདོ ཨཏྠི, སཀདཱགཱམཱི ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ॰…།
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sakadāgāmissa atītā sakkāyadiṭṭhi atthi, sakadāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi… atīto oḷāriko byāpādo atthi, puthujjano tena byāpādena byāpannacittoti ? Āmantā. Sakadāgāmissa atīto oḷāriko byāpādo atthi, sakadāgāmī tena byāpādena byāpannacittoti? Na hevaṃ vattabbe…pe….
པུཐུཛྫནསྶ ཨཏཱིཏཱ སཀྐཱཡདིཊྛི ཨཏྠི, པུཐུཛྫནོ ཏཱཡ དིཊྛིཡཱ སདིཊྛིཀོཏི? ཨཱམནྟཱ། སོཏཱཔནྣསྶ ཨཏཱིཏཱ སཀྐཱཡདིཊྛི ཨཏྠི, སོཏཱཔནྣོ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ॰… པུཐུཛྫནསྶ ཨཏཱིཏཱ ཝིཙིཀིཙྪཱ ཨཏྠི…པེ॰… ཨཏཱིཏོ ཨཔཱཡགམནཱིཡོ མོཧོ ཨཏྠི, པུཐུཛྫནོ ཏེན མོཧེན སམོཧོཏི? ཨཱམནྟཱ། སོཏཱཔནྣསྶ ཨཏཱིཏོ ཨཔཱཡགམནཱིཡོ མོཧོ ཨཏྠི, སོཏཱཔནྣོ ཏེན མོཧེན སམོཧོཏི? ན ཧེཝཾ ཝཏྟབྦེ…པེ॰…།
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sotāpannassa atītā sakkāyadiṭṭhi atthi, sotāpanno tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto apāyagamanīyo moho atthi, puthujjano tena mohena samohoti? Āmantā. Sotāpannassa atīto apāyagamanīyo moho atthi, sotāpanno tena mohena samohoti? Na hevaṃ vattabbe…pe….
ཨརཧཏོ ཨཏཱིཏོ རཱགོ ཨཏྠི, ན ཙ ཨརཧཱ ཏེན རཱགེན སརཱགོཏི? ཨཱམནྟཱ། པུཐུཛྫནསྶ ཨཏཱིཏོ རཱགོ ཨཏྠི, ན ཙ པུཐུཛྫནོ ཏེན རཱགེན སརཱགོཏི? ན ཧེཝཾ ཝཏྟབྦེ…པེ॰… ཨརཧཏོ ཨཏཱིཏོ དོསོ ཨཏྠི…པེ॰… ཨཏཱིཏཾ ཨནོཏྟཔྤཾ ཨཏྠི, ན ཙ ཨརཧཱ ཏེན ཨནོཏྟཔྤེན ཨནོཏྟཔྤཱིཏི? ཨཱམནྟཱ། པུཐུཛྫནསྶ ཨཏཱིཏཾ ཨནོཏྟཔྤཾ ཨཏྠི, ན ཙ པུཐུཛྫནོ ཏེན ཨནོཏྟཔྤེན ཨནོཏྟཔྤཱིཏི? ན ཧེཝཾ ཝཏྟབྦེ…པེ॰…།
Arahato atīto rāgo atthi, na ca arahā tena rāgena sarāgoti? Āmantā. Puthujjanassa atīto rāgo atthi, na ca puthujjano tena rāgena sarāgoti? Na hevaṃ vattabbe…pe… arahato atīto doso atthi…pe… atītaṃ anottappaṃ atthi, na ca arahā tena anottappena anottappīti? Āmantā. Puthujjanassa atītaṃ anottappaṃ atthi, na ca puthujjano tena anottappena anottappīti? Na hevaṃ vattabbe…pe….
ཨནཱགཱམིསྶ ཨཏཱིཏཱ སཀྐཱཡདིཊྛི ཨཏྠི, ན ཙ ཨནཱགཱམཱི ཏཱཡ དིཊྛིཡཱ སདིཊྛིཀོཏི? ཨཱམནྟཱ། པུཐུཛྫནསྶ ཨཏཱིཏཱ སཀྐཱཡདིཊྛི ཨཏྠི, ན ཙ པུཐུཛྫནོ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ॰… ཨནཱགཱམིསྶ ཨཏཱིཏཱ ཝིཙིཀིཙྪཱ ཨཏྠི…པེ॰… ཨཏཱིཏོ ཨཎུསཧགཏོ བྱཱཔཱདོ ཨཏྠི, ན ཙ ཨནཱགཱམཱི ཏེན བྱཱཔཱདེན བྱཱཔནྣཙིཏྟོཏི ? ཨཱམནྟཱ། པུཐུཛྫནསྶ ཨཏཱིཏོ ཨཎུསཧགཏོ བྱཱཔཱདོ ཨཏྠི, ན ཙ པུཐུཛྫནོ ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ॰…།
Anāgāmissa atītā sakkāyadiṭṭhi atthi, na ca anāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi…pe… atīto aṇusahagato byāpādo atthi, na ca anāgāmī tena byāpādena byāpannacittoti ? Āmantā. Puthujjanassa atīto aṇusahagato byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
སཀདཱགཱམིསྶ ཨཏཱིཏཱ སཀྐཱཡདིཊྛི ཨཏྠི, ན ཙ སཀདཱགཱམཱི ཏཱཡ དིཊྛིཡཱ སདིཊྛིཀོཏི? ཨཱམནྟཱ། པུཐུཛྫནསྶ ཨཏཱིཏཱ སཀྐཱཡདིཊྛི ཨཏྠི, ན ཙ པུཐུཛྫནོ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ॰… སཀདཱགཱམིསྶ ཨཏཱིཏཱ ཝིཙིཀིཙྪཱ ཨཏྠི…པེ॰… ཨཏཱིཏོ ཨོལཱ༹རིཀོ བྱཱཔཱདོ ཨཏྠི, ན ཙ སཀདཱགཱམཱི ཏེན བྱཱཔཱདེན བྱཱཔནྣཙིཏྟོཏི? ཨཱམནྟཱ། པུཐུཛྫནསྶ ཨཏཱིཏོ ཨོལཱ༹རིཀོ བྱཱཔཱདོ ཨཏྠི, ན ཙ པུཐུཛྫནོ ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ॰…།
Sakadāgāmissa atītā sakkāyadiṭṭhi atthi, na ca sakadāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi…pe… atīto oḷāriko byāpādo atthi, na ca sakadāgāmī tena byāpādena byāpannacittoti? Āmantā. Puthujjanassa atīto oḷāriko byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
སོཏཱཔནྣསྶ ཨཏཱིཏཱ སཀྐཱཡདིཊྛི ཨཏྠི, ན ཙ སོཏཱཔནྣོ ཏཱཡ དིཊྛིཡཱ སདིཊྛིཀོཏི? ཨཱམནྟཱ། པུཐུཛྫནསྶ ཨཏཱིཏཱ སཀྐཱཡདིཊྛི ཨཏྠི, ན ཙ པུཐུཛྫནོ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ॰… སོཏཱཔནྣསྶ ཨཏཱིཏཱ ཝིཙིཀིཙྪཱ ཨཏྠི…པེ॰… ཨཏཱིཏོ ཨཔཱཡགམནཱིཡོ མོཧོ ཨཏྠི, ན ཙ སོཏཱཔནྣོ ཏེན མོཧེན སམོཧོཏི? ཨཱམནྟཱ། པུཐུཛྫནསྶ ཨཏཱིཏོ ཨཔཱཡགམནཱིཡོ མོཧོ ཨཏྠི, ན ཙ པུཐུཛྫནོ ཏེན མོཧེན སམོཧོཏི? ན ཧེཝཾ ཝཏྟབྦེ…པེ॰…།
Sotāpannassa atītā sakkāyadiṭṭhi atthi, na ca sotāpanno tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi…pe… atīto apāyagamanīyo moho atthi, na ca sotāpanno tena mohena samohoti? Āmantā. Puthujjanassa atīto apāyagamanīyo moho atthi, na ca puthujjano tena mohena samohoti? Na hevaṃ vattabbe…pe….
ཨཏཱིཏཧཏྠཱདིཀཐཱ
Atītahatthādikathā
༢༩༣. ཨཏཱིཏཱ ཧཏྠཱ ཨཏྠཱིཏི? ཨཱམནྟཱ། ཨཏཱིཏེསུ ཧཏྠེསུ སཏི ཨཱདཱནནིཀྑེཔནཾ པཉྙཱཡཏཱིཏི? ན ཧེཝཾ ཝཏྟབྦེ…པེ॰… ཨཏཱིཏཱ པཱདཱ ཨཏྠཱིཏི? ཨཱམནྟཱ། ཨཏཱིཏེསུ པཱདེསུ སཏི ཨབྷིཀྐམཔཊིཀྐམོ པཉྙཱཡཏཱིཏི? ན ཧེཝཾ ཝཏྟབྦེ…པེ॰… ཨཏཱིཏཱ པབྦཱ ཨཏྠཱིཏི? ཨཱམནྟཱ། ཨཏཱིཏེསུ པབྦེསུ སཏི སམིཉྫནཔསཱརཎཾ པཉྙཱཡཏཱིཏི? ན ཧེཝཾ ཝཏྟབྦེ…པེ॰… ཨཏཱིཏོ ཀུཙྪི ཨཏྠཱིཏི? ཨཱམནྟཱ། ཨཏཱིཏསྨིཾ ཀུཙྪིསྨིཾ སཏི ཛིགྷཙྪཱ པིཔཱསཱ པཉྙཱཡཏཱིཏི? ན ཧེཝཾ ཝཏྟབྦེ…པེ॰…།
293. Atītā hatthā atthīti? Āmantā. Atītesu hatthesu sati ādānanikkhepanaṃ paññāyatīti? Na hevaṃ vattabbe…pe… atītā pādā atthīti? Āmantā. Atītesu pādesu sati abhikkamapaṭikkamo paññāyatīti? Na hevaṃ vattabbe…pe… atītā pabbā atthīti? Āmantā. Atītesu pabbesu sati samiñjanapasāraṇaṃ paññāyatīti? Na hevaṃ vattabbe…pe… atīto kucchi atthīti? Āmantā. Atītasmiṃ kucchismiṃ sati jighacchā pipāsā paññāyatīti? Na hevaṃ vattabbe…pe….
ཨཏཱིཏོ ཀཱཡོ ཨཏྠཱིཏི? ཨཱམནྟཱ། ཨཏཱིཏོ ཀཱཡོ པགྒཧནིགྒཧུཔགོ ཚེདནབྷེདནུཔགོ ཀཱཀེཧི གིཛ྄ཛྷེཧི ཀུལལེཧི སཱདྷཱརཎོཏི? ན ཧེཝཾ ཝཏྟབྦེ…པེ॰… ཨཏཱིཏེ ཀཱཡེ ཝིསཾ ཀམེཡྻ , སཏྠཾ ཀམེཡྻ, ཨགྒི ཀམེཡྻཱཏི? ན ཧེཝཾ ཝཏྟབྦེ…པེ॰… ལབྦྷཱ ཨཏཱིཏོ ཀཱཡོ ཨདྡུབནྡྷནེན བནྡྷིཏུཾ, རཛྫུབནྡྷནེན བནྡྷིཏུཾ, སངྑལིཀབནྡྷནེན བནྡྷིཏུཾ, གཱམབནྡྷནེན བནྡྷིཏུཾ, ནིགམབནྡྷནེན བནྡྷིཏུཾ, ནགརབནྡྷནེན བནྡྷིཏུཾ, ཛནཔདབནྡྷནེན བནྡྷིཏུཾ, ཀཎྛཔཉྩམེཧི བནྡྷནེཧི བནྡྷིཏུནྟི? ན ཧེཝཾ ཝཏྟབྦེ…པེ॰…།
Atīto kāyo atthīti? Āmantā. Atīto kāyo paggahaniggahupago chedanabhedanupago kākehi gijjhehi kulalehi sādhāraṇoti? Na hevaṃ vattabbe…pe… atīte kāye visaṃ kameyya , satthaṃ kameyya, aggi kameyyāti? Na hevaṃ vattabbe…pe… labbhā atīto kāyo addubandhanena bandhituṃ, rajjubandhanena bandhituṃ, saṅkhalikabandhanena bandhituṃ, gāmabandhanena bandhituṃ, nigamabandhanena bandhituṃ, nagarabandhanena bandhituṃ, janapadabandhanena bandhituṃ, kaṇṭhapañcamehi bandhanehi bandhitunti? Na hevaṃ vattabbe…pe….
ཨཏཱིཏོ ཨཱཔོ ཨཏྠཱིཏི? ཨཱམནྟཱ། ཏེན ཨཱཔེན ཨཱཔཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ॰… ཨཏཱིཏོ ཏེཛོ ཨཏྠཱིཏི? ཨཱམནྟཱ། ཏེན ཏེཛེན ཏེཛཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ॰… ཨཏཱིཏོ ཝཱཡོ ཨཏྠཱིཏི? ཨཱམནྟཱ། ཏེན ཝཱཡེན ཝཱཡཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ॰…།
Atīto āpo atthīti? Āmantā. Tena āpena āpakaraṇīyaṃ karotīti? Na hevaṃ vattabbe…pe… atīto tejo atthīti? Āmantā. Tena tejena tejakaraṇīyaṃ karotīti? Na hevaṃ vattabbe…pe… atīto vāyo atthīti? Āmantā. Tena vāyena vāyakaraṇīyaṃ karotīti? Na hevaṃ vattabbe…pe….
ཨཏཱིཏཀྑནྡྷཱདིསམོདྷཱནཀཐཱ
Atītakkhandhādisamodhānakathā
༢༩༤. ཨཏཱིཏོ རཱུཔཀྑནྡྷོ ཨཏྠི, ཨནཱགཏོ རཱུཔཀྑནྡྷོ ཨཏྠི, པཙྩུཔྤནྣོ རཱུཔཀྑནྡྷོ ཨཏྠཱིཏི? ཨཱམནྟཱ། ཏཡོ རཱུཔཀྑནྡྷཱཏི? ན ཧེཝཾ ཝཏྟབྦེ …པེ॰… ཨཏཱིཏཱ པཉྩཀྑནྡྷཱ ཨཏྠི, ཨནཱགཏཱ པཉྩཀྑནྡྷཱ ཨཏྠི, པཙྩུཔྤནྣཱ པཉྩཀྑནྡྷཱ ཨཏྠཱིཏི? ཨཱམནྟཱ། པནྣརསཀྑནྡྷཱཏི? ན ཧེཝཾ ཝཏྟབྦེ…པེ॰…།
294. Atīto rūpakkhandho atthi, anāgato rūpakkhandho atthi, paccuppanno rūpakkhandho atthīti? Āmantā. Tayo rūpakkhandhāti? Na hevaṃ vattabbe …pe… atītā pañcakkhandhā atthi, anāgatā pañcakkhandhā atthi, paccuppannā pañcakkhandhā atthīti? Āmantā. Pannarasakkhandhāti? Na hevaṃ vattabbe…pe….
ཨཏཱིཏཾ ཙཀྑཱཡཏནཾ ཨཏྠི, ཨནཱགཏཾ ཙཀྑཱཡཏནཾ ཨཏྠི, པཙྩུཔྤནྣཾ ཙཀྑཱཡཏནཾ ཨཏྠཱིཏི? ཨཱམནྟཱ། ཏཱིཎི ཙཀྑཱཡཏནཱནཱིཏི? ན ཧེཝཾ ཝཏྟབྦེ…པེ॰… ཨཏཱིཏཱནི དྭཱདསཱཡཏནཱནི ཨཏྠི, ཨནཱགཏཱནི དྭཱདསཱཡཏནཱནི ཨཏྠི, པཙྩུཔྤནྣཱནི དྭཱདསཱཡཏནཱནི ཨཏྠཱིཏི? ཨཱམནྟཱ། ཚཏྟིཾསཱཡཏནཱནཱིཏི? ན ཧེཝཾ ཝཏྟབྦེ…པེ॰…།
Atītaṃ cakkhāyatanaṃ atthi, anāgataṃ cakkhāyatanaṃ atthi, paccuppannaṃ cakkhāyatanaṃ atthīti? Āmantā. Tīṇi cakkhāyatanānīti? Na hevaṃ vattabbe…pe… atītāni dvādasāyatanāni atthi, anāgatāni dvādasāyatanāni atthi, paccuppannāni dvādasāyatanāni atthīti? Āmantā. Chattiṃsāyatanānīti? Na hevaṃ vattabbe…pe….
ཨཏཱིཏཱ ཙཀྑུདྷཱཏུ ཨཏྠི, ཨནཱགཏཱ ཙཀྑུདྷཱཏུ ཨཏྠི, པཙྩུཔྤནྣཱ ཙཀྑུདྷཱཏུ ཨཏྠཱིཏི? ཨཱམནྟཱ། ཏིསྶོ ཙཀྑུདྷཱཏུཡོཏི? ན ཧེཝཾ ཝཏྟབྦེ…པེ॰… ཨཏཱིཏཱ ཨཊྛཱརས དྷཱཏུཡོ ཨཏྠི, ཨནཱགཏཱ ཨཊྛཱརས དྷཱཏུཡོ ཨཏྠི, པཙྩུཔྤནྣཱ ཨཊྛཱརས དྷཱཏུཡོ ཨཏྠཱིཏི? ཨཱམནྟཱ། ཙཏུཔཉྙཱས དྷཱཏུཡོཏི? ན ཧེཝཾ ཝཏྟབྦེ…པེ॰…།
Atītā cakkhudhātu atthi, anāgatā cakkhudhātu atthi, paccuppannā cakkhudhātu atthīti? Āmantā. Tisso cakkhudhātuyoti? Na hevaṃ vattabbe…pe… atītā aṭṭhārasa dhātuyo atthi, anāgatā aṭṭhārasa dhātuyo atthi, paccuppannā aṭṭhārasa dhātuyo atthīti? Āmantā. Catupaññāsa dhātuyoti? Na hevaṃ vattabbe…pe….
ཨཏཱིཏཾ ཙཀྑུནྡྲིཡཾ ཨཏྠི, ཨནཱགཏཾ ཙཀྑུནྡྲིཡཾ ཨཏྠི, པཙྩུཔྤནྣཾ ཙཀྑུནྡྲིཡཾ ཨཏྠཱིཏི ? ཨཱམནྟཱ། ཏཱིཎི ཙཀྑུནྡྲིཡཱནཱིཏི? ན ཧེཝཾ ཝཏྟབྦེ…པེ॰… ཨཏཱིཏཱནི བཱཝཱིསཏིནྡྲིཡཱནི ཨཏྠི, ཨནཱགཏཱནི བཱཝཱིསཏིནྡྲིཡཱནི ཨཏྠི, པཙྩུཔྤནྣཱནི བཱཝཱིསཏིནྡྲིཡཱནི ཨཏྠཱིཏི? ཨཱམནྟཱ། ཚསཊྛིནྡྲིཡཱནཱིཏི? ན ཧེཝཾ ཝཏྟབྦེ…པེ॰…།
Atītaṃ cakkhundriyaṃ atthi, anāgataṃ cakkhundriyaṃ atthi, paccuppannaṃ cakkhundriyaṃ atthīti ? Āmantā. Tīṇi cakkhundriyānīti? Na hevaṃ vattabbe…pe… atītāni bāvīsatindriyāni atthi, anāgatāni bāvīsatindriyāni atthi, paccuppannāni bāvīsatindriyāni atthīti? Āmantā. Chasaṭṭhindriyānīti? Na hevaṃ vattabbe…pe….
ཨཏཱིཏོ རཱཛཱ ཙཀྐཝཏྟཱི ཨཏྠི, ཨནཱགཏོ རཱཛཱ ཙཀྐཝཏྟཱི ཨཏྠི, པཙྩུཔྤནྣོ རཱཛཱ ཙཀྐཝཏྟཱི ཨཏྠཱིཏི? ཨཱམནྟཱ། ཏིཎྞནྣཾ རཱཛཱུནཾ ཙཀྐཝཏྟཱིནཾ སམྨུཁཱིབྷཱཝོ ཧོཏཱིཏི? ན ཧེཝཾ ཝཏྟབྦེ…པེ॰…།
Atīto rājā cakkavattī atthi, anāgato rājā cakkavattī atthi, paccuppanno rājā cakkavattī atthīti? Āmantā. Tiṇṇannaṃ rājūnaṃ cakkavattīnaṃ sammukhībhāvo hotīti? Na hevaṃ vattabbe…pe….
ཨཏཱིཏོ སམྨཱསམྨུདྡྷོ ཨཏྠི, ཨནཱགཏོ སམྨཱསམྦུདྡྷོ ཨཏྠི, པཙྩུཔྤནྣོ སམྨཱསམྦུདྡྷོ ཨཏྠཱིཏི? ཨཱམནྟཱ། ཏིཎྞནྣཾ སམྨཱསམྦུདྡྷཱནཾ སམྨུཁཱིབྷཱཝོ ཧོཏཱིཏི? ན ཧེཝཾ ཝཏྟབྦེ…པེ॰…།
Atīto sammāsammuddho atthi, anāgato sammāsambuddho atthi, paccuppanno sammāsambuddho atthīti? Āmantā. Tiṇṇannaṃ sammāsambuddhānaṃ sammukhībhāvo hotīti? Na hevaṃ vattabbe…pe….
པདསོདྷནཀཐཱ
Padasodhanakathā
༢༩༥. ཨཏཱིཏཾ ཨཏྠཱིཏི? ཨཱམནྟཱ ། ཨཏྠི ཨཏཱིཏནྟི? ཨཏྠི སིཡཱ ཨཏཱིཏཾ, སིཡཱ ནྭཱཏཱིཏནྟི།
295. Atītaṃ atthīti? Āmantā . Atthi atītanti? Atthi siyā atītaṃ, siyā nvātītanti.
ཨཱཛཱནཱཧི ནིགྒཧཾ། ཧཉྩི ཨཏཱིཏཾ ཨཏྠི, ཨཏྠི སིཡཱ ཨཏཱིཏཾ, སིཡཱ ནྭཱཏཱིཏཾ, ཏེནཱཏཱིཏཾ ནྭཱཏཱིཏཾ, ནྭཱཏཱིཏཾ ཨཏཱིཏནྟི། ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨཏཱིཏཾ ཨཏྠི ཨཏྠི སིཡཱ ཨཏཱིཏཾ, སིཡཱ ནྭཱཏཱིཏཾ, ཏེནཱཏཱིཏཾ ནྭཱཏཱིཏཾ, ནྭཱཏཱིཏཾ ཨཏཱིཏ’’’ནྟི མིཙྪཱ།
Ājānāhi niggahaṃ. Hañci atītaṃ atthi, atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atītanti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
ནོ ཙེ པན ཨཏཱིཏཾ ནྭཱཏཱིཏཾ ནྭཱཏཱིཏཾ ཨཏཱིཏནྟི, ནོ ཙ ཝཏ རེ ཝཏྟབྦེ – ‘‘ཨཏཱིཏཾ ཨཏྠི ཨཏྠི སིཡཱ ཨཏཱིཏཾ, སིཡཱ ནྭཱཏཱིཏ’’ནྟི། ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨཏཱིཏཾ ཨཏྠི ཨཏྠི སིཡཱ ཨཏཱིཏཾ, སིཡཱ ནྭཱཏཱིཏཾ, ཏེནཱཏཱིཏཾ ནྭཱཏཱིཏཾ, ནྭཱཏཱིཏཾ ཨཏཱིཏ’’’ནྟི མིཙྪཱ།
No ce pana atītaṃ nvātītaṃ nvātītaṃ atītanti, no ca vata re vattabbe – ‘‘atītaṃ atthi atthi siyā atītaṃ, siyā nvātīta’’nti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
ཨནཱགཏཾ ཨཏྠཱིཏི? ཨཱམནྟཱ། ཨཏྠི ཨནཱགཏནྟི? ཨཏྠི སིཡཱ ཨནཱགཏཾ, སིཡཱ ནྭཱནཱགཏནྟི།
Anāgataṃ atthīti? Āmantā. Atthi anāgatanti? Atthi siyā anāgataṃ, siyā nvānāgatanti.
ཨཱཛཱནཱཧི ནིགྒཧཾ། ཧཉྩི ཨནཱགཏཾ ཨཏྠི ཨཏྠི སིཡཱ ཨནཱགཏཾ སིཡཱ ནྭཱནཱགཏཾ, ཏེནཱནཱགཏཾ ནྭཱནཱགཏཾ, ནྭཱནཱགཏཾ ཨནཱགཏནྟི། ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨནཱགཏཾ ཨཏྠི ཨཏྠི སིཡཱ ཨནཱགཏཾ, སིཡཱ ནྭཱནཱགཏཾ, ཏེནཱནཱགཏཾ ནྭཱནཱགཏཾ, ནྭཱནཱགཏཾ ཨནཱགཏ’’’ནྟི མིཙྪཱ།
Ājānāhi niggahaṃ. Hañci anāgataṃ atthi atthi siyā anāgataṃ siyā nvānāgataṃ, tenānāgataṃ nvānāgataṃ, nvānāgataṃ anāgatanti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
ནོ ཙེ པནཱནཱགཏཾ ནྭཱནཱགཏཾ ནྭཱནཱགཏཾ ཨནཱགཏནྟི, ནོ ཙ ཝཏ རེ ཝཏྟབྦེ – ‘‘ཨནཱགཏཾ ཨཏྠི ཨཏྠི སིཡཱ ཨནཱགཏཾ, སིཡཱ ནྭཱནཱགཏ’’ནྟི། ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨནཱགཏཾ ཨཏྠི ཨཏྠི སིཡཱ ཨནཱགཏཾ, སིཡཱ ནྭཱནཱགཏཾ, ཏེནཱནཱགཏཾ ནྭཱནཱགཏཾ, ནྭཱནཱགཏཾ ཨནཱགཏ’’’ནྟི མིཙྪཱ།
No ce panānāgataṃ nvānāgataṃ nvānāgataṃ anāgatanti, no ca vata re vattabbe – ‘‘anāgataṃ atthi atthi siyā anāgataṃ, siyā nvānāgata’’nti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
པཙྩུཔྤནྣཾ ཨཏྠཱིཏི, ཨཱམནྟཱ། ཨཏྠི པཙྩུཔྤནྣནྟི? ཨཏྠི སིཡཱ པཙྩུཔྤནྣཾ, སིཡཱ ནོ པཙྩུཔྤནྣནྟི།
Paccuppannaṃ atthīti, āmantā. Atthi paccuppannanti? Atthi siyā paccuppannaṃ, siyā no paccuppannanti.
ཨཱཛཱནཱཧི ནིགྒཧཾ། ཧཉྩི པཙྩུཔྤནྣཾ ཨཏྠི ཨཏྠི སིཡཱ པཙྩུཔྤནྣཾ, སིཡཱ ནོ པཙྩུཔྤནྣཾ, ཏེན པཙྩུཔྤནྣཾ, ནོ པཙྩུཔྤནྣཾ, ནོ པཙྩུཔྤནྣཾ པཙྩུཔྤནྣནྟི། ཡཾ ཏཏྠ ཝདེསི – ‘‘ཝཏྟབྦེ ཁོ – ‘པཙྩུཔྤནྣཾ ཨཏྠི ཨཏྠི སིཡཱ པཙྩུཔྤནྣཾ, སིཡཱ ནོ པཙྩུཔྤནྣཾ, ཏེན པཙྩུཔྤནྣཾ ནོ པཙྩུཔྤནྣཾ, ནོ པཙྩུཔྤནྣཾ པཙྩུཔྤནྣ’’’ནྟི མིཙྪཱ།
Ājānāhi niggahaṃ. Hañci paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ, no paccuppannaṃ, no paccuppannaṃ paccuppannanti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
ནོ ཙེ པན པཙྩུཔྤནྣཾ ནོ པཙྩུཔྤནྣཾ, ནོ པཙྩུཔྤནྣཾ པཙྩུཔྤནྣནྟི, ནོ ཙ ཝཏ རེ ཝཏྟབྦེ – ‘‘པཙྩུཔྤནྣཾ ཨཏྠི ཨཏྠི སིཡཱ པཙྩུཔྤནྣཾ, སིཡཱ ནོ པཙྩུཔྤནྣ’’ནྟི། ཡཾ ཏཏྠ ཝདེསི – ‘‘ཝཏྟབྦེ ཁོ – ‘པཙྩུཔྤནྣཾ ཨཏྠི ཨཏྠི སིཡཱ པཙྩུཔྤནྣཾ, སིཡཱ ནོ པཙྩུཔྤནྣཾ, ཏེན པཙྩུཔྤནྣཾ ནོ པཙྩུཔྤནྣཾ, ནོ པཙྩུཔྤནྣཾ པཙྩུཔྤནྣ’’’ནྟི མིཙྪཱ།
No ce pana paccuppannaṃ no paccuppannaṃ, no paccuppannaṃ paccuppannanti, no ca vata re vattabbe – ‘‘paccuppannaṃ atthi atthi siyā paccuppannaṃ, siyā no paccuppanna’’nti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
ནིབྦཱནཾ ཨཏྠཱིཏི? ཨཱམནྟཱ། ཨཏྠི ནིབྦཱནནྟི? ཨཏྠི སིཡཱ ནིབྦཱནཾ སིཡཱ ནོ ནིབྦཱནནྟི།
Nibbānaṃ atthīti? Āmantā. Atthi nibbānanti? Atthi siyā nibbānaṃ siyā no nibbānanti.
ཨཱཛཱནཱཧི ནིགྒཧཾ། ཧཉྩི ནིབྦཱནཾ ཨཏྠི ཨཏྠི སིཡཱ ནིབྦཱནཾ, སིཡཱ ནོ ནིབྦཱནཾ, ཏེན ནིབྦཱནཾ ནོ ནིབྦཱནཾ, ནོ ནིབྦཱནཾ ནིབྦཱནནྟི། ཡཾ ཏཏྠ ཝདེསི – ‘‘ཝཏྟབྦེ ཁོ – ‘ནིབྦཱནཾ ཨཏྠི ཨཏྠི སིཡཱ ནིབྦཱནཾ, སིཡཱ ནོ ནིབྦཱནཾ, ཏེན ནིབྦཱནཾ ནོ ནིབྦཱནཾ, ནོ ནིབྦཱནཾ ནིབྦཱན’’’ནྟི མིཙྪཱ།
Ājānāhi niggahaṃ. Hañci nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbānanti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
ནོ ཙེ པན ནིབྦཱནཾ ནོ ནིབྦཱནཾ, ནོ ནིབྦཱནཾ ནིབྦཱནནྟི, ནོ ཙ ཝཏ རེ ཝཏྟབྦེ – ‘‘ནིབྦཱནཾ ཨཏྠི ཨཏྠི སིཡཱ ནིབྦཱནཾ, སིཡཱ ནོ ནིབྦཱན’’ནྟི། ཡཾ ཏཏྠ ཝདེསི – ‘‘ཝཏྟབྦེ ཁོ – ‘ནིབྦཱནཾ ཨཏྠི ཨཏྠི སིཡཱ ནིབྦཱནཾ, སིཡཱ ནོ ནིབྦཱནཾ, ཏེན ནིབྦཱནཾ ནོ ནིབྦཱནཾ, ནོ ནིབྦཱནཾ ནིབྦཱན’’’ནྟི མིཙྪཱ།
No ce pana nibbānaṃ no nibbānaṃ, no nibbānaṃ nibbānanti, no ca vata re vattabbe – ‘‘nibbānaṃ atthi atthi siyā nibbānaṃ, siyā no nibbāna’’nti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
སུཏྟསཱདྷནཾ
Suttasādhanaṃ
༢༩༦. ན ཝཏྟབྦཾ – ‘‘ཨཏཱིཏཾ ཨཏྠི, ཨནཱགཏཾ ཨཏྠཱི’’ཏི? ཨཱམནྟཱ། ནནུ ཝུཏྟཾ བྷགཝཏཱ – ‘‘ཡཾ ཀིཉྩི, བྷིཀྑཝེ, རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ – ཨཡཾ ཝུཙྩཏི རཱུཔཀྑནྡྷོ། ཡཱ ཀཱཙི ཝེདནཱ… ཡཱ ཀཱཙི སཉྙཱ… ཡེ ཀེཙི སངྑཱརཱ… ཡཾ ཀིཉྩི ཝིཉྙཱཎཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ – ཨཡཾ ཝུཙྩཏི ཝིཉྙཱཎཀྑནྡྷོ’’ཏི 31། ཨཏྠེཝ སུཏྟནྟོཏི? ཨཱམནྟཱ། ཏེན ཧི ཨཏཱིཏཾ ཨཏྠི, ཨནཱགཏཾ ཨཏྠཱིཏི།
296. Na vattabbaṃ – ‘‘atītaṃ atthi, anāgataṃ atthī’’ti? Āmantā. Nanu vuttaṃ bhagavatā – ‘‘yaṃ kiñci, bhikkhave, rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati rūpakkhandho. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati viññāṇakkhandho’’ti 32. Attheva suttantoti? Āmantā. Tena hi atītaṃ atthi, anāgataṃ atthīti.
ཨཏཱིཏཾ ཨཏྠི, ཨནཱགཏཾ ཨཏྠཱིཏི? ཨཱམནྟཱ། ནནུ ཝུཏྟཾ བྷགཝཏཱ – ‘‘ཏཡོམེ, བྷིཀྑཝེ, ནིརུཏྟིཔཐཱ ཨདྷིཝཙནཔཐཱ པཉྙཏྟིཔཐཱ ཨསངྐིཎྞཱ ཨསངྐིཎྞཔུབྦཱ ན སངྐིཡནྟི ན སངྐིཡིསྶནྟི ཨཔྤཊིཀུཊྛཱ སམཎེཧི བྲཱཧྨཎེཧི ཝིཉྙཱུཧི། ཀཏམེ ཏཡོ? ཡཾ, བྷིཀྑཝེ, རཱུཔཾ ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ‘ཨཧོསཱི’ཏི ཏསྶ སངྑཱ, ‘ཨཧོསཱི’ཏི ཏསྶ སམཉྙཱ, ‘ཨཧོསཱི’ཏི ཏསྶ པཉྙཏྟི; ན ཏསྶ སངྑཱ ‘ཨཏྠཱི’ཏི, ན ཏསྶ སངྑཱ ‘བྷཝིསྶཏཱི’ཏི། ཡཱ ཝེདནཱ…པེ॰… ཡཱ སཉྙཱ… ཡེ སངྑཱརཱ… ཡཾ ཝིཉྙཱཎཾ ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ‘ཨཧོསཱི’ཏི ཏསྶ སངྑཱ, ‘ཨཧོསཱི’ཏི ཏསྶ སམཉྙཱ, ‘ཨཧོསཱི’ཏི ཏསྶ པཉྙཏྟི; ན ཏསྶ སངྑཱ ‘ཨཏྠཱི’ཏི, ན ཏསྶ སངྑཱ ‘བྷཝིསྶཏཱི’ཏི།
Atītaṃ atthi, anāgataṃ atthīti? Āmantā. Nanu vuttaṃ bhagavatā – ‘‘tayome, bhikkhave, niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi. Katame tayo? Yaṃ, bhikkhave, rūpaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti.
‘‘ཡཾ, བྷིཀྑཝེ, རཱུཔཾ ཨཛཱཏཾ ཨཔཱཏུབྷཱུཏཾ ‘བྷཝིསྶཏཱི’ཏི ཏསྶ སངྑཱ, ‘བྷཝིསྶཏཱི’ཏི ཏསྶ སམཉྙཱ, ‘བྷཝིསྶཏཱི’ཏི ཏསྶ པཉྙཏྟི; ན ཏསྶ སངྑཱ ‘ཨཏྠཱི’ཏི, ན ཏསྶ སངྑཱ ‘ཨཧོསཱི’ཏི། ཡཱ ཝེདནཱ…པེ॰… ཡཱ སཉྙཱ… ཡེ སངྑཱརཱ… ཡཾ ཝིཉྙཱཎཾ ཨཛཱཏཾ ཨཔཱཏུབྷཱུཏཾ ‘བྷཝིསྶཏཱི’ཏི ཏསྶ སངྑཱ, ‘བྷཝིསྶཏཱི’ཏི ཏསྶ སམཉྙཱ, ‘བྷཝིསྶཏཱི’ཏི ཏསྶ པཉྙཏྟི; ན ཏསྶ སངྑཱ ‘ཨཏྠཱི’ཏི, ན ཏསྶ སངྑཱ ‘ཨཧོསཱི’ཏི།
‘‘Yaṃ, bhikkhave, rūpaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti. Yā vedanā…pe… yā saññā… ye saṅkhārā… yaṃ viññāṇaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti.
‘‘ཡཾ, བྷིཀྑཝེ, རཱུཔཾ ཛཱཏཾ པཱཏུབྷཱུཏཾ ‘ཨཏྠཱི’ཏི ཏསྶ སངྑཱ, ‘ཨཏྠཱི’ཏི ཏསྶ སམཉྙཱ, ‘ཨཏྠཱི’ཏི ཏསྶ པཉྙཏྟི; ན ཏསྶ སངྑཱ ‘ཨཧོསཱི’ཏི, ན ཏསྶ སངྑཱ ‘བྷཝིསྶཏཱི’ཏི། ཡཱ ཝེདནཱ…པེ॰… ཡཱ སཉྙཱ… ཡེ སངྑཱརཱ… ཡཾ ཝིཉྙཱཎཾ ཛཱཏཾ པཱཏུབྷཱུཏཾ ‘ཨཏྠཱི’ཏི ཏསྶ སངྑཱ, ‘ཨཏྠཱི’ཏི ཏསྶ སམཉྙཱ, ‘ཨཏྠཱི’ཏི ཏསྶ པཉྙཏྟི; ན ཏསྶ སངྑཱ ‘ཨཧོསཱི’ཏི, ན ཏསྶ སངྑཱ ‘བྷཝིསྶཏཱི’ཏི། ཨིམེ ཁོ, བྷིཀྑཝེ, ཏཡོ ནིརུཏྟིཔཐཱ ཨདྷིཝཙནཔཐཱ པཉྙཏྟིཔཐཱ ཨསངྐིཎྞཱ ཨསངྐིཎྞཔུབྦཱ ན སངྐིཡནྟི ན སངྐིཡིསྶནྟི ཨཔྤཊིཀུཊྛཱ སམཎེཧི བྲཱཧྨཎེཧི ཝིཉྙཱུཧི།
‘‘Yaṃ, bhikkhave, rūpaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Ime kho, bhikkhave, tayo niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi.
‘‘ཡེཔི ཏེ, བྷིཀྑཝེ, ཨཧེསུཾ ཨུཀྐལཱ ཝསྶབྷཉྙཱ ཨཧེཏུཀཝཱདཱ ཨཀིརིཡཝཱདཱ ནཏྠིཀཝཱདཱ, ཏེཔིམེ ཏཡོ ནིརུཏྟིཔཐེ ཨདྷིཝཙནཔཐེ པཉྙཏྟིཔཐེ ན གརཧིཏབྦཾ ན པཊིཀྐོསིཏབྦཾ ཨམཉྙིཾསུ། ཏཾ ཀིསྶ ཧེཏུ? ནིནྡཱབྱཱརོསཨུཔཱརམྦྷབྷཡཱ’’ཏི 33། ཨཏྠེཝ སུཏྟནྟོཏི? ཨཱམནྟཱ། ཏེན ཧི ན ཝཏྟབྦཾ – ‘‘ཨཏཱིཏཾ ཨཏྠི, ཨནཱགཏཾ ཨཏྠཱི’’ཏི།
‘‘Yepi te, bhikkhave, ahesuṃ ukkalā vassabhaññā ahetukavādā akiriyavādā natthikavādā, tepime tayo niruttipathe adhivacanapathe paññattipathe na garahitabbaṃ na paṭikkositabbaṃ amaññiṃsu. Taṃ kissa hetu? Nindābyārosaupārambhabhayā’’ti 34. Attheva suttantoti? Āmantā. Tena hi na vattabbaṃ – ‘‘atītaṃ atthi, anāgataṃ atthī’’ti.
ཨཏཱིཏཾ ཨཏྠཱིཏི? ཨཱམནྟཱ། ནནུ ཨཱཡསྨཱ ཕགྒུནོ བྷགཝནྟཾ ཨེཏདཝོཙ – ‘‘ཨཏྠི ནུ ཁོ ཏཾ, བྷནྟེ, ཙཀྑུཾ ཡེན ཙཀྑུནཱ ཨཏཱིཏེ བུདྡྷེ པརིནིབྦུཏེ ཚིནྣཔཔཉྩེ ཚིནྣཝཊུམེ པརིཡཱདིནྣཝཊྚེ སབྦདུཀྑཝཱིཏིཝཏྟེ པཉྙཱཔཡམཱནོ པཉྙཱཔེཡྻཱཏི། ཨཏྠི ནུ ཁོ སཱ, བྷནྟེ, ཛིཝ྄ཧཱ…པེ॰… ཨཏྠི ནུ ཁོ སོ, བྷནྟེ, མནོ ཡེན མནེན ཨཏཱིཏེ བུདྡྷེ པརིནིབྦུཏེ ཚིནྣཔཔཉྩེ ཚིནྣཝཊུམེ པརིཡཱདིནྣཝཊྚེ སབྦདུཀྑཝཱིཏིཝཏྟེ པཉྙཱཔཡམཱནོ པཉྙཱཔེཡྻཱ’’ཏི།
Atītaṃ atthīti? Āmantā. Nanu āyasmā phagguno bhagavantaṃ etadavoca – ‘‘atthi nu kho taṃ, bhante, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyāti. Atthi nu kho sā, bhante, jivhā…pe… atthi nu kho so, bhante, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti.
‘‘ནཏྠི ཁོ ཏཾ, ཕགྒུན, ཙཀྑུཾ ཡེན ཙཀྑུནཱ ཨཏཱིཏེ བུདྡྷེ པརིནིབྦུཏེ ཚིནྣཔཔཉྩེ ཚིནྣཝཊུམེ པརིཡཱདིནྣཝཊྚེ སབྦདུཀྑཝཱིཏིཝཏྟེ པཉྙཱཔཡམཱནོ པཉྙཱཔེཡྻ། ནཏྠི ཁོ སཱ, ཕགྒུན, ཛིཝ྄ཧཱ…པེ॰… ནཏྠི ནུ ཁོ སོ, ཕགྒུན, མནོ ཡེན མནེན ཨཏཱིཏེ བུདྡྷེ པརིནིབྦུཏེ ཚིནྣཔཔཉྩེ ཚིནྣཝཊུམེ པརིཡཱདིནྣཝཊྚེ སབྦདུཀྑཝཱིཏིཝཏྟེ པཉྙཱཔཡམཱནོ པཉྙཱཔེཡྻཱ’’ཏི 35། ཨཏྠེཝ སུཏྟནྟོཏི? ཨཱམནྟཱ། ཏེན ཧི ན ཝཏྟབྦཾ – ‘‘ཨཏཱིཏཾ ཨཏྠཱི’’ཏི།
‘‘Natthi kho taṃ, phagguna, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyya. Natthi kho sā, phagguna, jivhā…pe… natthi nu kho so, phagguna, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti 36. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
ཨཏཱིཏཾ ཨཏྠཱིཏི? ཨཱམནྟཱ། ནནུ ཨཱཡསྨཱ ནནྡཀོ ཨེཏདཝོཙ – ‘‘ཨཧུ པུབྦེ ལོབྷོ ཏདཧུ ཨཀུསལཾ, སོ ཨེཏརཧི ནཏྠི, ཨིཙྩེཏཾ ཀུསལཾ། ཨཧུ པུབྦེ དོསོ… ཨཧུ པུབྦེ མོཧོ, ཏདཧུ ཨཀུསལཾ, སོ ཨེཏརཧི ནཏྠི, ཨིཙྩེཏཾ ཀུསལ’’ནྟི 37། ཨཏྠེཝ སུཏྟནྟོཏི? ཨཱམནྟཱ། ཏེན ཧི ན ཝཏྟབྦཾ – ‘‘ཨཏཱིཏཾ ཨཏྠཱི’’ཏི།
Atītaṃ atthīti? Āmantā. Nanu āyasmā nandako etadavoca – ‘‘ahu pubbe lobho tadahu akusalaṃ, so etarahi natthi, iccetaṃ kusalaṃ. Ahu pubbe doso… ahu pubbe moho, tadahu akusalaṃ, so etarahi natthi, iccetaṃ kusala’’nti 38. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
ན ཝཏྟབྦཾ – ‘‘ཨནཱགཏཾ ཨཏྠཱི’’ཏི? ཨཱམནྟཱ། ནནུ ཝུཏྟཾ བྷགཝཏཱ – ‘‘ཀབལཱི༹ཀཱརེ ཙེ, བྷིཀྑཝེ, ཨཱཧཱརེ ཨཏྠི རཱགོ, ཨཏྠི ནནྡཱི, ཨཏྠི ཏཎྷཱ; པཏིཊྛིཏཾ ཏཏྠ ཝིཉྙཱཎཾ ཝིརཱུལ༹ྷཾ། ཡཏྠ པཏིཊྛིཏཾ ཝིཉྙཱཎཾ ཝིརཱུལ༹ྷཾ, ཨཏྠི ཏཏྠ ནཱམརཱུཔསྶ ཨཝཀྐནྟི། ཡཏྠ ཨཏྠི ནཱམརཱུཔསྶ ཨཝཀྐནྟི, ཨཏྠི ཏཏྠ སངྑཱརཱནཾ ཝུདྡྷི། ཡཏྠ ཨཏྠི སངྑཱརཱནཾ ཝུདྡྷི, ཨཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི། ཡཏྠ ཨཏྠི ཨཱཡཏིཾ པུནབྦྷཝཱབྷིནིབྦཏྟི, ཨཏྠི ཏཏྠ ཨཱཡཏིཾ ཛཱཏིཛརཱམརཎཾ། ཡཏྠ ཨཏྠི ཨཱཡཏིཾ ཛཱཏིཛརཱམརཎཾ, སསོཀཾ ཏཾ, བྷིཀྑཝེ, སརཛཾ 39 སཨུཔཱཡཱསནྟི ཝདཱམི།
Na vattabbaṃ – ‘‘anāgataṃ atthī’’ti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre atthi rāgo, atthi nandī, atthi taṇhā; patiṭṭhitaṃ tattha viññāṇaṃ virūḷhaṃ. Yattha patiṭṭhitaṃ viññāṇaṃ virūḷhaṃ, atthi tattha nāmarūpassa avakkanti. Yattha atthi nāmarūpassa avakkanti, atthi tattha saṅkhārānaṃ vuddhi. Yattha atthi saṅkhārānaṃ vuddhi, atthi tattha āyatiṃ punabbhavābhinibbatti. Yattha atthi āyatiṃ punabbhavābhinibbatti, atthi tattha āyatiṃ jātijarāmaraṇaṃ. Yattha atthi āyatiṃ jātijarāmaraṇaṃ, sasokaṃ taṃ, bhikkhave, sarajaṃ 40 saupāyāsanti vadāmi.
‘‘ཕསྶེ ཙེ, བྷིཀྑཝེ, ཨཱཧཱརེ… མནོསཉྩེཏནཱཡ ཙེ, བྷིཀྑཝེ, ཨཱཧཱརེ… ཝིཉྙཱཎེ ཙེ, བྷིཀྑཝེ, ཨཱཧཱརེ ཨཏྠི རཱགོ, ཨཏྠི ནནྡཱི…པེ॰… སརཛཾ སཨུཔཱཡཱསནྟི ཝདཱམཱི’’ཏི 41། ཨཏྠེཝ སུཏྟནྟོཏི? ཨཱམནྟཱ ། ཏེན ཧི ཨནཱགཏཾ ཨཏྠཱིཏི།
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre atthi rāgo, atthi nandī…pe… sarajaṃ saupāyāsanti vadāmī’’ti 42. Attheva suttantoti? Āmantā . Tena hi anāgataṃ atthīti.
ཨནཱགཏཾ ཨཏྠཱིཏི? ཨཱམནྟཱ། ནནུ ཝུཏྟཾ བྷགཝཏཱ – ‘‘ཀབལཱི༹ཀཱརེ ཙེ, བྷིཀྑཝེ, ཨཱཧཱརེ ནཏྠི རཱགོ, ནཏྠི ནནྡཱི, ནཏྠི ཏཎྷཱ; ཨཔྤཏིཊྛིཏཾ ཏཏྠ ཝིཉྙཱཎཾ ཨཝིརཱུལ༹ྷཾ། ཡཏྠ ཝིཉྙཱཎཾ ཨཔྤཏིཊྛིཏཾ ཨཝིརཱུལ༹ྷཾ, ནཏྠི ཏཏྠ ནཱམརཱུཔསྶ ཨཝཀྐནྟི། ཡཏྠ ནཏྠི ནཱམརཱུཔསྶ ཨཝཀྐནྟི, ནཏྠི ཏཏྠ སངྑཱརཱནཾ ཝུདྡྷི། ཡཏྠ ནཏྠི སངྑཱརཱནཾ ཝུདྡྷི, ནཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི། ཡཏྠ ནཏྠི ཨཱཡཏིཾ པུནབྦྷཝཱབྷིནིབྦཏྟི, ནཏྠི ཏཏྠ ཨཱཡཏིཾ ཛཱཏིཛརཱམརཎཾ། ཡཏྠ ནཏྠི ཨཱཡཏིཾ ཛཱཏིཛརཱམརཎཾ, ཨསོཀཾ ཏཾ, བྷིཀྑཝེ, ཨརཛཾ ཨནུཔཱཡཱསནྟི ཝདཱམི།
Anāgataṃ atthīti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre natthi rāgo, natthi nandī, natthi taṇhā; appatiṭṭhitaṃ tattha viññāṇaṃ avirūḷhaṃ. Yattha viññāṇaṃ appatiṭṭhitaṃ avirūḷhaṃ, natthi tattha nāmarūpassa avakkanti. Yattha natthi nāmarūpassa avakkanti, natthi tattha saṅkhārānaṃ vuddhi. Yattha natthi saṅkhārānaṃ vuddhi, natthi tattha āyatiṃ punabbhavābhinibbatti. Yattha natthi āyatiṃ punabbhavābhinibbatti, natthi tattha āyatiṃ jātijarāmaraṇaṃ. Yattha natthi āyatiṃ jātijarāmaraṇaṃ, asokaṃ taṃ, bhikkhave, arajaṃ anupāyāsanti vadāmi.
‘‘ཕསྶེ ཙེ, བྷིཀྑཝེ, ཨཱཧཱརེ… མནོསཉྩེཏནཱཡ ཙེ, བྷིཀྑཝེ, ཨཱཧཱརེ… ཝིཉྙཱཎེ ཙེ, བྷིཀྑཝེ, ཨཱཧཱརེ ནཏྠི རཱགོ, ནཏྠི ནནྡཱི…པེ॰… ཨརཛཾ ཨནུཔཱཡཱསནྟི ཝདཱམཱི’’ཏི 43། ཨཏྠེཝ སུཏྟནྟོཏི? ཨཱམནྟཱ། ཏེན ཧི ན ཝཏྟབྦཾ – ‘‘ཨནཱགཏཾ ཨཏྠཱི’’ཏི།
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre natthi rāgo, natthi nandī…pe… arajaṃ anupāyāsanti vadāmī’’ti 44. Attheva suttantoti? Āmantā. Tena hi na vattabbaṃ – ‘‘anāgataṃ atthī’’ti.
སབྦམཏྠཱིཏིཀཐཱ ནིཊྛིཏཱ།
Sabbamatthītikathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༥. སབྦམཏྠཱིཏིཀཐཱ • 5. Sabbamatthītikathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༥. སབྦམཏྠཱིཏིཀཐཱ • 5. Sabbamatthītikathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༥. སབྦམཏྠཱིཏིཀཐཱཝཎྞནཱ • 5. Sabbamatthītikathāvaṇṇanā
