| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൫. സബ്ബമത്ഥീതികഥാ
5. Sabbamatthītikathā
൧. വാദയുത്തി
1. Vādayutti
൨൮൨. സബ്ബമത്ഥീതി ? ആമന്താ. സബ്ബത്ഥ സബ്ബമത്ഥീതി? ന ഹേവം വത്തബ്ബേ. സബ്ബമത്ഥീതി? ആമന്താ. സബ്ബദാ സബ്ബമത്ഥീതി? ന ഹേവം വത്തബ്ബേ. സബ്ബമത്ഥീതി? ആമന്താ. സബ്ബേന സബ്ബം സബ്ബമത്ഥീതി? ന ഹേവം വത്തബ്ബേ. സബ്ബമത്ഥീതി? ആമന്താ. സബ്ബേസു സബ്ബമത്ഥീതി? ന ഹേവം വത്തബ്ബേ. സബ്ബമത്ഥീതി? ആമന്താ. അയോഗന്തി കത്വാ സബ്ബമത്ഥീതി? ന ഹേവം വത്തബ്ബേ. സബ്ബമത്ഥീതി? ആമന്താ. യമ്പി നത്ഥി, തമ്പത്ഥീതി? ന ഹേവം വത്തബ്ബേ. സബ്ബമത്ഥീതി? ആമന്താ. സബ്ബമത്ഥീതി യാ ദിട്ഠി സാ ദിട്ഠി മിച്ഛാദിട്ഠീതി, യാ ദിട്ഠി സാ ദിട്ഠി സമ്മാദിട്ഠീതി, ഹേവമത്ഥീതി? ന ഹേവം വത്തബ്ബേ. (സംഖിത്തം). വാദയുത്തി.
282. Sabbamatthīti ? Āmantā. Sabbattha sabbamatthīti? Na hevaṃ vattabbe. Sabbamatthīti? Āmantā. Sabbadā sabbamatthīti? Na hevaṃ vattabbe. Sabbamatthīti? Āmantā. Sabbena sabbaṃ sabbamatthīti? Na hevaṃ vattabbe. Sabbamatthīti? Āmantā. Sabbesu sabbamatthīti? Na hevaṃ vattabbe. Sabbamatthīti? Āmantā. Ayoganti katvā sabbamatthīti? Na hevaṃ vattabbe. Sabbamatthīti? Āmantā. Yampi natthi, tampatthīti? Na hevaṃ vattabbe. Sabbamatthīti? Āmantā. Sabbamatthīti yā diṭṭhi sā diṭṭhi micchādiṭṭhīti, yā diṭṭhi sā diṭṭhi sammādiṭṭhīti, hevamatthīti? Na hevaṃ vattabbe. (Saṃkhittaṃ). Vādayutti.
൨. കാലസംസന്ദനാ
2. Kālasaṃsandanā
൨൮൩. അതീതം അത്ഥീതി? ആമന്താ. നനു അതീതം നിരുദ്ധം വിഗതം വിപരിണതം അത്ഥങ്ഗതം അബ്ഭത്ഥങ്ഗതന്തി? ആമന്താ. ഹഞ്ചി അതീതം നിരുദ്ധം വിഗതം വിപരിണതം അത്ഥങ്ഗതം അബ്ഭത്ഥങ്ഗതം, നോ ച വത രേ വത്തബ്ബേ – ‘‘അതീതം അത്ഥീ’’തി.
283. Atītaṃ atthīti? Āmantā. Nanu atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ, no ca vata re vattabbe – ‘‘atītaṃ atthī’’ti.
അനാഗതം അത്ഥീതി? ആമന്താ. നനു അനാഗതം അജാതം അഭൂതം അസഞ്ജാതം അനിബ്ബത്തം അനഭിനിബ്ബത്തം അപാതുഭൂതന്തി? ആമന്താ. ഹഞ്ചി അനാഗതം അജാതം അഭൂതം അസഞ്ജാതം അനിബ്ബത്തം അനഭിനിബ്ബത്തം അപാതുഭൂതം, നോ ച വത രേ വത്തബ്ബേ – ‘‘അനാഗതം അത്ഥീ’’തി.
Anāgataṃ atthīti? Āmantā. Nanu anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ, no ca vata re vattabbe – ‘‘anāgataṃ atthī’’ti.
പച്ചുപ്പന്നം അത്ഥി പച്ചുപ്പന്നം അനിരുദ്ധം അവിഗതം അവിപരിണതം ന അത്ഥങ്ഗതം ന അബ്ഭത്ഥങ്ഗതന്തി? ആമന്താ. അതീതം അത്ഥി അതീതം അനിരുദ്ധം അവിഗതം അവിപരിണതം ന അത്ഥങ്ഗതം ന അബ്ഭത്ഥങ്ഗതന്തി? ന ഹേവം വത്തബ്ബേ…പേ॰… പച്ചുപ്പന്നം അത്ഥി പച്ചുപ്പന്നം ജാതം ഭൂതം സഞ്ജാതം നിബ്ബത്തം അഭിനിബ്ബത്തം പാതുഭൂതന്തി? ആമന്താ. അനാഗതം അത്ഥി അനാഗതം ജാതം ഭൂതം സഞ്ജാതം നിബ്ബത്തം അഭിനിബ്ബത്തം പാതുഭൂതന്തി? ന ഹേവം വത്തബ്ബേ…പേ॰….
Paccuppannaṃ atthi paccuppannaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ atthi atītaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe…pe… paccuppannaṃ atthi paccuppannaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ atthi anāgataṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe…pe….
അതീതം അത്ഥി അതീതം നിരുദ്ധം വിഗതം വിപരിണതം അത്ഥങ്ഗതം അബ്ഭത്ഥങ്ഗതന്തി? ആമന്താ. പച്ചുപ്പന്നം അത്ഥി പച്ചുപ്പന്നം നിരുദ്ധം വിഗതം വിപരിണതം അത്ഥങ്ഗതം അബ്ഭത്ഥങ്ഗതന്തി? ന ഹേവം വത്തബ്ബേ…പേ॰… അനാഗതം അത്ഥി അനാഗതം അജാതം അഭൂതം അസഞ്ജാതം അനിബ്ബത്തം അനഭിനിബ്ബത്തം അപാതുഭൂതന്തി? ആമന്താ. പച്ചുപ്പന്നം അത്ഥി പച്ചുപ്പന്നം അജാതം അഭൂതം അസഞ്ജാതം അനിബ്ബത്തം അനഭിനിബ്ബത്തം അപാതുഭൂതന്തി? ന ഹേവം വത്തബ്ബേ.
Atītaṃ atthi atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ atthi paccuppannaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe…pe… anāgataṃ atthi anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ atthi paccuppannaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
൨൮൪. അതീതം രൂപം അത്ഥീതി? ആമന്താ. നനു അതീതം രൂപം നിരുദ്ധം വിഗതം വിപരിണതം അത്ഥങ്ഗതം അബ്ഭത്ഥങ്ഗതന്തി? ആമന്താ. ഹഞ്ചി അതീതം രൂപം നിരുദ്ധം…പേ॰… അബ്ഭത്ഥങ്ഗതം, നോ ച വത രേ വത്തബ്ബേ – ‘‘അതീതം രൂപം അത്ഥീ’’തി.
284. Atītaṃ rūpaṃ atthīti? Āmantā. Nanu atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ rūpaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ rūpaṃ atthī’’ti.
അനാഗതം രൂപം അത്ഥീതി? ആമന്താ. നനു അനാഗതം രൂപം അജാതം അഭൂതം അസഞ്ജാതം അനിബ്ബത്തം അനഭിനിബ്ബത്തം അപാതുഭൂതന്തി? ആമന്താ. ഹഞ്ചി അനാഗതം രൂപം അജാതം…പേ॰… അപാതുഭൂതം, നോ ച വത രേ വത്തബ്ബേ – ‘‘അനാഗതം രൂപം അത്ഥീ’’തി.
Anāgataṃ rūpaṃ atthīti? Āmantā. Nanu anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ rūpaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ rūpaṃ atthī’’ti.
പച്ചുപ്പന്നം രൂപം അത്ഥി പച്ചുപ്പന്നം രൂപം അനിരുദ്ധം അവിഗതം അവിപരിണതം ന അത്ഥങ്ഗതം ന അബ്ഭത്ഥങ്ഗതന്തി? ആമന്താ. അതീതം രൂപം അത്ഥി അതീതം രൂപം അനിരുദ്ധം അവിഗതം അവിപരിണതം ന അത്ഥങ്ഗതം ന അബ്ഭത്ഥങ്ഗതന്തി? ന ഹേവം വത്തബ്ബേ.
Paccuppannaṃ rūpaṃ atthi paccuppannaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ rūpaṃ atthi atītaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe.
പച്ചുപ്പന്നം രൂപം അത്ഥി പച്ചുപ്പന്നം രൂപം ജാതം ഭൂതം സഞ്ജാതം നിബ്ബത്തം അഭിനിബ്ബത്തം പാതുഭൂതന്തി? ആമന്താ. അനാഗതം രൂപം അത്ഥി അനാഗതം രൂപം ജാതം ഭൂതം സഞ്ജാതം നിബ്ബത്തം അഭിനിബ്ബത്തം പാതുഭൂതന്തി? ന ഹേവം വത്തബ്ബേ.
Paccuppannaṃ rūpaṃ atthi paccuppannaṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ rūpaṃ atthi anāgataṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe.
അതീതം രൂപം അത്ഥി അതീതം രൂപം നിരുദ്ധം വിഗതം വിപരിണതം അത്ഥങ്ഗതം അബ്ഭത്ഥങ്ഗതന്തി? ആമന്താ. പച്ചുപ്പന്നം രൂപം അത്ഥി പച്ചുപ്പന്നം രൂപം നിരുദ്ധം വിഗതം വിപരിണതം അത്ഥങ്ഗതം അബ്ഭത്ഥങ്ഗതന്തി? ന ഹേവം വത്തബ്ബേ.
Atītaṃ rūpaṃ atthi atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ rūpaṃ atthi paccuppannaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe.
അനാഗതം രൂപം അത്ഥി അനാഗതം രൂപം അജാതം അഭൂതം അസഞ്ജാതം അനിബ്ബത്തം അനഭിനിബ്ബത്തം അപാതുഭൂതന്തി? ആമന്താ. പച്ചുപ്പന്നം രൂപം അത്ഥി പച്ചുപ്പന്നം രൂപം അജാതം അഭൂതം അസഞ്ജാതം അനിബ്ബത്തം അനഭിനിബ്ബത്തം അപാതുഭൂതന്തി? ന ഹേവം വത്തബ്ബേ.
Anāgataṃ rūpaṃ atthi anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ rūpaṃ atthi paccuppannaṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
അതീതാ വേദനാ അത്ഥി…പേ॰… സഞ്ഞാ അത്ഥി, സങ്ഖാരാ അത്ഥി, വിഞ്ഞാണം അത്ഥീതി? ആമന്താ. നനു അതീതം വിഞ്ഞാണം നിരുദ്ധം വിഗതം വിപരിണതം അത്ഥങ്ഗതം അബ്ഭത്ഥങ്ഗതന്തി? ആമന്താ . ഹഞ്ചി അതീതം വിഞ്ഞാണം നിരുദ്ധം…പേ॰… അബ്ഭത്ഥങ്ഗതം, നോ ച വത രേ വത്തബ്ബേ – ‘‘അതീതം വിഞ്ഞാണം അത്ഥീ’’തി.
Atītā vedanā atthi…pe… saññā atthi, saṅkhārā atthi, viññāṇaṃ atthīti? Āmantā. Nanu atītaṃ viññāṇaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā . Hañci atītaṃ viññāṇaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ viññāṇaṃ atthī’’ti.
അനാഗതം വിഞ്ഞാണം അത്ഥീതി? ആമന്താ. നനു അനാഗതം വിഞ്ഞാണം അജാതം അഭൂതം അസഞ്ജാതം അനിബ്ബത്തം അനഭിനിബ്ബത്തം അപാതുഭൂതന്തി? ആമന്താ. ഹഞ്ചി അനാഗതം വിഞ്ഞാണം അജാതം…പേ॰… അപാതുഭൂതം, നോ ച വത രേ വത്തബ്ബേ – ‘‘അനാഗതം വിഞ്ഞാണം അത്ഥീ’’തി.
Anāgataṃ viññāṇaṃ atthīti? Āmantā. Nanu anāgataṃ viññāṇaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ viññāṇaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ viññāṇaṃ atthī’’ti.
പച്ചുപ്പന്നം വിഞ്ഞാണം അത്ഥി പച്ചുപ്പന്നം വിഞ്ഞാണം അനിരുദ്ധം…പേ॰… ന അബ്ഭത്ഥങ്ഗതന്തി? ആമന്താ. അതീതം വിഞ്ഞാണം അത്ഥി അതീതം വിഞ്ഞാണം അനിരുദ്ധം…പേ॰… ന അബ്ഭത്ഥങ്ഗതന്തി? ന ഹേവം വത്തബ്ബേ.
Paccuppannaṃ viññāṇaṃ atthi paccuppannaṃ viññāṇaṃ aniruddhaṃ…pe… na abbhatthaṅgatanti? Āmantā. Atītaṃ viññāṇaṃ atthi atītaṃ viññāṇaṃ aniruddhaṃ…pe… na abbhatthaṅgatanti? Na hevaṃ vattabbe.
പച്ചുപ്പന്നം വിഞ്ഞാണം അത്ഥി പച്ചുപ്പന്നം വിഞ്ഞാണം ജാതം…പേ॰… പാതുഭൂതന്തി? ആമന്താ. അനാഗതം വിഞ്ഞാണം അത്ഥി അനാഗതം വിഞ്ഞാണം ജാതം…പേ॰… പാതുഭൂതന്തി? ന ഹേവം വത്തബ്ബേ.
Paccuppannaṃ viññāṇaṃ atthi paccuppannaṃ viññāṇaṃ jātaṃ…pe… pātubhūtanti? Āmantā. Anāgataṃ viññāṇaṃ atthi anāgataṃ viññāṇaṃ jātaṃ…pe… pātubhūtanti? Na hevaṃ vattabbe.
അതീതം വിഞ്ഞാണം അത്ഥി അതീതം വിഞ്ഞാണം നിരുദ്ധം…പേ॰… അബ്ഭത്ഥങ്ഗതന്തി? ആമന്താ. പച്ചുപ്പന്നം വിഞ്ഞാണം അത്ഥി പച്ചുപ്പന്നം വിഞ്ഞാണം നിരുദ്ധം…പേ॰… അബ്ഭത്ഥങ്ഗതന്തി? ന ഹേവം വത്തബ്ബേ. അനാഗതം വിഞ്ഞാണം അത്ഥി അനാഗതം വിഞ്ഞാണം അജാതം…പേ॰… അപാതുഭൂതന്തി? ആമന്താ.
Atītaṃ viññāṇaṃ atthi atītaṃ viññāṇaṃ niruddhaṃ…pe… abbhatthaṅgatanti? Āmantā. Paccuppannaṃ viññāṇaṃ atthi paccuppannaṃ viññāṇaṃ niruddhaṃ…pe… abbhatthaṅgatanti? Na hevaṃ vattabbe. Anāgataṃ viññāṇaṃ atthi anāgataṃ viññāṇaṃ ajātaṃ…pe… apātubhūtanti? Āmantā.
പച്ചുപ്പന്നം വിഞ്ഞാണം അത്ഥി പച്ചുപ്പന്നം വിഞ്ഞാണം അജാതം…പേ॰… അപാതുഭൂതന്തി? ന ഹേവം വത്തബ്ബേ.
Paccuppannaṃ viññāṇaṃ atthi paccuppannaṃ viññāṇaṃ ajātaṃ…pe… apātubhūtanti? Na hevaṃ vattabbe.
൨൮൫. ‘‘പച്ചുപ്പന്നന്തി വാ രൂപ’’ന്തി വാ, ‘‘രൂപന്തി വാ പച്ചുപ്പന്ന’’ന്തി വാ പച്ചുപ്പന്നം രൂപം അപ്പിയം കരിത്വാ ഏസേസേ ഏകട്ഠേ സമേ സമഭാഗേ തജ്ജാതേതി? ആമന്താ. പച്ചുപ്പന്നം രൂപം നിരുജ്ഝമാനം പച്ചുപ്പന്നഭാവം ജഹതീതി? ആമന്താ. രൂപഭാവം ജഹതീതി? ന ഹേവം വത്തബ്ബേ…പേ॰….
285. ‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ paccuppannabhāvaṃ jahatīti? Āmantā. Rūpabhāvaṃ jahatīti? Na hevaṃ vattabbe…pe….
‘‘പച്ചുപ്പന്നന്തി വാ രൂപ’’ന്തി വാ, ‘‘രൂപന്തി വാ പച്ചുപ്പന്ന’’ന്തി വാ പച്ചുപ്പന്നം രൂപം അപ്പിയം കരിത്വാ ഏസേസേ ഏകട്ഠേ സമേ സമഭാഗേ തജ്ജാതേതി? ആമന്താ. പച്ചുപ്പന്നം രൂപം നിരുജ്ഝമാനം രൂപഭാവം ന ജഹതീതി? ആമന്താ. പച്ചുപ്പന്നഭാവം ന ജഹതീതി? ന ഹേവം വത്തബ്ബേ…പേ॰….
‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ rūpabhāvaṃ na jahatīti? Āmantā. Paccuppannabhāvaṃ na jahatīti? Na hevaṃ vattabbe…pe….
‘‘ഓദാതന്തി വാ വത്ഥ’’ന്തി വാ, ‘‘വത്ഥന്തി വാ ഓദാത’’ന്തി വാ ഓദാതം വത്ഥം അപ്പിയം കരിത്വാ ഏസേസേ ഏകട്ഠേ സമേ സമഭാഗേ തജ്ജാതേതി? ആമന്താ. ഓദാതം വത്ഥം രജ്ജമാനം ഓദാതഭാവം ജഹതീതി? ആമന്താ. വത്ഥഭാവം ജഹതീതി? ന ഹേവം വത്തബ്ബേ.
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ odātabhāvaṃ jahatīti? Āmantā. Vatthabhāvaṃ jahatīti? Na hevaṃ vattabbe.
‘‘ഓദാതന്തി വാ വത്ഥ’’ന്തി വാ, ‘‘വത്ഥന്തി വാ ഓദാത’’ന്തി വാ ഓദാതം വത്ഥം അപ്പിയം കരിത്വാ ഏസേസേ ഏകട്ഠേ സമേ സമഭാഗേ തജ്ജാതേതി? ആമന്താ. ഓദാതം വത്ഥം രജ്ജമാനം വത്ഥഭാവം ന ജഹതീതി? ആമന്താ. ഓദാതഭാവം ന ജഹതീതി? ന ഹേവം വത്തബ്ബേ.…പേ॰….
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ vatthabhāvaṃ na jahatīti? Āmantā. Odātabhāvaṃ na jahatīti? Na hevaṃ vattabbe.…Pe….
൨൮൬. രൂപം രൂപഭാവം ന ജഹതീതി? ആമന്താ. രൂപം നിച്ചം ധുവം സസ്സതം അവിപരിണാമധമ്മന്തി ? ന ഹേവം വത്തബ്ബേ. നനു രൂപം രൂപഭാവം ന ജഹതീതി രൂപം അനിച്ചം അധുവം അസസ്സതം വിപരിണാമധമ്മന്തി? ആമന്താ. ഹഞ്ചി രൂപം അനിച്ചം അധുവം അസസ്സതം വിപരിണാമധമ്മം, നോ ച വത രേ വത്തബ്ബേ – ‘‘രൂപം രൂപഭാവം ന ജഹതീ’’തി.
286. Rūpaṃ rūpabhāvaṃ na jahatīti? Āmantā. Rūpaṃ niccaṃ dhuvaṃ sassataṃ avipariṇāmadhammanti ? Na hevaṃ vattabbe. Nanu rūpaṃ rūpabhāvaṃ na jahatīti rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci rūpaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘rūpaṃ rūpabhāvaṃ na jahatī’’ti.
നിബ്ബാനം നിബ്ബാനഭാവം ന ജഹതീതി നിബ്ബാനം നിച്ചം ധുവം സസ്സതം അവിപരിണാമധമ്മന്തി? ആമന്താ. രൂപം രൂപഭാവം ന ജഹതീതി 1 രൂപം നിച്ചം ധുവം സസ്സതം അവിപരിണാമധമ്മന്തി? ന ഹേവം വത്തബ്ബേ…പേ॰… രൂപം രൂപഭാവം ന ജഹതി രൂപം അനിച്ചം അധുവം അസസ്സതം വിപരിണാമധമ്മന്തി? ആമന്താ. നിബ്ബാനം നിബ്ബാനഭാവം ന ജഹതി നിബ്ബാനം അനിച്ചം അധുവം അസസ്സതം വിപരിണാമധമ്മന്തി? ന ഹേവം വത്തബ്ബേ…പേ॰….
Nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti? Āmantā. Rūpaṃ rūpabhāvaṃ na jahatīti 2 rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… rūpaṃ rūpabhāvaṃ na jahati rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
അതീതം അത്ഥി അതീതം അതീതഭാവം ന ജഹതീതി? ആമന്താ. അനാഗതം അത്ഥി അനാഗതം അനാഗതഭാവം ന ജഹതീതി? ന ഹേവം വത്തബ്ബേ. അതീതം അത്ഥി അതീതം അതീതഭാവം ന ജഹതീതി? ആമന്താ. പച്ചുപ്പന്നം അത്ഥി പച്ചുപ്പന്നം പച്ചുപ്പന്നഭാവം ന ജഹതീതി? ന ഹേവം വത്തബ്ബേ…പേ॰….
Atītaṃ atthi atītaṃ atītabhāvaṃ na jahatīti? Āmantā. Anāgataṃ atthi anāgataṃ anāgatabhāvaṃ na jahatīti? Na hevaṃ vattabbe. Atītaṃ atthi atītaṃ atītabhāvaṃ na jahatīti? Āmantā. Paccuppannaṃ atthi paccuppannaṃ paccuppannabhāvaṃ na jahatīti? Na hevaṃ vattabbe…pe….
അതീതം അത്ഥി അതീതം അതീതഭാവം ന ജഹതീതി? ആമന്താ. അതീതം നിച്ചം ധുവം സസ്സതം അവിപരിണാമധമ്മന്തി? ന ഹേവം വത്തബ്ബേ…പേ॰… നനു അതീതം അനിച്ചം അധുവം അസസ്സതം വിപരിണാമധമ്മന്തി? ആമന്താ. ഹഞ്ചി അതീതം അനിച്ചം അധുവം അസസ്സതം വിപരിണാമധമ്മം, നോ ച വത രേ വത്തബ്ബേ – ‘‘അതീതം അത്ഥി അതീതം അതീതഭാവം ന ജഹതീ’’തി.
Atītaṃ atthi atītaṃ atītabhāvaṃ na jahatīti? Āmantā. Atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ atthi atītaṃ atītabhāvaṃ na jahatī’’ti.
നിബ്ബാനം അത്ഥി നിബ്ബാനം നിബ്ബാനഭാവം ന ജഹതീതി നിബ്ബാനം നിച്ചം ധുവം സസ്സതം അവിപരിണാമധമ്മന്തി ? ആമന്താ. അതീതം അത്ഥി അതീതം അതീതഭാവം ന ജഹതീതി അതീതം നിച്ചം ധുവം സസ്സതം അവിപരിണാമധമ്മന്തി? ന ഹേവം വത്തബ്ബേ…പേ॰….
Nibbānaṃ atthi nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti ? Āmantā. Atītaṃ atthi atītaṃ atītabhāvaṃ na jahatīti atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe….
അതീതം അത്ഥി അതീതം അതീതഭാവം ന ജഹതി അതീതം അനിച്ചം അധുവം അസസ്സതം വിപരിണാമധമ്മന്തി? ആമന്താ. നിബ്ബാനം അത്ഥി നിബ്ബാനം നിബ്ബാനഭാവം ന ജഹതി നിബ്ബാനം അനിച്ചം അധുവം അസസ്സതം വിപരിണാമധമ്മന്തി? ന ഹേവം വത്തബ്ബേ…പേ॰….
Atītaṃ atthi atītaṃ atītabhāvaṃ na jahati atītaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
൨൮൭. അതീതം രൂപം അത്ഥി അതീതം രൂപം അതീതഭാവം ന ജഹതീതി? ആമന്താ. അനാഗതം രൂപം അത്ഥി അനാഗതം രൂപം അനാഗതഭാവം ന ജഹതീതി? ന ഹേവം വത്തബ്ബേ…പേ॰… അതീതം രൂപം അത്ഥി അതീതം രൂപം അതീതഭാവം ന ജഹതീതി? ആമന്താ. പച്ചുപ്പന്നം രൂപം അത്ഥി പച്ചുപ്പന്നം രൂപം പച്ചുപ്പന്നഭാവം ന ജഹതീതി? ന ഹേവം വത്തബ്ബേ…പേ॰….
287. Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Anāgataṃ rūpaṃ atthi anāgataṃ rūpaṃ anāgatabhāvaṃ na jahatīti? Na hevaṃ vattabbe…pe… atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Paccuppannaṃ rūpaṃ atthi paccuppannaṃ rūpaṃ paccuppannabhāvaṃ na jahatīti? Na hevaṃ vattabbe…pe….
അതീതം രൂപം അത്ഥി അതീതം രൂപം അതീതഭാവം ന ജഹതീതി? ആമന്താ. അതീതം രൂപം നിച്ചം ധുവം സസ്സതം അവിപരിണാമധമ്മന്തി? ന ഹേവം വത്തബ്ബേ…പേ॰… നനു അതീതം രൂപം അനിച്ചം അധുവം അസസ്സതം വിപരിണാമധമ്മന്തി? ആമന്താ. ഹഞ്ചി അതീതം രൂപം അനിച്ചം…പേ॰… വിപരിണാമധമ്മം, നോ ച വത രേ വത്തബ്ബേ – ‘‘അതീതം രൂപം അത്ഥി അതീതം രൂപം അതീതഭാവം ന ജഹതീ’’തി.
Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Atītaṃ rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ rūpaṃ aniccaṃ…pe… vipariṇāmadhammaṃ, no ca vata re vattabbe – ‘‘atītaṃ rūpaṃ atthi atītaṃ rūpaṃ atītabhāvaṃ na jahatī’’ti.
അതീതം രൂപം അത്ഥി അതീതം രൂപം അതീതഭാവം ന ജഹതി അതീതം രൂപം അനിച്ചം അധുവം അസസ്സതം വിപരിണാമധമ്മന്തി? ആമന്താ. നിബ്ബാനം അത്ഥി നിബ്ബാനം നിബ്ബാനഭാവം ന ജഹതി നിബ്ബാനം അനിച്ചം അധുവം അസസ്സതം വിപരിണാമധമ്മന്തി? ന ഹേവം വത്തബ്ബേ…പേ॰….
Atītaṃ rūpaṃ atthi atītaṃ rūpaṃ atītabhāvaṃ na jahati atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
അതീതാ വേദനാ അത്ഥി… അതീതാ സഞ്ഞാ അത്ഥി… അതീതാ സങ്ഖാരാ അത്ഥി… അതീതം വിഞ്ഞാണം അത്ഥി അതീതം വിഞ്ഞാണം അതീതഭാവം ന ജഹതീതി? ആമന്താ. അനാഗതം വിഞ്ഞാണം അത്ഥി അനാഗതം വിഞ്ഞാണം അനാഗതഭാവം ന ജഹതീതി? ന ഹേവം വത്തബ്ബേ…പേ॰… അതീതം വിഞ്ഞാണം അത്ഥി അതീതം വിഞ്ഞാണം അതീതഭാവം ന ജഹതീതി? ആമന്താ. പച്ചുപ്പന്നം വിഞ്ഞാണം അത്ഥി പച്ചുപ്പന്നം വിഞ്ഞാണം പച്ചുപ്പന്നഭാവം ന ജഹതീതി? ന ഹേവം വത്തബ്ബേ…പേ॰….
Atītā vedanā atthi… atītā saññā atthi… atītā saṅkhārā atthi… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Anāgataṃ viññāṇaṃ atthi anāgataṃ viññāṇaṃ anāgatabhāvaṃ na jahatīti? Na hevaṃ vattabbe…pe… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Paccuppannaṃ viññāṇaṃ atthi paccuppannaṃ viññāṇaṃ paccuppannabhāvaṃ na jahatīti? Na hevaṃ vattabbe…pe….
അനാഗതം വിഞ്ഞാണം അത്ഥി അനാഗതം വിഞ്ഞാണം അനാഗതഭാവം ജഹതീതി? ആമന്താ. അതീതം വിഞ്ഞാണം അത്ഥി അതീതം വിഞ്ഞാണം അതീതഭാവം ജഹതീതി? ന ഹേവം വത്തബ്ബേ…പേ॰….
Anāgataṃ viññāṇaṃ atthi anāgataṃ viññāṇaṃ anāgatabhāvaṃ jahatīti? Āmantā. Atītaṃ viññāṇaṃ atthi atītaṃ viññāṇaṃ atītabhāvaṃ jahatīti? Na hevaṃ vattabbe…pe….
അതീതം വിഞ്ഞാണം അത്ഥി അതീതം വിഞ്ഞാണം അതീതഭാവം ന ജഹതീതി? ആമന്താ. അതീതം വിഞ്ഞാണം നിച്ചം ധുവം സസ്സതം അവിപരിണാമധമ്മന്തി? ന ഹേവം വത്തബ്ബേ…പേ॰… നനു അതീതം വിഞ്ഞാണം അനിച്ചം അധുവം അസസ്സതം വിപരിണാമധമ്മന്തി? ആമന്താ. ഹഞ്ചി അതീതം വിഞ്ഞാണം അനിച്ചം അധുവം അസസ്സതം വിപരിണാമധമ്മം, നോ ച വത രേ വത്തബ്ബേ – ‘‘അതീതം വിഞ്ഞാണം അത്ഥി അതീതം വിഞ്ഞാണം അതീതഭാവം ന ജഹതീ’’തി.
Atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Atītaṃ viññāṇaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ viññāṇaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ viññāṇaṃ atthi atītaṃ viññāṇaṃ atītabhāvaṃ na jahatī’’ti.
അതീതം വിഞ്ഞാണം അത്ഥി അതീതം വിഞ്ഞാണം അതീതഭാവം ന ജഹതി അതീതം വിഞ്ഞാണം അനിച്ചം അധുവം അസസ്സതം വിപരിണാമധമ്മന്തി? ആമന്താ. നിബ്ബാനം അത്ഥി നിബ്ബാനം നിബ്ബാനഭാവം ന ജഹതി നിബ്ബാനം അനിച്ചം അധുവം അസസ്സതം വിപരിണാമധമ്മന്തി? ന ഹേവം വത്തബ്ബേ…പേ॰….
Atītaṃ viññāṇaṃ atthi atītaṃ viññāṇaṃ atītabhāvaṃ na jahati atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
വചനസോധനാ
Vacanasodhanā
൨൮൮. അതീതം ന്വത്ഥീതി? ആമന്താ. ഹഞ്ചി അതീതം ന്വത്ഥി, അതീതം അത്ഥീതി മിച്ഛാ. ഹഞ്ചി വാ പന അത്ഥി ന്വാതീതം, അത്ഥി അതീതന്തി മിച്ഛാ. അനാഗതം ന്വത്ഥീതി? ആമന്താ. ഹഞ്ചി അനാഗതം ന്വത്ഥി, അനാഗതം അത്ഥീതി മിച്ഛാ. ഹഞ്ചി വാ പന അത്ഥി ന്വാനാഗതം, അത്ഥി അനാഗതന്തി മിച്ഛാ.
288. Atītaṃ nvatthīti? Āmantā. Hañci atītaṃ nvatthi, atītaṃ atthīti micchā. Hañci vā pana atthi nvātītaṃ, atthi atītanti micchā. Anāgataṃ nvatthīti? Āmantā. Hañci anāgataṃ nvatthi, anāgataṃ atthīti micchā. Hañci vā pana atthi nvānāgataṃ, atthi anāgatanti micchā.
അനാഗതം ഹുത്വാ പച്ചുപ്പന്നം ഹോതീതി? ആമന്താ. തഞ്ഞേവ അനാഗതം തം പച്ചുപ്പന്നന്തി? ന ഹേവം വത്തബ്ബേ…പേ॰… തഞ്ഞേവ അനാഗതം തം പച്ചുപ്പന്നന്തി? ആമന്താ. ഹുത്വാ ഹോതി ഹുത്വാ ഹോതീതി? ന ഹേവം വത്തബ്ബേ…പേ॰… ഹുത്വാ ഹോതി ഹുത്വാ ഹോതീതി? ആമന്താ. ന ഹുത്വാ ന ഹോതി ന ഹുത്വാ ന ഹോതീതി? ന ഹേവം വത്തബ്ബേ…പേ॰….
Anāgataṃ hutvā paccuppannaṃ hotīti? Āmantā. Taññeva anāgataṃ taṃ paccuppannanti? Na hevaṃ vattabbe…pe… taññeva anāgataṃ taṃ paccuppannanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
പച്ചുപ്പന്നം ഹുത്വാ അതീതം ഹോതീതി? ആമന്താ. തഞ്ഞേവ പച്ചുപ്പന്നം തം അതീതന്തി? ന ഹേവം വത്തബ്ബേ…പേ॰… തഞ്ഞേവ പച്ചുപ്പന്നം തം അതീതന്തി? ആമന്താ . ഹുത്വാ ഹോതി ഹുത്വാ ഹോതീതി? ന ഹേവം വത്തബ്ബേ…പേ॰… ഹുത്വാ ഹോതി ഹുത്വാ ഹോതീതി? ആമന്താ. ന ഹുത്വാ ന ഹോതി ന ഹുത്വാ ന ഹോതീതി? ന ഹേവം വത്തബ്ബേ…പേ॰….
Paccuppannaṃ hutvā atītaṃ hotīti? Āmantā. Taññeva paccuppannaṃ taṃ atītanti? Na hevaṃ vattabbe…pe… taññeva paccuppannaṃ taṃ atītanti? Āmantā . Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
അനാഗതം ഹുത്വാ പച്ചുപ്പന്നം ഹോതി, പച്ചുപ്പന്നം ഹുത്വാ അതീതം ഹോതീതി? ആമന്താ. തഞ്ഞേവ അനാഗതം തം പച്ചുപ്പന്നം തം അതീതന്തി? ന ഹേവം വത്തബ്ബേ…പേ॰… തഞ്ഞേവ അനാഗതം തം പച്ചുപ്പന്നം തം അതീതന്തി? ആമന്താ. ഹുത്വാ ഹോതി ഹുത്വാ ഹോതീതി? ന ഹേവം വത്തബ്ബേ…പേ॰… ഹുത്വാ ഹോതി ഹുത്വാ ഹോതീതി? ആമന്താ. ന ഹുത്വാ ന ഹോതി ന ഹുത്വാ ന ഹോതീതി? ന ഹേവം വത്തബ്ബേ.
Anāgataṃ hutvā paccuppannaṃ hoti, paccuppannaṃ hutvā atītaṃ hotīti? Āmantā. Taññeva anāgataṃ taṃ paccuppannaṃ taṃ atītanti? Na hevaṃ vattabbe…pe… taññeva anāgataṃ taṃ paccuppannaṃ taṃ atītanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe.
അതീതചക്ഖുരൂപാദികഥാ
Atītacakkhurūpādikathā
൨൮൯. അതീതം ചക്ഖും അത്ഥി രൂപാ അത്ഥി ചക്ഖുവിഞ്ഞാണം അത്ഥി ആലോകോ അത്ഥി മനസികാരോ അത്ഥീതി? ആമന്താ. അതീതേന ചക്ഖുനാ അതീതം രൂപം പസ്സതീതി? ന ഹേവം വത്തബ്ബേ…പേ॰… അതീതം സോതം അത്ഥി സദ്ദാ അത്ഥി സോതവിഞ്ഞാണം അത്ഥി ആകാസോ അത്ഥി മനസികാരോ അത്ഥീതി? ആമന്താ. അതീതേന സോതേന അതീതം സദ്ദം സുണാതീതി? ന ഹേവം വത്തബ്ബേ…പേ॰… അതീതം ഘാനം അത്ഥി ഗന്ധാ അത്ഥി ഘാനവിഞ്ഞാണം അത്ഥി വായോ അത്ഥി മനസികാരോ അത്ഥീതി? ആമന്താ. അതീതേന ഘാനേന അതീതം ഗന്ധം ഘായതീതി? ന ഹേവം വത്തബ്ബേ…പേ॰… അതീതാ ജിവ്ഹാ അത്ഥി രസാ അത്ഥി ജിവ്ഹാവിഞ്ഞാണം അത്ഥി ആപോ അത്ഥി മനസികാരോ അത്ഥീതി? ആമന്താ . അതീതായ ജിവ്ഹായ അതീതം രസം സായതീതി? ന ഹേവം വത്തബ്ബേ…പേ॰… അതീതോ കായോ അത്ഥി ഫോട്ഠബ്ബാ അത്ഥി കായവിഞ്ഞാണം അത്ഥി പഥവീ അത്ഥി മനസികാരോ അത്ഥീതി? ആമന്താ. അതീതേന കായേന അതീതം ഫോട്ഠബ്ബം ഫുസതീതി? ന ഹേവം വത്തബ്ബേ…പേ॰… അതീതോ മനോ അത്ഥി ധമ്മാ അത്ഥി മനോവിഞ്ഞാണം അത്ഥി വത്ഥും അത്ഥി മനസികാരോ അത്ഥീതി? ആമന്താ. അതീതേന മനേന അതീതം ധമ്മം വിജാനാതീതി? ന ഹേവം വത്തബ്ബേ…പേ॰….
289. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Atītena cakkhunā atītaṃ rūpaṃ passatīti? Na hevaṃ vattabbe…pe… atītaṃ sotaṃ atthi saddā atthi sotaviññāṇaṃ atthi ākāso atthi manasikāro atthīti? Āmantā. Atītena sotena atītaṃ saddaṃ suṇātīti? Na hevaṃ vattabbe…pe… atītaṃ ghānaṃ atthi gandhā atthi ghānaviññāṇaṃ atthi vāyo atthi manasikāro atthīti? Āmantā. Atītena ghānena atītaṃ gandhaṃ ghāyatīti? Na hevaṃ vattabbe…pe… atītā jivhā atthi rasā atthi jivhāviññāṇaṃ atthi āpo atthi manasikāro atthīti? Āmantā . Atītāya jivhāya atītaṃ rasaṃ sāyatīti? Na hevaṃ vattabbe…pe… atīto kāyo atthi phoṭṭhabbā atthi kāyaviññāṇaṃ atthi pathavī atthi manasikāro atthīti? Āmantā. Atītena kāyena atītaṃ phoṭṭhabbaṃ phusatīti? Na hevaṃ vattabbe…pe… atīto mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Atītena manena atītaṃ dhammaṃ vijānātīti? Na hevaṃ vattabbe…pe….
അനാഗതം ചക്ഖും അത്ഥി രൂപാ അത്ഥി ചക്ഖുവിഞ്ഞാണം അത്ഥി ആലോകോ അത്ഥി മനസികാരോ അത്ഥീതി? ആമന്താ. അനാഗതേന ചക്ഖുനാ അനാഗതം രൂപം പസ്സതീതി? ന ഹേവം വത്തബ്ബേ…പേ॰… അനാഗതം സോതം അത്ഥി… ഘാനം അത്ഥി… ജിവ്ഹാ അത്ഥി… കായോ അത്ഥി … മനോ അത്ഥി ധമ്മാ അത്ഥി മനോവിഞ്ഞാണം അത്ഥി വത്ഥും അത്ഥി മനസികാരോ അത്ഥീതി? ആമന്താ. അനാഗതേന മനേന അനാഗതം ധമ്മം വിജാനാതീതി? ന ഹേവം വത്തബ്ബേ…പേ॰….
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Anāgatena cakkhunā anāgataṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi … mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Anāgatena manena anāgataṃ dhammaṃ vijānātīti? Na hevaṃ vattabbe…pe….
പച്ചുപ്പന്നം ചക്ഖും അത്ഥി രൂപാ അത്ഥി ചക്ഖുവിഞ്ഞാണം അത്ഥി ആലോകോ അത്ഥി മനസികാരോ അത്ഥി, പച്ചുപ്പന്നേന ചക്ഖുനാ പച്ചുപ്പന്നം രൂപം പസ്സതീതി? ആമന്താ. അതീതം ചക്ഖും അത്ഥി രൂപാ അത്ഥി ചക്ഖുവിഞ്ഞാണം അത്ഥി ആലോകോ അത്ഥി മനസികാരോ അത്ഥി, അതീതേന ചക്ഖുനാ അതീതം രൂപം പസ്സതീതി? ന ഹേവം വത്തബ്ബേ…പേ॰…. പച്ചുപ്പന്നം സോതം അത്ഥി… ഘാനം അത്ഥി… ജിവ്ഹാ അത്ഥി… കായോ അത്ഥി… മനോ അത്ഥി ധമ്മാ അത്ഥി മനോവിഞ്ഞാണം അത്ഥി വത്ഥും അത്ഥി മനസികാരോ അത്ഥി, പച്ചുപ്പന്നേന മനേന പച്ചുപ്പന്നം ധമ്മം വിജാനാതീതി? ആമന്താ. അതീതോ മനോ അത്ഥി ധമ്മാ അത്ഥി മനോവിഞ്ഞാണം അത്ഥി വത്ഥും അത്ഥി മനസികാരോ അത്ഥി, അതീതേന മനേന അതീതം ധമ്മം വിജാനാതീതി? ന ഹേവം വത്തബ്ബേ…പേ॰….
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, atītena cakkhunā atītaṃ rūpaṃ passatīti? Na hevaṃ vattabbe…pe…. Paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Atīto mano atthi dhammā atthi manoviññāṇaṃ atthi vatthuṃ atthi manasikāro atthi, atītena manena atītaṃ dhammaṃ vijānātīti? Na hevaṃ vattabbe…pe….
പച്ചുപ്പന്നം ചക്ഖും അത്ഥി രൂപാ അത്ഥി ചക്ഖുവിഞ്ഞാണം അത്ഥി ആലോകോ അത്ഥി മനസികാരോ അത്ഥി, പച്ചുപ്പന്നേന ചക്ഖുനാ പച്ചുപ്പന്നം രൂപം പസ്സതീതി? ആമന്താ. അനാഗതം ചക്ഖും അത്ഥി രൂപാ അത്ഥി ചക്ഖുവിഞ്ഞാണം അത്ഥി ആലോകോ അത്ഥി മനസികാരോ അത്ഥി, അനാഗതേന ചക്ഖുനാ അനാഗതം രൂപം പസ്സതീതി? ന ഹേവം വത്തബ്ബേ…പേ॰… പച്ചുപ്പന്നം സോതം അത്ഥി… ഘാനം അത്ഥി… ജിവ്ഹാ അത്ഥി… കായോ അത്ഥി… മനോ അത്ഥി ധമ്മാ അത്ഥി മനോവിഞ്ഞാണം അത്ഥി വത്ഥും അത്ഥി മനസികാരോ അത്ഥി, പച്ചുപ്പന്നേന മനേന പച്ചുപ്പന്നം ധമ്മം വിജാനാതീതി? ആമന്താ. അനാഗതോ മനോ അത്ഥി ധമ്മാ അത്ഥി മനോവിഞ്ഞാണം അത്ഥി വത്ഥും അത്ഥി മനസികാരോ അത്ഥി, അനാഗതേന മനേന അനാഗതം ധമ്മം വിജാനാതീതി? ന ഹേവം വത്തബ്ബേ…പേ॰….
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, anāgatena cakkhunā anāgataṃ rūpaṃ passatīti? Na hevaṃ vattabbe…pe… paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Anāgato mano atthi dhammā atthi manoviññāṇaṃ atthi vatthuṃ atthi manasikāro atthi, anāgatena manena anāgataṃ dhammaṃ vijānātīti? Na hevaṃ vattabbe…pe….
അതീതം ചക്ഖും അത്ഥി രൂപാ അത്ഥി ചക്ഖുവിഞ്ഞാണം അത്ഥി ആലോകോ അത്ഥി മനസികാരോ അത്ഥി, ന ച അതീതേന ചക്ഖുനാ അതീതം രൂപം പസ്സതീതി? ആമന്താ. പച്ചുപ്പന്നം ചക്ഖും അത്ഥി രൂപാ അത്ഥി ചക്ഖുവിഞ്ഞാണം അത്ഥി ആലോകോ അത്ഥി മനസികാരോ അത്ഥി, ന ച പച്ചുപ്പന്നേന ചക്ഖുനാ പച്ചുപ്പന്നം രൂപം പസ്സതീതി? ന ഹേവം വത്തബ്ബേ…പേ॰… അതീതം സോതം അത്ഥി… ഘാനം അത്ഥി… ജിവ്ഹാ അത്ഥി… കായോ അത്ഥി… മനോ അത്ഥി ധമ്മാ അത്ഥി മനോവിഞ്ഞാണം അത്ഥി വത്ഥും അത്ഥി മനസികാരോ അത്ഥി, ന ച അതീതേന മനേന അതീതം ധമ്മം വിജാനാതീതി? ആമന്താ. പച്ചുപ്പന്നോ മനോ അത്ഥി ധമ്മാ അത്ഥി മനോവിഞ്ഞാണം അത്ഥി വത്ഥും അത്ഥി മനസികാരോ അത്ഥി, ന ച പച്ചുപ്പന്നേന മനേന പച്ചുപ്പന്നം ധമ്മം വിജാനാതീതി? ന ഹേവം വത്തബ്ബേ…പേ॰….
Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca atītena cakkhunā atītaṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… atītaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca atītena manena atītaṃ dhammaṃ vijānātīti? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
അനാഗതം ചക്ഖും അത്ഥി രൂപാ അത്ഥി ചക്ഖുവിഞ്ഞാണം അത്ഥി ആലോകോ അത്ഥി മനസികാരോ അത്ഥി, ന ച അനാഗതേന ചക്ഖുനാ അനാഗതം രൂപം പസ്സതീതി? ആമന്താ. പച്ചുപ്പന്നം ചക്ഖും അത്ഥി രൂപാ അത്ഥി ചക്ഖുവിഞ്ഞാണം അത്ഥി ആലോകോ അത്ഥി മനസികാരോ അത്ഥി, ന ച പച്ചുപ്പന്നേന ചക്ഖുനാ പച്ചുപ്പന്നം രൂപം പസ്സതീതി? ന ഹേവം വത്തബ്ബേ…പേ॰… അനാഗതം സോതം അത്ഥി… ഘാനം അത്ഥി… ജിവ്ഹാ അത്ഥി… കായോ അത്ഥി… മനോ അത്ഥി ധമ്മാ അത്ഥി മനോവിഞ്ഞാണം അത്ഥി വത്ഥും അത്ഥി മനസികാരോ അത്ഥി, ന ച അനാഗതേന മനേന അനാഗതം ധമ്മം വിജാനാതീതി ? ആമന്താ. പച്ചുപ്പന്നോ മനോ അത്ഥി ധമ്മാ അത്ഥി മനോവിഞ്ഞാണം അത്ഥി വത്ഥും അത്ഥി മനസികാരോ അത്ഥി, ന ച പച്ചുപ്പന്നേന മനേന പച്ചുപ്പന്നം ധമ്മം വിജാനാതീതി? ന ഹേവം വത്തബ്ബേ…പേ॰….
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca anāgatena cakkhunā anāgataṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca anāgatena manena anāgataṃ dhammaṃ vijānātīti ? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
അതീതഞാണാദികഥാ
Atītañāṇādikathā
൨൯൦. അതീതം ഞാണം അത്ഥീതി? ആമന്താ. തേന ഞാണേന ഞാണകരണീയം കരോതീതി? ന ഹേവം വത്തബ്ബേ…പേ॰… തേന ഞാണേന ഞാണകരണീയം കരോതീതി ? ആമന്താ. തേന ഞാണേന ദുക്ഖം പരിജാനാതി, സമുദയം പജഹതി, നിരോധം സച്ഛികരോതി, മഗ്ഗം ഭാവേതീതി? ന ഹേവം വത്തബ്ബേ…പേ॰….
290. Atītaṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti ? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
അനാഗതം ഞാണം അത്ഥീതി? ആമന്താ. തേന ഞാണേന ഞാണകരണീയം കരോതീതി? ന ഹേവം വത്തബ്ബേ…പേ॰… തേന ഞാണേന ഞാണകരണീയം കരോതീതി? ആമന്താ. തേന ഞാണേന ദുക്ഖം പരിജാനാതി, സമുദയം പജഹതി, നിരോധം സച്ഛികരോതി , മഗ്ഗം ഭാവേതീതി? ന ഹേവം വത്തബ്ബേ…പേ॰….
Anāgataṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti , maggaṃ bhāvetīti? Na hevaṃ vattabbe…pe….
പച്ചുപ്പന്നം ഞാണം അത്ഥി, തേന ഞാണേന ഞാണകരണീയം കരോതീതി? ആമന്താ. അതീതം ഞാണം അത്ഥി, തേന ഞാണേന ഞാണകരണീയം കരോതീതി? ന ഹേവം വത്തബ്ബേ…പേ॰… പച്ചുപ്പന്നം ഞാണം അത്ഥി, തേന ഞാണേന ദുക്ഖം പരിജാനാതി, സമുദയം പജഹതി, നിരോധം സച്ഛികരോതി, മഗ്ഗം ഭാവേതീതി? ആമന്താ. അതീതം ഞാണം അത്ഥി, തേന ഞാണേന ദുക്ഖം പരിജാനാതി, സമുദയം പജഹതി, നിരോധം സച്ഛികരോതി, മഗ്ഗം ഭാവേതീതി? ന ഹേവം വത്തബ്ബേ…പേ॰… പച്ചുപ്പന്നം ഞാണം അത്ഥി, തേന ഞാണേന ഞാണകരണീയം കരോതീതി? ആമന്താ. അനാഗതം ഞാണം അത്ഥി, തേന ഞാണേന ഞാണകരണീയം കരോതീതി? ന ഹേവം വത്തബ്ബേ…പേ॰… പച്ചുപ്പന്നം ഞാണം അത്ഥി, തേന ഞാണേന ദുക്ഖം പരിജാനാതി, സമുദയം പജഹതി, നിരോധം സച്ഛികരോതി, മഗ്ഗം ഭാവേതീതി? ആമന്താ . അനാഗതം ഞാണം അത്ഥി, തേന ഞാണേന ദുക്ഖം പരിജാനാതി, സമുദയം പജഹതി, നിരോധം സച്ഛികരോതി, മഗ്ഗം ഭാവേതീതി? ന ഹേവം വത്തബ്ബേ…പേ॰….
Paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Atītaṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Atītaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Anāgataṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā . Anāgataṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
അതീതം ഞാണം അത്ഥി, ന ച തേന ഞാണേന ഞാണകരണീയം കരോതീതി? ആമന്താ. പച്ചുപ്പന്നം ഞാണം അത്ഥി, ന ച തേന ഞാണേന ഞാണകരണീയം കരോതീതി? ന ഹേവം വത്തബ്ബേ…പേ॰… അതീതം ഞാണം അത്ഥി, ന ച തേന ഞാണേന ദുക്ഖം പരിജാനാതി, സമുദയം പജഹതി, നിരോധം സച്ഛികരോതി, മഗ്ഗം ഭാവേതീതി? ആമന്താ. പച്ചുപ്പന്നം ഞാണം അത്ഥി, ന ച തേന ഞാണേന ദുക്ഖം പരിജാനാതി, സമുദയം പജഹതി, നിരോധം സച്ഛികരോതി, മഗ്ഗം ഭാവേതീതി? ന ഹേവം വത്തബ്ബേ…പേ॰….
Atītaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe… atītaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
അനാഗതം ഞാണം അത്ഥി, ന ച തേന ഞാണേന ഞാണകരണീയം കരോതീതി? ആമന്താ. പച്ചുപ്പന്നം ഞാണം അത്ഥി, ന ച തേന ഞാണേന ഞാണകരണീയം കരോതീതി? ന ഹേവം വത്തബ്ബേ…പേ॰…. അനാഗതം ഞാണം അത്ഥി, ന ച തേന ഞാണേന ദുക്ഖം പരിജാനാതി, സമുദയം പജഹതി , നിരോധം സച്ഛികരോതി, മഗ്ഗം ഭാവേതീതി? ആമന്താ . പച്ചുപ്പന്നം ഞാണം അത്ഥി, ന ച തേന ഞാണേന ദുക്ഖം പരിജാനാതി, സമുദയം പജഹതി, നിരോധം സച്ഛികരോതി, മഗ്ഗം ഭാവേതീതി? ന ഹേവം വത്തബ്ബേ…പേ॰….
Anāgataṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe…. Anāgataṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati , nirodhaṃ sacchikaroti, maggaṃ bhāvetīti? Āmantā . Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
അരഹന്താദികഥാ
Arahantādikathā
൨൯൧. അരഹതോ അതീതോ രാഗോ അത്ഥീതി? ആമന്താ. അരഹാ തേന രാഗേന സരാഗോതി? ന ഹേവം വത്തബ്ബേ…പേ॰… അരഹതോ അതീതോ ദോസോ അത്ഥീതി? ആമന്താ . അരഹാ തേന ദോസേന സദോസോതി? ന ഹേവം വത്തബ്ബേ…പേ॰… അരഹതോ അതീതോ മോഹോ അത്ഥീതി? ആമന്താ. അരഹാ തേന മോഹേന സമോഹോതി? ന ഹേവം വത്തബ്ബേ…പേ॰… അരഹതോ അതീതോ മാനോ അത്ഥീതി? ആമന്താ. അരഹാ തേന മാനേന സമാനോതി? ന ഹേവം വത്തബ്ബേ…പേ॰… അരഹതോ അതീതാ ദിട്ഠി അത്ഥീതി? ആമന്താ. അരഹാ തായ ദിട്ഠിയാ സദിട്ഠികോതി? ന ഹേവം വത്തബ്ബേ…പേ॰… അരഹതോ അതീതാ വിചികിച്ഛാ അത്ഥീതി? ആമന്താ. അരഹാ തായ വിചികിച്ഛായ സവിചികിച്ഛോതി? ന ഹേവം വത്തബ്ബേ…പേ॰… അരഹതോ അതീതം ഥിനം അത്ഥീതി? ആമന്താ. അരഹാ തേന ഥിനേന സഥിനോതി? ന ഹേവം വത്തബ്ബേ…പേ॰… അരഹതോ അതീതം ഉദ്ധച്ചം അത്ഥീതി? ആമന്താ. അരഹാ തേന ഉദ്ധച്ചേന സഉദ്ധച്ചോതി? ന ഹേവം വത്തബ്ബേ…പേ॰… അരഹതോ അതീതം അഹിരികം അത്ഥീതി? ആമന്താ. അരഹാ തേന അഹിരികേന സഅഹിരികോതി? ന ഹേവം വത്തബ്ബേ…പേ॰… അരഹതോ അതീതം അനോത്തപ്പം അത്ഥീതി? ആമന്താ. അരഹാ തേന അനോത്തപ്പേന സഅനോത്തപ്പീതി? ന ഹേവം വത്തബ്ബേ…പേ॰….
291. Arahato atīto rāgo atthīti? Āmantā. Arahā tena rāgena sarāgoti? Na hevaṃ vattabbe…pe… arahato atīto doso atthīti? Āmantā . Arahā tena dosena sadosoti? Na hevaṃ vattabbe…pe… arahato atīto moho atthīti? Āmantā. Arahā tena mohena samohoti? Na hevaṃ vattabbe…pe… arahato atīto māno atthīti? Āmantā. Arahā tena mānena samānoti? Na hevaṃ vattabbe…pe… arahato atītā diṭṭhi atthīti? Āmantā. Arahā tāya diṭṭhiyā sadiṭṭhikoti? Na hevaṃ vattabbe…pe… arahato atītā vicikicchā atthīti? Āmantā. Arahā tāya vicikicchāya savicikicchoti? Na hevaṃ vattabbe…pe… arahato atītaṃ thinaṃ atthīti? Āmantā. Arahā tena thinena sathinoti? Na hevaṃ vattabbe…pe… arahato atītaṃ uddhaccaṃ atthīti? Āmantā. Arahā tena uddhaccena sauddhaccoti? Na hevaṃ vattabbe…pe… arahato atītaṃ ahirikaṃ atthīti? Āmantā. Arahā tena ahirikena saahirikoti? Na hevaṃ vattabbe…pe… arahato atītaṃ anottappaṃ atthīti? Āmantā. Arahā tena anottappena saanottappīti? Na hevaṃ vattabbe…pe….
അനാഗാമിസ്സ അതീതാ സക്കായദിട്ഠി അത്ഥീതി? ആമന്താ . അനാഗാമീ തായ ദിട്ഠിയാ സദിട്ഠികോതി? ന ഹേവം വത്തബ്ബേ…പേ॰… അനാഗാമിസ്സ അതീതാ വിചികിച്ഛാ അത്ഥി… അതീതോ സീലബ്ബതപരാമാസോ അത്ഥി… അതീതോ അണുസഹഗതോ കാമരാഗോ അത്ഥി… അതീതോ അണുസഹഗതോ ബ്യാപാദോ അത്ഥീതി? ആമന്താ. അനാഗാമീ തേന ബ്യാപാദേന ബ്യാപന്നചിത്തോതി? ന ഹേവം വത്തബ്ബേ…പേ॰….
Anāgāmissa atītā sakkāyadiṭṭhi atthīti? Āmantā . Anāgāmī tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi… atīto sīlabbataparāmāso atthi… atīto aṇusahagato kāmarāgo atthi… atīto aṇusahagato byāpādo atthīti? Āmantā. Anāgāmī tena byāpādena byāpannacittoti? Na hevaṃ vattabbe…pe….
സകദാഗാമിസ്സ അതീതാ സക്കായദിട്ഠി അത്ഥീതി? ആമന്താ. സകദാഗാമീ തായ ദിട്ഠിയാ സദിട്ഠികോതി? ന ഹേവം വത്തബ്ബേ…പേ॰… സകദാഗാമിസ്സ അതീതാ വിചികിച്ഛാ അത്ഥി… അതീതോ സീലബ്ബതപരാമാസോ അത്ഥി… അതീതോ ഓളാരികോ കാമരാഗോ അത്ഥി… അതീതോ ഓളാരികോ ബ്യാപാദോ അത്ഥീതി? ആമന്താ. സകദാഗാമീ തേന ബ്യാപാദേന ബ്യാപന്നചിത്തോതി? ന ഹേവം വത്തബ്ബേ…പേ॰….
Sakadāgāmissa atītā sakkāyadiṭṭhi atthīti? Āmantā. Sakadāgāmī tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi… atīto sīlabbataparāmāso atthi… atīto oḷāriko kāmarāgo atthi… atīto oḷāriko byāpādo atthīti? Āmantā. Sakadāgāmī tena byāpādena byāpannacittoti? Na hevaṃ vattabbe…pe….
സോതാപന്നസ്സ അതീതാ സക്കായദിട്ഠി അത്ഥീതി? ആമന്താ. സോതാപന്നോ തായ ദിട്ഠിയാ സദിട്ഠികോതി? ന ഹേവം വത്തബ്ബേ…പേ॰… സോതാപന്നസ്സ അതീതാ വിചികിച്ഛാ അത്ഥി… അതീതോ സീലബ്ബതപരാമാസോ അത്ഥി… അതീതോ അപായഗമനീയോ രാഗോ അത്ഥി… അതീതോ അപായഗമനീയോ ദോസോ അത്ഥി… അതീതോ അപായഗമനീയോ മോഹോ അത്ഥീതി? ആമന്താ. സോതാപന്നോ തേന മോഹേന സമോഹോതി? ന ഹേവം വത്തബ്ബേ…പേ॰….
Sotāpannassa atītā sakkāyadiṭṭhi atthīti? Āmantā. Sotāpanno tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi… atīto sīlabbataparāmāso atthi… atīto apāyagamanīyo rāgo atthi… atīto apāyagamanīyo doso atthi… atīto apāyagamanīyo moho atthīti? Āmantā. Sotāpanno tena mohena samohoti? Na hevaṃ vattabbe…pe….
൨൯൨. പുഥുജ്ജനസ്സ അതീതോ രാഗോ അത്ഥി, പുഥുജ്ജനോ തേന രാഗേന സരാഗോതി? ആമന്താ. അരഹതോ അതീതോ രാഗോ അത്ഥി, അരഹാ തേന രാഗേന സരാഗോതി? ന ഹേവം വത്തബ്ബേ…പേ॰… പുഥുജ്ജനസ്സ അതീതോ ദോസോ അത്ഥി…പേ॰… അതീതം അനോത്തപ്പം അത്ഥി പുഥുജ്ജനോ തേന അനോത്തപ്പേന അനോത്തപ്പീതി? ആമന്താ. അരഹതോ അതീതം അനോത്തപ്പം അത്ഥി, അരഹാ തേന അനോത്തപ്പേന അനോത്തപ്പീതി? ന ഹേവം വത്തബ്ബേ…പേ॰….
292. Puthujjanassa atīto rāgo atthi, puthujjano tena rāgena sarāgoti? Āmantā. Arahato atīto rāgo atthi, arahā tena rāgena sarāgoti? Na hevaṃ vattabbe…pe… puthujjanassa atīto doso atthi…pe… atītaṃ anottappaṃ atthi puthujjano tena anottappena anottappīti? Āmantā. Arahato atītaṃ anottappaṃ atthi, arahā tena anottappena anottappīti? Na hevaṃ vattabbe…pe….
പുഥുജ്ജനസ്സ അതീതാ സക്കായദിട്ഠി അത്ഥി, പുഥുജ്ജനോ തായ ദിട്ഠിയാ സദിട്ഠികോതി? ആമന്താ. അനാഗാമിസ്സ അതീതാ സക്കായദിട്ഠി അത്ഥി, അനാഗാമീ തായ ദിട്ഠിയാ സദിട്ഠികോതി? ന ഹേവം വത്തബ്ബേ…പേ॰… പുഥുജ്ജനസ്സ അതീതാ വിചികിച്ഛാ അത്ഥി…പേ॰… അതീതോ അണുസഹഗതോ ബ്യാപാദോ അത്ഥി, പുഥുജ്ജനോ തേന ബ്യാപാദേന ബ്യാപന്നചിത്തോതി? ആമന്താ. അനാഗാമിസ്സ അതീതോ അണുസഹഗതോ ബ്യാപാദോ അത്ഥി, അനാഗാമീ തേന ബ്യാപാദേന ബ്യാപന്നചിത്തോതി? ന ഹേവം വത്തബ്ബേ…പേ॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Anāgāmissa atītā sakkāyadiṭṭhi atthi, anāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto aṇusahagato byāpādo atthi, puthujjano tena byāpādena byāpannacittoti? Āmantā. Anāgāmissa atīto aṇusahagato byāpādo atthi, anāgāmī tena byāpādena byāpannacittoti? Na hevaṃ vattabbe…pe….
പുഥുജ്ജനസ്സ അതീതാ സക്കായദിട്ഠി അത്ഥി, പുഥുജ്ജനോ തായ ദിട്ഠിയാ സദിട്ഠികോതി? ആമന്താ. സകദാഗാമിസ്സ അതീതാ സക്കായദിട്ഠി അത്ഥി, സകദാഗാമീ തായ ദിട്ഠിയാ സദിട്ഠികോതി? ന ഹേവം വത്തബ്ബേ…പേ॰… പുഥുജ്ജനസ്സ അതീതാ വിചികിച്ഛാ അത്ഥി… അതീതോ ഓളാരികോ ബ്യാപാദോ അത്ഥി, പുഥുജ്ജനോ തേന ബ്യാപാദേന ബ്യാപന്നചിത്തോതി ? ആമന്താ. സകദാഗാമിസ്സ അതീതോ ഓളാരികോ ബ്യാപാദോ അത്ഥി, സകദാഗാമീ തേന ബ്യാപാദേന ബ്യാപന്നചിത്തോതി? ന ഹേവം വത്തബ്ബേ…പേ॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sakadāgāmissa atītā sakkāyadiṭṭhi atthi, sakadāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi… atīto oḷāriko byāpādo atthi, puthujjano tena byāpādena byāpannacittoti ? Āmantā. Sakadāgāmissa atīto oḷāriko byāpādo atthi, sakadāgāmī tena byāpādena byāpannacittoti? Na hevaṃ vattabbe…pe….
പുഥുജ്ജനസ്സ അതീതാ സക്കായദിട്ഠി അത്ഥി, പുഥുജ്ജനോ തായ ദിട്ഠിയാ സദിട്ഠികോതി? ആമന്താ. സോതാപന്നസ്സ അതീതാ സക്കായദിട്ഠി അത്ഥി, സോതാപന്നോ തായ ദിട്ഠിയാ സദിട്ഠികോതി? ന ഹേവം വത്തബ്ബേ…പേ॰… പുഥുജ്ജനസ്സ അതീതാ വിചികിച്ഛാ അത്ഥി…പേ॰… അതീതോ അപായഗമനീയോ മോഹോ അത്ഥി, പുഥുജ്ജനോ തേന മോഹേന സമോഹോതി? ആമന്താ. സോതാപന്നസ്സ അതീതോ അപായഗമനീയോ മോഹോ അത്ഥി, സോതാപന്നോ തേന മോഹേന സമോഹോതി? ന ഹേവം വത്തബ്ബേ…പേ॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sotāpannassa atītā sakkāyadiṭṭhi atthi, sotāpanno tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto apāyagamanīyo moho atthi, puthujjano tena mohena samohoti? Āmantā. Sotāpannassa atīto apāyagamanīyo moho atthi, sotāpanno tena mohena samohoti? Na hevaṃ vattabbe…pe….
അരഹതോ അതീതോ രാഗോ അത്ഥി, ന ച അരഹാ തേന രാഗേന സരാഗോതി? ആമന്താ. പുഥുജ്ജനസ്സ അതീതോ രാഗോ അത്ഥി, ന ച പുഥുജ്ജനോ തേന രാഗേന സരാഗോതി? ന ഹേവം വത്തബ്ബേ…പേ॰… അരഹതോ അതീതോ ദോസോ അത്ഥി…പേ॰… അതീതം അനോത്തപ്പം അത്ഥി, ന ച അരഹാ തേന അനോത്തപ്പേന അനോത്തപ്പീതി? ആമന്താ. പുഥുജ്ജനസ്സ അതീതം അനോത്തപ്പം അത്ഥി, ന ച പുഥുജ്ജനോ തേന അനോത്തപ്പേന അനോത്തപ്പീതി? ന ഹേവം വത്തബ്ബേ…പേ॰….
Arahato atīto rāgo atthi, na ca arahā tena rāgena sarāgoti? Āmantā. Puthujjanassa atīto rāgo atthi, na ca puthujjano tena rāgena sarāgoti? Na hevaṃ vattabbe…pe… arahato atīto doso atthi…pe… atītaṃ anottappaṃ atthi, na ca arahā tena anottappena anottappīti? Āmantā. Puthujjanassa atītaṃ anottappaṃ atthi, na ca puthujjano tena anottappena anottappīti? Na hevaṃ vattabbe…pe….
അനാഗാമിസ്സ അതീതാ സക്കായദിട്ഠി അത്ഥി, ന ച അനാഗാമീ തായ ദിട്ഠിയാ സദിട്ഠികോതി? ആമന്താ. പുഥുജ്ജനസ്സ അതീതാ സക്കായദിട്ഠി അത്ഥി, ന ച പുഥുജ്ജനോ തായ ദിട്ഠിയാ സദിട്ഠികോതി? ന ഹേവം വത്തബ്ബേ…പേ॰… അനാഗാമിസ്സ അതീതാ വിചികിച്ഛാ അത്ഥി…പേ॰… അതീതോ അണുസഹഗതോ ബ്യാപാദോ അത്ഥി, ന ച അനാഗാമീ തേന ബ്യാപാദേന ബ്യാപന്നചിത്തോതി ? ആമന്താ. പുഥുജ്ജനസ്സ അതീതോ അണുസഹഗതോ ബ്യാപാദോ അത്ഥി, ന ച പുഥുജ്ജനോ തേന ബ്യാപാദേന ബ്യാപന്നചിത്തോതി? ന ഹേവം വത്തബ്ബേ…പേ॰….
Anāgāmissa atītā sakkāyadiṭṭhi atthi, na ca anāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi…pe… atīto aṇusahagato byāpādo atthi, na ca anāgāmī tena byāpādena byāpannacittoti ? Āmantā. Puthujjanassa atīto aṇusahagato byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
സകദാഗാമിസ്സ അതീതാ സക്കായദിട്ഠി അത്ഥി, ന ച സകദാഗാമീ തായ ദിട്ഠിയാ സദിട്ഠികോതി? ആമന്താ. പുഥുജ്ജനസ്സ അതീതാ സക്കായദിട്ഠി അത്ഥി, ന ച പുഥുജ്ജനോ തായ ദിട്ഠിയാ സദിട്ഠികോതി? ന ഹേവം വത്തബ്ബേ…പേ॰… സകദാഗാമിസ്സ അതീതാ വിചികിച്ഛാ അത്ഥി…പേ॰… അതീതോ ഓളാരികോ ബ്യാപാദോ അത്ഥി, ന ച സകദാഗാമീ തേന ബ്യാപാദേന ബ്യാപന്നചിത്തോതി? ആമന്താ. പുഥുജ്ജനസ്സ അതീതോ ഓളാരികോ ബ്യാപാദോ അത്ഥി, ന ച പുഥുജ്ജനോ തേന ബ്യാപാദേന ബ്യാപന്നചിത്തോതി? ന ഹേവം വത്തബ്ബേ…പേ॰….
Sakadāgāmissa atītā sakkāyadiṭṭhi atthi, na ca sakadāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi…pe… atīto oḷāriko byāpādo atthi, na ca sakadāgāmī tena byāpādena byāpannacittoti? Āmantā. Puthujjanassa atīto oḷāriko byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
സോതാപന്നസ്സ അതീതാ സക്കായദിട്ഠി അത്ഥി, ന ച സോതാപന്നോ തായ ദിട്ഠിയാ സദിട്ഠികോതി? ആമന്താ. പുഥുജ്ജനസ്സ അതീതാ സക്കായദിട്ഠി അത്ഥി, ന ച പുഥുജ്ജനോ തായ ദിട്ഠിയാ സദിട്ഠികോതി? ന ഹേവം വത്തബ്ബേ…പേ॰… സോതാപന്നസ്സ അതീതാ വിചികിച്ഛാ അത്ഥി…പേ॰… അതീതോ അപായഗമനീയോ മോഹോ അത്ഥി, ന ച സോതാപന്നോ തേന മോഹേന സമോഹോതി? ആമന്താ. പുഥുജ്ജനസ്സ അതീതോ അപായഗമനീയോ മോഹോ അത്ഥി, ന ച പുഥുജ്ജനോ തേന മോഹേന സമോഹോതി? ന ഹേവം വത്തബ്ബേ…പേ॰….
Sotāpannassa atītā sakkāyadiṭṭhi atthi, na ca sotāpanno tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi…pe… atīto apāyagamanīyo moho atthi, na ca sotāpanno tena mohena samohoti? Āmantā. Puthujjanassa atīto apāyagamanīyo moho atthi, na ca puthujjano tena mohena samohoti? Na hevaṃ vattabbe…pe….
അതീതഹത്ഥാദികഥാ
Atītahatthādikathā
൨൯൩. അതീതാ ഹത്ഥാ അത്ഥീതി? ആമന്താ. അതീതേസു ഹത്ഥേസു സതി ആദാനനിക്ഖേപനം പഞ്ഞായതീതി? ന ഹേവം വത്തബ്ബേ…പേ॰… അതീതാ പാദാ അത്ഥീതി? ആമന്താ. അതീതേസു പാദേസു സതി അഭിക്കമപടിക്കമോ പഞ്ഞായതീതി? ന ഹേവം വത്തബ്ബേ…പേ॰… അതീതാ പബ്ബാ അത്ഥീതി? ആമന്താ. അതീതേസു പബ്ബേസു സതി സമിഞ്ജനപസാരണം പഞ്ഞായതീതി? ന ഹേവം വത്തബ്ബേ…പേ॰… അതീതോ കുച്ഛി അത്ഥീതി? ആമന്താ. അതീതസ്മിം കുച്ഛിസ്മിം സതി ജിഘച്ഛാ പിപാസാ പഞ്ഞായതീതി? ന ഹേവം വത്തബ്ബേ…പേ॰….
293. Atītā hatthā atthīti? Āmantā. Atītesu hatthesu sati ādānanikkhepanaṃ paññāyatīti? Na hevaṃ vattabbe…pe… atītā pādā atthīti? Āmantā. Atītesu pādesu sati abhikkamapaṭikkamo paññāyatīti? Na hevaṃ vattabbe…pe… atītā pabbā atthīti? Āmantā. Atītesu pabbesu sati samiñjanapasāraṇaṃ paññāyatīti? Na hevaṃ vattabbe…pe… atīto kucchi atthīti? Āmantā. Atītasmiṃ kucchismiṃ sati jighacchā pipāsā paññāyatīti? Na hevaṃ vattabbe…pe….
അതീതോ കായോ അത്ഥീതി? ആമന്താ. അതീതോ കായോ പഗ്ഗഹനിഗ്ഗഹുപഗോ ഛേദനഭേദനുപഗോ കാകേഹി ഗിജ്ഝേഹി കുലലേഹി സാധാരണോതി? ന ഹേവം വത്തബ്ബേ…പേ॰… അതീതേ കായേ വിസം കമേയ്യ , സത്ഥം കമേയ്യ, അഗ്ഗി കമേയ്യാതി? ന ഹേവം വത്തബ്ബേ…പേ॰… ലബ്ഭാ അതീതോ കായോ അദ്ദുബന്ധനേന ബന്ധിതും, രജ്ജുബന്ധനേന ബന്ധിതും, സങ്ഖലികബന്ധനേന ബന്ധിതും, ഗാമബന്ധനേന ബന്ധിതും, നിഗമബന്ധനേന ബന്ധിതും, നഗരബന്ധനേന ബന്ധിതും, ജനപദബന്ധനേന ബന്ധിതും, കണ്ഠപഞ്ചമേഹി ബന്ധനേഹി ബന്ധിതുന്തി? ന ഹേവം വത്തബ്ബേ…പേ॰….
Atīto kāyo atthīti? Āmantā. Atīto kāyo paggahaniggahupago chedanabhedanupago kākehi gijjhehi kulalehi sādhāraṇoti? Na hevaṃ vattabbe…pe… atīte kāye visaṃ kameyya , satthaṃ kameyya, aggi kameyyāti? Na hevaṃ vattabbe…pe… labbhā atīto kāyo addubandhanena bandhituṃ, rajjubandhanena bandhituṃ, saṅkhalikabandhanena bandhituṃ, gāmabandhanena bandhituṃ, nigamabandhanena bandhituṃ, nagarabandhanena bandhituṃ, janapadabandhanena bandhituṃ, kaṇṭhapañcamehi bandhanehi bandhitunti? Na hevaṃ vattabbe…pe….
അതീതോ ആപോ അത്ഥീതി? ആമന്താ. തേന ആപേന ആപകരണീയം കരോതീതി? ന ഹേവം വത്തബ്ബേ…പേ॰… അതീതോ തേജോ അത്ഥീതി? ആമന്താ. തേന തേജേന തേജകരണീയം കരോതീതി? ന ഹേവം വത്തബ്ബേ…പേ॰… അതീതോ വായോ അത്ഥീതി? ആമന്താ. തേന വായേന വായകരണീയം കരോതീതി? ന ഹേവം വത്തബ്ബേ…പേ॰….
Atīto āpo atthīti? Āmantā. Tena āpena āpakaraṇīyaṃ karotīti? Na hevaṃ vattabbe…pe… atīto tejo atthīti? Āmantā. Tena tejena tejakaraṇīyaṃ karotīti? Na hevaṃ vattabbe…pe… atīto vāyo atthīti? Āmantā. Tena vāyena vāyakaraṇīyaṃ karotīti? Na hevaṃ vattabbe…pe….
അതീതക്ഖന്ധാദിസമോധാനകഥാ
Atītakkhandhādisamodhānakathā
൨൯൪. അതീതോ രൂപക്ഖന്ധോ അത്ഥി, അനാഗതോ രൂപക്ഖന്ധോ അത്ഥി, പച്ചുപ്പന്നോ രൂപക്ഖന്ധോ അത്ഥീതി? ആമന്താ. തയോ രൂപക്ഖന്ധാതി? ന ഹേവം വത്തബ്ബേ …പേ॰… അതീതാ പഞ്ചക്ഖന്ധാ അത്ഥി, അനാഗതാ പഞ്ചക്ഖന്ധാ അത്ഥി, പച്ചുപ്പന്നാ പഞ്ചക്ഖന്ധാ അത്ഥീതി? ആമന്താ. പന്നരസക്ഖന്ധാതി? ന ഹേവം വത്തബ്ബേ…പേ॰….
294. Atīto rūpakkhandho atthi, anāgato rūpakkhandho atthi, paccuppanno rūpakkhandho atthīti? Āmantā. Tayo rūpakkhandhāti? Na hevaṃ vattabbe …pe… atītā pañcakkhandhā atthi, anāgatā pañcakkhandhā atthi, paccuppannā pañcakkhandhā atthīti? Āmantā. Pannarasakkhandhāti? Na hevaṃ vattabbe…pe….
അതീതം ചക്ഖായതനം അത്ഥി, അനാഗതം ചക്ഖായതനം അത്ഥി, പച്ചുപ്പന്നം ചക്ഖായതനം അത്ഥീതി? ആമന്താ. തീണി ചക്ഖായതനാനീതി? ന ഹേവം വത്തബ്ബേ…പേ॰… അതീതാനി ദ്വാദസായതനാനി അത്ഥി, അനാഗതാനി ദ്വാദസായതനാനി അത്ഥി, പച്ചുപ്പന്നാനി ദ്വാദസായതനാനി അത്ഥീതി? ആമന്താ. ഛത്തിംസായതനാനീതി? ന ഹേവം വത്തബ്ബേ…പേ॰….
Atītaṃ cakkhāyatanaṃ atthi, anāgataṃ cakkhāyatanaṃ atthi, paccuppannaṃ cakkhāyatanaṃ atthīti? Āmantā. Tīṇi cakkhāyatanānīti? Na hevaṃ vattabbe…pe… atītāni dvādasāyatanāni atthi, anāgatāni dvādasāyatanāni atthi, paccuppannāni dvādasāyatanāni atthīti? Āmantā. Chattiṃsāyatanānīti? Na hevaṃ vattabbe…pe….
അതീതാ ചക്ഖുധാതു അത്ഥി, അനാഗതാ ചക്ഖുധാതു അത്ഥി, പച്ചുപ്പന്നാ ചക്ഖുധാതു അത്ഥീതി? ആമന്താ. തിസ്സോ ചക്ഖുധാതുയോതി? ന ഹേവം വത്തബ്ബേ…പേ॰… അതീതാ അട്ഠാരസ ധാതുയോ അത്ഥി, അനാഗതാ അട്ഠാരസ ധാതുയോ അത്ഥി, പച്ചുപ്പന്നാ അട്ഠാരസ ധാതുയോ അത്ഥീതി? ആമന്താ. ചതുപഞ്ഞാസ ധാതുയോതി? ന ഹേവം വത്തബ്ബേ…പേ॰….
Atītā cakkhudhātu atthi, anāgatā cakkhudhātu atthi, paccuppannā cakkhudhātu atthīti? Āmantā. Tisso cakkhudhātuyoti? Na hevaṃ vattabbe…pe… atītā aṭṭhārasa dhātuyo atthi, anāgatā aṭṭhārasa dhātuyo atthi, paccuppannā aṭṭhārasa dhātuyo atthīti? Āmantā. Catupaññāsa dhātuyoti? Na hevaṃ vattabbe…pe….
അതീതം ചക്ഖുന്ദ്രിയം അത്ഥി, അനാഗതം ചക്ഖുന്ദ്രിയം അത്ഥി, പച്ചുപ്പന്നം ചക്ഖുന്ദ്രിയം അത്ഥീതി ? ആമന്താ. തീണി ചക്ഖുന്ദ്രിയാനീതി? ന ഹേവം വത്തബ്ബേ…പേ॰… അതീതാനി ബാവീസതിന്ദ്രിയാനി അത്ഥി, അനാഗതാനി ബാവീസതിന്ദ്രിയാനി അത്ഥി, പച്ചുപ്പന്നാനി ബാവീസതിന്ദ്രിയാനി അത്ഥീതി? ആമന്താ. ഛസട്ഠിന്ദ്രിയാനീതി? ന ഹേവം വത്തബ്ബേ…പേ॰….
Atītaṃ cakkhundriyaṃ atthi, anāgataṃ cakkhundriyaṃ atthi, paccuppannaṃ cakkhundriyaṃ atthīti ? Āmantā. Tīṇi cakkhundriyānīti? Na hevaṃ vattabbe…pe… atītāni bāvīsatindriyāni atthi, anāgatāni bāvīsatindriyāni atthi, paccuppannāni bāvīsatindriyāni atthīti? Āmantā. Chasaṭṭhindriyānīti? Na hevaṃ vattabbe…pe….
അതീതോ രാജാ ചക്കവത്തീ അത്ഥി, അനാഗതോ രാജാ ചക്കവത്തീ അത്ഥി, പച്ചുപ്പന്നോ രാജാ ചക്കവത്തീ അത്ഥീതി? ആമന്താ. തിണ്ണന്നം രാജൂനം ചക്കവത്തീനം സമ്മുഖീഭാവോ ഹോതീതി? ന ഹേവം വത്തബ്ബേ…പേ॰….
Atīto rājā cakkavattī atthi, anāgato rājā cakkavattī atthi, paccuppanno rājā cakkavattī atthīti? Āmantā. Tiṇṇannaṃ rājūnaṃ cakkavattīnaṃ sammukhībhāvo hotīti? Na hevaṃ vattabbe…pe….
അതീതോ സമ്മാസമ്മുദ്ധോ അത്ഥി, അനാഗതോ സമ്മാസമ്ബുദ്ധോ അത്ഥി, പച്ചുപ്പന്നോ സമ്മാസമ്ബുദ്ധോ അത്ഥീതി? ആമന്താ. തിണ്ണന്നം സമ്മാസമ്ബുദ്ധാനം സമ്മുഖീഭാവോ ഹോതീതി? ന ഹേവം വത്തബ്ബേ…പേ॰….
Atīto sammāsammuddho atthi, anāgato sammāsambuddho atthi, paccuppanno sammāsambuddho atthīti? Āmantā. Tiṇṇannaṃ sammāsambuddhānaṃ sammukhībhāvo hotīti? Na hevaṃ vattabbe…pe….
പദസോധനകഥാ
Padasodhanakathā
൨൯൫. അതീതം അത്ഥീതി? ആമന്താ . അത്ഥി അതീതന്തി? അത്ഥി സിയാ അതീതം, സിയാ ന്വാതീതന്തി.
295. Atītaṃ atthīti? Āmantā . Atthi atītanti? Atthi siyā atītaṃ, siyā nvātītanti.
ആജാനാഹി നിഗ്ഗഹം. ഹഞ്ചി അതീതം അത്ഥി, അത്ഥി സിയാ അതീതം, സിയാ ന്വാതീതം, തേനാതീതം ന്വാതീതം, ന്വാതീതം അതീതന്തി. യം തത്ഥ വദേസി – ‘‘വത്തബ്ബേ ഖോ – ‘അതീതം അത്ഥി അത്ഥി സിയാ അതീതം, സിയാ ന്വാതീതം, തേനാതീതം ന്വാതീതം, ന്വാതീതം അതീത’’’ന്തി മിച്ഛാ.
Ājānāhi niggahaṃ. Hañci atītaṃ atthi, atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atītanti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
നോ ചേ പന അതീതം ന്വാതീതം ന്വാതീതം അതീതന്തി, നോ ച വത രേ വത്തബ്ബേ – ‘‘അതീതം അത്ഥി അത്ഥി സിയാ അതീതം, സിയാ ന്വാതീത’’ന്തി. യം തത്ഥ വദേസി – ‘‘വത്തബ്ബേ ഖോ – ‘അതീതം അത്ഥി അത്ഥി സിയാ അതീതം, സിയാ ന്വാതീതം, തേനാതീതം ന്വാതീതം, ന്വാതീതം അതീത’’’ന്തി മിച്ഛാ.
No ce pana atītaṃ nvātītaṃ nvātītaṃ atītanti, no ca vata re vattabbe – ‘‘atītaṃ atthi atthi siyā atītaṃ, siyā nvātīta’’nti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
അനാഗതം അത്ഥീതി? ആമന്താ. അത്ഥി അനാഗതന്തി? അത്ഥി സിയാ അനാഗതം, സിയാ ന്വാനാഗതന്തി.
Anāgataṃ atthīti? Āmantā. Atthi anāgatanti? Atthi siyā anāgataṃ, siyā nvānāgatanti.
ആജാനാഹി നിഗ്ഗഹം. ഹഞ്ചി അനാഗതം അത്ഥി അത്ഥി സിയാ അനാഗതം സിയാ ന്വാനാഗതം, തേനാനാഗതം ന്വാനാഗതം, ന്വാനാഗതം അനാഗതന്തി. യം തത്ഥ വദേസി – ‘‘വത്തബ്ബേ ഖോ – ‘അനാഗതം അത്ഥി അത്ഥി സിയാ അനാഗതം, സിയാ ന്വാനാഗതം, തേനാനാഗതം ന്വാനാഗതം, ന്വാനാഗതം അനാഗത’’’ന്തി മിച്ഛാ.
Ājānāhi niggahaṃ. Hañci anāgataṃ atthi atthi siyā anāgataṃ siyā nvānāgataṃ, tenānāgataṃ nvānāgataṃ, nvānāgataṃ anāgatanti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
നോ ചേ പനാനാഗതം ന്വാനാഗതം ന്വാനാഗതം അനാഗതന്തി, നോ ച വത രേ വത്തബ്ബേ – ‘‘അനാഗതം അത്ഥി അത്ഥി സിയാ അനാഗതം, സിയാ ന്വാനാഗത’’ന്തി. യം തത്ഥ വദേസി – ‘‘വത്തബ്ബേ ഖോ – ‘അനാഗതം അത്ഥി അത്ഥി സിയാ അനാഗതം, സിയാ ന്വാനാഗതം, തേനാനാഗതം ന്വാനാഗതം, ന്വാനാഗതം അനാഗത’’’ന്തി മിച്ഛാ.
No ce panānāgataṃ nvānāgataṃ nvānāgataṃ anāgatanti, no ca vata re vattabbe – ‘‘anāgataṃ atthi atthi siyā anāgataṃ, siyā nvānāgata’’nti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
പച്ചുപ്പന്നം അത്ഥീതി, ആമന്താ. അത്ഥി പച്ചുപ്പന്നന്തി? അത്ഥി സിയാ പച്ചുപ്പന്നം, സിയാ നോ പച്ചുപ്പന്നന്തി.
Paccuppannaṃ atthīti, āmantā. Atthi paccuppannanti? Atthi siyā paccuppannaṃ, siyā no paccuppannanti.
ആജാനാഹി നിഗ്ഗഹം. ഹഞ്ചി പച്ചുപ്പന്നം അത്ഥി അത്ഥി സിയാ പച്ചുപ്പന്നം, സിയാ നോ പച്ചുപ്പന്നം, തേന പച്ചുപ്പന്നം, നോ പച്ചുപ്പന്നം, നോ പച്ചുപ്പന്നം പച്ചുപ്പന്നന്തി. യം തത്ഥ വദേസി – ‘‘വത്തബ്ബേ ഖോ – ‘പച്ചുപ്പന്നം അത്ഥി അത്ഥി സിയാ പച്ചുപ്പന്നം, സിയാ നോ പച്ചുപ്പന്നം, തേന പച്ചുപ്പന്നം നോ പച്ചുപ്പന്നം, നോ പച്ചുപ്പന്നം പച്ചുപ്പന്ന’’’ന്തി മിച്ഛാ.
Ājānāhi niggahaṃ. Hañci paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ, no paccuppannaṃ, no paccuppannaṃ paccuppannanti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
നോ ചേ പന പച്ചുപ്പന്നം നോ പച്ചുപ്പന്നം, നോ പച്ചുപ്പന്നം പച്ചുപ്പന്നന്തി, നോ ച വത രേ വത്തബ്ബേ – ‘‘പച്ചുപ്പന്നം അത്ഥി അത്ഥി സിയാ പച്ചുപ്പന്നം, സിയാ നോ പച്ചുപ്പന്ന’’ന്തി. യം തത്ഥ വദേസി – ‘‘വത്തബ്ബേ ഖോ – ‘പച്ചുപ്പന്നം അത്ഥി അത്ഥി സിയാ പച്ചുപ്പന്നം, സിയാ നോ പച്ചുപ്പന്നം, തേന പച്ചുപ്പന്നം നോ പച്ചുപ്പന്നം, നോ പച്ചുപ്പന്നം പച്ചുപ്പന്ന’’’ന്തി മിച്ഛാ.
No ce pana paccuppannaṃ no paccuppannaṃ, no paccuppannaṃ paccuppannanti, no ca vata re vattabbe – ‘‘paccuppannaṃ atthi atthi siyā paccuppannaṃ, siyā no paccuppanna’’nti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
നിബ്ബാനം അത്ഥീതി? ആമന്താ. അത്ഥി നിബ്ബാനന്തി? അത്ഥി സിയാ നിബ്ബാനം സിയാ നോ നിബ്ബാനന്തി.
Nibbānaṃ atthīti? Āmantā. Atthi nibbānanti? Atthi siyā nibbānaṃ siyā no nibbānanti.
ആജാനാഹി നിഗ്ഗഹം. ഹഞ്ചി നിബ്ബാനം അത്ഥി അത്ഥി സിയാ നിബ്ബാനം, സിയാ നോ നിബ്ബാനം, തേന നിബ്ബാനം നോ നിബ്ബാനം, നോ നിബ്ബാനം നിബ്ബാനന്തി. യം തത്ഥ വദേസി – ‘‘വത്തബ്ബേ ഖോ – ‘നിബ്ബാനം അത്ഥി അത്ഥി സിയാ നിബ്ബാനം, സിയാ നോ നിബ്ബാനം, തേന നിബ്ബാനം നോ നിബ്ബാനം, നോ നിബ്ബാനം നിബ്ബാന’’’ന്തി മിച്ഛാ.
Ājānāhi niggahaṃ. Hañci nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbānanti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
നോ ചേ പന നിബ്ബാനം നോ നിബ്ബാനം, നോ നിബ്ബാനം നിബ്ബാനന്തി, നോ ച വത രേ വത്തബ്ബേ – ‘‘നിബ്ബാനം അത്ഥി അത്ഥി സിയാ നിബ്ബാനം, സിയാ നോ നിബ്ബാന’’ന്തി. യം തത്ഥ വദേസി – ‘‘വത്തബ്ബേ ഖോ – ‘നിബ്ബാനം അത്ഥി അത്ഥി സിയാ നിബ്ബാനം, സിയാ നോ നിബ്ബാനം, തേന നിബ്ബാനം നോ നിബ്ബാനം, നോ നിബ്ബാനം നിബ്ബാന’’’ന്തി മിച്ഛാ.
No ce pana nibbānaṃ no nibbānaṃ, no nibbānaṃ nibbānanti, no ca vata re vattabbe – ‘‘nibbānaṃ atthi atthi siyā nibbānaṃ, siyā no nibbāna’’nti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
സുത്തസാധനം
Suttasādhanaṃ
൨൯൬. ന വത്തബ്ബം – ‘‘അതീതം അത്ഥി, അനാഗതം അത്ഥീ’’തി? ആമന്താ. നനു വുത്തം ഭഗവതാ – ‘‘യം കിഞ്ചി, ഭിക്ഖവേ, രൂപം അതീതാനാഗതപച്ചുപ്പന്നം അജ്ഝത്തം വാ ബഹിദ്ധാ വാ ഓളാരികം വാ സുഖുമം വാ ഹീനം വാ പണീതം വാ യം ദൂരേ സന്തികേ വാ – അയം വുച്ചതി രൂപക്ഖന്ധോ. യാ കാചി വേദനാ… യാ കാചി സഞ്ഞാ… യേ കേചി സങ്ഖാരാ… യം കിഞ്ചി വിഞ്ഞാണം അതീതാനാഗതപച്ചുപ്പന്നം അജ്ഝത്തം വാ ബഹിദ്ധാ വാ ഓളാരികം വാ സുഖുമം വാ ഹീനം വാ പണീതം വാ യം ദൂരേ സന്തികേ വാ – അയം വുച്ചതി വിഞ്ഞാണക്ഖന്ധോ’’തി 31. അത്ഥേവ സുത്തന്തോതി? ആമന്താ. തേന ഹി അതീതം അത്ഥി, അനാഗതം അത്ഥീതി.
296. Na vattabbaṃ – ‘‘atītaṃ atthi, anāgataṃ atthī’’ti? Āmantā. Nanu vuttaṃ bhagavatā – ‘‘yaṃ kiñci, bhikkhave, rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati rūpakkhandho. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati viññāṇakkhandho’’ti 32. Attheva suttantoti? Āmantā. Tena hi atītaṃ atthi, anāgataṃ atthīti.
അതീതം അത്ഥി, അനാഗതം അത്ഥീതി? ആമന്താ. നനു വുത്തം ഭഗവതാ – ‘‘തയോമേ, ഭിക്ഖവേ, നിരുത്തിപഥാ അധിവചനപഥാ പഞ്ഞത്തിപഥാ അസങ്കിണ്ണാ അസങ്കിണ്ണപുബ്ബാ ന സങ്കിയന്തി ന സങ്കിയിസ്സന്തി അപ്പടികുട്ഠാ സമണേഹി ബ്രാഹ്മണേഹി വിഞ്ഞൂഹി. കതമേ തയോ? യം, ഭിക്ഖവേ, രൂപം അതീതം നിരുദ്ധം വിഗതം വിപരിണതം ‘അഹോസീ’തി തസ്സ സങ്ഖാ, ‘അഹോസീ’തി തസ്സ സമഞ്ഞാ, ‘അഹോസീ’തി തസ്സ പഞ്ഞത്തി; ന തസ്സ സങ്ഖാ ‘അത്ഥീ’തി, ന തസ്സ സങ്ഖാ ‘ഭവിസ്സതീ’തി. യാ വേദനാ…പേ॰… യാ സഞ്ഞാ… യേ സങ്ഖാരാ… യം വിഞ്ഞാണം അതീതം നിരുദ്ധം വിഗതം വിപരിണതം ‘അഹോസീ’തി തസ്സ സങ്ഖാ, ‘അഹോസീ’തി തസ്സ സമഞ്ഞാ, ‘അഹോസീ’തി തസ്സ പഞ്ഞത്തി; ന തസ്സ സങ്ഖാ ‘അത്ഥീ’തി, ന തസ്സ സങ്ഖാ ‘ഭവിസ്സതീ’തി.
Atītaṃ atthi, anāgataṃ atthīti? Āmantā. Nanu vuttaṃ bhagavatā – ‘‘tayome, bhikkhave, niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi. Katame tayo? Yaṃ, bhikkhave, rūpaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti.
‘‘യം, ഭിക്ഖവേ, രൂപം അജാതം അപാതുഭൂതം ‘ഭവിസ്സതീ’തി തസ്സ സങ്ഖാ, ‘ഭവിസ്സതീ’തി തസ്സ സമഞ്ഞാ, ‘ഭവിസ്സതീ’തി തസ്സ പഞ്ഞത്തി; ന തസ്സ സങ്ഖാ ‘അത്ഥീ’തി, ന തസ്സ സങ്ഖാ ‘അഹോസീ’തി. യാ വേദനാ…പേ॰… യാ സഞ്ഞാ… യേ സങ്ഖാരാ… യം വിഞ്ഞാണം അജാതം അപാതുഭൂതം ‘ഭവിസ്സതീ’തി തസ്സ സങ്ഖാ, ‘ഭവിസ്സതീ’തി തസ്സ സമഞ്ഞാ, ‘ഭവിസ്സതീ’തി തസ്സ പഞ്ഞത്തി; ന തസ്സ സങ്ഖാ ‘അത്ഥീ’തി, ന തസ്സ സങ്ഖാ ‘അഹോസീ’തി.
‘‘Yaṃ, bhikkhave, rūpaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti. Yā vedanā…pe… yā saññā… ye saṅkhārā… yaṃ viññāṇaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti.
‘‘യം, ഭിക്ഖവേ, രൂപം ജാതം പാതുഭൂതം ‘അത്ഥീ’തി തസ്സ സങ്ഖാ, ‘അത്ഥീ’തി തസ്സ സമഞ്ഞാ, ‘അത്ഥീ’തി തസ്സ പഞ്ഞത്തി; ന തസ്സ സങ്ഖാ ‘അഹോസീ’തി, ന തസ്സ സങ്ഖാ ‘ഭവിസ്സതീ’തി. യാ വേദനാ…പേ॰… യാ സഞ്ഞാ… യേ സങ്ഖാരാ… യം വിഞ്ഞാണം ജാതം പാതുഭൂതം ‘അത്ഥീ’തി തസ്സ സങ്ഖാ, ‘അത്ഥീ’തി തസ്സ സമഞ്ഞാ, ‘അത്ഥീ’തി തസ്സ പഞ്ഞത്തി; ന തസ്സ സങ്ഖാ ‘അഹോസീ’തി, ന തസ്സ സങ്ഖാ ‘ഭവിസ്സതീ’തി. ഇമേ ഖോ, ഭിക്ഖവേ, തയോ നിരുത്തിപഥാ അധിവചനപഥാ പഞ്ഞത്തിപഥാ അസങ്കിണ്ണാ അസങ്കിണ്ണപുബ്ബാ ന സങ്കിയന്തി ന സങ്കിയിസ്സന്തി അപ്പടികുട്ഠാ സമണേഹി ബ്രാഹ്മണേഹി വിഞ്ഞൂഹി.
‘‘Yaṃ, bhikkhave, rūpaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Ime kho, bhikkhave, tayo niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi.
‘‘യേപി തേ, ഭിക്ഖവേ, അഹേസും ഉക്കലാ വസ്സഭഞ്ഞാ അഹേതുകവാദാ അകിരിയവാദാ നത്ഥികവാദാ, തേപിമേ തയോ നിരുത്തിപഥേ അധിവചനപഥേ പഞ്ഞത്തിപഥേ ന ഗരഹിതബ്ബം ന പടിക്കോസിതബ്ബം അമഞ്ഞിംസു. തം കിസ്സ ഹേതു? നിന്ദാബ്യാരോസഉപാരമ്ഭഭയാ’’തി 33. അത്ഥേവ സുത്തന്തോതി? ആമന്താ. തേന ഹി ന വത്തബ്ബം – ‘‘അതീതം അത്ഥി, അനാഗതം അത്ഥീ’’തി.
‘‘Yepi te, bhikkhave, ahesuṃ ukkalā vassabhaññā ahetukavādā akiriyavādā natthikavādā, tepime tayo niruttipathe adhivacanapathe paññattipathe na garahitabbaṃ na paṭikkositabbaṃ amaññiṃsu. Taṃ kissa hetu? Nindābyārosaupārambhabhayā’’ti 34. Attheva suttantoti? Āmantā. Tena hi na vattabbaṃ – ‘‘atītaṃ atthi, anāgataṃ atthī’’ti.
അതീതം അത്ഥീതി? ആമന്താ. നനു ആയസ്മാ ഫഗ്ഗുനോ ഭഗവന്തം ഏതദവോച – ‘‘അത്ഥി നു ഖോ തം, ഭന്തേ, ചക്ഖും യേന ചക്ഖുനാ അതീതേ ബുദ്ധേ പരിനിബ്ബുതേ ഛിന്നപപഞ്ചേ ഛിന്നവടുമേ പരിയാദിന്നവട്ടേ സബ്ബദുക്ഖവീതിവത്തേ പഞ്ഞാപയമാനോ പഞ്ഞാപേയ്യാതി. അത്ഥി നു ഖോ സാ, ഭന്തേ, ജിവ്ഹാ…പേ॰… അത്ഥി നു ഖോ സോ, ഭന്തേ, മനോ യേന മനേന അതീതേ ബുദ്ധേ പരിനിബ്ബുതേ ഛിന്നപപഞ്ചേ ഛിന്നവടുമേ പരിയാദിന്നവട്ടേ സബ്ബദുക്ഖവീതിവത്തേ പഞ്ഞാപയമാനോ പഞ്ഞാപേയ്യാ’’തി.
Atītaṃ atthīti? Āmantā. Nanu āyasmā phagguno bhagavantaṃ etadavoca – ‘‘atthi nu kho taṃ, bhante, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyāti. Atthi nu kho sā, bhante, jivhā…pe… atthi nu kho so, bhante, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti.
‘‘നത്ഥി ഖോ തം, ഫഗ്ഗുന, ചക്ഖും യേന ചക്ഖുനാ അതീതേ ബുദ്ധേ പരിനിബ്ബുതേ ഛിന്നപപഞ്ചേ ഛിന്നവടുമേ പരിയാദിന്നവട്ടേ സബ്ബദുക്ഖവീതിവത്തേ പഞ്ഞാപയമാനോ പഞ്ഞാപേയ്യ. നത്ഥി ഖോ സാ, ഫഗ്ഗുന, ജിവ്ഹാ…പേ॰… നത്ഥി നു ഖോ സോ, ഫഗ്ഗുന, മനോ യേന മനേന അതീതേ ബുദ്ധേ പരിനിബ്ബുതേ ഛിന്നപപഞ്ചേ ഛിന്നവടുമേ പരിയാദിന്നവട്ടേ സബ്ബദുക്ഖവീതിവത്തേ പഞ്ഞാപയമാനോ പഞ്ഞാപേയ്യാ’’തി 35. അത്ഥേവ സുത്തന്തോതി? ആമന്താ. തേന ഹി ന വത്തബ്ബം – ‘‘അതീതം അത്ഥീ’’തി.
‘‘Natthi kho taṃ, phagguna, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyya. Natthi kho sā, phagguna, jivhā…pe… natthi nu kho so, phagguna, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti 36. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
അതീതം അത്ഥീതി? ആമന്താ. നനു ആയസ്മാ നന്ദകോ ഏതദവോച – ‘‘അഹു പുബ്ബേ ലോഭോ തദഹു അകുസലം, സോ ഏതരഹി നത്ഥി, ഇച്ചേതം കുസലം. അഹു പുബ്ബേ ദോസോ… അഹു പുബ്ബേ മോഹോ, തദഹു അകുസലം, സോ ഏതരഹി നത്ഥി, ഇച്ചേതം കുസല’’ന്തി 37. അത്ഥേവ സുത്തന്തോതി? ആമന്താ. തേന ഹി ന വത്തബ്ബം – ‘‘അതീതം അത്ഥീ’’തി.
Atītaṃ atthīti? Āmantā. Nanu āyasmā nandako etadavoca – ‘‘ahu pubbe lobho tadahu akusalaṃ, so etarahi natthi, iccetaṃ kusalaṃ. Ahu pubbe doso… ahu pubbe moho, tadahu akusalaṃ, so etarahi natthi, iccetaṃ kusala’’nti 38. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
ന വത്തബ്ബം – ‘‘അനാഗതം അത്ഥീ’’തി? ആമന്താ. നനു വുത്തം ഭഗവതാ – ‘‘കബളീകാരേ ചേ, ഭിക്ഖവേ, ആഹാരേ അത്ഥി രാഗോ, അത്ഥി നന്ദീ, അത്ഥി തണ്ഹാ; പതിട്ഠിതം തത്ഥ വിഞ്ഞാണം വിരൂള്ഹം. യത്ഥ പതിട്ഠിതം വിഞ്ഞാണം വിരൂള്ഹം, അത്ഥി തത്ഥ നാമരൂപസ്സ അവക്കന്തി. യത്ഥ അത്ഥി നാമരൂപസ്സ അവക്കന്തി, അത്ഥി തത്ഥ സങ്ഖാരാനം വുദ്ധി. യത്ഥ അത്ഥി സങ്ഖാരാനം വുദ്ധി, അത്ഥി തത്ഥ ആയതിം പുനബ്ഭവാഭിനിബ്ബത്തി. യത്ഥ അത്ഥി ആയതിം പുനബ്ഭവാഭിനിബ്ബത്തി, അത്ഥി തത്ഥ ആയതിം ജാതിജരാമരണം. യത്ഥ അത്ഥി ആയതിം ജാതിജരാമരണം, സസോകം തം, ഭിക്ഖവേ, സരജം 39 സഉപായാസന്തി വദാമി.
Na vattabbaṃ – ‘‘anāgataṃ atthī’’ti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre atthi rāgo, atthi nandī, atthi taṇhā; patiṭṭhitaṃ tattha viññāṇaṃ virūḷhaṃ. Yattha patiṭṭhitaṃ viññāṇaṃ virūḷhaṃ, atthi tattha nāmarūpassa avakkanti. Yattha atthi nāmarūpassa avakkanti, atthi tattha saṅkhārānaṃ vuddhi. Yattha atthi saṅkhārānaṃ vuddhi, atthi tattha āyatiṃ punabbhavābhinibbatti. Yattha atthi āyatiṃ punabbhavābhinibbatti, atthi tattha āyatiṃ jātijarāmaraṇaṃ. Yattha atthi āyatiṃ jātijarāmaraṇaṃ, sasokaṃ taṃ, bhikkhave, sarajaṃ 40 saupāyāsanti vadāmi.
‘‘ഫസ്സേ ചേ, ഭിക്ഖവേ, ആഹാരേ… മനോസഞ്ചേതനായ ചേ, ഭിക്ഖവേ, ആഹാരേ… വിഞ്ഞാണേ ചേ, ഭിക്ഖവേ, ആഹാരേ അത്ഥി രാഗോ, അത്ഥി നന്ദീ…പേ॰… സരജം സഉപായാസന്തി വദാമീ’’തി 41. അത്ഥേവ സുത്തന്തോതി? ആമന്താ . തേന ഹി അനാഗതം അത്ഥീതി.
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre atthi rāgo, atthi nandī…pe… sarajaṃ saupāyāsanti vadāmī’’ti 42. Attheva suttantoti? Āmantā . Tena hi anāgataṃ atthīti.
അനാഗതം അത്ഥീതി? ആമന്താ. നനു വുത്തം ഭഗവതാ – ‘‘കബളീകാരേ ചേ, ഭിക്ഖവേ, ആഹാരേ നത്ഥി രാഗോ, നത്ഥി നന്ദീ, നത്ഥി തണ്ഹാ; അപ്പതിട്ഠിതം തത്ഥ വിഞ്ഞാണം അവിരൂള്ഹം. യത്ഥ വിഞ്ഞാണം അപ്പതിട്ഠിതം അവിരൂള്ഹം, നത്ഥി തത്ഥ നാമരൂപസ്സ അവക്കന്തി. യത്ഥ നത്ഥി നാമരൂപസ്സ അവക്കന്തി, നത്ഥി തത്ഥ സങ്ഖാരാനം വുദ്ധി. യത്ഥ നത്ഥി സങ്ഖാരാനം വുദ്ധി, നത്ഥി തത്ഥ ആയതിം പുനബ്ഭവാഭിനിബ്ബത്തി. യത്ഥ നത്ഥി ആയതിം പുനബ്ഭവാഭിനിബ്ബത്തി, നത്ഥി തത്ഥ ആയതിം ജാതിജരാമരണം. യത്ഥ നത്ഥി ആയതിം ജാതിജരാമരണം, അസോകം തം, ഭിക്ഖവേ, അരജം അനുപായാസന്തി വദാമി.
Anāgataṃ atthīti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre natthi rāgo, natthi nandī, natthi taṇhā; appatiṭṭhitaṃ tattha viññāṇaṃ avirūḷhaṃ. Yattha viññāṇaṃ appatiṭṭhitaṃ avirūḷhaṃ, natthi tattha nāmarūpassa avakkanti. Yattha natthi nāmarūpassa avakkanti, natthi tattha saṅkhārānaṃ vuddhi. Yattha natthi saṅkhārānaṃ vuddhi, natthi tattha āyatiṃ punabbhavābhinibbatti. Yattha natthi āyatiṃ punabbhavābhinibbatti, natthi tattha āyatiṃ jātijarāmaraṇaṃ. Yattha natthi āyatiṃ jātijarāmaraṇaṃ, asokaṃ taṃ, bhikkhave, arajaṃ anupāyāsanti vadāmi.
‘‘ഫസ്സേ ചേ, ഭിക്ഖവേ, ആഹാരേ… മനോസഞ്ചേതനായ ചേ, ഭിക്ഖവേ, ആഹാരേ… വിഞ്ഞാണേ ചേ, ഭിക്ഖവേ, ആഹാരേ നത്ഥി രാഗോ, നത്ഥി നന്ദീ…പേ॰… അരജം അനുപായാസന്തി വദാമീ’’തി 43. അത്ഥേവ സുത്തന്തോതി? ആമന്താ. തേന ഹി ന വത്തബ്ബം – ‘‘അനാഗതം അത്ഥീ’’തി.
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre natthi rāgo, natthi nandī…pe… arajaṃ anupāyāsanti vadāmī’’ti 44. Attheva suttantoti? Āmantā. Tena hi na vattabbaṃ – ‘‘anāgataṃ atthī’’ti.
സബ്ബമത്ഥീതികഥാ നിട്ഠിതാ.
Sabbamatthītikathā niṭṭhitā.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൫. സബ്ബമത്ഥീതികഥാ • 5. Sabbamatthītikathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൫. സബ്ബമത്ഥീതികഥാ • 5. Sabbamatthītikathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൫. സബ്ബമത്ഥീതികഥാവണ്ണനാ • 5. Sabbamatthītikathāvaṇṇanā
