| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
5. саб̣б̣амад̇т̇ийд̇игат̇ааван̣н̣анаа
5. Sabbamatthītikathāvaṇṇanā
1. ваад̣̇аяуд̇д̇иван̣н̣анаа
1. Vādayuttivaṇṇanā
282. саб̣б̣ам̣ ад̇т̇ийд̇и зд̇т̇а яасмаа бажжуббаннам̣ вияа ад̇ийд̇аанааг̇ад̇амби д̇харамаанасабхааванд̇и бараваад̣̇ино лад̣̇д̇хи, д̇асмаа саб̣б̣анд̇и гаалавибхааг̇ад̇о ад̇ийд̇аад̣̇ибхзд̣̇ам̣ саб̣б̣ам̣. со бана ‘‘яамби над̇т̇и, д̇амби ад̇т̇ий’’д̇и гаалавимуд̇д̇асса васзна ануяог̇о, д̇ам̣ ад̇иббасан̇г̇ад̣̇ассанавасзна бараваад̣̇ибадин̃н̃ааяа д̣̇осааробанам̣. наяад̣̇ассанам̣ ваа ад̇ийд̇аанааг̇ад̇аанам̣ над̇т̇ибхаавасса. ад̇т̇ийд̇и бана аяам̣ ад̇т̇ибхааво яасмаа д̣̇зсагаалаагаарад̇хаммзхи винаа на ход̇и, д̇асмаа д̇ам̣ д̇аава д̇зхи сад̣̇д̇хим̣ яож̇зд̇ваа ануяог̇ам̣ д̣̇ассзд̇ум̣ ‘‘саб̣б̣ад̇т̇а саб̣б̣амад̇т̇ий’’д̇иаад̣̇инаа баал̣и бавад̇д̇аа. д̇ад̇т̇а яад̣̇иби саб̣б̣ад̇т̇аад̇и ид̣̇ам̣ сааман̃н̃аважанам̣, д̇ам̣ бана яасмаа висзсанивидтам̣ ход̇и, барад̇о жа саб̣б̣зсууд̇и д̇хаммаа вибхааг̇ад̇о вужжанд̇и, д̇асмаа ол̣ааригасса баагадасса руубад̇хаммасамуд̣̇ааяасса васзна ад̇т̇ам̣ д̣̇ассзд̇ум̣ адтагат̇ааяам̣ ‘‘саб̣б̣ад̇т̇аад̇и саб̣б̣асмим̣ сарийрз’’д̇и вуд̇д̇ам̣, нид̣̇ассанамад̇д̇ам̣ ваа зд̇ам̣ д̣̇адтаб̣б̣ам̣. д̇ат̇аа жа гаан̣аад̣̇агаабилзхи бадин̃н̃ааяамаанаа аагаасагаалаад̣̇исад̇д̇абагад̇ибурисаа вияа бараваад̣̇инаа бадин̃н̃ааяамаанам̣ саб̣б̣ам̣ саб̣б̣аб̣яаабийд̇и аабаннамзва ход̇ийд̇и. ‘‘саб̣б̣ад̇т̇а сарийрз’’д̇и жа ‘‘д̇илз д̇зла’’нд̇и вияа б̣яаабанз бхумманд̇и сарийрабарияаабаннзна саб̣б̣зна бхавид̇аб̣б̣анд̇и вуд̇д̇ам̣ ‘‘сираси баад̣̇аа…бз… ад̇т̇о’’д̇и.
282. Sabbaṃatthīti ettha yasmā paccuppannaṃ viya atītānāgatampi dharamānasabhāvanti paravādino laddhi, tasmā sabbanti kālavibhāgato atītādibhedaṃ sabbaṃ. So pana ‘‘yampi natthi, tampi atthī’’ti kālavimuttassa vasena anuyogo, taṃ atippasaṅgadassanavasena paravādipaṭiññāya dosāropanaṃ. Nayadassanaṃ vā atītānāgatānaṃ natthibhāvassa. Atthīti pana ayaṃ atthibhāvo yasmā desakālākāradhammehi vinā na hoti, tasmā taṃ tāva tehi saddhiṃ yojetvā anuyogaṃ dassetuṃ ‘‘sabbattha sabbamatthī’’tiādinā pāḷi pavattā. Tattha yadipi sabbatthāti idaṃ sāmaññavacanaṃ, taṃ pana yasmā visesaniviṭṭhaṃ hoti, parato ca sabbesūti dhammā vibhāgato vuccanti, tasmā oḷārikassa pākaṭassa rūpadhammasamudāyassa vasena atthaṃ dassetuṃ aṭṭhakathāyaṃ ‘‘sabbatthāti sabbasmiṃ sarīre’’ti vuttaṃ, nidassanamattaṃ vā etaṃ daṭṭhabbaṃ. Tathā ca kāṇādakāpilehi paṭiññāyamānā ākāsakālādisattapakatipurisā viya paravādinā paṭiññāyamānaṃ sabbaṃ sabbabyāpīti āpannameva hotīti. ‘‘Sabbattha sarīre’’ti ca ‘‘tile tela’’nti viya byāpane bhummanti sarīrapariyāpannena sabbena bhavitabbanti vuttaṃ ‘‘sirasi pādā…pe… attho’’ti.
саб̣б̣асмим̣ гаалз саб̣б̣амад̇т̇ийд̇и яож̇анаа. зд̇асмим̣ багкзязвасса ан̃н̃аваад̣̇о барид̣̇ийбид̇о сияаа ‘‘яам̣ ад̇т̇и, ад̇т̇зва д̇ам̣, яам̣ над̇т̇и, над̇т̇зва д̇ам̣, асад̇о над̇т̇и самбхаво, сад̇о над̇т̇и винаасо’’д̇и. звам̣ саб̣б̣знаагаарзна саб̣б̣ам̣ саб̣б̣зсу д̇хаммзсу саб̣б̣ам̣ ад̇т̇ийд̇и ад̇т̇од̇и самб̣анд̇хо. имзхи бана багкзхи ‘‘саб̣б̣ам̣ саб̣б̣асабхаавам̣, анзгасад̇д̇инижид̇аабхааваа асад̇о над̇т̇и самбхаво’’д̇и ваад̣̇о барид̣̇ийбид̇о сияаа. яог̇арахид̇анд̇и гзнажи яуд̇д̇ааяуд̇д̇алагкан̣асам̣яог̇арахид̇ам̣. д̇ам̣ бана згасабхааванд̇и сам̣яог̇арахид̇ам̣ наама ад̇т̇ад̇о згасабхаавам̣, згад̇хаммод̇и ад̇т̇о. зд̇зна д̣̇зваваад̣̇ийнам̣ б̣рахмад̣̇ассанам̣ ад̇т̇зваад̇иваад̣̇о барид̣̇ийбид̇о сияаа. ад̇т̇ийд̇и бужчад̇ийд̇и яад̣̇и саб̣б̣амад̇т̇ийд̇и д̇ава ваад̣̇о, яат̇аавуд̇д̇ааяа мама д̣̇идтияаа саммаад̣̇идтибхааво ад̇т̇ийд̇и зганд̇зна д̇аяаа самбадижчид̇аб̣б̣о, д̇асмаа ‘‘гим̣ со ад̇т̇ий’’д̇и бужчад̇ийд̇и ад̇т̇о.
Sabbasmiṃ kāle sabbamatthīti yojanā. Etasmiṃ pakkheyevassa aññavādo paridīpito siyā ‘‘yaṃ atthi, attheva taṃ, yaṃ natthi, nattheva taṃ, asato natthi sambhavo, sato natthi vināso’’ti. Evaṃ sabbenākārena sabbaṃ sabbesu dhammesu sabbaṃ atthīti atthoti sambandho. Imehi pana pakkhehi ‘‘sabbaṃ sabbasabhāvaṃ, anekasattinicitābhāvā asato natthi sambhavo’’ti vādo paridīpito siyā. Yogarahitanti kenaci yuttāyuttalakkhaṇasaṃyogarahitaṃ. Taṃ pana ekasabhāvanti saṃyogarahitaṃ nāma atthato ekasabhāvaṃ, ekadhammoti attho. Etena devavādīnaṃ brahmadassanaṃ atthevātivādo paridīpito siyā. Atthīti pucchatīti yadi sabbamatthīti tava vādo, yathāvuttāya mama diṭṭhiyā sammādiṭṭhibhāvo atthīti ekantena tayā sampaṭicchitabbo, tasmā ‘‘kiṃ so atthī’’ti pucchatīti attho.
ваад̣̇аяуд̇д̇иван̣н̣анаа нидтид̇аа.
Vādayuttivaṇṇanā niṭṭhitā.
2. гааласам̣санд̣̇анагат̇ааван̣н̣анаа
2. Kālasaṃsandanakathāvaṇṇanā
285. ад̇ийд̇аа …бз… гарид̇ваад̇и зд̇т̇ааяам̣ сан̇кзбад̇т̇о – ад̇ийд̇ам̣ анааг̇ад̇анд̇и руубасса имам̣ висзсам̣, звам̣ висзсам̣ ваа руубам̣ аг̇г̇ахзд̇ваа бажжуббаннад̇аависзсависидтаруубамзва аббияам̣ бажжуббаннаруубабхааваанам̣ самаанаад̇хигаран̣ад̇д̇аа зд̇асмим̣язва висаяз аббзд̇аб̣б̣ам̣, важийг̇ожарам̣ баабзд̇аб̣б̣ам̣ сад̇иби нзсам̣ висзсанависзсид̇аб̣б̣ад̇аасан̇каад̇з вибхааг̇з д̇ат̇ааби авибхаж̇ид̇аб̣б̣ам̣ гад̇ваад̇и. яасмаа бана баал̣ияам̣ ‘‘бажжуббаннанд̇и ваа руубанд̇и ваа’’д̇и бажжуббаннаруубасад̣̇д̣̇зхи д̇ад̣̇ад̇т̇асса вад̇д̇аб̣б̣аагааро ид̇исад̣̇д̣̇зхи д̣̇ассид̇о, д̇асмаа ‘‘бажжуббаннасад̣̇д̣̇зна…бз… вуд̇д̇ам̣ ход̇ий’’д̇и ааха. руубабан̃н̃ад̇д̇ийд̇и руубааяад̇анабан̃н̃ад̇д̇и. саа хи сабхаавад̇хаммубаад̣̇аанаа д̇аж̇ж̇аабан̃н̃ад̇д̇и. д̇знзвааха ‘‘сабхаавабарижчиннз бавад̇д̇аа виж̇ж̇амаанабан̃н̃ад̇д̇ий’’д̇и. руубасамуухам̣ убаад̣̇ааяаад̇и д̇ам̣д̇ам̣ад̇д̇абан̃н̃ад̇д̇ияаа убаад̣̇аанабхууд̇аанам̣ абхаававибхааванаагаарзна бавад̇д̇амаанаанам̣ руубад̇хаммаанам̣ самуухам̣ убаад̣̇ааяа. убаад̣̇аанубаад̣̇аанамби хи убаад̣̇аанамзваад̇и. д̇асмаад̇и самуухубаад̣̇ааяаад̇хийнад̇ааяа авиж̇ж̇амаанабан̃н̃ад̇д̇ибхаавад̇о. виг̇амаавад̇д̇аб̣б̣ад̇аад̇и виг̇амасса вад̇т̇абхааваабаг̇амасса авад̇д̇аб̣б̣ад̇аа. на хи од̣̇аад̇ад̇аавиг̇амзна авад̇т̇ам̣ ход̇и. на бана яуд̇д̇аа руубабхаавасса виг̇амаавад̇д̇аб̣б̣ад̇аад̇и яож̇анаа. руубабхаавод̇и жа руубааяад̇анасабхааво жагкувин̃н̃аан̣асса г̇ожарабхааво. на хи д̇асса бажжуббаннабхаававиг̇амз виг̇амаавад̇д̇аб̣б̣ад̇аа яуд̇д̇аа.
285. Atītā…pe… karitvāti etthāyaṃ saṅkhepattho – atītaṃ anāgatanti rūpassa imaṃ visesaṃ, evaṃ visesaṃ vā rūpaṃ aggahetvā paccuppannatāvisesavisiṭṭharūpameva appiyaṃ paccuppannarūpabhāvānaṃ samānādhikaraṇattā etasmiṃyeva visaye appetabbaṃ, vacīgocaraṃ pāpetabbaṃ satipi nesaṃ visesanavisesitabbatāsaṅkhāte vibhāge tathāpi avibhajitabbaṃ katvāti. Yasmā pana pāḷiyaṃ ‘‘paccuppannanti vā rūpanti vā’’ti paccuppannarūpasaddehi tadatthassa vattabbākāro itisaddehi dassito, tasmā ‘‘paccuppannasaddena…pe… vuttaṃ hotī’’ti āha. Rūpapaññattīti rūpāyatanapaññatti. Sā hi sabhāvadhammupādānā tajjāpaññatti. Tenevāha ‘‘sabhāvaparicchinne pavattā vijjamānapaññattī’’ti. Rūpasamūhaṃ upādāyāti taṃtaṃattapaññattiyā upādānabhūtānaṃ abhāvavibhāvanākārena pavattamānānaṃ rūpadhammānaṃ samūhaṃ upādāya. Upādānupādānampi hi upādānamevāti. Tasmāti samūhupādāyādhīnatāya avijjamānapaññattibhāvato. Vigamāvattabbatāti vigamassa vatthabhāvāpagamassa avattabbatā. Na hi odātatāvigamena avatthaṃ hoti. Na pana yuttā rūpabhāvassa vigamāvattabbatāti yojanā. Rūpabhāvoti ca rūpāyatanasabhāvo cakkhuviññāṇassa gocarabhāvo. Na hi tassa paccuppannabhāvavigame vigamāvattabbatā yuttā.
гааласам̣санд̣̇анагат̇ааван̣н̣анаа нидтид̇аа.
Kālasaṃsandanakathāvaṇṇanā niṭṭhitā.
важанасод̇ханаван̣н̣анаа
Vacanasodhanavaṇṇanā
288. анааг̇ад̇ам̣ ваа бажжуббаннам̣ ваад̇и зд̇т̇а ваа-сад̣̇д̣̇о анияамад̇т̇о яат̇аа ‘‘кад̣̇ирз ваа б̣анд̇хид̇аб̣б̣ам̣ балаасз ваа’’д̇и. д̇асмаа ‘‘худ̇ваа ход̇ий’’д̇и зд̇т̇а ход̇и-сад̣̇д̣̇о анааг̇ад̇абажжуббаннзсу яам̣ гин̃жи бад̇хаанам̣ гад̇ваа самб̣анд̇хам̣ лабхад̇ийд̇и д̣̇ассзнд̇о ‘‘анааг̇ад̇ам̣…бз… д̣̇адтаб̣б̣а’’нд̇и ааха. д̇ад̇т̇а бажжуббаннам̣ хонд̇анд̇и бажжуббаннам̣ ж̇ааяамаанам̣ бажжуббаннабхаавам̣ лабханд̇ам̣. д̇знааха ‘‘д̇ан̃н̃зва анааг̇ад̇ам̣ д̇ам̣ бажжуббаннанд̇и лад̣̇д̇хивасзнаа’’д̇и. д̇амби худ̇ваа ход̇ийд̇и яам̣ анааг̇ад̇ам̣ худ̇ваа бажжуббаннабхааваббад̇д̇ияаа ‘‘худ̇ваа ход̇ий’’д̇и вуд̇д̇ам̣, гим̣ д̇ад̣̇аби буна худ̇ваа ход̇ийд̇и бужчад̇и. д̇аб̣бхааваавиг̇амад̇од̇и бажжуббаннабхаавад̇о худ̇вааход̇ибхааваанубаг̇амад̇о. бажжуббаннаабхаавад̇од̇и бажжуббаннад̇ааяа абхаавад̇о.
288. Anāgataṃ vā paccuppannaṃ vāti ettha vā-saddo aniyamattho yathā ‘‘khadire vā bandhitabbaṃ palāse vā’’ti. Tasmā ‘‘hutvā hotī’’ti ettha hoti-saddo anāgatapaccuppannesu yaṃ kiñci padhānaṃ katvā sambandhaṃ labhatīti dassento ‘‘anāgataṃ…pe… daṭṭhabba’’nti āha. Tattha paccuppannaṃ hontanti paccuppannaṃ jāyamānaṃ paccuppannabhāvaṃ labhantaṃ. Tenāha ‘‘taññeva anāgataṃ taṃ paccuppannanti laddhivasenā’’ti. Tampi hutvā hotīti yaṃ anāgataṃ hutvā paccuppannabhāvappattiyā ‘‘hutvā hotī’’ti vuttaṃ, kiṃ tadapi puna hutvā hotīti pucchati. Tabbhāvāvigamatoti paccuppannabhāvato hutvāhotibhāvānupagamato. Paccuppannābhāvatoti paccuppannatāya abhāvato.
важанам̣ арахад̇ийд̇и иминаа важанамад̇д̇з на гожи д̣̇осод̇и д̣̇ассзд̇и. ид̣̇ам̣ вуд̇д̇ам̣ ход̇и – яад̣̇иби д̇асса буна худ̇ваа бхууд̇асса буна худ̇вааход̇ибхааво над̇т̇и, бунаббунам̣ н̃аабзд̇аб̣б̣ад̇ааяа бана д̣̇уд̇ияам̣ д̇ад̇о барамби д̇ат̇аа вад̇д̇аб̣б̣ад̇ам̣ арахад̇ийд̇и ‘‘ааманд̇аа’’д̇и бадиж̇аанаад̇ийд̇и. д̇хаммзд̇и сабхаавад̇хаммз. д̇аббадигкзбад̇о ад̇хаммз абхаавад̇хаммз. д̇знааха ‘‘сасависаан̣з’’д̇и.
Vacanaṃarahatīti iminā vacanamatte na koci dosoti dasseti. Idaṃ vuttaṃ hoti – yadipi tassa puna hutvā bhūtassa puna hutvāhotibhāvo natthi, punappunaṃ ñāpetabbatāya pana dutiyaṃ tato parampi tathā vattabbataṃ arahatīti ‘‘āmantā’’ti paṭijānātīti. Dhammeti sabhāvadhamme. Tappaṭikkhepato adhamme abhāvadhamme. Tenāha ‘‘sasavisāṇe’’ti.
бадигкид̇д̇анаязнаад̇и ‘‘худ̇ваа ход̇и, худ̇ваа ход̇ий’’д̇и зд̇т̇а буб̣б̣з яад̣̇зд̇ам̣ д̇аяаа ‘‘анааг̇ад̇ам̣ худ̇ваа бажжуббаннам̣ ход̇ий’’д̇и вад̣̇ад̇аа ‘‘д̇ам̣язва анааг̇ад̇ам̣ д̇ам̣ бажжуббанна’’нд̇и лад̣̇д̇хивасзна ‘‘анааг̇ад̇ам̣ ваа бажжуббаннам̣ ваа худ̇ваа ход̇ий’’д̇и вуд̇д̇ам̣, ‘‘гим̣ д̇з д̇амби худ̇ваа ход̇ий’’д̇и бужчид̇з яо бараваад̣̇инаа худ̇ваа бхууд̇асса буна худ̇вааабхаавад̇о ‘‘на хзваа’’д̇и бадигкзбо гад̇о, д̇зна бадигкид̇д̇анаязна. свааяам̣ яад̣̇зва руубаад̣̇и анааг̇ад̇ам̣, д̇ад̣̇зва бажжуббаннанд̇и сад̇иби ад̇т̇аабхзд̣̇з анааг̇ад̇абажжуббаннанд̇и бана ад̇т̇зва гаалабхзд̣̇од̇и д̇ам̣гаалабхзд̣̇авирод̇хааяа бадигкзбо бавад̇д̇од̇и ааха ‘‘бадигкид̇д̇анаязнаад̇и гааланаанад̇д̇знаа’’д̇и. д̇зна хи со аяан̃жа бадигкзбо нийд̇о бавад̇д̇ид̇од̇и. бадин̃н̃аад̇анаязнаад̇и ид̣̇амби яат̇аавуд̇д̇абадигкзбаананд̇арам̣ яам̣ бадин̃н̃аад̇ам̣, д̇ам̣ санд̇хааяааха. яат̇аа хи саа бадин̃н̃аа ад̇т̇аабхзд̣̇зна нийд̇аа бавад̇д̇ид̇аа, д̇ат̇ааяамби. д̇знзвааха ‘‘ад̇т̇аанаанад̇д̇знаа’’д̇и, анааг̇ад̇аад̣̇иббабхзд̣̇ааяа гаалабан̃н̃ад̇д̇ияаа убаад̣̇аанабхууд̇асса ад̇т̇асса абхзд̣̇знаад̇и ад̇т̇о. яат̇аа убаад̣̇аанабхууд̇аруубаад̣̇иад̇т̇аабхзд̣̇зби д̇зсам̣ кан̣ад̇д̇аяаанаавад̇д̇и д̇ам̣саман̇г̇ид̇аа анааг̇ад̇абажжуббаннабхааваавад̇д̇ид̇аа, д̇ат̇аа д̇ад̇т̇а вужжамаанаа худ̇вааход̇ибхааваа яат̇ааггамам̣ буримабажчимзсу бавад̇д̇ид̇аа буримабажчимагирияаад̇и гад̇ваад̇и имамад̇т̇ам̣ д̣̇ассзнд̇о ‘‘ад̇т̇аанаанад̇д̇ам̣…бз… бадиж̇аанаад̇ий’’д̇и вад̇ваа буна ‘‘ад̇т̇аанаанад̇д̇амзва хий’’д̇иаад̣̇инаа д̇амзва ад̇т̇ам̣ самад̇т̇зд̇и. яат̇аа бана ‘‘д̇ам̣ ж̇ийвам̣ д̇ам̣ сарийра’’нд̇и бадиж̇аананд̇асса ж̇ийвова сарийрам̣, сарийрамзва ж̇ийвод̇и ж̇ийвасарийраанам̣ анан̃н̃ад̇д̇ам̣ аабаж̇ж̇ад̇и, звам̣ ‘‘д̇ан̃н̃зва анааг̇ад̇ам̣ д̇ам̣ бажжуббанна’’нд̇и жа бадиж̇аананд̇асса анааг̇ад̇абажжуббаннаанам̣ анан̃н̃ад̇д̇ам̣ аабаннанд̇и бажжуббаннаанааг̇ад̇зсу вуд̇д̇аа ход̇ибхаавахуд̇ваабхааваа анааг̇ад̇абажжуббаннзсуби аабаж̇ж̇зяяунд̇и вуд̇д̇ам̣ адтагат̇ааяам̣ ‘‘звам̣ санд̇з анааг̇ад̇амби худ̇вааход̇и наама, бажжуббаннамби худ̇вааход̇иязва наамаа’’д̇и.
Paṭikkhittanayenāti ‘‘hutvā hoti, hutvā hotī’’ti ettha pubbe yadetaṃ tayā ‘‘anāgataṃ hutvā paccuppannaṃ hotī’’ti vadatā ‘‘taṃyeva anāgataṃ taṃ paccuppanna’’nti laddhivasena ‘‘anāgataṃ vā paccuppannaṃ vā hutvā hotī’’ti vuttaṃ, ‘‘kiṃ te tampi hutvā hotī’’ti pucchite yo paravādinā hutvā bhūtassa puna hutvāabhāvato ‘‘na hevā’’ti paṭikkhepo kato, tena paṭikkhittanayena. Svāyaṃ yadeva rūpādi anāgataṃ, tadeva paccuppannanti satipi atthābhede anāgatapaccuppannanti pana attheva kālabhedoti taṃkālabhedavirodhāya paṭikkhepo pavattoti āha ‘‘paṭikkhittanayenāti kālanānattenā’’ti. Tena hi so ayañca paṭikkhepo nīto pavattitoti. Paṭiññātanayenāti idampi yathāvuttapaṭikkhepānantaraṃ yaṃ paṭiññātaṃ, taṃ sandhāyāha. Yathā hi sā paṭiññā atthābhedena nītā pavattitā, tathāyampi. Tenevāha ‘‘atthānānattenā’’ti, anāgatādippabhedāya kālapaññattiyā upādānabhūtassa atthassa abhedenāti attho. Yathā upādānabhūtarūpādiatthābhedepi tesaṃ khaṇattayānāvatti taṃsamaṅgitā anāgatapaccuppannabhāvāvattitā, tathā tattha vuccamānā hutvāhotibhāvā yathākkamaṃ purimapacchimesu pavattitā purimapacchimakiriyāti katvāti imamatthaṃ dassento ‘‘atthānānattaṃ…pe… paṭijānātī’’ti vatvā puna ‘‘atthānānattameva hī’’tiādinā tameva atthaṃ samattheti. Yathā pana ‘‘taṃ jīvaṃ taṃ sarīra’’nti paṭijānantassa jīvova sarīraṃ, sarīrameva jīvoti jīvasarīrānaṃ anaññattaṃ āpajjati, evaṃ ‘‘taññeva anāgataṃ taṃ paccuppanna’’nti ca paṭijānantassa anāgatapaccuppannānaṃ anaññattaṃ āpannanti paccuppannānāgatesu vuttā hotibhāvahutvābhāvā anāgatapaccuppannesupi āpajjeyyunti vuttaṃ aṭṭhakathāyaṃ ‘‘evaṃ sante anāgatampi hutvāhoti nāma, paccuppannampi hutvāhotiyeva nāmā’’ti.
анун̃н̃аад̇абан̃хассаад̇и ‘‘д̇ан̃н̃зва анааг̇ад̇ам̣ д̇ам̣ бажжуббаннанд̇и? ааманд̇аа’’д̇и звам̣ ад̇т̇аанаанад̇д̇ам̣ санд̇хааяа анун̃н̃аад̇асса ад̇т̇асса. н̃аад̇ум̣ ижчид̇о хи ад̇т̇о бан̃хо. д̣̇осо вуд̇д̇од̇и анааг̇ад̇ам̣ худ̇ваа бажжуббаннабхууд̇асса буна анааг̇ад̇ам̣ худ̇ваа бажжуббаннабхааваабад̇д̇исан̇каад̇о д̣̇осо вуд̇д̇о буриманаяз . бажчиманаяз бана анааг̇ад̇абажжуббаннзсу згзгасса худ̇вааход̇ибхааваабад̇д̇исан̇каад̇о д̣̇осо вуд̇д̇од̇и ад̇т̇о. бадигкид̇д̇абан̃ханд̇и ‘‘д̇ам̣язва анааг̇ад̇ам̣ д̇ам̣ бажжуббаннанд̇и? на хзвам̣ вад̇д̇аб̣б̣з’’д̇и звам̣ гааланаанад̇д̇ам̣ санд̇хааяа бадигкид̇д̇абан̃хам̣. д̇знаад̇и анааг̇ад̇абажжуббаннаанам̣ ход̇ихуд̇ваабхаавабадигкзбзна. жод̣̇зд̇ийд̇и анааг̇ад̇ам̣ д̇зна ход̇и наама, бажжуббаннам̣ д̇зна худ̇ваа наама, убхаяамби анан̃н̃ад̇д̇аа убхаяасабхааванд̇и жод̣̇зд̇и. зд̇т̇аад̇и ‘‘худ̇ваа ход̇ий’’д̇и зд̇асмим̣ бан̃хз гат̇ам̣ ход̇и д̣̇осод̇и жод̣̇зд̇ийд̇и. ‘‘д̇ассзваа’’д̇и барихарад̇и. гат̇ам̣ гад̇ваа жод̣̇анаа, гат̇ан̃жа гад̇ваа барихааро? ануж̇аананабадигкзбаанам̣ бхиннависаяад̇ааяа жод̣̇анаа, ад̇т̇аабхзд̣̇агаалабхзд̣̇ависаяад̇д̇аа абхиннаад̇хаарад̇ааяа д̇зсам̣ барихааро. д̇ассзваад̇и хи бараваад̣̇ино зваад̇и ад̇т̇о.
Anuññātapañhassāti ‘‘taññeva anāgataṃ taṃ paccuppannanti? Āmantā’’ti evaṃ atthānānattaṃ sandhāya anuññātassa atthassa. Ñātuṃ icchito hi attho pañho. Doso vuttoti anāgataṃ hutvā paccuppannabhūtassa puna anāgataṃ hutvā paccuppannabhāvāpattisaṅkhāto doso vutto purimanaye . Pacchimanaye pana anāgatapaccuppannesu ekekassa hutvāhotibhāvāpattisaṅkhāto doso vuttoti attho. Paṭikkhittapañhanti ‘‘taṃyeva anāgataṃ taṃ paccuppannanti? Na hevaṃ vattabbe’’ti evaṃ kālanānattaṃ sandhāya paṭikkhittapañhaṃ. Tenāti anāgatapaccuppannānaṃ hotihutvābhāvapaṭikkhepena. Codetīti anāgataṃ tena hoti nāma, paccuppannaṃ tena hutvā nāma, ubhayampi anaññattā ubhayasabhāvanti codeti. Etthāti ‘‘hutvā hotī’’ti etasmiṃ pañhe kathaṃ hoti dosoti codetīti. ‘‘Tassevā’’ti pariharati. Kathaṃ katvā codanā, kathañca katvā parihāro? Anujānanapaṭikkhepānaṃ bhinnavisayatāya codanā, atthābhedakālabhedavisayattā abhinnādhāratāya tesaṃ parihāro. Tassevāti hi paravādino evāti attho.
д̇ад̣̇убхаяам̣ г̇ахзд̇ваад̇и ‘‘д̇ам̣ анааг̇ад̇ам̣ д̇ам̣ бажжуббанна’’нд̇и убхаяам̣ згаж̇жхам̣ г̇ахзд̇ваа. згзганд̇и д̇зсу згзгам̣. згзгамзваад̇и убхаяам̣ згаж̇жхам̣ аг̇г̇ахзд̇ваа згзгамзва висум̣ висум̣ имасмим̣ багкз д̇ат̇аа на яуд̇д̇анд̇и ад̇т̇о. зса наяод̇и ад̇ид̣̇зсам̣ гад̇ваа сам̣кид̇д̇ад̇д̇аа д̇ам̣ д̣̇уб̣б̣ин̃н̃зяяанд̇и ‘‘анааг̇ад̇асса хий’’д̇иаад̣̇инаа виварад̇и. бадиж̇аанид̇аб̣б̣ам̣ сияаа анааг̇ад̇абажжуббаннаанам̣ яат̇ааггамам̣ ход̇ихуд̇ваабхаавад̇од̇и ад̇хиббааяо. ‘‘яад̣̇зд̇ам̣ д̇аяаа’’д̇иаад̣̇инаа бавад̇д̇о сам̣ван̣н̣анаанаяо буриманаяо, д̇ад̇т̇а хи ‘‘яад̣̇и д̇з анааг̇ад̇ам̣ худ̇ваа’’д̇иаад̣̇инаа худ̇вааход̇ибхааво жод̣̇ид̇о. ‘‘абаро наяо’’д̇иаад̣̇иго д̣̇уд̇ияанаяо. д̇ад̇т̇а хи ‘‘анааг̇ад̇асса…бз… худ̇вааход̇иязва наамаа’’д̇и анааг̇ад̇аад̣̇ийсу згзгасса худ̇вааход̇инаамад̇аа жод̣̇ид̇аа.
Tadubhayaṃ gahetvāti ‘‘taṃ anāgataṃ taṃ paccuppanna’’nti ubhayaṃ ekajjhaṃ gahetvā. Ekekanti tesu ekekaṃ. Ekekamevāti ubhayaṃ ekajjhaṃ aggahetvā ekekameva visuṃ visuṃ imasmiṃ pakkhe tathā na yuttanti attho. Esa nayoti atidesaṃ katvā saṃkhittattā taṃ dubbiññeyyanti ‘‘anāgatassa hī’’tiādinā vivarati. Paṭijānitabbaṃ siyā anāgatapaccuppannānaṃ yathākkamaṃ hotihutvābhāvatoti adhippāyo. ‘‘Yadetaṃ tayā’’tiādinā pavatto saṃvaṇṇanānayo purimanayo, tattha hi ‘‘yadi te anāgataṃ hutvā’’tiādinā hutvāhotibhāvo codito. ‘‘Aparo nayo’’tiādiko dutiyanayo. Tattha hi ‘‘anāgatassa…pe… hutvāhotiyeva nāmā’’ti anāgatādīsu ekekassa hutvāhotināmatā coditā.
важанасод̇ханаван̣н̣анаа нидтид̇аа.
Vacanasodhanavaṇṇanā niṭṭhitā.
ад̇ийд̇ан̃аан̣аад̣̇игат̇ааван̣н̣анаа
Atītañāṇādikathāvaṇṇanā
290. гат̇ам̣ вужжад̇ийд̇и гасмаа вуд̇д̇ам̣. д̇знаад̇и хи иминаа д̣̇уд̇ияабужчааяа ‘‘ад̇ийд̇ам̣ н̃аан̣а’’нд̇и ид̣̇ам̣ бажжаамадтам̣, д̇ан̃жа бажжуббаннам̣ н̃аан̣ам̣, ад̇ийд̇ад̇хаммаарамман̣ад̇ааяа ад̇ийд̇анд̇и вуд̇д̇ам̣. д̇знааха адтагат̇ааяам̣ ‘‘буна будто ад̇ийд̇аарамман̣ам̣ бажжуббаннам̣ н̃аан̣а’’нд̇иаад̣̇и.
290. Kathaṃvuccatīti kasmā vuttaṃ. Tenāti hi iminā dutiyapucchāya ‘‘atītaṃ ñāṇa’’nti idaṃ paccāmaṭṭhaṃ, tañca paccuppannaṃ ñāṇaṃ, atītadhammārammaṇatāya atītanti vuttaṃ. Tenāha aṭṭhakathāyaṃ ‘‘puna puṭṭho atītārammaṇaṃ paccuppannaṃ ñāṇa’’ntiādi.
ад̇ийд̇ан̃аан̣аад̣̇игат̇ааван̣н̣анаа нидтид̇аа.
Atītañāṇādikathāvaṇṇanā niṭṭhitā.
араханд̇аад̣̇игат̇ааван̣н̣анаа
Arahantādikathāvaṇṇanā
291. ‘‘арахам̣ кийн̣аасаво’’д̇иаад̣̇инаа суд̇д̇авирод̇хо баагадод̇и ид̣̇амзва д̣̇ассзнд̇о ‘‘яуд̇д̇ивирод̇хо…бз… д̣̇адтаб̣б̣о’’д̇и ааха. д̇ад̇т̇а анаанад̇д̇анд̇и ависзсо. звамаад̣̇игод̇и аад̣̇и-сад̣̇д̣̇зна гад̇агижжад̇аабхааво анохид̇абхаарад̇аад̇и звамаад̣̇ийнам̣ сан̇г̇ахо д̣̇адтаб̣б̣о.
291. ‘‘Arahaṃ khīṇāsavo’’tiādinā suttavirodho pākaṭoti idameva dassento ‘‘yuttivirodho…pe… daṭṭhabbo’’ti āha. Tattha anānattanti aviseso. Evamādikoti ādi-saddena katakiccatābhāvo anohitabhāratāti evamādīnaṃ saṅgaho daṭṭhabbo.
араханд̇аад̣̇игат̇ааван̣н̣анаа нидтид̇аа.
Arahantādikathāvaṇṇanā niṭṭhitā.
бад̣̇асод̇ханагат̇ааван̣н̣анаа
Padasodhanakathāvaṇṇanā
295. яо ад̇ийд̇асад̣̇д̣̇аабхид̇хзяяо ад̇т̇о, со ад̇т̇исад̣̇д̣̇аабхид̇хзяяод̇и д̣̇взби самаанаад̇хигаран̣ад̇т̇аад̇и гад̇ваа вуд̇д̇ам̣ ‘‘ад̇ийд̇аад̇т̇исад̣̇д̣̇аанам̣ згад̇т̇ад̇д̇аа’’д̇и, на, ад̇ийд̇асад̣̇д̣̇аабхид̇хзяяассзва ад̇т̇исад̣̇д̣̇аабхид̇хзяяад̇д̇аа. д̇знааха ‘‘ад̇т̇исад̣̇д̣̇ад̇т̇асса жа нваад̇ийд̇абхаавад̇о’’д̇и. д̇зна гим̣ сид̣̇д̇ханд̇и ааха ‘‘ад̇ийд̇ам̣ нваад̇ийд̇ам̣, нваад̇ийд̇ан̃жа ад̇ийд̇ам̣ ход̇ий’’д̇и. ид̣̇ам̣ вуд̇д̇ам̣ ход̇и – яад̣̇и д̇ава мад̇зна ад̇ийд̇ам̣ ад̇т̇и, ад̇т̇и жа нваад̇ийд̇анд̇и ад̇ийд̇ан̃жа но ад̇ийд̇ам̣ сияаа, д̇ат̇аа ад̇т̇и но ад̇ийд̇ам̣ ад̇ийд̇ан̃жа но ад̇ийд̇ам̣ ад̇ийд̇ам̣ сияаад̇и, яат̇аа ‘‘ад̇ийд̇ам̣ ад̇т̇ий’’д̇и зд̇т̇а ад̇ийд̇амзва ад̇т̇ийд̇и нааяам̣ нияамо г̇ахзд̇аб̣б̣о анад̇ийд̇ассаби ад̇т̇ибхаавасса ижчид̇ад̇д̇аа. д̇знзвааха ‘‘ад̇т̇и сияаа ад̇ийд̇ам̣, сияаа нваад̇ийд̇а’’нд̇и. язна хи аагаарзна ад̇ийд̇асса ад̇т̇ибхааво бараваад̣̇инаа ижчид̇о, д̇знаагаарзна анад̇ийд̇асса анааг̇ад̇асса бажжуббаннасса жа со ижчид̇о. гзна бана аагаарзна ижчид̇од̇и ? сан̇кад̇аагаарзна. д̇зна вуд̇д̇ам̣ ‘‘д̇знаад̇ийд̇ам̣ нваад̇ийд̇ам̣, нваад̇ийд̇ам̣ ад̇ийд̇а’’нд̇и. д̇асмаа ад̇ийд̇ам̣ ад̇т̇иязваад̇и звамзд̇т̇а нияамо г̇ахзд̇аб̣б̣о. ад̇т̇ибхаавз хи ад̇ийд̇ам̣ нияамид̇ам̣, на ад̇ийд̇з ад̇т̇ибхааво нияамид̇о, ‘‘на бана ниб̣б̣аанам̣ ад̇т̇ий’’д̇и зд̇т̇а бана ниб̣б̣аанамзва ад̇т̇ийд̇и аяамби нияамо самбхавад̇ийд̇и со зва г̇ахзд̇аб̣б̣о. яад̣̇иби хи ниб̣б̣аанам̣ барамад̇т̇ад̇о ад̇т̇ибхаавам̣ убаад̣̇ааяа уд̇д̇арабад̣̇аавад̇хааран̣ам̣ лаб̣бхад̇и д̇ад̣̇ан̃н̃ассаби абхаавад̇о, д̇ат̇ааби асан̇кад̇аагаарзна ан̃н̃асса анубалаб̣бханад̇о д̇ат̇аа ниб̣б̣аанамзва ад̇т̇ийд̇и буримабад̣̇аавад̇хааран̣з ад̇т̇з г̇аяхамаанз ‘‘ад̇т̇и сияаа ниб̣б̣аанам̣, сияаа но ниб̣б̣аана’’нд̇и жод̣̇анаа аногаасаа. ад̇ийд̇аад̣̇ийсу бана буримабад̣̇аавад̇хааран̣ам̣ бараваад̣̇инаа на г̇ахид̇анд̇и над̇т̇зд̇т̇а ад̇иббасан̇г̇о. аг̇г̇ахан̣ан̃жасса баал̣ид̇о зва вин̃н̃ааяад̇и. звамзд̇т̇а ад̇ийд̇аад̣̇ийнам̣ ад̇т̇ид̇ам̣ вад̣̇анд̇асса бараваад̣̇иссзвааяам̣ идтавигхаад̇ад̣̇осаабад̇д̇и, на бана ниб̣б̣аанасса ад̇т̇ид̇ам̣ вад̣̇анд̇асса сагаваад̣̇иссаад̇и. бадибаад̣̇анаа бад̇идтаабанаа взд̣̇ид̇аб̣б̣аа.
295. Yo atītasaddābhidheyyo attho, so atthisaddābhidheyyoti dvepi samānādhikaraṇatthāti katvā vuttaṃ ‘‘atītaatthisaddānaṃ ekatthattā’’ti, na, atītasaddābhidheyyasseva atthisaddābhidheyyattā. Tenāha ‘‘atthisaddatthassa ca nvātītabhāvato’’ti. Tena kiṃ siddhanti āha ‘‘atītaṃ nvātītaṃ, nvātītañca atītaṃ hotī’’ti. Idaṃ vuttaṃ hoti – yadi tava matena atītaṃ atthi, atthi ca nvātītanti atītañca no atītaṃ siyā, tathā atthi no atītaṃ atītañca no atītaṃ atītaṃ siyāti, yathā ‘‘atītaṃ atthī’’ti ettha atītameva atthīti nāyaṃ niyamo gahetabbo anatītassapi atthibhāvassa icchitattā. Tenevāha ‘‘atthi siyā atītaṃ, siyā nvātīta’’nti. Yena hi ākārena atītassa atthibhāvo paravādinā icchito, tenākārena anatītassa anāgatassa paccuppannassa ca so icchito. Kena pana ākārena icchitoti ? Saṅkhatākārena. Tena vuttaṃ ‘‘tenātītaṃ nvātītaṃ, nvātītaṃ atīta’’nti. Tasmā atītaṃ atthiyevāti evamettha niyamo gahetabbo. Atthibhāve hi atītaṃ niyamitaṃ, na atīte atthibhāvo niyamito, ‘‘na pana nibbānaṃ atthī’’ti ettha pana nibbānameva atthīti ayampi niyamo sambhavatīti so eva gahetabbo. Yadipi hi nibbānaṃ paramatthato atthibhāvaṃ upādāya uttarapadāvadhāraṇaṃ labbhati tadaññassapi abhāvato, tathāpi asaṅkhatākārena aññassa anupalabbhanato tathā nibbānameva atthīti purimapadāvadhāraṇe atthe gayhamāne ‘‘atthi siyā nibbānaṃ, siyā no nibbāna’’nti codanā anokāsā. Atītādīsu pana purimapadāvadhāraṇaṃ paravādinā na gahitanti natthettha atippasaṅgo. Aggahaṇañcassa pāḷito eva viññāyati. Evamettha atītādīnaṃ atthitaṃ vadantassa paravādissevāyaṃ iṭṭhavighātadosāpatti, na pana nibbānassa atthitaṃ vadantassa sakavādissāti. Paṭipādanā patiṭṭhāpanā veditabbā.
зд̇т̇ааха ‘‘ад̇ийд̇ам̣ ад̇т̇ий’’д̇иаад̣̇инаа гим̣ банааяам̣ ад̇ийд̇аанааг̇ад̇аанам̣ барамад̇т̇ад̇о ад̇т̇ибхааво ад̇хиббзд̇о, уд̣̇ааху на барамад̇т̇ад̇о. гин̃жзд̇т̇а – яад̣̇и д̇аава барамад̇т̇ад̇о, саб̣б̣агаалам̣ ад̇т̇ибхаавад̇о сан̇каараанам̣ сассад̇абхааво аабаж̇ж̇ад̇и, на жа д̇ам̣ яуд̇д̇ам̣ ааг̇амавирод̇хад̇о яуд̇д̇ивирод̇хад̇о жа. ат̇а на барамад̇т̇ад̇о, ‘‘саб̣б̣амад̇т̇ий’’д̇иаад̣̇игаа жод̣̇анаа нирад̇т̇игаа сияаа, на нирад̇т̇игаа. со хи бараваад̣̇ий ‘‘яам̣ гин̃жи руубам̣ ад̇ийд̇аанааг̇ад̇а’’нд̇иаад̣̇инаа ад̇ийд̇аанааг̇ад̇аанамби канд̇хабхаавасса вуд̇д̇ад̇д̇аа асад̇и жа ад̇ийд̇з гусалаагусаласса гаммасса ааяад̇им̣ палам̣ гат̇ам̣ бхавзяяа, д̇ад̇т̇а жа буб̣б̣зниваасан̃аан̣аад̣̇и анааг̇ад̇з жа анааг̇ад̇ам̣сан̃аан̣аад̣̇и гат̇ам̣ бавад̇д̇зяяа, д̇асмаа ад̇т̇зва барамад̇т̇ад̇о ад̇ийд̇аанааг̇ад̇анд̇и яам̣ бадиж̇аанаад̇и, д̇ам̣ санд̇хааяа аяам̣ гад̇аад̇и. зганд̇зна жзд̇ам̣ самбадижчид̇аб̣б̣ам̣. язби ‘‘саб̣б̣ам̣ ад̇т̇ий’’д̇и вад̣̇анд̇и ад̇ийд̇ам̣ анааг̇ад̇ам̣ бажжуббаннан̃жа, д̇з саб̣б̣ад̇т̇иваад̣̇аад̇и.
Etthāha ‘‘atītaṃ atthī’’tiādinā kiṃ panāyaṃ atītānāgatānaṃ paramatthato atthibhāvo adhippeto, udāhu na paramatthato. Kiñcettha – yadi tāva paramatthato, sabbakālaṃ atthibhāvato saṅkhārānaṃ sassatabhāvo āpajjati, na ca taṃ yuttaṃ āgamavirodhato yuttivirodhato ca. Atha na paramatthato, ‘‘sabbamatthī’’tiādikā codanā niratthikā siyā, na niratthikā. So hi paravādī ‘‘yaṃ kiñci rūpaṃ atītānāgata’’ntiādinā atītānāgatānampi khandhabhāvassa vuttattā asati ca atīte kusalākusalassa kammassa āyatiṃ phalaṃ kathaṃ bhaveyya, tattha ca pubbenivāsañāṇādi anāgate ca anāgataṃsañāṇādi kathaṃ pavatteyya, tasmā attheva paramatthato atītānāgatanti yaṃ paṭijānāti, taṃ sandhāya ayaṃ katāti. Ekantena cetaṃ sampaṭicchitabbaṃ. Yepi ‘‘sabbaṃ atthī’’ti vadanti atītaṃ anāgataṃ paccuppannañca, te sabbatthivādāti.
жад̇уб̣б̣ид̇хаа жзд̇з д̇з саб̣б̣ад̇т̇иваад̣̇аа. д̇ад̇т̇а гзжи бхааван̃н̃ад̇д̇игаа. д̇з хи ‘‘яат̇аа суван̣н̣абхааж̇анасса бхинд̣̇ид̇ваа ан̃н̃ат̇аа гарияамаанасса сан̣таанассзва ан̃н̃ат̇ад̇д̇ам̣, на ван̣н̣аад̣̇ийнам̣, яат̇аа жа кийрам̣ д̣̇ад̇хибхаавзна барин̣аманд̇ам̣ расавийрияавибаагз барижжаж̇ад̇и, на ван̣н̣ам̣, звам̣ д̇хаммааби анааг̇ад̇ад̣̇д̇хуно бажжуббаннад̣̇д̇хам̣ сан̇гаманд̇аа анааг̇ад̇абхаавамзва ж̇аханд̇и, на ад̇д̇ано сабхаавам̣. д̇ат̇аа бажжуббаннад̣̇д̇хуно ад̇ийд̇ад̣̇д̇хам̣ сан̇гамз’’д̇и вад̣̇анд̇и. гзжи лагкан̣ан̃н̃ад̇д̇игаа, д̇з бана ‘‘д̇ийсу ад̣̇д̇хаасу бавад̇д̇амаано д̇хаммо ад̇ийд̇о ад̇ийд̇алагкан̣аяуд̇д̇о, ид̇аралагкан̣зхи аяуд̇д̇о. д̇ат̇аа анааг̇ад̇о бажжуббанно жа. яат̇аа бурисо згиссаа ид̇т̇ияаа рад̇д̇о ан̃н̃аасу арад̇д̇о’’д̇и вад̣̇анд̇и. ан̃н̃з авад̇т̇ан̃н̃ад̇д̇игаа, д̇з ‘‘д̇ийсу ад̣̇д̇хаасу бавад̇д̇амаано д̇хаммо д̇ам̣ д̇ам̣ авад̇т̇ам̣ бад̇ваа ан̃н̃о ан̃н̃ам̣ нид̣̇д̣̇исийяад̇и авад̇т̇анд̇арад̇о, на сабхаавад̇о. яат̇аа згам̣ агкам̣ зган̇г̇з нигкид̇д̇ам̣ зганд̇и вужжад̇и, сад̇ан̇г̇з сад̇анд̇и, сахассан̇г̇з сахассанд̇и, звам̣самбад̣̇амид̣̇а’’нд̇и. абарз ан̃н̃ат̇ан̃н̃ад̇д̇игаа, д̇з бана ‘‘д̇ийсу ад̣̇д̇хаасу бавад̇д̇амаано д̇хаммо д̇ам̣ д̇ам̣ абзгкид̇ваа д̇ад̣̇ан̃н̃асабхаавзна вужжад̇и. яат̇аа д̇ам̣ згаа ид̇т̇ий маад̇аад̇и жа вужжад̇и д̇хийд̇аа’’д̇и жа. звамзд̇з жад̇д̇ааро саб̣б̣ад̇т̇иваад̣̇аа.
Catubbidhā cete te sabbatthivādā. Tattha keci bhāvaññattikā. Te hi ‘‘yathā suvaṇṇabhājanassa bhinditvā aññathā kariyamānassa saṇṭhānasseva aññathattaṃ, na vaṇṇādīnaṃ, yathā ca khīraṃ dadhibhāvena pariṇamantaṃ rasavīriyavipāke pariccajati, na vaṇṇaṃ, evaṃ dhammāpi anāgataddhuno paccuppannaddhaṃ saṅkamantā anāgatabhāvameva jahanti, na attano sabhāvaṃ. Tathā paccuppannaddhuno atītaddhaṃ saṅkame’’ti vadanti. Keci lakkhaṇaññattikā, te pana ‘‘tīsu addhāsu pavattamāno dhammo atīto atītalakkhaṇayutto, itaralakkhaṇehi ayutto. Tathā anāgato paccuppanno ca. Yathā puriso ekissā itthiyā ratto aññāsu aratto’’ti vadanti. Aññe avatthaññattikā, te ‘‘tīsu addhāsu pavattamāno dhammo taṃ taṃ avatthaṃ patvā añño aññaṃ niddisīyati avatthantarato, na sabhāvato. Yathā ekaṃ akkhaṃ ekaṅge nikkhittaṃ ekanti vuccati, sataṅge satanti, sahassaṅge sahassanti, evaṃsampadamida’’nti. Apare aññathaññattikā, te pana ‘‘tīsu addhāsu pavattamāno dhammo taṃ taṃ apekkhitvā tadaññasabhāvena vuccati. Yathā taṃ ekā itthī mātāti ca vuccati dhītā’’ti ca. Evamete cattāro sabbatthivādā.
д̇зсу батамо барин̣аамаваад̣̇ид̇ааяа гаабилабагкигзсу багкибид̇аб̣б̣од̇и. д̣̇уд̇ияассаби гааласан̇гаро аабаж̇ж̇ад̇и саб̣б̣асса саб̣б̣алагкан̣аяог̇ад̇о. жад̇уд̇т̇ассаби сан̇гарова. згассзва д̇хаммасса бавад̇д̇игкан̣з д̇аяоби гаалаа самод̇хаанам̣ г̇ажчанд̇и. буримабажчимагкан̣аа хи ад̇ийд̇аанааг̇ад̇аа, маж̇жхимо бажжуббаннод̇и. д̇ад̇ияасса бана авад̇т̇ан̃н̃ад̇д̇игасса над̇т̇и сан̇гаро д̇хаммагижжзна гаалававад̇т̇аанад̇о. д̇хаммо хи сагижжагкан̣з бажжуббанно, д̇ад̇о буб̣б̣з анааг̇ад̇о, бажчаа ад̇ийд̇од̇и.
Tesu paṭhamo pariṇāmavāditāya kāpilapakkhikesu pakkhipitabboti. Dutiyassapi kālasaṅkaro āpajjati sabbassa sabbalakkhaṇayogato. Catutthassapi saṅkarova. Ekasseva dhammassa pavattikkhaṇe tayopi kālā samodhānaṃ gacchanti. Purimapacchimakkhaṇā hi atītānāgatā, majjhimo paccuppannoti. Tatiyassa pana avatthaññattikassa natthi saṅkaro dhammakiccena kālavavatthānato. Dhammo hi sakiccakkhaṇe paccuppanno, tato pubbe anāgato, pacchā atītoti.
д̇ад̇т̇а яад̣̇и ад̇ийд̇амби д̇харамаанасабхаавад̇ааяа ад̇т̇и анааг̇ад̇амби, гасмаа д̇ам̣ ад̇ийд̇анд̇и вужжад̇и анааг̇ад̇анд̇и ваа, нану вуд̇д̇ам̣ ‘‘д̇хаммагижжзна гаалававад̇т̇аанад̇о’’д̇и. яад̣̇и звам̣ бажжуббаннасса жагкусса гим̣ гижжам̣, анавасзсабажжаяасамавааяз палуббаад̣̇анам̣. звам̣ сад̇и анааг̇ад̇ассаби жасса д̇зна бхавид̇аб̣б̣ам̣ ад̇т̇ибхаавад̇од̇и лагкан̣асан̇гаро сияаа. ид̣̇ан̃жзд̇т̇а вад̇д̇аб̣б̣ам̣, д̇знзва сабхаавзна сад̇о д̇хаммасса гижжам̣, гижжагаран̣з го виб̣анд̇хо, язна гад̣̇аажи гарод̇и гад̣̇аажи на гарод̇и бажжаяасамавааяабхаавад̇о, гижжасса самавааяаабхаавад̇од̇и жз? д̇ам̣ на, нижжам̣ ад̇т̇ибхаавасса ижчид̇ад̇д̇аа. д̇ад̇о зва жа ад̣̇д̇хунам̣ ававад̇т̇аанам̣. д̇хаммо хи д̇знзва сабхаавзна виж̇ж̇амаано гасмаа гад̣̇аажи ад̇ийд̇од̇и вужжад̇и гад̣̇аажи анааг̇ад̇од̇и гааласса вавад̇т̇аанам̣ на сияаа. яо хи д̇хаммо аж̇аад̇о, со анааг̇ад̇о. яо ж̇аад̇о на жа нируд̣̇д̇хо, со бажжуббанно. яо нируд̣̇д̇хо, со ад̇ийд̇о. ид̣̇амзвзд̇т̇а вад̇д̇аб̣б̣ам̣. яад̣̇и яат̇аа вад̇д̇амаанам̣ ад̇т̇и , д̇ат̇аа ад̇ийд̇ам̣ анааг̇ад̇ан̃жа ад̇т̇и, д̇асса д̇ат̇аа сад̇о аж̇аад̇ад̇аа нируд̣̇д̇хад̇аа жа гзна ход̇ийд̇и. д̇знзва хи сабхаавзна сад̇о д̇хаммасса гат̇амид̣̇ам̣ сиж̇жхад̇и аж̇аад̇од̇и ваа нируд̣̇д̇ход̇и ваа. гим̣ д̇асса буб̣б̣з наахоси, яасса абхаавад̇о аж̇аад̇од̇и вужжад̇и, гин̃жа бажчаа над̇т̇и, яасса абхаавад̇о нируд̣̇д̇ход̇и вужжад̇и. д̇асмаа саб̣б̣ат̇ааби ад̣̇д̇хад̇д̇аяам̣ на сиж̇жхад̇и, яад̣̇и ахуд̇ваа сан̇г̇ад̇и худ̇ваа жа винассад̇ийд̇и на самбадижчанд̇и. яам̣ бана вуд̇д̇ам̣ ‘‘сан̇кад̇алагкан̣аяог̇ад̇о на сассад̇абхааваббасан̇г̇о’’д̇и, д̇аяид̣̇ам̣ гзвалам̣ ваажаавад̇т̇умад̇д̇ам̣ уд̣̇аяаваяаасамбхавад̇о, ад̇т̇и жа наама саб̣б̣ад̣̇аа со д̇хаммо, на жа нижжод̇и гуд̇ояам̣ ваажааяуд̇д̇и.
Tattha yadi atītampi dharamānasabhāvatāya atthi anāgatampi, kasmā taṃ atītanti vuccati anāgatanti vā, nanu vuttaṃ ‘‘dhammakiccena kālavavatthānato’’ti. Yadi evaṃ paccuppannassa cakkhussa kiṃ kiccaṃ, anavasesapaccayasamavāye phaluppādanaṃ. Evaṃ sati anāgatassapi cassa tena bhavitabbaṃ atthibhāvatoti lakkhaṇasaṅkaro siyā. Idañcettha vattabbaṃ, teneva sabhāvena sato dhammassa kiccaṃ, kiccakaraṇe ko vibandho, yena kadāci karoti kadāci na karoti paccayasamavāyabhāvato, kiccassa samavāyābhāvatoti ce? Taṃ na, niccaṃ atthibhāvassa icchitattā. Tato eva ca addhunaṃ avavatthānaṃ. Dhammo hi teneva sabhāvena vijjamāno kasmā kadāci atītoti vuccati kadāci anāgatoti kālassa vavatthānaṃ na siyā. Yo hi dhammo ajāto, so anāgato. Yo jāto na ca niruddho, so paccuppanno. Yo niruddho, so atīto. Idamevettha vattabbaṃ. Yadi yathā vattamānaṃ atthi , tathā atītaṃ anāgatañca atthi, tassa tathā sato ajātatā niruddhatā ca kena hotīti. Teneva hi sabhāvena sato dhammassa kathamidaṃ sijjhati ajātoti vā niruddhoti vā. Kiṃ tassa pubbe nāhosi, yassa abhāvato ajātoti vuccati, kiñca pacchā natthi, yassa abhāvato niruddhoti vuccati. Tasmā sabbathāpi addhattayaṃ na sijjhati, yadi ahutvā saṅgati hutvā ca vinassatīti na sampaṭicchanti. Yaṃ pana vuttaṃ ‘‘saṅkhatalakkhaṇayogato na sassatabhāvappasaṅgo’’ti, tayidaṃ kevalaṃ vācāvatthumattaṃ udayavayāsambhavato, atthi ca nāma sabbadā so dhammo, na ca niccoti kutoyaṃ vācāyutti.
сабхааво саб̣б̣ад̣̇аа ад̇т̇и, нижжо д̇хаммо на вужжад̇и;
Sabhāvo sabbadā atthi, nicco dhammo na vuccati;
д̇хаммо сабхаавад̇о наан̃н̃о, ахо д̇хаммзсу госалам̣.
Dhammo sabhāvato nāñño, aho dhammesu kosalaṃ.
яан̃жа вуд̇д̇ам̣ ‘‘яам̣ гин̃жи руубам̣ ад̇ийд̇аанааг̇ад̇а’’нд̇иаад̣̇инаа ад̇ийд̇аанааг̇ад̇аанам̣ канд̇хабхаавасса вуд̇д̇ад̇д̇аа ад̇т̇зваад̇и, вад̣̇аама. ад̇ийд̇ам̣ бхууд̇абуб̣б̣ам̣, анааг̇ад̇ам̣ яам̣ сад̇и бажжаяз бхависсад̇и, д̇ад̣̇убхаяассаби руббанаад̣̇исабхааваанаад̇ивад̇д̇анад̇о руубагканд̇хаад̣̇ибхааво вуд̇д̇о. яат̇аад̇хаммасабхааваанаад̇ивад̇д̇анад̇о ад̇ийд̇аа д̇хаммаа анааг̇ад̇аа д̇хаммаад̇и, на д̇харамаанасабхаавад̇ааяа. го жа звамааха ‘‘бажжуббаннам̣ вияа д̇ам̣ ад̇т̇ий’’д̇и. гат̇ам̣ банзд̇ам̣ ад̇т̇ийд̇и? ад̇ийд̇аанааг̇ад̇асабхаавзна. ид̣̇ам̣ бана д̇авзва убадтид̇ам̣, гат̇ам̣ д̇ам̣ ад̇ийд̇ам̣ анааг̇ад̇ан̃жа вужжад̇и, яад̣̇и нижжагаалам̣ ад̇т̇ийд̇и.
Yañca vuttaṃ ‘‘yaṃ kiñci rūpaṃ atītānāgata’’ntiādinā atītānāgatānaṃ khandhabhāvassa vuttattā atthevāti, vadāma. Atītaṃ bhūtapubbaṃ, anāgataṃ yaṃ sati paccaye bhavissati, tadubhayassapi ruppanādisabhāvānātivattanato rūpakkhandhādibhāvo vutto. Yathādhammasabhāvānātivattanato atītā dhammā anāgatā dhammāti, na dharamānasabhāvatāya. Ko ca evamāha ‘‘paccuppannaṃ viya taṃ atthī’’ti. Kathaṃ panetaṃ atthīti? Atītānāgatasabhāvena. Idaṃ pana taveva upaṭṭhitaṃ, kathaṃ taṃ atītaṃ anāgatañca vuccati, yadi niccakālaṃ atthīti.
яам̣ бана ‘‘на д̇аава гаалам̣ гарод̇и, яаава на д̇ам̣ баабам̣ б̣яанд̇ий ход̇ий’’д̇и (ма. ни. 3.250) суд̇д̇з вуд̇д̇ам̣, д̇ам̣ яасмин̃жа санд̇аанз гаммам̣ гад̇уубажид̇ам̣, д̇ад̇т̇а д̇знаахид̇ам̣ д̇ам̣палуббаад̣̇анасамад̇т̇ад̇ам̣ санд̇хааяа вуд̇д̇ам̣, на ад̇ийд̇асса гаммасса д̇харамаанасабхаавад̇д̇аа. д̇ат̇аа сад̇и сагзна бхаавзна виж̇ж̇амаанам̣ гат̇ам̣ д̇ам̣ ад̇ийд̇ам̣ наама сияаа. ид̇т̇ан̃жзд̇ам̣ звам̣ самбадижчид̇аб̣б̣ам̣, яам̣ сан̇каараа ахуд̇ваа самбхаванд̇и, худ̇ваа бад̇ивзнд̇и д̇зсам̣ уд̣̇аяад̇о буб̣б̣з ваяад̇о жа бажчаа на гаажи тид̇и наама ад̇т̇и, яад̇о ад̇ийд̇аанааг̇ад̇ам̣ ад̇т̇ийд̇и вужжзяяа. д̇зна вуд̇д̇ам̣ –
Yaṃ pana ‘‘na tāva kālaṃ karoti, yāva na taṃ pāpaṃ byantī hotī’’ti (ma. ni. 3.250) sutte vuttaṃ, taṃ yasmiñca santāne kammaṃ katūpacitaṃ, tattha tenāhitaṃ taṃphaluppādanasamatthataṃ sandhāya vuttaṃ, na atītassa kammassa dharamānasabhāvattā. Tathā sati sakena bhāvena vijjamānaṃ kathaṃ taṃ atītaṃ nāma siyā. Itthañcetaṃ evaṃ sampaṭicchitabbaṃ, yaṃ saṅkhārā ahutvā sambhavanti, hutvā pativenti tesaṃ udayato pubbe vayato ca pacchā na kāci ṭhiti nāma atthi, yato atītānāgataṃ atthīti vucceyya. Tena vuttaṃ –
‘‘анид̇хаанаг̇ад̇аа бхаг̇г̇аа, бун̃ж̇о над̇т̇и анааг̇ад̇з;
‘‘Anidhānagatā bhaggā, puñjo natthi anāgate;
уббаннаа язби д̇идтанд̇и, аараг̇г̇з саасабуубамаа’’д̇и. (махаани. 10, 39);
Uppannā yepi tiṭṭhanti, āragge sāsapūpamā’’ti. (mahāni. 10, 39);
яад̣̇и жаанааг̇ад̇ам̣ барамад̇т̇ад̇о сияаа, ахуд̇ваа самбхаванд̇ийд̇и вад̇д̇ум̣ на саггаа. бажжуббаннагаалз ахуд̇ваа самбхаванд̇ийд̇и жз? на, д̇хаммаббавад̇д̇имад̇д̇ад̇д̇аа гааласса. ат̇а ад̇д̇ано сабхаавзна ахуд̇ваа самбхаванд̇ийд̇и, сид̣̇д̇хамзд̇ам̣ анааг̇ад̇ам̣ барамад̇т̇ад̇о над̇т̇ийд̇и. яан̃жа вуд̇д̇ам̣ ‘‘асад̇и ад̇ийд̇з гусалаагусаласса гаммасса ааяад̇им̣ палам̣ гат̇ам̣ бхавзяяаа’’д̇и, на ко банзд̇т̇а ад̇ийд̇агаммад̇о палуббад̇д̇и ижчид̇аа, ат̇а ко д̇асса гад̇ад̇д̇аа д̇ад̣̇аахид̇ависзсад̇о санд̇аанад̇о. вуд̇д̇ан̃хзд̇ам̣ бхаг̇авад̇аа ‘‘гаамааважарасса гусаласса гаммасса гад̇ад̇д̇аа убажид̇ад̇д̇аа вибаагам̣ жагкувин̃н̃аан̣ам̣ уббаннам̣ ход̇ий’’д̇и (д̇ха. са. 431). яасса бана ад̇ийд̇аанааг̇ад̇ам̣ барамад̇т̇ад̇о ад̇т̇и, д̇асса палам̣ нижжамзва ад̇т̇ийд̇и гим̣ д̇ад̇т̇а гаммасса саамад̇т̇ияам̣. уббаад̣̇анз жз, сид̣̇д̇хамид̣̇ам̣ ахуд̇ваа бхавад̇ийд̇и. яам̣ бана вуд̇д̇ам̣ ‘‘асад̇и ад̇ийд̇аанааг̇ад̇з гат̇ам̣ д̇ад̇т̇а н̃аан̣ам̣ бавад̇д̇зяяаа’’д̇и, яат̇аа д̇ам̣ ааламб̣ан̣ам̣, д̇ам̣ д̇ат̇аа ад̇т̇и, гат̇ан̃жа д̇ам̣ ааламб̣ан̣ам̣, ахоси бхависсад̇и жаад̇и. на хи гожи ад̇ийд̇ам̣ ануссаранд̇о ад̇т̇ийд̇и ануссарад̇и, ат̇а ко ахосийд̇и. яат̇аа бана вад̇д̇амаанам̣ аарамман̣ам̣ анубхууд̇ам̣, д̇ат̇аа д̇ам̣ ад̇ийд̇ам̣ ануссарад̇и. яат̇аа жа вад̇д̇амаанам̣ бхависсад̇и, д̇ат̇аа б̣уд̣̇д̇хаад̣̇ийхи г̇аяхад̇и. яад̣̇и жа д̇ам̣ д̇ат̇зва ад̇т̇и, вад̇д̇амаанамзва д̇ам̣ сияаа. ат̇а над̇т̇и, сид̣̇д̇хам̣ ‘‘асанд̇ам̣ н̃аан̣асса аарамман̣ам̣ ход̇ий’’д̇и. виж̇ж̇амаанам̣ ваа хи жид̇д̇асан̃н̃аад̇ам̣ авиж̇ж̇амаанам̣ ваа аарамман̣ам̣ зд̇зсам̣ ад̇т̇ийд̇и аарамман̣аа, жид̇д̇ажзд̇асигаа, на виж̇ж̇амаанам̣язва аараб̣бха бавад̇д̇анад̇о, д̇асмаа бажжуббаннамзва д̇харамаанасабхаавам̣ на ад̇ийд̇аанааг̇ад̇анд̇и на д̇идтад̇и саб̣б̣ад̇т̇иваад̣̇о. гзжи бана ‘‘на ад̇ийд̇аад̣̇ийнам̣ ад̇т̇ид̇аабадин̃н̃ааяа саб̣б̣ад̇т̇иваад̣̇аа, ат̇а ко ааяад̇анасаб̣б̣асса ад̇т̇ид̇аабадин̃н̃ааяаа’’д̇и вад̣̇анд̇и, д̇зсам̣ мад̇зна саб̣б̣зва саасанигаа саб̣б̣ад̇т̇иваад̣̇аа сияунд̇и.
Yadi cānāgataṃ paramatthato siyā, ahutvā sambhavantīti vattuṃ na sakkā. Paccuppannakāle ahutvā sambhavantīti ce? Na, dhammappavattimattattā kālassa. Atha attano sabhāvena ahutvā sambhavantīti, siddhametaṃ anāgataṃ paramatthato natthīti. Yañca vuttaṃ ‘‘asati atīte kusalākusalassa kammassa āyatiṃ phalaṃ kathaṃ bhaveyyā’’ti, na kho panettha atītakammato phaluppatti icchitā, atha kho tassa katattā tadāhitavisesato santānato. Vuttañhetaṃ bhagavatā ‘‘kāmāvacarassa kusalassa kammassa katattā upacitattā vipākaṃ cakkhuviññāṇaṃ uppannaṃ hotī’’ti (dha. sa. 431). Yassa pana atītānāgataṃ paramatthato atthi, tassa phalaṃ niccameva atthīti kiṃ tattha kammassa sāmatthiyaṃ. Uppādane ce, siddhamidaṃ ahutvā bhavatīti. Yaṃ pana vuttaṃ ‘‘asati atītānāgate kathaṃ tattha ñāṇaṃ pavatteyyā’’ti, yathā taṃ ālambaṇaṃ, taṃ tathā atthi, kathañca taṃ ālambaṇaṃ, ahosi bhavissati cāti. Na hi koci atītaṃ anussaranto atthīti anussarati, atha kho ahosīti. Yathā pana vattamānaṃ ārammaṇaṃ anubhūtaṃ, tathā taṃ atītaṃ anussarati. Yathā ca vattamānaṃ bhavissati, tathā buddhādīhi gayhati. Yadi ca taṃ tatheva atthi, vattamānameva taṃ siyā. Atha natthi, siddhaṃ ‘‘asantaṃ ñāṇassa ārammaṇaṃ hotī’’ti. Vijjamānaṃ vā hi cittasaññātaṃ avijjamānaṃ vā ārammaṇaṃ etesaṃ atthīti ārammaṇā, cittacetasikā, na vijjamānaṃyeva ārabbha pavattanato, tasmā paccuppannameva dharamānasabhāvaṃ na atītānāgatanti na tiṭṭhati sabbatthivādo. Keci pana ‘‘na atītādīnaṃ atthitāpaṭiññāya sabbatthivādā, atha kho āyatanasabbassa atthitāpaṭiññāyā’’ti vadanti, tesaṃ matena sabbeva sāsanikā sabbatthivādā siyunti.
бад̣̇асод̇ханагат̇ааван̣н̣анаа нидтид̇аа.
Padasodhanakathāvaṇṇanā niṭṭhitā.
саб̣б̣амад̇т̇ийд̇игат̇ааван̣н̣анаа нидтид̇аа.
Sabbamatthītikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 5. саб̣б̣амад̇т̇ийд̇игат̇аа • 5. Sabbamatthītikathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. саб̣б̣амад̇т̇ийд̇игат̇аа • 5. Sabbamatthītikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. саб̣б̣амад̇т̇ийд̇игат̇аа • 5. Sabbamatthītikathā
