| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๗. สตฺตรสมวโคฺค
17. Sattarasamavaggo
(๑๖๘) ๓. สพฺพมิทํ กมฺมโตติกถา
(168) 3. Sabbamidaṃ kammatotikathā
๗๘๓. สพฺพมิทํ กมฺมโตติ? อามนฺตาฯ กมฺมมฺปิ กมฺมโตติ? น เหวํ วตฺตเพฺพ…เป.… สพฺพมิทํ กมฺมโตติ? อามนฺตาฯ สพฺพมิทํ ปุเพฺพกตเหตูติ? น เหวํ วตฺตเพฺพ…เป.… สพฺพมิทํ กมฺมโตติ? อามนฺตาฯ สพฺพมิทํ กมฺมวิปากโตติ? น เหวํ วตฺตเพฺพ…เป.…ฯ
783. Sabbamidaṃ kammatoti? Āmantā. Kammampi kammatoti? Na hevaṃ vattabbe…pe… sabbamidaṃ kammatoti? Āmantā. Sabbamidaṃ pubbekatahetūti? Na hevaṃ vattabbe…pe… sabbamidaṃ kammatoti? Āmantā. Sabbamidaṃ kammavipākatoti? Na hevaṃ vattabbe…pe….
๗๘๔. สพฺพมิทํ กมฺมวิปากโตติ? อามนฺตาฯ กมฺมวิปาเกน ปาณํ หเนยฺยาติ? อามนฺตาฯ ปาณาติปาโต สผโลติ? อามนฺตาฯ กมฺมวิปาโก สผโลติ? น เหวํ วตฺตเพฺพ…เป.… กมฺมวิปาโก อผโลติ? อามนฺตาฯ ปาณาติปาโต อผโลติ? น เหวํ วตฺตเพฺพ…เป.…ฯ
784. Sabbamidaṃ kammavipākatoti? Āmantā. Kammavipākena pāṇaṃ haneyyāti? Āmantā. Pāṇātipāto saphaloti? Āmantā. Kammavipāko saphaloti? Na hevaṃ vattabbe…pe… kammavipāko aphaloti? Āmantā. Pāṇātipāto aphaloti? Na hevaṃ vattabbe…pe….
กมฺมวิปาเกน อทินฺนํ อาทิเยยฺย…เป.… มุสา ภเณยฺย… ปิสุณํ ภเณยฺย… ผรุสํ ภเณยฺย… สมฺผํ ปลเปยฺย… สนฺธิํ ฉิเนฺทยฺย… นิโลฺลปํ หเรยฺย… เอกาคาริกํ กเรยฺย… ปริปเนฺถ ติเฎฺฐยฺย… ปรทารํ คเจฺฉยฺย… คามฆาตกํ กเรยฺย… นิคมฆาตกํ กเรยฺย… กมฺมวิปาเกน ทานํ ทเทยฺย… จีวรํ ทเทยฺย … ปิณฺฑปาตํ ทเทยฺย… เสนาสนํ ทเทยฺย… คิลานปจฺจยเภสชฺชปริกฺขารํ ทเทยฺยาติ? อามนฺตาฯ คิลานปจฺจยเภสชฺชปริกฺขาโร สผโลติ? อามนฺตาฯ กมฺมวิปาโก สผโลติ? น เหวํ วตฺตเพฺพ…เป.… กมฺมวิปาโก อผโลติ? อามนฺตาฯ คิลานปจฺจยเภสชฺชปริกฺขาโร อผโลติ? น เหวํ วตฺตเพฺพ…เป.…ฯ
Kammavipākena adinnaṃ ādiyeyya…pe… musā bhaṇeyya… pisuṇaṃ bhaṇeyya… pharusaṃ bhaṇeyya… samphaṃ palapeyya… sandhiṃ chindeyya… nillopaṃ hareyya… ekāgārikaṃ kareyya… paripanthe tiṭṭheyya… paradāraṃ gaccheyya… gāmaghātakaṃ kareyya… nigamaghātakaṃ kareyya… kammavipākena dānaṃ dadeyya… cīvaraṃ dadeyya … piṇḍapātaṃ dadeyya… senāsanaṃ dadeyya… gilānapaccayabhesajjaparikkhāraṃ dadeyyāti? Āmantā. Gilānapaccayabhesajjaparikkhāro saphaloti? Āmantā. Kammavipāko saphaloti? Na hevaṃ vattabbe…pe… kammavipāko aphaloti? Āmantā. Gilānapaccayabhesajjaparikkhāro aphaloti? Na hevaṃ vattabbe…pe….
๗๘๕. น วตฺตพฺพํ – ‘‘สพฺพมิทํ กมฺมโต’’ติ? อามนฺตาฯ นนุ วุตฺตํ ภควตา –
785. Na vattabbaṃ – ‘‘sabbamidaṃ kammato’’ti? Āmantā. Nanu vuttaṃ bhagavatā –
‘‘กเมฺมน กิตฺติํ ลภเต ปสํสํ,
‘‘Kammena kittiṃ labhate pasaṃsaṃ,
กเมฺมน ชานิญฺจ วธญฺจ พนฺธํ;
Kammena jāniñca vadhañca bandhaṃ;
ตํ กมฺมํ นานากรณํ วิทิตฺวา,
Taṃ kammaṃ nānākaraṇaṃ viditvā,
กสฺมา วเท นตฺถิ กมฺมนฺติ โลเก’’ติฯ
Kasmā vade natthi kammanti loke’’ti.
อเตฺถว สุตฺตโนฺตติ? อามนฺตาฯ เตน หิ ‘‘สพฺพมิทํ กมฺมโต’’ติฯ
Attheva suttantoti? Āmantā. Tena hi ‘‘sabbamidaṃ kammato’’ti.
สพฺพมิทํ กมฺมโตติกถา นิฎฺฐิตาฯ
Sabbamidaṃ kammatotikathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๓. สพฺพมิทํ กมฺมโตติกถาวณฺณนา • 3. Sabbamidaṃ kammatotikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๓. สพฺพมิทํกมฺมโตติกถาวณฺณนา • 3. Sabbamidaṃkammatotikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๓. สพฺพมิทํกมฺมโตติกถาวณฺณนา • 3. Sabbamidaṃkammatotikathāvaṇṇanā
