| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੭. ਸਤ੍ਤਰਸਮવਗ੍ਗੋ
17. Sattarasamavaggo
(੧੬੮) ੩. ਸਬ੍ਬਮਿਦਂ ਕਮ੍ਮਤੋਤਿਕਥਾ
(168) 3. Sabbamidaṃ kammatotikathā
੭੮੩. ਸਬ੍ਬਮਿਦਂ ਕਮ੍ਮਤੋਤਿ? ਆਮਨ੍ਤਾ। ਕਮ੍ਮਮ੍ਪਿ ਕਮ੍ਮਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਬ੍ਬਮਿਦਂ ਕਮ੍ਮਤੋਤਿ? ਆਮਨ੍ਤਾ। ਸਬ੍ਬਮਿਦਂ ਪੁਬ੍ਬੇਕਤਹੇਤੂਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਬ੍ਬਮਿਦਂ ਕਮ੍ਮਤੋਤਿ? ਆਮਨ੍ਤਾ। ਸਬ੍ਬਮਿਦਂ ਕਮ੍ਮવਿਪਾਕਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
783. Sabbamidaṃ kammatoti? Āmantā. Kammampi kammatoti? Na hevaṃ vattabbe…pe… sabbamidaṃ kammatoti? Āmantā. Sabbamidaṃ pubbekatahetūti? Na hevaṃ vattabbe…pe… sabbamidaṃ kammatoti? Āmantā. Sabbamidaṃ kammavipākatoti? Na hevaṃ vattabbe…pe….
੭੮੪. ਸਬ੍ਬਮਿਦਂ ਕਮ੍ਮવਿਪਾਕਤੋਤਿ? ਆਮਨ੍ਤਾ। ਕਮ੍ਮવਿਪਾਕੇਨ ਪਾਣਂ ਹਨੇਯ੍ਯਾਤਿ? ਆਮਨ੍ਤਾ। ਪਾਣਾਤਿਪਾਤੋ ਸਫਲੋਤਿ? ਆਮਨ੍ਤਾ। ਕਮ੍ਮવਿਪਾਕੋ ਸਫਲੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕਮ੍ਮવਿਪਾਕੋ ਅਫਲੋਤਿ? ਆਮਨ੍ਤਾ। ਪਾਣਾਤਿਪਾਤੋ ਅਫਲੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
784. Sabbamidaṃ kammavipākatoti? Āmantā. Kammavipākena pāṇaṃ haneyyāti? Āmantā. Pāṇātipāto saphaloti? Āmantā. Kammavipāko saphaloti? Na hevaṃ vattabbe…pe… kammavipāko aphaloti? Āmantā. Pāṇātipāto aphaloti? Na hevaṃ vattabbe…pe….
ਕਮ੍ਮવਿਪਾਕੇਨ ਅਦਿਨ੍ਨਂ ਆਦਿਯੇਯ੍ਯ…ਪੇ॰… ਮੁਸਾ ਭਣੇਯ੍ਯ… ਪਿਸੁਣਂ ਭਣੇਯ੍ਯ… ਫਰੁਸਂ ਭਣੇਯ੍ਯ… ਸਮ੍ਫਂ ਪਲਪੇਯ੍ਯ… ਸਨ੍ਧਿਂ ਛਿਨ੍ਦੇਯ੍ਯ… ਨਿਲ੍ਲੋਪਂ ਹਰੇਯ੍ਯ… ਏਕਾਗਾਰਿਕਂ ਕਰੇਯ੍ਯ… ਪਰਿਪਨ੍ਥੇ ਤਿਟ੍ਠੇਯ੍ਯ… ਪਰਦਾਰਂ ਗਚ੍ਛੇਯ੍ਯ… ਗਾਮਘਾਤਕਂ ਕਰੇਯ੍ਯ… ਨਿਗਮਘਾਤਕਂ ਕਰੇਯ੍ਯ… ਕਮ੍ਮવਿਪਾਕੇਨ ਦਾਨਂ ਦਦੇਯ੍ਯ… ਚੀવਰਂ ਦਦੇਯ੍ਯ … ਪਿਣ੍ਡਪਾਤਂ ਦਦੇਯ੍ਯ… ਸੇਨਾਸਨਂ ਦਦੇਯ੍ਯ… ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦਦੇਯ੍ਯਾਤਿ? ਆਮਨ੍ਤਾ। ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰੋ ਸਫਲੋਤਿ? ਆਮਨ੍ਤਾ। ਕਮ੍ਮવਿਪਾਕੋ ਸਫਲੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕਮ੍ਮવਿਪਾਕੋ ਅਫਲੋਤਿ? ਆਮਨ੍ਤਾ। ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰੋ ਅਫਲੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Kammavipākena adinnaṃ ādiyeyya…pe… musā bhaṇeyya… pisuṇaṃ bhaṇeyya… pharusaṃ bhaṇeyya… samphaṃ palapeyya… sandhiṃ chindeyya… nillopaṃ hareyya… ekāgārikaṃ kareyya… paripanthe tiṭṭheyya… paradāraṃ gaccheyya… gāmaghātakaṃ kareyya… nigamaghātakaṃ kareyya… kammavipākena dānaṃ dadeyya… cīvaraṃ dadeyya … piṇḍapātaṃ dadeyya… senāsanaṃ dadeyya… gilānapaccayabhesajjaparikkhāraṃ dadeyyāti? Āmantā. Gilānapaccayabhesajjaparikkhāro saphaloti? Āmantā. Kammavipāko saphaloti? Na hevaṃ vattabbe…pe… kammavipāko aphaloti? Āmantā. Gilānapaccayabhesajjaparikkhāro aphaloti? Na hevaṃ vattabbe…pe….
੭੮੫. ਨ વਤ੍ਤਬ੍ਬਂ – ‘‘ਸਬ੍ਬਮਿਦਂ ਕਮ੍ਮਤੋ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ –
785. Na vattabbaṃ – ‘‘sabbamidaṃ kammato’’ti? Āmantā. Nanu vuttaṃ bhagavatā –
‘‘ਕਮ੍ਮੇਨ ਕਿਤ੍ਤਿਂ ਲਭਤੇ ਪਸਂਸਂ,
‘‘Kammena kittiṃ labhate pasaṃsaṃ,
ਕਮ੍ਮੇਨ ਜਾਨਿਞ੍ਚ વਧਞ੍ਚ ਬਨ੍ਧਂ।
Kammena jāniñca vadhañca bandhaṃ;
ਤਂ ਕਮ੍ਮਂ ਨਾਨਾਕਰਣਂ વਿਦਿਤ੍વਾ,
Taṃ kammaṃ nānākaraṇaṃ viditvā,
ਕਸ੍ਮਾ વਦੇ ਨਤ੍ਥਿ ਕਮ੍ਮਨ੍ਤਿ ਲੋਕੇ’’ਤਿ॥
Kasmā vade natthi kammanti loke’’ti.
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ‘‘ਸਬ੍ਬਮਿਦਂ ਕਮ੍ਮਤੋ’’ਤਿ।
Attheva suttantoti? Āmantā. Tena hi ‘‘sabbamidaṃ kammato’’ti.
ਸਬ੍ਬਮਿਦਂ ਕਮ੍ਮਤੋਤਿਕਥਾ ਨਿਟ੍ਠਿਤਾ।
Sabbamidaṃ kammatotikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੩. ਸਬ੍ਬਮਿਦਂ ਕਮ੍ਮਤੋਤਿਕਥਾવਣ੍ਣਨਾ • 3. Sabbamidaṃ kammatotikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਸਬ੍ਬਮਿਦਂਕਮ੍ਮਤੋਤਿਕਥਾવਣ੍ਣਨਾ • 3. Sabbamidaṃkammatotikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੩. ਸਬ੍ਬਮਿਦਂਕਮ੍ਮਤੋਤਿਕਥਾવਣ੍ਣਨਾ • 3. Sabbamidaṃkammatotikathāvaṇṇanā
