| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. саб̣б̣амид̣̇ам̣ гаммад̇од̇игат̇ааван̣н̣анаа
3. Sabbamidaṃ kammatotikathāvaṇṇanā
783. ид̣̇аани саб̣б̣амид̣̇ам̣ гаммад̇од̇игат̇аа наама ход̇и. д̇ад̇т̇а ‘‘гаммунаа вад̇д̇ад̇и лого’’д̇и суд̇д̇ам̣ ниссааяа ‘‘саб̣б̣амид̣̇ам̣ гаммагилзсавибаагаваддам̣ гаммад̇ова ход̇ий’’д̇и язсам̣ лад̣̇д̇хи , сзяяат̇ааби рааж̇аг̇иригаанан̃жзва сид̣̇д̇хад̇т̇игаанан̃жа; д̇з санд̇хааяа саб̣б̣амид̣̇анд̇и бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘звам̣ санд̇з гаммамби гаммад̇о аабаж̇ж̇ад̇ий’’д̇и жод̣̇зд̇ум̣ гаммамби гаммад̇од̇и ааха. ид̇аро яад̣̇и гаммамби гаммад̇ова наама д̇ам̣ гаммам̣ вибаагоязва сияаад̇и бадигкибад̇и. буб̣б̣згад̇ахзд̇ууд̇и ‘‘яад̣̇и саб̣б̣амид̣̇ам̣ гаммад̇о, буб̣б̣згад̇ахзд̇унаа д̇зна бхавид̇аб̣б̣а’’нд̇и жод̣̇зд̇ум̣ бужчад̇и, ид̇аро буб̣б̣згад̇ахзд̇уваад̣̇абхаязна бадигкибад̇и.
783. Idāni sabbamidaṃ kammatotikathā nāma hoti. Tattha ‘‘kammunā vattati loko’’ti suttaṃ nissāya ‘‘sabbamidaṃ kammakilesavipākavaṭṭaṃ kammatova hotī’’ti yesaṃ laddhi , seyyathāpi rājagirikānañceva siddhatthikānañca; te sandhāya sabbamidanti pucchā sakavādissa, paṭiññā itarassa. Atha naṃ ‘‘evaṃ sante kammampi kammato āpajjatī’’ti codetuṃ kammampi kammatoti āha. Itaro yadi kammampi kammatova nāma taṃ kammaṃ vipākoyeva siyāti paṭikkhipati. Pubbekatahetūti ‘‘yadi sabbamidaṃ kammato, pubbekatahetunā tena bhavitabba’’nti codetuṃ pucchati, itaro pubbekatahetuvādabhayena paṭikkhipati.
784. гаммавибаагад̇од̇и ‘‘яад̣̇и саб̣б̣амид̣̇ам̣ гаммад̇о, яам̣ ад̇ийд̇абхавз бавад̇д̇асса хзд̇убхууд̇ам̣ гаммам̣, д̇амби буримад̇арз бхавз гаммад̇од̇и гаммавибааго самбаж̇ж̇ад̇и, д̇зна д̇з саб̣б̣амид̣̇ам̣ гаммавибаагад̇о аабаж̇ж̇ад̇ий’’д̇и жод̣̇зд̇ум̣ бужчад̇и. ид̇аро б̣ийж̇ад̇о ам̣гурассзва бажжуббаннабавад̇д̇асса гаммад̇о ниб̣б̣ад̇д̇им̣ санд̇хааяа бадигкибад̇и. д̣̇уд̇ияам̣ будто д̇ассааби гаммасса б̣ийж̇асса буримаб̣ийж̇ад̇о вияа буримагаммад̇о бавад̇д̇ад̇д̇аа бадиж̇аанаад̇и. баан̣ам̣ ханзяяаад̇иаад̣̇и ‘‘яад̣̇и саб̣б̣ам̣ гаммавибаагад̇о, баан̣аад̇ибаад̇аад̣̇ийни гаммавибаагзнзва гарзяяаа’’д̇и жод̣̇зд̇ум̣ вуд̇д̇ам̣. ид̇аро д̣̇уссийляажзд̇анааби буримагамманиб̣б̣ад̇д̇аа згзна барияааязна вибаагоязваад̇и лад̣̇д̇хияаа бадиж̇аанаад̇и. ат̇а нам̣ ‘‘яад̣̇и д̇з баан̣аад̇ибаад̇о гаммавибаагад̇о ниб̣б̣ад̇д̇ад̇и, баан̣аад̇ибаад̇о вияа вибаагоби сапало аабаж̇ж̇ад̇ий’’д̇и жод̣̇зд̇ум̣ сапалод̇и ааха. ид̇аро баан̣аад̇ибаад̇асса нираяасам̣вад̇д̇анигаад̣̇ибхаавад̇о сапалад̇ам̣ бассанд̇о бадиж̇аанаад̇и. гаммавибаагасса бана ид̣̇ам̣ наама паланд̇и вуд̇д̇адтаанам̣ абассанд̇о бадигкибад̇и. ад̣̇иннаад̣̇аанаад̣̇ийсуби зсзва наяо. г̇илаанабажжаяабхзсаж̇ж̇абаригкааро сапалод̇и д̣̇зяяад̇хаммавасзна д̣̇аанапалам̣ бужчад̇и. гаммунаа вад̇д̇ад̇ийд̇и суд̇д̇ам̣ ‘‘над̇т̇и гамма’’нд̇и агаммаваад̣̇ид̇ам̣ бадигкибид̇ваа ‘‘ад̇т̇и гамма’’нд̇и гаммаваад̣̇ид̇ам̣ гаммассагад̇ам̣ д̣̇ийбзд̇и. на саб̣б̣ассзва гаммад̇о ниб̣б̣ад̇д̇им̣, д̇асмаа асаад̇хаганд̇и.
784. Kammavipākatoti ‘‘yadi sabbamidaṃ kammato, yaṃ atītabhave pavattassa hetubhūtaṃ kammaṃ, tampi purimatare bhave kammatoti kammavipāko sampajjati, tena te sabbamidaṃ kammavipākato āpajjatī’’ti codetuṃ pucchati. Itaro bījato aṃkurasseva paccuppannapavattassa kammato nibbattiṃ sandhāya paṭikkhipati. Dutiyaṃ puṭṭho tassāpi kammassa bījassa purimabījato viya purimakammato pavattattā paṭijānāti. Pāṇaṃ haneyyātiādi ‘‘yadi sabbaṃ kammavipākato, pāṇātipātādīni kammavipākeneva kareyyā’’ti codetuṃ vuttaṃ. Itaro dussīlyacetanāpi purimakammanibbattā ekena pariyāyena vipākoyevāti laddhiyā paṭijānāti. Atha naṃ ‘‘yadi te pāṇātipāto kammavipākato nibbattati, pāṇātipāto viya vipākopi saphalo āpajjatī’’ti codetuṃ saphaloti āha. Itaro pāṇātipātassa nirayasaṃvattanikādibhāvato saphalataṃ passanto paṭijānāti. Kammavipākassa pana idaṃ nāma phalanti vuttaṭṭhānaṃ apassanto paṭikkhipati. Adinnādānādīsupi eseva nayo. Gilānapaccayabhesajjaparikkhāro saphaloti deyyadhammavasena dānaphalaṃ pucchati. Kammunā vattatīti suttaṃ ‘‘natthi kamma’’nti akammavāditaṃ paṭikkhipitvā ‘‘atthi kamma’’nti kammavāditaṃ kammassakataṃ dīpeti. Na sabbasseva kammato nibbattiṃ, tasmā asādhakanti.
саб̣б̣амид̣̇ам̣ гаммад̇од̇игат̇ааван̣н̣анаа.
Sabbamidaṃ kammatotikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (168) 3. саб̣б̣амид̣̇ам̣ гаммад̇од̇игат̇аа • (168) 3. Sabbamidaṃ kammatotikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. саб̣б̣амид̣̇ам̣гаммад̇од̇игат̇ааван̣н̣анаа • 3. Sabbamidaṃkammatotikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. саб̣б̣амид̣̇ам̣гаммад̇од̇игат̇ааван̣н̣анаа • 3. Sabbamidaṃkammatotikathāvaṇṇanā
