| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੩. ਸਬ੍ਬਮਿਦਂ ਕਮ੍ਮਤੋਤਿਕਥਾવਣ੍ਣਨਾ
3. Sabbamidaṃ kammatotikathāvaṇṇanā
੭੮੩. ਇਦਾਨਿ ਸਬ੍ਬਮਿਦਂ ਕਮ੍ਮਤੋਤਿਕਥਾ ਨਾਮ ਹੋਤਿ। ਤਤ੍ਥ ‘‘ਕਮ੍ਮੁਨਾ વਤ੍ਤਤਿ ਲੋਕੋ’’ਤਿ ਸੁਤ੍ਤਂ ਨਿਸ੍ਸਾਯ ‘‘ਸਬ੍ਬਮਿਦਂ ਕਮ੍ਮਕਿਲੇਸવਿਪਾਕવਟ੍ਟਂ ਕਮ੍ਮਤੋવ ਹੋਤੀ’’ਤਿ ਯੇਸਂ ਲਦ੍ਧਿ , ਸੇਯ੍ਯਥਾਪਿ ਰਾਜਗਿਰਿਕਾਨਞ੍ਚੇવ ਸਿਦ੍ਧਤ੍ਥਿਕਾਨਞ੍ਚ; ਤੇ ਸਨ੍ਧਾਯ ਸਬ੍ਬਮਿਦਨ੍ਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਏવਂ ਸਨ੍ਤੇ ਕਮ੍ਮਮ੍ਪਿ ਕਮ੍ਮਤੋ ਆਪਜ੍ਜਤੀ’’ਤਿ ਚੋਦੇਤੁਂ ਕਮ੍ਮਮ੍ਪਿ ਕਮ੍ਮਤੋਤਿ ਆਹ। ਇਤਰੋ ਯਦਿ ਕਮ੍ਮਮ੍ਪਿ ਕਮ੍ਮਤੋવ ਨਾਮ ਤਂ ਕਮ੍ਮਂ વਿਪਾਕੋਯੇવ ਸਿਯਾਤਿ ਪਟਿਕ੍ਖਿਪਤਿ। ਪੁਬ੍ਬੇਕਤਹੇਤੂਤਿ ‘‘ਯਦਿ ਸਬ੍ਬਮਿਦਂ ਕਮ੍ਮਤੋ, ਪੁਬ੍ਬੇਕਤਹੇਤੁਨਾ ਤੇਨ ਭવਿਤਬ੍ਬ’’ਨ੍ਤਿ ਚੋਦੇਤੁਂ ਪੁਚ੍ਛਤਿ, ਇਤਰੋ ਪੁਬ੍ਬੇਕਤਹੇਤੁવਾਦਭਯੇਨ ਪਟਿਕ੍ਖਿਪਤਿ।
783. Idāni sabbamidaṃ kammatotikathā nāma hoti. Tattha ‘‘kammunā vattati loko’’ti suttaṃ nissāya ‘‘sabbamidaṃ kammakilesavipākavaṭṭaṃ kammatova hotī’’ti yesaṃ laddhi , seyyathāpi rājagirikānañceva siddhatthikānañca; te sandhāya sabbamidanti pucchā sakavādissa, paṭiññā itarassa. Atha naṃ ‘‘evaṃ sante kammampi kammato āpajjatī’’ti codetuṃ kammampi kammatoti āha. Itaro yadi kammampi kammatova nāma taṃ kammaṃ vipākoyeva siyāti paṭikkhipati. Pubbekatahetūti ‘‘yadi sabbamidaṃ kammato, pubbekatahetunā tena bhavitabba’’nti codetuṃ pucchati, itaro pubbekatahetuvādabhayena paṭikkhipati.
੭੮੪. ਕਮ੍ਮવਿਪਾਕਤੋਤਿ ‘‘ਯਦਿ ਸਬ੍ਬਮਿਦਂ ਕਮ੍ਮਤੋ, ਯਂ ਅਤੀਤਭવੇ ਪવਤ੍ਤਸ੍ਸ ਹੇਤੁਭੂਤਂ ਕਮ੍ਮਂ, ਤਮ੍ਪਿ ਪੁਰਿਮਤਰੇ ਭવੇ ਕਮ੍ਮਤੋਤਿ ਕਮ੍ਮવਿਪਾਕੋ ਸਮ੍ਪਜ੍ਜਤਿ, ਤੇਨ ਤੇ ਸਬ੍ਬਮਿਦਂ ਕਮ੍ਮવਿਪਾਕਤੋ ਆਪਜ੍ਜਤੀ’’ਤਿ ਚੋਦੇਤੁਂ ਪੁਚ੍ਛਤਿ। ਇਤਰੋ ਬੀਜਤੋ ਅਂਕੁਰਸ੍ਸੇવ ਪਚ੍ਚੁਪ੍ਪਨ੍ਨਪવਤ੍ਤਸ੍ਸ ਕਮ੍ਮਤੋ ਨਿਬ੍ਬਤ੍ਤਿਂ ਸਨ੍ਧਾਯ ਪਟਿਕ੍ਖਿਪਤਿ। ਦੁਤਿਯਂ ਪੁਟ੍ਠੋ ਤਸ੍ਸਾਪਿ ਕਮ੍ਮਸ੍ਸ ਬੀਜਸ੍ਸ ਪੁਰਿਮਬੀਜਤੋ વਿਯ ਪੁਰਿਮਕਮ੍ਮਤੋ ਪવਤ੍ਤਤ੍ਤਾ ਪਟਿਜਾਨਾਤਿ। ਪਾਣਂ ਹਨੇਯ੍ਯਾਤਿਆਦਿ ‘‘ਯਦਿ ਸਬ੍ਬਂ ਕਮ੍ਮવਿਪਾਕਤੋ, ਪਾਣਾਤਿਪਾਤਾਦੀਨਿ ਕਮ੍ਮવਿਪਾਕੇਨੇવ ਕਰੇਯ੍ਯਾ’’ਤਿ ਚੋਦੇਤੁਂ વੁਤ੍ਤਂ। ਇਤਰੋ ਦੁਸ੍ਸੀਲ੍ਯਚੇਤਨਾਪਿ ਪੁਰਿਮਕਮ੍ਮਨਿਬ੍ਬਤ੍ਤਾ ਏਕੇਨ ਪਰਿਯਾਯੇਨ વਿਪਾਕੋਯੇવਾਤਿ ਲਦ੍ਧਿਯਾ ਪਟਿਜਾਨਾਤਿ। ਅਥ ਨਂ ‘‘ਯਦਿ ਤੇ ਪਾਣਾਤਿਪਾਤੋ ਕਮ੍ਮવਿਪਾਕਤੋ ਨਿਬ੍ਬਤ੍ਤਤਿ, ਪਾਣਾਤਿਪਾਤੋ વਿਯ વਿਪਾਕੋਪਿ ਸਫਲੋ ਆਪਜ੍ਜਤੀ’’ਤਿ ਚੋਦੇਤੁਂ ਸਫਲੋਤਿ ਆਹ। ਇਤਰੋ ਪਾਣਾਤਿਪਾਤਸ੍ਸ ਨਿਰਯਸਂવਤ੍ਤਨਿਕਾਦਿਭਾવਤੋ ਸਫਲਤਂ ਪਸ੍ਸਨ੍ਤੋ ਪਟਿਜਾਨਾਤਿ। ਕਮ੍ਮવਿਪਾਕਸ੍ਸ ਪਨ ਇਦਂ ਨਾਮ ਫਲਨ੍ਤਿ વੁਤ੍ਤਟ੍ਠਾਨਂ ਅਪਸ੍ਸਨ੍ਤੋ ਪਟਿਕ੍ਖਿਪਤਿ। ਅਦਿਨ੍ਨਾਦਾਨਾਦੀਸੁਪਿ ਏਸੇવ ਨਯੋ। ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰੋ ਸਫਲੋਤਿ ਦੇਯ੍ਯਧਮ੍ਮવਸੇਨ ਦਾਨਫਲਂ ਪੁਚ੍ਛਤਿ। ਕਮ੍ਮੁਨਾ વਤ੍ਤਤੀਤਿ ਸੁਤ੍ਤਂ ‘‘ਨਤ੍ਥਿ ਕਮ੍ਮ’’ਨ੍ਤਿ ਅਕਮ੍ਮવਾਦਿਤਂ ਪਟਿਕ੍ਖਿਪਿਤ੍વਾ ‘‘ਅਤ੍ਥਿ ਕਮ੍ਮ’’ਨ੍ਤਿ ਕਮ੍ਮવਾਦਿਤਂ ਕਮ੍ਮਸ੍ਸਕਤਂ ਦੀਪੇਤਿ। ਨ ਸਬ੍ਬਸ੍ਸੇવ ਕਮ੍ਮਤੋ ਨਿਬ੍ਬਤ੍ਤਿਂ, ਤਸ੍ਮਾ ਅਸਾਧਕਨ੍ਤਿ।
784. Kammavipākatoti ‘‘yadi sabbamidaṃ kammato, yaṃ atītabhave pavattassa hetubhūtaṃ kammaṃ, tampi purimatare bhave kammatoti kammavipāko sampajjati, tena te sabbamidaṃ kammavipākato āpajjatī’’ti codetuṃ pucchati. Itaro bījato aṃkurasseva paccuppannapavattassa kammato nibbattiṃ sandhāya paṭikkhipati. Dutiyaṃ puṭṭho tassāpi kammassa bījassa purimabījato viya purimakammato pavattattā paṭijānāti. Pāṇaṃ haneyyātiādi ‘‘yadi sabbaṃ kammavipākato, pāṇātipātādīni kammavipākeneva kareyyā’’ti codetuṃ vuttaṃ. Itaro dussīlyacetanāpi purimakammanibbattā ekena pariyāyena vipākoyevāti laddhiyā paṭijānāti. Atha naṃ ‘‘yadi te pāṇātipāto kammavipākato nibbattati, pāṇātipāto viya vipākopi saphalo āpajjatī’’ti codetuṃ saphaloti āha. Itaro pāṇātipātassa nirayasaṃvattanikādibhāvato saphalataṃ passanto paṭijānāti. Kammavipākassa pana idaṃ nāma phalanti vuttaṭṭhānaṃ apassanto paṭikkhipati. Adinnādānādīsupi eseva nayo. Gilānapaccayabhesajjaparikkhāro saphaloti deyyadhammavasena dānaphalaṃ pucchati. Kammunā vattatīti suttaṃ ‘‘natthi kamma’’nti akammavāditaṃ paṭikkhipitvā ‘‘atthi kamma’’nti kammavāditaṃ kammassakataṃ dīpeti. Na sabbasseva kammato nibbattiṃ, tasmā asādhakanti.
ਸਬ੍ਬਮਿਦਂ ਕਮ੍ਮਤੋਤਿਕਥਾવਣ੍ਣਨਾ।
Sabbamidaṃ kammatotikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੬੮) ੩. ਸਬ੍ਬਮਿਦਂ ਕਮ੍ਮਤੋਤਿਕਥਾ • (168) 3. Sabbamidaṃ kammatotikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਸਬ੍ਬਮਿਦਂਕਮ੍ਮਤੋਤਿਕਥਾવਣ੍ਣਨਾ • 3. Sabbamidaṃkammatotikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੩. ਸਬ੍ਬਮਿਦਂਕਮ੍ਮਤੋਤਿਕਥਾવਣ੍ਣਨਾ • 3. Sabbamidaṃkammatotikathāvaṇṇanā
