| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. саб̣б̣амид̇д̇ад̇т̇зраг̇аат̇ааван̣н̣анаа
5. Sabbamittattheragāthāvaṇṇanā
ж̇ано ж̇анамхи самб̣ад̣̇д̇ход̇и ааяасмад̇о саб̣б̣амид̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ид̇о д̣̇ваанавуд̇з габбз д̇иссасса бхаг̇авад̇о гаалз нзсаад̣̇агулз ниб̣б̣ад̇д̇ид̇ваа ванажаариго худ̇ваа ванз миг̇з вад̇хид̇ваа мам̣сам̣ каад̣̇анд̇о ж̇ийвад̇и. ат̇асса бхаг̇аваа ануг̇г̇ан̣ханад̇т̇ам̣ васанадтаанасамийбз д̇ийн̣и бад̣̇ажзд̇ияаани д̣̇ассзд̇ваа баггаами. со ад̇ийд̇агаалз саммаасамб̣уд̣̇д̇хзсу гад̇абарижаяад̇д̇аа жагган̇гид̇аани д̣̇исваа басаннамаанасо горан̣д̣абубпзхи бууж̇ам̣ гад̇ваа д̇зна бун̃н̃агаммзна д̇аавад̇им̣сабхаванз ниб̣б̣ад̇д̇ид̇ваа абараабарам̣ суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з саавад̇т̇инаг̇арз б̣раахман̣агулз ниб̣б̣ад̇д̇и, саб̣б̣амид̇д̇од̇исса наамам̣ ахоси. со вин̃н̃уд̇ам̣ бад̇д̇о ж̇зд̇аванабадиг̇г̇ахан̣з б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа гаммадтаанам̣ г̇ахзд̇ваа аран̃н̃з вихаранд̇о вассам̣ убаг̇анд̇ваа вудтавассо бхаг̇аванд̇ам̣ ванд̣̇ид̇ум̣ саавад̇т̇им̣ г̇ажчанд̇о анд̇араамаг̇г̇з мааг̇авигзхи од̣д̣ид̇з баасз миг̇абод̇агам̣ б̣ад̣̇д̇хам̣ ад̣̇д̣̇аса. маад̇аа банасса миг̇ий баасам̣ аббавидтааби буд̇д̇асинзхзна д̣̇уурам̣ на г̇ажчад̇и, маран̣абхаязна баасасамийбамби на убаг̇ажчад̇и миг̇абод̇аго жа бхийд̇о ид̇о жид̇о жа баривад̇д̇знд̇о гарун̣ам̣ вилабад̇и, д̇ам̣ д̣̇исваа т̇зро , ‘‘ахо сад̇д̇аанам̣ снзхахзд̇угам̣ д̣̇угка’’нд̇и г̇ажчанд̇о д̇ад̇о барам̣ самб̣ахулз жорз згам̣ бурисам̣ ж̇ийваг̇аахам̣ г̇ахзд̇ваа балаалавзн̣ияаа сарийрам̣ взтзд̇ваа жхаабзнд̇з, д̇ан̃жа махаавиравам̣ вираванд̇ам̣ д̣̇исваа д̇ад̣̇убхаяам̣ ниссааяа сан̃ж̇аад̇асам̣взг̇о д̇зсам̣ жораанам̣ сун̣анд̇аанам̣язва –
Jano janamhi sambaddhoti āyasmato sabbamittattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto ito dvānavute kappe tissassa bhagavato kāle nesādakule nibbattitvā vanacāriko hutvā vane mige vadhitvā maṃsaṃ khādanto jīvati. Athassa bhagavā anuggaṇhanatthaṃ vasanaṭṭhānasamīpe tīṇi padacetiyāni dassetvā pakkāmi. So atītakāle sammāsambuddhesu kataparicayattā cakkaṅkitāni disvā pasannamānaso koraṇḍapupphehi pūjaṃ katvā tena puññakammena tāvatiṃsabhavane nibbattitvā aparāparaṃ sugatīsuyeva saṃsaranto imasmiṃ buddhuppāde sāvatthinagare brāhmaṇakule nibbatti, sabbamittotissa nāmaṃ ahosi. So viññutaṃ patto jetavanapaṭiggahaṇe buddhānubhāvaṃ disvā paṭiladdhasaddho pabbajitvā kammaṭṭhānaṃ gahetvā araññe viharanto vassaṃ upagantvā vuṭṭhavasso bhagavantaṃ vandituṃ sāvatthiṃ gacchanto antarāmagge māgavikehi oḍḍite pāse migapotakaṃ baddhaṃ addasa. Mātā panassa migī pāsaṃ appaviṭṭhāpi puttasinehena dūraṃ na gacchati, maraṇabhayena pāsasamīpampi na upagacchati migapotako ca bhīto ito cito ca parivattento karuṇaṃ vilapati, taṃ disvā thero , ‘‘aho sattānaṃ snehahetukaṃ dukkha’’nti gacchanto tato paraṃ sambahule core ekaṃ purisaṃ jīvagāhaṃ gahetvā palālaveṇiyā sarīraṃ veṭhetvā jhāpente, tañca mahāviravaṃ viravantaṃ disvā tadubhayaṃ nissāya sañjātasaṃvego tesaṃ corānaṃ suṇantānaṃyeva –
149.
149.
‘‘ж̇ано ж̇анамхи самб̣ад̣̇д̇хо, ж̇анамзвассид̇о ж̇ано;
‘‘Jano janamhi sambaddho, janamevassito jano;
ж̇ано ж̇анзна хзтийяад̇и, хзтзд̇и жа ж̇ано ж̇анам̣.
Jano janena heṭhīyati, heṭheti ca jano janaṃ.
150.
150.
‘‘го хи д̇асса ж̇анзнад̇т̇о, ж̇анзна ж̇анид̇зна ваа;
‘‘Ko hi tassa janenattho, janena janitena vā;
ж̇анам̣ охааяа г̇ажчам̣ д̇ам̣, хзтаяид̇ваа б̣ахум̣ ж̇ана’’нд̇и. – г̇аат̇аад̣̇ваяам̣ абхааси;
Janaṃ ohāya gacchaṃ taṃ, heṭhayitvā bahuṃ jana’’nti. – gāthādvayaṃ abhāsi;
д̇ад̇т̇а ж̇анод̇и анд̇хаб̣аалаж̇ано. ж̇анамхийд̇и ан̃н̃з ж̇анз. самб̣ад̣̇д̇ход̇и д̇ан̣хааб̣анд̇ханзна б̣ад̣̇д̇хо. ‘‘аяам̣ мз буд̇д̇о, маад̇аа’’д̇иаад̣̇инаа бадиб̣ад̣̇д̇хо. аяамзва ваа баато, ‘‘имз мам̣ босзнд̇и, ахам̣ имз ниссааяа ж̇ийваамий’’д̇и бадиб̣ад̣̇д̇хажид̇д̇од̇и ад̇т̇о. ж̇анамзвассид̇о ж̇анод̇и ‘‘аяам̣ мз буд̇д̇о, д̇хийд̇аа’’д̇иаад̣̇инаа ан̃н̃амзва ж̇анам̣ ан̃н̃о ж̇ано ассид̇о д̇ан̣хааяа аллийно бариг̇г̇аяха тид̇о. ж̇ано ж̇анзна хзтийяад̇и, хзтзд̇и жа ж̇ано ж̇ананд̇и гаммассагад̇ааяа яат̇аабхууд̇ааваб̣од̇хасса жа абхаавад̇о аж̇жхубзгканам̣ агад̇ваа лобхавасзна яат̇аа ж̇ано ж̇анам̣ ассид̇о, звам̣ д̣̇осавасзна ж̇ано ж̇анзна хзтийяад̇и виб̣аад̇хийяад̇и. ‘‘д̇аяид̣̇ам̣ маяхам̣ва убари хзтанапалавасзна барибад̇иссад̇ий’’д̇и аж̇аананд̇о хзтзд̇и жа ж̇ано ж̇анам̣.
Tattha janoti andhabālajano. Janamhīti aññe jane. Sambaddhoti taṇhābandhanena baddho. ‘‘Ayaṃ me putto, mātā’’tiādinā paṭibaddho. Ayameva vā pāṭho, ‘‘ime maṃ posenti, ahaṃ ime nissāya jīvāmī’’ti paṭibaddhacittoti attho. Janamevassito janoti ‘‘ayaṃ me putto, dhītā’’tiādinā aññameva janaṃ añño jano assito taṇhāya allīno pariggayha ṭhito. Jano janena heṭhīyati, heṭheti ca jano jananti kammassakatāya yathābhūtāvabodhassa ca abhāvato ajjhupekkhanaṃ akatvā lobhavasena yathā jano janaṃ assito, evaṃ dosavasena jano janena heṭhīyati vibādhīyati. ‘‘Tayidaṃ mayhaṃva upari heṭhanaphalavasena paripatissatī’’ti ajānanto heṭheti ca jano janaṃ.
го хи д̇асса ж̇анзнад̇т̇од̇и д̇асса ан̃н̃аж̇анасса ан̃н̃зна ж̇анзна д̇ан̣хаавасзна ассид̇зна д̣̇осавасзна хзтид̇зна ваа го ад̇т̇о. ж̇анзна ж̇анид̇зна ваад̇и маад̇аабид̇аа худ̇ваа д̇зна ан̃н̃зна ж̇анзна ж̇анид̇зна ваа го ад̇т̇о. ж̇анам̣ охааяа г̇ажчам̣ д̇ам̣, хзтаяид̇ваа б̣ахум̣ ж̇ананд̇и яасмаа сам̣саарз жарад̇о ж̇анасса аяамзваануруубаа бадибад̇д̇и, д̇асмаа д̇ам̣ ж̇анам̣, д̇асса жа б̣аад̇хигаа яаа саа д̇ан̣хаа жа, яо жа со д̣̇осо зва б̣ахум̣ ж̇анам̣ б̣аад̇хаяид̇ваа тид̇о, д̇ан̃жа охааяа саб̣б̣асо бахааяа барижжаж̇ид̇ваа г̇ажчам̣, д̇зхи анубад̣̇д̣̇уд̇ам̣ таанам̣ г̇ажчзяяам̣ баабун̣зяяанд̇и ад̇т̇о. звам̣ бана вад̇ваа т̇зро д̇аавад̣̇зва вибассанам̣ уссуггаабзд̇ваа арахад̇д̇амабаабун̣и. д̇зна вуд̇д̇ам̣ абад̣̇аанз (аба. т̇зра 2.50.15-24) –
Ko hi tassa janenatthoti tassa aññajanassa aññena janena taṇhāvasena assitena dosavasena heṭhitena vā ko attho. Janena janitena vāti mātāpitā hutvā tena aññena janena janitena vā ko attho. Janaṃ ohāya gacchaṃ taṃ, heṭhayitvā bahuṃ jananti yasmā saṃsāre carato janassa ayamevānurūpā paṭipatti, tasmā taṃ janaṃ, tassa ca bādhikā yā sā taṇhā ca, yo ca so doso eva bahuṃ janaṃ bādhayitvā ṭhito, tañca ohāya sabbaso pahāya pariccajitvā gacchaṃ, tehi anupaddutaṃ ṭhānaṃ gaccheyyaṃ pāpuṇeyyanti attho. Evaṃ pana vatvā thero tāvadeva vipassanaṃ ussukkāpetvā arahattamapāpuṇi. Tena vuttaṃ apadāne (apa. thera 2.50.15-24) –
‘‘ванагаммиго бурз аасим̣, бид̇умаад̇умад̇знахам̣;
‘‘Vanakammiko pure āsiṃ, pitumātumatenahaṃ;
басумаарзна ж̇ийваами, гусалам̣ мз на виж̇ж̇ад̇и.
Pasumārena jīvāmi, kusalaṃ me na vijjati.
‘‘мама аасаяасааманд̇аа, д̇иссо логаг̇г̇анааяаго;
‘‘Mama āsayasāmantā, tisso lokagganāyako;
бад̣̇аани д̇ийн̣и д̣̇ассзси, анугамбааяа жагкумаа.
Padāni tīṇi dassesi, anukampāya cakkhumā.
‘‘агганд̇з жа бад̣̇з д̣̇исваа, д̇иссанаамасса сад̇т̇уно;
‘‘Akkante ca pade disvā, tissanāmassa satthuno;
хадто хадтзна жид̇д̇зна, бад̣̇з жид̇д̇ам̣ басаад̣̇аяим̣.
Haṭṭho haṭṭhena cittena, pade cittaṃ pasādayiṃ.
‘‘горан̣д̣ам̣ бубпид̇ам̣ д̣̇исваа, баад̣̇абам̣ д̇харан̣ийрухам̣;
‘‘Koraṇḍaṃ pupphitaṃ disvā, pādapaṃ dharaṇīruhaṃ;
сагосагам̣ г̇ахзд̇ваана, бад̣̇асздтамабууж̇аяим̣.
Sakosakaṃ gahetvāna, padaseṭṭhamapūjayiṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘яам̣ яам̣ яонубабаж̇ж̇аами, д̣̇звад̇д̇ам̣ ат̇а маанусам̣;
‘‘Yaṃ yaṃ yonupapajjāmi, devattaṃ atha mānusaṃ;
горан̣д̣агачави хоми, суббабхаасо бхаваамахам̣.
Koraṇḍakachavi homi, suppabhāso bhavāmahaṃ.
‘‘д̣̇взнавуд̇з ид̇о габбз, яам̣ гаммамагарим̣ д̇ад̣̇аа;
‘‘Dvenavute ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, бад̣̇абууж̇ааяид̣̇ам̣ палам̣.
Duggatiṃ nābhijānāmi, padapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
д̇з бана жораа т̇зрасса санд̇игз д̇хаммам̣ суд̇ваа сам̣взг̇аж̇аад̇аа баб̣б̣аж̇ид̇ваа д̇хаммаануд̇хаммам̣ бадибаж̇ж̇им̣сууд̇и.
Te pana corā therassa santike dhammaṃ sutvā saṃvegajātā pabbajitvā dhammānudhammaṃ paṭipajjiṃsūti.
саб̣б̣амид̇д̇ад̇т̇зраг̇аат̇ааван̣н̣анаа нидтид̇аа.
Sabbamittattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. саб̣б̣амид̇д̇ад̇т̇зраг̇аат̇аа • 5. Sabbamittattheragāthā
