| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༢༢༨. སབྦནཱིལཀཱདིཔཊིཀྑེཔཀཐཱ
228. Sabbanīlakādipaṭikkhepakathā
༣༧༢. ཏེན ཁོ པན སམཡེན ཚབྦགྒིཡཱ བྷིཀྑཱུ སབྦནཱིལཀཱནི ཙཱིཝརཱནི དྷཱརེནྟི…པེ॰… སབྦཔཱིཏཀཱནི ཙཱིཝརཱནི དྷཱརེནྟི…པེ॰… སབྦལོཧིཏཀཱནི ཙཱིཝརཱནི དྷཱརེནྟི…པེ॰… སབྦམཉྫིཊྛཀཱནི 1 ཙཱིཝརཱནི དྷཱརེནྟི…པེ॰… སབྦཀཎྷཱནི ཙཱིཝརཱནི དྷཱརེནྟི …པེ॰… སབྦམཧཱརངྒརཏྟཱནི ཙཱིཝརཱནི དྷཱརེནྟི…པེ॰… སབྦམཧཱནཱམརཏྟཱནི ཙཱིཝརཱནི དྷཱརེནྟི…པེ॰… ཨཙྪིནྣདསཱནི ཙཱིཝརཱནི དྷཱརེནྟི…པེ॰… དཱིགྷདསཱནི ཙཱིཝརཱནི དྷཱརེནྟི…པེ॰… པུཔྥདསཱནི ཙཱིཝརཱནི དྷཱརེནྟི…པེ॰… ཕཎདསཱནི 2 ཙཱིཝརཱནི དྷཱརེནྟི…པེ॰… ཀཉྩུཀཾ དྷཱརེནྟི…པེ॰… ཏིརཱིཊཀཾ དྷཱརེནྟི…པེ॰… ཝེཋནཾ དྷཱརེནྟི། མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཝེཋནཾ དྷཱརེསྶནྟི, སེཡྻཐཱཔི གིཧཱི ཀཱམབྷོགིནོ’’ཏི། བྷགཝཏོ ཨེཏམཏྠཾ ཨཱརོཙེསུཾ ། ན, བྷིཀྑཝེ, སབྦནཱིལཀཱནི ཙཱིཝརཱནི དྷཱརེཏབྦཱནི, ན སབྦཔཱིཏཀཱནི ཙཱིཝརཱནི དྷཱརེཏབྦཱནི, ན སབྦལོཧིཏཀཱནི ཙཱིཝརཱནི དྷཱརེཏབྦཱནི, ན སབྦམཉྫིཊྛཀཱནི ཙཱིཝརཱནི དྷཱརེཏབྦཱནི, ན སབྦཀཎྷཱནི ཙཱིཝརཱནི དྷཱརེཏབྦཱནི, ན སབྦམཧཱརངྒརཏྟཱནི ཙཱིཝརཱནི དྷཱརེཏབྦཱནི, ན སབྦམཧཱནཱམརཏྟཱནི ཙཱིཝརཱནི དྷཱརེཏབྦཱནི, ན ཨཙྪིནྣདསཱནི ཙཱིཝརཱནི དྷཱརེཏབྦཱནི, ན དཱིགྷདསཱནི ཙཱིཝརཱནི དྷཱརེཏབྦཱནི, ན པུཔྥདསཱནི ཙཱིཝརཱནི དྷཱརེཏབྦཱནི, ན ཕཎདསཱནི ཙཱིཝརཱནི དྷཱརེཏབྦཱནི, ན ཀཉྩུཀཾ དྷཱརེཏབྦཾ, ན ཏིརཱིཊཀཾ དྷཱརེཏབྦཾ, ན ཝེཋནཾ དྷཱརེཏབྦཾ། ཡོ དྷཱརེཡྻ, ཨཱཔཏྟི དུཀྐཊསྶཱཏི།
372. Tena kho pana samayena chabbaggiyā bhikkhū sabbanīlakāni cīvarāni dhārenti…pe… sabbapītakāni cīvarāni dhārenti…pe… sabbalohitakāni cīvarāni dhārenti…pe… sabbamañjiṭṭhakāni 3 cīvarāni dhārenti…pe… sabbakaṇhāni cīvarāni dhārenti …pe… sabbamahāraṅgarattāni cīvarāni dhārenti…pe… sabbamahānāmarattāni cīvarāni dhārenti…pe… acchinnadasāni cīvarāni dhārenti…pe… dīghadasāni cīvarāni dhārenti…pe… pupphadasāni cīvarāni dhārenti…pe… phaṇadasāni 4 cīvarāni dhārenti…pe… kañcukaṃ dhārenti…pe… tirīṭakaṃ dhārenti…pe… veṭhanaṃ dhārenti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā veṭhanaṃ dhāressanti, seyyathāpi gihī kāmabhogino’’ti. Bhagavato etamatthaṃ ārocesuṃ . Na, bhikkhave, sabbanīlakāni cīvarāni dhāretabbāni, na sabbapītakāni cīvarāni dhāretabbāni, na sabbalohitakāni cīvarāni dhāretabbāni, na sabbamañjiṭṭhakāni cīvarāni dhāretabbāni, na sabbakaṇhāni cīvarāni dhāretabbāni, na sabbamahāraṅgarattāni cīvarāni dhāretabbāni, na sabbamahānāmarattāni cīvarāni dhāretabbāni, na acchinnadasāni cīvarāni dhāretabbāni, na dīghadasāni cīvarāni dhāretabbāni, na pupphadasāni cīvarāni dhāretabbāni, na phaṇadasāni cīvarāni dhāretabbāni, na kañcukaṃ dhāretabbaṃ, na tirīṭakaṃ dhāretabbaṃ, na veṭhanaṃ dhāretabbaṃ. Yo dhāreyya, āpatti dukkaṭassāti.
སབྦནཱིལཀཱདིཔཊིཀྑེཔཀཐཱ ནིཊྛིཏཱ།
Sabbanīlakādipaṭikkhepakathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཀུསཙཱིརཱདིཔཊིཀྑེཔཀཐཱ • Kusacīrādipaṭikkhepakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / མཏསནྟཀཀཐཱདིཝཎྞནཱ • Matasantakakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༢༧. ཀུསཙཱིརཱདིཔཊིཀྑེཔཀཐཱ • 227. Kusacīrādipaṭikkhepakathā
