| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
149. ஸப்³ப³னீலிகாதி³படிக்கே²பகதா²
149. Sabbanīlikādipaṭikkhepakathā
246. ஸப்³பா³வ நீலிகாதி ஸப்³பா³வ உபாஹனாயோ நீலிகா, ஸப்³ப³ட்டா²னேஸு நீலமேதாஸந்தி ஸப்³ப³னீலிகாதிபி காதப்³போ³. தத்த² சாதி தேஸு நீலிகாதீ³ஸு ச. உம்மாரபுப்ப²ஸ்ஸ வண்ணோ விய வண்ணோ ஏதிஸ்ஸாதி உம்மாரபுப்ப²வண்ணா. ஏவங் ஸேஸேஸுபி. அத்³தா³ரிட்ட²கவண்ணாதி எத்த² அத்³தோ³தி அல்லோ. அரிட்டோ²தி பே²ணிலருக்கோ² வா காகோ வா, தஸ்மா அத்³தோ³ அல்லோ அரிட்டோ² பே²ணிலருக்கோ², காகோ வாதி அத்³தா³ரிட்டோ², ததே³வ அத்³தா³ரிட்ட²கோ, அத்³தா³ரிட்ட²கஸ்ஸ வண்ணோ விய வண்ணோ ஏதிஸ்ஸாதி அத்³தா³ரிட்ட²கவண்ணா . ஏதாஸூதி ஸப்³ப³னீலிகாதீ³ஸு. புஞ்சி²த்வாதி பரிமஜ்ஜித்வா. அப்பமத்தகேனாபீதி பிஸத்³தோ³ ஸம்பா⁴வனே. ஸப்³ப³னீலாதி³கே பி⁴ன்னே கா நாம கதா²தி அத்தோ².
246.Sabbāva nīlikāti sabbāva upāhanāyo nīlikā, sabbaṭṭhānesu nīlametāsanti sabbanīlikātipi kātabbo. Tattha cāti tesu nīlikādīsu ca. Ummārapupphassa vaṇṇo viya vaṇṇo etissāti ummārapupphavaṇṇā. Evaṃ sesesupi. Addāriṭṭhakavaṇṇāti ettha addoti allo. Ariṭṭhoti pheṇilarukkho vā kāko vā, tasmā addo allo ariṭṭho pheṇilarukkho, kāko vāti addāriṭṭho, tadeva addāriṭṭhako, addāriṭṭhakassa vaṇṇo viya vaṇṇo etissāti addāriṭṭhakavaṇṇā . Etāsūti sabbanīlikādīsu. Puñchitvāti parimajjitvā. Appamattakenāpīti pisaddo sambhāvane. Sabbanīlādike bhinne kā nāma kathāti attho.
‘‘யாஸங் வத்³தா⁴யேவ நீலா’’தி இமினா நீலகா வத்³தி⁴கா ஏதாஸந்தி நீலகவத்³தி⁴காதி ச²ட்டீ²பா³ஹிரத்த²ஸமாஸங் த³ஸ்ஸேதி. வத்³தி⁴காதி ச நத்³தி⁴. ஸா ஹி உபாஹனதலதோ வத்³த⁴யதீதி வத்³தி⁴காதி ச உபாஹனதலங் ப³ந்த⁴தி இமாயாதி வத்³தி⁴காதி ச வுச்சதி. ஸப்³ப³த்தா²தி ஸப்³பே³ஸு பீதகவத்³தி⁴காதீ³ஸு. ஏதாயோபீதி நீலகவத்³தி⁴காதி³கா உபாஹனாயோபி. தலேதி உபாஹனாய தலே. ‘‘க²ல்லகங் ப³ந்தி⁴த்வா’’தி இமினா க²ல்லகேன ப³ந்தி⁴தப்³பா³தி க²ல்லகப³த்³தா⁴தி வசனத்த²ங் த³ஸ்ஸேதி. யோனகஉபாஹனாதி யோனகஜாதீனங் மனுஸ்ஸானங் உபாஹனா. பலிகு³ண்டெ²த்வாதி பரிஸமந்ததோ வேடெ²த்வா. ‘‘உபரி…பே॰… ஜங்க⁴’’ந்தி இமினா புடப³த்³த⁴தோ விஸேஸங் த³ஸ்ஸேதி. தூலபிசுனாதி தூலஸங்கா²தேன பிசுனா. ‘‘தித்திரபத்தஸதி³ஸா’’தி இமினா தித்திரஸ்ஸ பத்தங் விய தித்திரபத்திகாதி வசனத்த²ங் த³ஸ்ஸேதி. தித்திரோதி ச ஏகோ ஸகுணவிஸேஸோ. கண்ணிகட்டா²னேதி த்³வின்னங் வத்³தி⁴கானங் ஏகதோ ஸமாக³மட்டா²னே. ‘‘மெண்ட³…பே॰… கதா’’தி இமினா மெண்ட³ஸ்ஸ விஸாணேன ஸதி³ஸா வத்³தி⁴கா ஏதாஸந்தி மெண்ட³விஸாணவத்³தி⁴காதி வசனத்த²ங் த³ஸ்ஸேதி. ததே²வாதி யதா² மெண்ட³அஜஸிங்க³ஸண்டா²னே வத்³தே⁴ யோஜெத்வா கதா, ததே²வாதி அத்தோ². ‘‘விச்சி²கா…பே॰… கதா’’தி இமினா விச்சி²காய அளோ விச்சி²காளோ, ஸோ விய வத்³தி⁴கா ஏதாஸந்தி விச்சி²காளிகாதி வசனத்த²ங் த³ஸ்ஸேதி. அளஸத்³தோ³ ‘‘அளச்சி²ன்னோ’’திஆதீ³ஸு (மஹாவ॰ 119) அங்கு³ட்ட²வாசகோ, இத⁴ பன நங்கு³ட்ட²வாசகோ, தஸ்மா வுத்தங் ‘‘நங்கு³ட்ட²ஸண்டா²னே’’தி. தலேஸூதி உபாஹனாய தலேஸு. ‘‘மோர…பே॰… ஸிப்³பி³கா’’தி இமினா மோரபிஞ்சே²ஹி பரிஸமந்ததோ, பரிக்கி²பித்வா வா ஸிப்³பி³தா மோரபிஞ்ச²பரிஸிப்³பி³தாதி வசனத்த²ங் த³ஸ்ஸேதி. சித்ரா உபாஹனாயோதி எத்த² சித்ரஸத்³தோ³ விசித்ரத்தோ²தி ஆஹ ‘‘விசித்ரா’’தி. ஏதாஸூதி க²ல்லகப³த்³தா⁴தீ³ஸு. வளஞ்ஜேதப்³பா³தி பரிபு⁴ஞ்ஜிதப்³பா³. வளஜி பரிபோ⁴கே³தி தா⁴துபாடோ² (ஸத்³த³னீதிதா⁴துமாலாயங் 15 ஜகாரந்ததா⁴து). தாலுஜோ ததியோ. தேஸு பனாதி க²ல்லகாதீ³ஸு பன. ஸதி ஸந்தேஸூதி யோஜனா. ஸீஹசம்மேன பரிக்கி²பிதப்³பா³தி ஸீஹசம்மபரிக்க²தாதி வசனத்த²ங் த³ஸ்ஸெந்தோ ஆஹ ‘‘பரியந்தேஸூ’’திஆதி³. பக்கி²பி³ளாலோதி துலியோ. ஸோ ஹி பக்க²யுத்தத்தா ச பி³ளாலமுக²ஸதி³ஸமுக²த்தா ச பக்கி²பி³ளாலோதி வுச்சதி. இமினா லுவகசம்மபரிக்க²தாதி எத்த² லுவகஸத்³தோ³ பக்கி²பி³ளாலபரியாயோதி த³ஸ்ஸேதி. ‘‘உலூகசம்மபரிக்க²தா’’திபி பாடோ². ஏதாஸுபீதி ஸீஹசம்மபரிக்க²தாதீ³ஸுபி. யா காசி உபாஹனாயோதி ஸம்ப³ந்தோ⁴.
‘‘Yāsaṃ vaddhāyeva nīlā’’ti iminā nīlakā vaddhikā etāsanti nīlakavaddhikāti chaṭṭhībāhiratthasamāsaṃ dasseti. Vaddhikāti ca naddhi. Sā hi upāhanatalato vaddhayatīti vaddhikāti ca upāhanatalaṃ bandhati imāyāti vaddhikāti ca vuccati. Sabbatthāti sabbesu pītakavaddhikādīsu. Etāyopīti nīlakavaddhikādikā upāhanāyopi. Taleti upāhanāya tale. ‘‘Khallakaṃ bandhitvā’’ti iminā khallakena bandhitabbāti khallakabaddhāti vacanatthaṃ dasseti. Yonakaupāhanāti yonakajātīnaṃ manussānaṃ upāhanā. Paliguṇṭhetvāti parisamantato veṭhetvā. ‘‘Upari…pe… jaṅgha’’nti iminā puṭabaddhato visesaṃ dasseti. Tūlapicunāti tūlasaṅkhātena picunā. ‘‘Tittirapattasadisā’’ti iminā tittirassa pattaṃ viya tittirapattikāti vacanatthaṃ dasseti. Tittiroti ca eko sakuṇaviseso. Kaṇṇikaṭṭhāneti dvinnaṃ vaddhikānaṃ ekato samāgamaṭṭhāne. ‘‘Meṇḍa…pe… katā’’ti iminā meṇḍassa visāṇena sadisā vaddhikā etāsanti meṇḍavisāṇavaddhikāti vacanatthaṃ dasseti. Tathevāti yathā meṇḍaajasiṅgasaṇṭhāne vaddhe yojetvā katā, tathevāti attho. ‘‘Vicchikā…pe… katā’’ti iminā vicchikāya aḷo vicchikāḷo, so viya vaddhikā etāsanti vicchikāḷikāti vacanatthaṃ dasseti. Aḷasaddo ‘‘aḷacchinno’’tiādīsu (mahāva. 119) aṅguṭṭhavācako, idha pana naṅguṭṭhavācako, tasmā vuttaṃ ‘‘naṅguṭṭhasaṇṭhāne’’ti. Talesūti upāhanāya talesu. ‘‘Mora…pe… sibbikā’’ti iminā morapiñchehi parisamantato, parikkhipitvā vā sibbitā morapiñchaparisibbitāti vacanatthaṃ dasseti. Citrā upāhanāyoti ettha citrasaddo vicitratthoti āha ‘‘vicitrā’’ti. Etāsūti khallakabaddhādīsu. Vaḷañjetabbāti paribhuñjitabbā. Vaḷaji paribhogeti dhātupāṭho (saddanītidhātumālāyaṃ 15 jakārantadhātu). Tālujo tatiyo. Tesu panāti khallakādīsu pana. Sati santesūti yojanā. Sīhacammena parikkhipitabbāti sīhacammaparikkhatāti vacanatthaṃ dassento āha ‘‘pariyantesū’’tiādi. Pakkhibiḷāloti tuliyo. So hi pakkhayuttattā ca biḷālamukhasadisamukhattā ca pakkhibiḷāloti vuccati. Iminā luvakacammaparikkhatāti ettha luvakasaddo pakkhibiḷālapariyāyoti dasseti. ‘‘Ulūkacammaparikkhatā’’tipi pāṭho. Etāsupīti sīhacammaparikkhatādīsupi. Yā kāci upāhanāyoti sambandho.
247. ஓமுக்கந்தி எத்த² அவத்யூபஸக்³க³ஸ்ஸ வியோக³த்த²ங் த³ஸ்ஸெந்தோ ஆஹ ‘‘படிமுஞ்சித்வா அபனீத’’ந்தி. புராணங் கு³ணங்கு³ணூபாஹனந்தி அத்தோ².
247.Omukkanti ettha avatyūpasaggassa viyogatthaṃ dassento āha ‘‘paṭimuñcitvā apanīta’’nti. Purāṇaṃ guṇaṅguṇūpāhananti attho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
149. ஸப்³ப³னீலிகாதி³படிக்கே²போ • 149. Sabbanīlikādipaṭikkhepo
150. ஓமுக்ககு³ணங்கு³ணூபாஹனானுஜானநா • 150. Omukkaguṇaṅguṇūpāhanānujānanā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஸப்³ப³னீலிகாதி³படிக்கே²பகதா² • Sabbanīlikādipaṭikkhepakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸப்³ப³னீலிகாதி³படிக்கே²பகதா²வண்ணனா • Sabbanīlikādipaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸப்³ப³னீலிகாதி³படிக்கே²பகதா²வண்ணனா • Sabbanīlikādipaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / தி³கு³ணாதி³உபாஹனபடிக்கே²பகதா²வண்ணனா • Diguṇādiupāhanapaṭikkhepakathāvaṇṇanā
