| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਸਬ੍ਬਨੀਲਿਕਾਦਿਪਟਿਕ੍ਖੇਪਕਥਾ
Sabbanīlikādipaṭikkhepakathā
੨੪੬. ਸਬ੍ਬਨੀਲਿਕਾਤਿ ਸਬ੍ਬਾવ ਨੀਲਿਕਾ। ਏਸ ਨਯੋ ਸਬ੍ਬਪੀਤਿਕਾਦੀਸੁਪਿ। ਤਤ੍ਥ ਚ ਨੀਲਿਕਾ ਉਮਾਪੁਪ੍ਫવਣ੍ਣਾ ਹੋਤਿ, ਪੀਤਿਕਾ ਕਣਿਕਾਰਪੁਪ੍ਫવਣ੍ਣਾ, ਲੋਹਿਤਿਕਾ ਜਯਸੁਮਨਪੁਪ੍ਫવਣ੍ਣਾ , ਮਞ੍ਜਿਟ੍ਠਿਕਾ ਮਞ੍ਜਿਟ੍ਠવਣ੍ਣਾ ਏવ, ਕਣ੍ਹਾ ਅਦ੍ਦਾਰਿਟ੍ਠਕવਣ੍ਣਾ, ਮਹਾਰਙ੍ਗਰਤ੍ਤਾ ਸਤਪਦਿਪਿਟ੍ਠਿવਣ੍ਣਾ, ਮਹਾਨਾਮਰਤ੍ਤਾ ਸਮ੍ਭਿਨ੍ਨવਣ੍ਣਾ ਹੋਤਿ ਪਣ੍ਡੁਪਲਾਸવਣ੍ਣਾ। ਕੁਰੁਨ੍ਦਿਯਂ ਪਨ ‘‘ਪਦੁਮਪੁਪ੍ਫવਣ੍ਣਾ’’ਤਿ વੁਤ੍ਤਾ। ਏਤਾਸੁ ਯਂਕਿਞ੍ਚਿ ਲਭਿਤ੍વਾ ਰਜਨਂ ਚੋਲ਼ਕੇਨ ਪੁਞ੍ਛਿਤ੍વਾ વਣ੍ਣਂ ਭਿਨ੍ਦਿਤ੍વਾ ਧਾਰੇਤੁਂ વਟ੍ਟਤਿ। ਅਪ੍ਪਮਤ੍ਤਕੇਪਿ ਭਿਨ੍ਨੇ વਟ੍ਟਤਿਯੇવ।
246.Sabbanīlikāti sabbāva nīlikā. Esa nayo sabbapītikādīsupi. Tattha ca nīlikā umāpupphavaṇṇā hoti, pītikā kaṇikārapupphavaṇṇā, lohitikā jayasumanapupphavaṇṇā , mañjiṭṭhikā mañjiṭṭhavaṇṇā eva, kaṇhā addāriṭṭhakavaṇṇā, mahāraṅgarattā satapadipiṭṭhivaṇṇā, mahānāmarattā sambhinnavaṇṇā hoti paṇḍupalāsavaṇṇā. Kurundiyaṃ pana ‘‘padumapupphavaṇṇā’’ti vuttā. Etāsu yaṃkiñci labhitvā rajanaṃ coḷakena puñchitvā vaṇṇaṃ bhinditvā dhāretuṃ vaṭṭati. Appamattakepi bhinne vaṭṭatiyeva.
ਨੀਲਕવਦ੍ਧਿਕਾਤਿ ਯਾਸਂ વਦ੍ਧਾਯੇવ ਨੀਲਾ। ਏਸੇવ ਨਯੋ ਸਬ੍ਬਤ੍ਥ। ਏਤਾਪਿ વਣ੍ਣਭੇਦਂ ਕਤ੍વਾ ਧਾਰੇਤਬ੍ਬਾ। ਖਲ੍ਲਕਬਦ੍ਧਾਤਿ ਪਣ੍ਹਿਪਿਧਾਨਤ੍ਥਂ ਤਲੇ ਖਲ੍ਲਕਂ ਬਨ੍ਧਿਤ੍વਾ ਕਤਾ। ਪੁਟਬਦ੍ਧਾਤਿ ਯੋਨਕਉਪਾਹਨਾ વੁਚ੍ਚਤਿ, ਯਾ ਯਾવਜਙ੍ਘਤੋ ਸਬ੍ਬਪਾਦਂ ਪਟਿਚ੍ਛਾਦੇਤਿ। ਪਾਲਿਗੁਣ੍ਠਿਮਾਤਿ ਪਲਿਗੁਣ੍ਠਿਤ੍વਾ ਕਤਾ; ਯਾ ਉਪਰਿ ਪਾਦਮਤ੍ਤਮੇવ ਪਟਿਚ੍ਛਾਦੇਤਿ, ਨ ਜਙ੍ਘਂ। ਤੂਲਪੁਣ੍ਣਿਕਾਤਿ ਤੂਲਪਿਚੁਨਾ ਪੂਰੇਤ੍વਾ ਕਤਾ। ਤਿਤ੍ਤਿਰਪਤ੍ਤਿਕਾਤਿ ਤਿਤ੍ਤਿਰਪਤ੍ਤਸਦਿਸਾ વਿਚਿਤ੍ਤਬਦ੍ਧਾ। ਮੇਣ੍ਡવਿਸਾਣવਦ੍ਧਿਕਾਤਿ ਕਣ੍ਣਿਕਟ੍ਠਾਨੇ ਮੇਣ੍ਡਕਸਿਙ੍ਗਸਣ੍ਠਾਨੇ વਦ੍ਧੇ ਯੋਜੇਤ੍વਾ ਕਤਾ। ਅਜવਿਸਾਣવਦ੍ਧਿਕਾਦੀਸੁਪਿ ਏਸੇવ ਨਯੋ। વਿਚ੍ਛਿਕਾਲ਼ਿਕਾਪਿ ਤਤ੍ਥੇવ વਿਚ੍ਛਿਕਨਙ੍ਗੁਟ੍ਠਸਣ੍ਠਾਨੇ વਦ੍ਧੇ ਯੋਜੇਤ੍વਾ ਕਤਾ। ਮੋਰਪਿਞ੍ਛਪਰਿਸਿਬ੍ਬਿਤਾਤਿ ਤਲੇਸੁ વਾ વਦ੍ਧੇਸੁ વਾ ਮੋਰਪਿਞ੍ਛੇਹਿ ਸੁਤ੍ਤਕਸਦਿਸੇਹਿ ਪਰਿਸਿਬ੍ਬਿਤਾ। ਚਿਤ੍ਰਾਤਿ વਿਚਿਤ੍ਰਾ; ਏਤਾਸੁ ਯਂਕਿਞ੍ਚਿ ਲਭਿਤ੍વਾ, ਸਚੇ ਤਾਨਿ ਖਲ੍ਲਕਾਦੀਨਿ ਅਪਨੇਤ੍વਾ ਸਕ੍ਕਾ ਹੋਨ੍ਤਿ વਲ਼ਞ੍ਜਿਤੁਂ, વਲ਼ਞ੍ਜੇਤਬ੍ਬਾ। ਤੇਸੁ ਪਨ ਸਤਿ વਲ਼ਞ੍ਜਨ੍ਤਸ੍ਸ ਦੁਕ੍ਕਟਂ। ਸੀਹਚਮ੍ਮਪਰਿਕ੍ਖਟਾ ਨਾਮ ਪਰਿਯਨ੍ਤੇਸੁ ਚੀવਰੇ ਅਨੁવਾਤਂ વਿਯ ਸੀਹਚਮ੍ਮਂ ਯੋਜੇਤ੍વਾ ਕਤਾ। ਲੂવਕਚਮ੍ਮਪਰਿਕ੍ਖਟਾਤਿ ਪਕ੍ਖਿਬਿਲ਼ਾਲਚਮ੍ਮਪਰਿਕ੍ਖਟਾ । ਏਤਾਸੁਪਿ ਯਾ ਕਾਚਿ ਲਭਿਤ੍વਾ ਤਂ ਚਮ੍ਮਂ ਅਪਨੇਤ੍વਾ ਧਾਰੇਤਬ੍ਬਾ।
Nīlakavaddhikāti yāsaṃ vaddhāyeva nīlā. Eseva nayo sabbattha. Etāpi vaṇṇabhedaṃ katvā dhāretabbā. Khallakabaddhāti paṇhipidhānatthaṃ tale khallakaṃ bandhitvā katā. Puṭabaddhāti yonakaupāhanā vuccati, yā yāvajaṅghato sabbapādaṃ paṭicchādeti. Pāliguṇṭhimāti paliguṇṭhitvā katā; yā upari pādamattameva paṭicchādeti, na jaṅghaṃ. Tūlapuṇṇikāti tūlapicunā pūretvā katā. Tittirapattikāti tittirapattasadisā vicittabaddhā. Meṇḍavisāṇavaddhikāti kaṇṇikaṭṭhāne meṇḍakasiṅgasaṇṭhāne vaddhe yojetvā katā. Ajavisāṇavaddhikādīsupi eseva nayo. Vicchikāḷikāpi tattheva vicchikanaṅguṭṭhasaṇṭhāne vaddhe yojetvā katā. Morapiñchaparisibbitāti talesu vā vaddhesu vā morapiñchehi suttakasadisehi parisibbitā. Citrāti vicitrā; etāsu yaṃkiñci labhitvā, sace tāni khallakādīni apanetvā sakkā honti vaḷañjituṃ, vaḷañjetabbā. Tesu pana sati vaḷañjantassa dukkaṭaṃ. Sīhacammaparikkhaṭā nāma pariyantesu cīvare anuvātaṃ viya sīhacammaṃ yojetvā katā. Lūvakacammaparikkhaṭāti pakkhibiḷālacammaparikkhaṭā . Etāsupi yā kāci labhitvā taṃ cammaṃ apanetvā dhāretabbā.
੨੪੭. ਓਮੁਕ੍ਕਨ੍ਤਿ ਪਟਿਮੁਞ੍ਚਿਤ੍વਾ ਅਪਨੀਤਂ। ਨવਾਤਿ ਅਪਰਿਭੁਤ੍ਤਾ।
247.Omukkanti paṭimuñcitvā apanītaṃ. Navāti aparibhuttā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੪੯. ਸਬ੍ਬਨੀਲਿਕਾਦਿਪਟਿਕ੍ਖੇਪੋ • 149. Sabbanīlikādipaṭikkhepo
੧੫੦. ਓਮੁਕ੍ਕਗੁਣਙ੍ਗੁਣੂਪਾਹਨਾਨੁਜਾਨਨਾ • 150. Omukkaguṇaṅguṇūpāhanānujānanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਬ੍ਬਨੀਲਿਕਾਦਿਪਟਿਕ੍ਖੇਪਕਥਾવਣ੍ਣਨਾ • Sabbanīlikādipaṭikkhepakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਬ੍ਬਨੀਲਿਕਾਦਿਪਟਿਕ੍ਖੇਪਕਥਾવਣ੍ਣਨਾ • Sabbanīlikādipaṭikkhepakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਦਿਗੁਣਾਦਿਉਪਾਹਨਪਟਿਕ੍ਖੇਪਕਥਾવਣ੍ਣਨਾ • Diguṇādiupāhanapaṭikkhepakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੪੯. ਸਬ੍ਬਨੀਲਿਕਾਦਿਪਟਿਕ੍ਖੇਪਕਥਾ • 149. Sabbanīlikādipaṭikkhepakathā
