| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
2. ஸப்³ப³ஞ்ஞூபா⁴வபஞ்ஹோ
2. Sabbaññūbhāvapañho
2. ராஜா ஆஹ ‘‘ப⁴ந்தே நாக³ஸேன, பு³த்³தோ⁴ ஸப்³ப³ஞ்ஞூ ஸப்³ப³த³ஸ்ஸாவீ’’தி? ‘‘ஆம, மஹாராஜ, ப⁴க³வா ஸப்³ப³ஞ்ஞூ ஸப்³ப³த³ஸ்ஸாவீ’’தி. ‘‘அத² கிஸ்ஸ நு கோ², ப⁴ந்தே நாக³ஸேன, ஸாவகானங் அனுபுப்³பே³ன ஸிக்கா²பத³ங் பஞ்ஞபேஸீ’’தி? ‘‘அத்தி² பன தே மஹாராஜ, கோசி வேஜ்ஜோ, யோ இமிஸ்ஸங் பத²வியங் ஸப்³ப³பே⁴ஸஜ்ஜானி ஜானாதீ’’தி? ‘‘ஆம, ப⁴ந்தே, அத்தீ²’’தி. ‘‘கிங்னு கோ², மஹாராஜ, ஸோ வேஜ்ஜோ கி³லானகங் ஸம்பத்தே காலே பே⁴ஸஜ்ஜங் பாயேதி, உதா³ஹு அஸம்பத்தே காலே’’தி? ‘‘ஸம்பத்தே காலே, ப⁴ந்தே, கி³லானகங் பே⁴ஸஜ்ஜங் பாயேதி, நோ அஸம்பத்தே காலே’’தி? ‘‘ஏவமேவ கோ², மஹாராஜ, ப⁴க³வா ஸப்³ப³ஞ்ஞூ ஸப்³ப³த³ஸ்ஸாவீ ந அஸம்பத்தே காலே ஸாவகானங் ஸிக்கா²பத³ங் பஞ்ஞாபேதி, ஸம்பத்தே காலே ஸாவகானங் ஸிக்கா²பத³ங் பஞ்ஞாபேதி யாவஜீவங் அனதிக்கமனீய’’ந்தி.
2. Rājā āha ‘‘bhante nāgasena, buddho sabbaññū sabbadassāvī’’ti? ‘‘Āma, mahārāja, bhagavā sabbaññū sabbadassāvī’’ti. ‘‘Atha kissa nu kho, bhante nāgasena, sāvakānaṃ anupubbena sikkhāpadaṃ paññapesī’’ti? ‘‘Atthi pana te mahārāja, koci vejjo, yo imissaṃ pathaviyaṃ sabbabhesajjāni jānātī’’ti? ‘‘Āma, bhante, atthī’’ti. ‘‘Kiṃnu kho, mahārāja, so vejjo gilānakaṃ sampatte kāle bhesajjaṃ pāyeti, udāhu asampatte kāle’’ti? ‘‘Sampatte kāle, bhante, gilānakaṃ bhesajjaṃ pāyeti, no asampatte kāle’’ti? ‘‘Evameva kho, mahārāja, bhagavā sabbaññū sabbadassāvī na asampatte kāle sāvakānaṃ sikkhāpadaṃ paññāpeti, sampatte kāle sāvakānaṃ sikkhāpadaṃ paññāpeti yāvajīvaṃ anatikkamanīya’’nti.
‘‘கல்லோஸி, ப⁴ந்தே நாக³ஸேனா’’தி.
‘‘Kallosi, bhante nāgasenā’’ti.
ஸப்³ப³ஞ்ஞூபா⁴வபஞ்ஹோ து³தியோ.
Sabbaññūbhāvapañho dutiyo.
