| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. саб̣б̣ан̃н̃уубхаавабан̃хо
2. Sabbaññūbhāvapañho
2. рааж̇аа ааха ‘‘бханд̇з нааг̇асзна, б̣уд̣̇д̇хо саб̣б̣ан̃н̃уу саб̣б̣ад̣̇ассаавий’’д̇и? ‘‘аама, махаарааж̇а, бхаг̇аваа саб̣б̣ан̃н̃уу саб̣б̣ад̣̇ассаавий’’д̇и. ‘‘ат̇а гисса ну ко, бханд̇з нааг̇асзна, саавагаанам̣ анубуб̣б̣зна сигкаабад̣̇ам̣ бан̃н̃абзсий’’д̇и? ‘‘ад̇т̇и бана д̇з махаарааж̇а, гожи взж̇ж̇о, яо имиссам̣ бат̇авияам̣ саб̣б̣абхзсаж̇ж̇аани ж̇аанаад̇ий’’д̇и? ‘‘аама, бханд̇з, ад̇т̇ий’’д̇и. ‘‘гим̣ну ко, махаарааж̇а, со взж̇ж̇о г̇илаанагам̣ самбад̇д̇з гаалз бхзсаж̇ж̇ам̣ бааязд̇и, уд̣̇ааху асамбад̇д̇з гаалз’’д̇и? ‘‘самбад̇д̇з гаалз, бханд̇з, г̇илаанагам̣ бхзсаж̇ж̇ам̣ бааязд̇и, но асамбад̇д̇з гаалз’’д̇и? ‘‘звамзва ко, махаарааж̇а, бхаг̇аваа саб̣б̣ан̃н̃уу саб̣б̣ад̣̇ассаавий на асамбад̇д̇з гаалз саавагаанам̣ сигкаабад̣̇ам̣ бан̃н̃аабзд̇и, самбад̇д̇з гаалз саавагаанам̣ сигкаабад̣̇ам̣ бан̃н̃аабзд̇и яааваж̇ийвам̣ анад̇иггаманийяа’’нд̇и.
2. Rājā āha ‘‘bhante nāgasena, buddho sabbaññū sabbadassāvī’’ti? ‘‘Āma, mahārāja, bhagavā sabbaññū sabbadassāvī’’ti. ‘‘Atha kissa nu kho, bhante nāgasena, sāvakānaṃ anupubbena sikkhāpadaṃ paññapesī’’ti? ‘‘Atthi pana te mahārāja, koci vejjo, yo imissaṃ pathaviyaṃ sabbabhesajjāni jānātī’’ti? ‘‘Āma, bhante, atthī’’ti. ‘‘Kiṃnu kho, mahārāja, so vejjo gilānakaṃ sampatte kāle bhesajjaṃ pāyeti, udāhu asampatte kāle’’ti? ‘‘Sampatte kāle, bhante, gilānakaṃ bhesajjaṃ pāyeti, no asampatte kāle’’ti? ‘‘Evameva kho, mahārāja, bhagavā sabbaññū sabbadassāvī na asampatte kāle sāvakānaṃ sikkhāpadaṃ paññāpeti, sampatte kāle sāvakānaṃ sikkhāpadaṃ paññāpeti yāvajīvaṃ anatikkamanīya’’nti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
саб̣б̣ан̃н̃уубхаавабан̃хо д̣̇уд̇ияо.
Sabbaññūbhāvapañho dutiyo.
