| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੨. ਸਬ੍ਬਞ੍ਞੂਭਾવਪਞ੍ਹੋ
2. Sabbaññūbhāvapañho
੨. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਬੁਦ੍ਧੋ ਸਬ੍ਬਞ੍ਞੂ ਸਬ੍ਬਦਸ੍ਸਾવੀ’’ਤਿ? ‘‘ਆਮ, ਮਹਾਰਾਜ, ਭਗવਾ ਸਬ੍ਬਞ੍ਞੂ ਸਬ੍ਬਦਸ੍ਸਾવੀ’’ਤਿ। ‘‘ਅਥ ਕਿਸ੍ਸ ਨੁ ਖੋ, ਭਨ੍ਤੇ ਨਾਗਸੇਨ, ਸਾવਕਾਨਂ ਅਨੁਪੁਬ੍ਬੇਨ ਸਿਕ੍ਖਾਪਦਂ ਪਞ੍ਞਪੇਸੀ’’ਤਿ? ‘‘ਅਤ੍ਥਿ ਪਨ ਤੇ ਮਹਾਰਾਜ, ਕੋਚਿ વੇਜ੍ਜੋ, ਯੋ ਇਮਿਸ੍ਸਂ ਪਥવਿਯਂ ਸਬ੍ਬਭੇਸਜ੍ਜਾਨਿ ਜਾਨਾਤੀ’’ਤਿ? ‘‘ਆਮ, ਭਨ੍ਤੇ, ਅਤ੍ਥੀ’’ਤਿ। ‘‘ਕਿਂਨੁ ਖੋ, ਮਹਾਰਾਜ, ਸੋ વੇਜ੍ਜੋ ਗਿਲਾਨਕਂ ਸਮ੍ਪਤ੍ਤੇ ਕਾਲੇ ਭੇਸਜ੍ਜਂ ਪਾਯੇਤਿ, ਉਦਾਹੁ ਅਸਮ੍ਪਤ੍ਤੇ ਕਾਲੇ’’ਤਿ? ‘‘ਸਮ੍ਪਤ੍ਤੇ ਕਾਲੇ, ਭਨ੍ਤੇ, ਗਿਲਾਨਕਂ ਭੇਸਜ੍ਜਂ ਪਾਯੇਤਿ, ਨੋ ਅਸਮ੍ਪਤ੍ਤੇ ਕਾਲੇ’’ਤਿ? ‘‘ਏવਮੇવ ਖੋ, ਮਹਾਰਾਜ, ਭਗવਾ ਸਬ੍ਬਞ੍ਞੂ ਸਬ੍ਬਦਸ੍ਸਾવੀ ਨ ਅਸਮ੍ਪਤ੍ਤੇ ਕਾਲੇ ਸਾવਕਾਨਂ ਸਿਕ੍ਖਾਪਦਂ ਪਞ੍ਞਾਪੇਤਿ, ਸਮ੍ਪਤ੍ਤੇ ਕਾਲੇ ਸਾવਕਾਨਂ ਸਿਕ੍ਖਾਪਦਂ ਪਞ੍ਞਾਪੇਤਿ ਯਾવਜੀવਂ ਅਨਤਿਕ੍ਕਮਨੀਯ’’ਨ੍ਤਿ।
2. Rājā āha ‘‘bhante nāgasena, buddho sabbaññū sabbadassāvī’’ti? ‘‘Āma, mahārāja, bhagavā sabbaññū sabbadassāvī’’ti. ‘‘Atha kissa nu kho, bhante nāgasena, sāvakānaṃ anupubbena sikkhāpadaṃ paññapesī’’ti? ‘‘Atthi pana te mahārāja, koci vejjo, yo imissaṃ pathaviyaṃ sabbabhesajjāni jānātī’’ti? ‘‘Āma, bhante, atthī’’ti. ‘‘Kiṃnu kho, mahārāja, so vejjo gilānakaṃ sampatte kāle bhesajjaṃ pāyeti, udāhu asampatte kāle’’ti? ‘‘Sampatte kāle, bhante, gilānakaṃ bhesajjaṃ pāyeti, no asampatte kāle’’ti? ‘‘Evameva kho, mahārāja, bhagavā sabbaññū sabbadassāvī na asampatte kāle sāvakānaṃ sikkhāpadaṃ paññāpeti, sampatte kāle sāvakānaṃ sikkhāpadaṃ paññāpeti yāvajīvaṃ anatikkamanīya’’nti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਸਬ੍ਬਞ੍ਞੂਭਾવਪਞ੍ਹੋ ਦੁਤਿਯੋ।
Sabbaññūbhāvapañho dutiyo.
