Library / Tipiṭaka / တိပိဋက • Tipiṭaka / ဣတိဝုတ္တကပာဠိ • Itivuttakapāḷi

    ၇. သဗ္ဗပရိညာသုတ္တံ

    7. Sabbapariññāsuttaṃ

    ၇. ဝုတ္တဉ္ဟေတံ ဘဂဝတာ, ဝုတ္တမရဟတာတိ မေ သုတံ –

    7. Vuttañhetaṃ bhagavatā, vuttamarahatāti me sutaṃ –

    ‘‘သဗ္ဗံ, ဘိက္ခဝေ, အနဘိဇာနံ အပရိဇာနံ တတ္ထ စိတ္တံ အဝိရာဇယံ အပ္ပဇဟံ အဘဗ္ဗော ဒုက္ခက္ခယာယ။ သဗ္ဗဉ္စ ခော, ဘိက္ခဝေ, အဘိဇာနံ ပရိဇာနံ တတ္ထ စိတ္တံ ဝိရာဇယံ ပဇဟံ ဘဗ္ဗော ဒုက္ခက္ခယာယာ’’တိ။ ဧတမတ္ထံ ဘဂဝာ အဝောစ။ တတ္ထေတံ ဣတိ ဝုစ္စတိ –

    ‘‘Sabbaṃ, bhikkhave, anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Sabbañca kho, bhikkhave, abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā’’ti. Etamatthaṃ bhagavā avoca. Tatthetaṃ iti vuccati –

    ‘‘ယော သဗ္ဗံ သဗ္ဗတော ဉတ္ဝာ၊ သဗ္ဗတ္ထေသု န ရဇ္ဇတိ။

    ‘‘Yo sabbaṃ sabbato ñatvā, sabbatthesu na rajjati;

    သ ဝေ သဗ္ဗပရိညာ 1 သော၊ သဗ္ဗဒုက္ခမုပစ္စဂာ’’တိ 2။

    Sa ve sabbapariññā 3 so, sabbadukkhamupaccagā’’ti 4.

    အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ။ သတ္တမံ။

    Ayampi attho vutto bhagavatā, iti me sutanti. Sattamaṃ.




    Next: ၈. မာနပရိညာသုတ္တံ • 8. Mānapariññāsuttaṃ




    Footnotes:
    1. သဗ္ဗံ ပရိညာ (သ္ယာ. ပီ.)
    2. သဗ္ဗံ ဒုက္ခံ ဥပစ္စဂာတိ (သ္ယာ.)၊ သဗ္ဗဒုက္ခံ ဥပစ္စဂာတိ (ပီ. အဋ္ဌ.)
    3. sabbaṃ pariññā (syā. pī.)
    4. sabbaṃ dukkhaṃ upaccagāti (syā.), sabbadukkhaṃ upaccagāti (pī. aṭṭha.)



    Related texts:



    အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဣတိဝုတ္တက-အဋ္ဌကထာ • Itivuttaka-aṭṭhakathā / ၇. သဗ္ဗပရိညာသုတ္တဝဏ္ဏနာ • 7. Sabbapariññāsuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact