| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১০. সব্বসংযোজনপ্পহানকথাৰণ্ণনা
10. Sabbasaṃyojanappahānakathāvaṇṇanā
৪১৩. ইদানি সংযোজনপ্পহানকথা নাম হোতি। তত্থ যেসং ‘‘নিপ্পরিযাযেনেৰ সব্বসংযোজনপ্পহানং অরহত্ত’’ন্তি লদ্ধি, সেয্যথাপি এতরহি অন্ধকানং; তে সন্ধায পুচ্ছা সকৰাদিস্স, পটিঞ্ঞা ইতরস্স। পুন সব্বে সংযোজনাতি পুট্ঠো হেট্ঠা ৰুত্তমগ্গত্তযেন পহীনে সন্ধায পটিক্খিপতি। দুতিযং পুট্ঠো তেন মগ্গেন অপ্পহীনস্স অভাৰা পটিজানাতি। সক্কাযদিট্ঠিআদীসুপি পঠমমগ্গেন পহীনভাৰং সন্ধায পটিক্খিপতি, চতুত্থমগ্গেন অনৰসেসপ্পহানং সন্ধায পটিজানাতি। এসেৰ নযো সব্বত্থাতি।
413. Idāni saṃyojanappahānakathā nāma hoti. Tattha yesaṃ ‘‘nippariyāyeneva sabbasaṃyojanappahānaṃ arahatta’’nti laddhi, seyyathāpi etarahi andhakānaṃ; te sandhāya pucchā sakavādissa, paṭiññā itarassa. Puna sabbe saṃyojanāti puṭṭho heṭṭhā vuttamaggattayena pahīne sandhāya paṭikkhipati. Dutiyaṃ puṭṭho tena maggena appahīnassa abhāvā paṭijānāti. Sakkāyadiṭṭhiādīsupi paṭhamamaggena pahīnabhāvaṃ sandhāya paṭikkhipati, catutthamaggena anavasesappahānaṃ sandhāya paṭijānāti. Eseva nayo sabbatthāti.
সব্বসংযোজনপ্পহানকথাৰণ্ণনা।
Sabbasaṃyojanappahānakathāvaṇṇanā.
চতুত্থো ৰগ্গো।
Catuttho vaggo.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৪২) ১০. সব্বসংযোজনপ্পহানকথা • (42) 10. Sabbasaṃyojanappahānakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১০. সব্বসংযোজনপ্পহানকথাৰণ্ণনা • 10. Sabbasaṃyojanappahānakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১০. সব্বসংযোজনপ্পহানকথাৰণ্ণনা • 10. Sabbasaṃyojanappahānakathāvaṇṇanā
