| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
10. සබ්‌බසංයොජනප්‌පහානකථාවණ්‌ණනා
10. Sabbasaṃyojanappahānakathāvaṇṇanā
413. ඉදානි සංයොජනප්‌පහානකථා නාම හොති. තත්‌ථ යෙසං ‘‘නිප්‌පරියායෙනෙව සබ්‌බසංයොජනප්‌පහානං අරහත්‌ත’’න්‌ති ලද්‌ධි, සෙය්‍යථාපි එතරහි අන්‌ධකානං; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. පුන සබ්‌බෙ සංයොජනාති පුට්‌ඨො හෙට්‌ඨා වුත්‌තමග්‌ගත්‌තයෙන පහීනෙ සන්‌ධාය පටික්‌ඛිපති. දුතියං පුට්‌ඨො තෙන මග්‌ගෙන අප්‌පහීනස්‌ස අභාවා පටිජානාති. සක්‌කායදිට්‌ඨිආදීසුපි පඨමමග්‌ගෙන පහීනභාවං සන්‌ධාය පටික්‌ඛිපති, චතුත්‌ථමග්‌ගෙන අනවසෙසප්‌පහානං සන්‌ධාය පටිජානාති. එසෙව නයො සබ්‌බත්‌ථාති.
413. Idāni saṃyojanappahānakathā nāma hoti. Tattha yesaṃ ‘‘nippariyāyeneva sabbasaṃyojanappahānaṃ arahatta’’nti laddhi, seyyathāpi etarahi andhakānaṃ; te sandhāya pucchā sakavādissa, paṭiññā itarassa. Puna sabbe saṃyojanāti puṭṭho heṭṭhā vuttamaggattayena pahīne sandhāya paṭikkhipati. Dutiyaṃ puṭṭho tena maggena appahīnassa abhāvā paṭijānāti. Sakkāyadiṭṭhiādīsupi paṭhamamaggena pahīnabhāvaṃ sandhāya paṭikkhipati, catutthamaggena anavasesappahānaṃ sandhāya paṭijānāti. Eseva nayo sabbatthāti.
සබ්‌බසංයොජනප්‌පහානකථාවණ්‌ණනා.
Sabbasaṃyojanappahānakathāvaṇṇanā.
චතුත්‌ථො වග්‌ගො.
Catuttho vaggo.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (42) 10. සබ්‌බසංයොජනප්‌පහානකථා • (42) 10. Sabbasaṃyojanappahānakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 10. සබ්‌බසංයොජනප්‌පහානකථාවණ්‌ණනා • 10. Sabbasaṃyojanappahānakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 10. සබ්‌බසංයොජනප්‌පහානකථාවණ්‌ණනා • 10. Sabbasaṃyojanappahānakathāvaṇṇanā
