| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
18. д̇хаммахад̣̇аяавибхан̇г̇о
18. Dhammahadayavibhaṅgo
1. саб̣б̣асан̇г̇аахигаваараван̣н̣анаа
1. Sabbasaṅgāhikavāravaṇṇanā
978. ид̣̇аани д̇ад̣̇ананд̇арз д̇хаммахад̣̇аяавибхан̇г̇з баал̣ибарижчзд̣̇о д̇аава звам̣ взд̣̇ид̇аб̣б̣о – зд̇т̇а хи аад̣̇ид̇ова канд̇хаад̣̇ийнам̣ д̣̇ваад̣̇асаннам̣ годтаасаанам̣ васзна саб̣б̣асан̇г̇аахигавааро наама вуд̇д̇о. д̣̇уд̇ияо д̇зсам̣язва д̇хаммаанам̣ гаамад̇хаад̇уаад̣̇ийсу уббад̇д̇аануббад̇д̇ид̣̇ассанавааро наама. д̇ад̇ияо д̇ад̇т̇зва барияаабаннаабарияаабаннад̣̇ассанавааро наама. жад̇уд̇т̇о д̇ийсу бхуумийсу уббад̇д̇игкан̣з виж̇ж̇амаанаавиж̇ж̇амаанад̇хаммад̣̇ассанавааро наама. бан̃жамо д̇зсам̣ д̇хаммаанам̣ бхууманд̇аравасзна д̣̇ассанавааро наама. чадто г̇ад̇ийсу уббаад̣̇агагаммаааяуббамаан̣ад̣̇ассанавааро наама. сад̇д̇амо абхин̃н̃зяяаад̣̇ивааро наама. адтамо саарамман̣аанаарамман̣авааро наама. навамо д̇зсам̣ канд̇хаад̣̇ид̇хаммаанам̣ д̣̇идтасуд̇аад̣̇ивасзна сан̇г̇ахзд̇ваа д̣̇ассанавааро наама. д̣̇асамо гусалад̇д̇игаад̣̇ивасзна сан̇г̇ахзд̇ваа д̣̇ассанавааро наама.
978. Idāni tadanantare dhammahadayavibhaṅge pāḷiparicchedo tāva evaṃ veditabbo – ettha hi āditova khandhādīnaṃ dvādasannaṃ koṭṭhāsānaṃ vasena sabbasaṅgāhikavāro nāma vutto. Dutiyo tesaṃyeva dhammānaṃ kāmadhātuādīsu uppattānuppattidassanavāro nāma. Tatiyo tattheva pariyāpannāpariyāpannadassanavāro nāma. Catuttho tīsu bhūmīsu uppattikkhaṇe vijjamānāvijjamānadhammadassanavāro nāma. Pañcamo tesaṃ dhammānaṃ bhūmantaravasena dassanavāro nāma. Chaṭṭho gatīsu uppādakakammaāyuppamāṇadassanavāro nāma. Sattamo abhiññeyyādivāro nāma. Aṭṭhamo sārammaṇānārammaṇavāro nāma. Navamo tesaṃ khandhādidhammānaṃ diṭṭhasutādivasena saṅgahetvā dassanavāro nāma. Dasamo kusalattikādivasena saṅgahetvā dassanavāro nāma.
979. звам̣ д̣̇асахи ваарзхи барижчиннааяа баал̣ияаа батамз д̇аава саб̣б̣асан̇г̇аахигаваарз ‘‘авийжид̇о яаава бхаваг̇г̇ам̣ зд̇т̇анд̇арз гад̇и канд̇хаа’’д̇и бужчид̇з ‘‘згод̇и ваа…бз… жад̇д̇аарод̇и ваа чаад̇и ваа авад̇ваа бан̃жаад̇и вад̇д̇ум̣ самад̇т̇о ан̃н̃о над̇т̇ий’’д̇и ад̇д̇ано н̃аан̣аб̣алам̣ д̣̇ийбзнд̇о бан̃жагканд̇хаад̇и бужчаануруубам̣ виссаж̇ж̇анам̣ ааха. яат̇аабужчам̣ виссаж̇ж̇анан̃хи саб̣б̣ан̃н̃уб̣яаагаран̣ам̣ наамаад̇и вужжад̇и. д̣̇ваад̣̇асааяад̇анаанийд̇иаад̣̇ийсуби зсзва наяо. руубагканд̇хаад̣̇ийнам̣ бабхзд̣̇о канд̇хавибхан̇г̇аад̣̇ийсу вуд̇д̇анаязнзва взд̣̇ид̇аб̣б̣о.
979. Evaṃ dasahi vārehi paricchinnāya pāḷiyā paṭhame tāva sabbasaṅgāhikavāre ‘‘avīcito yāva bhavaggaṃ etthantare kati khandhā’’ti pucchite ‘‘ekoti vā…pe… cattāroti vā chāti vā avatvā pañcāti vattuṃ samattho añño natthī’’ti attano ñāṇabalaṃ dīpento pañcakkhandhāti pucchānurūpaṃ vissajjanaṃ āha. Yathāpucchaṃ vissajjanañhi sabbaññubyākaraṇaṃ nāmāti vuccati. Dvādasāyatanānītiādīsupi eseva nayo. Rūpakkhandhādīnaṃ pabhedo khandhavibhaṅgādīsu vuttanayeneva veditabbo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 18. д̇хаммахад̣̇аяавибхан̇г̇о • 18. Dhammahadayavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 18. д̇хаммахад̣̇аяавибхан̇г̇о • 18. Dhammahadayavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 18. д̇хаммахад̣̇аяавибхан̇г̇о • 18. Dhammahadayavibhaṅgo
